أرحموني ولو رحمة مرة

الحلقة -6-

((أرحموني ولو ...رحمة مره ))
بقلمي :-فراقد حسن علي
البارت -6-
.................،،.................

-((ومن هنا بدء منحى أخر للقصه))

محمود/ أسمع صرخه هاله
صرخه وحده مفجوعه

-رحت اركض على الصوت
واشوف رافد أبن عمه نجمه
شال هاله وشمرها بساجية المي

-تخبلت عليها هاي اختي الصغيره

-واني من الله مااطيق رافد
احسه شيطان وسوالفه خبيثه

-ركضت ونطيت بالساجيه هي مو غميجه
بس بالنسبه لطفله لا تغركها

-طلعت هاله وشمرتها على حافه الساجيه
الكاع تراب
وهي كامت ترجف المي بارد

-لزمت رافد عجنته عجنه من هاي التمام
طلعت حليب امه من خشمه
طلعت بي حركه قلبي

-هو سمين وضخم بكد العجل

-عمره ٦ سنوات بكبر فرح
بس ماسجل مدرسه ماقبلوه
لان ما مولود بشهر الواحد

-وهاله طفله صغيره
عمرها يمكن هسه ٤ سنوات

-شلت هاله ورجعت للبيت
وباقي الجهال يركضون ورايه
شلون القطيع مال غنم نفس الشي

-دخلت وانطيتها لخالتي سهام
خاله شوفي تلمين بناتج خير على خير
ماكو أخلي ابوي يسويلهن
غرفه بالسطح واحبسهن بيها

-عمه نجمه ربي رافد
لو أصلخ جلده ممنوع يكرب
صوب بنات عمي باسم

-كل النسوان متفاجئه من الموضوع
واني دخلت عليهن ارعد وابرق وامطر
عاصفه رعديه وجويه متكامله

-دخل رافد يبجي ودشداشته أملخه
وشعره مكفش لعبت بأحواله جوبي

نجمه/يول محمود هاي انت هلشكل جارم بحاله

محمود/عمه شمر هاله بساجيه المي
همزين ماغرزت بالطين
وزين ربج اني موجود وطلعتها
جان ماتت من وره سوالفه الخبيث

-ردت عمتي نجمه خبزته خبزه
من هاي المعدله
خبز مال تنور طين

رجاء/يول محمود يالخبيث
هسه ارتاحيت من بسطت ابن أخوي

-ورجعت عمتك ام عقلين بسطته

-ولخاطرمن لخاطر الدايحات بنات سهام
٢٤ ساعه مصلخات وماعليهن ثوب يسترهن

-هذن من هسه هيجي من يكبرن يلزمن الشوارع

محمود/خالتي رجاء كالت هيجي
ومتعرف منين تجيها الرزاله

-وخاله سهام كامت تبجي أنغثت
من كلام خاله رجاء وبسطت بناتها
من فرح لمريم خمستهن
أدروشت عليهن

-خالتي رجاء ماتركتني بحالي
فاتت من يمي وكفختني من وره
على راسي بقوه ،،لان ترزلت