عشق ليليان 💥💕

146

- وي مسيو
- مهدي : خليه يدخل و زيد افتحلو الباب داخل و كشما احتاج وفرلو اعتبرو كيف خويا
- حاضر
كوبا عادل التيليفون و تبسم لسي حسان ... اما سي حسان فوجهو باقي مقلوب فتحلو الباب بالتشناف و رجع قعد فبلاصتو
عادل دخل للدار طلع فاليز تاعو يحوس على شومبرة مهدي ... فتح اللولة كانت تاع ليليان ... عرفها خاطيه يفهم ستيل لي يحبو صاحبو غلقها و عاود فتح لي مقابلتها ... دخل فاليز و دخل للدوش دار دوش حفيف جبد حوايجو لبسهم و رما روحو فوق سرير و رقد
_____________
يحكيو و يظحكو حتا سمعت تيليفونها هزتو لقاتو ميساج
" rani 9dam bab okhriji "
تبسمت ... شافت معاها مروة
- مروة : واش جا حبيب القلب !!
- ليليان : ايه جا هههههه
- تعمرو عينين مروة بدموع : اوكي ارواحي نحضنك لآخر مرة
- ليليان تتبسم و الدموع نازلين من عينيها : راح نتوحشك
- مروة : حتا انا .... هيا خلاص حبسي دموع ... ( مسحتلها دموعها ) ... هيا نخرجو مع بعض حتا انا نروح نروح
خرجو مع بعض قدام الباب ... ليليان وققت و تشوف من الجيهتين
-مروة : وشبيك ليلي ... وين راه مهدي !!
- ليلي : منعرف ... قالي راه هنا قدام الباب
- مروة : مكانشو ... ( راحت سقسات واحد واقف فالباب تما ) ... شوفي قالي جات درك طوموبيل ******** حبست مامبا دقيقة و راحت بعد
- ليلي : ايه هو مهدي ... طوموبيلتو ... اووف وين راح
- مروة : عيطيلو
رفدت تيليفون تعيط عليه يصوني و ما يهزش قريب 20 ابال و ما هزش عليها ... بدات تخاف .. مش مالف هكدا ... مهدي من اول ابال يرفد عليها ... تلمو دموع فعينيها
- ليلي : وشبيه ما يرفدش ... مروة بديت نخاف
- مروة : ما تخافي ماوالو ... شوفي اكيييد جاتو كش خدمة ولا ... تعرفي راكم غدوة رايحين سور راهو يفرز فالامور ... ما تبكيش ليليان
- ليلي : و علاه ما يرفدش كون حتا يقولي
- مروة : شوفي بلاك تلهااا ما تتسرعيش ... درك روحي لدار و اسنايه تما راح يعاود يعيطلك ولا يروح ديراكت لدار
- ليلي : اوكي ... درك نروح .. باي
- مروة : و قوليلي وش يصرا ... باي