أرحموني ولو رحمة مرة

الحلقة -15-

((أرحموني ولو ...رحمة مره ))
بقلمي :-فراقد حسن علي
البارت -15-
.................،،................

اركان /مااعرف شكد نمت ،،هواي نعسان وتعبان
ماصدكت لزمت المخده ودرب السريع
أحلى نومه دافيه بجو بالمطر

-وفزيت أمي تنده بيه ،،
ومااريد أفتح عيوني متعاجز
بعدني كسول وماشبعت نوم

فاطمه /كوم يمه أركان شو أصحى
مريتك تخربطت كوم
الحك اخذها للمستشفى

اركان/فزيت وكفت على طولي مخروع
مفتح عين ومغمض عين

-يمه شبيها رسل خوفتيني؟؟

فاطمه/يول يمه صار ساعه من صعد أخوك ندهك
وكتله أي كعدت هسه نازل وراك وماكو ،،
هل صعدتلكً

-مريتك عدها نزف قوي
من جبناها ولهسه خلصت
جيس١ نسائيات مال ولاده
وبلشت بالجيس الثاني

-وترعش من صخونه وتنفض
ومااكلت ولا شربت شي
كولشي مادخل لمعدتها

اركان/باوعت للساعه ب ٤ العصر
يعني من ساعه ب ٩ الصبح نايم ولهسه

-طعلت بسرعه قلبي خمطني عليها

فاطمه/يول يلمشخوط تعال هنا!!
-وين نازل بطرك الشورت
ومرت أخوك وعمتك جوه
أنتبه شويه ألبس وانزل ورايه

-مو ترجع تنام

اركان/شكد فشلت،، هو مو شورت لا برموده
بس مالابس شي فوك

-يمه هاي أسمها برموده مو شورت

فاطمه/يمه اندري شيسمونها
بس البس شي لا تنزل معرين جوه

اركان/امري لله ،،انوب سويتيني معرين

-بدلت لبست تراكسود شتوي ونزلت
غسلت وجهي على المغسله ودخلت لغرفه امي

-شفت حبيب أبوه نايم بالمهد
وجديته ام رسل كاعده بصفه

-يالله ،،سلام عليكم

الجميع /وعليكم السلام

-تقدمت على رسل وكعدت بصفها
لزمت أيدها مجمره من الصخونه
وترجف مغطينها بلحاف وبطانيه
ومشعوله بالغرفه صوبه يعني المكان دافي

-هااا عيوني شبيج ،،خيرج

رسل/اركان فدوه أشتريني
بطني كطعتني من الوجع
والنزف موتني ،،
والدوخه سطرتني سطر

اركان/يمه مو سالتلج بالمستشفى وكتيلي لان جايبه هسه

ام علاء/اي عمه صح كل وحده جايبه
يصير عدها دم زايد
بس رسل النزف العدها مو طبيعي

-والصخونه مافكتها ،،بالبدايه ماكعدناك
كلنه الصخونه لان يدر الحليب بصدرها تصخن
بس هسه هواي زادت عليها

اركان/وين محمود ؟؟
ليش مااجى وشافها

فاطمه/يمه أخوك ابد مانام
خاف انت نمت وارتاحيت