عشق ليليان 💥💕

💕11💕

- سالم: وش رانا نتمسخرو هنا ؟ .... راكم طولتووو .. عام و انا نسنا فيكم ... في يدك سمانة ما تمدليش المعلومات عليه انسى عايلتك
قطع عليه و رما التيليفون على الفوتاي : مكانش لي يخدم حاجة تفرح
اب عبدو : عرف يلعبها مليح و يكون عرف الحكاية عليها ولا ما يبانش.. الخوف كون يوصل لينا قبل ما نوصلو ليه
- سالم : اووف اوووف ... لازم نراقبو ليليان اكيد يجي يشوفها
__________________
- مهدي : اوكي متفاهمين
- ليليان : ( بالروسية اكيد ) مسيو موافقين
وقف المستثمر مد يدو لمهدي .. وقفو بادلوهم السلام
- نتلاقاو فاقرب وقت و نتكلمو فباقي التفاصيل
ترجمتلو و رد عليهم .... مشى المستثمر قعد يكمل فطورو رجعت هي قعدت شاف مع الصحن لقاه معمر
- علاش مكيش تاكلي
- ااه.. ما ناكلش البدنجان ... عندي حساسية منو
- و درك بش تهدري ؟ ...( وقف ) هيا نروحو ريسطورون اخر
- معليش مسيو معندناش وقت بزاف لازمنا نروحو لموقع المشروع نشوفوه ... ناكل حاجة خفيفة فالطريق برك
- اوكي .. مشى لطوموبيل و هي موراه ركبو و قلع.... ساكتين و هي تستنا فيه يسقسيها على صحتها على اي حاجة المهم يحكي معاها ..
- مهدي في قلبو : هادي باينة دايمن ما تاكلش هكا عليها داخة البارح .. اووف وش دخلني فيها ...
وصلو لموقع نزلو دار دورة خلص خدمتو و طلعو فطوموبيل رايحين للشركة .... شافت الساعة فيدها لقااتها 15 - اوووف وشيا هدا نخدم نهار كامل و ما ناكلش و زيد روتار على النادي ..شافها مقلقة
- غير الخير. .. كشي مشكل ؟
- ااه ... ااا ... لالا مكن.... والو ... تقدر تحبسلي هنا !!
- علاه تحبسي هنا رانا رايحين للشركة مزالة الخدمة كاينة... كشما عندك وين تروحيي ؟
- لا لااااا مش هكدا ... اااا ... حبية نحبس هنا نجيب سوندويتش و نلحق للشركة ....( اخااه قريب فاقلي انا حمارة )
هي تحكي مع روحها و هو حبس على جنب الطريق
- انزلي جيبي وش تحبي و ارواحي نوصلك معايا
نزلت من طونوبيل و هو يتفرج فيها جابت بسكوي و 2 عصير و رجعت هيا رايحة عندو و تلفون نوقز .... شافتها مروة ...حبست قريب لطوموبيل و هو يشوف فيها بصح ما شافتوش
- الو
- ليلي وين راكيي ... صافا ؟
- وي مروة لباس ما تخافيش ... منيش جايا
- علاش ما تجيش ... صباح حكالي امين مزلتي مريضة؟
هزت راسها لقاتو يشوف جيهتها خافت يبهدلها كي طول راحت تجري طلعت و كملت تحكي
- الو ... وي لباس ريحت .. راني مع الخدمة بزاف هاد ليامات عليها
- ااا .. اوكي حبيبتي .. او يسلم عليك امين و قالك تخلصيها غالية ههههههه
- ليليان تضحك و مهدي يشوف معاها و غايس فيها : اوكي قوليلو يرحمني نعوض نشاله
امين : اضحكييييي عقابك كبير
- هههههههههههههههههه ماعليش امين من عندك عسل