عشق ليليان 💥💕

53💕

- مهدي : آخر مرة تجي معاي
- ليليان : كفاااش ... وش راك تهدر ... علاه
- مهدي : راكي تحاسبي فيا ؟ .. انا هو مديرك و انا نقرر وين تروحي وين تجي
- ليليان فهمتو حبت تستفزو : اوكي .. كيما تحب ... بصح نصارحك الخدمة معاهم رووووعة
- مهدي حبس الطوموبيل و شاف معاه و عينيه راح يقتلوها : انزلي
- ليليان : مهد...
- مهدي : انزليييي
نزلت ليليان و خبطت الباب و كملت تمشي على رجليها .. مهدي خبط الفولون و بقى يتبع فيها بعينيه
- اووووف اوف وش راني ندير .. راني نبعد فيها عليا كتر
يمشي بالطوموبيل فجنبها و يحكي معاها من داخل
- ليليان احبسي .. راني معاك احبسي و اطلعييي ... ما تخلينيش ننزل ليك ... ليليااان
ليليان مش معبرتو غاضتها كفاش نزلها و عيط عليها .. نزل ليها و كركرها من يدها و ركبها ... عاود رجع لبلاصتو و هي مدورة وجها عليه
- تقدري تفهميني علاه مقلبة وجهك
- ......
- نتي لي استفزيتيني نعيط عليك و نزلك
- ......
- مهدي بدى يتنرفز كتر : نهدر معاك جاوبيني
- باي صفة راك تحاسب فيا ... ولا نقولو تغير عليا
- تبسم : مممم بنت عمي
- هههههههههههههه ... ماكنتش علابالي ... العابها بعيد هادي ... واحد ماراه حاسبني من العايلة .. تجي نتا تقولي بنت عمي و نأمنك
- تبسيمة على فمو : خممي كيما تحبي ... بصح ماكيش حرة و ديري الي تحبي ... حطيها مليح فراسك هادي
سكتو في زوج ... ليليان فرحانة من جيهة خوها الي رايحة تشوفو و من جيهة حبيبها الغيور ... كملت خدمتها و ستنات مهدي يروح و مبعد تروح هي بش ما يشوفهاش ... شافتو خارج من بيروه حطت راسها فالاورق .. كي شافها حب يقولها تروح ولا يديها معاه
- ليليان هيا تروحي من صباح و نتي هنا ... نوصلك معاي ؟
- ااه مرسي مسيو .. مزالي شوي خدمة برك و نخرج
- اوكي
مهدي راح و هي هزت ساكها و خرجت وراه ... لقات طوموبيل كيما قالها كريم .. حبت تتاكد لكان هيا .. قبل ما توصل شافت كريم فطوموبيل ركبت بلاما تفكر .