هبت ريح

بارت22

#هبة__ريح

رفل الكناني

#بارت٢٢

ﻣﺴﺎﺀ ﺍﻟﺨﻴﺮ ﻋﻠﻰ ﺍﺣﻠﻰ ﻣﺘﺎﺑﻌﻴﻦ،،،،،،،،،،
ﺍﻟﺒﺎﺭﺕ ﺍﻟﺜﺎﻧﻲ ﻭﺍﻟﻌﺸﺮﻭﻥ ﻣﻦ ،،،،،،،،،،
ﻫﺒﺔ ﺭﻳﺢ ،،،،،،،،،
ﻭﺍﻥ ﺳﺌﻠﻮﻧﻲ ﻋﻦ ﻧﻌﻴﻢ ﺍﻟﺤﻴﺎﻩ ،،،،،،،،،،
ﻓﺴﺘﺤﺪﺙ ﻋﻦ ﺍﻟﺬﻱ ﻣﻀﻰ،،،،،،،،،،،،،
ﺣﻴﺚ ﻋﻨﺪﻣﺎ ﺫﻫﺐ ﺃﺩﺭﻛﺖ ﺃﻧﻪ ﻟﻦ ﻳﻌﻮﺩ ﺛﺎﻧﻴﺎ ،،،،،،،
ﺍﻻ ﻣﺸﺎﺀ ﺍﻟﻠﻪ ،،،،،،،
ﺭﻏﺪ ............. ﻣﺮﺕ ﺍﻻﻳﺎﻡ ﻫﺎﺩﺉ ﻛﻠﺶ ﺍﻧﻲ ﻣﻨﻌﺰﻟﻪ ﻭﺍﺑﺪ ﻣﻤﺮﺗﺎﺣﻪ ﺑﺲ ﻭﺭﺩﻩ ﺍﻭﻭﻭﻭﻑ ﻭﺭﺩﻩ ﺭﺍﺡ ﺗﺨﺒﻠﻨﻲ ﻣﻦ ﻳﻮﻡ ﺍﻟﻲ ﻧﻜﺸﻒ ﻛﻠﺸﻲ ﻛﺪﺍﻣﻪ ﻭﻫﻴﻪ ﺗﺤﻮﻟﺖ ﺇﻟﻰ ﻗﻄﻌﻪ ﺛﻠﺞ ﺻﺎﺭﺕ ﺗﺼﺮﻓﺎﺗﻪ ﺑﺎﺭﺩﻩ ﻭﻣﺸﻴﻪ ﺍﻻﻣﻮﺭ ﻛﻠﻪ ﻃﺒﻴﻌﻴﻪ ﻛﺎﻣﺖ ﺗﺠﻴﻨﻲ ﺳﺎﻋﺎﺕ ﺍﻭﻫﻢ ﻧﻔﺴﻲ ﺍﻛﻮﻝ ﻣﺴﻤﻌﺘﻨﻪ ﻟﻮ ﺳﺎﻣﻌﺘﻨﻪ ﺟﺎﻥ ﻣﺘﺼﺮﻓﺖ ﻫﻴﺞ ﻭﺑﻌﺪﻳﻦ ﻣﻦ ﺍﺭﺟﻊ ﻭﺍﺗﺬﻛﺮ ﺷﻠﻮﻥ ﺗﻮﺍﺟﻬﻨﻪ ﻭﺭﺍﻩ ﺍﻧﻲ ﺑﻘﻴﺖ ﻳﻮﻣﻴﻦ ﻣﺮﻳﻀﻪ ﻭﻫﻴﻪ ﻋﺪﻫﻪ ﻋﺎﺩﻱ ﺣﺘﻰ ﻛﻞ ﺷﻮﻳﻪ ﺗﻜﻮﻝ ﺍﻻﺍﻣﻲ ﺍﺧﺬﻳﻪ ﺩﻛﺘﻮﺭ ﻭﺍﻧﻲ ﺻﺎﻓﻨﻪ ﻋﻠﻴﻬﻪ
ﻳﻌﻨﻲ ﺷﻨﻮ ﻣﻌﻘﻮﻟﻪ ﻧﺴﺖ ﻟﻮﺳﺘﺴﻠﻤﺖ ﻟﻮ ﺷﻨﻮ
ﺗﺼﺮﻓﺎﺕ ﺍﻋﺠﺰ ﻋﻦ ﻭﺻﻔﻬﻪ ﺧﻠﺘﻨﻲ ﺍﺣﺒﺲ ﻧﻔﺴﻲ ﺑﺪﺍﺋﺮﻩ ﻭﺍﻋﺎﻗﺒﻪ ﻭﺍﻛﻠﻪ
ﻟﻴﺶ ﻫﻴﺞ ﺳﻮﻳﺘﻲ ﺑﺎﺍﺧﺘﺞ ﻭﻟﻴﺶ ﻣﺠﺎﺯﻓﺘﻲ ﻭﺗﺤﻤﻠﺘﻲ ﻭﺿﺤﻴﺘﻲ ﺑﺎﺍﻣﻴﻦ ﻣﻌﻘﻮﻟﻪ ﺍﻧﺘﻲ ﺗﺤﺒﻲ ﺃﻛﺜﺮ ﻣﻦ ﻭﺭﺩﻩ ﺍﺷﻮ ﻭﺭﺩﻩ ﻛﺪﺭﺕ ﺍﺩﻭﺱ ﻋﻠﻰ ﻧﻔﺴﻪ ﻭﻫﻞ ﻫﻴﻪ ﻛﺪﺍﻣﺞ ﺗﻤﺸﻲ ﻭﺗﺎﻛﻞ ﻭﺗﺸﺮﺏ ﻭﻛﻨﻮﻭ ﺷﻴﺌﺎ ﻟﻢ ﻳﻜﻦ
ﺷﻜﺪ ﺣﺎﻭﻟﺖ ﺍﻓﻬﻢ ﺍﻟﺪﺳﻮﻱ ﻭﻣﺎﻟﻜﻴﺘﻠﻪ ﺗﻔﺴﻴﺮ ﺻﺤﻴﺢ ﻣﺘﻨﻄﻴﻨﻲ ﻣﺠﺎﻝ ﺍﺣﺠﻲ ﻭﻳﺎﻩ ﺑﺲ ﻃﺒﻴﻌﻴﻪ ﻭﻫﺬﺍ ﺍﻟﺸﻲ ﺭﺍﺡ ﻳﺨﺒﻠﻨﻲ
ﺃﻣﻴﻦ ﻣﻦ ﺫﺍﻙ ﺍﻟﻴﻮﻡ ﻣﺸﻔﺘﻪ ﺑﺲ ﻣﻦ ﻧﺰﻝ ﺿﺮﺍﺭ ﻫﺎﻱ ﺍﻟﻤﺮﻩ ﻭﺍﺣﻨﺎ ﺩﻧﺘﻌﺸﻪ ﺧﺎﺑﺮﻩ ﻭﻣﻦ ﺳﻤﻌﺖ ﺍﺳﻤﻪ ﻧﻌﺼﺮ ﻛﻠﺒﻲ ﻭﻋﻴﻨﻲ ﻛﺒﻞ ﺻﺎﺭﺕ ﻋﻠﻰ ﻭﺭﺩﻩ
ﺷﻔﺘﻪ ﻛﺎﻋﺪﻩ ﻋﺎﺩﻱ ﻭﻻﺑﺎﻟﻪ ﻳﻢ ﺍﻟﻤﻜﺎﻟﻤﺔ ﻣﺜﻞ ﻣﺎﺑﺎﻟﻲ ﻳﻤﻬﻪ ﻭﻋﻔﺖ ﺣﺘﻰ ﺍﻻﻛﻞ ﻭﻛﻤﺖ ﻭﺍﻧﻲ ﺍﺳﻤﻊ ﺿﺮﺍﺭ ﻳﻜﻠﻪ ﺷﻮﻳﻪ ﻭﺟﺎﻳﻚ
ﻭﻓﻌﻼ ﺭﺍﺡ ﺿﺮﺍﺭ ﻭﺍﻧﻲ ﻛﻠﺒﻲ ﻳﻜﻠﻲ ﺍﻛﻮ ﺷﻲ ﺿﻠﺖ ﻋﻴﻨﻲ ﻣﺘﺎﺧﺬ ﻧﻮﻡ ﻭﻣﻦ ﺭﺟﻊ ﺿﺮﺍﺭ ﺩﺧﻞ ﻏﺮﻓﻪ ﺍﻣﻲ ﺍﻧﻮﺏ ﻗﻠﻘﺖ ﺃﻛﺜﺮ ﺑﺲ ﻣﺎﻛﺪﺭ ﺍﺩﺧﻞ ﻋﻠﻴﻬﻢ
ﺿﻠﻴﺖ ﻋﻠﻰ ﻫﺬﺍ ﺍﻟﺤﺎﻝ ﻟﺤﺪ ﻣﺎﻧﻤﺖ ﻭﺍﻟﺼﺒﺢ ﺍﻣﻲ ﺻﺎﺣﺖ ﻋﻠﻴﻪ ﻭﺍﺟﻴﺖ ﻛﻌﺪﺕ ﻳﻤﻬﻪ ﺟﺎﻧﺖ ﺗﻠﻒ ﺑﺸﻴﻠﺘﻪ ﻭﺑﻌﺪ ﻣﺎﻛﻤﻠﺖ ﺻﺪﺕ ﻋﻠﻴﻪ ﻭﻛﺎﻟﺖ
ﺭﻏﻮﺩﻩ ﻳﻤﻪ ﺍﺟﺘﺞ ﺧﻮﺵ ﻗﺴﻤﻪ
ﺍﻧﻲ
ﺍﻱ ﻳﻤﻪ ﻭﻫﻞ ﻣﺮﻩ ﻣﺘﺘﻔﻮﺕ
ﻣﻨﻮ ﻳﻤﻪ ﻛﻮﻟﻲ
ﺃﻣﻴﻦ ﻳﻤﻪ ﺃﻣﻴﻦ ﺍﺑﻦ ﻋﻤﺞ
ﺍﺳﻤﻪ ﻭﻃﺎﺭﻳﻪ ﻭﻛﻞ ﻛﻠﻤﻪ ﻃﻠﻌﺖ ﻣﻦ ﺣﻠﻚ ﺍﻣﻲ ﺟﻦ ﺟﺮﺡ ﻣﻔﺘﻮﺡ ﻭﻧﺎﺩﺭ ﻋﻠﻴﻪ ﻣﻠﺢ ﻛﻠﺸﻲ ﺑﻴﻪ ﻭﺟﻌﻨﻲ ﻭﺑﻘﻴﺖ ﻣﻨﺪﻛﻨﻪ ﻭﻣﺎﻟﻲ ﻋﻴﻦ ﺍﺭﻓﻌﻪ ﻭﻫﻴﻪ ﺭﺟﻌﺖ ﻛﺎﻟﺖ
ﺷﺒﻴﺞ ﻳﻤﻪ ﺍﺣﺠﻲ ﻻ ﺗﺴﺘﺤﻴﻦ ﺍﻧﺘﻲ ﻛﺒﺮﺗﻲ ﻭﻫﻞ ﻣﺮﻩ ﺍﻟﻘﺴﻤﻪ ﻣﻦ ﺫﻫﺐ ﺃﻣﻴﻦ ﻭﻋﻠﻴﺞ ﺍﻟﺤﺴﺎﺏ ﻭﻟﻮﻣﺎ ﺍﻟﻌﻴﺐ ﺟﺎﻥ ﻫﻠﻬﻠﺖ ﻣﻦ ﻛﺪ ﻣﺎ ﺍﺣﺒﻪ ﻭﻓﺮﺣﺎﻧﻪ ﺭﺍﺡ ﺗﺼﻴﺮ ﻭﺣﺪﻩ ﻣﻦ ﺑﻨﺎﺗﻲ ﺍﻟﻪ ﻭﻏﻴﺮ ﻫﺬﺍ ﻛﻠﻪ ﺭﺑﻰ ﻛﺒﺎﻝ ﻋﻴﻨﻪ ﻳﻌﻨﻲ ﻣﺎﺗﻠﻜﻴﻦ ﺍﺣﺴﻦ ﻣﻨﻪ...بيج قصص عراقيه حقيقيه من واقعنا.روعه الطائي
ﺭﻓﻌﺖ ﺭﺍﺳﻲ ﻭﺍﻟﺪﻣﻌﻪ ﻣﺴﺘﻘﺮﻩ ﺑﻌﻴﻨﻲ ﻭﻫﻤﺴﺖ
ﻣﻨﻮ ﻛﺎﻝ ﻳﻤﻪ ﻭﺷﻠﻮﻥ ﻋﺮﻓﺘﻲ ﺭﺍﻳﺪﻧﻲ
ﻫﻮﻩ ﻳﻤﻪ ﺍﻟﺒﺎﺭﺣﻪ ﻛﺎﻳﻞ ﺍﻝ ﺿﺮﺍﺭ ﺍﻧﻲ ﺭﺍﻳﺪﻩ ﻭﺍﻟﻴﻮﻡ ﺍﺣﺎﺟﻲ ﻋﻤﻲ ﻭﺍﻧﺖ ﺣﺎﺟﻲ ﻋﻤﺘﻲ ﺭﺟﺎﺀ ﻭﺭﺩﻟﻲ ﺧﺒﺮ
ﻭﺍﻧﺘﻲ ﺷﺪﻛﻮﻟﻴﻦ ﻳﻤﻪ
ﻳﺎﺍﺍ ﻫﻮﻩ ﻫﺬﺍ ﺳﻮﺍﻝ ﻟﻌﺪ ﺍﻧﻲ ﺻﺎﺭ ﺳﺎﻋﻪ ﺷﻜﻠﺞ ﻣﻮﺩﺍﻛﻠﺞ ﻗﺴﻤﻪ ﺯﻳﻨﻪ ﻭﺃﻣﻴﻦ ﺍﺣﻨﺎ ﻣﺮﺑﻴﻨﻪ ﻭﻫﻮﻩ ﺫﻫﺐ ﺑﻌﺪ ﺷﻜﻮﻝ ﻫﺴﻪ ﻻﺯﻡ ﺍﻧﺘﻲ ﻟﺪﻛﻮﻟﻴﻦ
ﺳﻜﺘﺖ
ﺭﻏﻴﺪﻩ ﺷﺒﻴﺞ ﺍﻧﺘﻲ ﺍﺷﻮ ﺻﺎﺭ ﻣﺪﻩ ﺧﺎﻣﻠﻪ ﻭﻣﺎﻟﺞ ﺧﻠﻚ ﻛﻞ ﻣﺮﻩ ﻟﻮﺟﻨﺘﺞ ﺧﻄﺎﺑﻪ ﻟﺴﺎﻧﺞ ﻣﺎﻳﺴﻜﺖ ﻭﺍﻧﺘﻲ ﺗﻔﺼﻠﻴﻦ ﺑﻴﻬﻢ ﺍﺷﻮ ﺍﻟﻴﻮﻡ ﺣﺘﻰ ﺍﻟﻜﻠﻤﻪ ﻛﻮﻩ ﺗﻄﻠﻊ ﻣﻨﺞ ﻻﺗﻜﻤﻠﻴﻬﻪ ﻭﺩﻛﻮﻟﻴﻦ ﺃﻣﻴﻦ ﻫﻢ ﻣﺎﺗﺮﻳﺪﻱ
ﻛﻠﺒﻲ ﻳﻨﻔﺾ ﻭﺍﺫﺍﻧﻲ ﻣﻮﺣﻔﻪ ﻣﻦ ﻛﻼﻡ ﺍﻣﻲ ﻭﺍﺭﻳﺪ ﺍﺷﻤﺮ ﻧﻔﺴﻲ ﺑﺤﻀﻨﻪ ﻭﺍﺣﺠﻴﻠﻪ ﻛﻠﺸﻲ ﺑﻠﻜﻲ ﺗﺮﺷﺪﻧﻲ ﺑﺲ ﻭﺭﺩﻩ ﻣﺎﺧﻠﺘﻨﻲ ﻭﻛﻄﻌﺖ ﻋﻠﻴﻪ ﺍﻟﺠﺎﻥ ﺑﺎﻟﻲ ﻣﻦ ﻛﺎﻟﺖ ﻭﻫﻴﻪ ﺍﻟﺒﺘﺴﺎﻣﻪ ﺗﺎﺭﺳﻪ ﻭﺟﻬﻪ
ﻳﻤﻪ ﻭﻟﻴﺶ ﻣﺎﺗﻮﺍﻓﻖ ﻗﺎﺑﻞ ﻫﻴﻪ ﻛﻞ ﻗﺴﻤﻪ ﻗﺴﻤﻪ ﻫﻞ ﻣﺮﻩ ﺃﻣﻴﻦ ﻭﻣﻦ ﻛﺎﻝ ﺃﻣﻴﻦ ﻻﺯﻡ ﺗﻮﺍﻓﻖ ﻭﻫﻴﻪ ﻣﻐﻤﻀﻪ
ﺍﻱ ﻣﻮ ﻫﻞ ﺩﺍﻛﻠﻠﻪ ﺑﺲ ﻫﻴﻪ ﻣﺎﺩﺭﻱ ﺷﺒﻴﻬﻪ ﺍﺷﻮ ﻻﺗﺤﺠﻲ ﻭﻻﺵ ﻳﻤﻪ ﺭﻏﺪﻩ ﻫﺎﺝ ﺳﻤﻌﺘﻲ ﺣﺘﻰ ﺍﺧﺘﺞ ﻣﻜﻴﻔﺘﻠﺞ
ﻳﻤﻪ ﻣﺎﻋﻠﻴﺞ ﻣﻨﻬﺎ ﻛﻮﻟﻴﻠﻬﻢ ﺑﻠﻤﺒﺎﺭﻙ ﻭﻻﻳﻀﻞ ﺑﺎﻟﺞ ﺗﺮﻩ ﺭﻏﻴﺪﻩ ﻫﺴﺎﻉ ﻣﺴﺘﺤﻴﻪ ﻭﺧﺠﻼﻧﻪ ﺍﺧﺬﻳﻪ ﻣﻨﻲ ﻫﻴﻪ ﻣﻮﺍﻓﻘﻪ ﻣﻮﺻﻴﺢ ﺭﻏﺪ
ﺿﻠﻴﺖ ﺻﺎﻓﻨﻪ ﻋﻠﻴﻬﻪ ﻫﺎﻱ ﺷﺪﺗﺤﺠﻲ ﻛﻞ ﻋﻘﻠﻪ ﺍﻧﻮﺏ ﻫﻴﻪ ﺍﻟﻔﺮﺣﺎﻧﻪ ﻭﺗﺄﺧﺬ ﻣﻮﺍﻓﻘﺘﻲ ﻳﺎﺭﺑﻲ ﺷﺪﻳﺼﻴﺮ ﺑﺪﻳﻨﺎ ﻳﻌﻨﻲ ﺷﻜﺪ ﺍﺣﺐ ﺃﻣﻴﻦ ﻭﺍﺗﻤﻨﻰ ﺍﻟﻠﺤﻀﻪ ﺍﻟﻴﺨﻄﺒﻨﻲ ﺑﻴﻬﻪ ﺑﺲ ﺑﻨﻔﺲ ﺍﻟﻮﻛﺖ ﺟﻨﺖ ﺧﺎﻳﻔﻪ ﻣﻦ ﻭﺭﺩﻩ ﺍﺷﻮ ﻛﻠﺸﻲ ﺩﻳﺼﻴﺮ ﺑﻠﻌﻜﺲ ﻫﺴﻪ ﺷﻨﻮ ﺍﻧﻲ ﺍﻭﺍﻓﻖ ﺍﺳﻜﺖ ﺍﺭﻓﺾ
ﺍﻧﻮﺏ ﻣﺘﺴﻜﺖ ﺭﺟﻌﺖ ﻛﺎﻟﺖ
ﻳﻤﻪ ﺍﻟﺴﻜﻮﺕ ﻋﻼﻣﻪ ﺍﻟﺮﺿﻰ ﻳﻌﻨﻲ ﺑﻠﻐﻴﻬﻢ ﺭﻏﺪ ﻣﻮﺍﻓﻘﻪ
ﺍﺻﺒﺮﻱ ﻳﺎﺍﻣﻲ ﺍﻧﺘﻲ ﻟﻴﺶ ﺍﻟﻴﻮﻡ ﻣﻠﻜﻮﻓﻪ ﻫﺬﺍ ﺍﺑﺪ ﻣﻮﻃﺒﻌﺞ ﺍﺧﺘﺞ ﻣﻮﻃﺒﻴﻌﻴﻪ ﻭﻟﺞ ﻳﻤﻪ ﺭﻏﺪﻩ ﺑﻴﺞ ﺷﻲ
ﻣﺎﺑﻴﻬﻪ ﻛﻠﺸﻲ ﻻ ﺗﺴﻮﻳﻦ ﻣﻦ ﺍﻟﺤﺒﻪ ﻛﺒﻪ ﺧﺠﻼﻧﻪ ﻭﻣﺴﺘﺤﻴﻪ ﻭﻛﺎﻋﺪ ﺗﺪﻟﻞ ﻓﻀﻴﻪ ﻳﻤﻪ ﻭﺧﻞ ﻧﻔﺮﺡ ﻭﺍﻟﻠﻪ ﻣﺸﺘﺎﻗﻪ ﺍﺭﻛﺺ ﻭﺍﻫﻮﺱ ﻭﻳﺼﻴﺮ ﻋﺪﻧﻪ ﻋﺮﺱ
ﻛﻞ ﻫﺬﺍ ﺍﻟﺤﺠﻲ ﻭﺍﻧﻲ ﻋﻴﻦ ﻋﻠﻴﻬﻪ ﻭﻋﻴﻦ ﻋﻠﻰ ﺍﻣﻲ ﻭﻣﻦ ﺻﺪﻣﺘﻲ ﺑﺘﺼﺮﻓﺎﺗﻪ ﻋﻔﺘﻪ ﻭﻛﻤﺖ ﺑﺪﻭﻥ ﻣﺎﺍﺣﺠﻲ
ﺿﻠﻴﺖ ﻛﻢ ﻳﻮﻡ ﺑﺪﻭﺍﻣﻪ ﻭﻣﺎﻋﺮﻑ ﺷﺮﻳﺪ ﺍﻣﻲ ﻣﻌﺎﻓﺘﻨﻲ ﻭﻋﺪﻫﻪ ﻋﻴﺪ ﻣﻦ ﺃﻣﻴﻦ ﺧﻄﺒﻨﻲ ﻭﻛﻞ ﺷﻮﻳﻪ ﺗﺠﻲ ﺗﻜﻌﺪ ﻳﻤﻲ ﺣﺘﻰ ﺗﻘﻨﻌﻨﻲ ﻭﺭﺩﻩ ﻛﺪﺍﻣﻬﻢ ﺗﺤﺎﺟﻴﻨﻲ ﻭﺣﺘﻰ ﺗﺰﻳﺪ ﻋﻠﻰ ﻛﻼﻡ ﺍﻣﻲ ﻭﺗﻘﻨﻌﻨﻲ ﻫﻢ ﻭﻣﻦ ﻧﺨﺘﻠﻲ ﻣﺘﻌﺒﺮﻧﻲ ﻭﻻﺗﻬﺘﻤﻠﻲ ﺣﺮﺕ ﻭﺩﺧﺖ ﻭﺿﻐﻄﻬﻢ ﺯﺍﺩ ﻋﻠﻴﻪ ﺑﻌﺪ ﻣﺎﺍﺑﻮﻱ ﻭﺍﻓﻖ ﻻﻥ ﻋﻤﻲ ﺭﺷﺪﻱ ﻭﻋﻤﻲ ﻛﺮﻳﻢ ﺭﺍﺣﻮ ﺧﻄﺒﻮﻧﻲ ﻣﻨﺎ ﻭﺿﺮﺍﺭ ﻫﻢ ﻛﻞ ﺷﻮﻳﻪ ﻳﺮﻳﺪ ﺍﻟﺠﻮﺍﺏ ﻻﻥ ﻳﺮﻳﺪ ﻳﺮﺟﻊ ﻟﺸﻐﻠﻪ ﺑﻐﺪﺍﺩ.....بيج قصص عراقيه حقيقيه من واقعنا.روعه الطائي
ﻫﺬﺍ ﺍﻟﺜﺎﻧﻲ ﻫﻢ ﻫﻞ ﻣﺮﻩ ﻣﻦ ﺍﺟﻪ ﻣﻦ ﺑﻐﺪﺍﺩ ﺣﻴﻞ ﻣﺘﻐﻴﺮ ﻭﺍﻟﻤﻮﺑﺎﻳﻞ ﻣﻴﻨﺰﻝ ﻣﻦ ﺍﻳﺪﻩ ﻛﻞ ﺷﻮﻳﻪ ﺍﺳﻤﻌﻪ ﻳﻄﻠﻊ ﺑﺮﻩ ﻳﺨﺎﺑﺮ ﻭﺍﻟﻴﻞ ﻛﻠﻪ ﻫﻢ
ﻋﻴﻮﻧﻲ ﺟﺎﻧﺖ ﻋﻠﻰ ﻛﻞ ﻭﺍﺣﺪ ﻣﻨﻬﻢ ﺟﻨﺖ ﺍﺩﻭﺭ ﺑﻌﻴﻮﻧﻬﻢ ﻛﻠﺸﻲ ﻣﻀﻴﻌﺘﻪ ﺑﺲ ﻟﻼﺳﻒ ﻋﻘﻠﻲ ﻣﻴﺠﻤﻊ ﻭﻻﻳﻔﻜﺮ ﺣﺘﻰ ﻣﻦ ﻭﺍﻓﻘﺖ ﻭﺍﻧﻄﻴﺘﻬﻢ ﺭﺩﻱ ﻣﺎﺣﺴﻴﺖ ﺑﺎﻱ ﺭﺩﺕ ﻓﻌﻞ ﻋﺒﺎﻟﻚ ﻣﻮ ﺭﻏﺪ ﺍﻟﺠﺎﻧﺖ ﺗﺘﻤﻨﻰ ﻫﺬﺍ ﺍﻟﻴﻮﻡ
ﻭﺻﻞ ﺭﺩﻱ ﺍﻟﻬﻢ ﻭﺍﺟﺘﻲ ﻋﻤﺘﻲ ﺍﻡ ﺃﻣﻴﻦ ﺗﻬﻮﺱ ﻭﺗﻬﻠﻬﻞ ﻭﺷﻴﻤﺎﺀ ﺗﺨﻄﻂ ﻟﻠﺒﻌﻴﺪ ﻭﺑﺎﻟﻪ ﻛﻠﻪ ﻳﻢ ﺿﺮﺍﺭ ﻭﻫﺎﻱ ﺍﻟﺨﻄﻮﻩ ﻣﺎﻝ ﺧﻄﻮﺑﺘﻲ ﻣﻦ ﺃﻣﻴﻦ ﻓﺮﺻﻪ ﺑﻠﻨﺴﺒﻪ ﺍﻟﻪ ﺣﺘﻰ ﺗﺘﻘﺮﺏ ﻣﻨﺎ ﻛﻞ ﺗﺼﺮﻓﺎﺗﻪ ﺟﺎﻧﺖ ﻫﻴﺞ ﺩﻛﻮﻝ ﺑﺲ ﺿﺮﺍﺭ ﻣﻤﻌﺒﺮﻩ
ﻭﺍﺟﻪ ﺍﻟﻴﻮﻡ ﺍﻟﺠﻨﺖ ﺷﺎﻳﻠﻪ ﻫﻤﻪ ﻭﺻﺎﺭ ﻛﻠﺸﻲ ﺭﺳﻤﻲ ﺃﻣﻴﻦ ﺟﺎﺏ ﻣﺸﻴﻪ ﻣﺎﻝ ﺯﻟﻢ ﺻﺎﺭﺕ ﺑﻴﺖ ﺍﺑﻮﻱ ﻭﻋﻤﺘﻲ ﻋﺰﻣﺖ ﻛﻞ ﺣﺒﺎﻳﺒﻪ ﺣﺘﻰ ﺗﺸﻮﻓﻬﻢ ﺟﻨﺘﻪ ﻭﺧﻄﻴﺒﺖ ﺃﻣﻴﻦ
ﺟﻬﺰﺕ ﻧﻔﺴﻲ ﺑﺸﻲ ﺑﺴﻴﻂ ﻭﺍﻟﺼﺪﻙ ﺷﻴﻤﺎﺀ ﻫﻴﻪ ﺍﻟﺠﻬﺰﺗﻨﻲ ﺍﻧﻲ ﻣﺎﻟﻲ ﻭﺍﻫﺲ ﺑﻜﻠﺸﻲ ﺭﻏﻢ ﺩﺍﺷﻮﻑ ﻭﺭﺩﻩ ﺗﻔﺘﺮ ﻛﺪﺍﻣﻲ ﺗﺒﺪﻝ ﻭﺗﺨﻠﻲ ﻣﻜﻴﺎﺝ ﻫﺴﻪ ﻏﻴﺮ ﺍﻗﻨﺘﻊ ﻭﻛﻮﻝ ﻛﻠﺸﻲ ﻃﺒﻴﻌﻲ ﻭﻫﺎﻱ ﺍﻟﻐﺼﻪ ﻟﺒﻜﻠﺒﻲ ﺗﺮﻭﺡ ﻣﺎﻛﻮ ﺟﻠﺒﺖ
ﻋﺒﺎﻟﻚ ﺷﻲ ﻭﻛﺎﺗﻢ ﻋﻠﻰ ﻧﻔﺴﻲ ﻛﺎﻋﺪ ﻭﺍﻟﻜﻞ ﺩﺍﻳﺮ ﻣﺪﺍﻳﺮﻱ ﻭﺍﻧﻲ ﻓﺎﺻﻠﻪ ﺣﺘﻰ ﻣﻦ ﻫﻠﻬﻠﻮ ﻭﻛﺎﻟﻮ ﺗﻢ ﻛﻠﺸﻲ ﺍﻧﻲ ﻭﻻﻳﻤﻲ ﺃﻣﻴﻦ ﺩﺧﻞ ﻭﻛﻠﻪ ﺗﻬﻮﺱ ﻭﺗﻬﻠﻬﻞ ﻭﺭﺍﻩ ﻭﻛﻌﺪ ﺑﺼﻔﻲ ﻭﺍﻧﻲ ﻛﻞ ﺭﺩﺕ ﻓﻌﻞ ﻣﺎﻋﻨﺪﻱ ﻭﺟﺎﻱ ﺍﺷﻮﻑ ﺍﻟﻔﺮﺣﻪ ﺷﻠﻮﻥ ﻣﺮﺳﻮﻣﻪ ﺑﻮﺟﻬﻪ ﻭﻋﻴﻮﻧﻪ ﺗﻼﻟﻲ ﻭﻳﻬﻤﺲ ﺑﺎﺫﻧﻲ
ﻣﺒﺮﻭﻙ ﺑﻨﺖ ﻋﻤﻲ ﺻﺮﺗﻲ ﺍﻟﻲ
ﻣﺤﺠﻴﺖ ﺑﺲ ﺻﺪﻳﺖ ﻋﻠﻴﻪ ﺭﺟﻊ ﻛﺎﻝ
ﺑﻮﻳﻪ ﺷﺒﻴﺞ ﺑﺲ ﻻﺯﻋﻼﻧﻪ ﻻﻥ ﻫﺎﻱ ﺍﻟﻔﺘﺮﻩ ﻋﻔﺘﺞ ﻭﻣﺎﺟﻴﺖ ﺗﺮﻩ ﺟﻨﺖ ﻣﺘﺎﻧﻲ ﺿﺮﺍﺭ ﻭﺷﻮﻓﺖ ﻋﻴﻨﺞ ﺍﻭﻝ ﻣﺎ ﻧﺰﻝ ﺍﺟﻴﺖ ﻭﺧﻄﺒﺘﺞ
ﻫﺰﻳﺖ ﺭﺍﺳﻲ ﻻﻣﺰﻋﻼﻧﻪ ﻭﻋﻤﺘﻲ ﺟﺎﺑﺖ ﺍﻟﺤﻠﻘﺎﺕ ﻟﺰﻡ ﺍﻳﺪﻱ ﻟﺒﺴﻨﻲ ﻭﻧﻄﺎﻧﻲ ﺍﻟﺤﻠﻘﻪ ﺩﺍﻟﺒﺴﻪ ﺍﻳﺪﻱ ﺗﺮﺟﻒ ﻣﻦ ﺣﺲ ﻋﻠﻴﻪ ﺳﺎﻋﺪﻧﻲ ﻭﻟﺒﺴﻪ ﺑﻌﺪﻩ ﺑﺎﺱ ﺭﺍﺳﻲ ﻭﺷﺘﻐﻠﺖ ﺍﻟﻬﻼﻫﻞ ﻭﺍﺭﻛﺺ ﻭﻛﻠﻪ ﻓﺮﺣﺎﻧﻪ ﻭﺃﻭﻟﻬﻢ ﻭﺭﺩﻩ ﺗﺼﻔﻚ ﺑﺤﺮﻛﻪ ﻭﻣﺘﻮﺟﻬﻪ ﻧﻀﺮﻩ ﻋﻠﻴﻨﻪ ﻭﺣﺘﻰ ﺭﻛﺺ ﻛﺎﺑﻠﺖ ﻋﻤﺘﻲ ﺍﻡ ﺃﻣﻴﻦ ﻭﺭﻛﺼﺖ ﻭﻳﺎﻩ
ﻟﺤﻀﻪ ﺣﺴﻴﺖ ﻧﻔﺴﻲ ﻛﺎﻋﺪﻩ ﺑﺘﻤﺜﻴﻠﻪ ﻭﺍﻟﺒﻄﻠﻪ ﺑﻴﻬﻪ ﻭﺭﺩﻩ ﻭﺍﺭﻳﺪﻩ ﺗﺨﻠﺺ ﺍﺧﺎﻑ ﻃﺎﻗﺖ ﻭﺭﺩﻩ ﺍﻟﻤﺼﻄﻨﻌﻪ ﺗﺨﻠﺺ ﻭ ﻭﺗﻨﻔﺠﺮ ﻭﻧﺮﻭﺡ ﺑﻴﻬﻪ ﻛﻠﻨﺎ ﺑﺲ ﻫﻴﻪ ﺟﺎﻧﺖ ﺣﺬﺭﻩ ﻭﻣﺎﺑﻴﻬﻪ ﺷﻲ ﻣﻦ ﺍﻟﻜﻠﺘﻪ ﻭﺑﺮﻭﺩﻩ ﺳﻴﺪ ﺍﻟﻤﻮﻗﻒ ﺑﻬﺎﻱ ﺍﻟﻌﺒﻪ
ﺭﺑﻊ ﺳﺎﻋﻪ ﻛﺎﻋﺪ ﺃﻣﻴﻦ ﻣﺎﻋﺒﺮﺗﻪ ﺑﻜﻠﻤﻪ ﻋﺎﺩ ﻛﺎﻝ ﺍﻻﻣﻪ ﺍﺭﻳﺪ ﺍﻛﻌﺪ ﻭﻳﺎﻩ ﻭﺣﻴﺪﻧﻪ
ﻣﻦ ﺳﻤﻌﺘﻪ ﻧﻄﻴﺖ ﻣﻦ ﻳﻤﻲ ﻭﻛﺘﻠﻪ
ﻻﺍﻣﻴﻦ ﺿﺮﺍﺭ ﻫﻨﺎ ﻭﺍﻛﻴﺪ ﻣﻴﻘﺒﻞ
ﺑﺎﻭﻋﻠﻲ ﺑﻨﺰﻋﺎﺝ ﻭﻛﺎﻝ ﺑﻨﺘﺮ
ﻣﺎﻋﻠﻴﺞ ﺑﻀﺮﺍﺭ ﺍﻧﻲ ﺭﺍﻳﺢ ﺍﺣﺎﺟﻲ ﻭﺍﻧﺘﻲ ﻳﻤﻪ ﻓﻀﻨﻬﻪ ﻋﺎﺩ ﺍﺭﻳﺪ ﺍﻛﻌﺪ ﻭﻳﺎﻩ ﺧﻄﻴﺒﺘﻲ ﺷﻮﻳﻪ ﺣﺘﻰ ﻭﺭﺍﻩ ﻧﺮﺟﻊ ﻟﻠﺒﻴﺖ
ﻃﻠﻊ ﻭﻋﻤﺘﻲ ﺣﺎﺟﺖ ﺍﻣﻲ ﺗﺒﺴﺒﺲ ﺑﻴﻨﻬﻢ ﻭﺭﺩﻩ ﺣﻄﺖ ﺭﺃﺳﻪ ﺣﺘﻰ ﺗﺴﻤﻊ ﻭﺭﺍﻩ ﻓﺮﻏﻮﻟﻨﻪ ﺍﻟﻬﻮﻝ ﻭﻃﻠﻊ ﻭﺩﺧﻞ ﺃﻣﻴﻦ ﻭﺭﺩ ﺍﻟﺒﺎﺏ ﻛﻠﺖ
ﺍﻓﺘﺤﻪ ﻟﻴﺶ ﺳﺪﻳﺘﻪ
ﺍﻧﺘﻲ ﺷﻤﺎﻟﺞ ﺗﺮﻩ ﻛﺎﻋﺪ ﻋﻠﻰ ﺃﻋﺼﺎﺑﻲ ﺟﻨﺖ ﺍﺷﻮ ﻭﻻﺟﻦ ﺍﻟﻴﻮﻡ ﺧﻄﺒﺘﻨﻪ ﻣﺎﺗﻔﻬﻤﻴﻨﻲ ﺷﺼﺎﻳﺮ
ﺑﻌﺪ ﻣﺎ ﺗﺤﻤﻠﺖ ﻋﻴﻮﻧﻲ ﺑﻴﻬﻪ ﺩﻣﻮﻉ ﺗﺤﺮﻛﻨﻲ ﻣﻦ ﺍﻭﻝ ﺍﻟﻜﻌﺪﻩ ﻭﺍﻧﻲ ﺟﻨﺖ ﺣﺎﺑﺴﺘﻬﻢ ﻭﻫﻮﻩ ﺑﻬﺬﺍ ﻛﻼﻣﻪ ﺃﻃﻠﻖ ﺳﺮﺍﺣﻬﻢ ﺟﺎﻭﺑﺖ ﻭﺍﻧﻲ ﺍﺑﺠﻲ
ﺃﻣﻴﻦ ﻣﻮ ﺑﻴﺪﻱ ﻣﻨﻀﺮ ﺫﺍﻙ ﺍﻟﻴﻮﻡ ﻣﺪﻳﺮﻭﺡ ﻣﻦ ﺑﺎﻟﻲ ﻭﻛﻞ ﺷﻮﻳﻪ ﻳﻨﻌﺎﺩ ﺍﻟﺠﻨﻪ ﻧﺤﺠﻲ ﻭﺷﻠﻮﻥ ﻭﺭﺩﻩ ﺳﻤﻌﺘﻨﻪ
ﻫﻢ ﻭﺭﺩﻩ ﻳﺎﻃﺮﻛﺎﻋﻪ ﺍﻟﻠﻪ ﺍﻟﻤﺎﺗﺨﻠﺺ ﻭﺍﺫﺍ ﺳﻤﻌﺘﻨﻪ ﻣﻮ ﺍﺣﺴﻦ ﺟﺎﺀ ﺗﺮﺩﻳﻬﻪ ﺗﻀﻞ ﻣﻮﻫﻤﻪ ﺭﻭﺣﻪ ﺑﺸﻲ ﻣﺎﻟﻪ ﻭﺟﻮﺩ ﺷﻠﻮﻥ
ﺍﻱ ﺑﺲ ﻫﻴﻪ ﺗﺤﺒﻚ ﺷﻠﻮﻥ ﺭﺍﺡ ﺗﻨﺴﺎﻙ
ﻭﺍﻧﻲ ﻣﺎﺣﺒﻪ ﻭﻫﺎﻱ ﻣﺸﻜﻠﺘﻪ ﻻﻣﺒﻴﻨﻠﻪ ﺷﻲ ﻭﻻﻭﻋﺎﺩﻩ ﺑﺸﻲ ﻫﻴﻪ ﻟﺤﺎﻟﻪ ﺣﺒﺘﻨﻲ
ﻭﺍﻧﻲ ﻣﺪﺍﻛﺪﺭ ﺍﻧﺴﻰ ﻭﻛﻞ ﻣﺎ ﺟﻴﺖ ﺃﻓﻜﺮ ﺑﻴﻚ ﺻﺎﺭﺕ ﻫﻴﻪ ﻛﺒﺎﻟﻲ
ﺭﻏﺪ ﻻﺗﻠﻌﺒﻴﻦ ﺑﻌﺼﺎﺑﻲ ﺍﻧﻲ ﻣﺨﺒﻞ ﻣﻮﺿﻮﻉ ﻭﺭﺩﻩ ﺍﻧﺴﻲ ﺷﻲ ﻭﺻﺎﺭ ﻣﻦ ﺍﻟﻤﺎﺿﻲ ﻭﺍﺣﻨﺎ ﻭﻟﺪ ﺍﻟﻴﻮﻡ ﺍﻧﺎ ﺧﻄﺒﺘﺞ ﻭﻓﺮﺣﺎﻥ ﻻﺗﻀﻴﻌﻴﻦ ﻓﺮﺣﺘﻲ ﻟﺨﺎﻃﺮ ﺍﻟﻠﻪ
ﺳﻜﺘﺖ ﻭﻣﺴﺤﺖ ﺩﻣﻮﻋﻲ ﻭﻫﻮﻩ ﺗﻘﺮﺏ ﺑﺎﺱ ﺭﺍﺳﻲ ﻭﺟﻬﻲ ﺑﻴﻦ ﺍﺩﻳﻪ ﻭﻳﻜﻠﻲ
ﻫﺎﻫﻴﻪ ﺣﺒﻴﺒﺘﻲ ﻻ ﺗﻔﻜﺮﻳﻦ ﺑﺸﻲ ﺧﻠﻴﻨﻪ ﺑﻴﻮﻣﻨﻪ ﻫﺬﺍ ﺍﻟﻴﻮﻡ ﺍﻟﺠﻨﺖ ﺍﺣﻠﻢ ﺑﻲ ﻭﺍﺗﻤﻨﻰ ﻣﻦ ﺯﻣﺎﻥ
ﻣﻦ ﺷﻮﻛﺖ
ﻣﻦ ﺯﻣﺎﻥ ﻣﻦ ﺯﻣﺎﻥ ﻣﻦ ﺟﻨﻪ ﻧﻠﻌﺐ ﺳﻮﻩ ﻭﺗﺴﻮﻳﻦ ﻣﺼﻴﺒﻪ ﻭﺍﻧﻲ ﺍﺷﻴﻠﻪ ﺣﺘﻰ ﻻﺗﺘﺎﺫﻳﻦ
ﻭﻫﺴﻪ ﻫﻢ ﺷﻠﺖ ﻣﺼﻴﺒﺘﻲ ﺣﺒﻴﺘﻚ ﻭﺍﺧﺘﻲ ﺗﺤﺒﻚ
ﺳﺘﻐﻔﺮﺍﻟﻠﻪ ﻫﻢ ﺭﺟﻌﻨﺎ ﻋﻠﻰ ﻧﻔﺲ ﺍﻟﻤﻮﺿﻮﻉ ﺑﻮﻳﻪ ﺍﻧﺴﻲ ﻳﺎﻋﻴﻨﻲ ﺍﻧﺴﻲ ﻳﺎﻛﻠﺒﻲ ﺍﻧﺴﻲ ﺟﺎﺀ ﺍﻟﻴﻮﻡ ﺷﻠﻮﻥ ﺍﺧﻠﺼﻪ ﺍﺣﻠﻒ ﺑﻴﺞ ﺗﻨﺴﻴﻦ
ﻻﻫﺎﻳﻬﻴﻪ ﺑﻌﺪ ﻣﺎﺍﺟﻴﺐ ﻃﺎﺭﻱ ﻫﺬﺍ ﺍﻟﻤﻮﺿﻮﻉ
ﺍﻱ ﻋﻔﻴﻪ ﻋﻠﻴﺞ ﻭﺍﺫﺍ ﺗﺮﺩﻳﻦ ﺣﻴﺎﺗﻪ ﺗﻨﺠﺢ ﻭﺗﻤﺸﻲ ﻭﺣﺒﻨﻪ ﻳﻜﺒﺮ ﻣﺴﺤﻲ ﻫﺬﺍ ﺍﻟﻤﻮﺿﻮﻉ ﻣﻦ ﻗﺎﻣﻮﺱ ﺣﻴﺎﺗﺞ ﻛﻠﻪ
ﺍﻥ ﺷﺎﻟﻠﻪ
ﺭﺣﺘﻠﺞ ﻓﺪﻭﻩ ﻳﺎﺑﻌﺪ ﻛﻠﺒﻲ ﻟﻬﻴﺘﻴﻨﻲ ﻭﻣﺎﺑﺎﺭﻛﺘﻠﺞ ﺑﻄﺮﻳﻘﺘﻲ
ﻟﺰﻣﻨﻲ ﻣﻦ ﺧﺼﺮﻱ ﻗﺮﺑﻨﻲ ﻋﻠﻴﻪ ﺑﺎﺱ ﺭﺍﺳﻲ ﻭﻧﺰﻝ ﺑﺎﺱ ﺍﻟﺒﻴﻦ ﻋﻴﻮﻧﻲ ﻭﺷﻮﻳﻪ ﺷﻮﻳﻪ ﺗﻤﺎﺩﻩ ﻭﺻﺎﺭ ﻳﺘﺠﺮﻯ ﺣﺼﺮﻧﻲ ﺑﻴﻦ ﺍﺩﻳﻪ ﻭﺿﻞ ﻳﺒﻮﺱ ﺑﻮﺟﻬﻲ ﻭﻳﻨﺰﻝ ﻋﻠﻰ ﺭﻛﺒﺘﻲ ﻛﻤﺖ ﺍﺩﻓﻊ ﺑﻲ ﻭﻫﻮﻩ ﻣﻘﻴﺪﻧﻲ
ﺍﻛﻠﻪ ﻻ ﻳﺠﻲ ﺿﺮﺍﺭ ﻟﻮ ﺍﺣﺪ ﻳﺸﻮﻓﻨﻪ ﻭﻫﻮﻩ ﻳﻠﻬﺚ ﻭﻳﺤﻀﻦ ﺑﻴﻪ ﻭﻳﻜﻠﻲ
ﻣﺤﺪ ﻳﺠﻲ ﻭﺍﺫﺍ ﺍﺟﻮﻭ ﺑﻨﺖ ﻋﻤﻲ ﻭﻣﺮﺗﻲ
ﻭﻳﻦ ﻣﺮﺗﻚ ﻭﻭﺧﺮ ﺑﻌﺪﻧﻪ ﻣﻌﺎﻗﺪﻳﻦ
ﻣﻴﺨﺎﻟﻒ ﻳﺠﺮﺍﻟﺞ ﺍﻋﻘﺪ ﻋﻠﻴﺞ ﻭﻋﻴﻮﻧﺞ ﺑﺲ ﻫﺴﺎﻉ ﻋﻮﻓﻴﻨﻲ ﺑﺮﺍﺣﺘﻲ ﻣﻮﻣﻨﺘﻀﺮ ﻫﺬﺍ ﺍﻟﻴﻮﻡ ﺑﻔﺎﺭﻍ ﺍﻟﺼﺒﺮ
ﺧﻨﻜﻨﻲ ﻭﻃﻠﻊ ﺣﺘﻰ ﺭﻭﺣﻲ ﻭﻣﻦ ﻛﺪ ﻣﺎ ﺟﺎﻥ ﺑﺎﻟﻲ ﻣﻮﻳﺎﻩ ﻭﻣﺎﺑﺎﺩﻟﺘﻪ ﻋﺼﺐ ﻭﺑﺘﻌﺪ ﺿﺎﻳﺞ ﻋﺪﻝ ﻧﻔﺴﻪ ﻭﻛﺎﻝ..بيج قصص عراقيه حقيقيه من واقعنا.روعه الطائي
ﻣﻮﻫﺎﻱ ﺍﻟﻠﻬﻔﻪ ﻟﻤﺘﻮﻗﻌﻪ ﻣﻨﺞ ﺗﺮﺍﺝ ﺯﻭﺗﻴﻪ ﻋﺎﺩ ﻭﺷﻌﻠﺘﻲ ﺍﻫﻠﻲ
ﺷﺴﻮﻳﻠﻚ ﻳﻌﻨﻲ ﺍﻧﺎ ﺍﺳﺘﺤﻲ ﻭﺍﻟﻴﻮﻡ ﺗﻌﺒﺎﻧﻪ ﻭﺍﻧﺖ ﻫﻮﺍﻱ ﻟﺤﻴﺖ
ﺍﻱ ﻫﻮﻩ ﺍﻧﺎ ﺣﻴﻮﺍﻥ ﻋﺒﻦ ﻣﻴﺖ ﻋﻠﻴﺞ ﻭﺍﻧﺘﻲ ﻣﺎﻣﻌﺒﺮﺗﻨﻲ ﻭﺍﻟﻠﻪ ﻟﻮﻣﺎ ﺑﺬﺍﻙ ﺍﻟﻴﻮﻡ ﻃﻠﻌﺘﻲ ﻣﻦ ﻃﻮﺭﺝ ﻭﻛﻠﺘﻲ ﺍﻧﺎ ﺍﺣﺒﻚ ﻭﺃﻛﺜﺮ ﻣﻨﻚ ﺟﺎﻥ ﻛﻠﺖ ﻣﺘﺤﺒﻨﻲ ﻭﻫﻴﺞ ﺗﺴﻮﻱ
ﺍﻱ ﺍﺣﺒﻚ ﺑﺲ ﻫﺴﺎﻉ ﻋﻮﻓﻴﻨﻲ ﺑﺮﺍﺣﺘﻲ ﻭﺍﻻﻳﺎﻡ ﺟﺎﻳﻪ ﻋﻮﺩ ﺍﺗﻌﻠﻢ ﻋﻠﻴﻚ ﻻﺗﻀﻞ ﺗﻌﺼﺐ ﻭﺗﺴﺒﺐ ﺑﻨﻔﺴﻚ ﻛﻞ ﺣﺠﺎﻳﻪ ﻭﺍﻟﺜﺎﻧﻴﻪ
ﻻﻫﺎﻫﻴﻪ ﻃﻠﻌﺘﻲ ﺍﻟﻔﺮﺣﻪ ﻣﻦ ﺧﺸﻤﻲ ﻣﺸﻜﻮﺭﻩ ﻭﺍﻧﺎ ﺍﺳﻒ ﺍﺫﺍ ﻟﺤﻴﺖ ﻋﻠﻴﺞ ﻋﺒﻦ ﺍﺣﺒﻨﺞ ﻭﺍﻟﻀﺎﻫﺮ ﺍﻟﻴﻮﻡ ﺗﻤﺎﺩﻳﺖ ﻳﻠﻪ ﺍﻧﺎ ﺭﺍﻳﺢ ﻋﻮﺩ ﻣﻦ ﺗﺮﺍﺟﻌﻴﻦ ﻧﻔﺴﺞ ﻭﺗﺸﻮﻓﻴﻦ ﺭﻭﺣﺞ ﺷﺴﻮﻳﺘﻲ ﺑﻴﻪ ﺍﻟﻴﻮﻡ ﻋﻮﺩ ﻭﺩﻱ ﻋﻠﻲ ﻭﺍﺟﻲ ﺍﺷﻮﻓﺞ ﺑﻠﻜﺖ ﺍﻟﻠﻜﺎﺝ ﺑﺎﺍﺣﺴﻦ ﻣﻦ ﻫﺬﺍ ﺍﻟﺤﺎﻝ
ﺍﻭﺩﻋﻨﺎﺝ
ﻃﻠﻊ ﺟﻔﻴﺘﻪ ﻣﻦ ﺟﻴﺒﻪ ﻣﺴﺢ ﻭﺟﻬﻪ ﻭﻃﻠﻊ
ﻛﻌﺪﺕ ﻭﺍﻳﺪﻱ ﻋﻠﻰ ﻭﺟﻬﻲ ﺍﻧﻲ ﺷﺒﻴﻪ ﺧﺮﺑﺖ ﻓﺮﺣﺘﻪ ﻭﻣﺎﻓﺘﻬﻤﺖ ﺷﻲ ﻣﻦ ﺧﻄﺒﺘﻲ ﻭﺑﺎﻟﻲ ﻛﻠﻪ ﻳﻢ ﻭﺭﺩﻩ ﻭﻫﻴﻪ ﻭﻻ ﻳﻤﻬﻪ ﺯﻳﻦ ﺷﻠﻮﻥ ﺑﻴﻪ ﺃﻣﻴﻦ ﺻﺎﺭ ﺧﻄﻴﺒﻲ ﺭﺍﺡ ﺍﺿﻞ ﻫﻴﺞ ﻭﺗﻀﻞ ﻭﺭﺩﻩ ﻛﺎﺑﻮﺱ ﻳﻤﺸﻲ ﻭﻳﺎﻱ ﻭﻳﻦ ﻣﺎﺭﻭﺡ ﻭﻳﺬﻛﺮﻧﻲ ﺃﻣﻴﻦ ﺑﻨﻀﺮﻩ ﺟﺎﻥ ﺷﻲ ﺭﺍﺟﻊ ﺍﻟﻪ ﻭﺍﻧﻲ ﺍﺧﺬﺗﻪ ﻣﻨﻪ ﺯﻳﻦ ﺇﻟﻰ
ﻣﺘﻰ .................
ﺿﺮﺍﺭ ﺗﻤﺖ ﺧﻄﺒﻪ ﺃﻣﻴﻦ ﻭﺭﻏﺪ ﻋﻠﻰ ﺃﻛﻤﻞ ﻭﺟﻬﻪ ﺍﻣﺎﻧﻪ ﻭﺣﻄﻴﺘﻪ ﺑﻴﺪ ﺃﻣﻴﻦ ﻭﺍﻧﻲ ﻣﺮﺗﺎﺡ ﻭﺍﻣﺎﻣﻦ ﺍﺧﺘﻲ ﺑﻀﻬﺮ ﺭﺟﺎﻝ ﺣﻮﻙ ﻭﻧﺴﻴﺐ ﺛﺎﻧﻲ ﻭﺳﻨﺪ ﺑﻌﺪ ﺻﻼﺡ ﺭﺟﻞ ﺿﺤﻰ ﺍﻟﻲ ﻟﻴﻬﺴﻪ ﻣﺎﺷﻔﺖ ﻣﻨﻪ ﺍﻟﻌﻴﻠﻪ ﻭﺍﺧﺘﻲ ﻣﺒﻴﻨﻪ ﻣﺮﺗﺎﺣﻪ ﻳﻤﻪ ﺣﺘﻰ ﺍﻟﻠﻪ ﺭﺯﻗﻪ ﻭﻫﺴﻪ ﺣﺎﻣﻞ
ﺍﻟﺨﻄﺒﻪ ﺗﻤﺖ ﺑﻴﺖ ﺍﺑﻮﻱ ﻫﻮﻩ ﻫﻴﺞ ﺭﺍﺩ ﻭﺍﻧﻲ ﻣﺎﻗﺎﺭﺷﺘﻪ ﻣﺎﻟﻲ ﺧﻠﻚ ﻣﺸﺎﻛﻞ ﻭﺍﻣﻲ ﻛﺎﻟﺖ ﺭﺍﻳﺪﺍﺕ ﺣﻔﻠﻪ ﻧﺴﻮﺍﻥ ﻭﻓﺮﻏﻮﻧﻪ ﺍﻟﺒﻴﺖ ﻛﻠﺖ ﺟﺎﺀ ﻃﻠﺐ ﺍﺑﻮﻱ ﺍﺟﻪ ﺑﻤﺠﺎﻧﻪ ﺭﻏﻢ ﺍﻧﻲ ﺍﺩﺭﻱ ﻫﺬﺍ ﺗﺨﻄﻴﻂ ﺣﻤﻴﺮ ﺍﻟﻜﻠﺐ ﺩﻳﺪﻭﺭ ﻣﺸﻜﻠﻪ ﻭﺍﻧﻲ ﻣﺎﻧﻮﻟﻪ ﻟﺒﺎﻟﻪ ﺣﺘﻰ ﻣﺎﺧﺮﺏ ﻟﻤﺨﻄﺘﻪ ﻓﻤﺘﺠﺎﻫﻠﻪ ﻭﻣﺨﻠﻲ ﻳﺨﻴﻂ ﻭﻳﺨﺮﺑﻂ ﺑﺮﺍﺣﺘﻪ ﻭﻣﻨﺘﻀﺮ ﺍﻟﻴﻮﻡ ﺍﻻﻧﻔﺮﺩ ﺑﻲ ﺣﺘﻰ ﺑﺮﺍﺣﺘﻲ ﺍﺧﺬ ﺣﻴﻔﻲ
ﺍﻟﻜﻌﺪﻩ ﻛﻠﻪ ﻧﺎﻓﺦ ﻧﻔﺴﻪ ﻻﻥ ﺑﻴﺘﻬﻢ ﻳﺒﺎﻭﻋﻠﻲ ﺑﺴﺘﺰﻏﺎﺭ ﺧﺼﻮﺻﺎ ﻣﻦ ﻳﻮﺟﻬﻮﻥ ﻛﻼﻡ ﺍﻝ ﺍﺑﻮﻱ ﻭﻳﻨﺎﺩﻭ ﺍﺑﻮ ﺍﻣﻴﺮ ﻭﺍﻧﺎ ﺍﺑﻨﻪ ﺍﻟﺠﺒﻴﺮ ﻛﺎﻋﺪ
ﺑﺲ ﻣﺎ ﻳﺨﺎﻟﻒ ﺗﻬﻮﻥ ﻭﻳﺠﻲ ﻳﻮﻡ ﻭﺣﻮﻳﺘﻢ ﻳﻌﺮﻑ ﻳﺎﻫﻮ ﺍﺑﻨﻪ ﻭﻳﺎﻫﻮ ﺍﻟﺮﺍﺡ ﻳﺼﻴﺮ ﻋﻜﺎﺯﺗﻪ
ﺟﺪﺗﻲ ﻛﻞ ﺣﺠﺎﻳﻪ ﻭﺍﻟﺜﺎﻧﻴﻪ ﻭﻛﺎﻟﺖ ﻻﺗﻠﻔﻲ ﻋﻠﻴﻨﻪ ﺍﻧﺖ ﻣﻦ ﺗﻠﻔﻲ ﻫﻨﺎ ﺗﺠﻴﺐ ﺍﻟﻨﻪ ﻓﺎﻳﻨﻪ
ﺍﻧﺎ ﺍﻋﺮﻑ ﻗﺼﺪﻩ ﻣﺎ ﺗﺮﻳﺪ ﺣﻤﻴﺮ ﻳﻄﺨﻪ ﺍﻟﻬﻮﻩ ﻫﺬﺍ ﺣﻔﻴﺪﻩ ﺍﻟﺮﺑﺘﻪ ﻋﻠﻰ ﺍﺩﻳﻬﻪ ﻭﺍﻟﻤﺪﻟﻞ ﻣﺎﻟﻪ ﻭﻟﻮ ﻟﻔﻪ ﺿﺮﺍﺭ ﻻﺣﻪ ﺷﻲ ﻣﺎ ﺗﺪﺭﻱ ﺍﻧﻲ ﺷﺎﻳﻠﻪ ﻣﻦ ﺑﺎﻟﻲ ﻭﻃﺎﺑﺨﻠﻪ ﻃﺒﺨﻪ ﺑﻌﺪﻩ ﻣﺎﻣﺴﺘﻮﻳﻪ ﻭﻫﺴﻪ ﺍﻧﺎ ﻣﻮﺑﺤﺎﻟﻪ
ﻫﻠﻴﺎﻡ ﺣﻴﻞ ﻣﺮﺗﺎﺡ ﻭﺣﻴﺎﺗﻲ ﻣﺎﺷﻴﻪ ﺍﻧﻲ ﺑﻴﻦ ﺍﻫﻠﻲ ﻭﺧﻮﺍﺗﻲ ﺍﻟﻠﻪ ﻳﺴﺮﺭﻟﻬﻦ ﻭﻫﺬﺍ ﺍﻫﻢ ﺷﻲ ﻭﻫﺎﺟﺮ ﻫﺎﻱ ﺍﻟﻨﻔﺲ ﻣﺎﻟﻲ ﺗﻄﻮﺭﺕ ﻋﻼﻗﺘﻲ ﺑﻴﻬﻪ ﻭﻛﻞ ﺷﻮﻳﻪ ﻧﺘﺨﺎﺑﺮ ﺍﺣﺠﻴﻠﻪ ﻳﻮﻣﻲ ﻭﺗﺤﺠﻴﻠﻲ ﻳﻮﻣﻬﻪ ﺻﺎﺭ ﻋﺸﺮ ﺍﻳﺎﻡ ﻫﻨﺎ ﻭﺣﺒﻴﺒﺘﻲ ﻣﺎ ﺗﺤﻤﻠﺖ ﻭﻛﺎﻟﺖ
ﺿﺮﺍﺭ
ﻋﻴﻮﻧﻪ ﻭﻛﻠﺒﻪ
ﺷﻮﻛﺖ ﺗﺠﻲ
ﻳﺄﺑﻮﻳﻪ ﻳﺄﺑﻮﻳﻪ ﺗﺮﺩﻳﻨﻲ ﺍﺟﻲ ﻭﻋﻴﻮﻧﺞ ﺑﺎﺟﺮ ﻣﻦ ﻏﺒﺸﻪ ﺟﺎﻱ
ﻻ ﻫﻴﺞ ﺑﺲ ﺩﺍﺳﺌﻠﻚ
ﻻﻫﻮﻩ ﻫﻴﺞ ﻳﺎﺑﻌﺪ ﺿﺮﺍﺭ ﻭﻋﺸﻴﺮﺗﻪ ﻛﻮﻟﻲ ﺷﺘﺎﻛﻴﺘﻴﻠﻲ ﻭﻻﺗﺨﺠﻠﻴﻦ ﺟﺎﺀ ﺍﻧﺎ ﻣﺜﻠﺞ ﻣﺸﺘﺎﻛﻠﺞ ﻭﻣﻴﺖ ﻋﻠﻴﺞ
ﻟﻌﺪ ﺷﻠﻮﻥ ﺿﻠﻴﺖ ﻫﻠﻜﺪ
ﻭﺍﻟﻠﻪ ﺣﻜﺞ ﺑﺲ ﺗﻌﺮﻓﻴﻦ ﻟﻴﺶ ﺿﻠﻴﺖ ﻫﻠﻜﺪ ﻋﺒﻦ ﺻﺎﺭ ﻫﻮﺍﻱ ﻣﺠﺎﻱ ﻭﻫﻢ ﺭﺍﺡ ﺍﺗﺄﺧﺮ ﺍﻝ ﺍﻧﺰﻝ ﻣﺮﻩ ﺛﺎﻧﻴﻪ ﺑﺲ ﻭﻻ ﻳﻬﻤﺞ ﺑﺎﺟﺮ ﻣﻦ ﺍﺻﺒﺢ ﺍﻧﺎ ﻳﻤﺞ
ﻫﻬﻬﻪ ﻭﻳﻦ
ﺑﻜﻴﻔﻴﺞ
ﺍﻧﻲ ﺍﺻﺒﺢ ﺑﺪﻭﺍﻡ
ﺍﻱ ﻭﺍﺫﺍ ﺍﺟﻴﺞ ﻟﺪﻭﺍﻡ
ﻻﻻ
ﻫﺠﻴﺮﻩ ﻻﺗﺘﻌﺰﺯﻳﻦ ﻋﻠﻲ
ﻫﻬﻬﻪ ﻫﺠﻴﺮﻩ ﺷﻨﻮﻭﻭ
ﺟﺎﺀ ﻏﻴﺮ ﺩﺍﺩﻟﻌﺞ
ﺑﺲ ﻣﻮ ﻫﻴﺞ ﻳﺪﻟﻌﻮﻧﻲ
ﺟﺎﺀ ﺷﻠﻮﻥ ﻋﻠﻤﻴﻨﻲ
ﻫﺠﻮﻭﻭ ﺑﻠﺒﻴﺖ ﻳﺼﻴﺤﻮﻟﻲ ﻫﺠﻮﻭ
ﻣﻮﺳﻴﻘﻪ ﺑﻌﺮﺿﻲ ﻣﻮﺳﻴﻘﻰ ﻣﻮﺍﺳﻢ ﺧﺎﺏ ﻋﻠﻰ ﻛﻴﻔﺞ ﻭﻳﺎﻱ ﺍﻧﺎ ﺭﺟﺎﻝ ﺟﻨﻮﺑﻲ ﻭﺍﻧﺘﻲ ﺑﻐﺪﺍﺩﻳﻪ ﻭﺍﺩﺭﻱ ﺟﻠﻤﺎﺗﻲ ﺛﻜﺎﻝ ﻋﻠﻴﺞ ﺑﺲ ﺗﺤﻤﻠﻴﻬﻢ
ﻻﺑﻠﻌﻜﺲ ﺣﺠﻴﻚ ﻛﻠﺶ ﺣﻠﻮ ﺗﺪﺭﻱ ﻣﺎﻣﺎ ﻫﻢ ﻣﺮﺍﺕ ﺗﻨﺴﻰ ﻧﻔﺴﻬﺎ ﻭﺗﺤﺠﻲ ﻣﺜﻠﻚ
ﻟﻴﺶ ﺍﻣﺞ ﻣﻨﻴﻦ
ﺍﻣﻲ ﻫﻢ ﻣﻦ ﺍﻟﺠﻨﻮﺏ ﺑﺲ ﻣﻦ ﺳﺎﻓﺮﻧﻪ ﻟﻠﺨﺎﺭﺝ ﻭﺭﺟﻌﻨﺎ ﻟﺒﻐﺪﺍﺩ ﻻﺗﻌﻠﻤﺖ ﺑﻐﺪﺍﺩﻱ
ﺟﺎﺀ ﻭﺷﻜﻮ ﺑﻴﻬﻪ ﻭﺍﻧﺎ ﻫﻢ ﻋﺎﺷﻚ ﺑﻐﺪﺍﺩﻳﻪ ﻭﺑﻠﺠﺎﻳﺎﺕ ﺗﻌﻠﻤﻴﻨﻲ ﺑﻐﺪﺍﺩﻱ ﻭﺍﻋﻠﻤﺞ ﺟﻨﻮﺑﻲ
ﻟﺤﻀﻪ ﺧﻞ ﺍﺣﺠﻲ ﻣﺜﻠﻚ
ﺍﻱ ﻳﺎﺑﻌﺪ ﺑﻴﺘﻲ ﻏﺮﺩﻱ
ﺟﺎﺀ ﺧﻮﺵ ﻫﻬﻬﻬﻬﻪ ﻣﻮﻫﻴﺞ ﺩﻛﻮﻟﻮﻥ
ﻭﺟﺎﺀ ﻭﺟﺎﺀ ﻭﺟﺎﺀ ﺍﻱ ﻭﻋﻴﻮﻧﺞ ﻫﻴﺞ ﻧﻜﻮﻝ ﻣﻦ ﺭﺣﺖ ﻓﺪﻭﻩ ﻟﺠﺎﺀ ﺍﻟﻤﺎﻳﻌﻪ ﺑﺤﻠﻜﺞ
ﺿﺮﺍﺭ ﺷﻨﻮ ﻣﺎﻳﻌﻪ
ﻏﻴﺮ ﺍﻣﻮﺕ ﻋﻠﻰ ﻣﺎﻳﻌﻪ ﺍﻧﻲ ﻟﺞ ﻏﻴﺮ ﺍﺧﺮﺏ
ﻭﻭﻭﻭﻗﺢ
ﻫﺎﻱ ﻋﻠﻴﻤﻴﻦ
ﺳﻜﺘﺖ
ﻣﻮﻭﻭﻭﻳﺎﺝ
ﺷﺒﻴﻚ
ﺳﺌﻠﺘﺞ ﻫﺎﻱ ﻋﻠﻴﻤﻴﻦ
ﻋﻠﻴﻚ ﻻﻥ ﺗﺘﻤﺎﺩﻯ ﻣﻦ ﻧﺤﺠﻲ ﻭﺗﻨﺪﻣﺞ
ﻫﺎﺟﺮ ﻫﺎﻱ ﺍﻟﻜﻠﻤﻪ ﺁﺧﺮ ﻣﺮﻩ ﺩﻛﻮﻟﻴﻪ
ﺳﻤﻌﺘﻲ ﻟﻮ ﺍﻋﻴﺪ
ﺳﻤﻌﺖ ﺷﺒﻴﻚ ﻧﻜﻠﺒﺖ
ﻣﻮﺣﺘﻰ ﺗﻌﺮﻓﻴﻦ ﺿﺮﺍﺭ ﻣﻮﺍﺯﻋﻠﺞ ﻭﺩﻛﻮﻟﻴﻦ ﻣﺎﻋﺮﻑ ﻃﺒﻌﻚ ﺗﺮﻩ ﻟﺪﻳﺤﺠﻲ ﻭﻳﺎﺝ ﻋﺼﺒﻲ ﻣﺨﺒﻞ ﻣﻴﻌﺘﺮﻑ ﺑﺎﺍﺑﻮﻩ ﻭﻟﺴﺎﻧﻲ ﻣﺘﺒﺮﻱ ﻣﻨﻲ ﻳﻌﻨﻲ ﺳﺪﻱ ﺍﺫﺍﻧﺞ ﻣﻦ ﻳﻨﻔﺘﺢ
ﺍﻱ ﻫﺎﻫﻴﻪ ﻋﺮﻓﺘﻚ ﻳﻠﻪ ﺭﺍﺡ ﺍﺳﺪﻩ ﻭﺍﻧﺎﻡ
ﻫﺎﺍﺍ ﺑﺪﻳﻨﻪ ﻻﺯﻡ ﻧﻐﺜﻴﺘﻲ
ﻻﺍﺑﺪ
ﺍﻱ ﻣﺒﻴﻦ ﻳﻠﻪ ﺭﻭﺣﻲ ﺗﺼﺒﺤﻴﻦ ﻋﻠﻰ ﺧﻴﺮ ﺣﺒﻴﺒﺘﻲ
ﻭﺍﻧﺖ ﻣﻦ ﺍﻫﻠﻪ
ﻫﺎﺟﺮ ....... ﺳﺪﻳﺘﻪ ﻭﺣﻀﻨﺖ ﺍﻟﻤﺨﺪﻩ ﻫﺬﺍ ﻛﻞ ﻋﻘﻠﻪ ﺯﻋﻠﺖ ﻏﻴﺮﺭ ﺍﻧﻲ ﻃﺎﻳﺮﻩ ﺑﺤﺒﻪ ﺧﻮ ﻫﺴﻪ ﻣﻦ ﺭﺯﻟﻨﻲ ﻣﻲ ﺑﺎﺭﺩ ﻭﻧﺰﻝ ﻋﻠﻰ ﻛﻠﺒﻲ ﺍﻭﻭﻭﻳﻠﻲ ﺻﻮﺗﻪ ﻳﻤﻮﺕ ﻭﺭﺯﺍﺗﻨﻪ ﺗﺎﺧﺬ ﺍﻟﻌﻘﻞ ﺗﻌﻠﻘﺖ ﺑﻲ ﻟﺪﺭﺟﻪ ﺍﺫﺍ ﻣﺮ ﻳﻮﻡ ﻭﻣﺎﺳﻤﻌﺖ ﺻﻮﺗﻪ ﺍﺿﻮﺝ ﻭﺍﻧﻘﻬﺮ ﻭﺗﺮﺩ ﺭﻭﺣﻲ ﻣﻦ ﻳﺨﺎﺑﺮ
ﻃﻮﻝ ﻫﺎﻱ ﺍﻟﻔﺘﺮﻩ ﻟﻬﻮﻩ ﻳﻢ ﺍﻫﻠﻪ ﻳﻮﻣﻴﻪ ﻧﺘﺨﺎﺑﺮ ﺣﻴﺎﺗﻲ ﺗﻐﻴﺮﺕ ﻭﻳﻮﻣﻲ ﺍﺻﺤﺎﻟﻪ ﺑﻜﻞ ﻧﺸﺎﻁ ﺍﺩﺍﻭﻡ ﻭﺍﺷﺘﻐﻞ ﻭﻛﻞ ﻓﻜﺮﻱ ﻳﻤﻪ ﻣﻦ ﻳﺴﺌﻠﻨﻲ ﺍﻧﺘﻲ ﻭﻳﻦ ﻭﺷﺪﺳﻮﻳﻦ ﻫﺬﺍ ﺑﺤﺚ ﺍﺧﺮ ﺍﺣﺴﻦ ﻧﻔﺴﻲ ﺷﻲ ﻣﻦ ﻣﻤﺘﻠﻜﺎﺗﻪ ﺍﻟﺨﺎﺻﻪ ﻭﺩﻳﻄﻤﺌﻦ ﻋﻠﻴﻪ...بيج قصص عراقيه حقيقيه من واقعنا.روعه الطائي
ﺍﺳﻴﻞ ﻛﻤﺖ ﻣﺎﺍﺣﺠﻴﻠﻪ ﻻﻥ ﻣﺮﺍﺿﻴﻪ ﻋﻠﻴﻪ ﻭﻣﻤﻘﺘﻨﻌﻪ ﺑﻀﺮﺍﺭ ﺩﻛﻠﻲ ﻳﻀﺤﻚ ﻋﻠﻴﺞ ﻭﻳﻦ ﺍﻛﻮ ﻫﻴﺞ ﺣﺐ ﺍﺣﻠﻔﻬﻪ ﺻﺎﺭﻟﻪ ﺍﺷﻬﺮ ﻣﻜﺎﺑﻞ ﺍﻟﻤﺤﻞ ﻭﻳﻠﺤﻜﻨﻲ ﻣﺘﺼﺪﻙ ﻓﺘﺮﻛﺘﻪ ﻭﻫﻴﻪ ﻫﻢ ﻣﻠﺘﻬﻴﻪ ﺑﺴﻴﻮﻓﻲ
ﺿﺮﺍﺭ ﺑﺎﺟﺮ ﻛﻠﻲ ﺍﺟﻴﺞ ﻟﻠﻜﻠﻴﻪ ﺧﻼﻧﻲ ﺍﻟﻴﻞ ﻛﻠﻪ ﺃﻓﻜﺮ ﺑﺎﺟﺮ ﺷﻠﻮﻥ ﺭﺍﺡ ﺍﺷﻮﻓﻪ ﻭﺷﻨﻮ ﺍﺣﺠﻲ ﻭﻳﺎﻩ ﻭﺷﺎﻟﺒﺲ ﺑﻘﻴﺖ ﺍﻟﻴﻞ ﻛﻠﻪ ﺍﺧﻄﻂ ﻟﺤﺪ ﻣﺎﻧﺴﻄﺮﺕ ﻭﻧﻤﺖ
ﻟﺜﺎﻧﻲ ﻳﻮﻡ ﻣﻦ ﺍﻟﺼﺒﺢ ﻛﻌﺪﺕ ﺭﺗﺒﺖ ﻧﻔﺴﻲ ﻋﻠﻰ ﺁﺧﺮ ﺣﺒﺎﻳﻪ ﻭﺭﺣﺖ ﻟﻠﺪﻭﺍﻡ ﺩﺧﻠﺖ ﻛﻢ ﻣﺤﺎﺿﺮﻩ ﻭﺧﺎﺑﺮﻧﻲ ﻛﺎﻝ
ﻣﻴﺨﻠﻮﻧﻲ ﺍﺩﺧﻞ
ﺍﻱ ﺻﺢ ﺍﻧﻲ ﺷﻠﻮﻥ ﻧﺴﻴﺖ ﻭﻫﺴﻪ
ﺭﺍﺡ ﺍﻧﺘﻀﺮﺝ ﻟﺤﺪ ﻣﻄﻠﻌﻴﻦ
ﻻﻭﻳﻦ ﺍﺗﺄﺧﺮ ﻛﻠﺶ
ﻣﻴﻬﻢ ﺍﺭﻳﺪ ﺍﺷﻮﻓﺞ
ﻳﻌﻨﻲ ﻣﺪﻳﺨﻠﻮﻙ ﺷﻠﻮﻥ ﺗﺒﻘﻰ ﻭﺍﻛﻒ ﺑﻠﺒﺎﺏ
ﺍﻱ ﺑﺎﻗﻲ ﺑﺲ ﻛﻠﻴﻠﻲ ﺭﺏ ﺍﻟﺤﻠﻮ ﺍﻧﺘﻲ ﺟﻮﻩ ﺑﻬﺎﻱ ﺍﻟﺴﺎﺣﻪ ﻟﻜﺒﺎﻟﻲ
ﺍﻱ
ﻻ ﻳﺎﺍﻟﻠﻪ ﻳﻌﻨﻲ ﺑﻨﺺ ﻫﺎﻱ ﺍﻟﺸﺒﺎﺏ
ﻫﻬﻬﻬﻬﻪ ﺍﻱ
ﺍﻧﻮﺏ ﺗﻀﺤﻚ ﻭﻟﺞ ﺍﻧﻲ ﻫﺴﻪ ﻣﺘﺸﻌﻮﻁ ﻭﻧﻨﺘﻲ ﺗﻀﺤﻜﻴﻦ ﺑﺎﻗﻲ ﻫﻨﺎ ﻣﻨﺘﻀﺮﺝ ﻟﺤﺪ ﻣﺘﻄﻠﻌﻴﻦ
ﺍﻭﻙ ﺑﺎﻱ
ﺍﻟﻠﻪ ﻭﻳﺎﺝ
ﺿﺮﺍﺭ ......... ﻣﻦ ﺍﻟﺼﺒﺢ ﺭﺟﻌﺖ ﺑﺲ ﺍﻟﻄﺮﻳﻖ ﻃﻮﻳﻞ ﻭﺯﺩﺣﺎﻡ ﻃﻠﻌﺖ ﺭﻭﺣﻲ ﺍﻝ ﻭﺻﻠﺖ ﺍﺧﺬﺕ ﺗﻜﺴﻲ ﻭﻛﺒﻞ ﻟﻌﻨﻮﺍﻥ ﺍﻟﻜﻠﻴﻪ ﻟﻨﻄﺘﻨﺎﻳﻪ ﻭﺻﻠﺖ ﺑﺲ ﻣﺨﻠﻮﻧﻲ ﺍﺩﺧﻞ ﻛﻠﻪ ﺍﻣﻦ ﺑﻠﺒﺎﺏ ﻭﺍﻟﺪﺧﻮﻝ ﻟﻠﻄﻠﺒﻪ ﻭﺍﻻﺳﺎﺗﺬﻩ ﻭﺍﻧﻲ ﻣﺎ ﻋﻨﺪﻱ ﺻﻔﻪ ﺷﺨﺼﻴﻪ ﺍﺩﺧﻞ ﺑﻴﻪ ﺿﻠﻴﺖ ﺍﺑﺎﻭﻉ ﻣﻦ ﻭﺭﺍﻩ ﺍﻟﺤﺎﺟﺰ ﺟﺎﻥ ﺳﻴﺎﺝ ﺣﺪﻳﺪ ﺷﻔﺘﻬﻪ ﻣﺨﺘﻠﻄﻪ ﻭﺃﺷﻜﺎﻝ ﻭﺍﻻﺍﻟﻮﺍﻥ ﺍﻟﺸﺒﺎﺏ ﻭﺍﻟﺒﻨﺎﺕ
ﻳﻌﻨﻲ ﻫﺎﺟﺮ ﺑﻨﺺ ﻫﺎﻱ ﺍﻻﻣﻪ ﻫﺎﻱ ﺷﻠﻮﻥ ﺳﺎﻟﻔﻪ ﺍﻧﻲ ﺷﻠﻮﻥ ﺭﺍﺡ ﺍﺿﺒﻂ ﻧﻔﺴﻲ ﻭﺍﺗﺤﻤﻞ ﻭﺟﻮﺩﻩ ﻫﻨﺎ ﺍﻧﻲ ﻣﻦ ﺟﻨﺖ ﺍﻛﺎﺑﻞ ﺍﻟﻤﺤﻞ ﻭﺍﺷﻮﻑ ﺷﺒﺎﺏ ﺗﻔﻮﺕ ﺗﺴﺘﻨﺴﺦ ﻟﻮ ﺗﺼﻮﺭ ﺗﺼﻌﺪ ﺍﻟﺠﻨﻴﻪ ﺑﺮﺍﺳﻲ ﺍﻧﻮﺏ ﺍﺟﻴﺖ ﻫﻨﺎ ﺷﻔﺖ ﺍﻹﺿﺮﺍﺏ
ﺭﺑﻲ ﺍﻟﺼﺒﺮ ﺍﻟﺼﺒﺮ ﺑﻘﻴﺖ ﻟﺤﺪ ﻭﻗﺖ ﺍﻧﺘﻬﺎﺀ ﺍﻟﺪﻭﺍﻡ ﻭﺑﺪﻭﺍ ﻳﻄﻠﻌﻮﻥ ﻭﻳﺎﻫﻢ ﻫﺎﺟﺮ ﺷﻔﺘﻪ ﻭﺷﺎﻓﺘﻨﻲ ﻣﻦ ﺑﻌﻴﺪ ﺑﺲ ﻣﺎﻛﺪﺭﺕ ﺍﻗﺮﺏ ﻭﻻﺍﺣﺠﻲ ﻭﻳﺎﻩ ﺣﻔﺎﻇﺎ ﻋﻠﻰ ﺳﻤﻌﺘﻪ ﺑﺲ ﻟﻮ ﺭﺍﺟﻊ ﺍﺣﺴﻦ ﺣﺘﻰ ﺍﻟﺨﻂ ﺍﻟﺼﻌﺪﺕ ﺑﻲ ﻭﻳﺎﻩ ﻛﻢ ﺷﺎﺏ ﺭﺟﻌﺖ ﻣﻮﺿﺎﻳﺞ ﻣﻔﻮﻭﻭﻭﻝ
ﺣﺘﻰ ﻣﺨﺎﺑﺮﺗﻪ ﻋﻠﻤﻮﺩ ﻣﻴﻔﻠﺖ ﻟﺴﺎﻧﻲ ﻭﻏﻴﺮﺗﻲ ﺗﻔﻀﺤﻨﻲ ﻭﺩﻛﻮﻡ ﺗﺴﻮﻳﻠﻲ ﻻ ﺗﻀﺎﻳﻘﻨﻲ ﻭﺗﺘﺤﻜﻢ ﺑﻴﻪ ﻭﺗﺤﺎﺳﺒﻨﻲ ﻻﻥ ﺍﻛﻴﺪ ﺍﺫﺍ ﺍﺳﻮﻱ ﻫﻴﺞ ﺗﺤﺴﻨﻲ ﻣﺒﺎﻟﻎ ﺑﺤﺒﻲ ﺍﻟﻪ ﻣﺘﺪﺭﻱ ﺍﻧﻲ ﺃﻋﺸﻘﻪ ﻭﺃﻛﺜﺮ ﺷﻲ ﻫﻞ ﻓﺘﺮﻩ ﻣﻦ ﻛﻤﺖ ﺍﺳﻤﻊ ﺻﻮﺗﻪ ﺍﻧﻲ ﺟﺎﻧﺖ ﺑﺲ ﻧﻀﺮﺍﺕ ﺑﻴﻨﻪ ﻣﺨﺒﻠﺘﻨﻲ ﻭﻻ ﻋﺎﺩ ﻫﺴﻪ ﻣﻦ ﻋﺘﺮﻓﺘﻠﻪ
ﺍﺑﻮ ﻣﺎﺟﺪ ﺧﺎﺑﺮﻧﻲ ﻛﺎﻝ ﺭﻭﺡ ﻟﻠﺒﻴﺖ ﺟﻴﺐ ﺍﻟﺴﻴﺎﺭﻩ ﻭﺗﻌﺎﻝ ﺍﺧﺬﻧﻲ ﻣﻦ ﺍﻟﻤﻌﻤﻞ ﻫﺬﺍ ﺭﺍﺡ ﻳﺨﺒﻠﻨﻲ ﺑﺲ ﺩﺭﻩ ﻭﺻﻠﺖ ﺑﻐﺪﺍﺩ ﺳﺘﻠﻤﻨﻲ
ﻣﺎﻛﻮ ﻏﻴﺮ ﺻﻔﺎﺀ ﻛﻠﻪ ﺍﻧﻲ ﺍﺭﻳﺪ ﺍﻓﺘﻬﻢ ﻣﻦ ﻣﺨﺎﺑﺮﻧﻲ ﺗﻌﺎﻝ ﺍﺧﺬﻧﻲ ﻟﻌﺪ ﻣﻨﻮ ﻭﺩﺍﻩ ﻟﻮ ﺑﺲ ﻳﺮﻳﺪ ﻳﺸﻐﻠﻨﻲ ﻛﻮﻩ
ﺍﻧﻲ ﺿﺎﻳﺞ ﻣﻨﺎﻗﺸﺘﻪ ﺗﻮﺟﻬﺖ ﻟﺒﻴﺘﻪ ﺟﺒﺖ ﺍﻟﺴﻴﺎﺭﻩ ﻭﺭﺣﺖ ﻟﻠﻤﻌﻤﻞ ﺍﺧﺬﺗﻪ ﻟﻠﺒﻴﺖ ﻭﻛﻠﻲ ﻻ ﺗﻄﻠﻊ ﺍﺑﻘﻰ ﺍﺣﺘﺎﺟﻚ ﻋﻨﺪﻱ ﻃﻠﻌﻪ ﺍﻟﻌﺼﺮ
ﺻﻔﺎﺀ ﺍﺧﺬﻧﻲ ﻟﻐﺮﻓﺘﻪ ﻛﻌﺪﻧﻪ ﺑﻴﻪ ﻭﺗﻐﺪﻳﻨﻪ ﻭﻻﻥ ﺻﺎﻳﺮ ﺧﺮﺩﻩ ﻣﻦ ﺍﻟﺘﻌﺐ ﻛﺎﻋﺪ ﻣﻦ ﺍﻟﻔﺠﺮ ﺟﺮﻳﺘﻪ ﺑﻨﻮﻣﻪ ﻟﻠﻤﻐﺮﺏ
ﻛﻌﺪﺕ ﺣﻀﺮﺕ ﺍﻟﺴﻴﺎﺭﻩ ﻭﺑﺎﻭﻋﺖ ﻣﻮﺑﺎﻳﻠﻲ ﻣﺎﺑﻲ ﺷﺤﻦ ﻭﺃﺑﻮ ﻣﺎﺟﺪ ﻣﺴﺘﻌﺠﻞ ﺻﻌﺪﻧﻪ ﺑﺴﺮﻋﻪ ﻭﻧﻄﻠﻘﻨﻪ ﻟﻤﻜﺎﻥ ﻫﻮﻩ ﺩﻻﻧﻲ ﻋﻠﻴﻪ
ﺟﻨﺖ ﺍﻣﺸﻲ ﺑﻬﺬﺍ ﺍﻟﻄﺮﻳﻖ ﻭﺍﺗﺬﻛﺮ ﺍﻧﻲ ﻓﺎﻳﺖ ﻣﻨﺎ ﺑﺲ ﺑﻠﻴﻞ ﺑﻘﻴﺖ ﺍﺭﺍﺟﻊ ﺫﺍﻛﺮﺗﻲ ﻭﺗﺄﻛﺪﺕ ﺍﻧﻲ ﺟﺎﻱ ﻟﻬﻨﺎ ﻣﺮﻩ ﻣﻦ ﻭﺻﻠﺖ ﺳﻴﺎﺭﻩ ﺍﻟﺤﻤﻞ ﻭﺑﻴﻬﺎ ﺍﻟﻜﺮﺍﺗﻴﻦ
ﺍﻟﺪﻧﻴﺎ ﺿﻠﻤﺖ ﻭﺍﻟﻴﻞ ﺍﺧﺬﻧﻪ ﻭﻣﻦ ﻭﺻﻠﻨﺎ ﺗﺄﻛﺪﺕ ﺃﻛﺜﺮ ﻣﻦ ﺍﻟﻮﻟﺪ ﻟﺜﻨﻴﻦ ﺍﻟﺴﻠﻤﻮﻭ ﻋﻠﻴﻨﺎ ﺫﻭﻟﻪ ﺑﻴﺪﻱ ﺍﻧﻲ ﻣﺴﻠﻤﻬﻢ ﺑﻀﺎﻋﻪ ﺑﺬﻳﺞ ﺍﻟﻴﻠﻪ
ﺍﺑﻮ ﻣﺎﺟﺪ ﻧﺰﻝ ﻭﺩﺧﻞ ﻭﻳﺎﻫﻢ ﻟﻠﻤﺨﺰﻥ ﻭﺍﻧﻲ ﻫﻢ ﻧﺰﻟﺖ ﻭﻛﻔﺖ ﻳﻢ ﺍﻟﺴﻴﺎﺭﻩ ﺩﺧﻨﺖ ﺟﻜﺎﺭﻩ ﻭﻋﺪﻟﺖ ﻟﻔﺖ ﺷﻤﺎﻏﻲ..بيج قصص عراقيه حقيقيه من واقعنا.روعه الطائي
ﻭﺟﺎﻥ ﺗﺪﺧﻞ ﺳﻴﺎﺭﻩ ﺣﺪﻳﺜﻪ ﺻﺮﺕ ﻋﻠﻰ ﺻﻔﺤﻪ ﺣﺘﻰ ﻣﺎﺍ ﻟﻔﺖ ﺍﻧﺘﺒﺎﻫﻢ ﻧﺰﻟﻮ ﻣﻨﻬﺎ ﺍﺭﺑﻌﻪ ﻭﻃﻠﻊ ﺍﺑﻮ ﻣﺎﺟﺪ ﻭﺍﻟﻮﻳﺎﻩ ﺳﺘﻘﺒﻠﻮﻫﻢ ﻭﺭﺟﻌﻮ ﺩﺧﻠﻮﻭ ﻭﺛﻨﻴﻦ ﻣﻦ ﺍﻻﺟﻮﻱ ﻓﺘﺤﻮﻭ ﺟﻨﻄﻪ ﺍﻟﺴﻴﺎﺭﻩ ﻭﺑﺪﻭﺍ ﻳﺤﻤﻠﻮﻥ ﻛﺮﺍﺗﻴﻦ ﺻﻐﺎﺭ
ﺿﻠﻴﺖ ﺃﺭﺍﻗﺐ ﻣﻦ ﺑﻌﻴﺪ ﻭﺍﻟﻔﻀﻮﻝ ﻛﺘﻠﻨﻲ ﺍﺭﻳﺪ ﺍﻋﺮﻑ ﺷﻨﻮ ﺑﺪﺍﺧﻞ ﺍﻟﻜﺮﺍﺗﻴﻦ ﻣﺴﺘﺤﻴﻞ ﺗﺪﺧﻞ ﺑﺎﻟﻲ ﺳﻴﺮﺍﻣﻴﻚ ﻭﻫﺎﻱ ﺍﻟﺴﻮﺍﻟﻒ ﺍﺷﻬﺮ ﺻﺎﺭ ﺍﺷﺘﻐﻞ ﺑﻠﻤﻌﻤﻞ ﻭﻋﺪﺕ ﻣﺮﺍﺕ ﺑﻨﻔﺴﻲ ﺟﻬﺰﺕ ﺳﻴﺮﺍﻣﻴﻚ ﺑﺲ ﻣﻮﻫﺎﻱ ﺍﻟﻄﺮﻳﻘﻪ
ﺟﻜﺎﺭﻩ ﻭﺭﻩ ﺟﻜﺎﺭﻩ ﺍﺟﺮ ﻭﺍﺣﻮﺹ ﻭﻛﻠﺒﻲ ﺩﻳﻠﻌﺐ ﻭﻣﻦ ﺷﻔﺘﻬﻢ ﺩﺧﻠﻮ ﻳﺠﻴﺒﻮﻥ ﻭﺟﺒﻪ ﻃﻔﺮﺕ ﻣﻦ ﻣﻜﺎﻧﻲ ﻟﻴﻢ ﻟﺴﻴﺎﺭﻩ ﺍﺗﺴﻠﻞ ﻣﺜﻞ ﺍﻟﺤﺮﺍﻣﻲ ﺳﻤﻌﺖ ﺧﻄﻮﺍﺗﻬﻢ ﺻﺮﺕ ﻭﺭﺍﻩ ﺍﻟﺤﺎﻳﻂ ﺣﻄﻮ ﺍﻟﻜﺎﺭﺗﻮﻧﺎﺕ ﻭﺭﺟﻌﻮ
ﺑﺴﺮﻋﻪ ﺳﺤﺒﺖ ﻭﺣﺪﻩ
ﺟﺎﻧﺖ ﺯﻏﻴﺮﻩ ﻭ ﺧﻔﻴﻔﻪ ﻣﻮ ﺑﺬﺍﻙ ﺍﻟﺜﻜﻞ ﺣﻄﻴﺘﻪ ﻭﺭﻩ ﺍﻟﺤﺎﻳﻂ ﻭﺛﻨﻴﺖ ﻓﺘﺤﺖ ﺍﻟﻼﺳﻖ ﻋﻠﻰ ﻛﻴﻒ
ﻭﻧﺼﺪﻣﺖ ﺻﺪﻣﻪ ﻋﻤﺮﻱ ﻣﻦ ﺷﻔﺖ
.
.
.
.
.
.
.
ﻳﺘﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
حبيت القصة بعد اكثر لان بيها اسمي 😂😂