هبت ريح

بارت8

#هبت_ريح

هدايا قبل فوات الأوان وندم يتبعه اللم

الا من معين

#user65690873

#البارت 8

دفعته بلساكيه والمي جاري وسريع كام يشل بروحه ويلطخ ويرفس واني اباوع عليه مارفلي جفن واصلا هذا الشي قليل بحقه ياما وياما اني مترزل وحتى مضروب من حويتم من وراه ومن وراه نحش امه كل ما اباوع عليه ديختنك اكله بكلبي موت حتى ارتاح منك مو نضلمت ونهنت كله بسببك وسبب امك خو من اسمع جدتي تناديني النغ........ الف موته اموت وازيد حقد والأيام جايه وراح اشوفهم ضرار منو وضرار شنوو الولد يباوعون عليه من الصوب الثاني جانو ديسبحون ومن شافه اجوي سباحه عل سريع وهوه يغط ويطلع مخنوك مهتميتله وشفت الولد وصلو قريب منا ركبت بايسكلي وفريته ورجعت للبيت دخلت ورده دتشر هدوم كتله

ورده سويلي ريوك

صار من عيوني

سالمات يلحنينيه

كعدت ويا مانحطت الصينه كبالي دخلت جليليه مدرعمه وتلعلل واني اخوط بلجاي ومدنك عل صينيه داشوفه شوكت تكمل داكوم ابتلي بيه

اااااالخبيث اااااااالدوني تغرك اااابني تريد تموته والله اليوم لخلي ابوك يموتك يلمتخاف من الله اني كايله انت واحد حسود وحقود وتغار من ابني جاء هيه كوه

رفعت راسي والكمه بحلكي ورافع تك حاجب كتله

كملتي خريط

هاي عليمن يلمامتربي

طلعي بره

شوف شوف الصلافه ليسمعه يكول كاعد بقصر شعشوع عل شنوو متباهي لو ماهيه خرابه

والله هاي الخرابه ولاشكولاتج الزفره انتي وحويتم وحمير ابنج الكلب

والله ماغيرك الكلب اليوم حتى اشتكي عليك من هل ساع نازله لمركز الولايه اخليهم يشحطوك

شربت ستكان الجاي وذبيته بلصينيه حيل وكمت دفعته وهيه تريد تضربني صدك اني مااجي يم ضخامته وسمنهه وطوله بس الغل لبداخلي خله عندي كل القوه ودفعته ليم الباب واجه العينتين وايج علينه ورجع طلع عرفته وراه سالفه شويه ودخل بيده كربه مال سعف (جذع السعفه الكببر ) بعده خضره توجهه هاد عليه بيهه هديت جليليه وصرت كباله تلاويت اني وياه وهوه يغلط ويعد عليه

الساق*********ابن الك**********تغرك اخوك تموته يعني وللك كو*********اني شسويلك وشلون بطلايبك

لازم الكربه وداتلاوه وياه واجاني جمع عل ضهري من جليله بثنين اديه لو تخبلت ولاهتميت اخاف حويتم يضربني صديت عليه وأقرب طابوكه جوه رجلي ربدته بيه اجتي عل كلبه شلون جانت طابوكه ثليثيه معدله فوخت كلبي بس حويتم النذل هم معافني وهبدني بضربه بلكربه اجتي بجتفي حسيته نشل بقيت لازم المكان وداخلي يفور وجليله سوت نفسه تخربطت والضربه وكفت كلبه وحويتم مثل الجهال كباله يتوسله توعى الكل اجوي عل هوسته عمامي ونسوانهم وعمتي نوريه تضرب عل وجهه