عشق ليليان 💥💕

143

ناض الصباح لقاها راقدة جنبو و غاااااطسة .... باينة مش بالساهل يفطنها ... يعدي فيدو على شعرها و يهمس فودنها
- مهدي : حبيبيي .... نوضيي
- ليليان : .....
- مهدي : ليليييي
- ليلي : اممم
- مهدي : هيا حبيبي راح الحال راهي 9
- صوتها مغموم و النوم غالبها : خليني نزيد شوييييي
- مهدي : نوضي نقولك خبر
- ليلي : قول و انا راقدة
- مهدي : امممم ... غدوة رايحين لامريكا
مع سمعت هدرتو حلت عينيها على وسعهم و ناضت قعدت و ربعت رجليها و الفرحة باينة من عينيها ... مهدي تخلع فيها كفاش ناضت ولا غير يظحك
- ليلي : يوووو و انا ملمييتش حوايجي على قداه طيارة ؟ ... اووف منك مهدي علاه مقتليش من قبل ... و مرووووة ما قتلهاش ما ودعتهاش .... درتها بيا مهديي راح تخطفني و ما نشوفش صحبتييي ....
- من لي كان يظحك حبس الظحك و باقي يشوف معاها تقدرو تقولو راح تشلو بتخمامها هههه : اششششش .... قتلك غدوة مش درك ... يعني تقدري تلمي حوايجك ...و تشوفي صحبتك و يفضال الوقت
- تحك فشعرها و تتبسم : اااه صح مزال بزاف وقت ... زدت فيها شوية !!!!!
- مهدي : هههههههههههههه زدتي فيها بزاااااااف
- ليلي : ما تلومنيييش ... منيش مهدي بن جابر لي تجيه الماريكان كي الريح ... هههههههه جديدة عليا انا اللقطة هادي
- مهدي : ههههههههههههههههه و الله مهبولة ... هيا نوضي افطري و نلمو حوايجنا ... و مور الفطور نديك عند مروة ابقاي معاها انا نروح نفري امور و كي نخلص نرجع نديك
- باستو على خدو : اوكي حبيبي .... ( خلاتو فالفراش و راحت لسالدوبان تاع شومبرتها )
حتى مهدي ناض غسل و نزل لقاها نزلت قبلو و طيب فقهوة ... فطرو مع بعض و كل واحد طلع لبيتو يلم حوايجو