أرحموني ولو رحمة مرة

نسولف شوية

فراقد شخصياً أفتقدت وأشتاقت خلال هذه الايام ألمضت
لعائله الحاج عادل ((أنتم هم أشتاقيتولهم ؟؟))

-كنت أكتب في قصة ((يختفي الامل... ولكن لا يموت ))
وكنت حايره منين أدبر العبارات المناسبة لضيم (سارة)
بسبب شخابيط (أبو ألبنات ياسر )
وألصراحه ياسر مثل مايكولون أهلنه ((طلعها من ماعونها))
ولعب نفسي ونفسكم والله يعين سارة من كثر ماعرف بنات
((بمصطلحة يكول/ مو أصادقهن لا بل أنصحهن))

-فراسلتني بنية على الخاص بالواتباد وكاتبتلي
ممكن تكتبين قصة أختي ،
والله هي فقيره ومظلومه
وهي ماتدري أني عرضت قصتها  عليج حتى تكتبيها
ولا عارضتها قبل على غير كاتبه
والله بيها عبرة للناس
وانتي بعد بكيفج تقبليها أو لا

-سألتها /شنو مختصر قصة أختج
جاوبتني /نهى عليها أبن عمي
بس مو سالفة نهوة عاديه
ألصراحه أني بقيت متردده لان الي أعرفه
برنامج الواتباد هواي بي قصص عن النهوة
أستحيت أردها أو أرفض طلبها ،،
كتلها/دزيلي رقمج أتصل بيج على برنامج الواتساب
عسى ولعل تطلع صدك مو نهوة عاديه

-من أتصلت عليها وعرفت أسمها مروه أم أسلام
بدت تسولفلي قصة أختها فرح أم أفراح
وهي بنفس الوقت تصير زوجة حماها
يعني ألخوات متزوجات أخوان

-من عرفت بطل القصة دكتور
مكان عندي أي أشكال بكتابه قصتهم
بس من عرفت أخوه ضابط وبرتبة(رائد)
ألصراحه خفت أكتبها لان مهما يكن هذه أسرار عائلة
واني صارت عندي خوفة بسبب قصة (مغتصبة ولكن)
هي نفسها قصة (عقل يرفض وقلب يريد )

-كتلها /عيوني أم أسلام أني مستعده أكتب القصة
بس بشرط أسمع باأذاني موافقة أبطال القصة
الدكتور ،،والضابط
لان أخاف على نفسي و زوجي وأولادي
وقصتكم مختلفه مو هينه أحداثها
أسرارها قوية وتسويلي مشاكل اذا ماحصلت موافقة
جميع ابطال القصة

-تقريباً أسبوع وأتصل عليه رقم غريب
جاوبت على ألاتصال
طلعت بنيه بعد ماسلمت كالت /اني فرح أخت مروه
وأختي فاجأتني عارضه قصتي حتى تكتبيها
اني زوجي الدكتور محمود موافق
بس بشرط يكول /تكتبها من أجل توعية الأهالي فقط
مو لغرض ثاني قصده الجرأة في بعض مشاهد القصه
او لسبب سلبي أخر

-البدايه كان الاتفاق فقط أكتب قصة فرح ومحمود
بس من سمعت أحداث قصتهم شفتها تخنك وكئيبه
بسبب الظلم والقهر الموجود بيها
من بدايه حياة فرح وحادثتها
لحد ما خلصت من ضيم رفل ضرتها

-فتفقت مع مروه أن أدمج قصة حياتها مع قصة اختها
بعد ماحصلت موافقة أخويه العزيز أبو أسلام
بديت بكتابه القصه ،،ولاحظت من خلال متابعه
تعليقات المتابعين تقريباً ألجميع حب شخصيه
أركان ومروه وشخصيتهم عكست جانب حلو ومفرح
بالقصة رغم المشاكل المرت عليهم

-كنت على تواصل تلفوني مستمر  تقريباً شهر ونص
مع أبطال القصه وكانت كيفيه ألاتصال
أتصل على مروه بوجود فرح ومحمود واركان
وتفتح السبيكر والجميع يسمع أسألتي
واني أسمع رد كل شخص منهم
الا في بعض المشاهد كنت اتصل اتصال فردي
على مروه أو فرح لان أخجل اسال بعض الاسئله
بوجود ابو أفراح وأبو أسلام

-والحمد لله ربي العالمين وفقني ببساطه قلمي
والعبارات البسيطه والجميله والسهله
ونقل الاحداث من خلال ذكريات أبطالنا
كما حدثت في ماضيهم
ان ألقصة وصلت عبرتها لكل من تابعها
الف الحمد والشكر لله على نعمة التعليم

-بعد ما عرفتوا بعض الشغلات عن القصه
نبدي نسأل كم سوال أتمنى تشاركوني بالاجوبه والنقاش

-شنو الحبيتوا بالقصة؟؟

-شنو الكرهتوا بالقصة؟؟

-شنو أكثر مشهد فرحكم ؟؟

-شنو أكثر مشهد أحزانكم أو ضوجكم ؟؟

-منو أكثر شخصيه بالقصة حبيتوها ؟؟

-ومنو أكثر شخصيه بالقصة  كرهتوها؟؟

-مرت عليكم بالقصة كثير من مشاهد
ألطبيه ،،وطب العرب ،،والعادات والتقاليد ،،
شنو الاكثر شي فهمتوا ووصل لحضراتكم ؟
او أستفاديتوا من عنده ؟؟
أو سامعين بي أو شايفينه بحياتكم ؟؟
والله يكفيكم الشر أذا مو بيكم شخصياً
أكيد ماره بحياة الاصدقاء والمعارف
سولفونه نسمع منكم من أجل الاستفاده للجميع

-أما مشاهد أبو أيوب الله يرحمة
شنو تعليقكم عليها ؟؟
وهل مرت بيكم أو بمعارفكم ؟؟
وهم سامعين هيج شغلات ؟؟

*اني أعلق عليها وبصراحه بيوم السمعت الاحداث
من ابطال قصتي مانمت بليل بقيت خايفه 😅

-مروه عدها سؤال تكول /
البنات شنو يتابعن مسلسلات حلوه ؟؟
بلكت اعرف وحده جديده واتابع وياهن

-وفرح هم عدها سؤال تكول/
المتابعين حبوا شخصيه فرح لو تعاطفوا وياها ؟؟
وهم سامعين بحياتهم بنفس قصة فرح ؟؟

-والدكتور محمود هم يسأل يكول /
هل وصلت العبره من قصتي للأمهات والاباء؟؟
ويكول /أكيد في بعض البيوت العراقيه صاير  بيها
نفس قصتي بس طابع الخجل والعيب محد يسولف بيها
أني وافقت أنشر قصة حياتي من أجل العبره والاستفاده فقط..

-و فراقد توجه ألف شكر وتقدير لجميع المتابعين
وتشكر كل من ساند وشجع قلم فراقد