((أرحموني ولو ...رحمة مره ))
بقلمي :-فراقد حسن علي
البارت -27-
.................،،.......... ......
فاطمه/يمه محمود ما دام محد موجود يمنه
يمه أعدل بين نسوانك وأكسر الشر ،
وأكسب رضاة ربك عليك
ليش هاجر مريتك رفل حرام عليك يايمه
محمود/الله كريم يمه اني هم مفكر
اكعد وأسولف وياها
فرح/والله جسمي مكسر ،أنام هنا
وارد أنجطل هنا ،،تعبانه
-يادوب اني ومروه ورفل رتبنه البيت
شلون ماجان ،وسوينه غده بسرعه
هل قاسمه الله خطيه ابويه كتله الجوع
ناس أكلت وناس قشمرت على أرواحها
اكلت كم لكمة
-مروه كالت/ اني اغسل مواعين الغده
ورفل سوت جاي
واني أنجطلت على رجل جده صفيه
وهي خطيه تقره على راسي ايات قرانيه
غفيت على رجلها
مروه/بلشت أعزل بصينيه الغده
وارجع الباقي للجدور والشويه أخلي بالثلاجه
سمعت صوت ورايه بس والله أخاف ألتفت
اركان/ماروكو تعاي أكعدي
يمي اريد احجي وياج
مروه/منين أجيب الحيل يا أبو سكينه
أريد أسيطر على رجليه من الخوف مااكدر
أنداريت عليه أشوفه مايكدر يوكف على طوله
كعد بالكاع هو المطبخ امي فارشته
زوليه ومده من جهة الباب
-حباب الله يخليك عوفني
والله أخاف منك
اركان/مروه عذريني والله جنت مو بوعي
وعبالي كل الصار حلم ابد ما تصورتة حقيقه
مروه/اباوع للباب حتى أشرد
خاف هم يرجع ويكب عليه مره ثانيه
-والله كمت اخاف منك
اركان طلكني بعد مااكدر أعيش وياك
الخوف موتني ،بليل نايمه وكلساع
أفز مرعوبه ،احلم تخنكني لو تذبحني
فدوه طلكني وخلي ارجع لاهلي
أركان/من كل عقلج تحجين
يابه وحق هو الله ماادري بروحي
يولي متشوفيني حتى مااكدر اوكف على طولي
وشوفي وجهي مشوهه محمود من الضرب
وابويه يكولي انت شارب ومعاشر نسوان
يولي والله ماادري بروحي عبالي حلم
وطلع كل هذا الضيم حقيقه
-خليها بالج طلاك ماكو ،،
وبعد ممنوع تطرين هاي الكلمه
على لسانج ،وشوكت ما برد قلبج عليه
وأطمئنيتي ناحيتي حظني مفتوح الج
-لا تبجين من خرب لشت بلقيس
مروه/الله يخليك لو انت تروح للهول
لو اني ترى راح أتخربط من الخوف
اركان/اني رايح أنجطل بغرفه امي
وشوكت ماصار عندج مجال بس أصعدي
رتبي الغرفه فراشها مكلوب حتى ارتاح فوك
مروه/شبعت بجي هذا أركان الجنت أحلم بي دوم
وأحبه وأموت عليه هسه كمت أخاف منه
وكل جسمي يرجف من أسمع صوته
-بعد ماكملت شغل المطبخ البيدي
صعدت للغرفه وبلشت أنظف بيها
ومسحتها بمي وملح ،
وخليت نزله جديده ،
وطلعت مخاد جديدات وغطى جديد
رتبتها ورجعتها نفس اول وأحسن
أنت تقرأ
أرحموني ولو رحمة مرة
ChickLitهي /رمز للبراءة ،،والصدق ،،والعفوية لأنها لا تعرف :-ما هو الكذب أو كيف يتم هو/ شجرة نقاء وارِفة الظِلال،،،،وأغصان عفويّة تحمِل ثِمار القبول والمُتعة!!. يا أميرتي إنّ حبي لكي طفلٌاًً في الصغر لكن كلما أشبعته وصلاً ترين الطفل يكبر . .. قصّة حُلم،...
