عشق ليليان 💥💕

148

- عادل : اتكالماي ... منيش عارف باحوالو ... قولي وش صرا ليليان خلعتيني بزيادة ... ( بدا صوتو يعلا و التوتر يبان عليه ) ... اهدريييي بش نفهم
- ليليان : اوكي اوكي ...
حكات ليليان وش صرا بالتفصيل و تنعتلو فتيليفون ... ليزابال و الميساج ...
- عادل : كفاش يدير هكدا ... راني حاير ....
- ليليان : حتا انا حايرة و القلق كلاني ... يكون خلاني و راح ؟؟ ...
صوتها يعلا و قفت و تهدر بصوت مخلط بالبكية متقطعة من شهقاتها
- ليليان : ... خلانييييي اااه قول عادل نتا صاحبو و علابالك ... راح و خلاني ... مبقاش يحبني ... هو لي بعتك هنااا قالك تجي تواسيني ولا تديلو اخبار حالتيييي .. عادل حسبتك كيف خويا عيشك قولي صصح ... متخبيش عليا ...
طاحت فاللرض يديها على ركايبها ... تشهق .. تمتم بصوت غالب البكا
- ليليان : راح ... راح مرجعش ... وينك .. مهدي.. ارجع منقدرش نتحمل
عادل يشوف فيها و فهم قداش تحبو .. شفتو حالتها ... ما لقاش وش يدير ... اصلا مهوش مستوعب لي صرا ... علاش مهدي اختفى ... كان جات عندو خدمة راهو عرف ... غرق فدوامة و هو يشوف معاها ...
فاق على الوضع غير كي سمعها تمتم باسم مهدي ... ناض من بلاصتو وقفها عاود قعدها على الفوتاي ...
- عادل : ليليان ... مهدي مستحيل يخليك ... ( حركها من كتافها بش تشوف معاه ) راني نقولك ما يخليكش .... صاحبي و نعرفو كان حب يخليك ولا يلعب بيك راح يقولهالك فوجهك مش راح يهرب هكدا ... مهدي يحبك لدرجة ما تتصوريهاش ... راني متاكد من وش دار على خاطرك ....
- ليليان : حتا انا نحبو ... قول نتنفسو ... نعرف مش راح يخلف وعدو و يخليني ... اماا ... اماااا وين راح ... وش صرالو. .. شوف ساعة شوف .... راهي قريب 5 سوايع تيليفونو مغلوق ...
- عادل : بلاك دار اكسيدون
- تحلو عينيها على وسعهم : كفاش .. اكسيدون ... ما فكرتش فيها انا هادي ... وين راح نلقاوه ؟؟
- عادل : درك نروح لابوليس نسقسي كش اكسيدون هنا على مستوى الولاية ... راح نعرفوه على الاقل من طوموبيل
- ليليان : ايه ... ( وقفت و رايحة جيهة الباب ) ... هيا نروحو درك ....