أرحموني ولو رحمة مرة

الحلقة -11-

((أرحموني ولو ...رحمة مره ))
بقلمي :-فراقد حسن علي
الحلقة -11-
.................،،................

- ((ومن هنا بدء منحى أخر للقصه ))

-((أسفه لتلك الكلمات التي كتبت في بعض المشاهد من الحلقه ،،حاولت بكل جهدي أن أغلفها وأبسطها،،
لكي لا تخدش أنظار حضراتكم المحترمه ،،
كان لابد أن أوضح بها الأسباب ،،
أعتذر لكم ومن صميم قلبي أرجوا أن تتقبلوا أعتذاري
أختكم/ فراقد ))
———————-

فرح /بسرعه كضى الشهر ماباقي غير
أسبوع على عرسي

-واني من هسه خايفه وافكر بيوم العرس

-يالله شلون مخلد يبوسني ،،والله أستحي من عنده

-يلا الله كريم منا لهذاك الوكت ،،

-هي بوسه نفس هذيج المره ويخلص الموضوع ،،
عود اتصرف بهدوء نفس المره المضت

-ثاني يوم من الصبح أجاني مخلد
مخلد/الله يساعدج يابه
عيوني فرحه أستعجلي بدلي هدومج
حت نمشي للمحكمه نكمل العقد
علمود أمشي بالاجازه

فرح/شنو هسه نروح وحدنه ؟؟

-يعني شلون اروح وحدي وياك ؟؟

مخلد/هههه ول يابه تراني رجلج
مو ناهبج من أهلج

-لا ،،يروح ويانه عمي صالح
وخالي  أبراهيم أخذهم شهود

-وتروح ويانه عمتج شمس
واختي أم سيف ،،

-ومن البارحه بليل بلغت أبوج
هسه هو على جيه من الكاع
كال أنتظرني بالبيت

-لان لازم يحضر لأنج قاصر فهو ولي أمرج
الا بوجوده يلا يتم العقد

-بس خفيلي أيدج وبدلي هدومج منتظرج
مايبقالي وكت أخلص بيها الاجازه

فرح /اي هسه بس خلي أجيبلك جاي

مخلد/لا يابه كولي لأخيتي مروه هي تجيبلي جاي
وانتي أركضي بدلي

فرح/اي هسه دقايق واجي

-ركضت جوه فتحت جنطه ملابسي
أخذت فستنان طويل ابيض وبي ورده ناعمه ورديه
وياه مشمر وردي فاتح بلون الورد
والحذاء الابيض الي لبسته بحفله الخطوبه

-عمه شمس كالت هذن الملابس لبسيهن
من تروحون للشمال هواي حلوات ومرتبات

-بسرعه غسلت وجهي ،،
غسلت أيديه ورجليه ،،
ومشطت شعري لفيته كبايه

-وغيرت ملابسي الداخليه
ولبست جديدات من ملابس الجهاز
ولبست الفستان ولفيت المشمر رتبت لفته

-لبست الحذاء شويه بي علو
طولني هاي أهم فقره اهم شي اطول

-وخليت بس كحله حجريه
وجريت حمره ورديه خفيفه
أني الحمد لله بشرتي صافيه وتلمع
وخليت ريحه عطرها قوي وطيب