هبت ريح

بارت3

#هبت_ريح

هدايا قبل فوات الأوان وندم يتبعه اللم

الا من معين

#user65690873

#البارت3

نخلت ايد عل جتفي لتفت نوريه دموعي نزلن وندرت عليه وهيه كالت

وين رجاء وين رايحه

نوريه عفيه عوفيني الله يخليج

شلون اعوفج رجاء وين تردين عبالج حاتم يجوز منج اذا طلعتي

نوريه موكت الحجي عفيه خل اروح انتي متعرفين شديصير

وماريد اعرف أهم شي عندي انتي والبنات هسه ماريدكم تطلعون والله حاتم ياذيج وانتي حسبت أخيتي وخايفه عليج مثل مااخاف عل روحي

لاتخافين بس خليني اطلع اني بس واصل لهلي وكلشي ماريد
قصص وروايات عراقية كرار صلاح
ولج يمعزايه عبالج تخلصين اذا طلعتي وحك علي تصيرن حجوه بلسان السلف وحاتم يتهمج ويكول شردت

مومهم المهم اوصل اهلي

وبناتج مافكرتي بيهن مو هاي سمعه عليهن تضل ملاحكتهن طول العمر لا تخليهن سالفه بحلك العربان

بناتي وياي وماعوفهن ومستحيل ارجع لهنا بعد وخلي العربان شتحجي تحجي

ياخيتي والله موصحيح حاتم مايخلي البنات عندج اخوي وعرفه ضالم وماخذ من قسوة امي وان شردتي راح يحرك كلبج بناتج

بجيت بقهر وكتله

نوريه امج وحاتم ديلعبون لعبه قذره واني ماكدر عل كيدهم

ادري والله ادري ومثل حالج اني ضاله مربطه وماكدر احجي رجاء ردي اني ماريد اذيتج

بتعدت رافضه وهيه لزمت أيدي وحلفتي

مشيه عليج الله وأهل بيته لاتشردين نفسج وتشردين بناتج وتنحرمين منهم تردين اهلج اني راح انصحج لو وجه لله طلعي هسه وروحي لبيت زهرا كريب منه ومناك خابري اهلج يجون يسولج حل بس لاترحين هسه وحدج لبغداد وعلي تصيرن فرجه لنساوين السلف وعار يلاخك بناتج طول العمر

باوعت وشفت كلامه صحيح اذا رحت هسه البغداد وبس اني وبناتي والطريق بعيد محد راح يرحمني وأخاف يطلعولي سالفه وأخاف جنت بوحده اصير بثنين 

نوريه راح اسوي مثل ماكلتي رايحه لبيت زهرا واكعه دخيله عدهم بس خل يوصلوني لاهلي

بعد كلبي رجوه الله ياخذ حقج ويطفي نار كلبج روحي يخيتي روحي مودعه بالله

سحبت بناتي وهيه سدت الباب وتوجهت لبيت زهرا أقرب بيت عليه وهوه هم بيت عمهم الجبير دخلت وشافتني زهرا سحبتني الغرفته وجه مخطوف وعياله يباوعون الحالي

خيرج يا رجوه شمالج

زهرا اني جايه عل الله وعليج ساعديني وخلي احد يوصلني البغداد لو توشوفيلي تليفون اخابر اهلي