عشق ليليان 💥💕

112

-اسامة : خيرتو راحت ليه و خلاتني انا ... راكي عارفة وش دارت ... راح كلش كلش ... بصح مش راح يحبسوني هنا راح نكمل لي بديتو بيها ولا بلا بيها بيناتنا اليامات يا مهدي بن جابر
- ابتسام حضنتو بكل قوتها و تهدي فيه : حبيبي اركح ... راك تخوف فيا هكدا ... ما تتسرعش ... تعرف وش عانات و كانت صعيبة عليها ... حتى نتا لازم تساعفها و توقف معاها مش تجبرها
- اسامة بعدها عليه و يعيط عليها : حتى هي والديها كامل عشنا محرومين
ابتسام غاضتها روحها كفاش يحكي معاها بالطريقة هديك و خافت منو فنفس الوقت ... تشوف معاه و دمعو عينيها خرجت من شومبرتو تجري راحت لبيتها و بدات تبكي ... مشافت معاه حتى نهار مليح ما تهناتش و اسامة اهملها بزاف بسبب انتقامو تبكي بالصوت تحب تتهنى من الغصة اللي حاكمتها ...اسامة بعد ما خرجت ابتسام فاق بلي ملازمش يهدر هكاك مكانش لازم يرفع صوتو ولا يبعدها عليه غشو عماه و حس بيها تاعبة و حاملة فوق طاقتها ... بعد ما فكر مليح و هدى وحدو راح ليها ... لقاها قاعدت و تتفرج فالفراغ عينيها مغرغرين بالدموع شافتو دورت وجها عليه و مالت على جنبها كانو راح ترقد ... نحا سباطو و الفاست و طلع معاها على السرير حضنها من وراها و دخل راسو فشعرها و يهمس
- اسامة : سامحيني يا عمري ... مش قاصد نعيط عليك
ابتسام زادت شبحت روحها كتر و دموعها كترو حاطة يدها على فمها بش تنقص صوتها
- اسامة لصقها فيه اكتر و عصرها بين يديه يحب يدخلها بين ضلوعو و كمل يحكي : سامحيني بكيتك نشوف دموعك قلبي يحبس ... ما تعاقبينيش يا حياتي و حبسي من البكا ... نحبك نتي روحي و نوعدك اول و آخر مرة ... نعرف اللي انا اهملتك فالفترة هادي بصح قلبي مزالو عندك و ياخد القوة منك ... نتي نصي التاني منقدرش نكمل بلا بيك ...
-دورت ليه و حضنتو بكل طاقتها كان قدرت دخلت لصدرو و قعدت فيه مغطسة راسها لصدرو و تحكي بصوت متقطع مخلط مع البكية : علاه .. علاه بعدت عليا .. انا والله .. و الله نحبك .. نحبك و عايشة ليك و بيك .. مبقيتش تحبني ؟ ..ااه قولي مبقيتش تحبني ؟
- اسامة استغرب من هدرتها و معجبتوش نهائيا .. طلعلها راسها و يتخنزر فيها عاقد حواجبو : تمسخري بيا ابتسام ؟ انا منحبكش؟ تزيدي تعاوديها الهدرة هادي نقتلك راكي فاهمة ... (عاود رجعها لصدرو و تنهد ) قتلك نتي كلش فحياتي .. سامحيني يا قلبي اهملتك بصح مبقاتش تتعاود ... اصبري معاي و عليا نفوتو هاد المشاكل و نوعدك مبقيتيش تبكي .. باسها على جبينها و خلاها عندو حتى غفات و هي مكبشة فيه حتى هو خمم خمم و رقد معاها