عشق ليليان 💥💕

💥52💥

- ابتسام : حبيبي نتكل عليك ... ( باستو على خدو و دبلت عينيها ) .. اسومتي
- اسامة : روحي
- ابتسام : جعععععت .. هيا تفطر معايا ما نعرفش ناكل وحدي
- اسامة : ههههههههههههه هايا قبل ما تاكليني
- ابتسام : اسامة ... ( شاف معاها يعرفها كي تقولو اسامة معناتو الهدرة جدية ) ... و ليليان
- اسامة : منييش ناسيها راح نشوفها فاقرب وقت و نفهمها كلش و تكون عرفتني البارح .. على حساب وش قالت للصحافة راهي تسنى فيا
- ابتسام : اوكيي ...
___________
نهار جديد على ابطالنا كيما العادة الوجهة الشركة .. بعد ما دخل لبيروه لحقتو و فيدها بزاااف دوسيات و قهوة .. حطتهم على البيرو
- ليليان : هادو كاامل لازم يتدققو قبل ما نبداو فالمشروع الجديد ... انا شفتهم تقدر تعاودهم لا حبيت ما فيهم حتى غلطة ... و الموقع مور الفطور نروحو نشوفوه ... و لازم تكون حاضر لانو مسؤولسن من LO حاضرين ... وصلتنا تاني من الفرع اللي حاكمتو سلمى .. مراهيش تبان و كاين حوايج بزاف ناقصين لازم هي تسينيي بش يكملو الخدمة ...
- مهدي : اوكي ... تعيطي لبابا و تخبريه يجيني ...
خرجت ليليان و دارت وش قالها .. وصل الوقت الي يروحو فيه للموقع و هي فرحانة بش تشوف خوها ... ركبت مع مهدي و هو يشوف فيها فرحانة
- مهدي : كاشما كاين ؟
- ليليان : والوو
راحو لموقع .. ليليان تبع ف مهدي و تشوف بعينيها تحوس على اسامة .. شافتو من بعيد ارتاحت وصلو .. بداو مهدي و اسامة يدورو من بلاصة لبلاصة و ليليان و كريم وراهم
- كريم يهمس ليليان الي تايهة فاسامة : نزلي عينيك راح تفضحينا
- ليليان شافت معاه شوية مبعد حركت راسها بمعنى ايه
-كريم : كي تخلصي الخدمة تلقاي طوموبيل تستناك اركبي و ارواحي
- ليليان : اوكي
كملو خدمتهم و ليليان كل مرة تشوف مع اسامة .. حتى اسامة مرات يشوف معاها .. مهدي انتابه ليهم و معجيوش الحال ... يتحلف فيها و يعاود .. هوما راجعين للشركة و مهدي على اعصابو يحب يبهدلها بصح باي صفة يبهدلها ..