هبت ريح

بارت16

ﻣﺴﺎﺀ ﺍﻟﺨﻴﺮ ﻣﺘﺎﺑﻌﻴﻨﻲ ،،،،،،،،،،

#ﺍﻟﺒﺎﺭﺕ_ﺍﻟﺴﺎﺩﺱ_ﻋﺸﺮ ،،،،،،،،،،،،

رفل الكناني

#ﻫﺒﺔ__ﺭﻳﺢ ،،،،،،،،،،،،،،،

ﻭﺍﻛﻒ ﻛﺒﺎﻟﻪ ﻣﺴﻠﻬﻢ ﻭﻧﺎﺳﻲ ﻧﻔﺴﻲ ﺍﻟﻤﺤﻞ ﻓﺎﺭﻍ ﻭﻛﻠﻪ ﻃﻠﻌﺖ ﻭﻫﻴﻪ ﺗﻌﺎﻳﻦ ﻋﻠﻴﻪ ﻛﺎﻟﺖ
ﺗﻔﻀﻞ ﺍﺧﻲ ﺑﺸﻨﻮﻭ ﺍﺧﺪﻣﻚ
ﺩﺍﺭﻛﺖ ﻧﻔﺴﻲ ﻭﺑﻠﻌﺖ ﺭﻳﻜﻲ ﺟﺎﻭﺑﺘﻪ ﻭﺗﻘﺪﻣﺖ ﺻﺮﺕ ﻛﺒﺎﻟﻪ ﻛﺘﻠﻪ
ﻋﻨﺪﻱ ﺳﺘﻨﺴﺎﺥ
ﺍﻭﻙ ﻧﻄﻴﻨﻴﺎﻫﻢ
ﻣﺪﻳﺖ ﺍﻟﻤﺴﺘﻤﺴﻜﺎﺕ ﺍﺧﺬﺗﻬﻢ ﻭﻛﻌﺪﺕ ﺗﺸﺘﻐﻞ ﻭﺍﻧﻲ ﺭﻣﺸﻪ ﻣﺎﺭﻣﺸﺖ ﺟﻨﺖ ﺣﻴﻞ ﻣﺮﻛﺰ ﻭﺍﺑﺎﻭﻉ ﻋﻞ ﻛﻞ ﺗﻔﺎﺻﻴﻠﻪ ﺣﺘﻰ ﻫﻴﻪ ﻧﺘﺒﻬﺖ ﻛﻞ ﺷﻮﻳﻪ ﺗﺮﻓﻊ ﺭﺃﺳﻪ ﻭﺗﻨﺼﻲ ﻛﻤﻠﺖ ﻭﻧﻄﻨﺘﻴﺎﻫﻢ ﺣﺎﺳﺒﺘﻪ ﻭﻃﻠﻌﺖ ﺑﺲ ﻣﺎﺟﺎﻥ ﺑﻮﺩﻱ ﺍﻃﻠﻊ ﻭﺗﻤﻨﻴﺘﻪ ﺗﺒﻘﻰ ﺗﺸﺘﻐﻞ ﺍﻛﺜﺮ ﻭﻗﺖ ﺑﻴﻬﻢ ﺑﺲ ﻫﻴﻪ ﻣﺒﻴﻨﻪ ﻫﺎﻱ ﺷﻐﻠﺘﻪ ﺑﺴﺮﻋﻪ ﻛﻤﻠﺘﺘﻬﻢ ﻭﻣﻄﻮﻟﺖ ﺑﻌﺪ ﻣﺎﻟﻲ ﺣﺠﻪ ﺍﺑﻘﻰ
ﻃﻠﻌﺖ ﻭﻛﻠﺒﻲ ﻳﻄﺐ ﻣﺜﻞ ﺍﻟﻄﺒﻞ ﺷﻌﻮﺭ ﻣﺤﺎﺱ ﺑﻲ ﻗﺒﻞ ﻫﺎﻱ ﻟﺒﻨﻴﻪ ﺳﺤﺮﺗﻨﻲ ﻭﺟﻦ ﺭﻭﺣﻲ ﺗﻌﻠﻜﺖ ﺑﻴﻪ
ﺭﺟﻌﺖ ﻟﻠﺒﻴﺖ ﺩﺍﻳﺦ ﻭﻣﺴﻄﻮﺭ ﺍﺭﻳﺪ ﺍﺻﻴﻄﺮ ﻋﻞ ﻧﻔﺴﻲ ﻣﺎﻛﻮﻭ ﻛﻞ ﺗﻔﻜﻴﺮﻱ ﺑﺎﻟﺤﻀﻪ ﻟﺠﻨﺖ ﻭﺍﻛﻒ ﺑﻴﻪ ﻛﺒﺎﻟﻪ ﺣﺘﻰ ﺻﻔﺎﺀ ﻳﺤﺎﺟﻴﻨﻲ ﻣﺎﻫﺘﻤﻴﺘﻠﻪ ﻧﻤﺖ ﻋﻞ ﻧﻀﺮﺕ ﻋﻴﻮﻧﻪ ﺷﻠﻮﻥ ﺗﺒﺎﻭﻉ ﻋﻠﻴﻪ ﻭﺗﻨﺼﻲ ﻫﺎﻱ ﺍﻟﻠﻘﻄﻪ ﻛﻔﻴﻠﻲ ﺗﺨﻠﻴﻨﻲ ﺃﻏﻤﺾ ﻭﺍﻏﻔﻪ ﻭﻫﻴﻪ ﺁﺧﺮ ﺷﻲ ﺟﺎﻥ ﺑﺎﻟﻲ
ﻟﺜﺎﻧﻲ ﻳﻮﻡ ﻛﻌﺪﺕ ﻏﺴﻠﺖ ﻭﺑﺪﻟﺖ ﻛﻌﺪﺕ ﺻﻔﺎﺀ ﻋﺒﺎﻟﻲ ﻳﺮﻭﺡ ﻭﻳﺎﻱ ﻟﻠﻤﺴﻄﺮ ﻣﻘﺒﻞ ﻛﺎﻝ ﻣﺘﻮﺍﻋﺪ ﻭﻳﺎﻩ ﺍﺑﻮ ﻣﺎﺟﺪ ﻋﺎﺩ ﺧﻠﻴﺖ ﻭﺭﺣﺖ ﻭﺣﺪﻱ ﺍﺟﺎﻧﻲ ﺭﺯﻕ ﻭﺷﺘﻐﻠﺖ ﻣﺎﺣﻠﻴﺖ ﻟﻠﻤﻐﺮﺏ ﺭﺟﻌﺖ ﻫﻠﻜﺎﻥ ﻭﺿﻬﺮﻱ ﻻﺯﻣﻪ ﺩﻣﺎﺭ ﻣﺪﺩﺕ ﺑﺪﻭﻥ ﺳﺒﺢ ﻭﻏﺎﻓﻲ ﻭﻣﺎﺩﺭﻱ ﻟﻬﻨﺎﻙ ﻭﺍﺳﻤﻊ ﺻﻮﺕ ﺳﻮﺍﻟﻒ ﻭﺿﺤﻚ ﻛﻌﺪﺕ ﻟﺤﻴﻠﻲ ﻟﻜﻴﺖ ﺻﻔﺎﺀ ﻭﺃﺑﻮ ﻣﺎﺟﺪ ﺳﺘﻐﺮﺑﺖ ﻣﻴﺎﻧﺘﻬﻢ ﺑﺲ ﺳﻮﻳﺖ ﺍﻟﻮﺿﻊ ﻃﺒﻴﻌﻲ ﻛﻤﺖ ﺳﺒﺤﺖ ﻭﺑﺪﻟﺖ ﻭﺍﺳﻤﻊ ﺍﺻﻮﺍﺕ ﺍﻟﻤﻮﺑﺎﻳﻞ ﻭﺍﻻﻏﺎﻧﻲ ﺫﻭﻟﻪ ﺷﻨﻮ ﺳﺎﻟﻔﺘﻬﻢ ﻭﻫﺬﺍ ﺍﺑﻮ ﻣﺎﺟﺪ ﺷﺪﻋﻮﺍﻩ ﻫﻠﻜﺪ ﻗﻮﺓ ﻋﻼﻗﻪ ﺏ ﺻﻔﺎﺀ ﺣﺘﻰ ﻣﻮﻧﻔﺲ ﺍﻟﻌﻤﺮ ﺣﺘﻰ ﻧﻜﻮﻝ ﺻﺤﺒﺎﻥ ﺍﻟﺼﺮﺍﺣﻪ ﺿﺠﺖ ﺑﺲ ﻣﺎﺑﻴﻨﺘﻠﻬﻢ ﺍﺧﺎﻑ ﺻﻔﺎﺀ ﻳﺄﺧﺬﻩ ﺑﻐﻴﺮ ﺷﻲ ﺿﻠﻴﺖ ﺳﺎﻛﺖ ﻭﺑﻌﻴﺪ ﻋﻨﻬﻢ ﺣﺘﻰ ﻃﻠﻌﺖ ﻛﻌﺪﺕ ﺑﻠﺒﺎﺏ ﻭﺃﺑﻮ ﻣﺎﺟﺪ ﻣﻦ ﺷﺎﻑ ﻫﻴﺞ ﻭﺷﺎﻓﻨﻲ ﻻﺑﺴﻪ ﺧﻠﻪ ﻭﻃﻠﻊ ﻭﺟﺎﻧﻲ ﺻﻔﺎﺀ
ﻫﺎﺍﺍﺍ ﺿﺮﺍﺭ ﺷﺒﻴﻚ ﺍﺷﻮ ﻣﻮﻋﻠﻰ ﺑﻌﻀﻚ
ﺳﻼﻣﺘﻚ ﻣﺎﻛﻮ ﺷﻲ
ﻋﻠﻴﻨﻪ ﺗﺮﻩ ﺍﻧﻲ ﺃﻋﺮﻓﻚ ﺣﻖ ﺍﻟﻤﻌﺮﻓﻪ ﻭﻫﺴﻪ ﺷﻜﻠﻚ ﻣﻌﺎﺟﺒﻨﻲ
ﺻﻔﺎﺀ ﺷﻌﻨﺪﻙ ﻭﻳﺎﻩ ﺍﺑﻮ ﻣﺎﺟﺪ ﻭﺷﻌﻨﺪﻩ ﺟﺎﻱ ﻟﻠﺒﻴﺖ ﻭﺍﻟﻮﻛﺖ ﻣﺘﺄﺧﺮ
ﺷﻨﻮﻭ ﺷﻌﻨﺪﻱ ﻣﻮﺗﺪﺭﻱ ﺭﺍﺡ ﺍﺷﺘﻐﻞ ﻭﻳﺎﻩ
ﺍﻱ ﺍﺩﺭﻱ ﺭﺍﺡ ﺗﺸﺘﻐﻞ ﺑﺲ ﺩﺍﺷﻮﻓﻚ ﻛﻠﺶ ﻣﻄﻮﺧﻴﻬﻪ ﺷﻘﻪ ﻭﺳﻮﺍﻟﻒ ﺩﻭﺱ ﻋﺒﺎﻟﻚ ﺳﻨﻴﻦ ﺻﺎﺭ ﻣﺘﻌﺎﺭﻓﻴﻦ
ﺍﻱ ﻭﻳﻦ ﺍﻟﻤﺸﻜﻠﻪ ﺍﻧﺖ ﺗﺪﺭﻱ ﺑﻴﻪ ﺍﻧﻲ ﺑﺴﺮﻋﻪ ﺍﺫﺏ ﻣﻴﺎﻧﻪ ﻭﺃﺑﻮ ﻣﺎﺟﺪ ﺷﻔﺘﻪ ﺭﺟﺎﻝ ﺣﺒﺎﺏ ﻭﻳﺴﺘﻘﺒﻞ ﻛﻠﺸﻲ ﻭﻛﻠﻲ ﺭﺗﺎﺣﻴﺘﻠﻚ ﻭﺷﻐﻠﻨﻲ ﻭﺗﺪﺭﻳﺪ ﺍﻟﺼﺪﻙ ﺍﻧﻲ ﻫﻢ ﺭﺗﺎﺣﻴﺘﻠﻪ ﻭﺍﺫﺍ ﻋﻞ ﺟﻴﺘﻪ ﻟﻠﺒﻴﺖ ﺍﻧﻲ ﺭﺩﺕ ﺍﺭﺟﻊ ﻭﻫﻮﻩ ﻛﻠﻲ ﺍﻭﺻﻠﻚ ﺑﺪﺭﺑﻲ ﻭﺻﻠﻨﻲ ﻭﺩﺧﻠﺘﻪ ﻧﺘﻌﻠﻞ ﺑﺲ ﺍﻧﺖ ﻣﺎﺩﺭﻱ ﺷﺒﻴﻚ ﻛﻌﺪﺕ ﻣﻦ ﺍﻟﻨﻮﻡ ﻋﺒﺎﻟﻚ ﺟﻨﺖ ﻣﺘﻌﺎﺭﻙ ﺣﺘﻰ ﺍﻟﺮﺟﺎﻝ ﺍﺧﺬ ﻋﻞ ﻧﻔﺴﻪ ﻭﻃﻠﻊ
ﺻﻔﺎﺀ ﺍﻧﺖ ﺗﺪﺭﻱ ﺍﻧﻲ ﻣﺎﺍﺣﺐ ﺍﻟﻤﻴﺎﻧﻪ ﺍﻟﺰﺍﻳﺪﻩ ﻭﺍﺣﻨﺎ ﻫﻨﺎ ﻏﺮﺑﻪ ﺍﺟﻴﻨﻪ ﻧﻠﻜﻂ ﺭﺯﻗﻨﻪ ﻭﺍﻧﺖ ﺻﺎﺣﺒﻲ ﻭﺍﺭﻳﺪ ﺃﻧﺼﺤﻚ ﻻﺗﻨﻄﻲ ﺍﻟﻨﺎﺱ ﺃﻛﺒﺮ ﻣﻦ ﺣﺠﻤﻪ ﻋﺒﻦ ﻣﺎﺗﻌﺮﻑ ﺷﻨﻮ ﻭﺭﺍﻩ ﺧﻠﻴﻚ ﻭﻳﺎﻩ ﻋﻞ ﻛﺪ ﺍﻟﺸﻐﻞ ﻭﺑﺲ....بيج قصص عراقيه حقيقيه من واقعنا.روعه الطائي
ﺍﻭﻭﻭﻭ ﺿﺮﺍﺭ ﻻﺗﺼﻴﺮ ﻧﻔﺴﻲ ﻓﻜﻪ ﺷﻮﻳﻪ ﺍﺣﻨﺎ ﻫﻨﺎ ﺑﻐﺪﺍﺩ ﻣﻮ ﺑﺪﻳﺮﺗﻪ ﻭﺍﻟﻔﻘﻴﺮ ﻣﺎﻳﻌﺶ ﻋﺎﺷﺮ ﺍﻟﻨﺎﺱ ﻭﺳﻮﻳﻠﻚ ﺿﻬﺮ ﻻﺗﻀﻞ ﻣﻦ ﺍﻟﺒﻴﺖ ﻟﻠﺸﻐﻞ ﻭﻣﻦ ﺍﻟﺸﻐﻞ ﻟﻠﺒﻴﺖ
ﺷﻮﻑ ﻟﻴﺶ ﻣﺎﺭﻳﺪﻙ ﺗﺨﺘﻠﻂ ﺑﺎﺍﺣﺪ ﻻﻥ ﻫﺎﻱ ﺍﻟﻨﺘﻴﺠﻪ ﺑﺲ ﻣﺎﺷﻴﺖ ﻏﻴﺮﻱ ﺟﻢ ﻳﻮﻡ ﻛﻤﺖ ﺗﺴﻮﻳﻠﻲ ﻻﺗﺼﻴﺮ ﻧﻔﺴﻲ ﻭﻋﺎﺷﺮ ﻭﻣﺎﻋﺮﻑ ﺷﻨﻮ ﺑﺨﺘﺼﺎﺭ ﺣﺠﻲ ﻣﻮﻣﺎﻟﺘﻚ ﺍﻧﻤﺎ ﺍﻧﺖ ﺳﺎﻣﻌﻪ ﻭﺟﺎﻱ ﺗﻄﺒﻘﻪ ﺑﺮﺃﺳﻲ
ﻻﺳﺎﻣﻌﻪ ﻭﻻﺍﺑﺪ ﺿﺮﺍﺭ ﺧﻠﻴﻨﻲ ﺍﺷﺘﻐﻞ ﺑﻠﻜﺖ ﻳﺼﻴﺮ ﺑﺮﺃﺳﻲ ﺧﻴﺮ ﻭﺍﺧﻠﺺ ﻣﻦ ﺍﻟﻌﻤﺎﻟﻪ ﻭﺯﻭﺝ ﺍﻣﻲ ﺍﻻﻛﺸﺮ ﺍﻟﻲ ﻣﺨﻠﻲ ﺍﻣﻲ ﻭﺧﻮﺍﺗﻲ ﺑﻌﺎﺯﺕ ﺍﻟﻔﻠﺲ
ﻭﺍﻟﻠﻪ ﺍﻧﻲ ﺍﻟﻌﻠﻴﻪ ﻧﺼﺤﺘﻚ ﻭﺍﻧﺖ ﺍﻋﺮﻑ
ﺍﻱ ﺟﺎﺀ ﺧﻮﺵ ﻭﺻﻠﺖ ﺍﻟﻨﺼﻴﺤﺔ
ﺣﺠﺎﻩ ﺑﺴﺘﻬﺰﺍﺭ ﻭﺍﻧﻲ ﻫﻢ ﻋﻔﺘﻪ ﻣﺎﻣﻄﻠﺖ ﺑﻠﺤﺠﻲ ﻛﻠﻤﻦ ﻳﻌﺮﻑ ﻣﺼﻠﺤﺘﻪ ﻭﻫﻮﻩ ﻣﻮﺯﻏﺒﺮ ﺗﺮﻛﺘﻪ ﻭﻃﻠﻌﺖ ﻟﻼﺍﺳﻮﺍﻕ ﺍﺭﻳﺪ ﺍﺟﻴﺐ ﺷﻲ ﺍﻛﻠﻪ ﻣﺎﻟﻜﻴﺖ ﺍﻻﺳﻮﺍﻕ ﻣﻌﺰﻟﻪ ﺑﺎﻭﻋﺖ ﻛﺒﺎﻟﻲ ﻣﺤﻞ ﺍﻟﺘﺼﻮﻳﺮ ﺗﻨﻔﺴﺖ ﻭﺍﻳﺪﻱ ﺑﺠﻴﻮﺑﻲ ﺭﻓﻌﺖ ﺭﺍﺳﻲ ﺑﺴﻤﺎﺀ ﻭﺣﺠﻴﺖ ﺭﻭﺣﻲ
ﻫﺴﻪ ﻫﻴﻪ ﻭﻳﻦ ﻭﺷﺪﺳﻮﻱ
ﺷﻨﻮ ﺍﻟﺒﻴﻬﻪ ﻭﻫﻴﺞ ﺟﺬﺑﻨﻲ
ﺣﺘﻰ ﻫﺬﺍ ﺍﻟﻔﺮﻉ ﺻﺎﺭ ﺷﻲ ﻣﺘﺼﻞ ﺑﻴﻪ ﺣﺼﺮﻩ ﻣﺎﻓﻮﺕ ﺑﻲ ﻟﻮ ﺍﺟﻲ ﻟﻼﺳﻮﺍﻕ ﺍﻟﻠﻪ ﻳﺮﺳﻤﻪ ﻛﺒﺎﻟﻲ ﺭﺳﻢ
ﺗﻌﻮﺫﺕ ﺍﺑﻠﻴﺲ ﻭﻣﺴﺤﺖ ﻭﺟﻬﻲ ﺑﻴﺪﻱ ﻭﻣﺸﻴﺖ ﺭﺟﻌﺖ ﻟﻠﺒﻴﺖ ﺟﺎﻥ ﻋﺪﻧﻪ ﻫﻴﺘﺮ ﻋﻞ ﻛﻬﺮﺑﺎﺀ ﺳﻮﻳﺖ ﺟﺎﻱ ﻭﻃﻠﻌﺖ ﻛﻠﻴﺠﻪ ﺍﻛﻠﺖ ﻭﻟﻔﻴﺖ ﺭﺍﺳﻲ ﻭﻧﻤﺖ
ﻭﻣﺮﺕ ﺍﻻﻳﺎﻡ ﺻﻔﺎﺀ ﻳﺸﺘﻐﻞ ﻭﻳﺎﻩ ﺍﺑﻮ ﻣﺎﺟﺪ ﺷﻨﻮ ﺍﻟﺸﻐﻞ ﻣﺎﻋﺮﻓﻪ ﻛﻞ ﻣﺎﺳﻠﻪ ﻳﻜﻠﻲ ﺣﺎﺭﺱ ﺑﺲ ﺍﺷﻮﻓﻪ ﻣﺮﺗﺎﺡ ﺍﻃﻤﺌﻦ ﻳﻄﻠﻊ ﺍﻟﺼﺒﺢ ﻭﻳﺮﺟﻊ ﺑﻠﻴﻞ ﻛﻠﺶ ﻣﺮﺍﺕ ﺍﺣﻀﻪ ﺑﻲ ﻭﻣﺮﺍﺕ ﻧﺎﻳﻢ ﻣﺎﺷﻮﻓﻪ
ﺍﻻﺳﻮﺍﻕ ﻭﻣﺤﻞ ﺍﻟﺘﺼﻮﻳﺮ ﺻﺎﺭﺕ ﺭﻭﺣﻲ ﺑﻴﻬﻢ ﻛﻢ ﻣﺮﻩ ﺗﺄﺧﺬﻧﻲ ﺭﺟﻠﻲ ﻭﺍﻛﻒ ﻗﺮﻳﺐ ﺍﻟﻤﺤﻞ ﺍﺑﻘﻰ ﺑﻠﺴﺎﻋﺎﺕ ﺣﺘﻰ ﻣﺮﺍﺕ ﺍﺳﺘﺤﻲ ﺍﻛﻮﻝ ﺍﺧﺎﻑ ﺃﺣﺪ ﻳﻼﺣﺾ ﻭﺗﺼﻴﻠﻲ ﺳﺎﻟﻔﻪ ﻋﺎﺩ ﺍﺩﻳﺮ ﻭﺟﻬﻲ ﻭﺃﺭﺟﻊ
ﻭﻣﺮﺕ ﺍﻻﻳﺎﻡ ﺃﻛﺜﺮ ﻣﻦ ﺷﻬﺮ ﻋﻞ ﻫﺬﺍ ﺍﻟﺤﺎﻝ ﺍﻟﺼﺒﺢ ﺑﻠﻌﻤﺎﻟﻪ ﻭﻣﻦ ﺍﻟﻤﻐﺮﺏ ﻟﺴﺎﻋﻪ 8 ﻛﺪﺍﻡ ﻣﺤﻞ ﺍﻟﺘﺼﻮﻳﺮ ﺍﻝ ﺗﻌﺰﻝ ﺍﻝ ﺍﺭﺟﻊ ﻛﻢ ﻣﺮﻩ ﺗﻘﺼﺪﺕ ﺍﺧﻠﻴﻬﺎ ﺗﺸﻮﻓﻨﻲ ﻭﻋﺠﺒﺘﻨﻲ ﺷﺨﺼﻴﺘﻪ ﻛﻠﺶ ﺗﻤﺸﻲ ﺑﺸﺎﺭﻉ ﻣﺘﻌﺒﺮ ﺑﺸﺮ ﻭﻣﻦ ﻛﺎﻣﺖ ﺗﻼﺣﺾ ﻭﺟﻮﺩﻱ ﺗﺒﺎﻭﻋﻠﻲ ﻧﻀﺮﻩ ﻏﻀﺐ ﺗﻮﻋﻴﻨﻲ ﻋﻞ ﺭﻭﺣﻲ ﻭﺍﺗﺮﺍﺟﻊ ﻭﺍﻛﻮﻝ ﺍﻝ ﺩﺍﺳﻮﻱ ﻏﻠﻂ ﺑﺲ ﻣﻮﺑﻴﺪﻱ ﺑﺪﻭﻥ ﻛﻼﻡ ﺑﻴﻨﻲ ﻭﺑﻴﻨﻪ ﻣﺠﺮﺩ ﻧﻀﺮﺍﺕ ﻭﻣﻦ ﺑﻌﻴﺪ ﺳﻴﻄﺮﺕ ﻋﻞ ﻛﻴﺎﻧﻲ ﺍﻝ ﺍﻥ ﺍﺟﻪ ﺍﻟﻴﻮﻡ ﺍﻟﻲ ﺻﻔﺎﺀ ﻛﻠﻲ
ﺿﺮﺍﺭ ﺷﺪﻛﻮﻝ ﺗﺸﺘﻐﻞ ﻭﻳﺎﻱ
ﺷﺸﺘﻐﻞ
ﻭﻳﺎﻩ ﺍﺑﻮ ﻣﺎﺟﺪ ﻗﺼﺪﻱ ﺷﻮﻑ ﺍﻧﻲ ﺑﻬﺎﻱ ﺍﻟﻔﺘﺮﻩ ﻋﺮﻓﺖ ﺷﻨﻮ ﺷﻐﻠﻬﻢ
ﺍﻱ
ﻳﺸﺘﻐﻠﻮﻥ ﺑﻠﺴﻴﺮﺍﻣﻴﻚ ﻭﺍﻟﻜﺎﺷﻲ ﻭﺍﻟﻤﻤﺮﻣﺮ ﻭﺍﻟﻤﻮﺯﺍﻳﻚ ﻋﺪﻫﻢ ﻣﻌﺎﻣﻞ ﺧﺎﺭﺝ ﺍﻟﻌﺮﺍﻕ ﻳﺼﻨﻌﻮﻥ ﻫﻨﺎﻙ ﻭﻳﺠﻴﺒﻮﻥ ﻫﻨﺎ ﻳﻮﺯﻋﻮﻥ ﻋﻞ ﺍﻫﻞ ﺍﻟﻤﺤﻼﺕ
ﻭﺍﻧﺖ ﺷﺘﺸﺘﻐﻞ
ﻻﺍﻧﻲ ﺑﻌﻴﺪ ﺍﻧﻲ ﻭﻳﺎﻩ ﺍﺑﻮ ﻣﺎﺟﺪ ﻭﻳﻦ ﻣﻴﺮﻭﺡ ﻭﻗﺒﻞ ﻓﺘﺮﻩ ﺳﺌﻠﻨﻲ ﻋﻠﻴﻚ ﻭﻛﻠﻲ ﺷﻮﻓﻪ ﺍﺫﺍ ﻳﺮﻳﺪ ﻳﺸﺘﻐﻞ ﻭﻳﺎﻙ
ﻭﺍﻟﻠﻪ ﻣﺎﺩﺭﻱ ﺻﻔﺎﺀ ﺑﺲ ﺍﻧﻲ ﻣﺮﺗﺎﺡ ﺑﻠﻤﺴﻄﺮ
ﺿﺮﺍﺭ ﺍﻟﺨﺎﻃﺮ ﺍﻟﻠﻪ ﻳﺎﻣﺴﻄﺮ ﺷﻮﻑ ﺟﺘﻔﻚ ﻣﺰﻟﻎ ﻳﻤﻌﻮﺩ ﻣﻮﻃﻴﺤﺖ ﺣﻀﻨﻪ ﺍﻟﻌﻤﺎﻟﻪ ﺩﺧﻞ ﻧﺸﺘﻐﻞ ﺑﻠﻜﺖ ﺍﻟﻠﻪ ﻳﻔﺘﺤﻪ ﻋﻠﻴﻨﻪ
ﺻﻔﻨﺘﻠﻪ ﻛﻠﺖ ﺍﺭﻭﺡ ﻭﺍﺷﻮﻑ ﺷﻨﻮ ﺍﻟﺸﻐﻞ ﻭﺍﻟﻠﻪ ﻳﻮﻣﻴﻦ ﺑﻌﺪ ﻣﺎﺻﻔﺎﺀ ﻛﻠﻬﻢ ﻭﺭﺟﻊ ﺃﺧﺬﻧﻲ ﻟﻨﻔﺲ ﺍﻟﺒﻴﺖ ﻟﺸﺘﻐﻠﺖ ﺑﻲ ﺍﻭﻝ ﻣﺮﻩ
ﺳﺘﻘﺒﻠﻨﻪ ﺍﺑﻮ ﻣﺎﺟﺪ ﻭﻛﻌﺪﻧﻪ ﻭﺑﺪﺃ ﻳﺤﺠﻲ
ﺍﻱ ﺿﺮﺍﺭ ﻋﺎﺵ ﻣﻦ ﺷﺎﻓﻚ ﺍﺷﻮ ﺭﺣﺖ ﻭﺍﻟﺮﻭﺣﻪ ﺭﻭﺣﻪ
ﻭﺍﻟﻠﻪ ﺍﺑﻮ ﻣﺎﺟﺪ ﺍﻧﻲ ﻛﻤﻠﺖ ﺷﻐﻠﻲ ﺑﻌﺪ ﻋﻞ ﺷﻨﻮ ﻧﺘﺸﺎﻭﻑ ﺍﻧﻲ ﻋﻼﻗﺘﻲ ﻋﻞ ﻛﺪ ﺍﻟﺸﻐﻞ
ﻫﻬﻬﻬﻬﻬﻬﻬﻬﻪ ﻭﺍﻟﻠﻪ ﻋﻔﻴﻪ ﻋﻠﻴﻚ ﺫﻳﺐ ﻭﺗﺤﺠﻲ ﻃﻚ ﺑﻄﻚ ﻣﺘﺠﺎﻣﻞ
ﻣﻮﺻﻴﺢ ﻛﻼﻣﻲ ﻟﻮ ﺍﻧﻲ ﻏﻠﻄﺎﻥ
ﻻﻳﺎﺑﻮﻱ ﺣﺸﺎﻙ ﻣﻦ ﺍﻟﻐﻠﻂ ﺍﺻﻼ ﺍﻧﻲ ﺍﺣﺐ ﺍﻟﺼﺮﺍﺣﻪ ﻭﺍﻧﺖ ﻣﺒﻴﻦ ﻋﻠﻴﻚ ﺻﺮﻳﺢ ﻻﺑﻌﺪ ﺣﺪ
ﻭﺍﻧﺖ ﻛﻠﺘﻬﺎ
ﺧﻮﺵ ﻟﻌﺪ ﻧﺪﺧﻞ ﺑﻠﻤﻔﻴﺪ
ﻛﻮﻝ ﺍﺳﻤﻌﻚ
ﺗﻌﺮﻑ ﺗﺴﻮﻕ
ﺍﻱ ﺍﻛﻴﺪ
ﺳﺎﻳﻖ ﻣﻀﺒﻮﻁ
ﻭﺍﻟﻠﻪ ﺍﻧﻲ ﺟﻨﺖ ﻗﺒﻞ ﺍﺳﻮﻕ ﺑﺴﻴﺎﺭﻩ ﺻﺎﺣﺐ ﺍﻟﻤﻌﻤﻞ ﺍﻟﺠﻨﺖ ﺍﺷﺘﻐﻞ ﺑﻲ ﺍﻭﺩﻱ ﻣﺨﻀﺮ ﻟﻠﻌﻠﻮﻩ
ﺍﻟﺴﻴﺎﺭﻩ ﺑﻴﻜﻢ ﺣﻤﻞ
ﺍﻱ
ﺯﻳﻦ ﺍﻧﻲ ﺭﺍﺡ ﺍﺳﻠﻤﻚ ﻧﻔﺲ ﺍﻟﻤﻮﺩﻳﻞ ﺍﻟﺠﻨﺖ ﺗﺴﻮﻕ ﺑﻲ ﻛﻞ ﺍﻟﻌﻠﻴﻚ ﺗﺴﻮﻕ ﻭﺗﻮﺻﻞ ﺍﻟﺒﻀﺎﻋﻪ ﻟﻠﻤﻜﺎﻥ ﺍﻟﻨﻜﻠﻚ ﻋﻠﻴﻪ
ﻭﻣﻦ ﺍﻱ ﻭﻗﺖ ﺍﻝ ﺍﻱ ﻭﻗﺖ
ﻣﺎﻋﻨﺪﻩ ﻭﻗﺖ ﻣﺤﺪ ﺑﺲ ﻋﻞ ﺃﻏﻠﺐ ﺍﻛﺜﺮ ﺍﻟﺸﻐﻞ ﺑﻠﻴﻞ ﻻﻥ ﺍﻟﻄﺮﻳﻖ ﻳﻜﻮﻥ ﺳﺎﻟﻚ ﻭﻣﺎﻛﻮ ﺯﺩﺣﺎﻣﺎﺕ ﻭﺑﻠﻨﺴﺒﻪ ﻟﻠﻔﻠﻮﺱ ﺍﻧﻲ ﺭﺍﺡ ﺍﺣﺴﺒﻠﻚ ﺷﻬﺮﻳﻪ ﺷﺪﻛﻮﻝ
ﻣﺎﻋﻨﺪﻱ ﺷﻜﺎﻝ ﻣﻴﻬﻢ ﻣﻦ ﺷﻮﻛﺖ ﺭﺍﺡ ﻧﺒﻠﺶ
ﺧﻠﻲ ﻋﻴﻨﻚ ﻋﻞ ﻓﻮﻥ ﺷﻮﻛﺖ ﻣﺎﺍﺧﺎﺑﺮﻙ ﺗﺠﻲ ﻳﻌﻨﻲ ﺷﻐﻠﻨﻪ ﻛﻠﻪ ﻋﻞ ﻣﺨﺎﺑﺮﻩ
ﻫﺎﻫﻴﻪ ﺍﻥ ﺷﺎﻟﻠﻪ
ﻛﻤﺖ ﺩﺍﻃﻠﻊ ﺗﺴﺎﻟﻤﺖ ﻭﻳﺎﻩ ﻭﻫﻮﻩ ﻣﺪ ﺍﻳﺪﻩ ﻋﻞ ﺟﻴﺒﻪ ﻃﻠﻊ ﺻﻔﻄﻪ ﻣﺎﻝ ﻓﻠﻮﺱ ﻭﻛﺎﻡ ﻳﺤﺴﺐ ﺍﻧﻲ ﺻﺮﺕ ﻋﻞ ﺻﻔﺤﻪ ﺳﺤﺒﺖ ﺟﻜﺎﺭﻩ ﺩﺧﻨﺘﻨﻪ ﺍﺟﺎﻩ ﺻﺎﺭ ﻛﺒﺎﻟﻲ ﻭﻣﺪﻟﻲ ﻓﻠﻮﺱ ﻛﺘﻠﻪ
ﻫﺎﻱ ﺷﻨﻮ
ﻫﺎﻱ ﺷﻬﺮﻳﺘﻚ
ﺍﻋﺬﺭﻧﻲ ﺍﺑﻮ ﻣﺎﺟﺪ ﺍﻧﻲ ﻣﺎﺍﺧﺬ ﻓﻠﻮﺱ ﺷﻐﻞ ﺍﻧﻲ ﻣﻤﺸﺘﻐﻞ ﺑﻲ
ﺍﻱ ﺑﺲ ﺍﻧﺖ ﺭﺍﺡ ﺗﺸﺘﻐﻞ ﺍﻋﺘﺒﺮﻩ ﻋﺮﺑﻮﻥ
ﻻ ﻣﺎﻗﺒﻞ ﻋﻮﺩ ﻣﻦ ﺍﺷﺘﻐﻞ ﺍﻟﻠﻪ ﻛﺮﻳﻢ
ﺑﺘﺴﻢ ﻭﺿﻢ ﻓﻠﻮﺳﻪ ﺑﺠﻴﺒﻪ ﻭﻛﺎﻝ
ﻳﻮﻡ ﺑﻌﺪ ﻳﻮﻡ ﺩﺗﺜﺒﺘﻠﻲ ﺍﻧﻲ ﺧﺘﺎﺭﻳﺘﻚ ﻭﺧﺘﻴﺎﺭﻱ ﺻﺤﻴﺢ ﻭﺍﻥ ﺷﺎﻟﻠﻪ ﺗﻜﻮﻥ ﺍﻳﺪﻱ ﻟﻴﻤﻨﻪ
ﻫﺰﻳﺖ ﺭﺍﺳﻲ ﻋﻮﺩ ﺍﻱ ﺗﺮﺧﺼﺖ ﻭﻃﻠﻌﺖ ﻫﺬﺍ ﺷﺪﻳﺤﺠﻲ ﺍﺩﺭﻱ ﺩﻧﺸﺘﻐﻞ ﺳﺘﺨﺒﺎﺭﺍﺕ ﺷﻨﻮ ﺍﻳﺪﻱ ﺍﻟﻴﻤﻴﻦ ﺷﻨﻮ ﺧﺘﻴﺎﺭﻱ ﺻﺤﻴﺢ
ﻭﺻﻠﺖ ﺍﻟﺒﺎﺏ ﺍﻟﺮﺋﻴﺴﻲ ﺷﻔﺖ ﺻﻔﺎﺀ ﻭﺍﻛﻒ ﻭﻻﺯﻡ ﺳﻼﺡ ﺷﺎﻓﻨﻲ ﺍﺟﺎﻩ ﺑﺘﺠﺎﻫﻲ ﻣﺒﺘﺴﻢ ﻭﻧﺎﻓﺦ ﻧﻔﺴﻪ
ﻫﺎﺍ ﺍﺍ ﺿﻠﻌﻲ ﺷﻠﻮﻧﻲ ﺑﻬﺬﺍ ﺍﻟﺸﻐﻞ
ﻭﺍﻟﻠﻪ ﺷﻜﻠﻚ ﺗﻮﺏ ﺑﺲ ﺷﻨﻮ ﺍﻟﺴﺎﻟﻔﻪ ﺷﺪﻋﻮﻩ ﻫﻞ ﺗﺸﺪﺩ ﻭﺍﻟﺤﻤﺎﻳﺎﺕ
ﻭﻟﻚ ﺍﺑﻮ ﻣﺎﺟﺪ ﺗﺎﺟﺮ ﺟﺒﻴﺮ ﺑﻠﺴﻮﻙ ﻭﺍﻟﻤﺤﻼﺕ ﻫﻨﺎ ﺑﻐﺪﺍﺩ ﻛﻠﻪ ﺗﺠﻬﺰ ﻣﻨﺎ ﺷﻠﻮﻥ ﻣﻴﺨﺎﻑ ﻋﻞ ﻧﻔﺴﻪ ﻭﻳﺸﺪﺩ ﺍﻟﺤﻤﺎﻳﻪ
ﺍﻟﻠﻪ ﺍﻋﻠﻢ ﺍﺣﻨﺎ ﺷﻌﻠﻴﻨﻪ ﺑﺲ ﺗﺪﺭﻱ ﻫﺴﻪ ﺍﻧﻲ ﺭﺗﺤﺖ ﻣﻦ ﺷﻔﺘﻚ ﻭﺍﻛﻒ ﻫﻨﺎ ﻭﻣﺮﺗﺎﺡ ﺍﻥ ﺷﺎﻟﻠﻪ ﺗﻀﻞ ﺩﻭﻡ ﺑﻬﺎﻱ ﺍﻟﺮﺍﺣﻪ
ﺍﻣﻴﻦ ﻳﺎﺭﺏ ﺍﻟﻌﺎﻟﻤﻴﻦ ﺍﻟﻠﻪ ﻳﺴﻤﻊ ﻣﻨﻚ ﻫﺴﻪ ﻛﻠﻲ ﺷﺴﻮﻳﺖ ﻋﻞ ﺷﻐﻠﻚ
ﻭﺍﻟﻠﻪ ﺍﺗﻔﻘﻨﺎ ﻋﻞ ﻣﺨﺎﺑﺮﻩ ﻳﻜﻮﻝ ﺷﻐﻠﻨﻪ ﻫﻴﺞ
ﻻﺯﻡ ﺭﺍﺡ ﻳﺨﻠﻴﻚ ﺗﻄﻠﻊ
ﺍﻱ ﺟﺎﺀ ﺍﻛﻌﺪ ﻭﺍﺳﻜﺖ
ﻻﻋﺒﺎﻟﻲ ﻳﺠﻴﺒﻚ ﻳﻤﻲ
ﻻ ﻫﻮﻩ ﻳﻤﻜﻦ ﺭﺍﺡ ﻳﺨﻠﻴﻨﻲ ﻋﻞ ﻧﻘﻞ ﻳﻌﻨﻲ ﺍﻭﺩﻱ ﺑﻀﺎﻋﻴﻊ ﻭﺍﺟﻴﺐ ﻫﻴﺞ ﻓﺘﻬﻤﺖ ﻣﻦ ﻛﻼﻣﻪ
ﺍﻟﻠﻪ ﻛﺮﻳﻢ ﺍﻟﻠﻪ ﻳﺴﻬﻞ
ﻭﺍﻟﻨﻌﻢ ﺑﺎﻟﻠﻪ ﻳﻠﻪ ﺭﺍﻳﺢ ﻋﻮﺩ ﻧﺘﺸﺎﻭﻑ ﺑﻠﺒﻴﺖ
ﻋﻔﺘﻪ ﻭﺭﺟﻌﺖ ﻟﻠﺒﻴﺖ ﺑﻴﻮﻣﻪ ﺧﺘﻨﻜﺖ ﺣﻴﻞ ﻭﻣﺎﻋﺮﻑ ﺷﻨﻮ ﺍﻟﺴﺒﺐ ﻓﺴﺮﺗﻪ ﺷﻮﻙ ﻟﻬﻠﻲ ﻟﻮ ﻫﺎﻱ ﺍﻟﻤﺼﻮﺭﻩ ﺍﻟﻤﺎﺧﺬﻩ ﻋﻘﻠﻲ ﻭﺷﺎﻟﻪ ﺗﻔﻜﻴﺮﻱ
ﻧﻤﺖ ﻧﻮﻣﻪ ﻣﺮﻫﻘﻪ ﺍﻟﻴﻞ ﻛﻠﻪ ﺍﺣﻼﻡ ﻣﺨﺮﺑﻄﻪ ﻭﻛﻮﺍﺑﻴﺲ ﻣﺎﻟﻪ ﺍﺧﺮ ﻛﻌﺪﺕ ﺍﻟﻔﺠﺮ ﻋﺮﻛﺎﻥ ﻛﻤﺖ ﺳﺒﺤﺖ ﻭﺻﻠﻴﺖ ﻭﺳﻮﻳﺖ ﺟﺎﻱ ﺷﺮﺑﺖ ﻭﺩﺧﻨﺖ ﻭﻳﺎﻩ ﺟﻜﺎﺭﻩ ﻟﺤﺪ ﻣﺎﻃﻠﻌﺖ ﺍﻟﺸﻤﺲ ﺍﻧﻲ ﻛﺎﻋﺪ ﺍﻧﻮﺏ ﺗﻜﺴﺮﺕ ﻣﻤﺘﻌﻠﻢ ﻳﻮﻣﻴﻪ ﻫﻴﺞ ﻭﻛﺖ ﺍﻧﻲ ﺑﻠﻤﺴﻄﺮ ﺑﻌﺪ ﻣﺎﻛﺪﺭ ﺍﻃﻠﻊ ﺍﺧﺎﻑ ﻋﻞ ﻏﻔﻠﻪ ﻳﺨﺎﺑﺮﻧﻲ ﺍﻟﺴﺎﻋﻪ ﺻﺎﺭﺕ 7 ﻭﻧﺺ ﻭﺧﻤﺴﻪ ﻟﻔﻴﺖ ﺟﺎﺭﻭﻳﺘﻲ ﻭﻃﻠﻌﺖ ﺭﺣﺖ ﻟﻼﺳﻮﺍﻕ ﺍﺧﺬﺕ ﺍﺟﺒﺎﻥ ﻭﺟﻜﺎﻳﺮ ﻭﺩﺍﺩﻓﻊ ﺑﻠﺤﺴﺎﺏ ﺷﻔﺖ ﻣﺮﻩ ﺑﻜﺪ ﺍﻣﻲ ﺗﻘﺮﻳﺒﺎ ﻫﻢ ﺩﺗﺘﺤﺎﺳﺐ ﺷﺎﻳﻠﻪ ﻛﻮﻣﻪ ﻋﻼﻟﻴﻚ ﻭﻣﻦ ﻭﺭﺍﻳﻪ ﺻﺎﺭ ﺻﻮﺕ ﻧﺎﻋﻢ
ﻣﺎﻣﺎ ﺍﺧﺬﺗﻲ ﻣﻦ ﻫﺬﺍ
ﻟﺘﻔﺘﺖ ﻻﺍﺭﺍﺩﻳﻦ ﻭﺍﺷﻮﻑ ﺍﻟﻤﺼﻮﺭﻩ ﻭﺍﻟﻤﺮﻩ ﺗﺮﺩﻩ
ﺍﻱ ﺑﻨﺘﻲ ﺍﺧﺬﺕ
ﺿﻠﻴﺖ ﻋﻴﻮﻧﻲ ﻋﻞ ﺑﻨﺘﺎﻳﻪ ﻭﺍﻻﺍﻣﺎﻳﻪ ﻻﻳﺎﻟﻠﻪ ﺍﺩﺭﻱ ﻣﺎﻛﻮ ﻏﻴﺮ ﻫﺎﻱ ﺍﻷﺳﻮﺍﻕ ﻛﻞ ﻣﺮﻩ ﺍﺗﺼﺎﺩﻑ ﻭﻳﺎﻩ ﺑﻴﻪ ﻟﻌﺪ ﺍﻛﻴﺪ ﻫﻤﻪ ﻣﻦ ﻫﺎﻱ ﺍﻟﻤﻨﻄﻘﻪ ﺍﻟﺒﻨﻴﻪ ﻫﻢ ﺑﺎﻭﻋﺖ ﻋﻠﻴﻪ ﺑﺤﻴﺮﻩ ﺍﻋﺮﻑ ﻗﺼﺪﻩ ﻫﺴﻪ ﺩﻛﻮﻝ ﻭﻳﻦ ﻣﺎﺭﻭﺡ ﺍﺷﻮﻓﻪ
ﺣﺎﺳﺒﺖ ﻭﺭﺍﻫﻢ ﻭﺑﻌﺪ ﻣﺎﻃﻠﻌﻮﻭ ﺑﺸﻮﻳﻪ ﻃﻠﻌﺖ ﻭﻫﻞ ﻣﺮﻩ ﻣﺎﺑﻴﻪ ﻣﺠﺎﻝ ﻻﺯﻡ ﺍﻋﺮﻑ ﻭﻳﻦ ﺑﻴﺘﻬﻢ ﻟﻴﺶ ﺍﻧﻲ ﻭﻳﺎﻩ ﺩﻧﺘﺼﺎﺩﻑ ﻫﻨﺎ ﺩﺍﺋﻤﺎ ﺿﻠﻴﺖ ﻭﺭﺍﻫﻢ ﻣﻦ ﺑﻌﻴﺪ ﺍﻟﺒﻌﻴﺪ ﻭﺍﻟﻤﺸﻜﻠﻪ ﺷﺎﻳﻞ ﺍﻟﺠﺒﻦ ﻭﺍﻟﺠﻜﺎﻳﺮ ﺑﻴﺪﻱ ﺑﺪﻭﻥ ﻋﻼﻛﻪ ﻣﻦ ﻛﺪ ﻣﺎﻣﺴﺘﻌﺠﻞ ﻭﺍﺭﻳﺪ ﺍﻟﺤﻚ ﺑﻴﻬﻢ ﺣﺘﻰ ﻋﻼﻛﻪ ﻣﺎﺍﺧﺬﺕ
ﻳﻤﺸﻮﻥ ﻭﺍﻧﻲ ﻭﺭﺍﻫﻢ ﺗﻮﻗﻔﻮ ﻳﻢ ﺑﻴﺖ ﺯﻏﻴﺮ ﺑﻨﻬﺎﻳﻪ ﺍﻟﻔﺮﻉ ﺑﺲ ﻣﻦ ﺍﻟﺼﻔﺤﻪ ﺍﻟﺜﺎﻧﻴﻪ ﻳﻌﻨﻲ ﺛﻨﻴﻨﻪ ﻧﺒﻔﺲ ﺍﻟﻔﺮﻉ ﺍﻧﻲ ﺑﺪﺍﻳﺘﻪ ﻭﻫﻴﻪ ﺑﻨﻬﺎﻳﺘﻪ ﻭﺍﻷﺳﻮﺍﻕ ﺑﻨﺼﻨﻪ ﺩﺧﻠﻮ ﻭﻗﺒﻞ ﻣﺘﺴﺪ ﺍﻟﺒﺎﺏ ﺑﺎﻭﻋﺖ ﻋﻠﻴﻪ ﺑﺨﺰﺭﻩ ﻭﺭﻛﻌﺖ ﺍﻟﺒﺎﺏ ﺣﺘﻰ ﻛﺼﺘﻲ ﺿﺮﺑﺘﻪ..بيج قصص عراقيه حقيقيه من واقعنا.روعه الطائي
ﺍﻧﻌﻞ ﺣﻀﻲ ﺷﺎﻓﺘﻨﻲ ﻭﻋﺮﻓﺖ ﺍﻧﻲ ﻟﺤﻜﺘﻪ ﻻﻳﺎﻟﻠﻪ ﺷﻜﺪ ﻋﻴﺐ ﻫﺴﻪ ﺷﺪﻛﻮﻝ ﻋﻠﻴﻪ
ﺭﺟﻌﺖ ﺍﻣﺸﻲ ﺳﺮﻳﻊ ﻭﺃﻟﻒ ﺳﺎﻟﻔﻪ ﺑﺮﺃﺳﻲ ﺣﺘﻰ ﺗﻔﻜﻴﺮ ﻣﺎﻛﺪﺭ ﺍﻓﻜﺮ ﻭﺻﻠﺖ ﺍﻟﺒﻴﺖ ﺷﻤﺮﺕ ﺍﻟﺠﺒﻦ ﻭﺣﺘﻰ ﻣﺎﺗﺮﻳﻜﺖ ﻭﻻ ﺍﻟﻲ ﻧﻔﺲ ﺑﻌﺪ ﺿﻠﻴﺖ ﺍﺣﻤﺲ ﺍﻟﻴﻮﻡ ﻛﻠﻪ ﻟﻠﻌﺼﺮ ﻗﺮﺭﺕ ﺍﺭﻭﺡ ﻟﻠﻤﺤﻞ ﻭﺍﺑﺮﺭ ﻣﻮﻗﻔﻲ ﻭﺍﻃﻠﻊ ﺍﻱ ﺣﺠﻪ ﻭﺃﻋﺘﺬﺭ ﻣﻨﻬﺎ ﻭﺑﻌﺪ ﻣﺎﻭﺻﻞ ﻟﻬﻨﺎﻙ ﻧﻬﺎﻱ
ﺍﺩﺭﻱ ﻛﻞ ﻣﺮﻩ ﺍﻛﻮﻝ ﻫﻴﺞ ﻭﺍﺗﺮﺍﺟﻊ ﺑﺲ ﻫﻞ ﻣﺮﻩ ﺻﺪﻙ ﻃﻮﺧﺘﻬﻪ ﻭﺑﺲ ﺍﺧﻠﺺ ﻣﻦ ﻫﺬﺍ ﺍﻟﻤﻮﺿﻮﻉ ﺑﻌﺪ ﺣﺘﻰ ﻣﻦ ﻫﺎﻱ ﺍﻷﺳﻮﺍﻕ ﻣﺎﺗﺴﻮﻙ
ﻭﺍﻟﻠﻪ ﻟﻠﻌﺼﺮ ﻛﻀﻴﺘﻪ ﺑﺲ ﺟﻜﺎﻳﺮ ﺻﺎﺭﺕ ﺑﻼﺭﺑﻌﻪ ﻭﺭﺣﺖ ﺍﺗﻤﺸﻪ ﻟﻜﻴﺘﻪ ﻣﻌﺰﻟﻪ ﻫﺎﻱ ﺷﻠﻮﻥ ﺳﺎﻟﻔﻪ ﺑﻘﻴﺖ ﺍﻧﺘﻀﺮ ﻭﺍﻧﺘﻀﺮ ﻭﺍﺭﻭﺡ ﻭﺍﺟﻲ ﻭﻣﺎﻛﻮ ﺍﻝ ﺍﻳﺴﺖ ﻳﺎﻟﻪ ﺭﺟﻌﺖ
ﻭﻳﻮﻡ ﻳﺠﺮ ﻳﻮﻡ ﻭﺃﺭﺑﻊ ﺃﻳﺎﻡ ﻣﻌﺰﻟﻪ ﺭﺩﺕ ﺍﺗﺨﺒﻞ ﻭﻳﻦ ﺭﺍﺣﺖ ﺍﺧﺎﻑ ﺧﺎﻓﺖ ﻣﻦ ﺷﺎﻓﺘﻨﻲ ﺍﻟﺤﻜﻪ ﻻﻣﻤﻌﻘﻮﻟﻪ ﻣﻮﻟﻬﻞ ﺩﺭﺟﻪ
ﻣﺴﻄﻮﺭ ﺳﻄﺮ ﺑﻬﺬﺍ ﺍﻟﻤﻮﺿﻮﻉ ﻭﺧﺎﺑﺮﻧﻲ ﺍﺑﻮ ﻣﺎﺟﺪ ﻛﻠﻲ ﺍﻟﻴﻮﻡ ﺳﺎﻋﻪ 10 ﺗﻌﺎﻝ ﻋﺪﻧﻪ ﺷﻐﻞ ﻭﺍﻟﻠﻪ ﻫﻴﺖ ﻧﻔﺴﻲ ﻭﻃﻠﻌﺖ ﻗﺒﻞ ﺍﻟﻌﺸﺮﻩ ﺣﺘﻰ ﺃﻭﺻﻞ ﺑﻠﻤﻀﺒﻮﻁ ﻭﺻﺪﻙ ﻭﺻﻠﺖ ﻓﻴﺖ ﻣﻦ ﺷﺎﻓﻨﻲ ﺑﺎﻭﻉ ﻋﻞ ﺳﺎﻋﻪ ﻭﻛﺎﻝ
ﺑﺎﺷﺎ ﻭﺭﺑﻲ ﺑﺎﺷﺎ ﺑﻜﻠﺸﻲ ﺑﺸﻜﻠﻚ ﻭﺑﺘﺼﺮﻓﺎﺗﻚ ﺣﺘﻰ ﺑﻤﻮﺍﻋﻴﺪﻙ
ﺍﺷﻜﺮﻙ
ﻻﻣﻴﺤﺘﺎﺝ ﺗﺸﻜﺮﻧﻲ ﺗﺮﻩ ﺍﻧﻲ ﻣﺎﻣﺪﺡ ﺷﺨﺺ ﺍﻝ ﺍﻧﻲ ﻣﺘﺎﻛﺪ ﻫﻮﻩ ﺷﻨﻮ
ﻫﺴﻪ ﻏﻴﺮ ﻳﻔﻀﻨﻲ ﺿﻞ ﻳﻤﺪﺡ ﺑﻴﻪ ﻭﺍﻧﺖ ﻫﻴﺞ ﻭﻫﻴﺞ ﻭﺍﻧﻲ ﺍﺩﺭﻱ ﺑﻲ ﺩﻳﺼﺒﻎ ﻻﻥ ﺷﺎﻳﻒ ﻣﻨﻲ ﺑﻌﺪﻧﻪ ﺑﺴﻢ ﺍﻟﻠﻪ ﻣﺎﻛﻠﻨﻪ
ﺿﻠﻴﺖ ﺑﺲ ﺍﺳﻤﻌﻠﻪ ﺍﻱ ﻭﺍﻱ ﺍﺟﺎﻭﺑﻪ ﺍﻝ ﻃﺒﻜﺖ ﺳﻴﺎﺭﻩ ﺣﻤﻞ ﺣﺪﻳﺜﻪ ﺳﻠﻤﻨﻲ ﺳﻮﻳﺠﻪ ﻭﻧﻄﺎﻧﻲ ﻭﺭﻗﻪ ﺑﻴﻪ ﻋﻨﻮﺍﻥ ﻛﻠﻲ ﺗﻮﺻﻠﻪ ﻭﺗﺮﺟﻊ ﻟﻬﻨﺎ
ﺻﻌﺪﺕ ﺍﻟﺴﻴﺎﺭﻩ ﻭﻃﻠﻌﺖ ﺧﺎﺭﺝ ﺍﻟﺒﻴﺖ ﻭﺟﺎﻥ ﻳﻠﺤﻜﻨﻲ ﻭﺑﻴﺪﻩ ﻣﺜﻞ ﺩﻓﺘﺮ ﺍﻟﺼﻚ ﺑﺲ ﻓﺎﺭﻉ ﻛﺎﻝ
ﻭﻗﻊ
ﻋﻞ ﺷﻨﻮ
ﺷﺒﻴﻚ ﻭﺻﻞ ﺑﻦ ﺍﻧﺖ ﺳﺘﻠﻤﺖ ﺍﻟﺒﻀﺎﻋﻪ ﻭﺭﺍﺡ ﺗﻮﺻﻠﻪ
ﺑﺲ ﺍﻧﻲ ﺳﺎﻳﻖ ﻗﺎﺑﻞ ﺍﺑﻮ ﺍﻟﺒﻀﺎﻋﻪ
ﺿﺮﺍﺭ ﻟﻴﺶ ﺗﺴﺌﻞ ﻫﻮﺍﻱ ﺗﺮﻩ ﺍﻧﻲ ﻣﺎﺍﺣﺐ ﻫﺬﺍ ﺍﻟﻄﺒﻊ
ﻭﺍﻧﻲ ﻻﺯﻡ ﺍﺳﺌﻞ ﺷﻠﻮﻥ ﺃﻭﻗﻊ ﻋﻞ ﺷﻲ ﻣﺎﻋﺮﻓﻪ
ﺍﻛﻠﻚ ﺍﻧﺰﻝ ﺍﻧﺰﻝ ﺍﻧﺖ ﻣﺒﻴﻦ ﺭﺍﺡ ﺗﻌﺒﻨﻲ
ﻣﻦ ﻛﺎﻝ ﻫﻴﺞ ﺣﺴﻴﺘﻪ ﺳﺘﻔﺰﻧﻲ ﺑﺴﺮﻋﻪ ﻓﺘﺤﺖ ﺑﺎﺏ ﺍﻟﺴﻴﺎﺭﻩ ﻭﻧﺰﻟﺖ ﻫﻮﻩ ﺗﻔﺎﺟﺎﻩ ﻳﻤﻜﻦ ﻋﺒﺎﻟﻪ ﺭﺍﺡ ﺍﺗﻮﺳﻞ ﺑﻲ ﺑﺴﺮﻋﻪ ﻛﺎﻝ
ﻫﻬﻬﻬﻪ ﻫﺎﻱ ﺷﺒﻴﻚ ﻳﻤﻌﻮﺩ ﺍﺷﻮ ﻣﺼﺪﻛﺖ ﻣﻦ ﺍﻟﻠﻪ ﻳﺎﺑﻪ ﺩﺍﺷﺎﻗﻴﻚ
ﻭﺍﻧﻲ ﻣﺎﺍﺣﺐ ﺍﻟﺸﻘﻪ
ﻟﻚ ﺗﻌﺎﻝ ﻭﺍﻟﻠﻪ ﻋﺒﺎﻟﻲ ﻣﺜﻞ ﺻﻔﺎﺀ
ﺍﺑﻮ ﻣﺎﺟﺪ ﺍﻟﺒﻴﻨﻪ ﺷﻐﻞ ﺑﻌﺪ ﻋﻞ ﺷﻨﻮ ﺍﻟﺸﻘﻪ ﻛﺘﻠﻲ ﻭﻗﻊ ﻭﺍﻧﻲ ﻣﺎﻭﻗﻊ ﻋﻞ ﺷﻲ ﻣﺎﻋﺮﻓﻪ
ﻋﻞ ﻛﻴﻔﻚ ﻫﺪﻱ ﻧﻔﺴﻚ ﻭﺻﺪﻛﻨﻲ ﻣﺜﻞ ﻣﺎﻛﺘﻠﻚ ﻫﺬﺍ ﻭﺻﻞ ﻧﺴﺠﻞ ﺑﻲ ﺍﻟﺒﻀﺎﻋﻪ ﺍﻟﺤﻤﻠﺘﻪ ﻭﺣﺘﻰ ﺗﻜﻮﻥ ﺷﺎﻫﺪ ﻋﻞ ﺗﺴﻠﻴﻤﻪ ﻭﺍﻧﻲ ﺍﺳﻒ ﻭﺍﻟﻠﻪ ﻣﻦ ﻛﺘﻠﻚ ﺍﻧﺰﻝ ﻣﻦ ﺑﺎﺏ ﺍﻟﻤﻴﺎﻧﻪ ﻻﺍﻛﺜﺮ
ﺑﻜﻞ ﻏﻀﺐ ﻭﺍﺣﻮﺍﻟﻲ ﻛﻠﻪ ﻣﺨﺮﺑﻄﻪ ﻣﻦ ﺷﻨﻮ ﻣﺎﻋﺮﻑ ﻭﻗﻌﺖ ﻭﻛﻠﺒﻲ ﻣﻤﺮﺗﺎﺡ ﻭﺍﺧﺬﺕ ﺍﻟﺴﻴﺎﺭﻩ ﻭﺷﺨﻄﺘﻪ ﻭﺍﺳﻮﻕ ﺑﻌﺼﺎﺏ ﻣﺘﺸﻨﺠﻪ ﺍﻧﻲ ﻧﻔﺴﻲ ﻣﺎﻋﺮﻑ ﻟﻴﺶ ﻫﻴﺞ ﺩﺍﺻﺮﻑ ﻳﻤﻜﻦ ﻻﻥ ﺍﻭﻝ ﻣﺮﻩ ﺍﺷﺘﻐﻞ ﺑﻠﻴﻞ ﻭﺷﺎﻳﻞ ﻣﺴﻮﻟﻴﻪ ﻭﺍﻣﺎﻧﻪ ﻻﺯﻡ ﺍﻭﺻﻠﻪ ﺣﺘﻰ ﻣﺎﺑﺎﻭﻋﺖ ﺷﻜﺪ ﺍﻟﺒﻀﺎﻋﻪ ﻭﻻﺷﻠﻮﻧﻪ ﺍﺣﺲ ﻛﻠﺸﻲ ﺑﻴﻪ ﻣﺨﺮﺑﻂ ﻭﻣﻤﺘﺮﺍﻫﻢ ﻋﻞ ﻫﻞ ﺷﻐﻠﻪ ﺍﺑﺪ
ﻭﺻﻠﺖ ﺍﻟﻤﻜﺎﻥ ﺍﻝ ﺑﻠﻌﻨﻮﺍﻥ ﻃﺒﻜﺖ ﺍﻟﺴﻴﺎﺭﻩ ﻭﻧﺰﻟﺖ ﻫﻢ ﻣﺰﺭﻋﻪ ﺗﻠﻜﻮﻧﻲ ﺛﻨﻴﻦ ﻭﻋﺮﻓﺘﻬﻢ ﺍﻧﻲ ﻣﻦ ﻃﺮﻑ ﺍﺑﻮ ﻣﺎﺟﺪ ﺗﺴﺎﻟﻤﻨﻪ ﻭﻛﻠﻮﻟﻲ ﺩﺧﻞ ﺍﻟﺴﻴﺎﺭﻩ ﺟﻮﻩ
ﻗﺼﺪﻫﻢ ﺩﺍﺧﻞ ﺍﻟﺒﻴﺖ ﺩﺧﻠﺘﻪ ﻭﻧﺰﻟﺖ ﻭﺑﺪﻭ ﻫﻤﻪ ﻳﻨﺰﻟﻮﻥ ﻭﻳﺪﺧﻠﻮﻥ ﻟﻤﺨﺰﻥ ﺟﺎﻧﻮ ﺑﺲ ﻫﻞ ﺛﻨﻴﻦ ﺑﻜﻞ ﺍﻟﻤﺰﺭﻋﻪ
ﺩﺧﻨﺖ ﻧﺺ ﺍﻟﺒﺎﻛﻴﺖ ﻭﻫﻤﻪ ﺑﻌﺪﻫﻢ ﻳﻨﺰﻟﻮﻥ ﺗﻘﺮﻳﺒﺎ ﺃﺭﺑﻊ ﺳﺎﻋﺎﺕ ﻋﻞ ﻧﻔﺲ ﺍﻟﻤﻮﺍﻝ ﻭﺃﺑﻮ ﻣﺎﺟﺪ ﻛﻞ ﺷﻮﻳﻪ ﻳﺨﺎﺑﺮ ﻭﻳﺴﺌﻞ ﻫﺎﺍ ﻭﻳﻦ ﺻﺮﺕ ﻭﺷﺴﻮﻳﺖ ﻭﺍﻧﻲ ﺍﺑﺎﻭﻉ ﻋﻠﻴﻬﻢ ﺷﻠﻮﻥ ﻳﻨﺰﻟﻮﻥ ﻛﻠﻪ ﻛﺮﺍﺗﻴﻦ ﺻﻐﺎﺭ ﺣﺘﻰ ﻣﻠﻴﺖ ﻣﻦ ﺍﻟﻜﻌﺪﻩ ﺍﻝ ﻛﻤﻠﻮ
ﺗﺸﻜﺮﻭ ﻣﻨﻲ ﻭﺭﺟﻌﺖ ﺟﺎﻧﺖ ﻧﺺ ﺍﻟﻴﻞ ﺻﺪﻗﺎ ﺧﻔﺖ ﺍﻟﺸﻮﺍﺭﻉ ﺿﻠﻤﻪ ﻭﺍﻟﺴﻴﻄﺮﺍﺕ ﻗﻠﻴﻠﻪ ﻷﻭﻝ ﻣﺮﻩ ﺑﺤﻴﺎﺗﻲ ﻳﺘﻤﻠﻜﻨﻲ ﺍﻟﺨﻮﻑ ﻣﻦ ﺍﻟﻄﺮﻳﻖ ﺭﻳﻜﻲ ﻧﺸﻒ ﺍﻝ ﻭﺻﻠﺖ ﻟﺒﻴﺖ ﺍﺑﻮ ﻣﺎﺟﺪ ﻣﻦ ﺷﺎﻓﻨﻲ ﺭﺑﺪ ﻋﻞ ﺟﺘﻔﻲ ﻭﻛﺎﻝ
ﻋﻔﻴﻪ ﺑﻠﺴﺒﻊ ﻣﺘﻮﻗﻌﺖ ﺭﺍﺡ ﺗﻮﺩﻳﻬﻦ ﻭﺗﺮﺟﻊ
ﻻﻟﻴﺶ ﻋﺎﺩﻱ
ﺷﻠﻮﻧﻪ ﺍﻟﺸﻐﻠﻪ ﺳﻬﻠﻪ
ﺍﻱ ﻭﺍﻟﻠﻪ ﺳﻬﻠﻪ ﺑﺲ ﺍﻟﻤﻜﺎﻥ ﺑﻌﻴﺪ ﻭﺍﻟﻄﺮﻳﻖ ﻳﺨﻮﻑ ﻟﻴﺶ ﻣﺘﺨﻠﻴﻪ ﺑﻠﻨﻬﺎﺭ..بيج قصص عراقيه حقيقيه من واقعنا.روعه الطائي
ﻻﻫﺎﻱ ﺑﺲ ﺑﻠﺒﺪﺍﻳﻪ ﻫﺴﻪ ﺗﺘﻌﻠﻢ ﻭﻳﺼﻴﺮ ﻋﻨﺪﻙ ﺍﻟﻴﻞ ﺯﻻﻃﻪ ﻳﻠﻪ ﺗﻮﻛﻞ ﺭﻭﺡ ﺍﻟﺒﻴﺖ ﺍﺧﺎﻑ ﺗﻌﺒﺎﻥ
ﻫﺎﻙ ﻫﺬﺍ ﺍﻟﺴﻮﻳﺞ
ﻻ ﻫﺬﺍ ﺍﻟﺴﻮﻳﺞ ﺍﻧﺴﻰ ﻣﻦ ﺻﻌﺪﺕ ﻫﺎﻱ ﺍﻟﺴﻴﺎﺭﻩ ﺍﻋﺘﺒﺮﻩ ﺻﺎﺭﺕ ﻣﻠﻜﻚ
ﻻﻋﻤﻲ ﺷﻨﻲ ﺍﻟﺴﺎﻟﻔﻪ
ﺿﺮﺍﺭ ﺳﻮﻱ ﺍﻟﻲ ﺍﻛﻠﻚ ﻋﻠﻴﻪ ﻳﻌﻨﻲ ﺍﻧﻲ ﻣﻨﺎ ﻭﻫﻴﺞ ﺍﺣﺘﺎﺟﻚ ﺧﻮﻣﺎ ﺗﺠﻲ ﻋﺒﺮﻳﻪ ﺑﻨﺺ ﺍﻟﻴﻞ ﻭﺑﻌﺪﻳﻦ ﻭﺭﺍﻩ ﻣﺘﻜﻤﻞ ﺗﺮﺟﻌﻪ ﻣﺪﻛﻠﻲ ﺷﻨﻮ ﻫﻞ ﺷﻠﻌﺎﻥ ﺍﻟﻜﻠﺐ ﺧﻠﻴﻪ ﻳﻤﻚ ﻭﺍﻧﻲ ﻣﻤﺤﺘﺎﺣﻪ ﻫﺴﻪ
ﺟﺎﺀ ﺧﻮﺵ ﺍﻧﻲ ﺍﺗﺮﺧﺺ
ﻫﻬﻬﻬﻬﻬﻬﻪ ﺍﻟﻠﻪ ﻭﻳﺎﻙ ﺑﺲ ﺍﻛﻮ ﺷﻐﻠﻪ ﺍﺭﻳﺪ ﺍﻛﻮﻟﻚ ﺑﻴﻪ ﻗﺒﻞ ﻣﺎﺗﺮﻭﺡ ﺑﺲ ﻻﺗﺎﺧﺬﻩ ﺑﻐﻴﺮ ﻗﺼﺪ
ﻛﻮﻝ
ﺷﻮﻳﻪ ﻗﻠﻞ ﻣﻦ ﻟﻬﺠﺘﻚ ﺍﻟﺠﻨﻮﺑﻴﻪ
ﺿﻴﻜﺖ ﻋﻴﻨﻲ ﻭﺭﻓﻌﺖ ﺣﺎﺟﺒﻲ ﻭﻛﺘﻠﻪ
ﺷﻠﻮﻥ ﻳﻌﻨﻲ
ﻳﻌﻨﻲ ﺟﺎﺀ، ﺷﻨﻲ ،ﺍﻛﻠﻚ ، ﺗﺮﻩ ﺍﻧﺖ ﺑﻐﺪﺍﺩ ﻣﻮﺑﺪﻳﺮﺗﻜﻢ
ﺍﻛﻠﻚ ﺍﺑﻮ ﻣﺎﺟﺪ ﺗﺮﻩ ﺍﻟﻴﻨﻜﺮ ﺍﺻﻠﻪ ﺧﻮﺍﻥ ﻭﺍﻧﻲ ﻋﺮﺑﻲ ﺟﻨﻮﺑﻲ ﻣﺎﺍﺻﻞ ﻳﺴﺘﺤﻴﻞ ﺍﻏﻴﺮ ﺍﺻﻠﻲ ﻭﻛﻼﻣﻲ ﻻﺟﻞ ﺍﺣﺪ
ﻭﺍﻟﻨﻌﻢ ﻣﻨﻚ ﺑﺲ ﺍﻧﻲ ﻋﻠﻤﻮﺩﻙ ﻭﺩﺍﻋﺘﻚ ﺍﺧﺎﻑ ﻋﻠﻴﻚ ﻭﺑﻌﺪ ﺑﺮﺍﺣﺘﻚ
ﺑﺎﻭﻋﺖ ﻋﻠﻴﻪ ﺻﻔﺢ ﻭﺻﻌﺪﺕ ﺍﻟﺴﻴﺎﺭﻩ ﻭﺭﺟﻌﺖ ﻟﻠﺒﻴﺖ ﻣﻦ ﺳﺎﻋﺘﻪ ﻛﻠﺖ ﺍﻧﻲ ﺷﻠﻲ ﺑﻬﺎﻱ ﺍﻟﺪﻭﺧﻪ ﺍﺫﺍ ﺍﻧﻲ ﺍﺑﻮ ﻣﺎﺟﺪ ﻣﺎﺑﺎﻟﻌﻪ ﻭﻻﻃﺎﻳﻘﻪ ﻭﻓﻮﻛﺎﻩ ﻳﺘﻨﺼﻨﺺ ﻋﻠﻴﻪ ﻭﺍﻧﻮﺏ ﺷﻐﻠﻪ ﻛﻠﺒﻲ ﻻﻋﺐ ﻣﻨﺎ ﺍﺣﺲ ﺷﻲ ﺍﻋﻮﻓﻪ ﻭﺑﺎﺟﺮ ﺍﺭﺟﻊ ﺍﻟﺴﻴﺎﺭﻩ ﻭﻳﺎﻩ ﺻﻔﺎﺀ
ﻭﻛﺎﻥ ﺍﻟﻠﻪ ﻳﺤﺐ ﺍﻟﻤﺤﺴﻨﻴﻦ،،،،،،،،،،،،،،،،،
ﻭﺭﺩﻩ ........ ﺭﻏﻴﺪﻩ ﺷﻤﺎﻟﺞ ﺍﺷﻮ ﺳﺎﻟﻔﺘﺞ ﻣﻮﺵ ﺧﺎﻟﻴﻪ ﺻﺎﺭﻟﺞ ﺃﻳﺎﻡ ﺣﺎﺑﺴﻪ ﺭﻭﺡ ﺑﻠﻐﺮﻓﻪ ﻣﺎﺩﻛﻠﻴﻠﻲ ﺷﺒﻴﺞ
ﻣﺎﺑﻴﻪ ﺷﻲ
ﺭﻏﺪ ﺣﺒﻴﺒﺘﻲ ﺍﻧﺎ ﺍﺧﺘﺞ ﺍﺫﺍ ﺍﻛﻮ ﺷﻲ ﻣﻀﺎﻳﻘﺞ ﻓﺘﺤﻴﻠﻲ ﻛﻠﺒﺞ ﺟﺎﺀ ﺍﻧﺎ ﻣﻮﻓﺘﺤﺘﻠﺞ ﻛﻠﺒﻲ
ﺟﻨﺖ ﻣﺪﻧﻜﻪ ﻭﺭﺍﺳﻲ ﺑﻴﻦ ﺭﺟﻠﻴﻪ ﻣﻦ ﻛﺎﻟﺖ ﻫﻴﺞ ﺭﻓﻌﺖ ﺭﺍﺳﻲ ﻭﺑﺎﻭﻋﺖ ﻋﻠﻴﻪ ﻭﺗﺬﻛﺮﺕ ﻛﻠﺸﻲ ﺗﺬﻛﺮﺕ ﺷﻠﻮﻥ ﺻﺎﺭﻟﻲ ﺃﻳﺎﻡ ﻋﺎﺯﻟﻪ ﻧﻔﺴﻲ ﻋﻦ ﻛﻠﺸﻲ ﻭﻣﺎﻟﻲ ﻋﻴﻦ ﺍﺑﺎﻭﻉ ﺑﻮﺟﻬﻪ ﺍﺧﺘﻲ ﻭﺃﺧﺎﻑ ﺍﺭﻳﺪ ﺍﻧﺴﻰ ﻫﻴﻪ ﻫﺴﻪ ﺫﻛﺮﻧﻲ ﺷﻠﻮﻥ ﻓﺘﺤﺘﻠﻲ ﻛﻠﺒﻪ ﻭﺻﺎﺭﺣﺘﻨﻲ ﺑﺤﺒﻪ ﺍﻝ ﺍﻣﻴﻦ ﻭﺷﻠﻮﻥ ﺍﻧﻲ ﺧﻨﺘﻬﻪ ﻭﺣﺒﻴﺘﻪ
ﻳﺎﺍﺍﺍﺍ ﺷﻤﺎﻟﺞ ﺻﺎﻓﻨﻪ ﺑﻮﺟﻬﻲ ﺭﻏﺪ ﺍﻧﺘﻲ ﻣﺮﻳﻀﻪ ﺑﻴﺞ ﺷﻲ
ﻋﻴﻮﻧﻲ ﻏﺮﻏﺮﻥ ﺑﻠﺪﻣﻊ ﻭﻛﺘﻠﻪ
ﻋﻔﻴﻪ ﻭﺭﺩﻩ ﻋﻮﻓﻴﻨﻲ ﺍﺭﻳﺪ ﺍﻧﺎﻡ
ﺳﺘﻐﻔﺮﺍﻟﻠﻪ ﻻﺍﻧﺘﻲ ﺍﺑﺪ ﻣﻮﻃﺒﺒﻌﻴﻪ ﻭﺍﺫﺍ ﺑﻘﻴﺘﻲ ﻫﻴﺞ ﺍﻧﺎ ﺭﺍﺡ ﺍﺳﻮﻟﻒ ﺍﻻﻣﻲ ﺗﺸﻮﻓﻠﺞ ﺟﺎﺭﻩ
ﻭﺭﺩﻩ ﻣﺎﺑﻴﻪ ﺷﻲ ﺷﻮﻳﻪ ﺗﻌﺒﺎﻧﻪ ﻫﺴﻪ ﺍﻧﺎﻡ ﻭﺍﻛﻌﺪ ﺍﺭﺗﺎﺡ
ﺑﻜﻴﻔﺞ ﺧﻴﻪ ﺑﻜﻴﻔﺞ ﺍﻧﺎ ﻃﺎﻟﻌﻪ ﻭﺍﻥ ﻋﺰﺗﻲ ﺷﻲ ﺑﺲ ﺻﻴﺤﻲ ﻋﻠﻲ
ﻃﻠﻌﺖ ﻭﺍﻧﻲ ﻧﺰﻟﺖ ﻟﻠﻔﺮﺍﺵ ﻣﺪﺩﺕ ﻭﻏﻄﻴﺖ ﻭﺟﻬﻲ ﻭﺑﻜﺪ ﻣﺎﻋﻨﺪﻱ ﻗﻮﻩ ﺑﺠﻴﺖ ﻟﺤﺪ ﻣﺎﺗﻌﺒﺖ ﺍﺣﺲ ﻧﻔﺴﻲ ﺩﺍﺧﻠﻪ ﺑﻤﻌﺮﻛﻪ ﻭﻣﺎﻋﺮﻑ ﺷﻮﻛﺖ ﺗﺨﻠﺺ ﻧﻤﺖ ﻭﺛﺎﻧﻲ ﻳﻮﻡ ﻛﻌﺪﺕ ﻋﻞ ﻫﻮﺳﻪ ﺑﻠﺒﻴﺖ ﺍﻛﻴﺪ ﺍﺑﻮﻱ ﻭﺳﻮﺍﻟﻔﻪ ﺍﻟﻤﺎﺗﺨﻠﺺ ﻳﺴﺘﻐﻞ ﻏﻴﺎﺏ ﺿﺮﺍﺭ ﻭﻛﻞ ﺷﻮﻳﻪ ﻣﺴﻮﻱ ﺳﺎﻟﻔﻪ ﻭﻫﻞ ﻣﺮﻩ ﻭﻳﻪ ﻭﺭﺩﻩ
ﺍﻧﺘﻲ ﻳﺎﻣﻜﺼﻮﻓﻪ ﺍﻟﺮﻛﺒﻪ ﻣﺎﺩﻛﻠﻴﻠﻲ ﺷﻤﺘﺎﻧﻴﻪ ﻭﻟﺞ ﺭﺍﺡ ﺗﻌﻨﺴﻴﻦ ﻭﺗﻨﺎﻣﻴﻦ ﻋﻞ ﻛﻠﺒﻲ ﺷﻠﻮﻥ ﺑﻴﺞ ﺍﻗﺒﻠﻲ ﻭﻓﻀﻴﻨﻲ
ﺣﻮﻳﺘﻢ ﻻﺗﺼﻴﺢ ﻣﻨﺎ ﺍﻟﻨﺎﺱ ﺍﺩﺭﻱ ﻣﺎﺗﺴﻮﻟﻒ ﺳﻮﺍﻟﻒ ﻟﻮ ﺍﻝ ﺗﻌﻴﻂ
ﺧﺎﻳﺒﻪ ﻣﻮﺕ ﺍﻟﻜﺮﻓﺞ ﺭﺟﻮﻩ ﺍﻧﺘﻲ ﻭﺑﻨﺎﺗﺞ ﻣﺎﻳﻔﻴﺪ ﻭﻳﺎﺟﻦ ﺑﺲ ﻫﺬﺍ
ﺩﻧﻚ ﻋﻞ ﻧﻌﺎﻟﻪ ﺩﻳﻀﺮﺏ ﺍﻣﻲ ﺻﺎﺭﺕ ﺿﺤﻰ ﻛﺒﺎﻟﻪ ﻭﻛﻊ ﺑﻴﻪ ﻫﻨﺎ ﻭﺭﺩﻩ ﻣﺎﺗﺤﻤﻠﺖ ﻛﺎﻣﺖ ﺗﺒﺠﻲ
ﺑﻮﻳﻪ ﺷﺠﺎﻙ ﻋﻠﻴﻪ ﻳﻮﻣﻴﻪ ﺟﺎﻳﺒﻠﻲ ﻭﺍﺣﺪ ﻭﺗﻌﺎﻱ ﻋﺮﺳﻲ ﻣﺎﺭﺭﺭﺭﺭﻳﺪ ﻫﻴﻪ ﻛﻮﻩ ﺧﻮﻣﺎ ﻛﻮﻩ
ﺑﻨﺖ ﺍﻟﻘﻨﺪﺭﻩ ﺑﻨﺖ ﺍﻟﺰﻓﺮﺭﺭﺭﺭﻩ ﻣﺎﺭﻳﺪ ﺷﻨﻮ ﺟﺎﺀ ﻫﻴﻪ ﺑﻜﻴﻔﺞ ﻫﻞ ﻣﺮﻩ ﺗﺰﻭﺟﻴﻦ ﻭﻏﺼﺒﻦ ﻣﺎﻋﻠﻴﺞ
ﻭﺍﻟﻘﺮﺍﻥ ﺍﺣﺮﻙ ﺭﻭﺣﻲ ﻭﻫﺴﻪ ﺍﺧﺎﺑﺮ ﻋﻞ ﺿﺮﺍﺭ ﻳﺴﻮﻳﻠﻲ ﺣﻞ ﻭﻳﺎﻛﻢ..بيج قصص عراقيه حقيقيه من واقعنا.روعه الطائي
ﻭﻟﺞ ﺣﻴﻮﻭﻭﻭﻭﻭﺍﻧﻪ ﺟﻠﺒﻪ ﺗﻬﺪﺩﺩﺩﻳﻨﻲ ﺑﺎﺧﻮﺝ ﺍﻟﺨﺮﻛﻪ ﻭﺍﻟﻠﻪ ﻟﻨﻌﻞ ﺍﺑﻮﺝ ﻻﺑﻮ ﺍﺧﻮﺝ
ﻫﺪ ﻋﻞ ﻭﺭﺩﻩ ﺩﻳﻀﺮﺑﻪ ﻛﻠﻨﻪ ﺻﺮﻧﻪ ﻛﺒﺎﻟﻪ ﺻﺎﺭﺕ ﺿﺮﺑﻪ ﺑﻴﻨﻪ ﻭﺿﺮﺑﻪ ﺑﻴﻪ ﻟﺤﺪ ﻣﺎﺳﺤﺒﺖ ﻭﺭﺩﻩ ﻟﻠﻐﺮﻓﻪ ﻭﺍﻣﻲ ﻃﻠﻌﺖ ﺍﺑﻮﻱ ﻭﺭﺩﻩ ﺗﻨﺎﺷﻎ ﺑﺤﻀﻨﻲ ﻭﺗﻜﻠﻲ
ﺷﻠﻮﻥ ﺑﻴﻪ ﺗﻌﺎﻱ ﺩﺑﺮﻳﻨﻲ ﺭﻏﺪﻩ ﺍﺑﻮﺝ ﻳﺮﻳﺪ ﻳﺰﻭﺟﻨﻲ ﻭﺍﻧﻲ ﺷﻠﻮﻥ ﺑﺤﺎﻟﻲ ﻭﺑﻜﻠﺒﻲ ﺍﻟﻲ ﻛﺘﻠﻪ ﺍﻟﻌﺸﻚ ﻣﻦ ﻭﺭﻩ ﺍﺑﻦ ﻋﻤﺞ ﺍﻝ ﻣﻮﺣﺎﺱ ﺑﻴﻪ
ﺍﻫﻮﻭﻭﻭﻭ ﻳﺎﻭﺭﺩﻩ ﺍﺣﻨﺎ ﻧﺮﻭﺡ ﻭﻧﺮﺩ ﺍﻟﻬﺎﻱ ﺍﻟﺴﺎﻟﻔﻪ ﺷﺠﻠﺒﺘﻲ ﺑﺎﺍﻣﻴﻦ ﻣﺎﺩﻛﻠﻴﻠﻲ ﺷﺠﻠﺒﺘﻲ
ﺭﻏﺪ ﻟﻴﺶ ﻫﻴﺞ ﺗﺤﺎﺟﻴﻨﻲ ﺟﺎﺀ ﺗﺪﺭﻳﻨﻲ ﺃﺣﺒﻪ ﻭﻣﺎﻛﺪﺭ ﻋﻞ ﻧﻔﺴﻲ ﻣﻮﺑﻴﺪﻱ ﺍﻣﻨﻌﻪ
ﺑﻜﻞ ﺣﻘﺪ ﻭﺍﻧﺎﻧﻴﻪ ﻭﺑﺪﻭﻥ ﺗﻔﻜﻴﺮ ﺍﺻﻼ ﻣﺎﺩﺭﻱ ﺷﻠﻮﻥ ﻃﻠﻌﺖ ﻣﻨﻲ ﻛﺘﻠﻪ
ﺑﺴﺴﺴﺲ ﻫﻮﻩ ﻣﺎﻳﺤﺒﺞ
ﺑﺎﻭﻋﺘﻠﻲ ﺑﺘﻌﺠﺐ ﻭﻓﺘﺤﺖ ﻋﻴﻮﻧﻪ ﺣﻴﻞ ﻻﻥ ﺟﺎﻧﻮ ﻣﻐﻮﺷﺎﺕ ﻣﻦ ﺍﻟﺪﻣﻮﻉ ﻛﻠﺘﻠﻲ
ﺷﻨﻮﻭ ﺍﻧﺘﻲ ﺷﺘﺤﺠﻴﻦ ﻭﺷﻨﻮ ﻣﺎﻳﺤﺒﻨﻲ ﺍﻧﺘﻲ ﺷﻤﺪﺭﻳﺞ
ﺷﻔﺖ ﻧﻔﺴﻲ ﺭﺍﺡ ﺍﻧﻔﻀﺢ ﻭﺍﻋﻔﺲ ﺍﻟﺪﻧﻴﻪ ﻻﻥ ﻭﺭﺩﻩ ﻣﻨﻬﺎﺭﻩ ﺑﺴﺮﻋﻪ ﻟﻤﻴﺖ ﺍﻟﺴﺎﻟﻔﻪ ﻭﺿﻠﻴﺖ ﺍﻣﺘﻤﺖ ﻭﻛﺘﻠﻪ
ﻭﺭﺩﻩ ﺣﺒﻴﺒﺘﻲ ﺍﻧﻲ ﻛﻠﺸﻲ ﻣﺎﺩﺭﻱ ﺑﺲ ﺗﺮﻩ ﻫﻮﻩ ﻣﺒﻴﻦ ﻟﻮ ﻳﺤﺒﺞ ﺷﻨﻮ ﺍﻟﻴﻤﻨﻌﻪ ﻣﻦ ﺧﻄﺒﺘﺞ ﻭﻫﻮﻩ ﺩﻳﺸﻮﻑ ﻭﻳﺴﻤﻊ ﻳﻮﻣﻴﻪ ﻫﻮﺳﻪ ﺑﻴﺘﻪ ﻣﻦ ﻭﺭﻩ ﺧﻄﺎﻃﻴﺒﺞ ﻭﻣﺎﺣﺮﻙ ﺳﺎﻛﻦ
ﺩﻧﻜﺖ ﺗﻔﺮﻙ ﺑﺪﻳﻪ ﻭﺟﻨﻲ ﻟﺠﻤﺘﻪ ﺟﺎﻭﺑﺘﻲ ﺑﺼﻮﺕ ﻧﺎﺻﻲ
ﻫﻢ ﺻﺪﻙ ﺍﺻﻼ ﻫﻮﻩ ﺻﺎﺭ ﻓﺘﺮﻩ ﺣﺘﻰ ﺑﻮﺟﻬﻲ ﻣﺎﻳﺒﺎﻭﻉ ﻣﺎﺩﺭﻱ ﺷﺒﻲ
ﻋﻮﻓﻲ ﻳﺨﺘﻲ ﻋﻮﻓﻲ ﺍﻟﻤﺎﻳﺮﻳﺪﻙ ﻻﺗﺮﻳﺪﻩ
ﻣﺎﻛﺪﺭ ﺭﻏﺪ ﻭﺍﻟﻠﻪ ﻣﺎﻛﺪﺭ ﺍﻧﻲ ﻣﻮﺑﺲ ﺃﺣﺒﻪ ﺍﻧﻲ ﺍﻋﺸﻜﻪ ﻭﻣﻴﺘﻪ ﺑﻲ ﺑﺲ ﻫﻮﻩ ﻣﺎﻳﺤﺲ
ﻭﺍﻟﺘﺎﻟﻲ ﺷﻠﻮﻥ ﺑﻠﻪ ﺗﻀﻠﻴﻦ ﻫﻴﺞ
ﺍﻱ ﺧﻠﻴﻨﻲ ﺑﻠﻜﺖ ﺍﻟﻠﻪ ﻳﻔﺮﺟﻬﻪ ﻭﻳﺤﻦ ﻋﻠﻴﻪ
ﺳﻤﻌﻨﻪ ﺻﻮﺕ ﺷﻴﻤﺎﺀ ﺗﻠﻌﻠﻊ ﺑﺮﻩ ﻣﺴﺤﺖ ﺩﻣﻮﻋﻪ ﻭﺭﺩﻩ ﻛﺎﻟﺖ ﺭﺍﺡ ﺍﺭﻭﺡ ﺍﺳﻮﻟﻒ ﻛﺪﺍﻡ ﺷﻴﻤﺎﺀ ﺑﻠﻜﺖ ﻳﻮﺻﻠﻪ ﺍﻟﺨﺒﺮ ﻭﻳﺘﻠﺤﻠﺢ ﺷﻮﻳﻪ ﻭﻳﺤﺲ ﺑﻴﻪ
ﻃﻠﻌﺖ ﻭﺍﻧﻲ ﻟﺰﻣﺖ ﺭﺍﺳﻲ ﻭﻛﻌﺪﺕ ﺍﺭﻳﺪ ﺍﺷﻮﻑ ﺩﺭﺑﻲ ﻣﺎﻛﺪﺭ ﺍﻟﺼﺪﺍﻉ ﺫﺑﺤﻨﻲ ﻭﺍﻟﻘﻬﺮ ﻛﺘﻠﻨﻲ ﺍﺻﺮﻑ ﺷﻲ ﻭﺍﺳﻮﻱ ﻏﻴﺮ ﺷﻲ ﺑﺲ ﻟﻬﻨﺎ ﻭﻛﺎﻓﻲ ﺍﻧﻲ ﻣﻦ ﺍﻟﻴﻮﻡ ﺍﺧﺘﺎﺭﻳﺖ ﺍﺧﺘﻲ
ﻻﺍﻣﻴﻦ ﻭﻻ ﺣﺐ
ﻭﻻﻫﻢ
ﻳﺤﺰﻧﻮﻥ ﺍﺧﺘﻲ
ﻓﻮﻙ ﻛﻠﺸﻲ
ﻳﺘﺒﻊ
.
.
.
.
.
ﻻﺗﻨﺴﻮﻥ ﺍﻟﺘﺼﻮﻳﺖ ﻭﺍﻟﺘﻌﻠﻴﻖ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤