أرحموني ولو رحمة مرة

الحلقة -33-

((أرحموني ولو ...رحمة مره ))
بقلمي :-فراقد حسن علي
.................،،.......... .....
ألحلقة_ألاخيره .......

محمود/يابه اتصل على ابو علاء
اليوم العصر اروح اطلك رفل عند الشيخ
وبعدها نمشي بااجراءات طلاق المحكمه

-اتصل ابويه على ابو علاء
اشوف ابويه عقج حواجبه
ويكوله/ترى أحنه هل شهرين ألمضت
أنشلشنه بالبت طلعت من حلك الموت
ومحمود ماصار عنده وكت حاير بمريته

-شنووو رفل حااااامل !!
ومن شوكت سالفه حملها ؟؟
وليش ياابو علاء ما بلغتني بخبر حملها

-أنصدمت شنو حامل !!
يابه هذا الخبر جذب ،أكيد هاي
ألسالفه من تدابير ام علاء ورفل

عادل/بويه ماسمعتني هسه
من اتصلت على الزلمه
هو بنفسه بلغني ويكول حامل
والها يمكن ٣ أشهر من الحمل

محمود /بويه جذب وهاي سالفه
من تدابير رفل وأمها ومحد يعرفهن بكثري
اكو زلمه مايعرف بمرته حامل لو لا

فرح/محمود كدام كل أهلي أكولك
وأنت بكيفك بعد أختار
لو اني لو رفل !!!

-لان البيت البي رفل لا أدخله
ولا أكرب صوبه،،لان مالي
حمل خباثتها وتدابيرها

محمود/فرح لا تخيريني لان
ماكو وحده تاخذ مكانج بقلبي

-وريحي بالج رفل ماارجعها على ذمتي
لو تكولي هسه حبله بدرزن ولد

عادل/وشنو ذنبه الفرخ يعيش يتيم
وابوه موجود بالحياة ويصبح ترباة مره

محمود/بويه جذب مو حبلي ،
وحق الله جذب،،يابه ترى ماكو زلمه
مايعرف مرته حبلى لو لا

-تذكرون من أخذنه افراح للبدوي ابو أيوب ،،
يمكن جان عمرها ٦أيام
بهذاك اليوم تلاغيت وياها
وصارت بيناتنه لغوة قويه وجلدتها بالأحزام ،
وهي جانت حائض ومن يومها هجرتها
منين حبلت ؟؟

-واذا تصر على كلامها
وتكول حبلى
الطفل مو أبني !!!
فخلي تحترم نفسها وتنلصم
ماارجعها لو توزنوها اليه ذهب وماس

-رحنه العصر اني وامي وأبويه
وبعد السلام وضيافة ابو علاء
وكلامه الراقي ،،وترحيبه الحار بجيتنه
وكرمه النا ،،
ولا عبالك جاين على قضيه طلاك بنته

-أم علاء وجها يخرمش وتجرح بالكلام

-وعلاء وخالد كاعدين يمنه بس شامرين
وضعهم على الوضع الصامت

-رفل ابد ماطلعت علينه
ولا أجت سلمت على امي او أبويه

-عمي من رخصتك اريد رفل
تجي تحضر هنا وأسولف وياها
بشهود جميع الحاضرين

-ردت عليه أمها /مالها خلك تكعد
حبله ونساوتها براسها وهواي تعبانه

-ميخالف خاله ام علاء شغله
خمس دقايق وخليها ترجع تنام