عشق ليليان 💥💕

116

اكيد راكم تتساالو على الاحوال فالقصر ... الانسان اللي كان متوقع يدير المشاكل سالم مدار والو ... استسلم قدام حب مهدي و ليليان ... خاف يعاود الماضي و يدمر حياة حفيدو ... على هادي قرر بنسحب و يخلي الامور تمشي وحدها
بالنسبة لام عبدو و اب عبدو .... حسو انهم خسرو هدفهم و اللي هو الدراهم لانهم يعرفو خشونة راس مهدي و وش يقدر يدير اسامة ... يعني فكل الاحوال ادا كان عدوهم مهدي او اسامة راهي انقطعت احلامهم ... مخطط اللي كانو متاملين بيه انو تكون سلمى مع مهدي و يربحو كل الورث راح من نهار راحت سلمى .... سلمى كانت حكات لامها وش قالها مهدي و هدا اكيد بعد ما عرفت انو كامل العايلة على علم بعلاقة مهدي و ليليان ... يعني مستحيل تكشف السر هي لانو تخاف مهدي
بالنسبة لعبدو لي ناقم على مهدي و غاير منو ... و تاني يكره اسامة و حاسدو ... مزالو يستنى فالفرصة بش ينتقم و ميعرفش اللي هو خلاص ضيعها ..... و راه تستنى فيه مفاجئة من عند مهدي ... تكونلو صدمة و الضربة اللي تقضي عليه .. و نتخلصو منو على الاكيد
ام مهدي و اب مهدي .... كانو متفائلين انو وليدهم يحقق نجاحات كبيرة .... كانو يستناو يطلع من شان العايلة .... ام مهدي انسانة زواخة و قدام ناس تفتخر بولدها ..... على اساس كانت ناوية يتزوج بكاميليا او باي وحدة من معارفها .... صحاب المال و البرستيج .... اما مهدي حط حد لاحلامها .... يمكن يكون ينفد كل اوامرها و هدا واجب عليه لانو ولدها .... بصح بش تبعدو على حب حياتو في خاطر البريستيج و القيل و القال ... مستحيييييل يقبل ..... اب مهدي كانتلو الصدمة انو مهدي يكون مع ليليان لانو خاف من هدرة الناس .... مكانتو بين رجال الاعمال و الكبارية تهتز .... على اساس ولدو يحب بنت عمو بنت الحرام
كاميليا ..... كانت كل دقيقة تنقم و تكره ليليان اكتر .... الغيرة بش تقتلها ... و حبها المزيف لمهدي ... المبني على الطمع ... حب المال و المظاهر .... كان تحدي بالنسبة ليها انو تحقق كل طموحاتها و تكبر من مكانتها على حساب مكانة مهدي ... لكن الشي اللي متعرفوش انو نفس الانسان راح يحطمها و يرجعها لنقطة الصفر ... كيما طلعها لاعلى المستويات
اسامة .... كان فصراع .. بين اختو ريحة والديه .... و انتقامو لوالديه .... و حبيبتو اللي يشوف فيها يائسة ... و كامل بسببو هو راهو مقصر معاها ... قرر يمد الفيديو اللي عندو تاع عبدو للبوليس و يتحاسب ... هكا ممكن يريحها من جهة
ابتسام ..... كانت تفتقد لاسامة اللي عرفتو من قبل .... تشوف فيه تبدل ... خايفة يكرهها و يبعد عليها .... كانت مصبرتها شوفتو فكل وقت ... حبت تتهنى و تخلص الحكاية لانو تعبت