أرحموني ولو رحمة مرة

الحلقة -20-

((أرحموني ولو ...رحمة مره ))
بقلمي :-فراقد حسن علي
البارت -20-
.................،،.......... ......

-ما مراجعه الحلقه بدون تركيز على السحك حبابين 😬😬

محمود /اني مو غشيم ،،ولا مطفي
اعرف كلش زين شنو الجاي يصير
واعرف رفل مستغله فرح بشغل البيت

-ليش ساكت لان أستخطيها ،،واعرف
الحمل وثقله وتغير الهرمونات
ومعاناة المراه بفتره الحمل

-ودأئما فرح تشكيلي ،،تعيرها رفل
وتكولها العربيه ،،عرب جول
الهمجيه ،،المتخلفه ،،المرعبله،،
وغيرها من الالقاب

-واني الله شاهد ماانطي بيها
لو احاجيها ،،او ارزلها،،
كدام أهلي او كدام فرح ،،

-انطيها حقها واكول
مو سهله على المره تنزل عليها شريجه
بس بعد هذا الشي بالغصب
انكتب علينا كلنه

-ودائما اعقل بفرح واكلها أتجنبيها
وحقها تغار ،،وألشريجة مره

-وفرح اصغر منها بالعمر ،،
وتختلف عنها بمستوى الدراسه
والثقافه ،،والبيئه ،،
بس الظاهر صدك كلمن وعقله

-اصعد يم رفل تلطم وتبجي
شبيج ،،
ليش متريدني ومتتقرب مني،،
أتقربلها تلعب نفسها وتنفرني
بسبب تغير هرمونات الحمل
وهم ترجع تبجي ،،
يابه حقج وعاذرج
هذا الشي والهرمونات مو بيدج

-امي شكتلي رفل مأذيه فرح
ومتخليها تگرب صوب أسلام
واذا هو الطفل راح على فرح
تشحطه وتصعده فوك ويبقى يبجي

-سالتها يابه رفل ليش ما تقبلين فرح توصل لاسلام
تجاوبني عربيه وماتعرف أداري

-هنا نهديت بيها ،،
شوفي رفل لا تشوفين روحج زايد
وخليني ساكت مااريد أجرح كرامتج

-وترى الكدامج عربي وأبن عربي،،
وفلاح ابن فلاح
بس طورت من نفسي وصرت دكتور

-ومو عيب الواحد يكون
فقير او فلاح او عربي
هو ما أختار هذا الشي بيده ،،
اجى للدنيا ولكى نفسه عايش بهاي البيئه

-بس العيب الي عايش مثلج
بيئه متحضره وتصرفاته همجيه

-ولا تنسين انتي منين أصلج ،،
امج وابوج منين أجوي
من قرى الحله ،،
يعني حالج حال فرح

-انتي علساس متحضره بس تصرفاتج همجيه ،،
وهي عربيه بس تصرفاتها متحضره
شفتي هسه الفرق لو اوضحلج أكثر

-من هذاك اليوم من حاجيتها بطلت
تصيحلها العربيه ،،لو بالالقاب الباقيه

-شغل البيت ماادخل بي ،،
لان هي خطيه حامل ،،
وفرح ما تشكي بالعكس متونسه
وامي راضيه عليهن أثنينهن

-بيوم صارت العزيمه بالايام الاخيره من رمضان
والنقيب صديق أركان لأجح فرح بالصدفه
صح ضجت وأنغثيت من كلامه
بس الصدفه الصارت
مو صوجها ولا صوج الشاب