عشق ليليان 💥💕

137

- تهدر و غصة فصوتها : حبيت نروح ... نشوفو برك
- عزت بيه هدر بصوت مهزوز : و ما تضعفيش ؟ ... متبكيش قدامو ؟ ... متخليهش يشوف ضعفك لانو ما يستاهلش
- حركت راسها بزربة لفوق و تحت : منبكيش ... راح نكون قوية
- مهدي : اوكي حبيبي نشاالله تكوني عند كلمتك ...
كملو نهارهم فالدار مهدي .. من الدار ميخرجش غير يقعد معاها ولا يكون يخدم ... كان قاعد فالصالون و يخدم على مشروع فشركتو .. و هي قدامو و تتفرج .. شاف معاها و نحالها التيليكوموند من يدها
- مهدي : مزلتي حابة تحققي حلمك و تكوني مهندسة كبيرة ؟
- ربعة رجليها و جاوبتو بلهفة : ويي مزلت و زدت حبيت كتر و كتر خاصة انو مبقاش شي يمنعني
- مهدي : تعرفي بلي درتك مساعدة تاعي فالشركة و متدربة بش تتعلمي ... مي اكي تشوفي
- نزلت راسها بحسرة : ايه .. شفت زهري
- مهدي : بصح ... ( بقا ساكت ... ههههه التشويق ياو ورثتوووو عقليتي )
- ليلي : بصح ؟؟؟ ... كمل شبيك تشوف معايا هكا
- مهدي : انا عندي شركة اخرى يعني منيش عاجز بش ندربك ... و انا المهندس ..
- ليلي : ككمممممل شبيك ديرلي هكااا
- مهدي : هههههههههخ يعني راح تكوني متدربة تاعي ... و مش بزاف و تتعلمي و في عام تكسبي خبرة ... و كان قدرتيلها و حققتي النجاح اللازم .. راح تكونيي شريكتي ... يعني راح تادي مشاريع ليك وحدك و تاسسي اسمك الخاص ...
قبل ما يكمل هدرتو قفزة عليه فقد توازنو طاحت عليه و هي محضناتو و تظحك بالصوت ولاو في زوج يظحكو
- ليلي : نحبك نحبك نحببببك
- مهدي : هههههه نعشقك يا روحي
- ليلي : ربي يخليك لياا يا عمري
- مهدي : و يخليييك ... و كان تبقاي هكا تخنقيني و يروح مهدي
- ليلي : ههههههههه نلحقوو عادييي
- مهدي : و درك شوفي وش راني نخدم و اتعلمي شوية و اعطيني رايك و كش اخطاء نصححلك و هكا كل مرة حتى نروحو لماريكان و تبداي فبيرو تاعك
- صفقة بيديها : ياااي روعة روعة ... هيا نبداو متحمسة بزاف
- مهدي : ههههههههه