أرحموني ولو رحمة مرة

الحلقة -12-

((أرحموني ولو ...رحمة مره ))
بقلمي :-فراقد حسن علي
البارت -12-
.................،،................

فراقد/((الصوره الموجوده برأس الصفحه
تتكلم وتجسد سؤء تصرف عادل ابو محمود
بحق أخوانه ومقاطعتهم

-في بعض الاحيان هناك كلمات قليله
تكون لحالها قصه كبيره!!

-فوجدت بتلك الصوره والكلمات التي خطت بيها
أختصار لجحود عادل مع أخوانه
أتمنى ان أكون قد وفقت باألاختيار....))
——————————————-

-نرجع لأحداث قصتنا :-

اركان/يالله ،،السلام عليكم
-شلونكم يالربع

-اتوقع عرفتوا أغلب قصة حياتي
من ظلعي وأخويه الزين أبو شكريه

-عرفتوا ماعندي بعد أخوه أو أخوات
الحمد لله على نعمة الاخوة
أبو شكريه بالنسبه اليه عشيره من ألاخوان

-مرات الواحد عنده عده وعدد
من الاخوه والخوات بس بوكت الضيج
تلكاهم تبخروا

-والمثل حالتي بس أخ واحد ،،يشوفه عشيره
ويكون هو أخ وصديق وعم وخال

-((الخوه مو بالعدد الخوه رفعة راس
يوسف اخوته أحدعش وحسين بس عباس

-عباس روح وقلب وجفوف وعين ورأس
لحسين واحد قضى وحسين اعز الناس))

-من أني وصغير هواي
أميل لامي وأهلها وطائفتها

-مو طائفي ولا أفرق بين المذاهب
زلمه تفكيري معتدل
بس قلبي تعلك بأهل أمي

- واذا أحلف واكون مضطر
أحلف بغيره ونخوة ألعباس أبو فاضل

-والصراحه أحب خوالي وأهل أمي
أكثر من عمامي وأهل أبويه

-من صغري واني حرك مشعوذ
مااعرف اكعد مستجن ،،
لازم أسويلي مكسوره مو بيدي

-عكس أبو شكريه هادئ وماعنده حركه

-وهواي يسال ويستفسر ويريد يعرف كولشي

-حتى بالدراسه هو هواي يفتهم بالدوس العلميه

-واني مالي خلك لا بالعلميه ولا بالادبيه
بس أقره واحفظ وأطلع كبل

-المشكله الصارت ويه أبويه وعمامي اني واعيها
واتذكرها مو صغير ،،جنت بالمدرسه

-هواي حزت بنفسي وشلت بقلبي على عمامي
لان هانوا أبويه وهو جبيرهم

-صح أبويه تلاغه ويه عمي محمد
بس عمي باسم وعمي أحمد
عبالك سالفه الورث صارت لمصلحتهم
وأجت من جانبهم
حتى ماوكفوا بوجه عمي محمد وردعوا
وأبويه طلع بوز الگبح

-من شلنه لبغداد هواي أكتسبت أمور زينه
مثلا تعلمت لهجة اهل بغداد لبسهم سوالفهم
صرت مثلهم ،،