عشق ليليان 💥💕

😍88😍

مهدي كي شاف ليليان هكداك عرف بلي كتر عليها
- جبد يدو من يد كامي : كامي مش درك عيان بزاف مبعد نحكيو
بلاما يستنى تجاوبو لحق ليليان و يدقدق على الباب مرة و زوج ما فتحتش و ما نطقتش .. ليليان عرفتو هو خلاتو يدقدي و راحت تغسل وجهها ... فالوقت هداك مهدي حل الباب و دخل راح لسالدوبان لقاها تغسل ... هزت راسها شافتو
- ليلي : مهدي اخرج
- ليليان اسمعيني
- وش نسمع ؟
- ما تفهميش بالغالط علابالك كامي نعتابرها كيف ختي
- هههههههه بصح هي مش معتابرتك خوها و نتا علابالك و مخليها على راحتها
قدم ليها راح يحضنها بعدت عليه
- روح ليها هي تحضنك ... فاتت عليه خارجة جبدها من دراعها رجعها قدامو
- ليليان افهمي بركاي من صحة الراس هادي تعرفي نيتي جيهتها ... نشوف معاك غير نتي
- راك دير هكا بش تعاقبني كي ما قتلكش ؟؟ هكدا ؟؟ زعما انا ناقصني مشاكل بش ديرلي هكا؟ محتاجتك تفهمني مش تقلق مني نحبك تصبر عليا ... مهدي خليني نقعد وحدي منيش حابة نهدر كتر و مبعد نندم
مهدي بلاما يهدر خرج و خبط الباب وراه .. راح للشركة يطل على الخدمة و ينسي روحو شوي .. كون يبقى يخمم يدير حوايج يندم عليهم .. مع وصل هز تيليفون
- وي كمال كشما لقيت ؟ ... اسامة العميري!! ... وي عندك حق حاسس كاين حاجة بينو و بين جدي ... نشاله ... فاقرب وقت كمال راني محتاج معلومات بزاف
- عادل : صاحبيييي
- مهدي : اتعلم دق الباب قبل ما تدخل
- عادل : معليش مزال موالفتنيش؟؟
- مهدي : خير هات وش عندك ... لكان على خروج و دوران مش اليوم مورالي مش مليح
- عادل : ممممم و علاه؟ الليلة معاها مكانتش مليحة ؟ ... (شاف معاه مهدي شوفة ترعب ) ... وشبيك باينة كنت معاها في 2 مبنتوش .. احكيلي كلش مليح؟
- مهدي : كان كلش مليح ..كااااان حتى
- عادل : حتى وش ؟
مهدي حكالو على التيليفون كي قلقها و حكالو على كمال و كلش على تهديدات سالم و زاد كملها بكاميليا