أرحموني ولو رحمة مرة

الحلقة -13-

((أرحموني ولو ...رحمة مره ))
بقلمي :-فراقد حسن علي
البارت -13-
.................،،................

فرح / سولفت  ،،،،،
كل الحادثه الصارت ويايه
لكوثر بنت عمي احمد

-اني أبجي وهي تبجي ويايه

-كوثر أمانه أحفظي سري

-واذا باجر عمامي ذبحوني عليج الله
كولي لمروه تاخذ الفستان النيلي خطيه
حبت تفصاله وصار بنفسها

-عفيه كوثر بس أريد أنام بعد مااكدر افتح عيوني

كوثر/تركت فرح نامت بس أشوفها تلوب

-وشعرها صاير عباره عن صوف طلي منتوف

-تصرفت من حالي وكلت شيصيرخل يصير
شنو ذنبها خطيه تنذبح وهي بريئه

-اخذت تلفون ابويه من على الكومدي
ودكيت على اركان ابن عمي

-ابويه قبل فتره كعد وسولف
شلون ملتقي باركان
وماخذ رقمه ،،

-اني اتصلت وكعدت لاركان ركبه ونص
ماخليت غلطه تعتب عليه

-بس شنو من جان يجاوبني
احس نفسي لو كدامه
يمكن يعلسني بسنونه
من كثر أعصابه

-فرح يمكن ماغفت ساعه
وكعدت تلوب ولازمه
بطنها من الجهى اليسره
وانوب تصرخ جتفي ،
وانوب كلياتي

فرح/بس غفيت والله غفوه معلعله
فزيت وكل جسمي ياكلني من الوجع

-ردت أروح للتواليت متحاصره مااكدر
اعين نفسي وانهض علىً حيلي

-تعاي كوثر عفيه ساعديني اروح للتواليت
خطيه نهضتني ومشتني كوه امشي

-دخلت لو أنفجعت أدراري ينزل دم
كمت ارجف انهبطت ليش
هيج ينزل دم 

-طلعتني وتمددت بمكاني بس ارجف
هم وجع جسمي وهم خوف من باجر
وهم الهبطه هسه الاكلتها

-بقيت للصبح نايمه فوك يم عمه هناء
وامي كلساع تصعد وتنزل حتى تشوفني

-بس اني اسوي نفسي نايمه
لان حملتها ذنب الصار بيه
صوجها لو مداريتني ومراقبتني
من اني طفله جان مصار كل هذا بيه

-ماكدر انام بالجذب مغمضه عيوني
جسمي مكسر وبطني كطعتني وراسي يون عليه

-أجى الصبح ولا هلا بجيته
ياربي ليش ماأخذت أمانتك قبل لا يطلع الفجر

-صعدتلي عمه شمس وعود ريكتني

-وكلساع كالت/ هسه شلون عيب من مخلد
جسمج مطكع ازرك واحمر ،،
وانوب ذابحتج الصخونه

-وهي ماتدري بالضيم
الموجود داخل جسمي شنو
كل بطني تتكطع وذابحني الوجع

-واني متاكده هسه لو أكلهم هذا البيه
يكولولي جذابه هاي حجه
ويرجعون يبسطوني