عشق ليليان 💥💕

168

-دخلت للكوزينة و تقلب فراسها : تسقسيه وش ياكل ... تقول عليك تعرفي طيبي ... معليش ندير وش نعرف و خلاص
بدات ليليان طيب خلصت ليه ليه ... و مهدي مزال ما نزلش ... طلعت حتا هي لبيتها دارت دوش خفيف لبست غوب تاع دار قصيرة و طلقت شعرها خلاتو سارد ... مهدي نزل و ملقاهاش .... شاف مع طابلة كيفكيف مش واجدة ... حط طباسا مغارف و كيسان ... جبد الما و جاب طنجرة حطها ... طلع لعندها و قبل ما يفتح الباب فتحتو و خرجت ... خبطت فيه
- باسها على رقبتها : التوقيت المناسب
- ليليان : ههههههه
دور يديه على حزامها و يمشي فيها قدامو و مزال حاطط راسو فرقبتها ... ليليان غير ساكتة .. مستحيل تقدر تنطق فموقف محرج ... وصلها لطابلة قعد و قعدها فحجرو
- ليليان : حبيبي نقعد فبلاصتي بزاف نتا عيان و انا نزيد عليك
- مهدي : عمرك لا تزيدي عليا ما تعاوديش الهدرة هادي ... و درك حطيلي ناكل ولا ناكلك نتي
- ليليان : هههههههه اوكي اني خايفة على روحي
- تنهد : ااااه عندك الحق تخافي
كل واحد يوكل الثاني ... و يظحك .. و بلاما ننساو حركات مهدي ..كل مرة يبوس لازم منو ... بعد ما خلصو رفدها بين يديه و هي غير تظحك عليه كيف الصغار كي يكونو يلعبو .. حطها فوق الفوتاي شعل تيفي و رجع قعد قدامها و جبدها ليه ... حطت راسها على كتفو و تلعب بيدها على صدرو
- ليليان : مهدوشي
- مهدي : ااروحي
- ليليان : احكيلي وش صرا .. كفاش صرا
- مهدي : وي نحكيلك ... مي بلا بكا .. هكا ؟؟ ... راني قدامك درك
- ليليان : اوكي ما نبكيش
باسها على راسها .. يلعبلها بخصلات شعرها و يحكي ... و هي مع كل كلمة قلبها يوجعها ... خلص طلعلها راسها بيدو ... طاحت العين فالعين
- مهدي : توحشك ... كي نتفكر لي بعدت عليك كامل هاد المدة قلبي نحسو تقسم
اكتفات ليليان بالصمت لفت يدها على رقبتو و دخلت راسها ... غمضت عينيها ... مدة 5 دقايق رقدة ... تبسم كي شافها رقدة .. هزها و طلع بيها لبيتو حطها فوق السرير و رقد حتا هو محضنها