عشق ليليان 💥💕

💕9💕

رجع عندها سخفتو ..... فلحظة نسى غشو منها حط يدو على شعرها و يمسحلها عليه قرب لودنها و يهمس
- شش متخافيش راني معاك ( ريحتها دوختو دخل راسو لرقبتها و باسها بوسة خفيفة ... فاق على وضعو بعد عليها ) اووف وش راني ندير انا ...انا نشوف مع وحدة كيما هادي !! ( خرج هارب من افكار لي جاتو فراسو تعشا و رقد )
جا صباح فاقت تحس في حاجة باردة على جبينها حطت يدها جبدتها شافت الما لي جنبها و الدواء تقعدت على الفرش و تتفكر وش صرا البارح ... رسمت تبسيمة على وجهها صفقة كالاولاد الصغار
- ياااااي هزني هزنييي ... خاف عليا ....ممم ديك ربحة يا يما دوخ ( ما تفكرتش بوسة ههههههه ولا راهي داخت من الفرحة....شافت الساعة لقاتها 6 ) لازمني نوض نوجد روحي عندي خدمة مع حبيب القلب هههههههههههه
دارت دوش مليح وهي فرحانة من سنين ما فرحتش هكاك خرجت قدام الڨاغد روب و تخير فلبستها
- مممم ... وش نلبس ؟ ( خلصت وقفت قدام المراية ) هههههه ليوم نتوبك يا سي مهدي .. خلاص ليليان الضعيفة ليوم تموت ... ما تزيدش تشوف ضعفي ما بقيتش نسكت ... نتوما ديرو لي تحبو و انا ندير لي نحب هههه ..كل مرة نخرج خاسرة و بلاما نحاول نقاوم. اما لمرة هادي ناوية نحارب ...هههههه اني جاية مهدوشييي ...
كان يفطر يسمع فصوت طالون هابط و يشم برفان يعرفها و يعشقها دوخو و تخرجو من عقلو هز راسو يشوف فيها هابطة تتبختر راسها لفوق .. pantalon blanc و شوميز 3/4 طالون و بوشات فنفس اللون كروفات شعرها هابط على طول ظهرها مكياج خفيف و يبرز لون عينيها لي يسحر و تبسيمت على وجها.. اول مرة يشوفها تتبسم فرح خاطر شافها و حب يقوم يعنقها و يخبيها عندو اما غرورو و كبرياؤو فوق كل شيء ..... تشوف فيهم باهتين فيها و خاصة مهدي ..وصلت للطاولة
- بونجور عليكم صافا؟؟
- جاوبها عبدو : هه بونجور .. واش ليليان ميزاجور ولا وش ( غمزها )
- جاوبتو بنفس النبرة و هي تشرب فقهوتها : اييه قالك رايحة لشركة محترمة و سيكريتير المدير لازم ميزاجور ولا لالا ( غمزتو ووقفت خارجة ) بصحتكم يا جماعة
كامل بقاو يشوفو فيها توقعو تتمرد و متقبلش بالخدمة الجديدة صار العكس ... هي صحيح كانت بش تكسح راسها اما لقاتها احسن لانو يحبو يحطموها و يشوفوها ضعيفة و قررت تحارب على خاطر حبيبها على الاقل تربح حاجة فحياتها .. سالم شك فيها عرفت حاجة ناض يعمل تليفونو سىلمى حاسدتها لانها تبقى مع مهدي ..اما مهدي مش مستوعب الي صار ههههه متوقعها ضعيفة و مستحيل تواجهو قرر انو يرمي مشاعرو و يتعامل معاها كاي سكريتير بالعكس لازم ينتقم منها لانو عيشتو هدا الاحساس الي حسسو بالعجز و يرضي غرورو.....