عشق ليليان 💥💕

126

-مهدي : وي كامي ... عندك وقت ؟ ... اوكي نتلاقاو ... نص ساعة نكون تما
قطع و نزل تيليفون هز عينيه يشوف معاها ... قاعدة مقابلتو كانت هازة فنجال القهوة نزلتو من يدها ... عينيها مفيكسيين عليه ... تسمع فيه يهدر معاها و ناويين يتلاقاو ... تفكيرها راح لبعيييد ... كي هز راسو و شاف معاها قبل ما يهدر ولا يدير اي ردت فعل وقفت و رايحة ... زرب وقف وراها و جبدها ليه
- مهدي : ليليان ما تفهميش ااحكاية بالغالط راني حكيت معاها قدامك
- ليليان : حابب تشوفها .. روح شوفها علاه مزالك واقف هنا ( بالعياط )
- مهدي : وش راكي تخلطييي ... علابالك علاه رايح نشوفها و زيد تروحي معاي و تشوفي كلش بعينك
- ليليان : نروحش منشوفهاش اتهناو مع بعضاكم
- مهدي قلقتو و استفزتو بزاف هادا كامل على خاطرها و دير هكا طلقلها يدها و فاتها طالعة لبيتو .. يهدر بلاما يشوف معاها : 5 دقايق تكوني واجدة ... و مكانش نقاش
- ليلي : اوف اووووف وش درت انا درك ...
طلعت تجري لبيتها لبست و فرزت روحها و خرجت لقاتو نازل بعد فدروج و هاز دوسي يقرا فيه ... مشافش معاها حتا و ماشي خارج تبعتو من فم ساكت ... وصلو لبلاصة كالم طل على البحر كانت كامي واقفة قدام طوموبيلتها ... غير نزل مهدي راحت ليه تجري عنقتو
- كامي : مهدوشيي توحشتك ... هكا دير و متسقسيش علياا .. علابالي حتى نتا تواحشتني
ليليان تنحي فسانتوغ شاقتها كفاش ترمات عليه باقية مصدومة و غير تستنى فردة فعلو حست النار شعلت فيها ... شافت مهدي كفاش بعدها عليه قريب جابها طايحة ... نزلت و قدمت بش تسمع مليح
- مهدي : بلاكي تعاودي تحطي يدك الموسخة عليا .. و مجيتش هنا على زينك .. رمالها دوسي فوجها
- كامي : وشيا هدااا
- مهدي : افتحي و اقراي و سينيي و احسنلك تكون متعاونة و تسنيي بزربة لانو راح ندير لي حاب عليه برضايتك و بلا بيها
- تقلب فالورق و تقرى .. هزت راسها تتبسم بخبة و تحكي : علاش هادا كامل ... متقوليش على جال وحدة كيما هادي تستغنى عليا بالسهولة هادي
- مهدي : ميهمكش الاسباب و ليليان متزيديش تجبدي سيرتها على لسانك ... درك خفي معنديش الوقت كامل ليك