أرحموني ولو رحمة مرة

الحلقة -31-

((أرحموني ولو ...رحمة مره ))
بقلمي :-فراقد حسن علي
البارت -31-
.................،،.......... .....

اركان/اشرت المروه افتهمت عليه
صعدت أتنوم أبن النعال مسويلي حرب نفسيه
ينومني يلا ينام

-صعدت واشوف الصفيره والصفيير الصغير
يلعبون من أنعل أصفاح بليسكم

-يلا طفوا الضوه ناموا عندي دوام من غبشه

-يولي لا تشيلنه نزلي مو زين عليج الثقل
انزل ابن الكلب شنو قرد خو ما قرد

مروه/دخل اركان وكام يصيح
لان چنه نلعب ،،

-اسلام خاف من عنده
شبكني ولف ايده على ركبتي
وضم وجهه بركبتي
ورجليه لفهن على ظهري
شلته اودي لجربايته واركان كام يصيح عليه
انزله ،،سوده عليه كام يبجي خاف بالزايد

-عيوني انت نام لوليش لا تخاف
نفس بابا ينام لوليش نعسان
يلا نام حبيبي انت
*شلع قلبي يلا غفى ونام

اركان/ماروكو لا تلبسين شي كدامه مشلح
ترى عقله صافي ويبقى منتبه عليج

مروه/لا لازم البس كدامه هيج حتى يتعلم عليه
اذا شافني صدفه بهيج لبس مايستغرب
ومو تبقى عينه فارغه ويستغرب كولشي
ولبسي مستور مو هواي مشلح

اركان/دتعاي لا يفز ابن النعال
ورايه دوام من غبشه

مروه/بعده ما تقرب اركان
لا حظن ولا بوسات ولا شي وكعد اسلام
والحلو كعد على حيله كمت جبته من جربايته
ونام بوسطنه ودار وجهه على اركان وحظنه ونام

اركان/ابن النعال اكو واحد موصيك عليه
كاعدلي ركبه ونص

-انتي ضحكي يالصفيره اجتي من جانبج
لا تفرحين مصير أسلام ينام وأخنكج

مروه/والله بقيت اطبطب على جتف أسلام
نام وطفى اني هم غفيت وياه
اصلا اركان كام يشخر قبلنه طفى ونام

فرح/كمت الغرفتي بعد ما نومت افراح
أنجطلت بحظن محمود
*اكول محمود والله اني ما متوهمه
واني متاكده واحد يراقبني من ادخل للحمام

محمود/تراج خبله والله
بابا منو يباوع عليج

فرح/استغفر الله اني شاكه برفل
لان دائما مركزه على جسمي
وتراقبني شنو البس وشنو ابدل

-وحتى قبل شويه عادت عليه نفس كلامك
تكول لامي ولمروه
لو فرح تلبس كونيه تطلع حلوه

-والله واليوم بالذات حسيتها مو طبيعيه
بس صافنه عليه ،وكل مااندار اشوفها
تراقبني ومركزه نظرها عليه

محمود/اكول نامي شو غطي راسج
لان الظاهر غيرة الشرايج خبلتج

فرح/والقران محمود احجي صدك

محمود /باباتي شو لفي راسج ونامي
ولا تسولفين هاي سالفه يم واحد عيب
الواحد يكوم يفكر بيج وبرفل غير تفكير
ويكولون عليجن من الشواذ