هبت ريح

بارت35

مساء الخير على احلى متابعين ،،،،،،،،،،

#البارت الخامس والثلاثون من ،،،،،،،،،،،

#هبة_ريح ،،،،،،،،،،،،

‏منو غيـــرك
يلمّ البچي البــعيونيّ ويـگلي اضحك
ولو بهدايّ
ومنو يشيل التعب غيرك
لوّن صح للوجع شرايّ
ومنو غيرك سما ومعراج للصفنة
احضنك محترگ دخان
وانزل ماي..
وتگلي اضحك وردّ بارد
ولك يا طيـف يَ مـدلل، يزرع فـياي ..

ويه مكال شلونج عمه لتفتت لكيت خاله رجاء واكفه بينه وبين امي ودكله

منى هذا ابني ضرار

وامي ماصدكت فتحتله اديه وهلا عمه وتبوس بي وهوه حضنه يبوس براسه امي كامت تبجي وهوه يكله

ليش تبجين يلغاليه والله شكد جنت أتمنى هاي اللحضه الحضنج بيهه وينج عمه وين اخذتج الدنيه منا

وامي تبجي وتجاوبه

موجوده يابعد عمتج رحت فدوه لطولك ولك ماتخيلتك بهذا الكبر عفتك لحمه حمره بحضن رجاء صلوات صاير رجال

ههههههه طبعا عمه قابل ابقى صغير بس تعاي كليلي انتي شنو هذا الحسن طلعتي احلى كل عماتي

وين يعمه شوف الكبر والدنيه شسوت بيه

عمه والحمزه ابو حزامين لوادري بيج بغداد جان يوم واحد مخليتج هناك شلون هيج حارمتنه منج

بعد شسوي يمعمه وين اروح ازلمتي مات واني هم كعدت ربيت بناتي والحمد الله والشكر على كل حال صدك هاي هم بنتي هاجر

صدت امي عليه وتاشرله بتجاهي عيوني نطن وهوه ولاعبالك تقدم بتجاهي ومدلي ايده مبتسم بمكر ويكلي

شلونج بنت عمتي

امي تخزر بيه وعمتي نوريه دكلي سلمي على ابن خالج مديت ايدي بس الدمعه ستقرت بعيني عصره ايدي بخفه خزرته بتعد ورجع كبال امي بعد ماتحملت عفتهم وحرت وين اروح كل الغرف والبيت مليان ناس شفت غرفه بابه مردود فتحته ودخلت انوب لكيت الاضرب خالي حاتم بس مدد ومفتح عيونه راسي راد ينفجر هم ابنه وسوالفه وهم هوه كبالي طلعت شايطه وهمه على وكفتهم نترت باامي

يمه ماخلصتي تعارف اني موكتلج اريد اروح

الكل ضل صافن عليه وامي من بين اسنونه كالتلي

هاااااجر هاي شجاج

شبيه يا امي داكلج اريد اروح ادري هيه كوه ابقى

عصبت امي وسحبتني من معصم ايدي على صفحه ودكلي

انتي تخبلتلي وين تريدن تولين ومنو يوديج

معليه اريد اروح حتى لو اخابر عمو بهجت يجي يأخذني

هاجر تصرفاتج مال جهال شنو تخابرين عمج بهجت مو عيب خلفله عليه من جابنه واني حتى ماتشكرته ولادريت بي من راح لتهيت بحزني وهسه تردين تخابري