وصلو للحفلة .. دخلت عايلة بن جابر و آخرهم مهدي و سالم ... مهدي كان يمشي كيف الستار ..زينو و وهرتو طاغيين ... ملامح الجدية فوجهو زادتو إغراء و رجولة ... البنات الكل يشوفو معاها و يستناو فنظرة وحدة من عندو ... دخل و بدا يدور على المدعوين هو و سالم ... يلقيو فالتحية و يتناقشو ... تاخرة ليليان يشوف مع الساعة و يزيد مع الباب
-ليليان : معليش درك نروح فطاكسي و نتا شوف كفاش دبر روحك
- الشوفور : اسمحيلي مدموزال مش مالفة تحبس هكا ... استناي هنا فالطوموبيل درك نشوفلك طاكسي
ليليان طلعت فطاكسي و لحقت للاةتيل لي فيه الحفلة ... وصلت قدام الباب شافت مهدي واقف و يشوف مع الطريق
- ليليان : تهردت عليك ا ليليان لسوم يقتلك جايا نتي اللخرة حاطة روحك ستار ولا واش ..اوف ربي سلكها على خير .
حبست الطاكسي جات تفتح البوشات تفكرت بلي نسات تهز دراهم
- ليليان : استناني هنا درك نجيبلك دراهمك
- الطاكسيور : بنتي راني مزروب لكان معندكش خلي برك
- ليليان لالا استناني درك ندخل نجيبلك ... ليليان كانت ناوية تسلف من عند وحدة تخدم التم
لقات باب الطاكسي تحل .. و جبدها لبرا
- ليليان : اااه
- مهدي يزير على سنيه و يهدر : وين كنتي و بعتك مع الشوفور علاه جايا مع طاكسي ...
- ليليان : اي مهدي يدييي
شاف وجهها خايفة و تتوجع فاق مع روحو ...جبد يدو منها .. حطت يدها على البلاصة لي كان حاكمها و مهبطة راسها و الدموع بين عينيها
- ليليان : تعيش نسيت دراهم ...سلك راجل خليه يروح
دور مهدي لطاكسيور شاف معاه مليح لقاه راجل كبير ( يا ويلها كون لقاه صغير يدفنها ) ... مدلو دراهم و قالو يروح ... قدم ليها و هزلها راسها و صباع يديه
- ضيق عينيه فيها : عندك تبكي .... طيحي دمعة نقتلك ليوم
كانت تستنى فهدرتو حستو قالها ابكي ... بدات دموعها تهبط و تبكيي و هو نسىى بلي كان قلقان نسى الحفلة و كلش
- مهدي بصوت حنين : تقدري تحبسي البكا و تقوليلي علاه هاد البكا كامل و علاه موصلتيش ورانا بعد و هاد طاكسي منين جا ...( بقات ساكتة .. كمل يهدر و صوتو يطلع ) اهدري ما تهيلينيش
- ليليان مهبطة راسها و تحكي : ما..متعيطش علياا.. تخ..تخوف فياا ( مسخت خدها من الدموع و كملت ) الطوموبيل حبست بينا فنص الطريق ... جيت فطاكسي بش نزرب
VOUS LISEZ
عشق ليليان 💥💕
Romanceكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي
