((أرحموني ولو ...رحمة مره ))
بقلمي :-فراقد حسن علي
البارت -5-
.................،،.................
فاطمه/ماكو شي يمه لايظل بالك
شويه راسي يوجعني
محمود/يمه اريد اسالج سوال واستحي!!
فاطمه/بدل ملابسك ودقايق اصبلك الغده
بين متغسل وتبدل ،،
-وشعندك كولي لا تستحي
اني امك واختك وصديقتك
محمود/رحت بدلت هدومي
وطلعت للحمام شمرت جواربي الوسخه بالطشت
وغسلت رجليه وايديه وجهي ورجعت للغرفه
-امي جابتلي الغده ،،مسويتلي
كاسه تشريب مال حمص
وشويه خضره
-سميت بسم الله وبديت أتغده ،،
-ومااشوف الا فرح جايبه جنطتها
وطبت علينه وشعرها كفشه جنها خبله
فاطمه/هاي شبيج يمه منو مالش شعرج
فرح/كامت تبجي ،،وتشهك بنفسها
هاي مروه ملشت شعري تريد دفاتري والكتب
-وهي تتعاير وكامت تتبجبج واركان ضربني علمودها
محمود/واركان ليش يضربج
-يمه حاجي اركان لا يصف ويه مروه ،،
لا أبسطهم أثنينهم
فاطمه/ههههه والله هنيالج يا سهام
بناتج ماخذات قلوب وعقول ولدي
محمود/دخل اركان ومروه تمشي
وراه جنها نحله صفره
-يولي ليش تملشين شعر فرح
مروه/والله اني ردت من عدها ورقه
اريد اكتب نفسها
-وماقبلت تنطيني
ومديت ايدي اخذ من جنطتها
-وهي دفعتني وكالتلي كبر اليطمج
اركان/محمود حجي مروه صحيح
واني ضربتها لان تكول لاختها كبر اليطمج
فاطمه/يولي فريحه تعاي هنا
وجرت فرح من أذانها
-منين سامعه هاي الكلمه،،
-وتعرفين شنو معناها لو لا
فرح/رجعت تبجي بقوه ،،
وتباوع على محمود تريده ينقذها
-والله يمه فاطمه البنات هيجي يكولن بالمدرسه
ومااعرف شنو يعنيً
فاطمه/تعاي مروه بوسي اختج واعتذري منها
وانتي فرح هم بوسي اختج واعتذري منها
محمود/مروه وفرح وحده باوست الثانيه
بس بالجذب يخافن من أمي
فاطمه/يمه أنتن خوات عيب وحده تغلط
وتجاوز على الثانيه
-فرح يمه كلمة الكبر ياحافظ
يعني ادعين على اختج تموت
وبعد ماتشوفيها وتروح بعيد بالسماء
وتموت نفس جدو ناصر
وتبقين عايشه وحدج
فرح/لا يمه مااريد ادعي على مروه
هي اختي مو زين اكول هيجي عليها
فاطمه /فدوه اروح للبنات
فروحه روحي رطبي شعرج حتى أمشطلج
أنت تقرأ
أرحموني ولو رحمة مرة
ChickLitهي /رمز للبراءة ،،والصدق ،،والعفوية لأنها لا تعرف :-ما هو الكذب أو كيف يتم هو/ شجرة نقاء وارِفة الظِلال،،،،وأغصان عفويّة تحمِل ثِمار القبول والمُتعة!!. يا أميرتي إنّ حبي لكي طفلٌاًً في الصغر لكن كلما أشبعته وصلاً ترين الطفل يكبر . .. قصّة حُلم،...
