هبت ريح

بارت5

#هبت_ريح

هدايا قبل فوات الأوان وندم يتبعه اللم

الا من معين

#user65690873

#البارت 5

كعدت عل صوت العياط والمراكض نزلت أركض واشوف البيت مكلوب كله تركض برا كريم ورشدي حفاي ونسوانهم وارهم شايلات شحاطاتهم وعمتي تصيح

يبوووو راح البستان وراح التعب وراحت الفلوس ولكم الحكوو حلالكم

نزل حاتم  يهرول عل درج ويدكم بدشداشته ما سل جنه عرف البستان حترك طلعنه ليبره والدخانه بدت تجي ناحية البيوت كله تبجي بهيه ورضيه افتخار نوريه حتى زهرا جتي بدون عبايه دك وتلطم بس اني واكفه افر برأسي مفزوعه مدري مصدومه لان نص اليل جانو بس الزلم رايحه اطفي والبستان بدأ يأخذ الإطفاء ميكدر يوصل لهنا منطقه خارج الولايه واصلا شبه مكطوعه كل بيت تشوف بابه مفتوح وطالع منه سطل واخر شي حتى نسوانه ونسوان العرب كامت تطفي اتذكرت جهالي وهميت داصعد وصارت كبالي جليله كاعده عل درج باوعت عليه وغمتني  وكالت

امداج ياوجه الفكر شكو دصعدين مترروحين تطفين مثل العالم جاء مو بستان عيالج هذا

رجعت غميته وكتله

لاوالله امداج انتي وانتي شكو شعليج اصلا ووولي ولي خل اشوف جهالي

دفعته من جتفه عل صفحه وصعدت شسمنه ماخذه البايه كله مادري شتعلف دخلت غرفتي ضرار مفرفح ورده تهز بي اخذته منهه خلينه عل صدري ورده تسل شكو وشكو ماردت اخوفه كتله ماكو شي  غطيته ونامت ونومت ضرار رجعت نزلت ويا دخلت الولد مفحمين والوجهه تبجي دم البستان جبير كلش ماعرف كم دونم بضبط بس همه زارعي خيرات الله ويجهزون الولايه منه والربح بنص كعدو وأيدهم عل روسهم وعمتي دك بعصاته بلكاع وتصيح نفكرنه اباوع حاتم عيونه دم وغترته البيضه البيده مكلوبه سوده من الفحم والرماد كله تصيح الله يعوضكم وفدوه ال عمتي تصيح

لاتنامون منا وهيج ال تعرفون غليمكم انغدرتوو ياولد بطني وماناديكم بهذا الاسم منا وهيج ان ماجبتو الفاعل وكصيتو رأسه

رشدي كال

يافاعل يمعوده انتي شدتسولفين ماطور المي طاك بي فيوز ومايع الواير ومشتعل وماخذ البستان

وانت مصدك هذا الرطن اهمداك اي والله

خلفله عليج هاي بدال مدكولين الحمدالله الله نجه باقي البستان ولحكنه حتى لو عل قليل بس هاي انتي متعرفين حجايه سنعه

شتدت الكلام بينهم وعمتي عسرا ولاجن الكدامه رجال مشورب وولده بطوله ماخلت ماشتمته وكبت انوب بينهم وجان تعيط جليله وكامت تطلك بس محد بحاله غير زهرا مكابلته حتى حاتم عافه وراحو مره ثانيه للبستان وهيه شتد عليه الطلك وجابوله الجده للبيت وبغضون ربع ساعه جابت ولد بس الوكت ممناسب حتى تلفت نتابهم بي لو تفرحوهم وصار العكس الي خله عمتي للصبح تفتر مثل المسراع بلبيت وتصيح