عشق ليليان 💥💕

💕6💕

- مزال مسمعتيش الباقي ( تبسم ) .....راح تكوني سيكريتار تاع مهدي
مهدي ظحك: ههههههههههههههههههه و الله كملت اللعبة ( شاف معاها ) نعڨبو وقت هايل مدموزال ليليان هههههههههههههههه
ليليان تحطمت مش قادرة تتحمل اكتر هوما يظحكوا و صوتهم مالي القصر و هي تسمع غير فوجيعة قلبها الخبر الاول فرحها بش تخدم وش هي حابة ..ليليان خلصة قرايتها و تعتبر مهندسة معمارية سي سالم كان حارمها تخدم مهندسة و هددها ...ماشية جيهة الباب و مش سامعة وش راهم يقولو حست بالوحدة نار شاعلة فيها بركان هايج في داخلها ... مستحيل يكونو اهلها مستحيل عندهم نفس الدم .. حطمولها حياتها حطمولها روحها .. طفولتها عاشتها عداب و حرمان .. كرهت من الدنيا على صغر سنها نقمت على الدنيا ..
تمشي فالطريق متعرفش وين رايحة فاقت على وضعها شافت يمين و شمال الطريق فارغة و ضوء القمر مضويها طاحت على رجليها و طلقت دموعها لي هبطت كيف الشلال .. ليليان طفلة قوية من الخارج و ضعيفة داخلها متخليش عدوها يشوف ضعفها اما كيف تبقى وحدها تستسلم لدموعها و المرة هادي الضربة كانت قوية ... محتاقرينها فمنصب عادي مدير تنفيدي كانها مش واحد من الورثة و يزيدو يهينوها بسيكريتار ..... تبكي و تشوف مع نجوم السما بكيتها ولاة شهقة من شهقة تحولت لشهقات نفسها يتقطع هزت روحها من القاعة تمشي لجنينة على جنب الطريق قعدت على كرسي طلعت رجليها و ضمتهم ليها و كملت تبكي... اهئ اهئ علاش ا ماما و بابا علاش خليتوني وحدي اهئ اهئ ارواح ا بابا دافع عليا قلهم الي بنتك معندهاش دنب اهئ اهئ الدنيا ظلمتنيي و عبادها يعدبو فيا اهئ اهئ اهئ يا ربي عاوني خليني قوية صبرني حتا يجي لي يتزوج و يخرجني من هاد الحالة ههههههه شكون يتزوج ببنت غير شرعية حتى ليحبيتو كيما هوما اهئ حتى قرايتي و مخلاونيش نخدم بيها مسحة دموعها ب كفوف يديها .. شافت الساعة لقاتها نص اليل تبسمت على جنب و قالت .اااه يا لبليان نص ليل ولا الفجر شكون يخاف عليك و يسقسي عليك ... هزت روحا تكركر فرجليها لدار
هو يظحك و يشوف فيها خارجة من الباب قلبو تحرك حس بحاجة غالطة باقي يشوف معاها حتى راحت طلع لشومبر تاعو دخل للبالكون قابل باب القصر و يعسها يسناها حتى ترجع ... قاعد على الكرسي و يفكر علاش دار هكاك علاه ظحك و جرحها بالكلام هو دارها بش يرضي غرورو و كبرياؤو ينفد في انتقامو ..اماا علاه ينتقم منها ؟ خاطر قاتلو الكلام هداك نهار اكسيدون !! لاااا الكلام هداك ما يستاهلش وجيعة هاديك الكل .... يمكن خاطرها بنت غير شرعية دمرت حياة عمو و نحس و عار لعايلتهم !!! ..