هبت ريح

بارت32

ﻣﺴﺎﺀ ﺍﻟﺨﻴﺮ ﻋﻠﻰ ﺍﺣﻠﻰ ﻣﺘﺎﺑﻌﻴﻦ ،،،،،،،
ﺍﻟﺒﺎﺭﺕ ﺍﻟﺜﺎﻧﻲ ﻭﺍﻟﺜﻼﺛﻮﻥ ﻣﻦ ،،،،،،،
#ﻫﺒﺔ__ﺭﻳﺢ ،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ﻛﻮﻥ ﺍﺷﻮﻓﻬﺎ ﺻﺪﮒ ﺷﻴﺼﻴﺮ ﺑﻴﺔ
ﻭﻛﻮﻥ ﺳﺎﻋﺘﻬﺎ ﺗﺠﻲ ﺗﺒﺎﻭﻉ ﻋﻠﻴﺔ
ﻋﺎﻓﺖ ﺑﺮﮔﺒﺘﻬﺎ ﻭﺍﺣﺪ ﺟﺎﻥ ﺷﺎﺏ
ﻭﺧﻠﺖ ﺑﺼﺪﺭﻱ ﻓﺮﺍﻍ ﻭﻓﻮﺿﻮﻳﺔ
ﻋﻴﻮﻧﻲ ﺗﺠﺮﻱ ﻭﺿﺮﺍﺭ ﻛﺪﺍﻣﻲ ﺍﻟﺸﺮﻃﻲ ﻻﺯﻣﻪ ﻳﺮﻳﺪ ﻳﺼﻌﺪﻩ ﺍﻟﺴﻴﺎﺭﻩ ﻭﻫﻮﻩ ﻳﺒﺎﻭﻉ ﻋﻠﻴﻪ ﺗﻤﻨﻴﺖ ﺍﺗﺒﺨﺮ ﻟﻮﺗﻤﻨﻴﺖ ﺍﻧﻲ ﺑﺤﻠﻢ ﻭﺭﺍﺡ ﺍﻛﻌﺪ ﻣﻨﻪ ﻭﻟﺪﻳﺼﻴﺮ ﻛﻠﻪ ﻣﺎ ﺻﺎﺭ ﺑﺲ ﺍﻟﻨﺎﺱ ﻭﺻﺪﺍ ﺍﺻﻮﺍﺗﻪ ﻭﺳﺮﺍﺝ ﻟﺪﻳﻜﻠﻲ ﻫﺎﺟﺮ ﺷﺒﻴﺞ ﻭﺷﻮﻛﺖ ﺟﻴﺘﻲ ﻭﺍﻧﺎ ﻣﺎﺟﺎﻭﺑﻪ ﺑﺲ ﺩﻣﻮﻋﻲ ﺗﺠﺮﻱ ﻭﻋﻴﻮﻧﻲ ﻛﺎﻣﺖ ﺗﻐﻮﺵ ﻣﺎﻋﺮﻑ ﺷﻠﻮﻥ ﺍﻧﻲ ﻟﻴﻬﺴﻪ ﻭﺍﻛﻔﻪ ﻋﻠﻰ ﺣﻴﻠﻲ ﻭﻣﺎﻋﺮﻑ ﻣﻨﻴﻨﻴﻦ ﺍﺟﺘﻨﻲ ﺍﻟﻘﻮﻩ ﺣﺘﻰ ﺍﺗﺤﻤﻞ ﺍﻟﻤﻨﻀﺮ ﺍﻟﺸﻔﺖ ﺑﻲ ﺣﺒﻴﺐ ﺭﻭﺣﻲ ﻟﻮ ﺷﻠﻮﻥ ﻛﺎﺩﺭﻩ ﺍﺳﺘﻮﻋﺐ ﻛﻼﻡ ﺍﻟﻨﺎﺱ
ﺫﻭﻟﻪ ﻋﺼﺎﺑﻪ
ﺫﻭﻟﻪ ﻣﺠﺮﻣﻴﻦ
ﺫﻭﻟﻪ ﻫﺘﻠﻴﻪ
ﺫﻭﻟﻪ ﻋﻼﺳﻪ
ﺍﺳﻤﻊ ﻭﺣﻴﻠﻲ ﻳﺮﺟﻒ ﻟﺪﺭﺟﻪ ﺭﺍﺡ ﺍﻓﻀﺞ ﻧﻔﺴﻲ ﻭﺍﻧﻬﺎﺭ ﻛﺪﺍﻡ ﺍﻟﻨﺎﺱ ﻭﺍﺻﺮﺥ ﻳﻌﻨﻲ ﺷﺸﻨﻮﻭﻭ ﺍﻧﻲ ﺣﺒﻴﺖ ﻣﺠﺮﻡ؟
ﻣﺎﺳﻴﻄﺮﺕ ﺍﻭﻛﻒ ﺍﻛﺜﺮ ﻋﻔﺖ ﻛﻠﺸﻲ ﻭﻣﺸﻴﺖ ﺑﺘﺠﺎﻩ ﺑﻴﺘﻪ ﻭﻣﺎﺩﺭﻱ ﺷﻠﻮﻥ ﻭﺻﻠﺖ ﻋﻔﺖ ﺣﺘﻰ ﺳﺮﺍﺝ ﻫﻤﺰﻳﻦ ﻫﻮﻩ ﻣﺎﺭﻛﺰ ﻭﻳﺎﻱ ﻣﻦ ﺧﺒﺼﺖ ﺍﻟﻨﺎﺱ ﺟﻨﺖ ﺍﻣﺸﻲ ﺑﺲ ﻋﺒﺎﻟﻚ ﻣﺎ ﺍﻣﺸﻲ ﺑﺸﺎﺭﻉ ﻋﺒﺎﻟﻚ ﺍﻣﺸﻲ ﻋﻞ ﻛﺰﺍﺯ ﻭﺩﻳﺠﺮﺡ ﺑﺮﺟﻠﻲ ﻣﻦ ﻛﺪ ﺧﻄﻮﺍﺗﻲ ﺍﻟﺜﻘﻴﻠﻪ ﻛﻞ ﻛﻠﻤﻪ ﻭﻛﻞ ﻟﺤﻀﻪ ﻭﻛﻞ ﺿﺤﻜﻪ ﻭﻛﻞ ﻣﺪﺍﻫﺮ ﺑﻴﻨﻲ ﻭﺑﻴﻦ ﺿﺮﺍﺭ ﺩﺗﻤﺮ ﻛﺪﺍﻡ ﻋﻴﻨﻲ ﻭﻛﻨﻤﺎ ﺷﺮﻳﻂ ﻭﺩﻳﻤﺮ ﻛﺪﺍﻣﻲ ﻣﻌﻘﻮﻟﻪ ﻫﺬﺍ ﻛﻠﻪ ﻛﺬﺏ؟
ﺑﺎﻟﻒ ﻳﺎﻟﻠﻪ ﻭﺻﻠﺖ ﺍﻟﺒﻴﺖ ﺍﻟﺼﺎﺭ ﻋﻠﻴﻪ ﻃﺮﻳﻘﻪ ﺳﻨﻪ ﺩﺧﻠﺖ ﺍﻣﻲ ﺑﻠﻤﻄﺒﺦ ﺩﻧﻜﺖ ﺣﺘﻰ ﻣﺘﺸﻮﻑ ﺩﻣﻮﻋﻲ ﺟﺘﺎﺯﻳﺘﻪ ﻭﺩﺧﻠﺖ ﻏﺮﻓﺘﻲ ﻓﻘﻠﺘﻪ ﻭﻛﻌﺪﺕ ﻭﺭﺍﻩ ﺍﻟﺒﺎﺏ ﻟﻬﻨﺎ ﻭﺧﻠﺼﺖ ﻃﺎﻗﺘﻲ ﻧﻬﺎﺭﻳﺖ ﻭﺷﻜﺪ ﻣﺎﺷﺮﺡ ﺍﻋﺠﺰ ﺍﻭﺻﻒ ﺣﺎﻟﺘﻲ ﺍﻧﻲ ﻣﺼﺪﻭﻣﻪ ﻣﺼﺪﻭﻣﻪ ﺑﻀﺮﺍﺭ ﻭﺑﻠﺸﻔﺘﻪ ﻫﺬﺍ ﺍﻟﺠﻨﺖ ﺧﺎﻳﻔﻪ ﻣﻨﻪ ﺳﻜﻮﺗﻪ ﻭﻏﻤﻮﺿﻪ ﻭﺗﺤﻔﻀﻪ ﻋﻠﻰ ﺣﻴﺎﺗﻪ ﺍﻟﺨﺎﺻﻪ ﻃﻠﻊ ﺳﺒﺒﻪ ﻫﻮﻩ ﺑﻴﻦ ﻗﻮﺳﻴﻦ ‏( ﺍﺭﻫﺎﺑﻲ ‏) ﻭﺍﻧﻲ ﻭﺍﻧﻲ ﺟﻨﺖ ﻣﺨﺪﻭﻋﻪ ﺑﻲ ﻭﻣﻌﻤﻴﻪ ﻭﺍﻣﺸﻲ ﻭﺭﺍﻩ ﻭﺍﻧﻲ ﻣﻐﻤﻀﻤﻪ
ﺍﺑﺠﻲ ﺍﺑﺠﻲ ﻭﺍﻣﻲ ﺩﻙ ﺑﻠﺒﺎﺏ ﻭﺍﻧﻲ ﻛﺎﺗﻤﻪ ﺻﻮﺗﻲ ﻧﻘﺬﻧﻲ ﺳﺮﺍﺝ ﻣﻦ ﺍﺟﺎﻩ ﻭﻟﺘﻬﺖ ﻭﻳﺎﻩ ﻭﻫﻮﻩ ﻳﺴﻮﻟﻔﻪ ﻭﺍﻧﻲ ﺍﺳﻤﻊ ﻭﺍﺩﻛﻄﻊ ﺃﻛﺜﺮ
ﻫﺎﺍ ﻋﻤﻪ ﺍﺟﺘﻲ ﻫﺎﺟﺮ
ﺍﻱ ﻳﻤﻪ ﺍﺟﺘﻲ ﺑﺲ ﻣﺪﺭﻱ ﺷﺒﻴﻬﻪ
ﺣﻘﻪ ﻋﻤﻪ ﻳﻤﻜﻦ ﺧﺎﻓﺖ ﻣﻦ ﺍﻟﺸﺎﻓﺘﻪ
ﻟﻴﺶ ﻳﺎﺣﺎﻓﺾ ﺷﺎﻓﺖ
ﻏﻴﺮ ﻟﺰﻣﻮ ﻋﺼﺎﺑﻪ ﺑﻤﻨﻄﻘﺘﻨﻪ ﻭﻃﻠﻌﻮ ﻣﻦ ﺑﻴﺘﻬﻢ ﺑﻼﻭﻱ ﻭﻫﺎﺟﺮ ﺟﺒﺎﻧﻪ ﺟﻨﻬﻪ ﺧﺎﻓﺖ ﻣﻦ ﺍﻟﻤﻨﻀﺮ
ﻳﺎ ﺳﺘﺎﺭ ﻳﺎﺭﺑﻲ ﻋﺼﺎﺑﺘﻴﺶ ﺻﺎﺭ ﺳﻨﻴﻦ ﻋﺎﻳﺸﻴﻦ ﻫﻨﺎ ﻛﻠﺸﻲ ﻣﺸﻔﻨﻪ
ﻭ ﺍﻟﻠﻪ ﻋﻤﻪ ﺛﻨﻴﻦ ﻋﻔﻄﻴﻪ ﺳﻮﻭ ﻋﻠﻴﻬﻢ ﻛﺒﺴﻪ ﻭﻟﺰﻣﻮﻫﻢ ﻭﺗﺸﻮﻓﻴﻦ ﺍﻟﻤﻨﻄﻘﻪ ﻛﻠﻪ ﻣﺘﺨﺒﻠﻪ
ﻳﺎﺍﺍ ﻳﻤﻪ ﻟﻌﺪ ﺑﻨﺘﻲ ﺣﻘﻬﻪ ﺗﺨﺎﻑ ﺍﺩﺭﻱ ﻣﻨﻴﻦ ﻟﻔﻮ ﺫﻭﻟﻪ ﻋﻠﻴﻨﻪ
ﻭﺍﻟﻠﻪ ﻣﺎﺩﺭﻱ ﻳﺎ ﻋﻤﻪ ﺍﻫﻢ ﺷﻲ ﻫﺴﻪ ﻧﻠﺰﻣﻮﻭ ﻳﻠﻪ ﺍﻧﻲ ﺍﺭﻭﺡ ﻫﺴﻪ ﺍﺳﻴﻞ ﺳﻤﻌﺖ ﻭﺍﺧﺎﻑ ﺗﺨﺎﻑ ﻣﻊ ﺍﻟﺴﻼﻣﻪ
ﺍﻟﻠﻪ ﻭﻳﺎﻙ ﻳﻤﻪ ﻭﻟﺞ ﻳﻤﻪ ﻫﺎﺟﺮ ﺷﺠﺎﺝ ﺍﺩﺭﻱ ﺟﺎﻫﻠﻪ ﺗﺨﺎﻓﻴﻦ ﻣﺎﺳﻤﻌﺘﻲ ﺳﺮﺍﺝ ﻳﻜﻮﻝ ﻟﺰﻣﻮﻫﻢ ﺑﻌﺪ ﺷﻜﻮ ﺧﺎﻳﻔﻪ ﻛﻮﻣﻲ ﺍﻃﻠﻌﻲ ﻳﻤﻲ ﻛﻮﻣﻲ
ﺍﻣﻲ ﺗﺤﺠﻲ ﻭﺍﻧﻲ ﺩﺍﻣﻮﺕ ﺍﺍﺍﺥ ﻟﻮﺗﺪﺭﻱ ﻟﺒﻜﻠﺒﻲ ﺍﺍﺍﺍﺥ ﻳﺎﻳﻤﻪ ﻟﻮ ﺗﺪﺭﻳﻦ ﺫﻭﻟﻪ ﻟﺪﺗﺤﺠﻮﻥ ﻋﻠﻴﻬﻢ ﺑﻨﺘﺞ ﺟﺎﻥ ﻭﺍﺣﺪ ﻣﻨﻬﻢ ﺿﺎﺣﻚ ﻋﻠﻴﻬﻪ ﺑﺴﻢ ﺍﻟﺤﺐ
ﻭﺍﻟﻠﻪ ﻫﺬﺍ ﻫﻮﺍﻱ ﻋﻠﻴﻪ ﺭﺭﺭﺭﺑﻲ ﻟﻮﺗﻤﻮﺗﻨﻲ ﻟﻮﻛﻮﻥ ﻫﺬﺍ ﻛﺎﺑﻮﺱ ﻭﺍﻛﻌﺪﺩﺩ ﻣﻨﻪ
ﻟﻠﻴﻞ ﻣﻜﺎﻧﻲ ﻣﺎﻛﻤﺖ ﻣﻨﻪ ﻻﺑﺪﻟﺖ ﻭﻻﻃﻠﻌﺖ ﻭﻻﺍﻛﻠﺖ ﺍﻣﻲ ﺗﺮﻭﺡ ﻭﺗﺠﻲ ﺩﻙ ﺑﻠﺒﺎﺏ ﻭﺍﻧﻲ ﻣﺎﺟﺎﻭﺏ ﺗﻌﺒﺖ ﻣﻦ ﺍﻟﺘﻔﻜﻴﺮ ﻭﺍﻟﺒﺠﻲ ﻭﻣﻨﻀﺮ ﺿﺮﺍﺭ ﻭﺍﻟﻜﻠﺒﺠﺎﺕ ﻭﺣﺠﻲ ﺍﻟﻨﺎﺱ ﻣﺪﻳﺮﻭﺡ ﻣﻦ ﺑﺎﻟﻲ ﻟﻠﺼﺒﺢ ﻭﺍﻧﻲ ﻣﻦ ﺍﻟﺘﻌﺐ ﻧﺎﻳﻤﻪ ﺑﻤﻜﺎﻧﻲ ﻭﺭﻩ ﺍﻟﺒﺎﺏ ﻭﻣﺎﺩﺭﻱ
ﺍﺳﻴﻞ ﺩﻛﺖ ﺍﻟﺒﺎﺏ ﻭﻧﻬﻀﺖ ﺟﺴﻤﻲ ﻣﻜﺴﺮ ﻓﺘﺤﺘﻪ ﻣﻦ ﻏﻴﺮ ﻣﺎﺑﺎﻭﻉ ﻋﻠﻴﻪ ﻭﺭﺣﺖ ﺫﺑﻴﺖ ﻧﻔﺴﻲ ﻋﻞ ﺟﺮﺑﺎﻳﻪ ﺍﺟﺘﻲ ﻭﻛﻔﺖ ﻓﻮﻙ ﺭﺍﺳﻲ ﺣﺎﻭﻟﺖ ﺑﺲ ﺗﻌﺮﻑ ﺷﺒﻴﻪ ﻭﺍﻧﻲ ﻣﺜﻞ ﻟﻨﺸﻠﻴﺖ ﻭﺣﺘﻰ ﺻﻮﺗﻲ ﻛﺎﻡ ﻣﻴﻄﻠﻊ ﻣﻦ ﻳﻮﻛﻔﻮﻥ ﻓﻮﻙ ﺭﺍﺳﻲ ﺍﺟﻤﺪ ﻭﻣﻦ ﺍﺧﺘﻠﻲ ﺑﺮﻭﺣﻲ ﺍﺑﺠﻲ ﻭﺍﻋﺾ ﺍﺻﺒﻊ ﺍﻟﻨﺪﻡ ﻋﻞ ﺳﻮﻳﺘﻪ ﺑﺮﻭﺣﻲ ﺑﻴﻮﻡ ﺍﻟﻮﺍﻓﻖ ﺍﺭﺑﻂ ﺭﻭﺣﻲ ﺑﻮﺍﺣﺪ ﻣﺎﻋﺮﻑ ﻣﻨﻴﻦ ﻣﺎ ﻣﻨﻴﻦ ﻭﺑﺘﺎﻟﻲ ﻳﻄﻠﻊ ﻣﺠﺮﻡ
ﻳﻮﻡ ﻭﺭﻩ ﻳﻮﻡ ﺩﺧﻠﺖ ﺑﺤﺎﻟﻪ ﻣﻦ ﺍﻟﺮﻋﺐ ﻣﺼﺨﻨﻪ ﻭﺑﺲ ﺍﺑﺠﻲ ﻭﻣﺤﺪ ﻳﻌﺮﻑ ﺷﺒﻴﻪ ﺍﺳﻴﻞ ﻋﺎﻓﺖ ﺑﻴﺘﻪ ﻭﻛﺎﺑﻠﺘﻨﻲ ﺗﺮﻳﺪ ﺗﻮﻛﻊ ﻋﻠﻰ ﻋﻠﺘﻲ ﻭﺍﻣﻲ ﺍﻟﻤﺴﻜﻴﻨﻪ ﺗﻜﺒﺪ ﺑﻜﻠﺒﻪ ﻭﺳﻜﺮﻩ ﻳﺼﻌﺪ ﻭﺗﻀﺮﺏ ﺍﻧﺴﻮﻟﻴﻦ ﻭﻣﻤﻠﺤﻜﻪ ﻳﻮﻣﻴﻦ ﻓﺼﻠﺖ ﻭﻧﻜﺴﺮﺕ ﻭﺷﻲ ﺑﺪﺍﺧﻠﻲ ﺗﺤﻄﻢ ﻛﻞ ﻣﺮﻩ ﺿﺮﺍﺭ ﻳﻜﺴﺮﻧﻲ ﺑﺲ ﻫﻞ ﻣﺮﻩ ﻏﻴﺮ ﻫﻞ ﻣﺮﻩ ﺩﺧﻞ ﺑﺮﻭﺣﻲ ﻭﻧﺘﺰﻉ ﻧﻔﺴﻪ ﻭﻃﻠﻊ ﻭﻃﻠﻊ ﻣﻨﻬﻪ ........
ﺿﺮﺍﺭ .. ﺩﻣﻮﻉ ﻫﺎﺟﺮ ﻧﺎﺭ ﻭﺗﺤﺮﻙ ﺑﻴﻪ ﺷﻔﻜﺮﺕ ﻫﺴﻪ ﻭﺷﻜﺎﻟﺖ ﺍﻛﻴﺪ ﻛﻞ ﺳﻮﺍﻝ ﺟﺎﻥ ﻳﺪﻭﺭ ﺑﺎﻟﻪ ﺣﺎﻟﻲ ﻫﺴﻪ ﺟﺎﻭﺑﻬﻪ ﻋﻠﻴﻪ ﻭﺍﻟﻠﻪ ﻣﺎﺟﻨﺖ ﺃﺗﻤﻨﻰ ﻫﻴﺞ ﻭﻟﻮﻣﻴﺖ ﻭﻻﻧﺎﺯﻝ ﻣﻦ ﻋﻴﻨﻪ ﺟﻨﺖ ﻣﻔﻜﺮ ﺍﺣﻄﻪ ﻭﺍﺣﺠﻴﻠﻪ ﻛﻠﺸﻲ ﻭﺍﺧﻴﺮﻩ ﺗﺮﻳﺪ ﺗﻜﻤﻞ ﻭﻳﺎﻱ ﻟﻮﺗﺮﻳﺪ ﺗﻤﻮﺗﻨﻲ ﻭﺍﻧﺎ ﻋﺪﻝ ﻭﺗﻌﻮﻓﻨﻲ
ﺍﺍﺍﺍﺍﺍﺍﻩ ﻳﺎﻛﻠﺒﻲ ﺑﻌﺪ ﺷﺘﺘﺤﻤﻞ ﻭﺗﺘﺤﻤﻞ ﻭﺷﺘﺸﻮﻑ ﻣﻦ ﻣﺼﺎﻳﺐ ﺑﻴﻤﻦ ﺍﻧﻲ ﺃﻓﻜﺮ ﻫﺴﻪ ﺃﻓﻜﺮ ﺑﻨﻔﺴﻲ ﻭﺷﻠﻮﻥ ﺍﻃﻠﻊ ﻣﻦ ﻫﻞ ﻭﺭﻃﻪ ﺃﻓﻜﺮ ﺑﻬﺎﺟﺮ ﻭﺷﻜﺎﻟﺖ ﻋﻨﻲ ﺃﻓﻜﺮ ﺑﺎﻫﻠﻲ ﻭﺍﻣﻲ ﺍﺫﺍ ﺳﻤﻌﺖ ﺍﻧﻲ ﻧﺴﺠﻨﺖ ﻭﻫﻴﻪ ﻋﻴﻨﻪ ﺑﻴﻀﺖ ﺍﻝ ﻃﻠﻌﺘﻨﻲ ﺫﻳﺞ ﺍﻟﻤﺮﻩ ﻟﻮﺑﻴﻤﻦ ﺃﻓﻜﺮ
ﺍﻟﻄﺮﻳﻖ ﻛﻠﻪ ﻋﻴﻨﻲ ﻋﻞ ﺣﺎﻟﻲ ﻭﻋﻠﻰ ﺍﺩﻳﻪ ﻟﻤﻜﻠﺒﺠﻪ ﻭﻋﻴﻮﻥ ﻫﺎﺟﺮ ﻭﺩﻣﻮﻋﻪ ﻣﺎﻓﺮﻛﻨﻲ ﺻﻔﺎﺀ ﻃﺎﻓﻲ ﻓﺪﻧﻮﺏ ﻭﻟﻮﺻﺎﺣﻲ ﺟﺎﻥ ﺍﻗﻼﻩ ﺣﺎﺟﺎﻧﻲ ﻛﻠﻲ ﺍﻟﺪﻳﺼﻴﺮ ﺷﻨﻮ ﻭﺍﻻﺣﻨﺎ ﺑﻲ ﻫﺴﻪ ﺷﻨﻮ ﺳﺒﺒﻪ ﺑﺲ ﻟﻼﺳﻒ ﻣﺎﻛﻮ ﺟﻮﺍﺏ ﺍﻻﻱ ﺳﻮﺍﻝ ﻳﺪﻭﺭ ﺑﺨﺎﻃﺮﻱ
ﻭﺻﻠﻨﺎ ﺍﻟﻤﺮﻛﺰ ﻭﻧﺰﻟﻮﻧﻪ ﺷﻤﺮﻭﻧﻪ ﺑﻠﺤﺠﺰ ﻭﻫﻨﺄ ﻓﻜﻴﺖ ﻗﻴﻮﺩ ﺭﻭﺣﻲ ﺑﻌﺪ ﻣﺎﻓﻜﻮﻧﻪ ﻭﺷﻤﺮ ﺻﻔﺎﺀ ﻳﻢ ﺭﺟﻠﻴﻪ ﻭﻃﻠﻌﻮ ﻧﻘﻔﻞ ﺍﻟﺒﺎﺏ ﻟﻮ ﺭﻭﺣﻲ ﺍﺣﺴﻪ ﻧﻘﻔﻞ ﻟﺰﻣﺖ ﺍﻟﺰﻧﺰﺍﻧﺔ ﻭﺍﺻﻴﺢ
ﻭﻭﻭﻭﻭﻭﻭﻭﻳﻦ ﻋﻔﺘﻮﻧﻪ ﻭﻳﻦ ﺭﺣﺘﻮﻭ ﻓﺘﺤﻮﻭ ﺍﻟﺒﺎﺏ ﻓﻬﻤﻮﻧﻪ ﻳﻤﻌﻮﻭﻭﻭﻭﻭﺩﻳﻦ ﺍﺭﻳﺪ ﺍﻟﻀﺎﺑﻂ ﺍﺭﻳﺪ ﺍﺣﺠﻲ ﻭﻳﺎﻩ ﺍﻓﺘﺤﻮﻭﻭﻭﻭ ﺍﺍﺍﻟﺒﺎﺏ
ﻣﺎﻛﻮ ﻛﻞ ﺟﻮﺍﺏ ﺍﻟﺤﺎﻳﻂ ﻳﺮﺩﺩ ﺑﺼﺪﻩ ﺻﻮﺗﻲ ﻭﻫﻤﻪ ﻣﺤﺪ ﺭﺩ ﺻﻔﺎﺀ ﻛﺒﺎﻟﻲ ﻟﺰﻣﺘﻪ ﺩﻙ ﺭﺍﺷﺪﻳﺎﺕ ﻭﺑﻜﺴﺎﺕ ﺩﻣﻴﺘﻪ ﻛﻞ ﺿﺮﺑﻪ ﻭﺍﻛﻠﻪ ﻣﻨﻮ ﺳﻮﻩ ﻫﻴﺞ ﻣﻨﻮ ﺣﻂ ﺍﻟﻌﺘﺎﺩ ﺑﻠﺒﻴﺖ ﻭﻟﻴﺶ ﺷﺎﺭﺏ ﻭﻳﻦ ﺟﻨﺖ ﺍﻧﺖ ﺟﺎﻥ ﻭﻛﻔﻪ ﻣﻴﻜﺪﺭ ﻳﻮﻛﻒ ﺑﺤﻴﺚ ﻛﻞ ﺿﺮﺑﻪ ﺍﺿﺮﺑﻪ ﻣﻴﺤﺲ ﻏﻴﺮ ﺑﺲ ﻳﻮﻛﻊ ﻣﻦ ﻃﻮﻟﻪ
ﻓﻘﺪﺕ ﻭﺍﻧﻲ ﺍﺣﻤﻠﻪ ﺍﻟﺬﻧﺐ ﻭﺍﻟﻤﺴﻮﻟﻴﻪ ﻻﻥ ﺍﻧﻲ ﻣﺘﺎﻛﺪﺭ ﻣﺤﺪ ﻳﺴﻮﻱ ﻫﻴﺞ ﻏﻴﺮ ﺍﺑﻮ ﻣﺎﺟﺪ ﺍﻟﻨﺬﻝ ﻭﺳﺘﻐﻞ ﺻﻔﺎﺀ ﻭﻋﺪﻡ ﻭﺟﻮﺩﻱ ﺑﻠﺒﻴﺖ ﻭﺳﻮﻩ ﻫﻴﺞ ﻭﻟﻪ ﻣﻨﻮ ﻳﺴﻮﻩ ﻏﻴﺮﻩ ﻣﻦ ﻛﻤﺖ ﺍﺿﺮﺏ ﺑﺼﻔﺎﺀ ﻭﻳﺼﻴﺢ ﻣﻮﺍﻧﻲ ﻫﻤﻪ ﺍﻝ ﻃﺨﺖ ﻋﻨﺪﻱ ﺍﻧﻮﺏ ﺍﺟﺮﻣﺖ ﺑﻲ ﻟﻮﻣﺎ ﻳﻔﻮﺕ ﺍﻟﻤﻨﺘﺴﺐ ﻭﻳﺴﺤﺒﻮ ﻭﻳﻄﻠﻌﻮ ﺟﺎﻥ ﻣﺎﺕ ﺑﻴﺪﻱ
ﻛﻌﺪﺕ ﺍﻳﺪﻱ ﻛﻠﻪ ﺩﻡ ﻣﻦ ﻭﺟﻬﻪ ﻭﺭﻭﺣﻲ ﺩﺗﻐﻠﻲ ﺗﻘﻴﺖ ﻣﻦ ﺍﻟﻘﻬﺮ ﻭﻣﻨﻀﺮ ﺍﻟﺪﻡ ﺻﺎﺭ ﺍﻟﻤﻜﺎﻥ ﻳﺨﻨﻚ ﺃﻛﺜﺮ ﺭﺟﻌﺖ ﺍﺻﻴﺢ ﻃﻠﻌﻮﻭﻭﻭﻭﻭﻧﻲ ﻣﻨﺎ ﻃﻠﻌﻮﻭﻭﻭﻭﻭﻧﻲ ﻣﺤﺪ ﻳﺠﺎﻭﺏ ﺍﺩﻭﺭ ﺟﻜﺎﻳﺮ ﺍﺭﻳﺪ ﺍﻫﺪﻱ ﺭﻭﺣﻲ ﻣﺎﻛﻮ ﻻﺍﻟﺒﺎﻛﻴﺖ ﻭﻻ ﺍﻟﺠﺪﺍﺣﻪ ﻛﻌﺪﺕ ﻋﺎﺟﺰ ﻭﻛﺎﺭﻩ ﺣﺘﻰ ﺍﻟﺴﺎﻋﻪ ﻟﻨﻮﻟﺪﺕ ﺑﻴﻪ
ﺿﻠﻴﺖ ﺍﻓﻜﺮ ﻭﺍﻓﻜﺮ ﻭﺗﺎﻟﻲ ﻗﺮﺭﺕ ﺍﺑﻘﻰ ﺍﺻﻴﺢ ﻭﻣﺎﺳﺘﺴﻠﻢ ﻟﺤﺪ ﻣﻴﺴﻤﻌﻮﻧﻲ ﻭﻣﻦ ﻳﻮﺍﺟﻬﻮﻧﻲ ﻭﻳﺎﻩ ﺍﻟﻀﺎﺑﻂ ﺍﻋﺘﺮﻑ ﻋﻠﻰ ﺍﺑﻮ ﻣﺎﺟﺪ ﻭﻋﻞ ﺍﺑﻮ ﺟﻤﺮﻩ ﻭﺷﻴﺼﻴﺮ ﺧﻞ ﻳﺼﻴﺮ ﺍﺭﻳﺪ ﺍﻧﻬﻲ ﻋﺬﺍﺑﻲ ﻭﺍﻧﻬﻲ ﻫﺎﻱ ﺍﻟﻤﻬﺰﻟﻪ ﻛﻞ ﺗﻬﺪﻳﻬﺪﻫﻢ ﺧﻠﻴﺘﻪ ﻭﺭﺍﻩ ﺿﻬﺮﻱ ﻭﻛﻤﺖ ﻳﻢ ﺍﻟﺒﺎﺏ ﺭﺟﻌﺖ ﺍﺻﻴﺢ ﺍﺟﻪ ﺍﻟﻤﻨﺘﺴﺐ ﻛﻠﻲ
ﺧﻴﺮ ﺷﺒﻴﻚ ﺍﻟﻴﻮﻡ ﺷﻠﻮﻥ ﻣﺮﺍﺡ ﺗﺴﻜﺖ ﺗﺮﻩ ﺻﺪﻋﺘﻨﻪ
ﺍﻣﺸﻲ ﻋﻠﻴﻚ ﺍﻟﻠﻪ ﻭﻫﻞ ﺑﻴﺘﻪ ﻭﻃﺎﻟﺒﻪ ﻣﻦ ﺷﺎﺭﺑﻚ ﻛﻠﺸﻲ ﻣﺎﺭﻳﺪ ﻣﻨﻚ ﺑﺲ ﺍﺭﻳﺪ ﺍﻟﻀﺎﺑﻂ
ﻭﺷﺘﺮﻳﺪ ﻣﻨﺎ ﺗﺮﻩ ﻫﺎﻱ ﺍﻟﻘﻮﺍﻧﻪ ﻟﻤﻄﺮﻛﻌﻪ ﺳﺎﻣﻌﻴﻬﻪ ﻳﺎﻫﻮ ﺍﻟﻴﺠﻲ ﺍﻭﻝ ﻳﻮﻡ ﻳﺬﻳﻌﻪ ﻋﻠﻴﻨﻪ
ﺍﺩﺭﻱ ﻭ ﺍﻟﻠﻪ ﺍﺩﺭﻱ ﺑﺲ ﺍﻧﺎ ﻏﻴﺮ ﺍﻧﺎ ﻣﻀﻠﻮﻡ ﻻﺗﻀﻠﻤﻨﻲ ﺍﻧﺖ ﻫﻢ ﻛﻠﺸﻲ ﻣﺎﺭﻳﺪ ﻣﻨﻚ ﺑﺲ ﺍﺷﻮﻑ ﺍﻟﻀﺎﺑﻂ ﻭﺍﻟﻠﻪ ﻋﻨﺪﻱ ﺣﺠﻲ ﻣﻬﻢ ﻻﺯﻡ ﻳﺴﻤﻌﻪ
ﺍﻟﻀﺎﺑﻂ ﻣﺎ ﻣﻮﺟﻮﺩ ﻧﺰﻝ ﻟﻠﺒﻴﺖ ﻣﻮﺟﻮﺩ ﺑﺲ ﺍﻟﺨﻔﺮ ﻭﺗﻮﻩ ﺍﺟﻪ ﻳﺮﺗﺎﺡ ﻭﺍﻛﻠﻪ ﻋﻮﺩ ﺍﺫﺍ ﻗﺒﻞ ﺍﻧﻲ ﺍﺟﻲ ﻭﺍﺧﺬﻙ ﻋﻠﻴﻪ
ﺍﻟﻒ ﺭﺣﻤﻪ ﻋﻞ ﻫﻠﻚ ﺍﻟﻠﻪ ﻳﻮﻓﻘﻚ ﺍﻥ ﺷﺎﻟﻠﻪ
ﺩﻛﻌﺪ ﻭﻻﺗﻀﻞ ﺗﺼﻴﺢ ﺗﺮﻩ ﺳﻄﺮﺗﻨﻪ
ﺭﺟﻌﺖ ﻛﻌﺪﺕ ﺑﺰﺍﻭﻳﻪ ﺍﻟﻐﺮﻓﻪ ﻭﻣﺎﺩﺭﻱ ﺍﻟﺮﺍﺡ ﺍﺳﻮﻱ ﺻﺢ ﻟﻮ ﻏﻠﻂ ﺑﺲ ﺍﻟﻌﺮﻓﻪ ﻻﺯﻡ ﻣﺎﺳﻜﺖ ﻭﺻﻠﺖ ﺣﺪﻩ ﻣﺜﻞ ﻣﺎﻭﺩﻭﻧﻲ ﻟﺘﻬﻠﻜﻪ ﺍﻧﻲ ﻫﻢ ﺭﺍﺡ ﺍﻭﺩﻳﻬﻢ
ﺳﺎﻋﻪ ﻭﺛﻨﻴﻦ ﻭﺗﻼﺛﻪ ﻳﻤﻜﻦ ﺻﺎﺭﺕ ﻧﺺ ﺍﻟﻠﻴﻞ ﻭﺍﻧﻲ ﻛﺎﻋﺪﻩ ﻭﺣﻀﺮ ﺷﺮﺍﺡ ﺍﺣﺠﻲ ﻭﺷﻠﻮﻥ ﺭﺍﺡ ﺍﻋﺘﺮﻑ ﻋﻠﻴﻬﻢ ﻭﻓﺠﺎﻩ ﻧﻔﺘﺢ ﺍﻟﺒﺎﺏ ﻭﻗﺒﻞ ﻣﺎﺭﻓﻊ ﺭﺍﺳﻲ ﻭﺍﺷﻮﻑ ﻣﻨﻮ ﺩﺧﻞ ﻋﻠﻴﻪ ﻧﺤﻂ ﺟﻴﺲ ﺑﺮﺍﺳﻲ ﻛﻤﺖ ﺍﺭﻓﺲ ﻧﺼﻢ ﺣﻠﻜﻲ ﺑﻼﺳﻖ ﻭﻧﺠﺮﻳﺖ ﻣﺎﻋﺮﻑ ﻭﻳﻦ ﻻﻋﻴﻦ ﺍﻟﺘﺸﻮﻑ ﻭﻻﻟﺴﺎﻥ ﻟﻴﻜﺪﺭ ﻳﺤﺠﻲ
ﺑﺲ ﺍﻣﺸﻲ ﻭﺗﻌﺜﺮ ﺍﺭﻳﺪ ﺍﻟﻴﻤﻲ ﻳﺤﺠﻮﻥ ﺣﺘﻰ ﺍﻋﺮﻑ ﻣﻨﻮ ﺫﻭﻟﻪ ﺍﻟﺪﻳﻤﺸﻮﻧﻲ ﻣﺎﻛﻮ ﻣﺨﺎﺭﻳﺲ ﻋﺒﺎﻟﻚ ﺣﺴﻴﺖ ﻧﻔﺴﻲ ﺻﻌﺪﺕ ﺑﺴﻴﺎﺭﻩ ﻭﻣﺸﺖ ﻣﺴﺎﻓﻪ ﻭﺍﻧﻲ ﺑﺲ ﺍﻓﺮ ﺑﺮﺍﺳﻲ ﺍﺣﺎﻭﻝ ﺍﻭﺧﺮ ﺍﻟﺠﻴﺲ ﺑﺲ ﻋﺒﺚ ﻣﺎﻛﺪﺭ ﻭﻛﻔﺖ ﺍﻟﺴﻴﺎﺭﻩ ﻭﻧﺰﻟﻮﻧﻲ ﺻﻮﺕ ﺑﺎﺏ ﻧﻔﺘﺤﺖ ﻭﻣﺴﺎﻓﻪ ﺯﻏﻴﺮﻩ ﻭﻧﻔﺘﺤﺖ ﺑﺎﺏ ﺛﺎﻧﻲ ﻧﺪﻓﻌﺖ ﺣﻴﻞ ﻭﻛﻌﺖ ﻋﻠﻰ ﻭﺟﻬﻲ ﻻﻥ ﺍﻳﺪﻱ ﻣﻘﻴﺪﻩ ﻓﺠﺎﺀ ﻭﺍﺳﻤﻊ ﺻﻮﺕ ﺍﻟﻨﺬﻝ ﻣﻦ ﻛﺎﻝ
ﻋﻔﻴﻪ ﺳﺒﺎﻉ ﻭ ﺍﻟﻠﻪ ﻳﻠﻪ ﻛﻮﻣﻮ ﺧﻞ ﺍﺷﻮﻓﻪ
ﺍﺍﺍﺍﺥ ﺍﻟﻠﻪ ﻫﺬﺍ ﺍﺑﻮ ﻣﺎﺟﺪ ﺍﻟﺨﺴﻴﺲ ﻋﺮﻓﺖ ﻫﻮﻩ ﻭﺭﺍﻩ ﻫﺬﺍ ﺍﻟﻤﻠﻌﻮﺏ ﻭﺍﻟﻠﻪ
ﻧﺮﻓﻌﺖ ﻭﻛﻔﺖ ﻋﻠﻰ ﺭﺟﻠﻴﻪ ﻧﺠﺮ ﺍﻟﺠﻴﺲ ﻣﻦ ﺭﺍﺳﻲ ﺻﺮﻧﻪ ﻭﺟﻪ ﺑﻮﺟﻬﻪ ﺑﺎﻭﻋﺖ ﻋﻞ ﻣﻜﺎﻥ ﺟﺎﻥ ﺑﻴﺘﻨﻪ ﻛﻤﺖ ﺍﻫﺰ ﺑﺮﺍﺳﻲ ﺣﺘﻰ ﻳﻔﺘﺤﻮﻥ ﺣﻠﻜﻲ ﺍﺷﺮﻟﻬﻢ ﺑﺮﺍﺳﻪ ﻋﻮﺩ ﻓﻜﻮ ﺳﺤﺒﻮ ﺍﻻﺳﻖ ﻣﺒﺎﺷﺮﻩ ﺑﺼﻘﺖ ﺑﻮﺟﻬﻪ
ﺟﻴﺘﻮ ﻋﻠﻴﻪ ﺛﻨﻴﻦ ﺍﺷﺮﻟﻬﻢ ﻋﻼﻣﺖ ﺗﻮﻗﻒ ﻭﻃﻠﻊ ﺟﻔﻴﺘﻪ ﻣﻦ ﺟﻴﺒﻪ ﻣﺴﺢ ﻭﺟﻬﻪ ﻭﺑﻜﻞ ﺳﺘﻬﺰﺍﺀ ﺿﺤﻚ ﻭﻛﻠﻲ
ﺑﺎﺷﺎ ﻭ ﺍﻟﻠﻪ ﻛﻞ ﺳﻮﻳﺘﻪ ﺑﻴﻚ ﻭﺑﻌﺪﻙ ﻣﺘﺨﺎﻑ
ﺍﺧﺎﻑ ﻣﻦ ﻣﻨﻮ ﻟﻚ ﺍﻧﺖ ﻭﺍﺣﺪ ﻛﻮﺍ .......... ﻭﺍﺥ ﺍﻟﻜﺢ ........ ﻟﻚ ﻟﻮﺭﺟﺎﻝ ﻭﺍﺟﻬﻨﻲ ﻣﻮﺗﺮﻭﺡ ﺗﺬﺑﻠﻲ ﺑﻠﻴﻪ ﺳﺎﻗﻂ ﻭﻧﺬﻝ ﻟﻚ ﻟﻴﺶ ﻃﻠﻌﺘﻨﻲ ﻣﻮ ﺍﺭﻳﺪ ﺍﻋﺘﺮﻑ ﻋﻠﻴﻚ ﻭﺍﻃﻠﻊ ﻛﻞ ﻭﺻﺎﺧﺘﻚ ﻭﺍﻭﺩﻳﻚ ﻭﺭﺍﻩ ﺍﻟﺸﻤﺲ
ﺟﻨﺖ ﺍﺣﺠﻲ ﻭﺍﺣﺎﻭﻝ ﺍﻭﺻﻠﻪ ﺑﺲ ﺟﻼﺑﻪ ﻻﺯﻣﻴﻨﻲ ﻭﻫﻮﻩ ﻳﺤﺮﻙ ﺑﻌﺼﺎﺑﻲ ﻣﻦ ﻳﻀﺤﻚ ﻭﻳﻜﻠﻲ
ﻫﻬﻬﻬﻬﻬﻬﻬﻪ ﻟﻌﺪ ﻗﺎﺑﻞ ﺍﻧﻲ ﻣﺎﻋﺮﻓﻚ ﺍﺩﺭﻱ ﺑﻴﻚ ﺭﺍﺡ ﺗﻌﺘﺮﻑ ﻋﻠﻴﻪ ﻣﺘﺸﻮﻓﻨﻲ ﻃﻠﻌﺘﻚ ﻗﺒﻞ ﻣﻴﺘﺤﻘﻖ ﻭﻳﺎﻙ
ﺟﺎ ﻟﻴﺶ ﺳﻮﻳﺖ ﻛﻞ ﻫﺬﺍ ﻫﺎﺍﺍ ﻟﻴﺶ ﻛﻠﻲ
ﻫﺎﻱ ﻛﺮﺻﺖ ﺍﺫﻥ ﺍﻟﻚ ﺯﻏﻴﺮﻩ ﺣﺘﻰ ﺑﻌﺪ ﻣﺘﻠﻌﺐ ﻣﻦ ﻭﺭﻩ ﺿﻬﺮﻱ ﻟﻚ ﺻﺎﻳﺮ ﺷﻴﺦ ﺑﺮﺍﺳﻲ ﻭﻣﺘﻤﺪ ﺍﻳﺪﻙ ﺑﺸﻐﻠﻨﻪ ﻭﻣﻦ ﺍﺭﺍﻗﺒﻚ ﺍﻟﻜﺎﻙ ﺗﺸﺘﻐﻞ ﻭﺣﺪﻙ
ﺗﺨﺴﺴﺴﺴﻪ ﻭﻟﻚ ﺍﻧﺎ ﺍﺷﺘﻐﻞ ﻣﺜﻞ ﺷﻐﻠﻚ ﺍﻟﻨﻜﺲ ﻟﻚ ﺍﻧﺖ ﻛﻠﻚ ﺍﻧﺖ ﻭﺷﻐﻠﻚ ﺗﻨﻜﺴﻨﻲ
ﻣﻮﻣﺸﻜﻠﻪ ﺍﻟﻤﻬﻢ ﻫﺴﻪ ﺍﻧﺖ ﺍﺧﺬﺕ ﺟﺰﺍﻙ ﻭﻋﻠﻴﻨﻪ ﺑﻠﺠﺎﻳﺎﺕ
ﻳﺎ ﺟﺎﻳﺎﺕ ﻣﻦ ﺍﻟﻠﻪ ﻳﺼﺨﻢ ﻭﺟﻬﻚ ﻭﻳﻄﻤﻚ ﻭﺍﻧﺖ ﻋﺪﻝ ﻟﻚ ﻓﻬﻤﻨﻲ ﺷﻠﻮﻥ ﺳﻮﻳﺖ ﻛﻞ ﻫﺬﺍ ﻭﻫﺴﻪ ﻃﻠﻌﺘﻲ ﺷﺸﺸﻠﻮﻥ ﻭﻳﻦ ﺍﻟﺪﻭﻟﻪ ﻭﻳﻦ ﺍﻟﻘﺎﻧﻮﻥ ﻣﻮﻋﻠﺴﺎﺱ ﺍﻧﺎ ﻣﺠﺮﻡ ﺷﻠﻮﻥ ﻳﺴﻠﻤﻮﻧﻴﺎﻙ ﻭﻟﺰﻣﻮ ﺑﻼﻭﻱ ﺑﻴﺘﻲ
ﻫﻬﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﺍﻧﺖ ﺧﻄﻴﻪ ﻟﻚ ﻳﺎﺩﻭﻟﻪ ﻳﺎﻗﺎﻧﻮﻥ ﻫﻮﻩ ﺍﻧﻲ ﺍﻟﺪﻭﻟﻪ ﻭﺍﻧﻲ ﺍﻟﻘﺎﻧﻮﻥ ﻧﻔﺴﻪ
ﺣﻘﺮﺭﺭﺭﺍ ﻣﺠﺮﺭﺭﺭﺭﻣﻴﻦ ﻫﻢ ﺍﻧﺖ ﻭﻫﻢ ﻫﻤﻪ ﻟﻚ ﺛﻨﻴﻨﻜﻢ ﻭﺟﻬﻴﻦ ﻟﻌﻤﻠﻪ ﻭﻭﻭﻭﺣﺪﻩ ﺯﻳﻦ ﺻﻔﺎﺀ ﺻﻔﺎﺀ ﻭﻳﻦ ﺻﻔﺎﺀ ﻭﻭﻭﻭﻭﻭﻭﻭﻳﻦ ﻭﺩﻳﺘﻪ ﻣﻮ ﻣﻮﺍﺧﺬﺗﻮﻧﻪ ﺳﻮﻩ
ﻻ ﻫﺬﺍ ﻋﻮﻓﻪ ﻫﺬﺍ ﻻﺗﺴﺌﻞ ﻋﻠﻴﻪ ﺍﻧﻲ ﻧﻄﻴﺖ ﺑﻲ ﺣﺘﻰ ﺍﻃﻠﻌﻚ ﺍﻧﺖ ﻣﻦ ﻫﺬﺍ ﺍﻟﻴﻮﻡ ﺻﻔﺎﺀ ﻧﺴﻰ ﺻﻔﺎﺀ ﺑﺢ
ﻟﻮﻭﻭﻭ ﺗﻤﻮﺕ ﻭﺍﻟﻠﻪ ﻃﻠﻊ ﺻﻔﺎﺀ ﻭﻏﺼﺒﺎ ﻣﺎﻋﻠﻴﻚ ﻭﺍﺫﺍ ﻣﺎﻃﻠﻊ ﺍﻥ ﺷﺎﻟﻠﻪ ﻳﻌﺘﺮﻑ ﻋﻠﻴﻜﻢ ﻭﺍﺷﻮﻓﻬﻜﻢ ﻛﻠﻜﻢ ﺑﻘﻴﺮﺭﺭ ﻭﺑﺲ ﺍﻟﻤﺼﻴﺮ
ﻫﺪﻱ ﻧﻔﺴﻚ ﺑﺎﺷﺎ ﻫﺪﻱ ﻭﺧﻞ ﻧﺘﻔﺎﻫﻢ
ﻋﻞ ﺷﻨﻮ ﻧﺘﻔﺎﻫﻢ ﺗﻌﺎﻝ ﻫﺪﻧﻲ ﻭﺍﺑﻌﺪ ﺟﻼﺑﻚ ﻋﻨﻲ ﺍﺫﺍ ﺍﻧﺖ ﺻﺪﻙ ﺍﺑﻦ ﺍﻣﻚ ﻭﺍﺑﻮﻙ
ﻫﺴﻪ ﺷﻠﻮﻥ ﺭﺍﺡ ﺗﺒﻘﻰ ﻫﻴﺞ ﺗﺮﻩ ﺍﻟﺼﺒﺢ ﺭﺍﺡ ﻳﻄﻠﻊ ﻭﺍﺣﻨﺎ ﻣﻤﺘﻔﺎﻫﻤﻴﻦ
ﻣﺎﻟﻲ ﻛﻠﻤﻪ ﻭﻳﺎﻙ ﻟﻮ ﺗﻬﺪﻧﻲ ﻟﻮﺗﺮﺟﻌﻨﻲ ﻟﻠﺴﺠﻦ ﺍﻧﺎ ﻗﺎﺑﻞ ﺍﺗﺤﻤﻞ ﺍﻟﺴﺠﻦ ﻭﻻﺍﺗﺤﻤﻞ ﻭﺻﺎﺧﺘﻜﻢ
ﺍﻭﻙ ﻣﺜﻞ ﻣﺘﺮﻳﺪ ﺑﺲ ﺧﻠﻴﻪ ﺑﺎﻟﻚ ﻣﻦ ﺭﺍﺡ ﺗﻄﻠﻊ ﻣﻨﺎ ﻛﻞ ﺍﻟﻴﻌﺰﻭﻥ ﻋﻠﻴﻚ ﺭﺍﺡ ﻳﺮﺣﻮﻥ ﺑﻠﺒﻴﺒﺎﻱ ﻭﺍﻧﺖ ﺑﺮﺍﺣﺘﻚ ﺍﺫﺍ ﺗﺮﻳﺪ ﺗﻌﺘﺮﻑ ﻋﻠﻴﻨﻪ ﻣﻮﻣﺸﻜﻠﻪ ﺍﻧﻲ ﺑﺠﻢ ﻓﻠﺲ ﺍﺷﺘﺮﻱ ﺍﻟﺪﻭﻟﻪ ﺑﻜﺒﺮﻩ ﻭﻋﻮﺩ ﺫﺍﻙ ﺍﻟﻮﻛﺖ ﺧﻞ ﻳﻔﻴﺪﻭﻙ ﻭﻻ ﻋﺒﺎﻟﻚ ﺑﺲ ﻫﺎﻱ ﺗﻬﻤﻪ ﻭﺣﺪﻩ ﺑﺮﻛﺒﺘﻚ ﻻ ﺣﺒﻴﺒﻲ ﺍﻟﻒ ﺗﻬﻤﻪ ﻣﺜﻞ ﻫﺎﻱ ﻭﺑﻌﺪ ﺃﻛﺒﺮ ﺍﻟﺒﺴﻪ ﺑﺮﺍﺳﻚ ﻭﺍﻧﻲ ﺍﻟﻤﻤﻨﻮﻥ
ﺣﻴﻮﻭﻭﻭﺍﻥ ﻭﺩﻭﻭﻭﻭﻭﻭﻧﻲ ﻭﻛﻠﺐ ﺍﺑﻦ ﻛﻠﺐ ﻭﻟﻮﻳﻬﺪﻭﻧﻲ ﻋﻠﻴﻚ ﺍﻝ ﺍﺷﺮﺭﺭﺭﺭﺭﺭﺏ ﻣﻦ ﺩﻣﻚ
ﺻﻮﺗﻚ ﺣﺒﺎﺏ ﺻﻮﺗﻚ ﻣﻨﺎ ﺍﻟﺠﻮﺍﺭﻳﻦ ﺗﻌﺮﻑ ﻳﺪﺭﻭﻥ ﺍﻟﺒﻴﺖ ﻓﺎﺭﻍ ﻭﺍﻟﻴﻮﻡ ﻃﻠﻌﺖ ﻣﻨﺎ ﻋﺼﺎﺑﻪ ﻟﻬﺬﺍ ﺍﻟﺴﺒﺐ ﺧﻠﻴﻚ ﺭﻳﻼﻛﺲ ﺍﻧﻲ ﺍﻛﻮﻝ ﻧﺘﻔﻖ ﺑﻠﻜﺖ ﻧﻮﺻﻞ ﻟﺤﻞ ﻻﻥ ﺑﻜﻞ ﺍﻻﺣﻮﺍﻝ ﺍﺣﻨﺎ ﻣﻨﺮﻳﺪ ﻧﺨﺴﺮﻙ
ﻳﻄﻠﻊ ﺻﻔﺎﺀ ﺑﻼﻭﻝ
ﺍﻭﻙ ﺑﺲ ﺑﺸﺮﻁ
ﺷﻨﻮ
ﺗﻮﻗﻊ ﺗﻌﻬﺪ ﺑﻤﺒﻠﻎ ﻣﺎﻟﻲ ﻳﺎﻟﻠﻪ ﻳﻄﻠﻊ
ﻫﻢ ﻓﻠﻮﺱ ﻭﻫﻢ ﻭﺭﻃﻪ ﺛﺎﻧﻴﻪ ﻟﻚ ﻣﻨﻴﻦ ﺍﺟﻴﺒﻠﻚ
ﻭﻣﻨﻮ ﻣﺎﺧﺬ ﻣﻨﻚ ﻓﻠﻮﺱ ﻫﻴﻪ ﻣﺠﺮﺩ ﻛﻤﺒﻴﺎﻟﻪ ﻻﺍﻛﺜﺮ ﻭﻫﺎﺍﺍﺍ ﻗﺒﻞ ﻣﺘﺠﺎﻭﺑﻨﻲ ﺍﺣﺐ ﺍﻛﻠﻚ ﺻﻔﺎﺀ ﻟﻮﻳﺒﻘﻰ ﻗﺮﻥ ﺑﻠﺴﺠﻦ ﺍﺣﻨﺎ ﻣﺮﺍﺡ ﻳﻀﺮﻧﻪ ﺷﻲ
ﺍﺩﺭﻱ ﺟﺎ ﻟﻴﺶ ﻃﺎﻟﺒﺘﻚ ﺑﻲ ﻋﺒﻦ ﺍﻋﺮﻓﻚ ﻧﺬﻝ ﻭﻣﺎﺧﺬ ﺍﺣﺘﻴﺎﻃﺎﺕ
ﺷﻮﻑ ﻟﻌﺪ ﺍﻧﻲ ﻟﻴﺶ ﻣﺘﻤﺴﻚ ﺑﻴﻚ ﻻﻥ ﺗﻠﻜﻔﻪ ﻭﻫﻴﻪ ﻃﺎﻳﺮﻩ
ﺍﻟﻠﻪ ﻳﺎﺧﺬ ﻋﻤﺮﻙ ﻳﺎﻣﻠﻜﻮﻑ
ﻳﻠﻪ ﻳﺎ ﻭﻟﺪ ﺟﻴﺒﻮﻟﻲ ﺍﻟﺘﻌﻬﺪ
ﺍﻟﻜﻼﺏ ﻧﻄﻮﻩ ﻭﺭﻗﻪ ﻭﻗﻠﻢ ﻧﻄﺎﻧﻴﺎﻩ ﻗﺮﻳﺘﻪ ﺗﻌﻬﺪ ﻭﺑﻲ ﻣﺒﻠﻎ ﻭﺍﻟﻪ ﺣﺮﻳﺖ ﺍﻟﺘﺼﺮﻑ ﺑﺎﻱ ﻭﻗﺖ ﻳﻄﺎﻟﺒﻨﻲ ﺑﻲ ﻳﻌﻨﻲ ﻫﺎﻱ ﺛﺎﻧﻲ ﻣﺒﻠﻎ ﻳﺘﻜﺮﺑﺲ ﺑﺮﻛﺒﺘﻲ ﺍﻷﻭﻝ ﻋﻘﺪ ﺍﻟﺸﻐﻞ ﻣﻦ ﺳﺘﻐﻔﻠﻮﻧﻲ ﻭﻫﺬﺍ ﺍﻟﺜﺎﻧﻲ ﺣﺘﻰ ﺍﻃﻠﻊ ﺻﻔﺎﺀ ﻻﻥ ﺍﺩﺭﻱ ﺑﻲ ﺭﺍﺡ ﻳﺮﻭﺡ ﺑﻠﺮﺟﻠﻴﻦ ﻭﻣﻬﻤﺎ ﻳﻜﻮﻥ ﻳﻀﻞ ﺻﺎﺣﺒﻲ ﻭﺍﺑﻦ ﺩﻳﺮﺗﻲ ﺷﻠﻮﻥ ﺍﻗﺒﻞ ﻳﺮﻭﺡ ﺑﻴﻪ ﻭﺍﻧﺎ ﻛﺎﺩﺭ ﺍﻃﻠﻌﻪ ﺍﻧﺎ ﺟﺎﻥ ﺧﻠﻴﺘﻪ ﺑﻠﺴﺠﻦ ﺑﺲ ﺍﻋﺮﻓﻬﻢ ﻣﺎﻳﺮﺣﻤﻮ ﻭﻻ ﻳﺨﻠﻮ ﻳﻔﺘﺢ ﺣﻠﻜﻪ ﺑﺸﻲ ﻳﺨﺼﻬﻢ ﺑﻠﻌﻜﺲ ﻳﺠﻮﺯ ﻛﻠﺸﻲ ﻳﺬﺑﻮ ﺑﺮﺍﺳﻪ ﻭﻫﺬﺍ ﻓﺪ ﻭﺍﺣﺪ ﻓﻄﻴﺮ ﺑﻄﻞ ﻋﺮﻙ ﻳﺘﻘﺸﻤﺮ
ﻭﻗﻌﺖ ﻭﻋﺒﺎﻟﻚ ﻣﻮﻗﻊ ﻋﻞ ﻋﺪﺍﻣﻲ ﻭﻳﺎ ﻣﺎﺫﺑﻴﺖ ﺍﻟﻘﻠﻢ ﻭﻫﻮﻩ ﻛﺒﺎﻟﻲ ﺷﺒﻴﺖ ﻋﻠﻴﻪ ﻭﻟﺤﺘﻪ ﺑﺠﻢ ﺑﻮﻛﺲ ﻗﺒﻞ ﻣﺎﻳﻠﺰﻣﻮﻧﻲ ﺗﺮﺍﺟﻊ ﻟﻴﻮﺭﻩ ﻳﺤﺎﻣﻲ ﻟﻨﻔﺴﻪ ﻭﻳﻜﻠﻬﻢ ﻫﺎﺝ ﺍﻟﺬﻳﺐ ﻫﺎﺝ ﺃﺥ ﻟﻮ ﺑﺲ ﻳﺼﺤﻠﻲ ﻭﺍﻟﺰﻣﻪ ﻭﺑﻌﺪﻩ ﻛﻠﺸﻲ ﻣﺎﺭﻳﺪ
ﺍﺧﺬ ﺍﻟﻮﺭﻗﻪ ﻃﺒﻜﻪ ﻭﺣﻄﻪ ﺑﺠﻴﺒﻪ ﻭﻛﻠﻲ ﺻﻔﺎﺀ ﺳﺒﻮﻉ ﻭﻫﻮﻩ ﻳﻤﻚ
ﺻﺤﺖ
ﺳﺒﻮﻭﻭﻭﻉ ﺷﻨﻮ ﺍﻧﺖ ﻛﻠﺖ ﻳﻄﻠﻊ
ﺍﻱ ﻳﻄﻠﻊ ﺑﺲ ﻧﻄﻴﻨﻲ ﻣﻬﻠﻪ ﺍﺟﻴﺐ ﻭﺍﺣﺪ ﻳﺸﺒﻪ ﺍﺳﻤﻪ ﺣﺘﻰ ﺍﻃﻠﻌﻪ ﺑﺤﺠﻪ ﺗﺸﺎﺑﻪ ﺍﻻﺳﻤﺎﺀ ﺷﻠﻮﻥ ﻫﺴﻪ ﻃﻠﻌﺘﻚ
ﻣﻦ ﺍﻟﻠﻪ ﻻﻳﻨﻄﻴﻚ ﻭﻻﻳﻬﻨﻴﻚ ﻟﻚ ﻳﺎﻣﻜﺮﻭﺩ ﺍﻟﺤﻄﻴﺘﻪ ﺑﻤﻜﺎﻧﻲ ﻭﻳﺎ ﺍﺑﻦ ﺧﺎﻳﺒﻪ ﺍﻟﺮﺍﺡ ﺗﺠﻴﺒﻪ ﺑﻤﻜﺎﻥ ﺻﻔﺎﺀ ﻭﺍﻟﻠﻪ ﺍﻟﻌﻀﻴﻢ ﻟﻮﺍﻟﻠﻪ ﻳﻄﻠﻊ ﺍﺑﻠﻴﺲ ﻣﻦ ﺟﻬﻨﻢ ﻭﻳﺨﻠﻴﻚ ﺑﻤﻜﺎﻧﻪ ﻫﻢ ﻗﻠﻴﻞ ﻋﻠﻴﻚ
ﺍﻟﻤﻬﻢ ﻫﺴﻪ ﺍﻧﺖ ﺗﻠﻢ ﻣﻼﺑﺴﻚ ﻭﻛﻠﺸﻲ ﻳﺨﺼﻚ ﻫﻨﺎ ﻭﺗﻨﺘﻘﻞ ﻟﻐﻴﺮ ﺑﻴﺖ ﺑﻐﻴﺮ ﻣﻨﻄﻘﻪ ﻭﺭﺍﻩ ﻟﻜﻞ ﺣﺎﺩﺙ ﺣﺪﻳﺚ ﻭﺍﻋﺘﺒﺮ ﺍﻟﻤﺒﻠﻎ ﺍﻟﻮﻗﻌﺖ ﻋﻠﻴﻪ ﻫﻮﻩ ﺛﻤﻦ ﺧﺮﻭﺟﻚ ﻭﺧﺮﻭﺝ ﺻﻔﺎﺀ ﺍﻟﻚ ﻭﻗﺖ ﻧﺺ ﺳﺎﻋﻪ ﻭﺗﻌﻮﻑ ﺍﻟﻤﻜﺎﻥ ﻭﺑﻌﺪﻩ ﻭﻛﺌﻨﺎ ﺷﻴﺎﺀ ﻟﻢ ﻳﻜﻦ
ﺣﺠﺎﻩ ﻭﻃﻠﻊ ﻟﻠﺒﺎﺏ ﻭﺍﻟﺤﻤﺎﻳﻪ ﻫﺪﻭﻧﻲ ﻭﻃﻠﻌﻮ ﻭﺭﺍﻩ ﻭﻃﺒﻜﻮ ﺍﻟﺒﺎﺏ ﻛﻌﺪﺕ ﻭﺍﺣﺲ ﺩﻣﺎﻏﻲ ﻭﻛﻒ ﻭﻛﺎﻡ ﻣﻴﻔﻜﺮ ﻭﻟﻮ ﺍﻟﻠﻪ ﻳﺴﺎﻋﺪﻩ ﺷﻴﻔﻜﺮ ﻗﺒﻞ ﺟﻢ ﺳﺎﻋﻪ ﺟﻨﺖ ﻣﺠﺮﻡ ﻭﻫﺴﻪ ﻛﺎﻋﺪ ﺣﺮ ﺑﺲ ﻣﻘﻴﺪ ﺑﺠﺮﺍﻣﻬﻢ ﺍﺑﻮ ﻣﺎﺟﺪ ﻛﻼﻣﻪ ﺻﺤﻴﺢ ﻫﻤﻪ ﺍﻟﺪﻭﻟﻪ ﻧﻔﺴﻪ ﺍﻧﺎ ﺑﻴﺶ ﺣﻜﻪ ﺭﺏ ﺍﻟﺴﻮﻩ ﻛﻞ ﻫﺬﺍ ﺑﻴﻪ ﻭﺭﻩ ﺳﺎﻋﺎﺕ ﻓﺎﺕ ﺑﻨﺺ ﺍﻟﺴﺠﻦ ﻭﻃﻠﻌﻨﻲ ﻣﻴﻜﺪﺭ ﻳﺴﻮﻱ ﺍﻷﻛﺜﺮ ﺍﺣﺴﻦ ﺷﻲ ﻫﺴﻪ ﺍﻛﻮﻡ ﺍﺧﻠﻲ ﺍﻟﻤﻜﺎﻥ ﻣﺪﺍﻡ ﻧﻔﺬﺕ ﺑﺠﻠﺪﻱ ﻭﺫﻭﻟﻪ ﺍﻟﺴﻔﻠﻪ ﺑﻌﺪﻳﻦ ﺍﺷﻮﻓﻠﻬﻢ ﺟﺎﺭﻩ
ﻛﻤﺖ ﻟﻤﻴﺖ ﻣﻼﺑﺴﻲ ﺑﺠﻨﻄﻪ ﺧﻠﻴﺘﻪ ﻋﻞ ﺟﺘﻔﻲ ﻭﺟﺎﻱ ﺍﻃﻠﻊ ﺻﺎﺭﺕ ﻋﻴﻨﻲ ﺟﻮﻩ ﺍﻟﺪﺭﺝ ﻋﻠﻰ ﻋﻼﻛﻪ ﺻﻔﺎﺀ ﻣﺎﻝ ﺍﻟﺸﺮﺏ ﺩﻧﻜﺖ ﻃﻠﻌﺘﻪ ﻭﺷﻠﺖ ﺍﻟﺒﻄﺎﻟﻪ ﻭﺍﻟﻄﺦ ﺑﻴﻬﻢ ﺑﻠﺤﺎﻳﻂ ﻭﺍﻟﻠﻪ ﺍﻝ ﺷﻮﻳﻪ ﺗﻨﺰﻝ ﺩﻣﻌﺘﻲ ﺻﻔﺎﺀ ﻣﺴﻜﻴﻦ ﻭﺷﺨﺼﻴﻪ ﺿﻌﻴﻔﻪ ﺍﻻﻧﺬﺍﻝ ﺳﺘﻐﻠﻮ ﻭﺣﻜﻤﻬﻢ ﻋﻠﻴﻪ ﺍﻗﻮﻩ ﻣﻦ ﺣﻜﻢ ﻧﻔﺴﻪ ﻭﻫﺬﺍ ﺍﻟﺴﻢ ﻫﻮﻩ ﺍﻟﻄﻴﺢ ﺣﻀﻪ ﺍﻛﺴﺮ ﺑﻜﻞ ﺣﺮﻛﻪ ﻭﺍﻟﺴﺎﺋﻞ ﺍﻟﻄﺸﺮ ﺑﻜﻞ ﻣﻜﺎﻥ ﻭﺍﺗﺬﻛﺮ ﺷﻠﻮﻥ ﺿﺮﺑﺘﻪ ﻭﺩﻣﻪ ﻟﻄﺦ ﺍﻳﺪﻱ
ﻣﻦ ﺍﻧﻌﻞ ﺍﺑﻮ ﺍﻟﻮﻛﺖ ﺷﻜﺪ ﻏﺪﺍﺭ ﺍﻟﻴﺨﻠﻲ ﺍﻻﺧﻮ ﻭﺍﻟﺼﺪﻳﻖ ﻳﺼﻴﺮ ﻫﻴﺞ ﺑﺤﺎﻟﻪ ﻣﻦ ﻭﺭﻩ ﻧﺎﺱ ﻣﺘﺨﺎﻑ ﺍﻟﻠﻪ ﻭﻣﻦ ﺍﻟﻔﻠﻮﺱ ﻭﺻﺦ ﺍﻟﺪﻧﻴﻪ
ﻃﻠﻌﺖ ﻭﻋﻔﺖ ﻛﻠﺸﻲ ﻭﺭﺍﻳﻪ ﺍﻟﺒﻴﺖ ﻭﻏﺮﺍﺽ ﻣﺎﻛﺪﺭﺕ ﺍﺧﺬﻫﻦ ﺍﻧﻲ ﺑﻴﺎﺣﺎﻝ ﻫﺴﻪ ﻫﻮﻩ ﻣﺎﻛﺎﻥ ﺍﻟﻨﻔﺴﻲ ﻣﺎﻻﻛﻲ ﺍﻟﻜﻪ ﻟﻠﻐﺮﺍﺽ ﻃﻠﻌﺖ ﺍﻟﺒﺎﺏ ﺍﻟﺸﺎﺭﻉ ﻗﺮﺁﻥ ﺍﻟﻔﺠﺮ ﻳﻘﺮﺍ ﺭﻓﻌﺖ ﺭﺍﺳﻲ ﻟﻠﺴﻤﻪ ﻭﺍﻟﻌﺒﺮﻩ ﺧﻨﻜﺘﻨﻲ ﻭﻣﺎﻛﺪﺭ ﺍﻛﻮﻝ ﻏﻴﺮ ﺩﺧﻠﻴﻚ ﻳﺎ ﻛﻼﻡ ﺍﻟﻠﻪ ﺍﺩﺭﻱ ﻣﺎﻟﻚ ﺣﻮﺑﻪ ﻭﺗﻜﻠﺒﻪ ﺑﻴﻬﻢ
ﺩﻧﻜﺖ ﺭﺍﺳﻲ ﻭﻣﺸﻴﺖ ﻋﺎﻳﻒ ﺍﻟﻤﻨﻄﻘﻪ ﻭﻋﺎﻳﻒ ﺍﻷﻭﻝ ﻭﺍﻟﺘﺎﻟﻲ ﻫﺎﻱ ﺍﻭﻝ ﻣﺠﺎﻥ ﺑﻐﺪﺍﺩ ﺭﻭﺣﻲ ﺗﺘﻌﻠﻚ ﺑﻲ ﻭﻛﻠﺒﻲ ﻳﺪﻙ ﺍﻟﻪ ﻋﺒﻦ ﻣﺤﺒﻮﺑﺘﻲ ﺑﻲ ﺍﺍﺍﺍﻩ ﻳﺎﻣﺤﺒﻮﺑﺘﻲ ﺷﻠﻮﻧﻪ ﺣﺎﻟﺞ ﻫﺴﻪ
ﺍﻣﺸﻲ ﻭﺍﺗﺬﻛﺮﻩ ﻭﺍﺗﺬﻛﺮ ﻛﻠﺸﻲ ﺟﺎﻥ ﺑﻴﻨﻪ ﻭﺍﻛﻮﻝ ﻫﻢ ﺗﺮﺟﻌﻠﻲ ﺑﻌﺪ؟
ﺍﻟﺘﻠﻴﻔﻮﻥ ﺑﺠﻴﺒﻲ ﻃﻠﻌﺘﻪ ﺩﻛﻴﺖ ﻋﻠﻴﻪ ﻣﻐﻠﻖ ﻭﺍﻧﺎ ﻣﺘﻮﻗﻊ ﻫﺬﺍ ﺍﻟﺸﻲ
ﺿﻠﻴﺖ ﺍﻣﺸﻲ ﻭﺍﻣﺸﻲ ﻭﺍﻟﺼﺒﺢ ﻃﻠﻊ ﻟﻜﻴﺖ ﻧﻔﺴﻲ ﺑﻐﻴﺮ ﻣﻨﻄﻘﻪ ﺗﻌﺒﺖ ﻭﺣﻴﻠﻲ ﻧﻬﺪ ﺍﺧﺬﺕ ﺗﻜﺴﻲ ﺍﻻﻗﺮﺏ ﻓﻨﺪﻕ ﻭﺍﻭﻝ ﻣﺎ ﻭﺻﻠﺖ ﻧﻤﺖ ﻭﻣﺎﻓﻜﺮﺕ ﺑﻠﺠﺎﻱ ﻭﻻ ﺍﺭﻳﺪ ﺃﻓﻜﺮ ﻫﺴﻪ ﺑﺲ ﺍﺭﻳﺪ ﺍﺳﺘﺠﻤﻊ ﻗﻮﺗﻲ ﺣﺘﻰ ﺍﻋﺮﻑ ﺭﺍﺳﻲ ﻣﻦ ﺭﺟﻠﻴﻪ ﺣﺘﺎﺟﻴﺖ ﻟﻠﻨﻮﻡ ﺣﻴﻞ ﺣﺘﻰ ﺍﻟﻠﻬﺰﻡ ﻣﻦ ﻭﺍﻗﻊ ﻣﺮ ﺣﻠﻜﻢ ﻭﺍﻟﻮﺍﺣﺪ ﻣﻴﻘﺎﻭﻡ ﻳﻌﻴﺶ ﺑﻲ ﺑﺤﻴﺚ ﺑﺲ ﺣﻄﻴﺖ ﺭﺍﺳﻲ ﻋﻞ ﻣﺨﺪﻩ ﻧﻤﺖ
ﻟﻠﻀﻬﺮ ﻛﻌﺪﺕ ﺭﺍﺳﻲ ﻃﺒﻞ ﻭﺍﻛﻞ ﻣﻤﺎﻛﻞ ﺻﺎﺭ ﻳﻮﻣﻴﻦ ﻭﻧﻔﺴﻲ ﻣﺘﺮﻳﺪ ﺍﺻﻼ ..بيج قصص عراقيه حقيقيه من واقعنا.روعه الطائي
ﺭﺟﻌﺖ ﺷﻠﺖ ﺍﻟﺘﻠﻴﻔﻮﻥ ﻋﻞ ﻫﺎﺟﺮ ﺩﻛﻴﺖ ﻫﻢ ﻣﻐﻠﻖ ﺯﻳﻦ ﺍﻧﻲ ﻟﻴﺶ ﺟﺎﻱ ﺍﺧﺎﺑﺮ ﻋﻠﻴﻬﻪ ﻣﻌﻘﻮﻟﻪ ﺍﻭﻫﻢ ﺭﻭﺣﻲ ﻫﺎﺟﺮ ﺭﺍﺡ ﺗﺴﻤﻊ ﻣﻨﻲ ﻭﺍﻧﺎ ﺍﻋﺮﻓﻪ ﻭﻋﺮﻑ ﻃﺒﻌﻪ ﻣﻦ ﺟﺘﻲ ﻋﻞ ﺑﺎﻟﻲ ﺫﺑﻴﺖ ﺍﻟﺘﻠﻴﻔﻮﻥ ﻭﻛﻤﺖ ﻏﺴﻠﺖ ﻭﺟﻬﻲ ﺍﻛﺐ ﻣﻲ ﻭﺍﺣﺎﺟﻲ ﺭﻭﺣﻲ ﺍﻛﻠﻪ ﻛﻞ ﻋﻘﻠﺞ ﻫﺎﺟﺮ ﺭﺍﺡ ﺗﺴﻤﻊ ﻣﻨﻲ ﻟﻮﺗﺨﻠﻴﻨﻲ ﺍﻓﻬﻤﻪ ﻫﻴﻪ ﺷﺎﻓﺖ ﺑﻌﻴﻨﻪ ﻭﺳﻤﻌﺖ ﺍﻟﻨﺎﺱ ﺑﺬﺍﻧﻪ ﻫﺎﻱ ﺑﺤﻼﻣﻲ ﻭﺍﻟﻠﻪ
ﺿﻠﻴﺖ ﺍﺩﺧﻦ ﻭﺍﺣﺮﻙ ﺑﺮﻭﺣﻲ ﺣﺘﻰ ﺍﻣﻲ ﺧﺎﺑﺮﺗﻨﻲ ﻣﺤﺎﺟﻴﺘﻪ ﻫﻮﺍﻱ ﻭﻫﻨﺎﻙ ﻫﻢ ﻃﻼﻳﺐ ﺻﺎﻳﺮﻩ ﻋﻞ ﺳﺎﻟﻔﻪ ﺍﻣﻴﺮ
ﻟﻠﻤﻐﺮﺏ ﺑﻌﺪ ﻣﺎﻛﺪﺭﺕ ﻭﺭﺟﻠﻲ ﺍﺧﺬﺗﻨﻲ ﻟﻤﺤﻞ ﺍﻟﺘﺼﻮﻭﻳﺮ ﻭﻛﻞ ﻣﺎﺍﻗﺮﺏ ﺧﻄﻮﺍﺗﻲ ﻋﺒﺎﻟﻚ ﺗﺮﺟﻌﻨﻲ ﺷﻠﻮﻥ ﺍﺩﺧﻞ ﺍﻟﻤﻨﻄﻘﻪ ﻭﺧﺎﻑ ﺍﺣﺪ ﻳﺸﻮﻓﻨﻲ ﻟﻮ ﻳﻌﺮﻓﻨﻲ ﺻﺤﻴﺢ ﺍﻧﺎ ﻻﺑﺲ ﺷﻤﺎﻍ ﻭﻣﺨﻠﻲ ﻟﻔﺎﻑ ﻋﻠﻰ ﻭﺟﻬﻲ ﺑﺤﺠﻪ ﺍﻟﺒﺮﺩ ﺑﺲ ﻫﻢ ﺍﻟﺤﺬﺭ ﻭﺍﺟﺐ ﻭﻫﺴﻪ ﺍﻧﺎ ﺑﻨﻀﺮﻫﻢ ﻣﺠﺮﻡ ﻭﻋﻞ ﺷﺎﻓﻮ ﺍﻟﺒﺎﺭﺣﻪ ﺷﻠﻮﻥ ﻳﺎﻣﻨﻮﻟﻲ ﻭﺭﻏﻢ ﻛﻞ ﻫﺬﺍ ﺟﺎﺯﻓﺖ ﻭﺭﺣﺖ ﺑﺲ ﻟﻼﺳﻒ ﻟﻜﻴﺘﻪ ﻣﻌﺰﻟﻪ ﻭﻳﻮﻡ ﻳﻮﻣﻴﻦ ﺗﻼﺛﻪ ﻭﻳﻮﻣﻴﻪ ﺍﺟﻲ ﻭﺍﻟﻜﺎﻩ ﻣﻌﺰﻟﻪ ﻭﺧﺎﺑﺮﻩ ﺟﻬﺎﺯﻩ ﻣﻐﻠﻖ ﻟﻠﻜﻠﻴﻪ ﺭﺣﺖ ﻭﻫﻢ ﻣﻤﺪﺍﻭﻣﻪ
ﺍﺑﻮ ﻣﺎﺟﺪ ﺭﺟﻊ ﻳﻀﻐﻂ ﻋﻠﻴﻪ ﻭﻳﺠﺒﺮﻧﻲ ﺍﺭﺟﻊ ﺍﺳﻮﻕ ﻭﺍﻭﺩﻱ ﻭﺍﺟﻴﺒﻪ ﺑﺲ ﻋﻞ ﺃﻋﺼﺎﺑﻲ ﺳﺒﻮﻉ ﻭﺣﺎﻟﻲ ﻣﻴﺴﺮ ﻻﻋﺪﻭ ﻭﻻ ﺻﺪﻳﻖ ﻭﻫﻤﻮﻡ ﺍﻟﺪﻧﻴﻪ ﻋﻞ ﺭﺍﺳﻲ ﻭﺷﻠﻮﻥ ﻣﻘﺎﻣﻮﻡ ﻟﻴﻬﺴﻪ ﻣﺎﺩﺭﻱ ﺻﻔﺎﺀ ﻋﻞ ﻛﻼﻡ ﺍﺑﻮ ﻣﺎﺟﺪ ﺳﺒﻮﻉ ﻭﺟﻨﺖ ﻣﺮﺟﻊ ﺍﻟﻤﻨﻌﻮﻝ ﻣﻦ ﺍﻟﻤﻌﻤﻞ ﻟﻠﻤﺰﺭﻋﻪ ﻭﻟﻜﻴﺘﻪ ﻃﺎﻟﻊ ﻣﻦ ﺷﺎﻓﻨﻲ ﺭﺍﺩ ﻳﺠﻴﺖ ﻋﻠﻴﻪ ﺩﻓﻌﺘﻪ ﻭﻗﺴﻴﺖ ﻛﻠﺒﻲ ﻭﺑﻜﻞ ﻏﻞ ﻛﺘﻠﻪ
ﺻﻔﺎﺀ ﺍﻟﺒﻴﻨﻲ ﻭﺑﻴﻨﻚ ﻧﺘﻬﻰ ﻟﻬﻨﺎ ﻭﻛﻠﺸﻲ ﺑﻴﻨﻪ ﻧﺘﻬﻰ ﻳﻜﻔﻲ ﺍﻟﺼﺎﺭﻟﻲ ﻟﻴﻬﺴﻪ ﻣﻦ ﻭﺭﺍﻙ ﻭﻻﺩﻛﻮﻝ ﺍﻧﺎ ﺷﻌﻠﻴﻪ ﻻﻋﻠﻴﻚ ﻭﻋﻠﻴﻚ ﻳﺎﻣﺎ ﻛﺘﻠﻚ ﺍﺗﺮﻙ ﺩﺭﺏ ﺍﺑﻮ ﻣﺎﺟﺪ ﻭﻳﺎﻣﺎ ﻧﺼﺤﺘﻚ ﺑﺲ ﺍﻧﺖ ﺷﺴﻮﻳﺖ ﻛﻤﺖ ﺗﻐﺮﻙ ﻭﺗﻐﺮﻙ ﻭﻫﺎﻱ ﺍﻟﻨﺘﻴﺠﻪ ﺍﺧﺮﻩ ﺭﺩﻧﻪ ﻧﺮﻭﺡ ﺍﺭﺑﻌﻪ ﺇﺭﻫﺎﺏ
ﺿﺮﺍﺭ ﺑﺲ ﺧﻞ ﺍﺣﺠﻲ
ﻻﺍﺣﺠﻲ ﻭﻻ ﺗﺤﺠﻲ ﺍﻧﺎ ﻟﻠﻤﺮﻩ ﺍﻟﺜﺎﻧﻴﻪ ﺗﻨﻜﺴﺮ ﺭﻛﺒﺘﻲ ﻣﻦ ﻭﺭﺍﻙ ﻭﻻﻋﺒﺎﻟﻚ ﻃﻠﻌﻚ ﻟﺴﻮﺍﺩ ﻋﻴﻮﻧﻚ ﺗﺮﻩ ﻛﺮﺑﺴﻨﻲ ﺑﻜﻤﺒﻴﺎﻟﻪ ﺑﻜﺪ ﺭﺍﺳﻚ ﻣﻦ ﻫﺬﺍ ﺍﻟﻴﻮﻡ ﺍﻧﺖ ﺑﻄﺮﻳﻖ ﻭﺍﻧﺎ ﺑﻄﺮﻳﻖ
ﺿﺮﺍﺭ ﻟﻴﺶ ﻫﻴﺞ ﺗﺤﺎﺟﻴﻨﻲ ﻣﻮﺍﻧﻲ ﺣﺎﻟﻲ ﻣﻦ ﺣﺎﻟﻚ ﻧﺴﺠﻨﺖ
ﻣﺎﺗﻌﺮﻑ ﻟﻴﺶ ﻫﻴﺞ ﺍﺣﺎﺟﻴﻚ ﻣﻮ ﺑﻠﻪ ﻣﺎﺩﻛﻠﻲ ﺷﻠﻮﻥ ﻓﻮﺗﻮ ﻫﺎﻱ ﺍﻟﺒﻼﻭﻱ ﻭﺍﻟﻜﺮﺍﺗﻴﻦ ﻟﻠﺒﻴﺖ ﻏﻴﺮ ﻗﺸﻤﺮﻭﻙ ﻭﺷﺮﺑﻮﻙ ﻭﺍﺧﺬﻭ ﺍﻟﻤﻔﺘﺎﺡ ﻣﻨﻚ ﻭﺑﺴﺒﺒﻚ ﻫﻴﺞ ﻧﻔﻀﺤﻨﻪ ﺑﻠﻤﻨﻄﻘﻪ ﻭﺗﺸﻴﻠﻨﻪ ﻭﻫﺴﻪ ﺍﻧﺎ ﺧﺴﺮﺍﻥ ﺍﻷﻭﻝ ﻭﺍﻟﺘﺎﻟﻲ ﻭﺭﺟﻌﺖ ﺍﻧﺎﻡ ﺑﻠﻔﻨﺪﻕ
ﻭﺍﻧﺖ ﻛﻠﺘﻪ ﺿﺤﻜﻮ ﻋﻠﻴﻪ ﻭﺟﻨﺖ ﻣﺎﺩﺭﻱ ﺑﻨﻔﺴﻲ ﻭﻟﻮ ﺍﺩﺭﻱ ﻗﺎﺑﻞ ﺍﺳﻮﻱ ﻫﻴﺞ
ﺻﻔﺎﺀ ﺭﺣﻤﻪ ﺍﻝ ﺍﻟﻠﻪ ﺍﻧﺎ ﻛﻞ ﻣﺎﺭﻳﺪ ﺍﺧﻠﺺ ﻣﻨﻬﻢ ﺗﺠﻴﻨﻲ ﺳﺎﻟﻔﻪ ﻣﻦ ﻭﺭﺍﻙ ﺻﻔﺢ ﻭﺍﻟﺨﺴﺮﺗﻪ ﻟﺤﺪ ﺍﻻﻥ ﻛﺎﻓﻲ ﻣﻦ ﻫﺬﺍ ﺍﻟﻴﻮﻡ ﻟﻮﺗﺸﻮﻓﻨﻲ ﻭﺍﺷﻮﻓﻚ ﺑﺠﻬﻨﻢ ﻻﺗﻨﻘﺬﻧﻲ ﻭﻻ ﺍﻧﻘﺬﻙ
ﻣﻮﻣﻦ ﻛﻠﺒﻚ ﻫﺬﺍ ﺍﻟﺤﺠﻲ ﻟﻮ ﻣﻦ ﻛﻠﺒﻚ ﺟﺎﻥ ﻣﺎﻭﻓﻘﺖ ﺑﺸﺮﻭﻃﻬﻢ ﻭﻃﻠﻌﺘﻨﻲ
ﻃﻠﻌﺘﻚ ﺍﻱ ﺑﺲ ﻣﻦ ﻫﺎﻱ ﺍﻟﺴﺎﻋﻪ ﺍﻧﺖ ﺍﻋﺮﻑ ﺑﻤﺼﻠﺤﺘﻚ ﻭﻟﻮﻣﺎ ﻳﺸﻮﻓﻮﻙ ﺯﻭﺝ ﺟﺎﻥ ﻣﺴﺘﻐﻠﻮﻙ ﺁﺧﺮ ﻛﻼﻡ ﺍﻛﻮﻟﻪ ﺍﻟﻚ ﺍﻧﺘﺒﻪ ﻋﻠﻰ ﻧﻔﺴﻚ ﻭﻓﺘﺢ ﻋﻴﻨﻚ ﻟﻴﺬﺑﻮﻙ ﺑﻼﻛﺒﺮ
ﻣﺨﻠﻴﺘﻪ ﺣﺘﻰ ﻳﺠﺎﻭﺏ ﻋﻔﺘﻪ ﻭﺭﺟﻌﺖ ﻟﻠﻔﻨﺪﻕ ﺿﻠﻴﺖ ﻋﻞ ﻫﺬﺍ ﺍﻟﺤﺎﻝ ﺑﻴﻦ ﺍﻟﺪﻭﻧﻲ ﻭﺗﻮﺻﻴﻠﻪ ﻭﺑﻴﻦ ﺍﻟﻔﻨﺪﻕ ﻭﻣﺤﻞ ﻫﺎﺟﺮ ﻭﺍﻟﻜﻠﻴﻪ ﻭﺍﻟﺘﻠﻴﻔﻮﻥ ﻣﺎﻭﻛﻊ ﻣﺖ ﺍﻳﺪﻱ ﻭﻻﺑﻄﻠﺖ ﺩﻗﻴﻘﻪ ﻭﺍﻧﺎ ﺍﺩﻙ ﻋﻠﻴﻪ ﺑﺲ ﻣﻦ ﻏﻴﺮ ﻓﺄﻳﺪﻩ
ﻋﻤﺎﺩ ﺧﺎﺑﺮﻧﻲ ﻭﺑﻌﺪﻩ ﻣﻮﺍﻛﺐ ﻗﻀﻴﻪ ﺍﻣﻴﺮ ﻭﻫﺎﺷﻢ ﻭﻣﺎﺭﺗﺎﺡ ﻭﻻ ﻛﻌﺪ ﺍﻝ ﺻﻌﺪﻫﻢ ﻣﺤﻜﻤﻪ ﻭﺭﺿﺎ ﺍﻧﺎ ﻭﻳﺎﻩ ﻋﻞ ﺍﺗﺼﺎﻝ ﻭﻛﻠﻲ ﻟﻴﻬﺴﻪ ﺷﻮﻑ ﻣﺎﺷﺎﻳﻔﻦ ﺍﻣﻴﺮ ﻗﺎﻧﻮﻥ ﻣﺘﻨﺎﻗﺾ ﻭﻳﺎﻩ ﺍﻟﻨﺎﺱ ﺍﻟﻜﺒﺎﺭ ﺃﻣﺜﺎﻝ ﺍﺑﻮ ﻣﺎﺟﺪ ﻭﺭﺑﻌﻪ ﻳﺮﻛﺺ ﺑﺠﻔﻴﻪ ﻭﻳﺎﻩ ﻋﻤﺎﺩ ﻳﻤﺸﻲ ﻣﺜﻞ ﺍﻟﺴﺎﻋﻪ ﻭﻻﺯﻡ ﻛﻠﺸﻲ ﻣﻀﺒﻂ ﻭﺑﺘﺎﺭﻳﺦ ﻳﻌﻨﻲ ﻟﻴﺸﻮﻓﻪ ﻳﻜﻮﻝ ﻧﻴﺎﻟﻜﻢ ﻋﻞ ﻫﺬﺍ ﺍﻟﻘﺎﻧﻮﻥ ﺍﻟﻲ ﺍﺑﻮﻱ ﻭﺭﺿﺎ ﻭﻋﻤﺎﻣﻲ ﻛﻞ ﺫﻳﺞ ﺍﻟﻤﺪﻩ ﻳﺮﺩﻭﻥ ﺑﺲ ﺑﺸﻮﻓﻮﻥ ﺍﻣﻴﺮ ﻭﻣﺎﻛﻮ
ﺳﺒﻮﻉ ﻭﺟﻢ ﻳﻮﻡ ﻭﺍﻛﻒ ﺟﻨﺖ ﻳﻢ ﺍﻟﻜﻠﻴﻪ ﺍﻟﺼﺒﺢ ﻣﺜﻞ ﻛﻞ ﻳﻮﻡ ﻭﺍﻛﻮﻝ ﺑﻠﻜﺖ ﻫﺎﺟﺮ ﺩﺍﻭﻡ ﻭﺻﺪﻙ ﻭﺍﺷﻮﻓﻪ ﻧﺎﺯﻟﻪ ﻣﻦ ﺍﻟﺨﻂ ﺍﻧﺎ ﻫﻢ ﺑﺴﺮﻋﻪ ﻧﺰﻟﺖ ﻭﺟﺮﻳﺘﻪ ﻣﻦ ﺍﻳﺪﻩ ﻟﺘﻔﺘﺖ ﻣﺨﺘﺮﻋﻪ ﻣﻦ ﺷﺎﻓﺘﻨﻲ ﻓﺘﺤﺖ ﻋﻴﻮﻧﻪ ﻭﺗﻮﻫﻪ ﺩﺗﺼﻴﺢ ﺟﺮﻳﺘﻪ ﺣﻴﻞ ﻟﺴﻴﺎﺭﻩ ﻣﺤﺪ ﻧﺘﺒﺎﻩ ﻫﻮﺳﻪ ﻭﺧﻄﻮﻁ ﻃﺎﺑﻜﻪ ﻭﻧﺎﺱ ﺗﻨﺰﻝ ﻭﻧﺎﺱ ﺗﺪﺧﻞ ﻟﻠﻜﻠﻴﻪ ﻭﺍﻧﺎ ﺳﺘﻐﻠﻴﺖ ﻫﺎﻱ ﺍﻟﻬﻮﺳﻪ ﻭﺻﻌﺪﺗﻪ ﺑﻠﺴﻴﺎﺭﻩ ﺿﻠﺖ ﺗﺼﻴﺢ ﻭﺗﺒﺠﻲ ﻗﻔﻠﺖ ﺍﻟﺴﻴﺎﺭﻩ ﻭﻫﻴﻪ ﺗﻀﺮﺏ ﺑﺠﺘﻔﻲ ﺑﺪﻳﻪ ﻭﺑﺠﻨﻄﺘﻪ ﺑﺲ ﻣﻴﺨﺎﻟﻒ ﺍﻫﻢ ﺷﻲ ﺷﻔﺘﻪ
ﺷﺨﻄﺖ ﺍﻟﺴﻴﺎﺭﻩ ﻭﻃﺒﻜﺘﻪ ﻭﺭﻩ ﺍﻟﻜﻠﻴﻪ ﻭﺻﺪﻳﺖ ﻋﻠﻴﻬﻪ ﻭﻫﻴﻪ ﻣﺎﻋﺮﻑ ﺷﺒﺴﺮﻋﻪ ﻃﻠﻌﺖ ﻛﻞ ﻫﺎﻱ ﺍﻟﺪﻣﻮﻉ ﻭﺑﻌﺪﻩ ﻣﺴﺘﻤﺮﻩ ﺗﺼﻴﺢ
ﻧﺰﻟﺘﻲ ﻣﺠﺮﻡ ﻧﺰﻟﻨﻲ ﺍﺭﻫﺎﺑﻲ ﺣﺮﺍﻡ ﻋﻠﻴﻚ ﺍﻟﺪﺳﻮﻱ ﺑﻴﻪ ﺣﺮﺍﻡ ﻋﻮﻓﻨﻲ ﻧﺰﺯﺯﻟﻨﻲ..بيج قصص عراقيه حقيقيه من واقعنا.روعه الطائي
ﻟﺰﻣﺖ ﻣﻌﺼﻢ ﺍﻳﺪﻩ ﻭﺑﻌﺪﺕ ﺍﻟﺠﻨﻄﻪ ﺑﺪﻳﻪ ﻭﺍﺣﺎﻭﻝ ﺑﺲ ﺍﺳﻜﺘﻪ
ﻫﺎﺟﺮ ﺑﺲ ﺍﺳﻤﻌﻴﻨﻲ ﺍﻧﻄﻴﻨﻲ ﻓﺮﺻﻪ ﺍﺣﺠﻲ ﻭﻳﺎﺝ ﺑﺸﻨﻮ ﺍﺣﻠﻔﻠﺞ ﺍﻧﺘﻲ ﻣﻔﺘﻬﻤﻪ ﺍﻟﻤﻮﺿﻮﻉ ﻏﻠﻂ
ﻻﺗﺤﻠﻔﻠﻲ ﻭﻭﻭﻭﻭﻭﺧﺮ ﻣﻨﻲ ﻫﺪ ﺍﻳﺪﻱ ﺑﺲ ﻧﺰﻟﻨﻲ ﻭ ﺍﻟﻠﻪ ﺭﺍﺡ ﺍﺍﺍﺍﺍﺍﺍﺍﺍﺍﺍﺍﺍﻋﻴﻂ
ﺧﺮﺏ ﻳﻌﻨﻲ ﺑﻌﺪﺝ ﻣﻤﻌﻴﻄﻪ ﻭﺍﻝ ﺟﺎﻱ ﺳﻮﻳﻨﻪ ﻫﺴﻪ ﺷﻨﻮ ﺧﺎﻳﺒﻪ ﻓﻀﺤﺘﻨﻲ ﻧﻄﻴﻨﻲ ﻓﺪ ﻋﻄﻮﻩ
ﻛﺘﻠﻚ ﺍﻓﺘﺢ ﺍﻟﺒﺎﺏ ﺭﺍﺡ ﺍﻛﺴﺮ ﺣﺘﻰ ﺍﻟﺠﺎﻡ ﺿﺮﺭﺭﺭﺭﺭﺍﺭ
ﺻﺎﺣﺖ ﻭﻏﻄﺖ ﻭﺟﻬﻪ ﺗﺸﻬﻚ ﻣﻦ ﺍﻟﺒﺠﻲ ﺛﺎﺭﺕ ﺃﻋﺼﺎﺑﻲ ﻭﺻﺤﺖ
ﻛﺎﺍﺍﺍﺍﺍﺍﺍﺍﺍﺍﻓﻲ ﻫﺎﺍﺍﺍﺍﺍﺟﺮ ﻛﺘﻠﺞ ﺑﺲ ﺍﻓﻬﻤﺞ
ﺷﺸﺸﺸﺘﻔﻬﻤﻨﻲ ﻣﻮﺷﻔﺘﻚ ﺑﻌﻴﻨﻲ ﺣﺮﺍﻡ ﻋﻠﻴﻚ ﺍﻧﺖ ﺷﺮﺟﻌﻚ ﻣﻮ ﺍﻟﻴﻮﻡ ﺍﻝ ﻭﻛﻔﺖ ﻋﻞ ﺭﺟﻠﻲ
ﺍﺩﺭﻱ ﻭﺍﻟﻠﻪ ﺍﺩﺭﻱ ﺑﺲ ﻭﻏﻼﺗﺞ ﻣﻀﻠﻮﻡ ﻭﻋﻴﻮﻧﺞ ﻣﻀﻠﻮﻡ ﻭﻫﺎﻱ ﺗﻬﻤﻪ ﻭﻟﻌﺒﻪ ﻭﺻﺨﻪ
ﻫﺬﺍ ﺣﺠﻲ ﻳﻔﻴﺪﻙ ﻭﺍﻟﺸﻔﺘﻪ ﺑﻌﻴﻨﻲ ﻭﺍﻟﻄﻠﻌﻮ ﻣﻦ ﺑﻴﺘﻚ ﻭﺣﺠﻲ ﺍﻟﻨﺎﺱ ﻛﻞ ﻫﺬﺍ ﻟﻌﺒﻪ
ﻳﺸﻬﺪ ﺍﻟﻠﻪ ﻟﻌﺒﻪ ﻭﺍﻣﻴﺮ ﺍﻟﻤﻮﻣﻨﻴﻦ ﻟﻌﺒﻪ ﺫﻭﻟﻪ ﻧﺎﺱ ﻣﻴﺨﺎﻓﻮﻥ ﺍﻟﻠﻪ ﻭﺭﻃﻮﻧﻲ ﻭﻳﺎﻫﻢ
ﻫﻤﻪ ﻣﻴﺨﺎﻓﻮﻥ ﺍﻟﻠﻪ ﻭﺍﻧﺖ ﺷﻨﻮ ﻫﺎﺍﺍ ﺍﻧﺖ ﺗﻌﺮﻑ ﺍﻟﻠﻪ ﻟﻌﺪ ﻣﻦ ﻗﺸﻤﺮﺗﻨﻲ ﻭﺣﺒﻴﺘﻚ ﻭﺗﺎﻟﻲ ﺗﻄﻠﻊ ﺍﺭﻫﺎﺑﻲ ﻭﻳﺴﺤﻠﻮﻙ ﻛﺪﺍﻣﻲ ﻫﺴﻪ ﺟﺎﻱ ﺗﺒﺮﺭﺩ
ﻟﺞ ﺑﺲ ﺍﻧﻄﻴﻨﻲ ﻣﺠﺎﻝ ﺍﺣﺠﻲ
ﺍﻓﺘﺢ ﺍﻟﺒﺎﺏ ﻭﺍﻟﻘﺮﺁﻥ ﻭﺍﻻﻧﺰﻟﻪ ﻫﺴﻪ ﺍﺿﻞ ﺍﺻﺮﺥ ﻭﻭﻭﻭﻭﻭﺣﺮﻙ ﺍﻟﺪﻧﻴﻪ
ﻫﺎﺟﺮ ﻻﺗﻨﻬﻴﻦ ﻛﻠﺸﻲ ﺑﻠﺤﻀﻪ ﻏﻀﺐ ﻭﺗﺨﺴﺮﻳﻨﻲ ﻭﺧﺴﺮﺝ
ﺍﺍﺍﺍﺍﺍﻣﺸﻲ ﻟﻚ ﺍﺧﺴﺮﻙ ﺷﻨﻮ ﻭﺍﺣﺪ ﻣﺜﻠﻚ ﻻﺿﻔﺮ ﺭﺟﻠﻲ ﻣﻴﺠﻲ
ﻫﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺟﺮ ﻻﺩﺳﻮﻳﻦ ﺑﻄﻨﻲ ﻣﺎﺗﻌﺮﻓﻴﻦ ﺷﻴﻄﻠﻊ ﻣﻨﻬﺎ ﻛﺘﻠﺞ ﻳﻜﻔﻲ ﻧﻄﻴﻨﻲ ﻓﺠﻪ ﺧﻞ ﺍﻓﻬﻤﺞ
ﺷﻴﻄﻠﻊ ﻣﻨﻚ ﺃﻛﺜﺮ ﻣﻦ ﺍﻟﻄﻠﻊ ﻭﺍﻟﺸﻔﺘﻪ ﻭﺍﻟﺴﻤﻌﺘﻪ ﺍﺣﺠﻲ ﺍﺣﺠﻲ ﻳﺠﻮﺯ ﺗﻄﻠﻊ ﻋﻨﺪﻙ ﺑﻼﻭﻱ ﺃﻛﺜﺮ ﻣﻦ ﺍﻟﺸﻔﺘﻪ
ﻣﻮﻫﻴﺞ ﻭﺍﻟﻠﻪ ﺑﺲ ﻧﺼﻲ ﺻﻮﺗﺞ ﻭﺧﻞ ﺍﻓﻬﻤﺞ
ﻧﺰﺯﺯﻟﻨﻲ ﺟﺬﺍﺏ ﻭﻣﺨﺎﺩﻉ ﻭﻣﺠﺮﻡ ﺍﻧﻲ ﻏﺒﻴﻪ ﻭﺭﻳﻄﺖ ﻧﻔﺴﻲ ﺑﻴﻚ ﺍﻧﻲ ﻏﺒﻴﻴﻴﻴﻴﻴﻴﻪ
ﻟﺞ ﻛﺎﻓﻲ ﺍﻧﺎ ﻣﺘﻮﺭﻁ ﻭﻫﺴﻪ ﺍﺣﺠﻴﻠﺞ ﻛﻠﺸﻲ ﻭﻳﺸﻬﺪ ﺍﻟﻠﻪ ﺍﻧﺎ ﺭﺩﺕ ﺍﺣﺠﻴﻠﻠﺞ ﺑﺲ ﻛﻠﺖ ﺑﻠﻮﻗﺖ ﺍﻟﻤﻨﺎﺳﺐ
ﻭﺍﻧﻲ ﻣﺎﺭﻳﺪ ﺍﺳﻤﻊ ﻭﻓﺘﻬﻤﺖ ﻛﻠﺸﻲ ﻭﺭﺍﺟﻌﺖ ﻧﻔﺴﻲ ﻭﺍﺻﻼ ﻣﻦ ﺗﺼﺮﺍﻓﺎﻙ ﺍﻧﻲ ﻣﻤﺮﺗﺎﺣﺘﻠﻚ ﻭﻫﺴﻪ ﺗﺎﻛﺪﺕ
ﺑﻄﻠﻲ ﺩﻣﻮﻉ ﻭﺧﻞ ﻧﺠﻲ
ﺿﺮﺍﺭ ﺍﻧﻲ ﻧﺨﺪﻋﺖ ﺑﻴﻚ ﻭﺍﺫﺍ ﺍﻟﻲ ﺣﺐ ﺑﻜﻠﺒﻚ ﺻﺪﻙ ﻭﻫﻮﻩ ﺟﺎﺑﻚ ﻋﻠﻴﻪ ﻟﻬﻨﺎ ﻭﻟﻮ ﺍﻧﻲ ﻣﺎﺩﺭﻱ ﺷﻠﻮﻥ ﻃﻠﻌﺖ ﺑﺲ ﻣﻴﻬﻤﻨﻲ ﺍﻟﻤﻬﻢ ﻋﻨﺪﻱ ﻫﺴﻪ ﺗﻌﻮﻓﻨﻲ ﻭﺗﻔﺘﺢ ﺍﻟﺒﺎﺏ ﺣﺘﻰ ﺍﻧﺰﻝ
ﺭﺍﺡ ﺍﺧﻠﻴﺞ ﺍﻧﺘﻲ ﻭﺿﻤﻴﺮﺝ ﺍﻧﺘﻲ ﻭﻛﻠﺒﺞ ﺑﺲ ﻗﺒﻞ ﻣﻨﺰﻟﻴﻦ ﺭﺍﺡ ﺍﺣﺠﻴﻠﺞ ﻭﺍﻧﺘﻲ ﺍﺣﻜﻤﻲ
ﺣﻄﺖ ﺍﺩﻳﻪ ﻋﻞ ﺍﺫﺍﻧﻪ ﻭﺩﻣﻮﻋﻪ ﻋﺸﺮﻩ ﻋﺸﺮﻩ ﻭﺗﺼﻴﺢ ﻣﺎﺭﻳﺪ ﺍﺳﻤﻊ ﻭﺍﻧﻲ ﻣﻬﺘﻤﻴﺘﻠﻪ ﻃﻠﻌﺖ ﺷﻜﻮ ﺷﻲ ﺑﻜﻠﺒﻲ ﻭﺣﺠﻴﺘﻠﻪ ﻛﻠﺸﻲ ﻭﻣﻦ ﺗﻜﺬﺑﻨﻲ ﺍﺩﻙ ﻋﻞ ﺳﺘﻴﺮﺩ ﻭﺳﻜﺘﻪ ﺷﻮﻳﻪ ﻭﺗﺮﺟﻊ ﺩﻛﺐ ﺍﻝ ﺍﻥ ﻛﻤﻠﺖ ﻭﺩﺭﺕ ﻋﻠﻴﻪ ﻭﻣﺎﺷﻔﺖ ﺍﻟﺮﺣﻤﻪ ﻭﺍﻟﺤﻨﻴﻪ ﺑﻌﻴﻮﻧﻪ ﺑﻠﻌﻜﺲ ﺷﻔﺖ ﺍﻟﻜﺮﻩ ﻭﺍﻟﻘﺴﻮﻩ ﻭﻟﻨﻀﺮﻩ ﺍﻟﻤﺎﺷﺎﻳﻔﻪ ﻗﺒﻞ
ﻫﻨﺎ ﺑﻌﺪ ﻻﺯﻡ ﺍﻭﻓﻲ ﻭﻋﺪﻱ ﻟﻨﻔﺴﻲ ﻭﺍﻧﻄﻴﻪ ﺣﺮﻳﻪ ﺍﻻﺧﺘﻴﺎﺭ ﻭﻟﻮ ﻣﺎﻳﺤﺘﺎﺝ ﺍﺳﺌﻠﻪ ﻛﻠﺸﻲ ﻭﺍﺿﺢ ﺑﻌﻴﻮﻧﻪ ﻭﻣﻮﻗﻔﻪ ﻻﺗﻐﻴﺮ ﻭﻻﻧﻬﺰ ﻣﻦ ﺷﻔﺘﻪ ﻫﻴﺞ ﻓﺘﺤﺖ ﺍﻟﺒﺎﺏ ﻭﻛﺘﻠﻪ ﺍﻧﺰﻟﻲ ﻭﻫﻴﻪ ﺑﺪﻭﻥ ﻣﻴﺮﻓﻠﻪ ﺟﻔﻦ ﻧﺰﻟﺖ ﻭﺑﻮﺟﻬﻲ ﺻﺎﺣﺖ
ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻛﺮﻫﻚ ﺣﺴﺒﻲ ﺍﻟﻠﻪ ﻋﻠﻴﻚ..بيج قصص عراقيه حقيقيه من واقعنا.روعه الطائي
ﻫﻞ ﻛﻠﻤﻪ ﻃﻠﻘﻪ ﻭﺣﻄﺘﻪ ﺑﻨﺺ ﺭﻭﺣﻲ ﺷﻜﺪ ﺣﺎﻭﻟﺖ ﺍﻓﻬﻤﻪ ﻭﺍﺑﺮﺭﻟﻪ ﻭﺻﺎﺭ ﺃﻳﺎﻡ ﻣﺘﺒﻬﺬﻝ ﺣﺘﻰ ﺍﻭﺍﺟﻬﻪ ﻭﻫﺎﻱ ﺍﻟﻨﺘﻴﺠﻪ ﺭﻭﺣﻲ ﻃﺸﺮﺕ ﻛﺒﺎﻟﻪ ﻭﺩﺍﺳﺘﻪ ﻭﻋﺒﺮﺕ
ﻛﻠﺖ ﺧﻠﺺ ﺍﺟﺘﻲ ﻭﺍﻟﻠﻪ ﺟﺎﺑﻪ ﻭﺑﺴﻮﺍﻳﻪ ﻫﺎﺟﺮ ﻫﺎﻱ ﺣﻄﺖ ﻛﺘﻠﻪ ﻣﺎﻝ ﻧﺘﻘﺎﻡ ﺑﻜﻠﺒﻲ ﺿﺪ ﺍﺑﻮ ﻣﺎﺟﺪ ﻭﺭﺑﻌﻪ ﺍﻟﺒﺎﺭﺣﻪ ﺧﺴﺮﺕ ﺻﻔﺎ ﻭﺍﻟﻴﻮﻡ ﻫﺎﺟﺮ ﻭﻗﺒﻞ ﻣﺎﺧﺴﺮ ﻧﻔﺴﻲ ﺭﺍﺡ ﺍﺧﺴﺮﻫﻢ ﻛﻠﺸﻲ ﻭﻣﺪﺍﻡ ﻫﺎﺟﺮ ﺑﻌﺪ ﻣﺎﻛﻮ ﺑﺤﻴﺎﺗﻲ ﻭﺣﺘﻰ ﺍﺿﻞ ﺣﺮ ﻃﻠﻴﻖ ﺭﺍﺡ ﺍﻧﻔﺬ ﺍﻧﺘﻘﺎﻣﻲ ﺑﻜﻞ ﻭﺍﺣﺪ ﺟﺎﻥ ﺍﻟﺴﺒﺐ ﺑﺨﺮﺍﺏ ﺣﻴﺎﺗﻲ
ﻓﺮﻳﺖ ﺍﻟﺴﻴﺎﺭﻩ ﻭﻛﺒﻞ ﻟﻠﻤﺰﺭﻋﻪ ﺑﻠﻐﺖ ﺍﺑﻮ ﻣﺎﺟﺪ ﻭﻛﺘﻠﻪ ﺍﻧﺎ ﺍﺭﻳﺪ ﺍﺷﺎﺭﻙ ﻭﻳﺎﻛﻢ ﺑﻜﻞ ﺍﻟﻌﻤﻠﻴﺎﺕ ﺑﻠﺒﺪﺍﻳﻪ ﺳﺘﻐﺮﺏ ﺑﺲ ﺍﻧﺎ ﻭﻫﻤﺘﻪ ﺑﺎﻥ ﺻﺎﺭ ﺩﻳﻦ ﻫﻮﺍﻱ ﺑﺮﻛﺒﺘﻲ ﻭﺍﻧﺎ ﻣﺤﺘﺎﺝ ﻭﺍﺭﻳﺪ ﺍﺻﺮﻑ ﻭﺧﻠﻴﺘﻠﻪ ﺷﺮﻁ ﺑﻌﺪ ﻣﻨﺎ ﻭﻫﻴﺞ ﻛﻞ ﻋﻤﻠﻴﻪ ﻳﺮﻭﺣﻮﻥ ﺑﻴﻬﻪ ﺍﻧﺎ ﻭﻳﺎﻫﻢ ﺑﻴﻬﻪ ﻭﺍﻟﻔﻠﻮﺱ ﺑﻨﺺ ﺑﻮﻛﺘﻪ ﺍﺑﻮ ﻣﺎﺟﺪ ﻋﺮﻑ ﺍﻧﺎ ﺍﻳﺴﺖ ﻣﻨﻬﻢ ﻭﺳﺘﺴﻠﻤﺖ ﻭﺍﻟﺴﻮﺍﻩ ﻭﻳﺎﻱ ﺟﺎﺏ ﻧﺘﻴﺠﻪ ﻭﻓﻌﻠﺘﻪ ﺳﻮﺗﻠﻲ ﺟﺮﻩ ﺍﺫﻥ ﺑﺴﺮﻋﻪ ﻭﺍﻓﻖ ﻭﺳﻠﻤﻨﻲ ﻋﺮﺑﻮﻥ ﺑﺬﺍﻙ ﺍﻟﺤﺴﺎﺏ ﻭﺍﻧﺎ ﺭﺍﺳﻦ ﺍﺧﺬﺗﻪ
ﻭﻃﻠﺒﺖ ﻣﻨﻪ ﺍﺭﻭﺡ ﺍﻷﻫﻠﻲ ﺍﺭﺗﺎﺡ ﻭﻣﻦ ﺍﺭﺟﻊ ﺍﺑﺎﺷﺮ ﻭﻳﺎﻫﻢ ﻧﻄﺎﻧﻲ ﻟﻤﻮﺍﻓﻘﻪ ﻭﻧﺰﻟﺖ ﻟﻠﺪﻳﺮﻩ ﻭﻗﺒﻞ ﻛﻠﺸﻲ ﺷﺘﺮﻳﺖ ﻋﺪﻩ ﺍﻟﺸﻐﻞ ﺍﻟﺮﺍﺡ ﺍﺑﺪﻱ ﻛﺎﻣﺮﻩ ﺻﻐﻴﺮ ﺍﺷﺪﻩ ﺑﻠﺴﻴﺎﺭﻩ ﻭﺟﻬﺎﺯ ﺯﻏﻴﺮ ﻳﺴﺠﻞ ﺃﺻﻮﺍﺕ ﺭﺍﺡ ﺍﻭﺛﻖ ﻛﻠﺸﻲ ﺑﻲ ﺣﺘﻰ ﻣﻦ ﻳﺠﻲ ﻳﻮﻡ ﺍﻻﻛﺸﻔﻬﻢ ﺭﺍﺡ ﺍﻛﺸﻔﻬﻢ ﺻﻮﺕ ﻭﺻﻮﺭﻩ
ﻛﻤﻠﺖ ﻛﻠﺸﻲ ﻭﺗﻮﺟﻬﺖ ﻟﻠﺒﻴﺖ ﻟﻜﻴﺖ ﺍﻟﺪﻧﻴﻪ ﻣﻜﻠﻮﺑﻪ ﻭﻋﺸﻴﺮﺕ ﺍﻟﺤﺠﻲ ﻣﻜﺎﻭﻣﻴﻨﻦ ﻋﺸﻴﺮﺗﻨﻪ ﺭﻏﻢ ﺍﻣﻲ ﺟﺎﻧﺖ ﻋﻞ ﺍﺗﺼﺎﻝ ﻭﻳﺎﻱ ﻭﺗﺒﻠﻐﻨﻲ ﺑﻜﻠﺸﻲ ﺑﺲ ﻣﺎﺗﻮﻗﻌﺖ ﺍﻷﻣﻮﺭ ﻭﺍﺻﻠﻪ ﻟﻬﺬﺍ ﺍﻟﺤﺪ ﻭﺑﻴﺖ ﺍﻟﺤﺠﻲ ﻣﻤﻜﺘﻔﻴﻦ ﺑﺲ ﺑﻠﺴﺠﻦ ﻻ ﺭﺍﻳﺪﻳﻦ ﻓﺼﻞ ﻭﻓﺼﻞ ﺟﺒﻴﺮ ﻳﻨﺪﻓﻊ ﺑﻲ ﻛﻞ ﺧﺴﺎﻳﺮ ﺍﻟﻤﻌﻤﻞ ﺍﻭﻝ ﺍﻟﻨﺎﺱ ﺗﺒﺮﻭ ﺧﻮﺍﻝ ﺍﻣﻴﺮ ﻛﺎﻟﻮ ﺍﺣﻨﺎ ﻣﺘﺒﺮﻳﻦ ﻣﻨﻪ ﻭﻛﻠﻨﺎ ﻓﺘﻬﻤﻨﻪ ﻋﻠﻤﻮﺩ ﺍﻟﻔﻠﻮﺱ ﻭﺻﻠﺖ ﺑﻴﻬﻢ ﺣﺘﻰ ﺑﻠﻜﻌﺪﻩ ﻣﺎﺣﻀﺮﻭ ﻋﻤﺎﻣﻲ ﻻﺣﻮﻻﻩ ﻭﻻ ﻗﻮﻩ ﻭﺑﺲ ﺣﺠﻲ ﻭﺣﻮﻳﺘﻢ ﻳﻠﻮﺏ
ﺍﻭﻝ ﻳﻮﻡ ﺍﻟﺮﺣﺖ ﺣﻀﺮﺕ ﺍﻟﻜﻌﺪﻩ ﻭﺷﻜﻠﻬﻢ ﻗﺎﻓﻠﻴﻦ ﻋﻞ ﺭﺃﻳﻬﻢ ﻭﻋﻤﺎﺩ ﻭﺍﻟﺤﺠﻲ ﻛﻞ ﻣﺎﺧﺘﻠﻮ ﺑﻴﻪ ﻛﺎﻟﻮ ﺍﻋﺬﺭﻧﻪ ﺑﺲ ﻫﺬﺍ ﺣﻜﻨﻪ ﻭﺍﻧﺎ ﺿﺎﻝ ﺑﻴﻦ ﺣﺎﻧﻪ ﻭﺑﻴﻦ ﻣﺎﻧﻪ ﺑﻴﻦ ﺍﻟﺤﻚ ﻭﺑﻴﻦ ﺍﻫﻠﻲ..بيج قصص عراقيه حقيقيه من واقعنا.روعه الطائي
ﻋﺸﻴﺮﺗﻴﻦ ﺩﺧﻠﺖ ﻟﻠﺼﻠﺢ ﻭﺍﻟﺘﻔﺎﻫﻢ ﻭﻫﻤﻪ ﻣﺼﺮﻳﻦ ﻟﻮ ﻓﻠﻮﺱ ﻟﻮﺑﻴﻨﻪ ﺩﻡ ﻭﺻﻠﺖ ﺑﻴﻪ ﺍﻟﺪﺭﺟﻪ ﻓﻜﺮﺕ ﺍﺧﺎﻑ ﺍﻧﺎ ﻭﺭﻃﺖ ﺍﻫﻠﻲ ﻭﻋﻤﻮﻣﺘﻲ ﺑﺲ ﺍﻟﺴﺎﻟﻔﻪ ﻣﺎﺗﻀﻞ ﻣﻴﺘﻪ ﻭﻻﺯﻡ ﻳﺠﻲ ﻳﻮﻡ ﻭﺗﻄﻠﻊ
ﺭﺿﺎ ﺍﻟﻮﺣﻴﺪ ﺍﻟﺠﺎﻥ ﻳﻤﺸﻲ ﺑﻠﻤﺤﺎﺣﻜﻢ ﻭﻳﺸﻮﻑ ﺍﻟﺪﻳﺼﻴﺮ ﺑﻠﻘﻀﻴﻪ ﻭﻳﻮﻡ ﻳﺠﺮ ﻳﻮﻡ ﻭﺍﻟﻌﺸﺎﻳﺮ ﻭﺻﻠﺖ ﺍﻟﺤﻞ ﻳﺪﻧﻔﻊ ﺍﻟﻔﺼﻞ ﺑﻜﻞ ﺍﻟﻄﺮﻕ ﺍﺣﺴﻦ ﻣﻦ ﺍﻟﺜﺎﺭ ﻭﺍﻟﺪﻡ ﻛﻌﺪﻧﻪ ﻭﺣﻄﻴﻨﻪ ﺍﻻﻛﻮ ﻭﺍﻟﻤﺎﻛﻮ ﻣﻦ ﺑﺴﺎﺗﻴﻦ ﺣﻮﻳﺘﻢ ﻭﺍﻣﻼﻛﻪ ﻭﺍﻟﺒﻴﺖ ﻭﺫﻫﺐ ﺟﻠﻴﻠﻪ ﻳﺎﺩﻭﺏ ﺳﺪﻥ ﻭﺑﻠﺶ ﻋﻤﻲ ﻛﺮﻳﻢ ﻳﺒﻴﻊ ﻭﻳﺼﻔﻲ ﻭﺣﻮﻳﺘﻢ ﻭﻛﻊ ﻋﻞ ﺻﻔﺤﻪ ﻭﺍﻟﻤﺮﺽ ﺩﻛﻪ ﻭﺻﺎﺭ ﻛﻞ ﻭﺍﺣﺪ ﺑﻴﻨﻪ ﻳﺮﻛﺾ ﺑﺠﻬﻪ ﺟﻠﻴﻠﻪ ﺩﻙ ﻭﺗﻠﻄﻢ ﻣﺪﺭﻱ ﻋﻞ ﺍﺑﻨﻪ ﻣﺪﺭﻱ ﻋﻞ ﺑﻴﺘﻪ ﻣﺪﺭﻱ ﻋﻠﻰ ﻓﻠﻮﺳﻬﻢ
ﻭﺟﺪﺗﻲ ﺗﻨﻮﺡ ﻭﺗﻨﻮﺩ ﻭﺗﺼﻴﺢ ﺣﻮﺑﻪ ﻣﻨﻰ ﻫﺎﻱ ﺣﺮﻛﺖ ﺍﻷﺧﻀﺮ ﻭﺍﻟﻴﺎﺑﺲ ﻭﺍﻣﻲ ﺍﻟﻤﺴﻜﻴﻨﻪ ﻧﺴﺖ ﺍﻟﻘﻀﺎ ﻭﺍﻟﻤﻀﻰ ﻭﺑﻜﻠﺒﻪ ﺍﻟﻄﻴﺐ ﺗﺮﻛﺾ ﻭﻳﺎﻫﻢ
ﻭﺍﻧﺎ ﺍﻭﻭﻭﻭﻑ ﻳﺎ ﺍﻧﺎ ﻣﻨﻴﻦ ﻣﺎﺻﺪ ﻣﺎﻋﻨﺪﻱ ﺣﺾ ﻻﺑﺎﺍﻫﻞ ﻭﻻﺑﺎﺍﺧﻮ ﻭﺍﺭﻳﺪ ﻳﺼﻴﺮﻟﻲ ﺣﺾ ﺑﻬﺎﺟﺮ ﻭﺣﺒﻪ ﺍﻟﻲ ﻣﻦ ﻓﺎﺭﻛﺘﻪ ﻟﻠﻴﻮﻡ ﺍﻟﻴﻞ ﻫﻮﻩ ﻋﺬﺍﺑﻲ ﻭﻫﻮﻩ ﺍﻟﺪﻳﺮﻩ ﻛﻠﻪ ﻣﺎ ﻳﺮﺩ ﺭﻭﺣﻲ ﻟﺨﺬﺗﻪ ﻭﻳﺎﻩ ﺍﻟﻴﻞ ﺍﺧﻠﺼﻪ ﺑﻠﻀﻴﻢ ﻭﻟﻮﻋﻪ ﻓﺮﺍﻛﻪ ﺗﺤﺮﻙ ﺑﺮﻭﺣﻲ ﺑﺲ ﺩﻳﺲ ﻋﻠﻴﻪ ﺭﺟﻌﺖ ﺿﺮﺍﺭ ﻣﺎﻝ ﺍﻭﻝ ﺍﻟﻴﻜﻌﺪ ﻭﺭﺍﻩ ﺍﻟﺒﻴﺖ ﻭﻳﻀﻞ ﻳﺪﺧﻦ ﻭﻳﺤﺮﻙ ﺑﺮﻭﺣﻪ ﺑﺲ ﻻﺧﺘﻼﻑ ﻛﺒﻞ ﻳﻔﻜﺮ ﺷﻠﻮﻥ ﻳﺸﺘﻐﻞ ﻭﻳﻜﺪ ﻭﻳﺘﻌﺐ ﻭﻳﺘﺠﻔﻪ ﺷﺮ ﺣﻮﻳﺘﻢ ﻭﺍﻣﻴﺮ ﻭﻫﺴﻪ ﻳﻔﻜﺮ ﺷﻠﻮﻥ ﺭﺍﺡ ﻳﻌﻴﺶ ﺑﺪﻭﻥ ﻣﺤﺒﻮﺑﺘﻪ ﺷﻬﺮ ﻣﺮ ﻋﻠﻴﻪ ﺩﻫﺮ ﺑﻴﻦ ﺍﻟﻤﺸﺎﻛﻞ ﻭﺟﻊ ﻛﻠﺒﻲ
ﻭﺍﻟﻴﻮﻡ ﻭﻣﺜﻞ ﻛﻞ ﻳﻮﻡ ﻛﺎﻋﺪ ﻭﺭﺍﻩ ﺍﻟﺒﻴﺖ ﻭﺍﺩﺧﻦ ﻭﺳﻤﻊ ﺻﻮﺕ ﺧﻮﺍﺗﻲ ﻳﺘﺒﺎﺟﻦ ﻭﺍﻣﻲ ﺗﺼﻴﺢ ﻳﻤﻤﻤﻤﻪ ﺿﺮﺍﺭ ﺍﻟﺤﻚ ﺍﺑﻮﻙ ﻭﺟﺪﺗﻲ ﺗﺼﻴﺢ ﺣﻮﻳﺘﻢ ﻣﻮ ﺍﻧﺎ ﻟﺪﻓﻨﻚ ﺧﺎﻳﺐ ﻛﻮﻡ ﻛﻮﻡ ﺍﻧﺖ ﺍﻟﺘﺪﻓﻨﻲ ﺭﻛﻀﺖ ﻭﺟﻠﻴﻠﻪ ﺗﻠﻄﻢ ﺑﻠﺒﺎﺏ ﻭﺍﺑﻮﻱ ﺑﺤﻀﻦ ﺍﻣﻲ ﻭﺧﻮﺍﺗﻲ ﻳﻔﺮﻛﻦ ﺑﺼﺪﺭﻩ
ﻭﻫﻮﻩ ﻻ ﺍﻳﺪ
ﻭﻻ ﺭﺟﻞ
.
.
.
.
.
.
.
.
ﻳﺘﺒﺒﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤