عشق ليليان 💥💕

😍93😍

- مهدي : اوكي اتكالماي ... كي ولينا فطفل انا لي نشوفو ارقدي درك و غدوة نكملو نحكيو
- ليلي : اوكي
راحت طلقت روحها فوق السرير و هو بدل حوايجو لبس شورط و تريكو خفاف و راح رقد قدامها جبدها ليه ظهرها فصدرو كانت فاطنة كي حست بيه حكمتلو يدو و رقدو مع بعض
____________
- اب مهدي : شفتي وش راهو يدير ولدك اي عندو راقدة
- ام مهدي : اني نشوف ... دارت بيه راهي طامعة فيه
-اب مهدي : غدوة نحكي معاه
__________
-كامي : وي عبدو وين راك .. نجيك درك نتفاهمو غدوة نبداو ... اوكي
_______
صباح جديد على ابطالنا ... فاقو متحمسين للنهار الجديد ... بالنسبة لليليان راح تحكي مع اسامة و يصرا لي يصرا ... مهدي قرر يلعب دور المرهم فحياتها مش راح يزيد عليها راح يعاونها توقف على رجليها و تبني شخصيتها لازم تتعلم تعيش و دافع على روحها .. فاق لقاها راقدة خرج كي العادة فوتينغ على الصباح رجع و هي راقدة محضنة المخدة ( والفة حياة الجفاف العاطفي 😂😂 ) راح للدوش ... ليليان فاقت سمعت حسو فالدوش راحت لشومبرتها حتى هي دارت دوش لبست حوايجها ( التصويرة ) نزلت للفطور ... تاكل و تسنى فيه ينزل عينيها على الدروج .. حتى شافتو ارتاحت مهدي غمزها و راح قعد في جنبها يهدر بشوية
- صباح الخير .. اكي مليحة ؟
- صباح النور .. لباس
كملو يفطرو كامل ساكتين حتى هدرت ام مهدي و هدرتها مكنتش متوقعة
- ام مهدي : كامي بنتي وش نتي و مهدي اموركم مليحة ؟
مهدي شرقتلو الماكلة هز كاس ما شربو .. ليليان حافظة على هدوئها تلعب بالكاس و مهبطة راسها تستنى فجوابو .. كامي تبسمت
- كامي : لباس طاطا
- مهدي : خير يما علاه سؤال هذا
- ام مهدي : والو وشيا تقلقت عليك يا وليدي حابتك تزوج و نتهنى عليك .. و ما عندك ما تخير على كامي بنت عايلة و متربية و اهم حاجة سمعتها مليحة اك تعرف كترو بنات الحرام هاد الايامات ( شافت مع ليليان )