هبت ريح

بارت27

#هبة__ريح

رفل الكناني

#بارت٢٧

ﻣﺴﺎﺀ ﺍﻟﺨﻴﺮ ﻋﻠﻰ ﺍﺣﻠﻰ ﻣﺘﺎﺑﻌﻴﻦ ،،،،،،،،
ﺍﻟﺒﺎﺭﺕ ﺍﻟﺴﺎﺑﻊ ﻭﺍﻟﻌﺸﺮﻳﻦ ﻣﻦ ،،،،،،،،،،،
ﻫﺒﺔ ﺭﻳﺢ ،،،،،،
.. ﻓﻲ ﻗﻠﺒﻲ ﻟﻚ
ﻋﺒﺎﺭﺁﺕ ﺣﺐ ﻻ ﺗﻜﺘﺐ
ﻭﻧﺒﻀﺂﺕ ﺷﻮﻕ ﻻ ﺗﻮﺻﻒ
ﻭ ﺧﻮﻑ ﻭ ﺣﻴﺮﻩ ﻭ ﻛﺜﻴﺮ ﻣﻦ ﺍﻟﻐﻴﺮﻩ
ﺃﻏﺎﺭ ﻋﻠﻴﻚ ﻣﻦ ﺃﻥ ﻳﺤﺒﻚ ﺷﺨﺺ ﺳﺮﺍً
ﺃﻏﺎﺭ ﻋﻠﻴﻚ ﻣﻦ ﺃﻥ ﻳﺎﺧﺬﻙ ﻣﻨﻲ ﻧﻮﻣﻚ ﻋﻤﺪﺍً
ﺃﻏﺎﺭ ﻣﻦ ﺃﻋﻴﻦ ﺗﺮﺍﻙ ﻭﺃﻧﺎ ﻻ ﺃﺭﺍﻙ ﺩﻭﻣﺎ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ﺭﺿﺎ .. ﺿﺮﺍﺭ ﺟﻤﺎﻋﻪ ﺑﻠﺒﺎﺏ ﺟﺎﻳﻦ ﻋﻠﻴﻚ
ﺿﺮﺍﺭ .. ﻣﻨﻮﻭ
ﻭﺍﻟﻠﻪ ﻣﺎﻋﺮﻓﻬﻢ ﻭﻻﺷﺎﻳﻔﻬﻢ ﺑﺪﻳﺮﺗﻪ ﺍﺑﺪ
ﺿﺮﺍﺭ .... ﻛﻤﺖ ﻭﺭﺿﺎ ﻭﺭﺍﻳﻪ ﻓﺘﺤﺖ ﺍﻟﺒﺎﺏ ﻟﻨﻪ ﺍﺑﻮ ﻣﺎﺟﺪ ﻋﻜﻀﺖ ﻭﺟﻬﻲ ﻭﻫﻮﻩ ﺑﺘﺴﻢ ﻭﻣﺪﻟﻲ ﺍﻳﺪﻩ
ﺑﺎﺷﺎ ﺷﻠﻮﻧﻚ ﺍﻟﺤﻤﺪﺍﻟﻠﻪ ﻋﻞ ﺳﻼﻣﻪ
ﺟﺎﻭﺑﺘﻪ ﺑﻨﺘﺮ .. ﺍﻟﻠﻪ ﻳﺴﻠﻤﻚ
ﻳﺎﺑﻪ ﺷﻨﻮ ﻣﺘﻀﻴﻔﻮﻥ ﻟﻮﺍﻧﺘﻮ ﻫﻴﺞ ﺗﺨﻠﻮﻥ ﺧﻄﺎﺭﻛﻢ ﻭﺍﻛﻒ ﺑﻠﺒﺎﺏ
ﺑﻘﻴﺖ ﺧﺎﺯﺭﻩ ﻭﺭﺿﺎ ﻣﺴﺘﻐﺮﺏ ﺗﺼﺮﻓﻲ ﻭﻣﻦ ﺷﺎﻑ ﺑﺮﻭﺩﻱ ﺑﺎﺩﺭ ﻫﻮﻩ ﻭﻛﻠﻪ
ﻻﻋﻤﻲ ﺷﻠﻮﻥ ﻣﻨﻀﻴﻒ ﺗﻔﻀﻞ ﺗﻔﻀﻞ ﺿﺮﺍﺭ ﺷﺒﻴﻚ ﺧﻠﻬﻢ ﻳﺴﻮﻟﻨﻪ ﻃﺮﻳﻖ
ﻧﺘﺮﺕ ﺳﻮﻭﻭ ﻃﺮﻳﻖ ﻭﻣﺸﻴﺖ ﻟﻠﺼﺎﻟﻪ ﻭﺍﺳﻤﻊ ﺭﺿﺎ ﺷﻠﻮﻥ ﻳﻬﻠﻲ ﻭﻳﻤﺮﺣﺐ ﺑﻴﻬﻢ ﻫﺎﻱ ﻋﺎﺩﺗﻨﻪ ﺗﺠﺎﻩ ﺍﻟﺨﻄﺎﺭ ﺍﻟﻤﻜﺮﻭﺩ ﺷﻤﺪﺭﻱ ﻫﺬﺍ ﺧﻨﺎﻛﻲ
ﻛﻌﺪﻧﻪ ﻭﺍﻧﻲ ﻋﻞ ﺃﻋﺼﺎﺑﻲ ﻭﺭﺟﻠﻴﻪ ﺗﻬﺰ ﺗﻌﻠﻦ ﺗﻮﺗﺮﻱ ﻭﺍﻟﻨﺬﻝ ﻛﺒﺎﻟﻲ ﻭﻻﻋﺒﺎﻟﻚ
ﺭﺿﺎ ﺭﺍﺡ ﻳﺠﻴﺐ ﺍﻟﻤﻲ ﻭﻫﻮﻩ ﺻﺪ ﻋﻠﻴﻪ ﻭﺑﺼﻮﺕ ﻧﺎﺻﻲ ﻛﻠﻲ
ﻫﺬﺍ ﺍﻟﻨﺸﻤﻲ ﺍﺑﻦ ﻋﻤﻚ ﻣﻮﻭ؟
ﺍﻟﺪﻡ ﺻﻌﺪ ﺑﺮﺍﺳﻲ ﻭﺯﻣﺨﺖ ﺑﻲ
ﺍﻱ ﺍﺑﻦ ﻋﻤﻲ ﻭﺍﺫﺍ ﻭﺻﻠﺖ ﻳﻤﻪ ﺍﺣﺮﻛﻚ ﻭﺍﺣﺮﻙ ﻋﺸﻴﺮﺗﻚ ﻛﻠﻪ ﻓﺘﻬﻤﺖ ﻟﻮﻻ
ﺣﻚ ﻟﺤﻴﺘﻪ ﻭﻋﻮﺝ ﺣﻠﻜﻪ ﻭﺭﺗﺠﻪ ﻟﻴﻮﺭﻩ ﻭﺑﻜﻞ ﺳﺘﻬﺰﺍﺀ ﻛﺎﻟﻲ
ﻻﻳﺎﺑﻮﻱ ﺷﺮﻳﺪ ﻣﻨﺎ ﻭﺍﻧﺖ ﺍﻟﺒﺎﺷﺎ ﻣﻮﺟﻮﺩ
ﺍﻧﻌﻞ ﺍﺏ ..... ﺑﻌﺪﻧﻲ ﻣﻤﻜﻤﻞ ﺩﺧﻞ ﺭﺿﺎ ﺳﻜﺘﺖ ﺿﻴﻔﻪ ﺳﻢ ﺑﻜﻠﺒﻪ ﻣﻲ ﻭﺟﺎﻱ
ﻭﻛﻌﺪ ﺭﺑﻊ ﺳﺎﻋﻪ ﻳﺴﻮﻟﻒ ﻋﻞ ﺷﻐﻞ ﻭﺍﻟﻤﻌﻤﻞ ﻭﺭﺿﺎ ﻣﻨﺪﻣﺞ ﻭﺩﺧﻞ ﺃﻣﻴﻦ ﺷﺎﻓﻪ ﻭﻛﺎﻡ ﻣﺜﻞ ﺍﻟﺼﻞ ﻳﺴﻠﻢ ﻋﻠﻴﻪ ﻭﻳﺮﺩ ﻳﻠﺘﻔﺖ ﻋﻠﻴﻪ ﻭﻳﻜﻠﻲ ﻫﺬﺍ ﻧﺴﻴﺒﻚ ﺍﻛﻴﺪ ﻭﺍﻧﻲ ﺍﺷﺘﻌﻞ ﻭﺍﻧﻄﻔﻲ ﻟﺤﺪ ﻣﺎﺭﺍﺡ ﺭﺩﺕ ﺍﺟﺮﻡ ﺑﻲ ﺍﻝ ﺷﻮﻳﻪ
ﻭﺻﻞ ﻟﻠﺒﺎﺏ ﻭﺣﻀﻨﻲ ﻭﺍﻧﻲ ﺟﺎﻣﺪ ﻭﻗﺮﻳﺐ ﺃﺫﻧﻲ ﻫﻤﺲ
ﺗﺮﻩ ﻃﻮﻟﺖ ﻭﺃﺑﻮ ﺟﻤﺮﻩ ﻳﺴﺄﻝ ﻋﻠﻴﻚ ﺍﺫﺍ ﺗﻌﺎﻓﻴﺖ ﻭﻟﻮ ﺷﻮﻳﻪ ﺍﺭﺟﻊ ﻟﻠﺸﻐﻞ
ﺑﻌﺪﺗﻪ ﺑﻬﺪﻭﺀ ﻭﻣﺠﺎﻭﺑﺘﻪ ﺣﻂ ﺍﻳﺪﻩ ﺑﺠﻴﺒﻪ ﻃﻠﻊ ﻓﻠﻮﺱ ﻋﻴﻮﻧﻲ ﻧﻄﻦ ﺑﺲ ﻫﻮﻩ ﻣﻜﺎﺭ ﺳﻜﺘﻨﻲ ﻣﻦ ﻛﺎﻝ
ﻫﺎﻱ ﺍﻧﻲ ﻭﺍﻟﻮﻟﺪ ﻟﻤﻴﻨﺎﻫﻦ ﺑﻴﻨﻪ ﺣﻖ ﺳﻼﻣﺘﻚ ﻭﺍﻋﺬﺭﻧﻪ ﻣﻦ ﺍﻟﺘﻘﺼﻴﺮ
ﺑﻘﻴﺖ ﺧﺎﺯﺭﻩ ﻭﺻﺎﻙ ﻋﻠﻰ ﺳﻨﻮﻧﻲ ﻭﺍﻟﻮﻟﺪ ﺿﻠﻮ ﻳﺴﻮﻟﻪ
ﻣﺸﻜﻮﺭ ﻭﻣﺎ ﻗﺼﺮﺕ ﺑﺲ ﺟﻴﺘﻚ ﻣﻦ ﺑﻐﺪﺍﺩ ﻟﻬﻨﺎ ﻛﺎﻓﻴﻪ ﻭﻧﺮﺩﻟﻜﻴﺎﻩ ﺑﻠﻔﺮﺍﺡ .. ﻭﻣﻦ ﻫﺎﻱ ﺍﻟﺴﻮﺍﻟﻒ ﻭﺍﻧﻲ ﺟﺎﻋﺺ ﺍﻟﻔﻠﻮﺱ ﺑﻴﺪﻱ ﻭﺭﺍﺡ ﺍﻧﻔﺠﺮ ﺑﺲ ﺍﻟﻠﻪ ﺳﺘﺮ ﻣﻦ ﺧﻠﻪ ﻭﺭﺍﺡ....بيج قصص عراقيه حقيقيه من واقعنا.روعه الطائي
ﺩﺧﻠﻨﻪ ﻟﻠﺒﻴﺖ ﻭﺭﺿﺎ ﻭﺍﻣﻴﻦ ﻳﺤﺠﻮﻥ ﻋﻠﻴﻪ ﺷﻠﻮﻥ ﻫﻴﺞ ﻋﺎﻣﻠﺘﻪ ﻛﺘﻠﻬﻢ ﺻﺎﺭﺕ ﻣﺸﻜﻠﻪ ﺑﺸﻐﻞ ﻭﺗﺠﺎﻭﺯ ﻋﻠﻴﻪ ﻭﻫﻤﻪ ﻳﻌﺮﻓﻨﻮﻥ ﻃﺒﻌﻲ ﻓﺼﺪﻛﻮﻭ
ﺭﺟﻌﺖ ﻣﺪﺩﺕ ﺑﻔﺮﺍﺷﻲ ﻭﺍﻟﻔﻠﻮﺱ ﺑﻌﺪﻫﻢ ﺑﻴﺪﻱ ﺣﺴﺒﺘﻬﻢ ١٠٠ﺍﻟﻒ ﻣﺤﻔﻀﺘﻲ ﻳﻢ ﺭﺍﺳﻲ ﻓﺘﺤﺘﻪ ﻣﺎﺑﻴﻪ ﻏﻴﺮ ١٠ﺍﻟﻒ ﻫﺎﻱ ﻛﻞ ﻣﻠﻜﻴﺘﻲ ﺣﺘﻰ ﺍﻝ ﺍﻛﻠﻪ ﻣﻴﺼﺪﻙ ﺍﺻﻼ ﺑﺪﻳﺮﺗﻨﻪ ﻳﺘﺼﻮﺭﻥ ﺍﻧﺎ ﻃﻜﻴﺖ ﻟﻠﺴﺘﺎﺭ ﻣﻦ ﺷﻐﻞ ﺑﻐﺪﺍﺩ ﺧﺼﻮﺻﺎ ﻣﻦ ﻳﺸﻮﻓﻮﻥ ﻛﺸﺨﺘﻲ
ﺷﻤﺮﺕ ﺍﻟﻔﻠﻮﺱ ﺑﻠﻤﺤﻔﻀﻪ ﻭﻧﻤﺖ ﺑﺪﻭﻥ ﻋﺸﻪ ﻭﻣﺎﺷﺮﺑﺖ ﺣﺘﻰ ﻋﻼﺟﻲ ﺭﻏﻢ ﺍﻣﻲ ﺧﺒﻠﺘﻨﻲ ﺑﺲ ﻣﺎﻛﺪﺭﺕ ﺭﻭﺣﻲ ﻧﻜﺮﺑﺖ ﻣﻦ ﺷﺎﻓﺖ ﺍﺑﻮ ﻣﺎﺟﺪ ﺍﻟﺨﺴﻴﺲ
ﻧﻤﺖ ﻭﻛﻞ ﺃﺣﻼﻣﻲ ﺑﻬﺎﺟﺮ ﺍﻟﻤﺎﺭﺍﺣﺖ ﻣﻦ ﺑﺎﻟﻲ ﻭﻻﻟﺤﻀﻪ ﺍﺍﺍﺥ ﻳﺎﻛﻠﺒﻬﻪ ﺍﻟﻘﺎﺳﻲ ﻣﻌﻘﻮﻟﻪ ﻛﻞ ﻫﺎﻱ ﺍﻟﻔﺘﺮﻩ ﻛﺪﺭﺕ ﺑﺪﻭﻧﻲ ﺟﺎ ﺣﺒﻴﺶ ﻫﺬﺍ ﻟﺠﺎﻧﺖ ﺗﺤﺠﻲ
ﻟﻠﺼﺒﺢ ﻓﺰﻳﺖ ﻋﺮﻛﺎﻥ ﺣﺘﻰ ﻣﺴﺘﺤﻠﻢ ﺑﻴﻬﻪ ﺳﺘﻐﻔﺮﺍﻟﻠﻪ ﻫﺎﻱ ﺷﻠﻮﻥ ﻭﺭﻃﻪ ﺷﺮﺍﺡ ﻳﺴﺒﺤﻨﻲ ﻣﻦ ﺍﻟﺼﺒﺢ ﻫﺎﻱ ﻣﺘﻌﺎﺭﻛﻴﻦ ﻭﻣﺎﻛﺎﻋﺪ ﺭﺍﺣﻪ ﻟﻮ ﻣﺘﺼﺎﻟﺤﻴﻦ ﺷﻠﻮﻥ
ﺍﻭﻭﻳﻠﻲ ﺷﻜﺪ ﻣﺸﺘﺎﻛﻠﻪ ﻣﻦ ﺍﻧﻌﻞ ﺍﺑﻮ ﺍﻟﺤﺐ ﻟﻴﺬﻝ ﺍﻟﻮﺍﺣﺪ ﻭﻳﺨﻠﻲ ﻳﺘﺮﺍﺟﻊ ﻋﻦ ﻛﻼﻣﻪ ﻭﺍﻧﺎ ﺍﻭﻝ ﻭﺍﺣﺪ ﻣﺘﺮﺍﺟﻊ
ﺍﻟﻴﻮﻡ ﺍﺭﻭﺡ ﻭﺍﺷﻮﻓﻪ ﻟﻮﺗﺼﻴﺮ ﺑﻴﻨﻪ ﺩﻣﺎﻳﻪ
ﺳﺒﺤﺖ ﺑﺎﻟﻒ ﻳﺎ ﻋﻠﻲ ﻭﺍﻟﺠﺮﺡ ﺗﻨﻜﻊ ﺣﺮﺕ ﺷﺴﻮﻱ ﻛﻌﺪﺕ ﺍﻣﻲ
ﻳﻤﻪ ﻳﻤﻪ
ﻫﺎﺍ ﻳﺎﺑﻌﺪ ﺍﻣﻚ ﺧﻮﻣﺎ ﺑﻴﻚ ﺷﻲ
ﻻﻳﻤﻪ ﻣﺎﺑﻴﻪ ﺷﻲ ﺑﺲ ﺍﻟﻀﻤﺎﺩ ﻧﻔﺘﺢ ﺗﻜﺪﺭﻳﻦ ﺗﺴﻮﻳﻠﻴﺎﻩ
ﺟﺎﻥ ﻛﻌﺪﺕ ﻭﺭﺩﻩ ﻳﻤﻪ ﺍﻧﺎ ﺧﺎﻑ ﻣﺎﻋﺮﻑ
ﻣﻄﺒﻴﺖ ﻟﻐﺮﻓﺘﻬﻦ ﺗﺪﺭﻳﻨﻲ ﻣﺎﻓﻮﺕ ﻭﻫﻨﻪ ﻧﺎﻳﻤﺎﺕ
ﺍﻱ ﺍﻱ ﻭﻟﻠﻪ ﻧﺴﻴﺖ ﺗﻌﺎﻝ ﺍﻧﺖ ﻋﻠﻤﻨﻲ ﻭﺍﻧﺎ ﺍﺳﻮﻳﻠﻜﺎﻩ
ﻧﻄﻴﺘﻪ ﺍﻟﻜﻄﻦ ﻭﺍﻟﺪﻳﺘﻮﻝ ﻭﻓﺘﺤﺘﻠﻪ ﻟﺰﻛﻪ ﻭﺍﻟﺸﺎﺵ ﻭﺩﺍﻋﻠﻤﻪ
ﻳﻤﻪ ﺍﻭﻝ ﺷﻲ ﺍﻣﺴﺤﻲ ﺑﻠﻜﻄﻨﻪ ﺍﻟﺒﻴﻬﻪ ﺩﻳﺘﻮﻝ ﻭﺑﻌﺪﻳﻦ ﻧﺸﻔﻲ ﺑﻜﻄﻨﻪ ﺛﺎﻧﻴﻪ ﻭﺣﻄﻲ ﺍﻟﺰﻛﻪ
ﺍﻛﻮﻭﻝ ﺿﺮﺍﺭ ﺍﻧﺖ ﺳﺎﺑﺢ
ﻳﻤﻪ ﺍﻧﺎ ﻭﻳﻦ ﺩﺍﺣﺠﻲ ﻭﺍﻧﺘﻲ ﻭﻳﻦ
ﺍﻱ ﻣﻮﺩﺍﺷﻮﻑ ﺷﻌﺮﻙ ﻣﺒﻠﻞ ﻭﺍﻟﺠﺮﺡ ﺭﻃﺐ
ﺍﻱ ﻳﻤﻪ ﺳﺎﺑﺢ
ﻳﺎﺍﺍ ﺷﻌﻨﺪﻙ ﻣﻦ ﻏﺸﺒﻪ ﺍﺩﺭﻱ ﻣﻌﺮﺱ ﺍﻧﺖ
ﺣﺮﺕ ﺷﺠﺎﻭﺑﻪ ﻛﺘﻠﻪ
ﻳﻤﻪ ﺧﺘﻨﻜﺖ ﺻﺎﺭ ﻫﻮﺍﻱ ﻣﺴﺎﺑﺢ
ﻭ ﺍﻟﻠﻪ ﺍﻟﻴﺴﻤﻌﻚ ﻳﻜﻮﻝ ﺻﺪﻙ ﻟﻮﻣﺎ ﻭﺭﺩﻩ ﻳﻮﻣﻴﻪ ﺗﻐﺴﻞ ﺭﺍﺳﻚ ﻭﺭﺟﻠﻴﻚ
ﻏﻴﺮ ﺗﺴﻜﺖ ﺍﻣﻲ ﺻﺎﺩﺗﻨﻲ ﺻﺎﺩﺗﻨﻲ ﻣﺎﺑﻴﻪ ﻛﻞ ﻣﺠﺎﻝ ﻭﺿﻠﺖ ﺩﻛﻠﻲ
ﻣﻮﺯﻳﻦ ﻭﺍﻟﺠﺮﺡ ﻳﻠﺘﻬﺐ ﻭﻃﺎﺏ ﺑﻲ ﻣﻲ ﻭﻫﺴﻪ ﻳﻜﻮﻡ ﻳﻮﻥ ﻋﻠﻴﻚ .. ﻛﻮﻣﻪ ﺣﺠﺖ ﻭﺍﻧﺎ ﺳﺎﻛﺖ ﺍﻡ ﺿﺮﺍﺭ ﻣﺎﺗﺘﻘﺎﺭﺵ ﻭﺣﻚ ﻋﻠﻲ
ﻛﻤﻠﺖ ﻭﺷﺪﺗﻪ ﻭﺍﻧﺎ ﺑﺴﺖ ﺭﺍﺳﻪ ﻭﺭﺣﺖ ﺑﺪﻟﺖ ﻭﻫﻴﻪ ﻭﺩﺻﻠﻲ ﺗﺒﺎﻭﻉ ﻋﻠﻴﻪ ﻭﺻﺎﺣﺖ
ﺍﻟﻠﻪ ﻭﺍﻛﺒﺮ
ﻟﺘﻔﺘﺖ ﻋﻠﻴﻪ
ﻫﺎﺍﺍ ﻳﻤﻪ ﺃﺳﺪ ﺍﻟﺒﺎﺏ ﺑﺎﺭﺩﻩ ؟
ﺍﻟﻠﻪ ﻭﺍﻛﺒﺮ
ﺍﺷﻐﻞ ﺍﻟﺼﻮﺑﻪ ؟
ﺍﻟﻠﻪ ﻭﺍﻛﺒﺮ
ﺍﺧﻠﻲ ﻣﺨﺪﻩ ﻛﺒﺎﻟﺞ ﻋﺒﺎﻟﺞ ﺭﺍﺡ ﺍﻋﺒﺮ ﻣﻦ ﻳﻤﺞ؟
ﺍﻟﻠﻪ ﻭﺍﻛﺒﺮ
ﻳﻤﻪ ﺷﻜﻮﻭ ﺗﺮﻩ ﺧﻠﻴﺘﻨﻲ ﺃﻓﺮ ﺑﺮﺍﺳﻲ
ﺍﻟﻠﻪ ﻭﺍﻛﺒﺮ .. ﻳﻌﻨﻲ ﺍﻧﺖ ﻣﺎﺗﻔﻬﻢ ﺍﺭﻳﺪ ﺍﻋﺮﻑ ﻣﺒﺪﻝ ﻭﻳﻦ ﺗﺮﻳﺪ
ﺳﺘﻐﻔﺮﺍﻟﻠﻪ ﺍﻧﺘﻲ ﺷﻠﻮﻥ ﺗﺤﺠﻴﻦ ﻣﻮﺩﺻﻠﻴﻦ
ﺍﻱ ﻏﻴﺮ ﺍﺭﻳﺪ ﺍﻋﺮﻑ ﻭﻳﻦ ﺗﺮﻳﺪ
ﻭﻣﺎﺗﺘﺤﻤﻠﻴﻦ ﺗﺴﺌﻠﻴﻨﻲ ﻭﺭﻩ ﻣﺘﻜﻤﻠﻴﻦ
ﺍﻱ ﻭﺍﻟﻠﻪ ﻳﻤﻪ ﻫﻢ ﺻﺪﻙ .. ﺍﻟﻠﻪ ﻭﺍﻛﺒﺮ
ﻳﺎﺑﻪ ﻏﻴﺮ ﻓﻄﺴﺖ ﺿﺤﻚ ﻛﻞ ﻫﺬﺍ ﻭﺭﺟﻌﺖ ﺗﺼﻠﻲ
ﻳﻤﻪ ﻭﻟﺤﻤﺰﻩ ﺻﻼﺗﺞ ﻫﺎﻱ ﻣﺎﻭﺻﻠﺖ ﻟﺒﺎﺏ ﺍﻟﺤﻮﺵ ﻣﻮﻋﺎﺩ ﺍﻟﺮﺏ ﺍﻟﻌﺎﻟﻤﻴﻦ ﻛﻮﻣﻲ ﻋﻴﺪﻳﻬﻪ
ﺍﻟﻠﻪ ﻭﺍﻛﺒﺮ
ﻫﺎﻫﻴﻪ ﻫﺎﻫﻴﻪ ﻭﺍﻟﻠﻪ ﺭﺍﺡ ﺍﺳﻜﺖ ﻟﺘﺮﻭﺣﻴﻦ ﺗﺤﺠﻴﻦ ﺍﻧﻮﺏ
ﺧﻠﻴﺖ ﻭﻛﻌﺖ ﻳﻢ ﺍﻟﺼﻮﺑﻪ ﻟﺤﺪ ﻣﺎﻛﻤﻠﺖ ﻟﻤﺖ ﺳﺠﺎﺩﺗﻪ ﻭﺿﻴﻜﺖ ﻋﻴﻨﻬﻪ ﻭﻛﺎﻟﺘﻠﻲ
ﻫﺎﺍ ﻫﺴﻪ ﻛﻤﻠﺖ ﻛﻠﻲ ﻭﻳﻦ ﺗﺮﻳﺪ
ﻳﻤﻪ ﻧﺎﺯﻝ ﺍﻟﺒﻐﺪﺍﺩ
ﻭﺷﺘﺴﻮﻱ ﺍﻧﺖ ﺣﺘﻰ ﻣﺎﺗﻜﺪﺭ ﺗﺸﺘﻐﻞ
ﻣﻴﺨﺎﻟﻒ ﻋﻨﺪﻱ ﺷﻐﻠﻪ ﻳﺠﻮﺯ ﺍﻛﻀﻴﻪ ﻭﺍﺭﺟﻊ
ﺿﺮﺍﺭ ﻻﺗﻮﺟﻊ ﻛﻠﺒﻲ ﻟﻮﺗﻌﻮﻑ ﺑﻐﺪﺍﺩ ﻣﻮﺍﺣﺴﻦ
ﺍﺧﺬﺕ ﻧﻔﺲ ﻭﺍﺭﺩﺩ .. ﺑﻜﻠﺒﻲ ﻳﺎﺭﻳﺖ ﺍﻛﺪﺭ ﻳﺎﺭﻳﺖ ﺍﻛﺪﺭ
ﻳﻤﻪ ﺷﻤﺎﻟﻚ ﺟﻨﻚ ﺗﻔﻜﺮ ﺗﺮﻭﺡ ﻟﻮﺿﻞ
ﻻ ﺣﺒﻴﺒﻪ ﺍﺭﻭﺡ ﻻﺗﻌﺮﺿﻴﻠﻲ ﻭﺍﺫﺍ ﺍﻟﻠﻪ ﺭﺍﺩ ﻣﺎﺗﺎﺧﺮ ﻛﻢ ﻳﻮﻡ ﻭﺍﻧﺰﻝ ﻻﻥ ﺍﻧﺎ ﻫﻢ ﺗﻌﺒﺎﻥ
ﻫﺎﻫﻴﻪ ﺳﻜﺘﺖ ﻻﻣﺎﻋﺮﺿﻠﻚ ﺗﺮﻭﺡ ﻭﺗﺮﺟﻊ ﺑﺴﻼﻣﻪ
ﺍﻟﻠﻪ ﻳﺴﻠﻤﺞ
ﻛﻤﺖ ﻭﺷﻠﺖ ﻏﺮﺍﺿﻲ ﻭﻫﻴﻪ ﻭﺭﺍﻳﻪ ﺗﻠﻤﻠﻤﻲ ﻭﺷﺎﻟﺖ ﺍﻟﻔﻠﻮﺱ ﻣﻦ ﺟﻮﻩ ﺭﺍﺳﻲ ﻛﺎﻟﺖ
ﻳﻤﻪ ﻫﺎﻱ ﻓﻠﻮﺳﻚ ﺟﻨﻬﻦ ﻭﺍﻛﻌﺎﺕ ﻣﻦ ﻣﺤﻔﻀﺘﻚ
ﻏﻤﻀﺖ ﺣﻴﻞ ﻭﺗﺬﻛﺮﺕ ﺫﻧﻲ ﻓﻠﻮﺱ ﺍﻟﻨﺬﻝ ﺑﺲ ﺍﻧﺎ ﻣﺎﻋﻨﺪﻱ ﻭﺭﺍﻱ ﻃﺮﻳﻖ ﻭﻣﺠﺒﻮﺭ ﺍﺧﺬﻫﻦ ﻣﺪﻳﺖ ﺍﻳﺪﻱ ﻭﺍﺧﺬﺗﻬﻦ ﻧﻄﻴﺖ ﻣﻨﻬﻦ ﺍﻝ ﺍﻣﻲ ﺧﻤﺴﻴﻦ ﻭﺍﻟﺒﺎﻗﻲ ﺍﺧﺬﺗﻪ ﻣﻦ ﻻﺟﺎﺭﻩ ﺍﻟﻠﻪ ﻳﺪﺭﻱ ﺑﻠﺤﺎﻝ
ﺭﺍﺩﺕ ﺍﻣﻲ ﺗﺴﻮﻳﻠﻲ ﺭﻳﻮﻙ ﺭﻓﻀﺖ ﻣﺎﻟﻲ ﻧﻔﺲ ﻣﻦ ﺍﻟﺼﺒﺢ ﻭﺍﻧﺎ ﺍﺻﻼ ﻣﻤﺘﻌﺸﻲ ﺑﺲ ﻣﺎﺷﺘﻬﻲ ﺳﻠﻤﺖ ﻋﻠﻴﻬﻪ ﻭﻃﻠﻌﺖ ﺑﻮﺟﻬﻲ ﻟﻠﻜﻠﻴﻪ ﻧﺘﻀﺮﺗﻪ ﻫﺎﺟﺮ ﻟﻠﻀﻬﺮ ﺍﻝ ﻛﻤﻞ ﺍﻟﺪﻭﺍﻡ ﻣﺎﺧﻠﻴﺘﻬﺎ ﺗﺸﻮﻓﻨﻲ ﺻﺮﺕ ﻋﻠﻰ ﺻﻔﺤﻪ
ﻃﻠﻌﺖ ﻣﺪﻧﻜﻪ ﺻﻌﺪﺕ ﺑﻠﺨﻂ ﻭﺍﺭﺳﻪ ﻋﻞ ﺟﺎﻣﻪ ﻣﻐﻤﻀﻪ ﻋﻴﻮﻧﻪ ﺑﻮﻭﻭﻳﻪ ﻏﻴﺮ ﺭﻭﺣﻲ ﺭﺍﺩﺕ ﺗﻄﻴﺮ ﻋﻠﻴﻬﻪ ﺑﺲ ﻛﻮﻩ ﻻﺯﻡ ﻧﻔﺴﻲ ﻣﺎﺗﻬﻮﺭ ﻭﺍﺭﻭﺡ ﺍﻧﺰﻟﻪ ﻣﻦ ﺍﻟﺨﻂ ﻭﺿﻤﻬﻪ ﺑﺮﻭﺣﻲ
ﺍﻟﺴﻴﺎﺭﻩ ﻣﺸﺖ ﻭﻫﻴﻪ ﻋﻠﻰ ﻧﻔﺲ ﺍﻟﺤﺮﻛﻪ ﺑﺲ ﺍﻧﺎ ﺷﻲ ﺑﻴﻪ ﺭﺗﺎﺡ ﻭﺑﺮﻭﺩﻩ ﺳﺮﺕ ﺑﺠﺴﻤﻲ ﻣﻦ ﺷﻮﻓﺖ ﻋﻴﻮﻧﻪ ﺍﻟﺬﺑﻼﻧﻪ ﻭﻫﻴﻪ ﻣﻐﻤﻀﻪ
ﺍﻟﺠﻤﺮﻩ ﻭﻛﻌﺪﺕ ﻋﻞ ﻃﺮﻑ ﺍﺻﺒﻌﻲ ﻧﺠﻮﻳﺖ ﻭﻋﻴﺖ ﺍﻟﺨﻄﻮﻁ ﻛﻠﻪ ﻣﺎﺷﻴﻪ ﻭﺍﻟﻄﻼﺏ ﻗﻠﻪ ﻋﺎﺩ ﻛﻤﺖ ﻋﺒﺮﺕ ﺍﻟﺸﺎﺭﻉ ﻭﺣﺮﺕ ﻭﻳﻦ ﺍﺭﻭﺡ ﺧﺎﺑﺮﺕ ﺻﻔﺎﺀ ﻭﺟﺎﻭﺑﻨﻲ
ﺍﻟﻮﻭﻭ
ﻫﻼ ﺻﻔﺎﺀ ﺍﻟﻠﻪ ﻳﺴﺎﻋﺪﻙ
ﻭﻳﺴﺎﻋﺪ ﺑﺨﺘﻚ ﻳﻤﻌﻮﺩ ﻭﻳﻨﻚ ﻣﺘﻜﻠﻲ
ﺧﻴﺮﺭﺷﻜﻮﻭ
ﺍﺩﺭﻱ ﻟﻴﺶ ﻣﻐﻠﻖ ﺷﻜﺪ ﺍﺧﺎﺑﺮ ﻋﻠﻴﻚ
ﺑﻮﻳﻪ ﻣﺎﺟﺎﻥ ﻋﻨﺪﻱ ﻣﻮﺑﺎﻳﻞ ﺍﻟﺒﺎﺭﺣﻪ ﺍﻝ ﺩﻳﺰﺕ ﻭﻳﺎﻩ ﺭﺿﺎ ﻭﺟﺎﺑﻪ
ﻭﻟﻚ ﻣﻮﻣﺘﺖ ﻭﺍﻧﺎ ﺍﺭﻳﺪ ﺍﻋﺮﻑ ﺍﻟﺰﻋﻴﻢ ﻣﻦ ﺍﺟﺎﻙ ﺷﺼﺎﺭ
ﻛﻠﺸﻲ ﻣﺼﺎﺭ ﺟﻠﺐ ﺍﺟﺎﻩ ﺫﺑﻴﺘﻠﻪ ﻋﻀﻤﻪ ﺍﻛﻠﻪ ﻭﺭﺍﺡ
ﺿﺮﺍﺭ ﺑﺮﺑﻚ ﺍﻧﺎ ﻭﻳﻦ ﺍﻓﺘﻬﻢ ﻋﻠﻰ ﺣﺠﻴﻚ ﻫﺬﺍ ﺗﺮﻳﺪ ﺗﺴﻮﺩﻧﻲ ﻭﺍﻧﺎ ﻣﻦ ﻛﺎﻋﻲ ﻣﺴﻮﺩﻥ
ﺧﺎﻳﺐ ﺷﺒﻴﻚ ﻃﻜﻄﻚ ﺍﺟﻪ ﺍﺯﻫﺮﻡ ﻣﻲ ﻭﺟﺎﻱ ﻭﻧﻄﺎﻧﻲ ﻭﺍﺟﺎﺏ ﻋﻮﺩ ﻫﻮﻩ ﺧﻴﺮ ﻭﺭﺍﺡ
ﺟﺎﺀ ﺧﻮﺵ ﻃﻤﻨﺘﻨﻲ ﺧﻮﻣﺎ ﺗﻨﺎﻛﺮﺕ ﺍﻧﺖ ﻭﻳﺎﻩ
ﻭ ﺍﻟﻠﻪ ﻟﻮﻣﺎ ﺍﻣﻴﻦ ﻭﺭﺿﺎ ﻳﻤﻨﻪ ﺟﺎﻥ ﻓﻮﺧﺖ ﻛﻠﺒﻲ ﺑﺲ ﺫﻭﻟﻪ ﻣﺘﺮﻛﻮﻧﻪ ﻟﺤﻀﻪ ﻟﻬﺬﺍ ﺿﻠﻴﺖ ﺳﺎﻛﺖ
ﺍﻱ ﻋﻔﻴﻪ ﺿﻠﻌﻲ ﻫﻴﺞ ﺍﺣﺴﻦ ﻫﺬﺍ ﻭﺍﺧﺪ ﻣﺎ ﻳﺨﺎﻑ ﺍﻟﻠﻪ ﻭﻛﻠﺸﻲ ﻳﺴﻮﻱ
ﻋﻮﻓﻚ ﻣﻨﺎ ﺍﻧﺎ ﺑﻐﺪﺍﺩ ﻣﻮﺗﺮﻭﺡ ﺗﻜﻠﻪ ﺑﺲ ﺧﺎﺑﺮﺗﻚ ﺣﺎﻳﺮ ﻭﻳﻦ ﺍﺭﻭﺡ ﺍﻟﻐﺮﻓﻪ ﺍﻟﺒﻠﻔﻨﺪﻕ ﺑﻌﺪﻩ ﻻ
ﺍﻱ ﺑﻌﺪﻩ ﺍﻧﺎ ﺩﺑﺎﺕ ﺑﻴﻬﻪ ﺭﻭﺡ ﻟﻬﻨﺎﻙ ﻭﺍﻧﺎ ﺳﺎﻋﻪ ﻭﺟﺎﻱ
ﺟﺎ ﺧﻮﺵ ﺟﻴﺐ ﻏﺪﻩ ﻭﻳﺎﻙ ﺍﻧﺎ ﻣﺎﻣﺘﺮﻳﻚ
ﺻﺎﺭ
ﻳﻠﻪ ﻓﻲ ﺍﻣﺎﻥ ﺍﻟﻠﻪ
ﺍﻟﻠﻪ ﻭﻳﺎﻙ
ﺍﺧﺬﺕ ﺗﻜﺴﻲ ﻭﺭﺣﺖ ﻟﻠﻔﻨﺪﻕ ﻣﺪﺩﺕ ﺷﻮﻳﻪ ﺭﺗﺎﺣﻴﺖ ﻭﺍﺟﺎﻩ ﺻﻔﺎﺀ ﺑﺲ ﺗﻐﺪﻳﺖ ﺿﺒﻄﺖ ﺍﻟﻤﻨﺒﻪ ﻋﻠﻰ ﺍﺭﺑﻌﻪ ﻭﻧﻤﺖ ﻟﺤﺪ ﻣﺎ ﺩﻙ ﺍﻟﺘﻨﺒﻴﻬﻪ ﻛﻤﺖ ﺑﺪﻟﺖ ﻭﺻﻔﺎﺀ ﻣﺎﻛﻮ ﺍﺿﻨﻪ ﺭﺟﻊ ﻟﻠﺸﻌﻞ
ﺗﻮﻛﻠﺖ ﻋﻠﻰ ﺍﻟﻠﻪ ﻭﺭﺣﺖ ﻟﻤﻨﻄﻘﺖ ﻫﺎﺟﺮ ﻛﻌﺪﺕ ﻳﻢ ﺍﻻﺳﻮﺍﻕ ﺟﺎﻧﺖ ﺑﻌﺪﻩ ﻣﺠﺎﻳﻪ ﻟﻼﺭﺑﻌﻪ ﻭﺭﺑﻊ ﻟﻤﺤﺘﻪ ﺍﺟﺘﻲ ﻛﻤﺖ ﻋﻠﻰ ﺣﻴﻠﻲ ﻭﻫﻴﻪ ﺩﻧﻜﺖ ﺗﻔﺘﺢ ﺍﻟﻜﺒﻨﻚ ﺍﺍﺍﺍﺍﻩ ﻫﺎﻱ ﺍﻟﻠﻘﻄﻪ ﺗﺸﻌﻮﻃﻨﻲ
ﻣﻦ ﺳﻮﺗﻪ ﺧﻠﺘﻨﻲ ﺍﺑﺎﻭﻉ ﻳﻤﻨﻪ ﻳﺴﺮﻩ ﺍﺧﺎﻑ ﺍﺣﺪ ﻋﻴﻨﻪ ﻋﻠﻴﻬﻪ ﻣﻦ ﺩﻧﻜﺖ ﺑﺲ ﺍﻟﺤﻤﺪﺍﻟﻠﻪ ﻣﺎﻛﻮﻭ ﺍﺣﺪ ﺑﺎﺭﺩﻩ ﻭﻛﻠﻤﻦ ﻛﺎﻋﺪ ﺑﻤﺤﻠﻪ
ﺩﺧﻠﺖ ﻭﺍﻧﻲ ﻧﺰﻟﺖ ﺍﻟﺮﺻﻴﻒ ﺍﺗﻠﻔﺖ ﻭﻋﺪﻝ ﻭﻛﺒﻞ ﺩﺧﻠﺖ ﺍﻟﻤﺤﻞ ﻭﺭﺩﻳﺖ ﺍﻟﺒﺎﺏ .........
ﻫﺎﺟﺮ ...... ﺿﺮﺍﺭ ﻏﺎﻣﺾ ﺇﻟﻰ ﺩﺭﺟﻪ ﻳﺨﺘﻔﻲ ﻳﺨﺘﻔﻲ ﻭﻳﻄﻠﻊ ﻭﺍﺫﺍ ﻋﺎﺗﺒﺘﻪ ﻳﺴﺤﺮﻧﻲ ﺑﻠﺴﺎﻧﻪ ﺍﻟﻤﻌﺴﻮﻝ ﻭﻳﻨﺴﻴﻨﻲ ﻛﻠﺸﻲ ﻭﺍﻟﻒ ﻋﺬﺭ ﻳﺨﻠﻖ
ﺣﺒﻴﺒﺘﻲ ﺑﻠﺸﻐﻞ
ﻋﻤﺮﻱ ﻃﺎﻟﻊ
ﺭﻭﻳﺤﺘﻲ ﻣﺎﻋﻨﺪﻱ ﻣﺠﺎﻝ ﻫﺴﻪ ﺑﻌﺪﻳﻦ ﻧﺤﺠﻲ
ﻫﺎﻱ ﺍﻋﺬﺍﺭﻩ ﺍﻏﻠﺐ ﺍﻻﺣﻴﺎﻥ ﻭﺍﺣﺪ ﺑﻠﻤﻴﻪ ﺷﻚ ﺑﺤﺒﻪ ﻣﺎﻋﻨﺪﻱ ﺑﻠﻌﻜﺲ ﺍﺣﺲ ﺭﻭﺣﻪ ﺑﻴﻪ ﻣﺜﻞ ﻣﺎﺍﻧﻲ ﺭﻭﺣﻲ ﺑﻲ ﺑﺲ ﺷﻨﻮﻭ ﻫﺬﺍ ﺍﻟﺸﻐﻞ ﻟﻬﻜﺪ ﻳﺄﺧﺬﻩ ﻣﻨﻲ ﻣﺎﻋﺮﻑ
ﺗﺠﻲ ﺃﻳﺎﻡ ﻣﺎ ﻋﻨﺪﻩ ﺷﻲ ﻭﻧﺒﻘﻰ ﻟﻠﺼﺒﺢ ﻧﺤﺠﻲ ﻭﺗﺠﻲ ﺃﻳﺎﻡ ﺍﻟﻠﻴﻞ ﻣﺎ ﺍﻧﺎﻣﻪ ﻭﺭﻭﺣﻲ ﺗﻨﻄﺤﻦ ﻭﺍﻧﻲ ﺍﺗﺼﻞ ﻋﻠﻴﻪ ﻣﺮﻩ ﻳﺪﻙ ﻭﻣﻴﺠﺎﻭﺏ ﻭﻣﺮﻩ ﻳﻨﻄﻴﻨﻲ ﻣﺸﻐﻮﻝ ﻭﻣﺮﻩ ﻳﺼﻴﺮ ﻣﻐﻠﻖ ﻳﻌﻴﺸﻨﻲ ﺑﺠﺤﻴﻢ ﻭﻫﻞ ﻣﺮﻩ ﺯﻭﺩﻩ ﻳﻮﻣﻴﻦ ﻻﺣﺲ ﻭﻻ ﺧﺎﺑﺮ
ﻭﺭﺍﻩ ﻣﻦ ﺗﺨﺎﺑﺮﻧﻪ ﻛﻠﻤﺘﻴﻦ ﻭﻳﻜﻠﻲ ﺑﻌﺪﻳﻦ ﺍﺧﺎﺑﺮﺝ ﺗﻌﺒﺎﻥ
ﻭﻳﻦ ﺟﺎﻥ ﻭﺷﺒﻲ ﻣﺎﺩﺭﻱ ﻳﻌﻨﻲ ﻓﻮﻙ ﻛﻞ ﺍﻟﻘﻠﻖ ﺍﻝ ﺍﻧﻲ ﺑﻲ ﻭﺑﺪﺍﻝ ﻣﻴﻔﻬﻨﻲ ﻭﻳﻨﻄﻴﻨﻲ ﺳﺒﺐ ﻟﻐﻴﺎﺑﻪ ﺍﻧﻮﺏ ﻳﺤﺎﻭﻝ ﻳﺼﺮﻓﻨﻲ ﺑﺎﻱ ﻃﺮﻳﻘﻪ
ﺍﻟﺼﺮﺍﺣﻪ ﺿﺠﺖ ﻭﻣﻦ ﺗﺼﺮﻓﺎﺗﻪ ﻃﻜﺖ ﺭﻭﺣﻲ ﺃﻗﺴﻤﺖ ﻣﺎﺧﺎﺑﺮﻩ ﻭﻻﺍﺣﺎﺟﻲ ﻭﻟﻴﻠﻴﻪ ﻛﺎﻣﻠﻪ ﺣﺮﻙ ﺍﻟﺘﻠﻔﻮﻥ ﻋﻠﻴﻪ ﻭﺍﻧﻲ ﻣﻐﻠﺴﻪ
ﻭﺍﺭﻳﺪ ﺍﺗﻮﺑﻪ ﺑﺲ ﻟﺼﺒﺢ ﺑﻌﺪ ﻣﺎﺗﺤﻤﻠﺖ ﻭﻛﻤﺖ ﺍﺣﻮﺹ ﻋﻠﻴﻪ ﺣﺘﻰ ﻛﻠﻴﻪ ﻣﺮﺣﺖ ﻭﻫﻤﺰﻳﻦ ﻣﺎﺭﺣﺖ ﺍﻟﻠﻪ ﻳﺤﺒﻨﻲ ﻻﻥ ﻓﻴﻮﺯﺍﺍﺗﻲ ﺑﺮﺩﻥ ﻭﺩﻛﻴﺖ ﻋﻠﻴﻪ ﺑﺲ ﻧﺼﺪﻣﺖ ﻣﻦ ﺟﺎﻭﺑﺘﻨﻲ ﺑﻨﻴﻪ
ﺑﻌﺪﻳﻦ ﻛﻠﺖ ﺍﻧﻲ ﻟﻴﺶ ﻣﻜﺒﺮﺗﻪ ﻳﺠﻮﺯ ﺃﺧﺘﻪ؟
ﺟﻨﺖ ﺳﺎﻛﺘﻪ ﻭﺑﺲ ﺍﺳﻤﻊ ﺻﻮﺗﻪ ﻭﻓﺠﺎﻩ ﻭﺟﺎﻥ ﺩﻛﻮﻝ
ﻣﺘﺤﺠﻴﻦ ﻋﻴﻨﻲ ﻟﻮ ﻻﻥ ﺳﻤﻌﺘﻲ ﺻﻮﺕ ﺑﻨﻴﻪ ﻧﻠﺼﻤﺘﻲ ﺑﺲ ﻳﻠﻪ ﻣﻮﻣﻬﻢ ﺧﻠﻴﺞ ﻓﻀﺎﻟﻪ ﺍﻟﺘﻠﻴﻔﻮﻥ ﺍﻫﻢ ﺷﻲ ﻫﻮﻩ ﻳﻤﻲ
ﻛﻼﻣﻪ ﺳﺘﻔﺰﻧﻲ ﻭﺑﺪﻭﻥ ﺷﻌﻮﺭ ﻛﺘﻠﻪ
ﻟﻴﺶ ﺍﻧﺘﻲ ﻣﻨﻮﻭ؟
ﺟﺎﻭﺑﺘﻲ ﺑﺼﻮﺕ ﻋﺎﻟﻲ
ﺍﻧﺘﻲ ﻣﻨﻮﻭﻭ ﻭﺗﺪﻛﻴﻦ ﻋﻠﻰ ﺧﻄﻴﺒﻲ
ﺗﺼﻨﻤﺖ ﺑﻤﻜﺎﻧﻲ ﻭﺟﺴﻤﻲ ﺭﺟﻒ ﻭﻛﺰﺑﺮ ﺣﺘﻰ ﻣﻦ ﺳﻤﻌﺖ ﺻﻮﺕ ﺿﺮﺍﺭ ﻳﻤﻬﻪ ﺻﺎﺭﺕ ﻭﺷﻪ ﺑﺬﻧﻲ ﻭﻣﺎﺭﻛﺰﺕ ﺣﺘﻰ ﺷﻜﺎﻝ ﺷﻤﺮﺕ ﺍﻟﻔﻮﻥ ﻭﻛﻌﺪﺕ ﻣﻨﻬﺎﺭﺕ
ﺍﺑﺠﻲ ﺑﻜﻞ ﻣﺎﻋﻨﺪﻱ ﻣﻦ ﻗﻮﻩ ﻭﻛﻠﺒﻲ ﻳﺘﻔﻄﺮ ﻳﻌﻨﻲ ﺷﻨﻮﻭ ﺧﺎﻃﺐ ﻭﻫﺎﻱ ﻣﻨﻴﻦ ﻣﻘﻮﻟﻪ ﺍﻧﻲ ﻣﻀﺤﻮﻙ ﻋﻠﻴﻪ ﺍﻱ ﻟﻴﺶ ﻻ ﻭﺍﻧﻲ ﺷﻌﺮﻑ ﻋﻨﻪ ﺣﺘﻰ ﺍﺛﻖ ﺑﻲ ﺍﺷﻮ ﺑﺲ ﺍﻟﺘﻠﻴﻔﻮﻥ ﺑﻴﻨﻪ
ﺗﻬﺴﺘﺮﺕ ﻓﺪﻧﻮﺏ ﻭﺭﻭﺣﻲ ﻓﺮﻓﺤﺖ ﻭﻛﻤﺖ ﺍﺻﻔﻂ ﺑﻜﻴﻔﻲ ﻭﻛﻮﻝ ﻫﺎﻱ ﻣﻦ ﻳﻐﻴﺐ ﻳﺠﻮﺯ ﻳﻤﻬﻪ
ﺑﻘﻰ ﻳﺘﺼﻞ ﻋﻠﻴﻪ ﻛﻮﻣﻪ ﻣﺠﺎﻭﺑﺘﻪ
ﺧﺎﺑﺮﻧﻲ ﻣﻦ ﻏﻴﺮ ﺧﻂ ﻭﺍﻧﻲ ﺍﻟﺜﻮﻟﻪ ﺟﺎﻭﺑﺘﻪ ﻭﺗﻌﺎﺭﻛﻨﻪ ﺍﻧﺎ ﻭﻳﺎﻩ ﻣﺎﻧﻜﺮ ﺍﻧﻲ ﻋﻠﻴﺖ ﺻﻮﺗﻲ ﻋﻠﻴﻪ ﻭﺗﺠﺎﻭﺯﺕ ﺑﺲ ﻣﻮ ﺑﻴﺪﻱ ﻭﺻﺪﻣﻨﻲ ﺃﻛﺜﺮ ﻣﻦ ﻛﺎﻡ ﻳﺼﻴﺢ ﻭﻳﻜﻔﺮ ﻛﻠﺖ ﻃﻠﻊ ﻭﺟﻬﻪ ﺍﻟﺜﺎﻧﻲ
ﻣﻦ ﻳﻮﻣﻬﻪ ﺷﻲ ﺍﺳﻤﻪ ﺿﺮﺍﺭ ﺩﺳﺖ ﻋﻠﻰ ﻧﻔﺴﻲ ﻭﺣﺎﻭﻟﺖ ﺍﺷﻴﻠﻪ ﻣﻦ ﺭﺍﺳﻲ ﺑﺲ ﻋﺒﺚ ﺍﺛﺎﺭﻱ ﺍﻧﻲ ﻣﺘﻮﻟﻌﻪ ﻭﻣﺎﺩﺭﻱ
ﻏﻠﻘﺖ ﺍﻟﻔﻮﻥ ﻭﻳﻮﻣﻴﻦ ﻻﻣﺪﺍﻭﻣﻪ ﻛﻠﻴﻪ ﻭﻻﻓﺎﺗﺤﻪ ﺍﻟﻤﺤﻞ ﻭﺍﻣﻲ ﻭﺍﺳﻴﻞ ﻣﻌﺎﻓﻮﻧﻲ ﺑﺤﺎﻟﻲ ﻭﺭﺍﻳﻪ ﻭﺭﺍﻳﻪ ﻭﺍﻧﻲ ﺍﻃﻤﻄﻢ ﻭﺍﺭﻗﻊ ﻭﻣﻦ ﺍﻳﺴﺖ ﻣﻦ ﺿﺮﺍﺭ ﺍﻥ ﻳﺼﺎﻟﺤﻨﻲ ﻟﻮ ﻳﺨﺎﺑﺮﻧﻲ ﻣﺜﻞ ﻛﻞ ﻣﺮﻩ
ﺍﺟﺰﻣﺖ ﻛﻼﻡ ﺍﻟﺒﻨﻴﻪ ﺻﺤﻴﺢ ﻭﻳﺠﻮﺯ ﻫﻮﻩ ﺻﺪﻙ ﺧﻄﻴﺒﻪ
ﻛﻤﺖ ﻭﻗﻮﻳﺖ ﻧﻔﺴﻲ ﻭﻛﺘﻠﻪ ﺍﻧﺘﻲ ﻫﺎﺟﺮ ﻭﺯﻟﻢ ﺍﻟﺪﻧﻴﻪ ﻛﻠﻪ ﻣﺘﻬﺰﺝ ﻭﺍﺣﺪ ﻫﻤﺠﻲ ﻣﺜﻞ ﺿﺮﺍﺭ ﻳﻀﺤﻚ ﻋﻠﻴﺞ ﻭﻳﻠﻌﺐ ﺑﻴﺞ ﻭﻳﺨﺴﺮﺝ ﺩﺭﺍﺳﺘﺞ ﻭﺷﻐﻠﺞ ﻻﻣﺴﺘﺤﻞ ﻳﻬﺪﻡ ﺍﻟﺒﻨﻴﺘﻪ ﺑﺮﻣﺸﺖ ﻋﻴﻦ ﻭﺍﻟﻠﻪ ﻻﺩﺍﻭﻡ ﻭﺍﺷﺘﻐﻞ ﻭﺍﺷﻮﻑ ﺣﻴﺎﺗﻲ
ﻭﺭﻩ ﺍﺭﺑﻊ ﺍﻳﺎﻡ ﺭﺟﻌﺖ ﻟﻠﺪﺭﺍﺳﻪ ﻭﻟﻠﺸﻐﻞ ﺑﺲ ﻋﺒﺎﻟﻚ ﺍﺿﺤﻚ ﻋﻠﻰ ﻧﻔﺴﻲ ﻣﺪﺭﻱ ﺍﻗﻨﻌﻪ ﻭﺍﻭﻫﻤﻪ ﻫﻴﻪ ﻗﻮﻳﻪ ﻛﻤﺖ ﺍﺭﻭﺡ ﻭﺍﺟﻲ ﻭﺍﻛﺎﺑﺮ ﻭﻣﻦ ﺍﺧﺘﻠﻲ ﺑﻨﻔﺴﻲ ﺍﺑﺠﻲ ﻭﺍﻛﻮﻝ ﺿﺤﻚ ﻋﻠﻴﻪ
ﺗﻼﻃﻌﺶ ﻳﻮﻡ ﻭﺍﺟﻴﺖ ﻓﺘﺤﺖ ﻣﺜﻞ ﻛﻞ ﻳﻮﻡ ﻭﺑﻌﺪﻧﻲ ﺩﺍﺧﻠﻲ ﺍﻟﺠﻨﻄﻪ ﻋﻞ ﻣﻴﺰ ﻭﻧﻔﺘﺤﺖ ﺍﻟﺒﺎﺏ ﻧﺪﺭﺕ ﺿﺮﺍﺭ
ﻻﻳﺮﺑﻲ ﻟﻴﺶ ﺟﺒﺘﻪ ﺣﺘﻰ ﻳﺠﺬﺏ ﻋﻠﻴﻪ ﺃﻛﺜﺮ ﻣﺎﺭﻳﺪﻩ ﻣﺎﺭﻳﺪﻩ ﻧﺘﺮﺕ ﻭﺍﺷﺮﺕ ﺑﻴﺪﻱ
ﺍﺍﺍﺍﺍﻃﻠﻊ ﺑﺮﻩ
ﺩﻧﻚ ﻭﺍﻳﺪﻩ ﺑﺠﻴﺒﻪ ﻭﻧﺘﺒﻬﺖ ﺍﻻﻳﺪ ﺍﻟﺜﺎﻧﻴﻪ ﻣﻌﻠﻜﻪ ﺑﺮﻛﺒﺘﻪ ﻛﻠﺒﻲ ﻧﺨﻤﺶ ﺑﺲ ﺩﺍﺣﻮﻝ ﻣﺎﺑﻴﻦ ﻭﻫﻮﻩ ﺳﺎﻛﺖ ﺭﺟﻌﺖ ﻛﺘﻠﻪ
ﺍﻧﻲ ﻣﻮﻳﺎﺍﺍﺍﻙ ﺗﻄﻠﻊ ﻟﻮ ﺃﻟﻢ ﺍﻟﻨﺎﺱ ﻋﻠﻴﻚ ﺍﻃﻠﻊ ﺑﺮﻩ ﻣﺎﺭﻳﺪ ﺍﺷﻮﻓﻚ ﻭﻻ ﺍﺭﻳﺪ ﺍﺳﻤﻊ ﺟﺬﺑﻚ ﺍﻟﺮﺍﺡ ﺗﺼﻔﻄﻪ
ﺑﺎﻭﻋﻠﻲ ﻭﺭﻓﻊ ﺗﻚ ﺣﺎﺟﺐ ﻭﻛﺎﻝ
ﻛﻤﻤﻠﺘﻲ؟
ﻻﻣﺎﻛﻤﻠﺖ ﻭﺭﺍﺡ ﺍﺿﻞ ﺍﺣﺠﻲ ﻭﺍﺫﺍ ﺿﻄﺮ ﺍﻷﻣﺮ ﻫﺴﻪ ﺍﺻﺮﺥ ﻭﺧﻠﻲ ﺍﻟﻜﻞ ﻳﺴﻤﻊ
ﻳﻌﻨﻲ ﻣﺎﺗﺒﺘﻲ ﻭﺑﻌﺪﺝ ﺗﻨﺘﺮﻳﻦ ﻳﻌﻨﻲ ﺍﻧﺎ ﻣﺎﺳﻮﻳﺘﻠﺞ ﺩﺭﺱ ﻭﻻ ﺗﻌﻀﺘﻲ
ﻫﻬﻬﻬﻬﻬﻬﻬﻬﻬﻪ
ﻭﺳﻢ ﺻﻮﺗﺞ ﺑﻨﺖ
ﺍﺷﺸﺸﺶ ﺍﻳﺎﻙ ﺗﻜﻤﻞ ﻭﺗﺠﺎﻭﺯ ﻭﺍﻟﻠﻪ ﺍﻧﺪﻣﻚ ﻭﺑﻌﺪﻳﻦ ﻋﻠﻰ ﺷﻨﻮ ﺗﻨﻄﻴﻨﻲ ﺩﺭﺱ ﻭﺍﺣﺪ ﻣﺜﻠﻚ ﻫﻤﺠﻲ ﻭﻋﺮﺑﻲ ﻣﻴﻌﺮﻑ ﺍﻟﺪﺍﺭﺳﻪ ﺷﻨﻮﻭ ﻳﺠﻲ ﻳﻨﻄﻴﻨﻲ ﺩﺭﺱ
ﺍﻧﻲ ﻛﻠﺖ ﻫﻴﺞ ﻭﻫﻮﻩ ﻛﻤﺰ ﻋﻠﻴﻪ ﻟﺰﻣﻨﻲ ﻣﻦ ﻳﺎﺧﻪ ﺍﻟﻜﻮﺕ ﺍﻻﺑﺴﺘﻪ ﻭﻳﺠﺮﺟﺮ ﺑﻴﻪ ﻭﻳﺼﻴﺢ
ﻟﺞ ﻫﺎﺍﺍﺍﺍﻱ ﻋﻠﻴﻤﻦ ﺑﻨﺖ ﺍﻟﻨﻌﺎﺍﺍﺍﺍﻝ ﺍﻧﺎ ﻭﺣﺪﻩ ﻓﺼﻌﻮﻧﻪ ﻣﺜﻠﺠﺠﺠﺠﺠﺞ ﺗﻮﻛﻒ ﺑﻮﺟﻬﻲ ﺗﻜﻠﻲ ﻫﻤﺠﻲ ﻭﺗﻌﻴﺮﻧﻲ ﺑﺪﺭﺍﺳﺘﻲ ﻫﺎﺍﺍﺍﺍﺍﺍﺍﺍﺍﺟﺮ ﻣﻦ ﺷﻮﻛﺖ ﺍﻧﺘﻲ ﻫﻴﺞ ﺗﺤﺎﺟﻴﻨﻲ ﻫﺎﺍﺍﺍﺍ ﻣﻦ ﺷﻮﻛﺖ
ﺟﺎﻥ ﻻﺯﻣﻨﻲ ﺣﻴﻞ ﻭﺍﻧﻲ ﺍﺩﻓﻊ ﺑﻲ ﻭﻛﻤﺖ ﺍﺑﺠﻲ ﻭﻛﻠﻪ
ﻣﻦ ﻳﻮﻣﻤﻤﻢ ﺍﻟﺠﺬﺑﺖ ﻋﻠﻴﻪ ﻭﺧﺪﻋﺘﻨﻲ ﺑﺤﺒﻚ ﻭﻫﻤﺘﻨﻲ ﺍﻧﺖ ﻣﻼﻙ ﺑﺲ ﺍﻧﻲ ﻏﺒﻴﻪ ﻭﺻﺪﻛﺘﻚ
ﻫﺪﻧﻲ ﻭﺑﺘﻌﺪ ﺧﻄﻮﻩ ﻟﺰﻡ ﺟﺘﻔﻪ ﻭﻏﻤﺾ ﻋﻴﻨﻪ ﻫﻮﻩ ﻭﻋﺎﺽ ﻋﻠﻰ ﺷﻔﺘﻪ ﺍﻟﻤﻜﺎﻥ ﺻﺎﺭ ﻫﺪﻭﺀ ﺑﺲ ﺻﻮﺕ ﺷﻬﻜﺎﺗﻲ ﺍﻟﻤﻜﺘﻮﻣﻪ ﺯﻓﺮ ﺑﺘﻔﺎﺫ ﺻﺒﺮ ﻭﻫﺰ ﺭﺍﺳﻪ ﻣﺘﻮﻋﺪ ﺩﻳﻄﻠﻊ ﻭﺭﺟﻊ ﺑﺎﻭﻋﻠﻲ ﻭﻛﺎﻝ ﺑﻜﻞ ﺑﺮﻭﺩ ﻭﺷﻤﻮﺥ
ﻫﺬﺍ ﻫﻮﻩ ﻳﺒﺖ ﻛﻠﺒﻲ ﺍﻟﺞ ﺍﻟﺤﺮﻳﻪ ﻣﻨﺎ ﻭﻏﺎﺩ ﻭﺣﻜﺞ ﺑﻠﻜﻠﺘﻲ ﺍﻧﺎ ﻭﺍﺣﺪ ﻫﻤﺠﻲ ﻭﻋﺮﺑﻲ ﻻﻓﻬﻢ ﻭﻻ ﻋﻠﻢ ﻭﻻ ﺩﺭﺍﺳﻪ ﻭﺍﻧﺘﻲ ﺑﻨﺖ ﺑﻐﺪﺍﺩ ﺍﻟﺒﻨﻴﻪ ﺍﻟﻤﺜﻘﻔﻪ ﺍﻟﻨﺎﺯﻛﻪ ﺍﻟﻤﺘﻌﻠﻤﻪ ﺍﻟﺪﺍﺭﺳﻪ ﺷﺘﺴﻮﻳﻦ ﺑﻮﺍﺣﺪ ﻣﺜﻠﻲ
ﺧﻠﺺ ﻣﻦ ﺍﻟﻴﻮﻡ ﺍﻧﺎ ﻓﻜﻴﺖ ﻗﻴﻮﺩ ﺣﺒﺞ ﺑﺲ ﺧﻠﻴﻬﻪ ﺑﺎﻟﺞ ﺍﻧﺖ ﺍﻭﻝ ﻭﺣﺪﻩ ﺩﻛﻠﻪ ﻫﺬﺍ .. ﺃﺷﺮ ﻋﻠﻰ ﻛﻠﺒﻪ .. ﻭﺍﺧﺮ ﻭﺣﺪﻩ ﺑﺎﺫﻥ ﺍﻟﻠﻪ
ﻭﻣﻮ ﺿﺮﺍﺭ ﺍﻟﺘﻬﻴﻨﻪ ﻣﺮﻩ ﻭﻻ ﺿﺮﺍﺭ ﻟﻴﺴﻤﺢ ﻟﻮﺣﺪﻩ ﺍﺩﻭﺳﻪ ﻟﻮﺗﺠﺎﻭﺯ ﻋﻠﻴﻪ ﺑﺲ ﺍﺭﻳﺪﺝ ﺗﻌﺮﻓﻴﻦ
ﺍﻧﺎ ﻻﺟﺬﺑﺖ ﻋﻠﻴﺞ ﺑﻴﻮﻡ ﻭﻻ ﺧﻨﺘﺞ ﻭﻳﺸﻬﺪ ﺍﻟﻠﻪ ﻋﻠﻴﻪ ﺣﺒﻴﺘﺞ ﺣﺐ ﺻﺎﻓﻲ ﻭﻣﺎﺑﻲ ﻟﻮﻟﻪ ﻭﻻﺩﻏﺶ ﻭﺍﻟﺠﺎﻥ ﻋﻞ ﺟﺎﻭﺑﺖ ﺍﻧﺎ ﻛﺘﻠﺞ ﻫﺎﻱ ﺑﻨﺖ ﻋﻤﻲ ﻭﺣﺪﻩ ﺑﻼ ﻛﺮﺍﻣﻪ ﻭﻻﺯﻛﺘﻠﻲ ﻭﺍﻧﺎ ﺍﺭﺩﻩ ﻭﻛﻠﺸﻲ ﻣﺎﺑﻴﻨﻲ ﻭﺑﻴﻨﻨﻬﻪ ﻭﺍﻟﻠﻪ ﻋﻠﻰ ﻣﺎ ﺍﻗﻮﻝ ﺷﻬﻴﺪ
ﺣﺠﻬﻪ ﻭﻛﺎﻝ ﺁﺧﺮ ﻛﻠﻤﻪ
ﺍﻭﺩﻋﻨﺎﺝ ﻳﺎﺑﺖ ﻛﻠﺒﻲ
ﻭﻃﻠﻊ
ﺟﻨﺖ ﺻﺎﻓﻨﻪ ﻋﻠﻴﻪ ﻭﻫﻮﻩ ﻳﺤﺠﻲ ﺑﻜﻞ ﺭﺯﺍﻧﻪ ﻭﺍﻧﻲ ﻧﺨﺮﻃﺖ ﻭﺍﻟﺒﺠﻲ ﻋﻤﻪ ﻋﻴﻮﻧﻲ ﺭﺩﺕ ﺍﺟﻴﺖ ﺑﺤﻀﻨﻪ ﻭﺍﻛﻠﻪ ﻫﺎﻫﻴﻪ ﺗﻌﺎﻝ ﺍﻧﻲ ﻃﻮﺧﺘﻪ ﻭﺍﻧﻲ ﻣﺼﺪﻛﺘﻚ ﺑﺲ ﻫﻮﻩ ﺳﺒﻘﻨﻲ ﻭﻃﻠﻊ ﻛﻌﺪﺕ ﺑﻠﻜﺎﻉ ﻋﻠﻰ ﺭﻛﺒﻲ ﻭﺍﺩﻳﻪ ﺗﻮﺳﺪﺕ ﺗﺴﻨﺪﻧﻲ ﻭﺭﺍﻩ ﻣﺎ ﺗﺤﻤﻠﺖ ﺭﺩﺗﻪ ﻭﺍﻟﻠﻪ ﺭﺩﺗﻪ ﻭﻧﺴﻴﺖ ﻛﻠﺸﻲ ﻭﻛﻠﺸﻲ ﺗﺒﺨﺮ ﻭﺻﺎﺭ ﻛﻞ ﻫﺒﺎﻩ ﺍﻟﻤﻨﺜﻮﺭ
ﺭﻛﻀﺖ ﺟﺮﻳﺖ ﺟﻨﻄﺘﻲ ﻭﻃﻠﻌﺖ ﻋﺒﺎﻟﻲ ﺍﻟﻤﺤﻪ ﻛﺎﻋﺪ ﻋﻞ ﺩﺟﻪ ﻣﺜﻞ ﻛﻞ ﻣﺮﻩ ﺑﺲ ﻣﺎﻟﻜﻴﺘﻪ ﺿﻠﻴﺖ ﺍﺗﻠﻔﺖ ﻭﺩﻭﺭﻩ ﺑﻜﻞ ﻣﻜﺎﻥ ﻭﻛﻠﺒﻲ ﻳﻨﺰﻑ ﻭﻳﺼﺮﺥ ﻭﻭﻭﻭﻳﻨﻪ
ﻭﺗﺎﻟﻲ ﻣﺎﻛﺪﺭﺕ ﻭﺣﺴﻴﺖ ﺭﺍﺡ ﻳﻐﻤﻪ ﻋﻠﻴﻪ ﻣﻦ ﺍﻟﻘﻬﺮ ﻗﻔﻠﺖ ﺍﻟﻤﺤﻞ ﺷﻠﻮﻥ ﻣﺠﺎﻥ ﻭﺭﺟﻌﺖ ﻟﻠﺒﻴﺖ ﻭﺍﻭﻝ ﻣﺎﻃﺒﻴﺖ ﺻﺎﺭ ﺍﻟﺠﻨﺖ ﺧﺎﻳﻔﻪ ﻣﻨﻪ ﻭﻛﻌﺖ ﻣﻐﻤﻰ ﻋﻠﻴﻪ ...
ﻭﺭﺩﻩ ...... ﺍﻧﺎ ﻭﺭﺩﻩ ﻳﺠﻮﺯ ﻃﻠﻌﺖ ﻣﺘﺎﺧﺮ ﺑﺲ ﻻﺯﻡ ﺍﺣﺠﻲ ﻭﺍﺑﺮﺩ ﻧﺎﺭﻱ ﻭﺍﺩﺍﻓﻊ ﻋﻦ ﺣﺒﻲ ﻟﺨﺬﺗﻪ ﺍﺧﺘﻲ ﻣﻦ ﻳﻮﻡ ﺍﻟﻔﺘﺤﺘﻠﻪ ﻛﻠﺒﻲ ﻭﻃﻠﺒﺖ ﻣﺴﺎﻋﺪﺗﻪ ﺣﺘﻰ ﺃﻣﻴﻦ ﺍﻟﻤﺎﻳﺤﺲ ﺑﻴﻬﻪ ﻳﻨﺘﺒﻬﻠﻲ
ﻣﻦ ﺍﻭﻝ ﻣﺎ ﺷﺒﻴﺖ ﻭﺍﻧﺎ ﺍﺭﻓﺾ ﺍﻟﺨﻮﺍﻃﻴﺐ ﻭﻋﻴﻨﻲ ﻣﻦ ﺃﻣﻴﻦ ﻭﻣﻜﺎﺑﻠﻪ ﺭﻏﺪ ﻭﺍﺣﺠﻴﻠﻪ ﻋﻠﻴﻪ ﻭﺷﻜﺪ ﺍﺣﺒﻪ ﻭﺷﻴﺼﻴﺮ ﺑﻴﻪ ﻣﻦ ﺍﺷﻮﻓﻪ ﻣﻮ ﺑﻴﺪﻱ ﺑﺄﻧﺎﺱ ﻭﺍﻟﻠﻪ ﻣﻮ ﺑﻴﺪﻱ ﻣﻦ ﻭﻋﻴﺖ ﻋﻞ ﺩﻧﻴﻪ ﻭﺃﻣﻴﻦ ﻛﺒﺎﻝ ﻋﻴﻨﻲ ﺫﺍﻙ ﺍﻟﺸﺎﺏ ﺍﻟﻤﻌﺪﻝ ﺍﻟﻜﻞ ﺑﻨﺎﺕ ﺍﻟﺪﻳﺮﻩ ﺗﺘﻤﻨﻰ ﻭﺍﺑﻦ ﻋﻤﻲ ﻟﻴﺶ ﻣﺎﺍﻫﻮﺍﻩ
ﺑﺲ ﺷﺴﻮﻱ ﻣﺎﻟﻲ ﺟﺮﺍﺀ ﺍﺑﻴﻨﻠﻪ ﺍﻧﺎ ﻫﻴﺞ ﻃﺒﻌﻲ ﻣﺎﺿﻬﺮ ﻣﺸﺎﻋﺮﻱ ﻭﻛﻀﻴﺖ ﻋﻤﺮﻱ ﻛﻠﻪ ﻃﺎﻣﺮﺗﻪ ﻭﻻﻥ ﺍﻋﺮﻑ ﺍﺧﺘﻲ ﺷﺨﻄﻴﺘﻪ ﻗﻮﻳﻪ ﻭﺗﺄﺧﺬ ﺍﻟﻠﻜﻤﻪ ﻣﻦ ﺣﻠﻚ ﺍﻟﺴﺒﻊ ﻃﻠﺒﺖ ﻣﺴﺎﻋﺪﺗﻪ ﺷﻤﺪﺭﻳﻨﻲ ﺗﻌﺾ ﺍﻳﺪﻱ ﻭﺗﻨﻬﺶ ﻟﻜﻤﺘﻲ ﺍﻧﻲ ﻣﺎﺩﺭﻱ
ﻳﺠﻮﺯ ﺃﻣﻴﻦ ﺣﻜﻪ ﻳﺨﺘﺎﺭ ﻣﻦ ﻳﺤﺐ ﻭﻫﻮﻩ ﻣﺎﻣﺒﻴﻨﻠﻲ ﺷﻲ ﺑﺲ ﺭﻏﺪ ﺍﺧﺘﻲ ﻭﺗﺪﺭﻱ ﺷﻜﻮﻭ ﺑﻜﻠﺒﻲ ﺷﻠﻮﻥ ﺗﺮﻭﺡ ﺗﻨﻄﻲ ﻣﺠﺎﻝ ﻭﺗﺤﺒﻪ ﻳﻌﻨﻲ ﺧﻠﺼﺖ ﺍﺯﻻﻡ ﺍﻟﺪﻳﺮﻩ ﻛﻠﻪ ﻭﻣﺎﺿﻞ ﻏﻴﺮ ﺍﻣﻴﻦ؟
ﻣﻦ ﺍﻧﻜﺸﻒ ﻛﻠﺸﻲ ﻭﺍﻧﺎ ﺳﻤﻌﺘﻬﻢ ﻻﻥ ﺟﻨﺖ ﺷﺎﻛﻪ ﺑﻴﻬﻢ ﻗﺮﺭﺕ ﺍﻧﺘﻘﻢ ﻣﻦ ﺍﺧﺘﻲ ﻣﺜﻞ ﻣﺎﻧﺘﻘﻤﺖ ﻣﻨﻲ ﻭﻣﺮﺍﺡ ﺍﺷﻮﻓﻪ ﺟﺪﺍﻣﻲ ﻣﺜﻞ ﻣﺎﻫﻴﻪ ﻣﺎﺷﺎﻓﺘﻨﻲ ﺟﺪﺍﻣﻪ ﻭﻋﺪﻩ ﻋﺎﺩﻱ ﺗﺎﺧﺬ ﺣﺒﻴﺒﻲ ﻭﺗﺘﺰﻭﺟﻪ ﻭﻛﺒﺎﻝ ﻋﻴﻨﻲ
ﺍﻟﺤﻘﺪ ﻭﺍﻟﻐﻞ ﺗﺮﺱ ﺭﻭﺣﻲ ﻭﺗﺸﺒﻊ ﺑﻴﻪ ﻭﺑﺪﻳﺖ ﺍﺗﺼﻨﻊ ﺍﻝ ﻻ ﻣﺒﺎﻻﻩ ﻛﺒﺎﻝ ﺍﻟﻜﻞ ﻭﺍﺑﺪﻱ ﺍﺧﻄﻄﺖ ﺑﺲ ﻋﻠﻰ ﻣﻬﻞ ﺇﻟﻰ ﺃﻥ ﺍﻛﺴﺮﻫﻢ ﺛﻨﻴﻨﻬﻢ ﻣﺜﻞ ﻣﺎﻛﺴﺮﻭﻧﻲ .....
ﺿﺮﺍﺭ .... ﻃﻠﻌﺖ ﻣﻦ ﻳﻢ ﻫﺎﺟﺮ ﻭﻛﻞ ﻛﻠﻤﻪ ﻛﺎﻟﺘﻪ ﺳﺠﺎﺟﻴﻦ ﻭﺗﻀﺮﺏ ﺑﻜﻠﺒﻲ ﻭﺍﻟﻠﻪ ﺍﻟﻄﻠﻘﻪ ﻟﺒﺠﺘﻔﻲ ﻣﺎﺣﺴﻴﺖ ﺑﺎﺍﻟﻤﻬﻪ ﺑﻜﺪ ﻣﺎﺗﻠﻤﺖ ﻣﻦ ﻛﻼﻡ ﻫﺎﺟﺮ ﻣﺼﺪﻭﻡ ﺍﻧﻲ ﻣﺼﺪﻭﻡ ﺑﻴﻬﻪ ﻭﺑﺘﺼﺮﻓﺎﺗﻪ ﻭﺍﻷﻛﺜﺮ ﻣﻦ ﻫﺬﺍ ﻛﻠﻪ ﺗﻮﺻﻔﻨﻲ ﺑﻠﻌﺮﺑﻲ ﻭﺍﻟﻬﻤﺠﻲ ﻟﻮﻣﻴﺖ ﻭﻻ ﺳﺎﻣﻊ ﻣﻨﻬﺎ ﺍﻟﺴﻤﻌﺘﻪ ﻛﺒﺎﻟﻪ ﺟﻨﺖ ﻭﺍﻛﻒ ﻓﺎﺻﻞ ﺣﺘﻰ ﻏﻠﻄﺖ ﻋﻠﻴﻬﻪ ﻭﻣﺎﻭﻋﻲ ﻋﻠﻰ ﻧﻔﺴﻲ ﻭﻟﻮﺑﺎﻗﻲ ﺃﻛﺜﺮ ﺟﺎﻥ ﻓﺼﻤﺘﻬﻪ ﻓﺼﻢ ﻭﻣﺎﺩﺭﻱ ﺑﺮﻭﺣﻲ
ﺑﺲ ﺍﻟﻠﻪ ﺫﺏ ﻋﻠﻴﻪ ﺍﻟﻬﺪﻭﺍ ﻭﺍﻟﺒﺮﻭﺩ ﻭﻧﻄﺎﻧﻲ ﺍﻟﺼﺒﺮ ﺣﺘﻰ ﺑﻜﻼﻣﻪ ﺍﺭﺍﺟﻊ ﻧﻔﺴﻲ ﺍﻧﺎ ﺻﺪﻙ ﻣﺎﻭﺍﻟﻤﻪ ﺧﻠﻴﻨﻲ ﺍﺗﺮﻛﻪ ﻟﻠﻲ ﻣﺎﻳﺠﻲ ﻳﻮﻡ ﻭﺗﻮﻛﻒ ﻛﺒﺎﻟﻪ ﻭﺗﻌﻴﺮﻩ
ﺭﺟﻌﺖ ﻟﻠﻔﻨﺪﻕ ﺑﺘﺖ ﺑﻲ ﻟﻴﻠﻴﻪ ﻭﺛﺎﻧﻲ ﻳﻮﻡ ﺭﺣﺖ ﻟﻬﻠﻲ ﻭﺿﻠﻴﺖ ﻟﺤﺪ ﻣﺎﻃﺒﺖ ﻣﻦ ﺻﻮﺍﺑﻲ ﻓﺪﻧﻮﺏ ﺑﺲ ﻧﻔﺴﻲ ﺑﻌﺪﻩ ﻣﺎﻃﺎﺑﺖ ﻭﺍﻟﻜﺴﺮﻩ ﻟﻨﻜﺴﺮﺗﻪ ﻛﺴﺮﻩ ﺭﻭﺡ ﻣﻮﺟﺴﺪ ﺣﺘﻰ ﺗﻌﺎﻟﺠﻪ ﻭﻃﻴﺐ ..
ﺍﻳﺎﻡ ﻣﺮﺕ ﻭﺍﻧﺎ ﻣﺎﺍﻧﺎﻡ ﺍﺫﺍ ﻣﺎﺗﺬﻛﺮ ﺳﻮﺍﻟﻔﻨﻪ ﻣﺨﺎﺑﺮﺍﺗﻨﻪ ﻭﻏﺰﻟﻨﻪ ﻭﻣﺪﺍﻫﺮﻧﻪ ﻭﺍﻣﻲ ﻣﻦ ﺗﺸﻮﻑ ﺣﺎﻟﻲ ﺷﻠﻮﻥ ﻣﺘﻜﺪﺭ ﺍﻟﻒ ﺳﺎﻟﻔﻪ ﺗﻄﻠﻌﻠﻲ
ﻳﻤﻪ ﺗﻌﺒﺎﻥ
ﻳﻤﻪ ﻣﺮﻳﺾ
ﻳﻤﻪ ﺗﺮﻳﺪ ﺍﺯﻭﺟﻚ
ﻋﺠﺰﺕ ﻭﺍﻧﺎ ﺍﻛﻠﻪ ﻣﺎﺑﻴﻪ ﺷﻲ ﺇﻟﻰ ﺃﻥ ﺧﺎﺑﺮﻧﻲ ﺍﺑﻮ ﻣﺎﺟﺪ ﺍﻟﺰﻓﺖ ﻭﺑﻘﻰ ﻳﻬﺪﺩ ﻭﺍﻝ ﺗﺠﻲ ﻃﻮﻟﺖ ﻭﻣﻦ ﻫﺬﺍ ﺍﻟﻜﻼﻡ ﻋﺎﺩ ﺭﺟﻌﺖ ﻷﻭﻝ ﻣﺮﻩ ﺍﻃﺐ ﺑﻐﺪﺍﺩ ﻭﺍﺣﺲ ﻫﻮﺍﻩ ﻳﺨﻨﻜﻨﻲ ﻭﻳﻜﺘﻢ ﻋﻠﻰ ﺃﻧﻔﺎﺳﻲ
ﺑﻬﺎﻱ ﺍﻟﻔﺘﺮﻩ ﻻﺣﻀﺖ ﺻﻔﺎﺀ ﺣﻴﻞ ﻣﺘﻐﻴﺮ ﺣﺘﻰ ﺍﻟﻐﺮﻓﻪ ﺍﻟﺒﻠﻔﻨﺪﻕ ﺗﺎﺭﻛﻪ ﺳﺌﻠﺘﻪ ﻭﻳﻦ ﺩﺗﺒﺎﺕ ﻛﺎﻝ ﺭﺟﻌﺖ ﺍﻟﻐﺮﻓﺘﻲ ﺑﻠﻤﺰﺭﻋﻪ ﻳﺎﺑﻪ ﻣﺎﺩﻛﻮﻝ ﺑﻌﺪ ﻣﺎﺍﻣﻦ ﻳﺠﺎﻭﺑﻨﻲ ﺍﻟﻔﺎﺱ ﻭﻛﻊ ﺑﺮﺍﺱ ﻗﺎﺑﻞ ﺷﻴﺮﻳﺪ ﻳﺼﻴﺮ ﺃﻛﺜﺮ ﻣﻦ ﻫﺬﺍ
ﺗﺮﻛﺘﻪ ﻭﺣﺮﺕ ﺑﺮﻭﺣﻲ ﺍﻟﻲ ﻣﻦ ﺟﻴﺖ ﺑﻐﺪﺍﺩ ﻟﻠﻴﻮﻡ ﻻﻳﺒﻪ ﻭﺗﺸﺘﻢ ﻫﻮﻩ ﻣﺤﺒﻮﺑﻪ ﺑﺲ ﻣﺎﺗﻜﺪﺭ ﺗﺘﻨﻔﺴﻪ ﺷﻠﻮﻧﻪ ﻭﺷﻨﻮ ﺣﺎﻟﻪ ﻭﻏﻴﺎﺑﻲ ﺇﺛﺮ ﺑﻴﻪ ﻣﺜﻞ ﻣﺂﺛﺮ ﻋﻠﻴﻪ ﻏﻴﺎﺑﻪ؟
ﺭﺍﺡ ﻳﺼﻴﺮ ﺷﻬﺮ ﻭﺍﻧﺎ ﺍﻧﺎﺯﻉ ﺑﻠﺮﻭﺡ ﻟﺠﻞ ﻣﺎﺗﻀﻌﻒ ﻭﺗﺮﻭﺣﻠﻪ ﺑﺲ ﺍﻟﻨﻔﺲ ﻭﻣﺎﺗﻬﻮﻩ ﺣﺘﻰ ﻣﻦ ﺑﺪﻳﺖ ﺍﺩﻭﺭ ﺑﻴﺖ ﻣﺎ ﺭﺟﻌﺖ ﺍﻝ ﻋﻠﻰ ﻣﻨﻄﻘﺘﻬﻢ ﻭﻛﻞ ﻋﺎﺩﻩ ﺗﻌﺒﺖ ﻭﻣﺤﺪ ﻳﻘﺒﻞ ﻳﺌﺠﺮﻟﻲ ﻛﻮﺩﻥ ﺷﺎﺏ ﻋﺰﺍﺑﻲ ﻭﺑﻴﻮﻡ ﻭﻟﻴﻠﻴﻪ ﺧﺎﺑﺮﻧﻲ ﺻﻔﺎﺀ ﺟﻨﺖ ﻛﺎﻋﺪ ﻋﻞ ﺷﻂ ﻛﻠﻲ
ﻟﻜﻴﺖ ﺑﻴﺖ ﻭﻣﻦ ﻫﺬﺍ ﻟﺪﻭﺭﻩ ﺍﻧﺖ
ﻭﻳﻦ
ﺑﻨﻔﺲ ﺍﻟﻤﻨﻄﻘﻪ ﺑﻞ ...........
ﺻﻔﺎﺀ ﻻﺗﺸﺎﻗﻪ ﺍﻧﺎ ﻋﺠﺰﺕ ﻭﻣﺎﻟﻜﻴﺖ
ﺿﺮﺍﺭ ﻭﺍﻟﻠﻪ ﺍﻟﻌﻀﻴﻢ ﻣﺎﺷﺎﻗﻪ ﺍﺑﻮ ﻣﺎﺟﺪ ﻣﻦ ﺳﻤﻊ ﺩﻧﺪﻭﺭ ﻟﻜﺎﻟﻨﻪ ﺑﻮﺍﺻﻄﺎﺗﻪ
ﻫﻢ ﺍﺑﻮ ﺻﺨﺎﻡ
ﺍﻱ ﺷﺒﻴﻚ ﻗﺎﺑﻞ ﺑﻴﺘﻪ ﻫﻮﻩ ﺑﺲ ﻋﻠﻰ ﻋﺮﻓﻪ ﺧﻞ ﻧﺎﺧﺬﻩ ﺍﻧﺖ ﺗﺨﻠﺺ ﻣﻦ ﺍﻟﻔﻨﺪﻕ ﻭﺍﻧﺎ ﺍﺧﻠﺺ ﻣﻦ ﺍﻟﻐﺮﻓﻪ ﻭﻣﻜﺎﺑﻞ ﻭﺟﻬﻪ
ﺟﺎ ﺧﻮﺵ ﺍﻧﺎ ﺟﺎﻳﻚ
ﺳﺪﻳﺘﻪ ﻭﺭﺣﺖ ﻋﻠﻴﻪ ﺷﻮﻓﻨﻲ ﺍﻟﺒﻴﺖ ﺟﺎﻥ ﺣﻴﻞ ﺻﻐﻴﺮ ﻏﺮﻓﻪ ﻭﺣﺪﻩ ﻭﺣﻮﻟﻲ ﻭﺣﻤﺎﻣﺎﺕ ﺣﺘﻰ ﻣﻄﺒﺦ ﻣﺎﻛﻮ ﻫﻮﻩ ﺍﻟﺤﻮﻟﻲ ﻋﻮﺩ ﻣﻄﺒﺦ ﺑﺲ ﻣﻴﺨﺎﻟﻒ ﺍﻫﻮﻭﻥ ﻣﻦ ﺍﻟﻔﻨﺪﻕ ﻭﺍﻟﺒﻬﺬﻟﻪ
ﻧﺘﻘﻠﻨﻪ ﺑﻲ ﻭﺻﻔﺎﺀ ﺩﻓﻊ ﺍﻳﺠﺎﺭ ﺍﻭﻝ ﺷﻬﺮ ﺍﻧﺎ ﻣﺎﻋﻨﺪﻱ ﻭﺑﺘﻨﻪ ﺑﻲ ﺍﻭﻝ ﻳﻮﻡ ﻭﻋﻴﻨﻲ ﻣﺎﻏﻤﻀﺖ ﻟﺤﻀﻪ ﻣﺮﺗﻴﻦ ﺗﻤﺸﻴﺖ ﻟﻴﻢ ﻣﺤﻠﻬﻪ ﻭﺭﺟﻌﺖ ﺑﻮﻛﺘﻬﻪ ﻛﺮﻫﺖ ﺣﺘﻰ ﺭﻭﺣﻲ ﻫﺬﺍ ﺍﻟﺠﻨﺖ ﺧﺎﻳﻒ ﻣﻨﻪ ﻭﺟﻨﻲ ﺗﻮﺭﻃﺖ ﺑﻬﺎﻱ ﺍﻟﻨﺰﻟﻪ ﻭﺷﻠﻮﻥ ﺭﺍﺡ ﺍﻣﻨﻊ ﺭﻭﺣﻲ ﻣﻨﻬﺎ ﻣﺎﺩﺭﻱ ...
ﻫﺎﺟﺮ ...... ﻭﺻﻠﺖ ﺑﻴﺘﻨﻪ ﻭﺑﻌﺪﻧﻲ ﺑﺎﺏ ﺍﻟﻤﻄﺒﺦ ﻭﻛﻌﺖ ﻭﺍﻏﻤﻰ ﻋﻠﻴﻪ ﺑﻌﺪ ﻣﺎﺣﺴﻴﺖ ﺍﻝ ﻭﺍﻧﻲ ﺑﻠﻤﺴﺘﺸﻔﻰ ﻛﻌﺪﺕ ﺍﻣﻲ ﻳﻢ ﺭﺍﺳﻲ ﻭﺳﺮﺍﺝ ﻳﻢ ﺍﻟﺪﻛﺘﻮﺭ ﻋﻴﻮﻧﻲ ﺗﺒﺎﻭﻉ ﻋﻞ ﺳﻜﻒ ﻭﻣﺘﺸﻮﻑ ﻏﻴﺮ ﺁﺧﺮ ﻣﻨﻀﺮ ﺍﻟﻀﺮﺍﺭ ﻭﺭﺟﻌﺖ ﺍﺳﺘﻮﻋﺐ ﺷﻠﻮﻥ ﺟﺮﺣﺘﻪ ﻭﻫﻨﺘﻪ ﻭﺷﻠﻮﻥ ﺟﺎﻥ ﺭﺩﻩ ﻛﻤﺖ ﺍﺑﺠﻲ ﻭﺍﻣﻲ ﺗﺤﻀﻦ ﺑﻴﻪ ﻭﺳﺮﺍﺝ ﺻﺎﺡ ﺍﻟﺪﻛﺘﻮﺭ ﻳﺮﺩﻭﻥ ﺑﺲ ﻳﻌﺮﻓﻮﻥ ﺷﺒﻴﻪ ﻭﺍﻧﻲ ﻣﺎﻋﻨﺪﻱ ﻏﻴﺮ ﺍﻟﺒﺠﻲ
ﺍﻝ ﺿﺮﺑﻮﻧﻲ ﺍﺑﺮﻩ ﻣﻬﺪﺍ ﺭﺟﻌﺖ ﻧﻤﺖ ﻟﻴﻮﻳﻦ ﻭﻛﻌﺪﺗﻨﻲ ﺍﻣﻲ ﺣﺘﻰ ﻳﺮﺟﻌﻮﻧﻲ ﻟﻠﺒﻴﺖ ﺟﻨﺖ ﻣﻮ ﺍﻣﺸﻲ ﺍﺳﺤﻞ ﺑﺮﻭﺣﻲ ﺳﺤﻞ ﻭﺟﺴﻤﻲ ﺧﺎﻭﻱ ﻭﺻﻠﻮﻧﻲ ﻭﻧﻴﻤﻮﻧﻲ ﺑﻔﺮﺍﺷﻲ ﺍﺳﻴﻞ ﺗﻮﺳﻠﺖ ﺑﻴﻪ ﺣﺘﻰ ﺗﻌﺮﻑ ﺷﺒﻴﻪ ﻭﺍﻣﻲ ﻋﺼﺒﺖ ﺣﻴﻞ ﻋﻠﻴﻪ ﻭﻛﻮﻩ ﺳﻜﺘﺘﻬﻪ ﺍﺳﻴﻞ ﻭﻃﻠﻌﺘﻪ ﻛﻠﺘﻠﻬﻪ ﺍﻧﻲ ﺍﻓﻬﻢ ﻣﻨﻬﻪ ﻭﺍﻛﻠﺞ
ﺑﻌﺪﻳﻦ ﺭﺟﻌﺖ ﺩﺗﺤﺠﻲ ﻭﻳﺎﻱ ﻏﻄﻴﺖ ﺭﺍﺳﻲ ﻭﻛﺘﻠﻪ ﺑﺲ ﻋﻮﻓﻮﻧﻲ .. ﻃﺒﻄﺒﺖ ﻋﻠﻰ ﺿﻬﺮﻱ ﻭﻛﺎﻟﺖ ﺍﺭﺗﺎﺣﻲ ﺑﺲ ﻻﺯﻡ ﺗﺤﺠﻴﻠﻲ ﻫﺰﻳﺖ ﺭﺍﺳﻲ ﺍﻱ ﻭﻫﻴﻪ ﻃﻠﻌﺖ ﺭﺟﻌﺖ ﻛﻌﺪﺕ ﺍﺑﺠﻲ ﻭﺍﺗﺬﻛﺮ ﻛﻞ ﺷﻲ ﺻﺎﺭ ﺗﻨﺪﻣﺖ ﺑﻜﺪ ﺷﻌﺮ ﺭﺍﺳﻲ ﻋﻞ ﺳﻮﻳﺘﻪ
ﻟﻮ ﺳﺎﻣﻌﻪ ﻣﻨﻪ ﻟﻮ ﻣﻔﺘﻬﻤﺘﻪ ﻭﻣﻨﻄﻴﺘﻪ ﻣﺠﺎﻝ ﺟﺎﻥ ﻣﺼﺎﺭ ﻛﻞ ﻫﺬﺍ ﺍﻟﺼﺎﺭ ﺍﻧﻲ ﺣﻘﻲ ﻣﻦ ﻏﻴﺮﺗﻲ ﻋﻠﻴﻪ ﻭﻣﻦ ﻧﺎﺭ ﻛﻠﺒﻲ ﺳﻮﻳﺖ ﻫﻴﺞ ﻭﺑﻬﺎﻱ ﺳﻮﺍﻳﺘﻲ ﺷﻜﻠﻲ ﺧﺴﺮﺕ ﺿﺮﺍﺭ..بيج قصص عراقيه حقيقيه من واقعنا.روعه الطائي
ﻟﻮﻗﺖ ﻣﺘﺎﺧﺮ ﺍﺳﻴﻞ ﺩﺧﻠﺖ ﻋﻠﻴﻪ ﻟﻜﺘﻨﻲ ﻋﻠﻰ ﻛﻌﺪﺗﻲ ﻭﺩﻣﻮﻋﻲ ﺑﻌﻴﻨﻲ ﻛﻌﺪﺕ ﺑﺼﻔﻲ ﻭﻟﻤﺖ ﺷﻌﺮﻱ ﻟﻮﺭﻩ ﺍﺫﻧﻲ ﺑﺪﻳﻪ ﻫﻤﺴﺖ
ﻟﻬﻞ ﺩﺭﺟﻪ ﺗﺤﺒﻲ
ﻛﻠﻤﺘﻪ ﻓﺘﺤﺘﻠﻲ ﻧﺎﻓﺬﻩ ﺣﺘﻰ ﺍﺷﻤﺮ ﻫﻤﻮﻣﻲ ﻭﻫﻴﻪ ﺗﺸﻮﻓﻬﻦ ﻭﺣﺘﻰ ﺍﻋﺮﻑ ﺍﻧﻲ ﻋﺎﻳﻠﻪ ﻟﻮﻻ
ﺭﻣﻴﺖ ﻧﻔﺴﻲ ﺑﺤﻀﻨﻪ ﻭﻛﻤﺖ ﺍﺷﻬﻚ ﻭﺍﺣﺠﻴﻠﻪ ﻭﻫﻴﻪ ﺗﻤﺴﺪ ﻋﻠﻰ ﺭﺍﺳﻲ ﻣﻦ ﻛﻤﻠﺖ ﺭﻓﻌﺖ ﻭﺟﻬﻲ ﻣﻦ ﻳﻢ ﺣﻨﻜﻲ ﺻﺎﺭﺕ ﻋﻴﻨﻬﻪ ﺑﻌﻴﻨﻲ ﺑﺘﺴﻤﺖ ﻭﻛﻠﺘﻠﻲ
ﻭﺍﻧﺘﻲ ﺷﺪﺍﻋﻮﺍﺝ ﻫﻴﺞ ﻣﺴﻮﻳﻪ ﺑﻨﻔﺴﺞ ﺗﺮﻩ ﻫﻮﻩ ﺍﻟﻐﻠﻄﺎﻥ ﻣﻮﺍﻧﺘﻲ
ﺷﻠﻮﻥ ﺍﺳﻴﻞ ﻭﺍﻧﻲ ﺗﺠﺎﻭﺯﺕ ﻋﻠﻴﻪ ﻭﻗﺒﻠﻪ ﻫﻢ ﺑﺎﻟﺘﻠﻴﻔﻮﻥ ﺣﺮﺕ ﺷﺨﺮﺑﻄﺖ ﺑﻠﻜﻼﻡ
ﺍﻱ ﻭﻳﻦ ﺍﻟﻤﺸﻜﻠﻪ ﺍﻧﺘﻲ ﻣﻮﺩﻛﻮﻟﻴﻦ ﺍﺣﺒﻪ ﻳﻌﻨﻲ ﻣﻦ ﺣﻘﺞ ﺗﻐﺎﺭﻳﻦ ﻋﻠﻴﻪ ﻳﺠﻮﺯ ﺍﻧﺘﻲ ﻏﻠﻄﺎﻧﻪ ﻻﻥ ﺗﺠﺎﻭﺯﺗﻲ ﻋﻠﻴﻬﻪ ﺑﺲ ﺧﻞ ﻳﺨﻠﻲ ﻧﻔﺴﻪ ﺑﻤﻜﺎﻧﺞ ﻭﻳﺘﺼﻞ ﻋﻠﻰ ﻓﻮﻧﺞ ﻭﻳﻄﻠﻌﻪ ﻭﻟﺪ ﺷﻴﺼﻴﺮ ﺑﻲ ﻭﺷﻴﺴﻮﻱ؟
ﺍﺳﻴﻞ ﺍﻧﺘﻲ ﺷﺘﺤﺠﻴﻦ ﺍﻧﺘﻲ ﻣﺘﻌﺮﻓﻴﻦ ﺿﺮﺍﺭ ﺷﻨﻮ ﺿﺮﺍﺭ ﺭﺟﺎﻝ ﺟﻨﻮﺑﻲ ﻛﻠﻤﺘﻪ ﻭﺣﺪﻩ ﻭﺍﻋﺼﺎﺑﻪ ﺇﻋﺼﺎﺭ ﺍﻧﻲ ﻫﺴﻪ ﻣﺠﺮﺩ ﺫﻛﺮﺗﻲ ﻫﺬﺍ ﺍﻟﺤﺠﻲ ﺗﺨﻴﻠﺖ ﺍﻟﻤﻮﻓﻖ ﻭﻛﻠﺒﻲ ﺭﺗﻌﺪ ﺧﻮﻑ ﻣﻨﻪ ﺷﻠﻮﻥ ﻟﻮ ﻳﺼﻴﺮ
ﻭﻫﺬﺍ ﺍﻟﻲ ﺍﺭﻳﺪ ﺍﻭﺻﻠﻪ ﺿﺮﺍﺭ ﺷﺨﺼﻴﻪ ﻣﺘﻌﺼﺒﻪ ﻭﺻﻌﺐ ﻓﻬﻤﻬﻪ ﻭﻟﻮ ﺷﻤﺘﺴﻮﻳﻦ ﺗﺒﻘﻴﻦ ﺍﻧﺘﻲ ﻭﻳﺎﻩ ﻣﺨﺘﻠﻔﻪ ﻻﻫﻮﻩ ﻳﺘﺤﻤﻞ ﻏﻴﺮﺗﺞ ﻭﻃﻴﺸﺞ ﻭﺗﺼﺮﺍﻓﺎﺗﺞ ﻭﻻ ﺍﻧﺘﻲ ﺗﺘﺤﻤﻠﻴﻦ ﺗﺼﺮﻓﺎﺗﻪ ﻭﺍﻃﺒﺎﻋﻪ ﻭﻛﻠﺸﻲ ﺑﻴﻨﻜﻢ ﻣﺨﺘﻠﻒ ﻓﻬﻮﻩ ﺳﻮﺍﻩ ﺍﺣﺴﻦ ﺷﻲ ﻣﻮﻳﻜﻠﺞ ﺑﻨﺖ ﻋﻤﻲ ﻻﺯﻛﺘﻠﻲ ﺧﻠﺺ ﺧﻞ ﻳﺎﺧﺬ ﺑﻨﺖ ﻋﻤﻪ ﻭﺍﻧﺘﻲ ﺍﻋﺘﺒﺮﻱ ﺩﺭﺱ ﻣﺮ ﺑﺤﻴﺎﺗﺞ..بيج قصص عراقيه حقيقيه من واقعنا.روعه الطائي
ﻭﺍﺭﺗﻜﺒﺘﻲ ﺑﻲ ﺃﻛﺒﺮ ﺧﻄﺎﺀ ﻭﻫﻮﻩ ﺍﻧﺞ ﺗﻌﺮﻓﺘﻲ ﻋﻠﻰ ﺷﺨﺺ ﻣﺘﻌﺮﻓﻴﻦ ﺍﺻﻼ ﻣﻦ ﻓﺼﻼ
ﺩﻧﻜﺖ ﻭﻫﻴﻪ ﻛﺎﻣﺖ ﻭﻛﺎﻟﺖ
ﻫﺎﺟﺮ ﺧﻠﺺ ﺣﻜﻤﻲ ﻋﻘﻠﺞ ﻭﻋﻮﻓﻲ ﻛﻠﺒﺞ ﻋﻠﻰ ﺻﻔﺤﻪ ﺍﻟﺼﺎﺭ ﺍﻟﻴﻮﻡ ﻭﺿﺢ ﻟﻜﻞ ﻭﺍﺣﺪ ﺑﻴﻜﻢ ﺷﻨﻮ ﺍﻝ ﺍﻟﻪ ﻭﺷﻨﻮ ﺍﻟﻌﻠﻴﻪ ﺭﺍﺡ ﺍﺗﺮﻛﺞ ﺗﻔﻜﺮﻳﻦ ﻭﺍﺗﻤﻨﻰ ﻣﺘﺨﺬﻟﻴﻨﻲ ﻭﺗﻨﺴﻴﻦ ﻫﺬﺍ ﺍﻟﻮﻟﺪ ﺍﺷﻮ ﺍﻧﻲ ﻛﻠﺒﻲ ﺍﺑﺪ ﻣﺮﺗﺎﺣﻠﻪ
ﻣﺪﺩﺕ ﻭﻛﻼﻣﻪ ﻳﺪﻙ ﺑﺮﺍﺳﻲ ﻟﺤﺪ ﻣﺎﻏﻔﻴﺖ ﻭﺍﻟﺼﺒﺢ ﻛﻌﺪﺕ ﻋﻠﻰ ﻟﻤﺎﺳﺖ ﺍﻣﻲ ﻭﻫﻴﻪ ﺗﺒﻮﺱ ﺑﺮﺍﺳﻲ ﻭﺗﺤﺠﻴﻠﻲ ﻋﻦ ﺍﻟﺜﻘﻪ ﺑﺎﻟﻨﻔﺲ ﻭﺍﻟﻘﻮﻩ ﻭﺍﻟﺼﺒﺮ ﻣﺎﻋﺮﻓﺖ ﻗﺼﺪﻩ ﺍﻝ ﻓﻴﻤﺎ ﺑﻌﺪ ﻋﺮﻓﺖ ﺍﺳﻴﻞ ﻛﺎﻳﻠﺘﻪ ﺻﺪﻳﻘﻪ ﻋﺰﻳﺰﻩ ﻋﻠﻴﻬﻪ ﺟﺎﺭﺣﺘﻪ ﻭﺻﺎﻳﺮ ﺑﺨﺎﻃﺮﻩ ﻭﻣﺘﺤﻤﻠﺖ ﻭﻛﻌﺖ
ﻫﻤﺰﻳﻦ ﻧﻘﺬﺗﻨﻲ ﺟﺎﻥ ﺷﻜﺘﻠﻪ ﺑﻴﻮﻣﻪ ﻣﺎ ﻃﻠﻌﺖ ﻣﻦ ﺍﻟﺒﻴﺖ ﺑﺲ ﻣﻦ ﺛﺎﻧﻲ ﻳﻮﻡ ﺍﺣﺎﻭﻝ ﺍﻟﻤﻠﻢ ﻧﻔﺴﻲ ﻭﺍﺭﺟﻊ ﻫﺎﺟﺮ ﺑﺪﻭﻥ ﺿﺮﺍﺭ ﺑﺲ ﻟﻼﺳﻒ ﻓﺸﻠﺖ
ﺷﻬﺮ ﻭﻓﻮﻙ ﺍﻟﺸﻬﺮ ﺑﺸﻮﻳﻪ ﺍﻧﻲ ﺑﺲ ﺩﻣﻴﻪ ﺗﺘﺤﺮﻙ ﻛﻠﺸﻲ ﺑﻴﻬﻪ ﻃﻔﻰ ﻭﻋﻠﻰ ﻏﻔﻠﻪ ﻟﻜﻴﺖ ﻧﻔﺴﻲ ﺿﺎﺭﺑﻪ ﻛﻼﻡ ﺍﺳﻴﻞ ﻋﺮﺽ ﺍﻟﺤﺎﻳﻂ ﻭﻣﺎﻣﺎﺷﻴﻪ ﻏﻴﺮ ﻭﺭﻩ ﻛﻠﺒﻲ ﻭﺍﻧﻲ ﻣﻐﻤﻀﻪ
ﻟﺰﻣﺖ ﺍﻟﺘﻠﻴﻔﻮﻥ ﺳﺎﻋﻪ ١٢ﻭﻧﺺ ﺑﻀﺒﻂ ﻃﻠﻌﺖ ﺭﻗﻢ ﺿﺮﺍﺭ ﻟﻜﻀﻴﺖ ﻫﺎﻱ ﺍﻟﻔﺘﺮﻩ ﻛﻠﻪ ﻛﻞ ﻳﻮﻡ ﺍﻟﻒ ﻣﺮﻩ ﻣﻜﺎﺑﻠﺘﻪ ﻛﻮﻝ ﻳﺤﺒﻨﻲ ﻭﻣﻴﻌﻮﻓﻨﻲ ﻭﻣﻴﻜﺪﺭ ﺑﺪﻭﻧﻲ ﺑﺲ ﻃﻠﻌﺖ ﻏﻠﻄﺎﻧﻪ ﻭﺍﻧﻲ ﺍﻟﻤﺎﻛﺪﺭ ﺑﺪﻭﻧﻪ
ﻛﻞ ﺩﻛﻪ ﻛﻠﺒﻲ ﻳﺪﻙ ﻭﻳﺎﻫﻪ ﻭﻳﻠﻜﻒ ﺗﻼﺙ ﺭﻧﺎﺕ ﺟﺎﻭﺏ ﻭﺳﻤﻌﺖ ﺑﺲ ﻃﻜﻪ ﺍﻟﺠﺪﺍﺣﻪ ﻭﻧﻔﺴﻪ ﺍﻟﻤﻀﻄﺮﺏ ﻏﻤﻀﺖ ﻋﻴﻨﻲ ﺣﻴﻞ ﻭﻫﻤﺴﺖ ﻭﺍﻟﺪﻣﻌﻪ ﻧﺰﻟﺖ
ﺿﺮﺍﺭ ﻭﻳﻦ ﻋﻔﺘﻨﻲ
.
.
..
.
ﻳﺘﺒﻊ
ﺣﺒﺎﻳﺒﻲ ﻫﺬﺍ ﺑﺎﺭﺕ ﻃﻮﻳﻞ ﻟﻌﻴﻮﻧﻜﻢ ﻭﺍﻟﻘﻔﻠﻪ ﺧﻔﻔﺘﻪ ﺣﺘﻰ ﺍﻛﺘﺐ ﺍﻟﺒﺎﺭﺕ ﺍﻟﺠﺎﻱ ﻋﻠﻰ ﺭﺍﺣﺘﻲ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
بنات شنو رائيكم بتصرفات وردة اني اكول حقها صعبة