أرحموني ولو رحمة مرة

الحلقة -30-

((أرحموني ولو ...رحمة مره ))
بقلمي :-فراقد حسن علي
البارت -30-
.................،،.......... .....

-مساء الخير والصحه والعافيه على الجميع

-اعتذر من حضراتكم عن البارحه
صادفني ظرف طارئ وماكدرت أنشر الحلقه
———————————————

محمود /المريت بي كل مااذكره احس المغص
والوجع يرجع يمزق مصاريني

-هي بدت عندي صخونه من الصبح
وشويه شويه زادت عليه مااهتميت
كتلك حراره عابره  يجوز أخذت بروده

-للعصر بده عندي لعبان النفس ،وبطني
بدت تمغصني ،كل شويه ويزيد المغص

-ابد ماخليت على بالي سالفه الحليب

-نمت بالهول لان هاجر رفل وهذا حقي
والقران يكول (( فَعِظُوهُنَّ وَاهْجُرُوهُنَّ فِى الْمَضَاجِعِ ))
اني نصحت ،،وحجيت ،،وهجرت

-صح اخير شي ضربتها
مره وحده بالحزام بس ماأذيتها
والسوته هي مو قليل ،،جبانه وماعدها شخصيه
وامها تسيرها وتدخل باأمورها وهجمت حياتها

-وفرح بعدها نفساء واشوفها تركض للبيت
وعلى افراح بعد عمري والله هي حبيبة ابواها
وعرفتها ضايجه وزعلانه مني
لان صعدت يم رفل وتركتها
وانواب جملتها من كبستنه سويه

-اريد انام مااكدر نار وتاكل بجسمي
مصاريني موس ويشرح بيهن
حسيت بطني راح تزرف من قوه الالم

-انذبحت من الوجع اصيح
محد يكولي ها ويجاوبني
لان مطبوكه باب الهول والكل نايم

-من فرح فتحت عليه الباب ،،
والله چن شفت العافيه

-وبقت معاناتي من الفجر للمغرب
العفو أشكال الوان ألتقيؤ والاسهال دم
وأنوب شكلت عندي الكحه
والشحطه شلت رئتي
بالله عز عليه الهوى ،طلعت روحي

-صارت بعيني شغلتين بس
حادثت فرح من جرمت بحالها بالصغر
وردتها تسامحني

-وردت أشوف افراح أخر شي
قبل لا الله ياخذ أمانة

-وبالفعل من شفت رفل
شايلتها فوك راسي بالهول
غمضت عيوني بعدها
لان مابقت اي طاقه بجسمي

-والله ثواني أعصار من الالم الفضيع
صعد من بطني لبلعومي
شحطت بالحيل الباقي عندي
والعفو تقيئته وغفه بيضه وياه دوده تشبه دوة القز

-اسمع الصوت وخوف الكل عليه
بس مااكدر افتح جفن عيني
ولا عندي طاقه احرك ايدي لو رجلي
من راد اركان وابويه ياخذوني للمستشفى
ماردت اروح لان من كثر التعب اريد بس انام

فرح/ركضت وجبتله مندر وفرشلته بالهول
ورجع ابويه من الحوش وشاله هو واركان
وجطلوه على فراشه دثرته بالغطى
وبقيت كاعده بصفه اباوع بوجه
ما أدري  نايم ماادري كاعد لان مغمض عيونه
لزمت ايده عصر ايديه عصره خفيفه
عرفته كاعد بس ماعده قوه يفتح