عشق ليليان 💥💕

158

-عبدو : مرحبااااا ... خير ما جابك
- اسامة : و علاه نتا ناس يحتاجوك فالخير ؟
- عبدو : هههههههه ... هات من اللخر
- اسامة : كاميليا ... وين راهي
- عبدو : اووووو ... شكون لي برا انا ولا نتا ؟
- كريم : جاوب على قد السؤال
- عبدو : مانيش عارف ... عندي مدة ما شفتهاش ... حتى قبل ما ندخل هنا
- اسامة : تعرف وين ممكن تكون ؟
- عبدو سند ظهرو على الكرسي و قطب حواجبو : ....
- اسامة : معلومة هادي تفيدنا
- عبدو : فواش ؟ ... علاش نتا تحوس على كاميليا
- اسامة : نعتبرك مش مشارك معاها ... و نقولك مشي شغلك ...
- عبدو : هههه اوكي ماشي شغلي ... تقدرو تتفضلو
- اسامة : راني عارف عندك معلومات
- عبدو : و في ميزك مش راح نستغل الفرصة ؟
- اسامة : وشيا المقابل
- عبدو : هاكا نعرفو نهدرو
- كريم : تقدر تهدر
- عبدو : تهدر نتا قبل ... علاش
- اسامة نسف بنفاذ صبر : اووف ... مهدي مهوش يبان من يومين
- عبدو : و راكم شاكين فكاميليااا
- اسامة : ايه ...
- عبدو : مهوش يبان ولا هرب معاها
- اسامة : قتلك وش حاب و درك اهدر وش عندك .... وين نقدر نلقاها ... كان تكون خطفتو وين تكون ؟
- عبدو : نفكر و نقولك
- وقف ليه اسامة حط يديه على رقبتو راح يخنقو : راك تمسخر بيااا
- كريم و الحارس يبعدو فيه : اسامة اطلقو كان تقتلو تندم
طلقو اسامة و عبدو يسعل و يتبسم
- عبدو بنبرة سخرية : راح تندم عليها ... و نهار نقرر نقولك
وقف حطلو الحارس ليمينوت و خرجو ... اسامة ضرب الطابلة قلبها ... و كريم غير يشوف ... خرجو من تما و اسامة مش مستعد يقابل ليليان ... عارف انو راح تتامل بيه و راهي تستنى فيه .... كفاش يواجهها
دخل للدار بخطوات ثقيلة ... غير شافتو راحت تجري ... وقفت مقابلتو و تشوف فملامحو و تحاول تفنم بلاما يهدر اما وجهو ما يطمنش