عشق ليليان 💥💕

129

-مهدي: هيا نروحو منا ... ( راح يبعدها عليه لصقت فيه كتر و محبتش تبعد )
- صوتها مغموم بالبكية اللي حاكمتها : مسمحتنيش ... مزلت زعفان
- جبدها عليه و يشوف مع وجها بصدمة : لحفتي تبكي؟ ... لالا منيش زعفان خلاص متبكيش يا روحي .. غير نبعدو منا رانا فباب القصر
- تبسمت و ماشية لجيهتها و تحكي بفرحة : اوكي هيا نروحو منا و مبعد نحكيو
- مهدي : ههههههههههههه
___________
- كامي : خرجتوني من الشركة و نتا راك واقف مع صاحبك
- عادل : ايه نوقف معاه و ضدك ... خامجة كيما نتي متستاهلش
- كامي : هههههه قتلي خامجة ؟ .. وين راح عادل اللي كان لاصق فكامي و عنيه قلوب عليها ... نسيت حبك ليا و نسيت العشرة اللي بيناتنا
- عادل : هههههههههههه من نيتك ؟ درك شفتي عادل ؟ درك عرفتي عادل لي عشقك من اول نظرة ؟ ... درك استعرفتي بحبي لي سنين و انا نحب نبينهولك ؟ ... ولا كي خلاك مهدي ؟ ... كنتي دايرتني احتياطي .. نهار كنتي تخليني و تجري ورا مهدي خممتي فعادل لي عشقك ... نحب نقولك اللي هديك كانت بكريييي بكري كنت معمي و قادر نوقف قدام ناس كامل على خاطرك ... مي درك خلاص وصل بيك الطمع تقيسي ليليان .. وشمن وجه عندك
- كامي بغش : مهدي لياااا ... لياا وحدي و دراهمو ليااا حتا هاديك المعفنة و ما تديهش مني و الليام بيناتنا
كوبات فوجهو العصب مكنو قلبو راح يتقسم جرحتو بزاف حبها و عشقها سنين و كان عندو امل تتبدل و تشوف معاه اما هي كانت طماعة و مزالت طماعة رمى التيليفون و يخمم كفاش يدير حابب يوقف مع صاحبو بصح معرفش كفاش ... علابالو مش راح تكملها على خير و تستسلم
رفد تيليفون يحكي مع مهدي مبعد عاود رجعو .. عارفو اعصابو تالفة و المرة هادي ممكن يقتلها و يباصي على جالها و هي انسانة متستاخلش تفسد حياتو على خاطرها
بعد ما فكر و فكر لقا الحل انو يحل امور الشركة فاسرع وقت و يرجع دزاير على الاقل يعسها
__________
-اب عبدو : راك تشوف ولدك وش راه يدير ... ولدي فالحبس و الشركة كان تبقا هكا تروح تفلس
- اب مهدي : تقدر تنزل صوتك و تهدر بسياسة ... مش غير نتا الخاسر .. حتى حنا خسرنا