عشق ليليان 💥💕

💕62😘

بعدما خرجت كمل يتبسم و فرحاااان دقات قلبو يتسمعو ... و عجبتو حشمتها و قلة الخبرة .. كيما معروف الرجال يحبو الطفلة اللي تحشم و مش مجربة اما مش كامل .. رقد مهدي و هو فرحاااان
صباح جديد على ابطالنا ... ليليان خرجت بكري قبل ما يشوفها مهدي مزالت حاشمة منو و مش قادرة تشوف فيه سبقتو للبيرو .. كي ما شافهاش فالفطور فهمها هارية منو بصح وين تروح تقعد معاه نهار كامل ... خلص فطورو و راح للشركة دخل لبيروه بلاما يشوف معاها .. دخلت موراه مدتلو قهوتو و هدرت على الخدمة كي العادة و خرجت من غير ما تشوف معاه حتى ... مهدي كان شاااايخ
_____________،
- سالم : الو
- اسامة : الو جدي صافا؟
- سالم : شكون معاي ؟
- اسامة : اووو سي سالم ما عرفتنيش انا حفيدك العزيز اسامة
- سالم : وش تحتاج ... وش راك ناوي ... نعتلنا شطارتك
- اسامة : ما تخاااافش ناعتلك شطارتي .. لازم نستعرض قدراتي
- سالم : علاه عيطت هات المفيد
- اسامة : ليليان ... شوف بش نتفاهمو ليليان ما علبالها بوالو ... ننصحك ما تقيسهاش ... و خلي اللعب بيناتنا و ما تخافش مزال ما تعرفنيش
- سالم : ههههههههه بلاك تحسابلك بيبي و نأمنك
- اسامة : كيما تحب انا قلت و نتا امن ولا اقعد فاللخر نتا الخاسر و اني قتلك تصرالها حاجة ندمك .. كوبا عليه
- ابتسام : و زعما يامن ؟
- اسامة : ايييه يامن ... لانو ببساطة راح يفكر اني نجيبها عندي و هي مستحيل تبقا عندو كان لقاتني
- ابتسام : بصح اسامة ... ماكش حاسس انو ظلمة ليليان ... يعني لازم تريحها درك
- اسامة : لالا ... رانا كامل مظلومين لازمنا ننتقمو و راكي عارفة الخطة تاعي بنيتها على اساس ليليان تبقى معاهم ... و انها تكون سكريتير مهدي ساعدنا بزااااف
- ابتسام : ماكش تشوف انو مهدي و ليليان مقربين بزاف .. يعني قادرة تكون تحبو شوفاتها ليه ماهيش عادية ... و هكا راح تتظلم هي و هو ... و راك عارف انو مهدي خاطيه ... يعني سالم و عمومك هوما اصحاب المشاكل ... علاه راح تتسببلو فضرر كبير
- اسامة : مستحيل نخلي ليليان دير حاجة معاه ... و حتى انا و ختي ما عندنا حتى ذنب بصح تعاقبنا ... اييمالا هوما تانيك لازم يتعاقبو بالواحد .. و بلاكي تقولي قدام ليليان انو مهدي بريئ راح تتراجع و تفسدلنا كلش
- ابتسام : حبيبي راك تغلط ... نشاله ما تندمش على وش راك دير و نكون انا الغالطة