عشق ليليان 💥💕

😍89😍

- عادل : شوف صاحبي كامي حكاية فارغة معندها وين توصل المرة الجاية قولها بلي ما تشوفش معاها ... بصح الحكاية الاخرى ننصحك متظغطش عليها خليها فراحتها
- مهدي : راك عارف وش تقول ؟ .. وش قيمتي انا كي ما تقوليش
- عادل: مهدي نتا علابالك الطفلة وش عانات ما تزيدش عليها و كي تروح تراضيها راك فاهم ؟ ... خليها منين تحب تحكيلك تحكيلك و نتا اخدم خدمتك مع كمال و حتى كان حكالك كمال اتونسيون تقولها بلي راك تحوس موراها مش راح تعجبها
مهدي باقي ساكت .. عادل زاد حيرو و دخلو بعضاه من جيهة عندو حق لازم يوقف معاها مش يظغط عليها .. جاب مدة و هو قاعد فالبيرو و يخمم شاف الساعة لقاها 22:00 راح الحال و هو ما شافها متا حكا معاها خلاها غضبانة منو ... عارفها تبكي و تسهر تسناه و مش راح تاكل هز مفاتحو و خرج يجري ... ليليان بعد ما خلاها مهدي جاتها هستيرية تاع بكا ما قدرتش تحبس حتى بعد مدة طويل هدات قعدت فوق السرير و حاكمة التيليفون تشوف معاه
- ما حوسش عليا و ما جربش يراضيني ميساج برررررك ... لازم نحكي مع اسامة .. عيطت لاسامة و يديها يرجفو قلبها راح يحبس كفاش تقولهالو
- اسامة : ليليان درك وين تعيطي وين كنتي من البارح .. قلبت الدنيا و نتي ما رفدتيش التيليفون و حوستي
- ليليان : درك درك نقولك
- اسامة : اهدري هيا
- ليليان : ااااا كنت كنت ممع
- اسامة : مهدي
- ليليان بلعت ريقها : ا..ايه
- اسامة : وش كنتي ديري معاه ... جاوبي وش كنتي ديرييي ... خدمة ولاااااا
- ليليان تخلعت كتر مش راح تقدر تحكيها كفاش تقولو مش راح تتجسس : لالااا لالاااا
- اسامة : ليليان اهدري وشبيك ساكتة راح نفقد اعصابي من سكاتك هدا
- ليليان : خدمة خدمة .... خرجتا من المدينة و ما قدرتش نرظ عليك الوقت كامل كنت مظغوطة
- اسامة : مممم وشمن خدمة ؟ .. الصفقة الجديدة لي قتلك عليها !!!
- ليليان : نون مشي هي ... قتلك مهوش يقولي
- اسامة : متسنايهش يقول ... نتي اعرفي وحدك
- ليليان : اسامة لازم نشوفك .. عندي وش نقولك