أرحموني ولو رحمة مرة

الحلقة -26-

((أرحموني ولو ...رحمة مره ))
بقلمي :-فراقد حسن علي
البارت -26-
.................،،.......... ......

- ((ومن هنا بدء منحى أخر للقصه ))

-((ترى مالحكت اراجع 😅))

عادل/شديت أحزامي ويه أذان الفجر
وطلعت أهبد وأدور على أبو ايوب البدوي
ومن ناس الناس وللساعه ب ٣ الظهر
أوصل لبادية السماوة ونشدت عنه ولكيته
*أااوف نفس المخنوك وحصل الهوى
هيج صارت حالتي من حصلته

-صارلي اكثر من ١٠ سنوات ما شايفه
رحب بيه وستقبلني وكرمني
كعدت بمضيفه خيمه من بيت شعر
وسولفتله سالفه عايلتي

أبو أيوب /أمشي وياك لبغداد وتأمر وتدلل
بس من البدايه أكون صريح معاك
وتعرفني أنا لا دجال ولا عراف
أنا رجل صاحب خرز نورانيه
وتفيد وتساعد الناس ،،

-فمثل مااكرمك بمساعدةً الخرز العندي
تكرمني وتردلي المساعده اذا ساعدتك
بنوگ صحتها زينه ومتعافيه

عادل/أبشر أبو أيوب بس ساعدني
وفك وليدي أركان من الضيم البيه
وانت أصل الكرم وتدلل ،،
وعساها بميزان حسناتك

-اخذته ورجعنه لبغداد والطريق
كله ينشدني بالتفاصيل شنو ،،وشلون
وليش ،،

-طلب حليب هوش فطير
يعني بعده ما مغلي ومحطوط على نار

-اتصلت على محمود وبلغته حصلت الرجل
ويدبرلي حليب من جوه الكاع

-وكل الموجودين بالبيت يغسلون ويتوضون
لان يخاف على الخرز من النگاسه
تطفر وتختفي من عنده

محمود/بس غلقت الخط من أبويه
بلغت الجميع يغسلون ويتوضون

-أركان شلون ؟؟شلناه اني وامي
وجدي سليم ورفل وفرح
وهو يزكط بينه ويدفر وهو مربوط
دخلناه للحمام والبنات طلعن
واني وجدي سليم وامي غسلناله
بس بالشافعات شبعنه دفرات
وتفال وغلط ومسبه

فرح/اني ما سبحت ولا مروه
ولا جده صفيه ولا رفل
فقط توضينه لان نظيفات

-جدي سليم ،،ومحمود ،،وامي
لان سبحوا أركان دخلوا بالسره غسلوا

-عدنه بطل حليب بالمجمده بس جامد
خليته بجدر بحوض مغسله المواعين
وفتحت عليه المي الحار وانوب غليت
قوري مي حار وصليته فوكاه
وتركته لحد ما ماع الحليب

-تقريبا ويه صلاة المغرب دخل أبويه وياه الزلمه
وكعدوه بالديوانيه وكعد يمه جدي سليم ومحمود
وابويه سوده عليه غادي تراب من التعب
حضرتله امي هدوم ودخل سبح

-حضرنه العشى ونسمع صوت الزلمه
يسولف بصوت عالي ويحجي سريع
وحجيه نفس حجي اهل السعوديه لو الكويت
يعني مقارب للحجي الخليجي
ونص كلماته ماافهمهن

-بعد ما تعشوا الزلم بالديوانيه وصبينالهم جاي
طلبنه الزلمه كل أحنه حتى أسلام نحضر يمه
عاد تسترنه ولبسنه ألعبي وراحنه يمه بالديوانيه