هبت ريح

بارت41

#هبة__ريح

بقلم رفل الكناني

#بارت٤١

ﺭﻭﺣﻲ ﺳﺎﺣﺖ ﺑﻴﻦ ﺍﺩﻳﻪ ﻫﻤﺴﺖ
ﺣﺒﻲ ﻛﺎﻓﻲ
ﺍﻱ ﺍﻱ ﻭﺍﻟﻠﻪ ﻛﺎﻓﻲ ﺑﺲ ﻣﺠﺎﻱ ﺍﻛﺪﺭ ﺍﺑﺘﻌﺪ
ﻣﻤﻤﻢ
ﺍﺷﺸﺸﺲ ﺻﻮﺗﺞ
ﻟﻌﺪ ﻭﺧﺮ
ﺑﺪﺍﻋﺘﻲ ﺳﻜﺘﻲ
ﺿﺮﺍﺭ ﻓﻘﺪ ﻭﻟﻤﺴﺎﺗﻪ ﺻﺎﺭ ﺃﻛﺜﺮ ﺟﺮﺍﺀ ﻛﻠﺒﻲ ﺍﺣﺴﻪ ﺭﺍﺡ ﻳﻮﻛﻒ ﻭﺍﻧﻔﺎﺳﻪ ﺍﻟﻤﺘﺴﺎﺭﻋﻪ ﺗﺮﺑﻜﻨﻲ ﻭﺟﻬﻪ ﻣﻦ ﻳﻤﺸﻲ ﻋﻠﻰ ﻭﺟﻬﻪ ﺟﺴﻤﻲ ﻛﻠﻪ ﻳﺘﺨﺮﺩﻝ ﺷﻜﺪ ﻓﺎﺻﻞ ﺑﺲ ﻭﺍﻋﻲ ﺑﺤﻴﺚ ﺍﻭﻝ ﻣﻨﺪﻛﺖ ﺍﻟﺒﺎﺏ ﻧﻬﺾ ﻣﻨﻲ ﺑﺴﺮﻋﻪ ﻳﻌﺪﻝ ﺑﺮﻭﺣﻪ ﺍﺣﺴﻪ ﺍﻗﻮﻩ ﻣﻨﻲ ﺍﻧﻲ ﺣﺘﻰ ﻛﻮﻣﻪ ﻣﺎﻛﺪﺭ ﺍﻛﻮﻡ ﺟﻨﻲ ﻣﺠﻌﻮﺻﻪ ﻭﺍﻧﻲ ﺟﻮﻩ ﺑﺘﺴﻤﻠﻲ ﺑﺘﻌﺐ
ﺣﺒﻴﺒﺘﻲ ﻛﻮﻣﻲ
ﻫﺎﺍ ﺍﻱ
ﺷﺒﻴﺞ ﺑﻮﻳﻪ ﻻﺳﻮﻳﻦ ﻫﻴﺞ ﺍﺭﺟﻌﻠﺞ ﻭﺍﻟﻠﻪ ﺗﺮﻩ
ﻻ ﻛﺎﻳﻤﻪ
ﺣﺠﻴﺘﻪ ﻭﺍﻧﻲ ﺍﻟﻢ ﺷﻌﺮﻱ ﻭﺍﺻﻌﺪ ﺑﺘﺸﻴﺮﺗﻲ ﺷﻌﺮﻱ ﻣﺤﻠﻮﻝ ﻭﻛﻮﺗﻲ ﺑﻠﻜﺎﻉ ﻋﻴﻮﻧﻪ ﻣﺘﺮﻛﺰﻩ ﻋﻠﻴﻪ ﺑﺎﻭﻋﺖ ﻋﻠﻰ ﻣﻜﺎﻥ ﻧﻀﺮﻫﻦ ﻋﺰﺯﺯﻩ ﻃﺒﻌﻪ ﺑﻴﻦ ﺻﺪﺭﻱ ﻭﺭﻛﺒﺘﻲ ﺭﻓﻌﺖ ﺭﺍﺳﻲ ﻋﻠﻴﻪ ﻓﺘﻬﻢ
ﻋﺬﺭﻳﺘﻲ ﻣﺎﺩﺭﻱ ﺑﺮﻭﺣﻲ
ﺿﺮﺍﺭ ﻭﺍﻟﻠﻪ ﻋﻴﺐ ﻛﻠﺶ ﻣﺒﻴﻨﻪ
ﺩﺑﺮﻱ ﺭﻭﺡ ﻏﻄﻴﻪ ﺧﺎﻳﺒﻪ ﺗﺤﻤﻠﻲ ﺭﺟﻠﺞ ﻣﺴﻮﺩﻥ
ﺑﺘﺴﻤﺖ
ﻫﺎ ﺗﻀﺤﻜﻴﻦ
ﺣﻠﻮﻩ ﺭﺟﻠﺞ ﻋﺠﺒﺘﻨﻲ
ﺍﻧﺎ ﺭﺟﻠﺞ ﻭﺍﻧﺎ ﺍﺑﻮﺝ ﻭﺍﻧﺎ ﻛﻠﺸﻲ
ﺣﺠﺎﻩ ﻭﻛﻌﺪ ﻛﺒﺎﻟﻲ ﺷﺒﻜﺖ ﺭﻛﺒﺘﻪ ﺑﺜﻨﻴﻦ ﺍﺩﻳﻪ ﺭﺍﺳﻲ ﻋﻠﻰ ﺭﺍﺳﻪ ﻟﺰﻡ ﺧﺼﺮﻱ ﺑﻴﺪﻩ ﺗﻨﻔﺴﺖ ﺗﻨﻬﺪﺕ ﺑﺮﺍﺣﻪ ﻣﺸﻰ ﺷﻮﺭﺍﺑﻪ ﻋﻠﻰ ﺷﻔﺘﻲ ﻛﻨﻤﺎ ﻳﺤﺠﻲ ﺑﺤﻠﻜﻲ
ﺷﻨﻲ ﻫﺎﻱ ﺍﻟﺤﺼﺮﻩ ﻳﺒﺖ ﻛﻠﺒﻲ
ﻣﻤﻢ ﻣﺎ ﻋﺸﺖ ﺑﻮﺟﻮﺩ ﺍﺑﻮﻳﻪ ﻭﻻﻟﺤﻜﺖ ﺍﺷﺒﻊ ﻣﻦ ﺣﻨﺎﻧﻪ ﻫﺴﻪ ﻣﻦ ﻛﺘﻠﻲ ﺍﻧﻲ ﺍﺑﻮﺝ ﻟﻔﺤﺘﻨﻲ ﺭﻳﺤﻪ ﻣﺤﻨﻪ
ﻭﺍﻧﺎ ﺻﺎﺩﻙ ﺍﻧﺎ ﻣﻮﺑﺲ ﺍﺑﻮﺝ ﺷﺘﺮﺩﻳﻦ ﺍﺻﻴﺮﻟﺞ
ﺑﺴﺘﻪ ﺑﺸﻔﺘﻪ ﺧﻔﻴﻒ ﻋﺼﺮﻧﻲ ﻋﻠﻴﻪ ﻗﻮﻱ ﻭﻧﻴﻦ ﺑﺘﻌﺪ ﻳﺘﻔﺲ ﺳﺮﻳﻊ ﻛﺎﻝ
ﻛﻮﻣﻲ ﺑﻮﻳﻪ ﻛﻮﻣﻲ ﺗﺮﻩ ﻣﺎﻛﺪﺭ ﺍﻛﺾ ﺭﻭﺣﻲ ﺍﺯﻭﺩ ﻣﻦ ﻫﻴﺞ
ﺑﺘﻌﺪﻧﻪ ﻭﻛﻒ ﻳﻢ ﺍﻟﺒﺎﺏ ﻭﺍﻧﻲ ﻟﻤﻴﺖ ﺷﻌﺮﻱ ﻟﺒﺴﺖ ﻛﻮﺗﻲ ﺭﺗﺒﺖ ﺍﻟﺴﺮﻳﺮ ﺍﻟﺠﺎﻥ ﻣﻌﻔﻮﺱ ﺑﺎﻭﻋﺖ ﺁﺧﺮ ﻧﻀﺮﻩ ﻋﻞ ﻣﺮﺍﻳﻪ ﺷﻔﺘﻲ ﻣﺘﻔﻄﺮﻩ ﻣﻦ ﺍﻟﻄﺮﻑ ﺭﺩﺕ ﺍﺣﺠﻲ ﺟﺮﻧﻲ ﺣﻴﻞ ﺻﺮﺕ ﺷﺒﻪ ﺑﺤﻀﻨﻪ ﻗﺒﻠﻲ ﻛﺎﻝ
ﻫﺎﻱ ﺳﻮﺍﻟﻒ ﺣﻤﺮﺗﺞ ﻣﻨﺎ ﻭﺟﺎﻱ ﻟﻮﺭﺗﻲ ﺗﺴﻠﻤﻴﻦ ﻋﻠﻰ ﺭﻭﺣﺞ ﻻﺗﺨﻠﻴﻦ ﺣﻤﺮﻩ
ﻫﻬﻬﻪ ﻟﻴﺶ
ﻋﺒﻦ ﻛﻠﺒﻲ ﺭﻫﻴﻒ ﻣﺎﻳﺘﺤﻤﻞ ﻫﻞ ﺷﻔﺎﻳﻒ ﺍﻟﺘﺮﻓﻪ
ﻣﻢ ﺍﻭﻙ ﻋﺮﻓﺖ ﻧﻘﻄﻪ ﺿﻌﻔﻚ
ﺟﺎ ﻋﻤﻴﺘﻲ ﻋﻞ ﺭﻭﺣﺞ
ﻳﻠﻪ ﻧﻄﻠﻊ ﻋﻴﺐ ﻣﻨﻬﻢ
ﻃﻠﻌﻲ ﻭﺍﻧﺎ ﺷﻮﻳﻪ ﻭﺍﻃﻠﻊ
ﻣﺎ . ﻣﺎ
ﻻﺗﻌﺎﻧﺪﻳﻦ
ﺑﺎﻭﻋﺖ ﻋﻠﻴﻪ ﺑﺴﺘﻔﻬﺎﻡ ﺩﺍﺭﻧﻲ ﻟﻠﺒﺎﺏ ﻭﻓﺘﺤﻪ ﻣﺜﻞ ﺍﻟﻤﻴﺮﺩﻧﻲ ﺍﺷﻮﻑ ﺷﺒﻲ ﺿﺤﻜﺖ ﻭﻃﻠﻌﺖ
ﺍﺳﻴﻞ ﻭﺍﻣﻲ ﺑﻠﻤﻄﺒﺦ ﻭﺧﺎﻟﻪ ﺭﺟﺎﺀ ﻋﻞ ﻣﻐﺴﻠﻪ ﺗﻤﺴﺢ ﺑﻌﺒﺎﺗﻪ ﺟﻨﻪ ﻣﺪﻣﺮﻩ ﺷﻲ ﺍﻣﻲ ﺩﻛﻠﻪ ﻏﺴﻠﻴﻪ ﺍﺣﺴﻦ ﻭﻫﻴﻪ ﺗﺮﺩﻩ
ﻻﻣﻴﺤﺘﺎﺝ ﺭﺍﺷﻚ ﻧﻀﻔﺘﻪ ﺧﺎﻑ ﺍﻏﺴﻠﻪ ﻭﻣﺎﺗﺒﺲ
ﺍﺩﺭﻱ ﻣﻨﻴﻦ ﺍﺟﺎﺝ ﺍﺣﻨﺎ ﻣﺎﻣﺸﻴﻨﻨﻪ
ﻳﺎﺍﺍ ﻣﻮﺟﻨﺖ ﺍﻭﺯﻉ ﺟﻜﻠﻴﺖ ﺍﺑﻮ ﺩﺭﺍﺟﻪ ﻓﺎﺕ ﻃﺎﻳﺮ ﻭﺧﻠﻪ ﺍﻟﻤﺮﺍﺷﻚ ﻭﺭﺍﻩ
ﻛﺘﻠﻪ ﺍﻧﻲ
ﺧﺎﻟﻪ ﻧﻄﻴﻨﻲ ﺍﻧﻲ ﺍﺳﻮﻳﻠﺠﻴﺎﻩ
ﻻ ﻳﺒﻌﺪ ﺧﺎﻟﺘﺞ ﻭﺍﻟﻠﻪ ﻣﺎﺗﺒﺲ
ﺧﺎﻟﻪ ﺍﺟﻔﻔﻬﻪ ﺑﺲ ﻧﻄﻴﻨﻲ
ﺍﺧﺬﺗﻪ ﻭﺭﺣﺖ ﻟﻠﺤﻤﺎﻡ ﺻﺎﺭ ﺑﻮﺟﻬﻲ ﺿﺮﺍﺭ ﻃﺎﻟﻊ ﺭﺍﻓﻊ ﺭﺩﺍﻧﻪ ﻭﻳﻤﺴﺢ ﺍﻟﻤﻲ ﻣﻦ ﻟﻠﺤﻴﺘﻪ ﺻﺮﺕ ﻋﻞ ﺻﻔﺤﻪ ﺟﺘﺎﺯﻧﻲ ﻭﻫﻮﻩ ﻳﺒﺎﻭﻋﻠﻲ ﻧﻀﺮﺍﺕ ﻭﻛﺤﻪ ﺧﺠﻠﻨﻲ ﻓﺘﺖ ﺭﻛﺾ ﻟﻠﺤﻤﺎﻡ ﺳﺪﻳﺖ ﺍﻟﺒﺎﺏ ﺧﺮﺏ ﻧﻀﺮﻩ ﻭﺣﺪﻩ ﻣﻨﻪ ﺗﻜﻠﺐ ﻛﻴﺎﻧﻲ ﻭﻛﻞ ﻟﺤﻀﻪ ﺍﺷﻮﻓﻪ ﺑﻴﻬﻪ ﻋﺒﺎﻟﻚ ﺗﻮﻧﻲ ﺷﺎﻳﻔﺘﻪ ﺭﺑﻲ ﻻ ﺗﺤﺮﻣﻨﻲ ﻣﻨﺎ ﻭﻛﻤﻞ ﻓﺮﺣﻪ ﺍﻟﻴﻮﻡ ﻋﻠﻰ ﺧﻴﺮ
ﻏﺴﻠﺖ ﺍﻟﻌﺒﺎﻳﻪ ﻭﺟﻔﻔﺘﻪ ﻃﻠﻌﺖ ﺷﺮﻳﺘﻪ ﻋﻞ ﺷﻤﺲ ﻣﺎﻣﺎ ﺍﺻﺮﺕ ﻳﺘﻐﺪﻭﻥ ﺑﻘﻴﺖ ﺑﻠﻤﻄﺒﺦ ﺑﻌﺪ ﻣﺪﺧﻠﺖ ﻟﻠﺼﺎﻟﻪ ﻟﺤﺪ ﻣﺼﺎﺭ ﺍﻟﻐﺪﺍ ﻧﺠﻤﻌﻨﻪ ﻛﻠﻨﻪ ﺗﻐﺪﻳﻨﻪ ﺍﻟﺮﺍﺣﻪ ﺟﺎﻧﺖ ﻏﺎﻣﺮﺗﻨﻲ ﻭﺍﻧﻲ ﺑﺼﻔﻪ ﻭﺍﻟﺪﻧﻴﻪ ﻛﻠﻪ ﻣﺴﺎﻳﻌﺘﻨﻲ ﺍﻛﻠﻨﻪ ﺑﻬﺪﻭﺍ ﻭﺑﻌﺪﻩ ﺷﻠﻨﻪ ﺍﻻﻛﻞ ﻭﺍﺟﻪ ﺍﻟﺠﺎﻱ ﻛﻞ ﻫﺬﺍ ﻭﺿﺮﺍﺭ ﻳﺒﺎﻭﻋﻠﻲ ﻣﻦ ﺟﻮﻩ ﻟﻴﺠﻮﻩ ﺑﻌﺪﻩ ﻧﻔﺲ ﺗﺼﺮﺍﻓﺎﺗﻪ ﻛﺪﺍﻡ ﺍﻫﻠﻲ ﻭﻣﺤﺎﻓﺾ ﻋﻠﻰ ﺭﺯﺍﻧﺘﻪ ﺷﻜﺪ ﻣﺎﺛﻜﻴﻞ ﺍﻛﻮﻝ ﺍﻧﻲ ﺷﺒﻴﻪ ﻣﻔﻀﻮﺣﻪ ﻭﺑﺲ ﻣﺴﻠﻬﻤﻪ ﻋﻠﻴﻪ ﻟﻴﺶ ﻣﻦ ﺍﺷﻮﻓﻪ ﻣﺎﻛﺪﺭ ﺍﺑﻌﺪ ﻋﻴﻮﻧﻲ ﻣﻨﺎ ﻟﻴﺶ ﻫﻮﻩ ﻳﺼﻴﻄﺮ ﺃﻛﺜﺮ ﻣﻨﻲ ﻳﺸﺮﺏ ﺑﻠﺠﺎﻱ ﻣﺪﻧﻚ ﻭﻋﻴﻨﻪ ﺑﻠﻔﻮﻥ ﻭﺍﻧﻲ ﺍﺳﻴﻞ ﺍﺩﻕ ﺑﻴﻪ ﺻﺪﻳﺖ ﻋﻠﻴﻪ
ﺷﻜﻮ
ﺍﻧﺎ ﻟﻮ ﺍﻧﺘﻲ ﺍﺩﺭﻱ ﺷﺒﻴﺞ ﺿﺮﺍﺭ ﻟﻮﺣﻪ ﻛﺪﺍﻣﺞ ﻭﺻﺎﻓﻨﻪ ﻋﻠﻴﻪ
ﻭﺝ ﻏﻴﺮ ﻟﻮﺍﻛﺪﺭ ﺍﻣﻨﻊ ﻋﻴﻮﻧﻲ
ﺩﺛﻜﻠﻲ ﺷﻮﻓﻲ ﺧﺎﻟﻪ ﺷﻠﻮﻥ ﺗﺒﺎﻭﻋﻠﺞ
ﻋﺰﻩ ﺑﺲ ﻻﺟﺎﻧﺖ ﺗﺒﺎﻭﻉ ﻋﻠﻴﻪ
ﺍﻱ ﻋﻴﻨﻲ ﻟﻌﺪ ﺷﻌﺒﺎﻟﺞ ﻭﺭﺍﺡ ﺗﺸﺘﻐﻠﺞ ﻣﻨﺎ ﻭﻫﻴﺞ ﺳﻮﺍﻟﻒ ﺍﻟﻌﻤﻪ ﻭﺍﻟﺠﻨﻪ ﻭﻣﻨﺎ ﻫﻮﻩ ﻭﺣﻴﺪﻩ ﺳﺘﻠﻤﻠﻲ
ﻻﺧﺎﻟﻪ ﺭﺟﺎﺀ ﺣﺒﺎﺑﻪ ﺍﺳﻜﺘﻲ ﻋﺎﺩ
ﺍﺣﺠﻲ ﻭﺑﺎﻭﻉ ﻋﻠﻴﻪ ﺗﺎﻟﻲ ﻛﺎﻟﺖ
ﻳﻤﻪ ﻣﺎ ﺗﺸﻮﻓﻴﻦ ﻋﺒﺎﺗﻲ ﻳﺒﺴﺖ
ﻛﻤﺖ ﻛﺘﻠﻪ
ﺍﻱ ﺧﺎﻟﻪ ﺍﻛﻴﺪ ﻳﺒﺴﺖ ﻫﺴﻪ ﺍﺟﻴﺒﻪ
ﺿﺮﺍﺭ ﻧﻬﺾ ﻳﻌﺪﻝ ﺑﻨﻄﺮﻭﻧﻪ ﺷﺎﻝ ﺍﻟﺴﻮﻳﺞ ﻭﺍﻟﺠﻜﺎﻳﺮ ﺩﻳﻄﻠﻊ ﺟﻜﺎﺭﻩ ﻭﻛﻌﺖ ﺍﻟﺠﺪﺍﺣﻪ ﺩﻧﻚ ﺃﻛﺜﺮ ﺑﻴﻦ ﺍﻟﻤﺴﺪﺱ ﺗﻼﺷﺖ ﻣﻼﻣﺤﻲ ﺍﻟﻤﺒﺴﺘﻤﻪ ﺟﻤﺪﺕ ﻃﻠﻌﺖ ﻟﻠﻄﺮﻣﻪ ﺍﺟﻪ ﻭﺭﺍﻳﻪ ﺷﻠﺖ ﺍﻟﻌﺒﺎﻳﻪ ﺻﺎﺭ ﻛﺒﺎﻟﻲ ﺩﻧﻜﺖ ﺻﺮﺕ ﻋﻞ ﺻﻔﺤﻪ ﺻﺎﺭ ﻭﻳﺎﻱ ﺍﺟﻴﺖ ﻣﻨﺎ ﺍﺟﻪ ﻣﻨﺎ ﺻﺎﺭﺕ ﻋﻴﻨﻲ ﺑﻌﻴﻨﻪ ﻗﺮﺍﻩ ﺗﻐﻴﺮﺕ ﻧﻀﺮﺍﺕ ﺍﻟﻤﺪﺍﻫﺮ ﺇﻟﻰ ﺗﺴﺌﺎﻝ
ﺷﺒﻴﺞ ﺑﻮﻳﻪ
ﻫﺰﻳﺖ ﺭﺍﺳﻲ ﻣﺎﺑﻴﻪ ﺷﻲ
ﺭﻓﻊ ﻭﺟﻬﻲ ﺑﻄﺮﻑ ﺍﺻﺒﻌﻪ ﺑﺮﻃﻤﺖ ﻓﺘﺢ ﻋﻴﻮﻧﻪ ﻋﻜﺪ ﺣﺎﺟﺒﻪ ﺷﻤﺮ ﺍﻟﺠﻜﺎﺭﻩ ﺩﺍﺳﻪ ﺑﺮﺟﻠﻪ ﻟﺰﻣﻨﻲ ﻣﻦ ﻣﻌﺼﻢ ﺍﻳﺪﻱ ﻟﻠﺤﺪﻳﻘﻪ ﻛﻠﺸﻲ ﺑﻴﻪ ﻣﺘﺮﻭﺱ ﺧﻮﻑ ﻣﻦ ﻣﻨﻀﺮ ﺍﻟﻤﺴﺪﺱ ﻭﻓﻜﺮﺕ ﺷﻐﻠﻪ ﻛﺎﻝ
ﺷﺒﻴﻬﻪ ﺍﻟﻌﻴﻮﻥ ﺍﻟﺤﻠﻮﻩ ﺫﺑﻠﺖ ﻋﻠﻰ ﻏﻔﻠﻪ
ﺿﺮﺍﺭ ﺧﺎﻳﻔﻪ ﻋﻠﻴﻚ ﻭﺧﺎﻳﻔﻪ ﻓﺮﺣﺘﻨﻪ ﻣﺪﻭﻡ
ﻭﺷﺠﺎﺏ ﻫﻞ ﻃﺎﺭﻱ ﻋﻞ ﺑﺎﻟﺞ ﻣﻮﺣﺠﻴﻨﻪ ﺑﻬﻞ ﺳﺎﻟﻔﻪ ﻭﻧﺘﻬﺖ
ﻣﺎﺩﺭﻱ ﻣﻦ ﺩﻧﻜﺖ ﻋﻞ ﺟﺪﺍﺣﻪ ﺷﻔﺖ ﺍﻟﻤﺴﺪﺱ ﻛﻠﺒﻲ ﻭﺟﻌﻨﻲ
ﺳﻼﻣﺖ ﻛﻠﺒﺞ ﻻﺗﺨﻠﻴﻦ ﺑﺎﻟﺞ ﻫﻴﺞ ﻣﻮﺿﻮﻉ ﻭﺍﻟﺴﻼﺡ ﺻﺎﺭﺕ ﺷﻐﻠﻪ ﻋﺎﺩﻱ ﺍﺫﺍ ﻣﻮﻟﻠﺸﻐﻞ ﻭﺍﺣﺪ ﻳﺤﻤﻲ ﻧﻔﺴﻪ ﺑﻲ ﺑﻬﻞ ﻭﻛﺖ ﻣﻮﺗﺪﺭﻳﻦ ﺍﻟﺪﻧﻴﻪ ﻣﻮﺍﻣﺎﻥ
ﺿﺮﺍﺭ ﻣﺘﻘﻨﻌﻲ ﻭﻻ ﺍﺭﻳﺪ ﺑﻬﻴﺞ ﻳﻮﻡ ﻳﺼﻴﺮ ﺑﺨﺎﻃﺮﻙ ﻣﻨﻲ ﺑﺲ ﺍﻟﻲ ﺍﻃﻠﺒﻪ ﻣﻨﻚ ﺩﻳﺮ ﺑﺎﻟﻚ ﻋﻠﻰ ﻧﻔﺴﻲ
ﺑﺘﺴﻢ ﺑﺨﻔﻪ ﺍﻛﺪﺕ ﻋﻠﻰ ﻛﻼﻣﻲ
ﺍﻱ ﺍﻱ ﺩﻳﺮ ﺑﺎﻟﻚ ﻋﻠﻰ ﻧﻔﺴﻲ ﻻﻥ ﺍﻧﺘﻲ ﺻﺮﺕ ﻧﻔﺴﻲ ﻭﻛﻠﺸﻲ ﺑﺤﻴﺎﺗﻲ
ﻟﺰﻡ ﺭﺍﺳﻲ ﺑﻴﻦ ﺍﺩﻳﻪ ﺑﺎﺱ ﻛﺼﺘﻲ ﻗﻮﻱ ﺧﻨﻜﺘﻨﻲ ﺍﻟﻌﺒﺮﻩ ﺑﺘﻌﺪ ﺍﻛﻠﻪ
ﺧﻞ ﺍﻭﺩﻱ ﺍﻟﻌﺒﺎﻳﻪ ﺍﻟﺨﺎﻟﻪ
ﻋﻔﺘﻪ ﻭﺩﺧﻠﺖ ﻟﻜﻴﺘﻬﻦ ﺑﺎﻟﺒﺎﺏ ﺩﻳﺘﺴﺎﻟﻤﻦ ﻃﻠﻌﻨﻪ ﻟﻠﻄﺮﻣﻪ ﻫﻮﻩ ﺑﺮﻩ ﻣﺸﻐﻞ ﺍﻟﺴﻴﺎﺭﻩ ﻃﻠﻌﺖ ﺍﻣﻲ ﻭﺭﺍﻫﻢ ﺻﺮﺕ ﻭﺭﺍﻩ ﺍﻟﺒﺎﺏ ﺳﻠﻤﻮ ﻭﺭﺍﻭﺣﻮ ﻫﺪﻳﺖ ﻧﻔﺴﻲ ﺍﺣﺎﻭﻝ ﺃﻧﺴﻰ ﺍﻟﺸﻔﺘﻪ ﺍﺧﺬﺕ ﻣﻼﺑﺴﻲ ﻭﺭﺣﺖ ﻟﻠﺤﻤﺎﻡ ﺳﺒﺤﺖ ﻭﺗﻮﺟﻬﺖ ﻟﻠﻤﺤﻞ ﻟﺘﻬﻴﺖ ﺍﺷﺘﻐﻞ ﺍﻃﺒﻊ ﻭﺍﺳﺘﻨﺴﺦ ﻟﻠﺴﺎﻋﻪ ٦ﻭﻧﺺ ﺧﺎﺑﺮﺗﻪ ﻭﺍﺻﻠﻴﻦ ﻛﻠﻲ
ﻭﻳﻦ ﺍﻧﺘﻲ
ﺑﻠﻤﺤﻞ
ﻋﺰﻟﻲ ﺑﻮﻳﻪ ﺍﻟﻮﻛﺖ ﺗﺄﺧﺮ
ﺷﺘﺎﺧﺮ ﺿﺮﺍﺭ ﺑﻠﺴﺒﻌﻪ ﺑﻌﺪ ﻣﺼﺎﻳﺮﻩ
ﺧﺎﻳﺒﻪ ﺍﻟﺪﻧﻴﻪ ﺿﻠﻤﻪ ﺷﻠﻮﻥ ﺭﺍﺡ ﺗﺮﺟﻌﻴﻦ
ﺷﻜﻮ ﻋﻠﻴﻪ ﻗﺎﺑﻞ ﺍﻭﻝ ﻣﺮﻩ ﺍﻧﻲ ﻳﻮﻣﻴﻪ ﺍﺭﻭﺡ ﻭﺍﺭﺟﻊ
ﺟﺮ ﺣﺴﺮﻩ ﻗﻮﻳﻪ
ﺿﺮﺍﺭ ﺷﺒﻴﻚ
ﻣﺎﺩﺭﻱ ﺳﺎﻟﻔﻪ ﺷﻐﻠﺞ ﺍﻧﺎ ﻣﺎﺑﺎﻟﻌﻪ ﻭﻟﻮﺣﺠﻴﺖ ﻫﺴﻪ ﺩﻛﻮﻟﻴﻦ ﺣﺒﻴﺘﻨﻲ ﻭﺍﻧﻲ ﻫﻴﺞ
ﻗﺎﺑﻞ ﺟﺬﺏ
ﻻﺑﻮﻳﻪ ﺻﺪﻙ ﺻﺪﻙ ﻳﺎﻟﻪ ﻋﺰﻟﻲ ﻭﺭﺩﻱ ﻟﻠﺒﻴﺖ ﺍﻟﻨﻪ ﻛﻼﻡ ﺑﻬﻞ ﻣﻮﺿﻮﻉ ﺑﻐﻴﺮ ﻳﻮﻡ
ﺳﺪﻳﺘﻪ ﻭﻋﺰﻟﺖ ﺍﻋﺮﻑ ﺿﺮﺍﺭ ﻫﻞ ﻓﺘﺮﻩ ﺑﺪﺃ ﻳﻀﻐﻂ ﻋﻠﻴﻪ ﻋﻠﻤﻮﺩ ﺍﻟﺸﻐﻞ ﻭﻫﻮﺍﻱ ﺩﻳﺤﺠﻲ ﺑﻲ ﺭﺍﺡ ﺍﺣﺎﻭﻝ ﺍﺳﺎﻳﺮﻩ ﻭﻭﺍﺧﻠﻲ ﻳﺼﺮﻑ ﻧﻀﺮ ﻋﻦ ﻫﺬﺍ ﺍﻟﻤﻮﺿﻮﻉ ﺭﺟﻌﺖ ﻟﻠﺒﻴﺖ ﻭﻣﺮﺕ ﺍﻷﻳﺎﻡ ﻣﺘﺸﺎﺑﻬﻪ ﺍﻧﻲ ﻭﺿﺮﺍﺭ ﻗﻮﺕ ﻋﻼﻗﺘﻪ ﺃﻛﺜﺮ ﻭﺷﻐﻠﻪ ﺻﺎﺭ ﺷﻐﻠﻲ ﺍﻟﺸﺎﻏﻞ ﺭﻏﻢ ﻣﻴﺤﺠﻲ ﺑﻲ ﻫﻮﺍﻱ ﺑﺲ ﺍﻧﻲ ﻣﺮﺍﺕ ﺍﻟﺢ ﻋﻠﻴﻪ ﻳﻜﻠﻲ ﺍﻧﻲ ﻭﺳﺮﺍﺝ ﻣﺴﻮﻳﻦ ﺧﻄﻪ ﺳﺄﻟﺘﻪ
ﻭﺻﺎﺣﺒﻚ ﺍﻟﻜﻠﺖ ﻋﻠﻴﻪ ﻣﺴﻮﻱ ﺧﻄﻪ ﻋﻠﻴﻬﻢ
ﺳﻜﺖ
ﻣﻢ ﻳﻌﻨﻲ ﻫﺬﺍ ﺍﻧﺖ
ﻣﺠﺎﻭﺏ
ﺍﻭﻙ ﻓﻬﻤﺖ ﻋﻠﻴﻚ ﺍﻫﻢ ﺷﻲ ﺩﻳﺮﺑﺎﻟﻚ ﻋﻠﻰ ﻧﻔﺴﻚ
ﺭﺑﺞ ﺍﻟﺤﺎﻓﺾ
ﻭﻧﻌﻢ ﺑﺎﻟﻠﻪ
ﻣﻦ ﺍﻭﻝ ﺳﺒﻮﻉ ﺧﻄﺒﻨﻪ ﻭﻫﺎﻱ ﺭﺍﺡ ﻳﺼﻴﺮ٢٥ﻳﻮﻡ ﻳﻮﻣﻴﻪ ﺗﺠﻴﻨﻲ ﺃﺷﻜﺎﻝ ﺍﻟﺮﺳﺌﻞ ﻋﻞ ﺷﺮﻳﺤﻪ ﻣﻦ ﺭﻗﻢ ﻣﺎﻋﺮﻓﻪ ﻛﻠﻪ ﺣﺠﻲ ﻭﻏﻠﻂ ﻋﻠﻴﻪ ﺑﻘﻴﺖ ﺍﻣﺴﺢ ﻭﻣﺎﺭﺩ ﻭﺗﺠﺎﻫﻞ ﺣﺘﻰ ﻣﺎﻛﻠﺖ ﺍﻷﺣﺪ ﻻﻥ ﺍﻟﺮﺳﺎﻳﻞ ﻣﺘﺨﻮﻑ ﻣﺒﻴﻨﻪ ﺳﻮﺍﻟﻒ ﻣﺰﻋﻄﻪ ﻣﻦ ﺍﻟﻐﻠﻂ ﺑﺲ ﺁﺧﺮ ﺷﻲ ﺍﺟﺘﻨﻲ ﺭﺳﺎﻟﻪ ﻣﻜﺘﻮﺏ ﺑﻴﻪ
ﺑﺎﻟﻌﺎﻓﻴﻪ ﻋﻠﻴﺞ ﻓﻀﺎﻟﺘﻲ
ﺿﻠﻴﺖ ﺃﻓﻜﺮ ﺷﻨﻮ ﻫﺎﻱ ﺍﻟﻜﻠﻤﻪ ﻭﺷﻨﻮ ﺭﺑﻄﻪ ﺭﺍﺡ ﺑﺎﻟﻲ ﻋﻞ ﺿﺮﺍﺭ ﻣﺎﻛﻮ ﻏﻴﺮﻩ ﺑﺲ ﻣﻨﻮ ﻫﺎﻱ ﻣﺎﻋﺮﻑ ﺑﺴﺮﻋﻪ ﺧﺎﺑﺮﺕ ﺿﺮﺍﺭ ﻛﺘﻠﻪ ﻭﻧﻄﻴﺘﻪ ﺍﻟﺮﻗﻢ ﻛﻠﻲ ﺍﻧﻲ ﺍﺗﺼﺮﻑ ﻭﺍﺑﺤﺚ ﻋﻠﻴﻪ ﺻﺪﻙ ﻳﻮﻣﻴﻦ ﻭﻧﻜﻄﻌﺖ ﺍﻟﺮﺳﺎﻳﻞ ﻭﻛﻠﺸﻲ ﺧﺘﻔﻪ
ﺑﻘﻰ ﺍﻟﻤﻬﺮ ﺍﻧﻲ ﻛﻠﺸﻲ ﻣﺴﻮﻳﺖ ﺟﻨﺖ ﻣﺴﺘﺤﻴﻪ ﺍﺧﺎﻑ ﺿﺮﺍﺭ ﻳﺘﺤﺴﺲ ﻛﻮﺩﻥ ﻣﻄﺎﻟﻌﻪ ﺳﻨﻪ ﺑﻴﺒﻲ ﻭﺍﺑﻮﻩ ﺑﺲ ﻫﻮﻩ ﻛﻠﻲ ﻋﺎﺩﻱ ﻭﺣﺘﻰ ﺧﺎﻟﻪ ﺭﺟﺎﺀ ﻛﺎﻟﺖ ﺍﺭﻳﺪ ﻧﻌﻠﻦ ﻋﻦ ﺍﻟﺨﻄﺒﻪ ﺍﺗﻔﻘﺖ ﻭﻳﺎﻩ ﻋﻞ ﺣﻔﻠﻪ ﻛﺎﻝ ﺷﺘﺮﺩﻳﻦ ﺳﻮﻱ ﺍﻣﻲ ﻗﺘﺮﺣﺖ ﻧﺴﻮﻳﻪ ﻳﻤﻬﻢ ﻻﻥ ﺷﻴﺠﻴﺒﻬﻢ ﺍﻟﻄﺮﻳﻖ ﺑﻌﻴﺪ ﻭﺍﺫﺍ ﺳﻮﻳﻨﺎﻩ ﻫﻨﺎ ﻣﺤﺪ ﻋﺪﻧﻪ ﻭﺍﻷﻛﺜﺮ ﺟﻮﺯ ﻣﻴﺠﻮﻥ ﺟﺎﻥ ﻣﺎﻋﻨﺪﻱ ﻏﻴﺮ ﺣﻞ ﻭﺍﻓﻘﺖ ﻭﻗﺒﻞ ﻳﻮﻡ ﺿﺮﺍﺭ ﺍﺟﺎﻩ ﻧﻄﺎﻧﻲ ﻓﻠﻮﺱ ﻛﺎﻣﻠﻪ ﺣﺘﻰ ﻟﺬﻫﺐ ﻭﺭﺍﺡ ﺗﻤﻨﻴﺖ ﻧﻄﻠﻊ ﺍﻧﻲ ﻭﻳﺎﻩ ﺑﺲ ﻛﻠﻲ ﻣﺴﺘﻌﺠﻞ ﺣﺘﻰ ﻣﺎﻛﻌﺪ ﻭﺻﻠﻬﻦ ﻭﺭﺍﺡ
ﺍﻧﻲ ﻭﺍﺳﻴﻞ ﻃﻠﻌﻨﻪ ﺷﺘﺮﻳﺪ ﺫﻫﺐ ﺷﻲ ﻧﺎﺯﻙ ﻭﺣﻠﻘﻪ ﻟﻀﺮﺍﺭ ﺍﻟﻔﺴﺘﺎﻥ ﺷﺘﺮﻳﺘﻪ ﻃﻮﻳﻞ ﻛﺮﻳﻤﻲ ﺣﻴﻞ ﻓﺨﻢ ﺣﺘﻰ ﺗﺎﺝ ﺯﻏﻴﺮ ﻧﺎﺯﻙ ﺑﻲ ﺗﻤﻨﻴﺖ ﺍﺩﺧﻞ ﺻﺎﻟﻮﻥ ﻫﻨﺎ ﺑﺲ ﻭﻳﻦ ﻣﺘﺮﻫﻢ ﺍﺑﺪ ﻭﺍﻟﺒﻨﺎﺕ ﻭﺭﺩﻩ ﻭﺧﺎﻟﻪ ﻧﻮﺭﻳﻪ ﻭﺧﺎﻟﻪ ﺯﻫﺮﻩ ﺧﺒﺼﻮﻧﻲ ﻳﺠﻴﺒﻮﻥ ﻭﻳﻤﺪﺣﻮﻥ ﺑﺼﺎﻟﻮﻧﻬﻢ ﻗﻨﻌﺖ ﻣﻦ ﻻﺟﺎﺭﻩ ﻛﻤﻠﺖ ﻛﻠﺸﻲ ﻋﻞ ﺁﺧﺮ ﺛﺎﻧﻲ ﻳﻮﻡ ﻣﻦ ﺍﻟﺼﺒﺢ ﺍﺟﺎﻩ ﺿﺮﺍﺭ ﺍﺧﺬﻧﻪ ﻭﺍﻧﻲ ﻣﺎﻋﺮﻑ ﺷﺒﻴﻪ ﻣﻤﻘﺘﻨﻌﻪ ﺑﻠﺤﻔﻠﻪ ﻫﻨﺎﻙ ﻭﻣﺎﺟﻨﺖ ﻫﻴﺞ ﻣﺨﻄﻄﻪ ﺧﻠﺼﺖ ﺍﻟﻄﺮﻳﻖ ﻛﻠﻪ ﺳﺎﻛﺘﻪ ﻭﺻﻠﻨﻪ ﻣﻴﺘﻪ ﺗﻌﺐ ﻗﺒﻞ ﻳﻮﻡ ﺍﻧﻲ ﻛﻀﻴﺘﻪ ﻓﺮﻩ ﻭﻫﺴﻪ ﺍﻟﻄﺮﻳﻖ ﻭﺭﺍﻳﻪ ﺣﻔﻠﻪ ﻫﻠﻜﺖ ﺳﺘﻘﺒﻠﻮﻧﻪ ﻭﺍﻟﻬﻮﺳﻪ ﻫﻴﻪ ﻫﻴﻪ ﻣﺎﻟﺘﻬﻢ ﻛﻌﺪﻧﻪ ﺧﺎﻟﻪ ﺯﻫﺮﻩ ﻛﺎﻟﺖ ﻣﻀﻞ ﻭﻛﺖ ﺣﺎﺟﺰﺗﻠﺞ ﻋﻨﺪ ﺍﻟﺼﺎﻟﻮﻥ ﻛﺘﻠﻪ ﻣﺎﻋﻨﺪﻱ ﺷﻲ ﻳﻠﻪ ﻧﺮﻭﺡ ﺍﺳﻴﻞ ﺧﻠﺖ ﺳﻴﻮﻓﻲ ﻳﻢ ﺍﻣﻲ ﻃﻠﻌﻨﻪ ﺿﺮﺍﺭ ﻳﺘﺤﺮﻣﺺ ﻳﺮﻳﺪ ﺑﺲ ﻳﺨﺘﻠﻲ ﺑﻴﻪ ﺑﺲ ﻣﺎﻛﻮ ﻭﻛﺖ
ﻭﺻﻠﻨﺎ ﻭﺭﺟﻊ ﺩﺧﻠﺖ ﺍﻟﺼﺎﻟﻮﻥ ﻣﻦ ﺍﻟﺨﺮﺑﻄﻪ ﺍﻟﺒﻲ ﺻﺪﻋﺖ ﻋﺮﺍﻳﺲ ٤ﻛﺪﺍﻣﻲ ﻭﺍﻻﻟﻮﺍﻥ ﺍﻟﺘﺴﺮﻳﺤﺎﺕ ﻣﻬﺮﺟﺎﻥ ﻭﺍﻟﻤﻊ ﻣﺎﻟﻪ ﻭﺍﻟﻲ ﺗﺨﺒﻠﺖ ﻛﻤﺖ ﻛﺘﻠﻬﻢ ﻣﺎﺭﻳﺪ ﺍﺳﻮﻱ ﻫﻨﺎ ﺧﺎﻟﻪ ﺯﻫﺮﻩ ﺗﺒﺎﻭﻉ ﻭﺍﺳﻴﻞ ﺧﺎﺯﺭﺗﻨﻲ ﻛﺎﻟﺖ
ﺷﺒﻴﺞ ﺍﺻﺒﺮﻱ ﺍﻧﺘﻲ ﺷﻔﺘﻲ
ﺍﺳﻴﻞ ﺩﻛﻮﻣﻴﻦ ﻟﻮ ﺷﻠﻮﻥ ﺷﻮﻓﻲ ﺍﻻﻟﻮﺍﻥ ﻭﺍﻟﺘﺴﺮﻳﺤﺎﺕ ﺃﻗﺪﻡ ﻣﻦ ﺟﺪﻱ ﺗﺤﺠﻴﻦ ﺻﺪﻙ ﺍﻧﺘﻲ
ﻳﺎﺑﻪ ﺩﻛﻌﺪﻱ ﻋﻮﺩ ﺍﺣﻨﺎ ﻧﻨﻄﻴﻪ ﺍﻟﺘﺴﺮﻳﺤﻪ ﻭﺍﻟﻤﻴﻜﺎﺏ ﺍﻟﺘﺮﺩﻱ ﺑﺲ ﺍﺳﻜﺘﻲ ﺧﺰﻳﺘﻴﻨﻪ
ﺍﺑﺪ ﻟﻮ ﺍﻣﻮﺕ ﻃﻠﻌﺖ ﺍﻟﻔﻮﻥ ﺧﺎﺑﺮﺕ ﺿﺮﺍﺭ ﺧﺎﻟﻪ ﺯﻫﺮﻩ ﺑﺲ ﺻﺎﻓﻨﻪ ﺟﺎﻭﺑﻨﻲ ﻛﺘﻠﻪ
ﺿﺮﺍﺭ ﻫﺴﻪ ﺗﺠﻲ
ﺧﻴﺮ ﺑﻮﻳﻪ ﺷﻨﻲ ﻛﻤﻠﺘﻲ
ﻻﻣﻜﻤﻠﺖ ﻣﺎﺭﻳﺪ ﻫﻨﺎ
ﺷﻨﻮ ﺍﻟﻤﺎﺗﺮﺩﻱ
ﺗﻌﺎﻝ ﻭﻧﺤﺠﻲ
ﺟﺎ ﺧﻮﺵ ﺟﺎﻳﺞ
ﺷﻠﺖ ﺟﻨﻄﻲ ﺻﺎﺣﺒﺖ ﺍﻟﺼﺎﻟﻮﻥ ﺗﺤﺎﺟﻲ ﺧﺎﻟﻪ ﺯﻫﺮﻩ ﺷﻨﻮ ﺗﺮﻳﺪﻭﻥ ﻭﺷﻌﺪﻛﻢ ﺧﺎﻟﻪ ﺯﻫﺮﻩ ﺗﻤﺘﻤﺖ ﻭﺩﻛﻠﻪ ﻫﺴﻪ ﻧﺘﻔﻖ ﻭﻧﻜﻠﺞ ﺍﺳﻴﻞ ﺗﻘﻨﻊ ﻭﺧﺎﻟﻪ ﺗﻘﻨﻊ ﻗﻔﻠﺖ ﺩﻙ ﺿﺮﺍﺭ ﻃﻠﻌﻨﺖ ﻭﻫﻨﻪ ﻭﺭﺍﻳﻪ ﺻﻌﺪﺕ ﺍﻟﺴﻴﺎﺭﻩ ﺿﺮﺍﺭ ﻳﺒﺎﻭﻋﻠﻲ ﺑﻠﻤﺮﺍﻳﻪ ﺧﺎﻟﻪ ﺻﻌﺪﺕ ﻳﻤﻪ ﺗﺤﺎﺟﻴﻨﻲ
ﻳﻤﻪ ﺷﺠﺎﺝ ﻓﺸﻠﺘﻴﻨﻲ ﻫﺎﻱ ﺻﻮﻳﺤﺒﺘﻲ ﻭﻛﻞ ﺑﻨﺎﺗﻨﻪ ﻋﻠﻰ ﺍﺩﻳﻪ ﺷﻤﺎﻟﺞ ﻧﻜﺮﺻﺘﻲ
ﺧﺎﻟﻪ ﻛﻞ ﻋﻘﻠﺞ ﻫﺬﺍ ﺻﺎﻟﻮﻥ ﺑﺮﺑﺞ
ﻳﺎﺍﺍ ﺷﺘﺮﺩﻳﻦ ﺧﺎﻳﺒﻪ ﻣﺎﺷﻔﺘﻲ ﺍﻟﻨﺴﻮﺍﻥ ﻣﻐﺎﻟﺐ ﻳﻤﻬﻪ ﻣﻮﺯﻳﻦ ﻗﺒﻠﺖ ﺗﻠﺰﻣﺞ
ﻳﺒﻮﻭﻭ ﺍﻟﻠﻪ ﻋﻠﻴﺞ ﺧﺎﻟﻪ ﻻﺟﻠﻄﻴﻨﻲ ﻭﺍﻟﻨﺒﻲ ﺍﺑﻘﻰ ﺑﺪﻭﻥ ﺣﻔﻠﻪ ﻭﻣﻜﻴﺎﺝ ﻭﻻ ﻫﺎﻱ ﺗﻠﺰﻣﻨﻲ
ﺿﺮﺍﺭ ﻛﺎﻝ
ﺷﺴﺎﻟﻔﻪ ﺑﻮﻳﻪ ﻓﻬﻤﻨﻪ
ﻣﺮﻳﺘﻚ ﻳﻌﻤﻪ ﻣﺎﻳﻌﺠﺒﻪ ﺍﻟﻌﺠﺐ ﺻﺎﻟﻮﻥ ﻭﺷﻤﺤﻼﻩ ﺍﺷﻮ ﻫﻴﻪ ﺷﺎﻓﺘﻪ ﻛﺎﻣﺖ ﺩﻛﻤﺰ ﻭﺧﺎﺑﺮﺗﻚ
ﺑﺎﻭﻋﻠﻲ ﺑﻠﻤﺮﺍﻳﻪ ﺭﺍﻓﻊ ﺣﺎﺟﺒﻪ ﻋﻮﺩ ﺷﻨﻮ ﻛﺘﻠﻪ
ﺿﺮﺍﺭ ﻣﺎﻛﺪﺭ ﺍﺳﻮﻱ ﻳﻤﻬﻢ ﻭﺍﻧﺘﻬﺖ
ﺑﺮﺍﺣﺘﺞ ﺑﻮﻳﻪ ﻳﺠﺮﺍﻟﺞ ﻋﻤﻪ ﺍﻛﻮ ﻏﻴﺮ ﺻﺎﻟﻮﻥ ﺗﻌﺮﻓﻲ
ﺍﻱ ﺍﻛﻮ ﺑﺲ ﻣﻮﻫﻨﺎ ﺑﻠﻮﻻﻳﻪ
ﻭﺷﻌﻠﻴﻨﻪ ﻫﺴﺎﻉ ﻧﺮﻭﺡ
ﻧﻄﻴﺖ ﻣﻦ ﻳﻤﻲ ﻣﻔﺰﻭﻋﻪ
ﻻ ﻻ ﻣﺎﺭﻳﺪ ﺩﺧﻴﻠﻜﻢ ﺑﻌﺪ ﺍﺧﺬﺕ ﻓﻜﺮﻩ ﻋﻞ ﺻﺎﻟﻮﻧﺎﺗﻜﻢ ﻋﻔﻴﻪ ﺭﺟﻌﻮﻧﻪ ﻟﺒﻴﺖ ﺍﻧﻲ ﺍﺳﻮﻱ ﻧﻔﺴﻲ
ﺯﻫﺮﻩ .. ﺧﺎﻳﺒﻪ ﺗﺤﺠﻴﻦ ﺻﺪﻙ ﺍﺣﻨﺎ ﻋﺎﺯﻣﻴﻦ ﻧﺺ ﺍﻟﺪﻳﺮﻩ ﺍﺩﺭﻱ ﺷﻠﻮﻥ ﺗﺴﻮﻳﻦ ﻧﻔﺴﺞ
ﺧﺎﻟﻪ ﻭﺍﻟﻠﻪ ﺍﺳﻮﻱ ﻧﻔﺴﻲ ﺍﻧﻲ ﺑﺲ ﺧﻞ ﻧﺮﺟﻊ ﺿﺮﺍﺭ
ﺑﺎﻭﻋﺘﻠﻪ ﺑﺘﻮﺳﻞ ﻫﺰ ﺭﺃﺳﻪ ﺧﺎﻟﻪ ﺳﻜﺘﺖ ﻭﺍﺳﻴﻞ ﺭﺟﻠﻲ ﻧﺸﻠﻌﺖ ﻣﻦ ﺍﻟﻜﺮﺹ ﻣﺎﻫﺘﻤﻴﺘﻠﻪ ﺭﺟﻌﻨﻪ ﻭﻛﻠﻪ ﺗﺴﺌﻞ ﻟﻴﺶ ﺭﺟﻌﺘﻮ ﻭﺷﻜﻮ ﺧﺎﻟﻪ ﺯﻫﺮﻩ ﺳﻮﻟﻔﺖ ﺍﻟﻤﻘﺘﻞ ﻭﺍﻧﻲ ﺍﺧﺬﺕ ﻏﺮﺍﺿﻲ ﻫﻤﺰﻳﻦ ﺟﺎﻳﺒﻪ ﻛﻠﺸﻲ ﺳﺒﺤﺎﻥ ﺍﻟﻠﻪ ﻋﺒﺎﻟﻚ ﻛﻠﺒﻲ ﻳﻌﻠﻢ ﻛﻞ ﻣﻜﻴﺎﺟﻲ ﻭﺍﻟﺸﺴﻮﺍﺭ ﻭﺍﻟﻜﺎﻭﺭﻳﻪ ﻭﻣﻊ ﻫﺬﺍ ﺩﻣﻲ ﺩﻳﻔﻮﺭ ﻣﻮ ﻫﺬﺍ ﺍﻟﺠﺎﻥ ﺑﺎﻟﻲ ﺩﺧﻠﺖ ﻏﺮﻓﺖ ﺿﺮﺍﺭ ﻃﻠﻌﺖ ﺍﻝ ﺍﺳﻴﻞ ﺍﻟﻜﻮﺷﻪ ﻭﺷﻐﻼﺕ ﺍﻟﻤﻬﺮ ﻛﺘﻠﻪ ﻫﺎﻱ ﺷﻌﻠﺘﺞ ﺍﻧﺘﻲ ﺭﺗﺒﻴﻪ ﺍﺧﺬﺗﻬﻦ ﻭﻃﻠﻌﺖ ﺩﺧﻠﺖ ﺑﻨﺖ ﺧﺎﻟﻪ ﺯﻫﺮﻩ ﺍﻟﺠﺒﻴﺮﻩ ﻋﻠﻴﺎ ﻳﻤﻲ ﺑﺪﻳﺖ ﺑﺸﻌﺮﻱ ﺷﺴﻮﺭﺗﻪ ﻭﺑﻌﺪﻳﻦ ﺑﺪﻳﺖ ﺑﻠﻤﻴﻜﺎﺏ ﺑﺮﺯﺕ ﻋﻴﻮﻧﻲ ﺍﺷﺘﻐﻞ ﻭﻋﻠﻴﺎ ﺻﺎﻓﻨﻪ ﺭﻣﺸﻪ ﻣﺎﺭﻣﺸﺖ ﻛﻠﻤﺖ ﻛﺎﻟﺖ
ﻫﺎﻱ ﺷﻨﻮ ﻳﺎﻟﻠﻪ ﺍﻟﻴﻮﻡ ﺍﻟﻌﺮﺏ ﺗﻀﻞ ﻓﺪ ﺗﺼﻔﻦ ﺧﺎﻳﺒﻪ ﻳﺎﻫﻮ ﻳﺼﺪﻙ ﺍﻧﺎ ﺳﺎﻭﻳﺘﻲ ﺭﻭﺣﺞ
ﺗﺸﺠﻌﺖ ﺃﻛﺜﺮ ﺍﺳﻴﻞ ﻛﻞ ﺷﻮﻱ ﺗﺪﺧﻞ ﺗﺸﻮﻓﻨﻲ ﻭﺗﻄﻠﻊ ﺩﻛﻠﻲ ﺗﻮﺏ ﻟﺒﺴﺖ ﺍﻟﻔﺴﺘﺎﻥ ﻭﺭﺗﺒﺖ ﺷﻌﺮﻱ ﺑﺘﺎﺝ ﺑﻌﺪ ﻣﺎﺑﺮﻣﺖ ﺃﻃﺮﺍﻓﻪ ﺗﻌﺒﺖ ﺗﻌﺐ ﻣﺼﺎﻳﺮ ﻭﺣﺪﻱ ٣ﺳﺎﻋﺎﺕ ﻭﺍﻧﻲ ﻣﺨﺒﻮﺻﻪ ﺣﺘﻰ ﺍﻟﻔﻮﻥ ﻣﺸﻔﺘﻪ ﻫﺴﻪ ﺿﺮﺍﺭ ﺣﺮﻛﻪ ﻛﻤﻠﺖ ﻭﻛﻌﺪﺕ ﺧﺎﻟﻪ ﺭﺟﺎﺀ ﺩﺧﻠﺖ ﻋﻠﻴﻪ ﺷﺎﻓﺘﻨﻲ ﻣﺎﺣﺠﺖ ﺿﻠﻴﺖ ﺑﺎﻫﺘﻪ ﺷﻮﻳﻪ ﻭﺍﺟﺘﻲ ﺧﺎﻟﻪ ﻧﻮﺭﻳﻪ ﺑﺎﻭﻋﺘﻠﻲ ﺷﻜﻠﻲ ﻣﺒﻴﻦ ﻋﻠﻴﻪ ﺍﻟﻀﻮﺟﻪ ﺳﺌﻠﺘﻨﻲ ﺳﻮﻟﻔﺘﻪ ﻛﺎﻟﺖ
ﺭﺟﻮﻩ ﻣﺎ ﺩﻭﺭ ﻫﻴﺞ ﻭﻫﻴﻪ ﻋﺎﺯﻣﻪ ﺭﺑﻌﻪ ﻭﺗﻌﺮﻓﻬﻢ ﻳﺤﺒﻮﻥ ﺍﻻﺣﻤﺮ ﻭﺍﻻﺍﺧﻀﺮ ﻭﺍﻧﺘﻲ ﺑﺖ ﺑﻐﺪﺍﺩ ﻧﺎﺯﻛﻪ ﻣﺘﺮﺿﻴﻦ ﺑﻠﻴﺮﺩﻭﻥ ﻭﻻ ﺗﻘﺘﻨﻌﻴﻦ
ﻳﻌﻨﻲ ﺷﻨﻮ ﺧﺎﻟﻪ
ﻳﻌﻨﻲ ﺳﻜﺘﻲ ﻭﺧﻠﻴﺞ ﺑﺤﻔﻠﺘﺞ
ﺩﻧﻜﺖ ﺩﺧﻠﺖ ﺍﻣﻲ ﺷﺎﻓﺘﻨﻲ ﺑﺎﺳﺘﻨﻲ ﺷﻮﻳﻪ ﺭﺗﻌﻔﺖ ﻣﻌﻨﻮﻳﺎﺗﻲ ﻣﺪﺍﻡ ﺍﻣﻲ ﻣﻌﻠﻘﺖ ﻳﻌﻨﻲ ﻛﻠﺸﻲ ﺗﻤﺎﻡ ﺑﻘﻴﺖ ﻛﺎﻋﺪ ﺍﺭﺗﺐ ﺑﻜﺎﻣﺮﺗﻲ ﻭﺍﺿﺒﻄﻪ ﺣﺘﻰ ﺍﺳﻴﻞ ﺗﺼﻮﺭ ﺭﻓﻌﺘﻪ ﺩﺍﺟﺮﺏ ﺻﺎﺭﺕ ﺷﻴﻤﺎﺀ ﻛﺒﺎﻟﻲ ﺑﻴﻨﺖ ﺑﻠﻌﺪﺳﻪ ﻃﻠﻌﺘﻠﻲ ﺷﻠﻮﻥ ﻭﺟﻬﻪ ﻳﺮﻳﺪ ﻳﻄﻚ ﻭﺧﺎﺯﺭﺗﻨﻲ ﺑﻮﺩﻩ ﺩﻛﻄﻌﻨﻲ ﻧﺰﻟﺖ ﺍﻟﻜﺎﻣﺮﻩ ﺻﺮﻧﻪ ﻭﺟﻬﻪ ﺑﻮﺟﻬﻪ ﺩﺍﺭﺕ ﻭﺟﻬﻪ ﻭﺭﺍﺣﺖ ﻛﻤﺖ ﻋﻠﻰ ﺣﻴﻠﻲ ﻣﺘﻨﺰﻓﺰﻩ ﻣﻦ ﺗﺼﺮﻓﻪ ﺷﻜﺪ ﺣﻘﻴﺮﻩ ﺣﺘﻰ ﻣﺴﻠﻤﺖ ﻭﺍﻧﻲ ﺑﻨﺖ ﻋﻤﺘﻪ ﻟﻌﺪ ﺷﻜﺪ ﺣﺎﻗﺪﻩ
ﻧﺴﻴﺖ ﻛﻞ ﻫﺬﺍ ﻣﻦ ﻭﺭﺩﻩ ﻛﺎﻟﺖ
ﻳﺎﻟﻪ ﻫﺎﺟﺮ ﻃﻠﻌﻲ ﺍﻟﻨﺎﺱ ﻛﺎﻋﺪﻩ ﺿﺮﺍﺭ ﻫﻢ ﻳﺮﻳﺪ ﻳﺒﺪﻝ
ﻧﻄﻴﺖ ﺍﻟﻜﺎﻣﺮﻩ ﺍﻻﺳﻴﻞ ﻭﺷﻠﺖ ﻓﺴﺘﺎﻧﻲ ﻣﺎﻣﺎ ﻭﺭﺍﻳﻪ ﻭﺍﻟﻬﻼﻫﻞ ﻋﻠﺖ ﺻﺨﻨﺖ ﻣﻦ ﺍﻟﺨﺠﻞ ﺩﺧﻠﺖ ﺍﻟﺼﺎﻟﻪ ﺍﺳﻴﻞ ﺧﻮﺵ ﻣﺒﺪﻋﻪ ﺑﺲ ﻫﻤﻪ ﻣﻮﻧﻀﺎﻣﻴﻦ ﺍﻟﺠﻬﺎﻝ ﺩﻛﻤﺰ ﻋﻞ ﻛﻮﺷﻪ ﻭﺍﻟﻨﺴﻮﺍﻥ ﺍﻟﻜﺒﺎﺭ ﻋﺎﻳﻔﻪ ﺍﻟﻜﺮﺍﺳﻲ ﻭﻛﺎﻋﺪﻩ ﺑﻠﻜﺎﻉ ﻭﺩﻙ ﺳﻮﺍﻟﻒ ﻏﻤﻀﺖ ﻋﻴﻨﻲ ﺍﻫﺪﻱ ﻧﻔﺴﻲ ﻛﻌﺪﺕ ﻭﺍﻻﻏﺎﻧﻲ ﺩﻙ ﻭﺭﺩﺡ ﺧﺮﺏ ﻭﻳﻦ ﺍﻟﺴﺘﺎﻳﻞ ﺍﻟﺠﻨﺖ ﻣﺤﻀﺮﺗﻪ ﺿﻠﻴﺖ ﺍﺗﻜﺮﺿﻢ ﻭﺍﻟﻤﻦ ﺍﺣﺠﻲ ﺍﺳﻴﻞ ﺷﺘﺼﻴﺮ ﺍﺑﻨﻪ ﻭﻣﻨﺎ ﺍﻟﺤﻔﻠﻪ ﺿﻠﻴﺖ ﺳﺎﻛﺘﻪ ﻭﺍﺗﻔﺮﺝ
ﺳﺎﻋﻪ ﻭﻧﺺ ﻛﻠﺸﻲ ﻣﻔﺘﻬﻤﺖ ﺣﺘﻰ ﺻﺪﻋﺖ ﺭﺍﺳﻲ ﺻﺎﺭ ﻃﺒﻞ ﻭﻣﻨﺎ ﺧﺎﻟﻪ ﺭﺟﺎﺀ ﺍﻟﻤﺎﻋﺎﺟﺒﻪ ﺷﻜﻠﻲ ﺣﺎﻭﻟﺖ ﺍﺑﻴﻦ ﻃﺒﻴﻌﻴﻪ ﺿﻠﻴﺖ ﺍﻭﺯﻉ ﺑﺘﺴﺎﻣﺎﺕ ﻣﺎﺷﺎﻟﻠﻪ ﺍﻟﻜﺎﻋﺪﻳﻦ ﻋﺒﻠﻚ ﺻﻮﺭﻩ ﻭﻛﺪﺍﻣﻬﻢ ﻟﻮﺻﺎﻓﻨﺎﺕ ﻟﻮ ﻳﺘﺒﺴﺒﺴﻦ ﻟﺤﺪ ﻣﺎ ﺩﺧﻞ ﻧﻀﺮ ﻋﻴﻨﻲ ﻳﺒﻮﻭﻭ ﻧﺴﻴﺖ ﻛﻠﺸﻲ ﻭﺻﺎﺭ ﻛﻠﺸﻲ ﺑﻨﻀﺮﻱ ﻋﺎﺩﻱ ﻭﻣﺎﻫﺘﻤﻠﻪ ﻋﻴﻨﻲ ﺻﺎﺭﺕ ﺑﺲ ﻋﻠﻴﻪ ﻻﺑﺲ ﺑﻨﻄﺮﻭﻥ ﻭﺗﺸﻴﺮﺕ ﻛﺎﻋﺪﺍﺕ ﻋﻠﻴﻪ ﺗﻮﺏ
ﻛﻌﺪ ﺑﺼﻔﻲ ﺷﺒﻚ ﺍﻳﺪﻱ ﻭﺍﻧﻲ ﺍﻋﺼﺮ ﺑﻴﺪﻩ ﺷﻴﻤﺎﺀ ﺑﻠﺒﺎﺏ ﻣﺠﺘﻔﻪ ﺍﺩﻳﻪ ﻭﺗﺒﺎﻭﻉ ﻋﺼﺮﺕ ﺍﻳﺪﻩ ﺣﻴﻞ ﺩﻧﻪ ﺭﺃﺳﻪ ﻋﻠﻴﻪ ﻳﺸﺎﻭﺭﻧﻲ
ﺑﻮﻳﻪ ﺷﻄﺎﻟﻌﻪ ﻫﺎﻱ ﺣﺮﺷﻪ ﻭﺗﺘﺤﺮﺷﻴﻦ ﺑﻴﻪ ﺍﻟﻴﻮﻡ
ﺿﺤﻜﺖ ﺑﺪﻟﻊ ﺍﺳﻴﻞ ﺟﺎﺑﺖ ﺍﻟﻜﺎﻣﺮﻩ ﺷﻐﻠﺘﻪ ﺍﻟﻪ ﻭﺑﺪﺕ ﺍﺗﺼﻮﺭﻧﻪ ﻫﺎﻱ ﺟﺎﻧﺖ ﻓﺮﺻﺘﻲ ﻣﺪﺍﻡ ﺷﻴﻤﺎﺀ ﻛﺒﺎﻟﻲ ﺧﻠﻴﺖ ﺿﺮﺍﺭ ﻳﺴﻮﻱ ﻛﻞ ﻟﻘﻄﻪ ﺗﺠﺬﺏ ﺍﻟﻨﻀﺮ ﺣﺘﻰ ﻫﻮﻩ ﺗﺨﺮﺩﻝ ﻭﻋﺮﻙ ﻭﺍﻟﻨﺴﻮﺍﻥ ﻛﻠﻪ ﺻﺎﻓﻨﻪ ﺍﻟﺘﺼﻮﻳﺮ ﻟﻌﺒﺘﻲ ﻭﺍﻧﻲ ﺍﺗﻔﻨﻦ ﺑﻲ ﻟﻠﻨﺎﺱ ﻣﻮﻋﺎﺩ ﺍﻟﻲ ﺷﻴﻤﺎﺀ ﺑﻌﺪ ﺷﻮﻳﻪ ﻭﻳﻐﻤﻰ ﻋﻠﻴﻪ ﻭﺍﻧﻲ ﻃﺎﻳﺮﻩ ﺑﻀﺮﺍﺭ ﻭﻟﻤﺴﺎﺗﻪ
ﻭﺻﻠﻨﺎ ﺍﻟﺘﻠﺒﻴﺲ ﺍﻟﺬﻫﺐ ﺍﺳﻴﻞ ﺟﺎﺑﺘﻪ ﺍﺟﺘﻲ ﺧﺎﻟﻪ ﺭﺟﺎﺀ ﻭﻛﻔﺖ ﻓﻮﻙ ﺭﺍﺳﻨﻪ ﻓﺘﺤﻨﻪ ﺍﻟﻌﻠﺒﻪ ﻧﻜﻠﺐ ﻭﺟﻬﻪ ﻻﻥ ﺟﺎﻧﺖ ﺗﺨﻢ ﻋﺒﺎﺭﻩ ﻋﻦ ﺣﻠﻘﻪ ﻭﻣﺤﺒﺲ ﻭﺗﺮﺍﺟﻲ ﻭﻛﻼﺩﻩ ﺑﺲ ﺷﻲ ﻧﺎﺯﻙ ﻭﺷﺬﺭﺗﻪ ﺑﺴﻴﻄﻪ ﺿﺮﺍﺭ ﻳﻜﻠﻪ ﻳﻤﻪ ﺗﻌﺎﻱ ﻳﻤﻲ ﻣﺘﺴﻤﻌﻠﻪ ﻋﻴﻦ ﻋﻞ ﺫﻫﺐ ﻭﻋﻴﻦ ﻋﻞ ﻧﺴﻮﺍﻥ ﺑﻌﺪﻳﻦ ﻋﺎﻓﺘﻨﻪ ﻭﻃﻠﻌﺖ ﺿﻠﻴﻨﻪ ﻭﺍﺣﺪ ﻳﺒﺎﻭﻉ ﻋﻞ ﻻﺥ ﻋﺎﺩ ﻟﺒﺴﻨﻲ ﺑﺴﺮﻋﻪ ﻭﺍﻧﻲ ﻟﺒﺴﺘﻪ ﺍﻟﺤﻠﻘﻪ ﺟﺎﻥ ﻳﺒﺘﺴﻢ ﻣﺠﺎﻣﻠﻪ ﺑﺎﻟﻪ ﻳﻢ ﺍﻣﻪ ﺍﻋﺮﻓﻪ ﺑﺲ ﻣﻴﺮﻳﺪ ﻳﺒﻴﻨﻠﻲ ﻛﻤﻠﻨﻪ ﺍﻝ ﺩﺧﻠﺖ ﺧﺎﻟﻪ ﻛﻌﺪﺕ ﺑﻄﺮﻑ ﺍﻟﺒﺎﺏ ﻭﺍﻳﺪﻩ ﻋﻞ ﺧﺪﻩ ﻫﺬﺍ ﻣﻨﻀﺮﻩ ﺧﻠﻪ ﺿﺮﺍﺭ ﻳﻜﻮﻡ ﻣﻦ ﻳﻤﻲ ﻭﻳﻤﺪﻟﻪ ﺍﻳﺪﻩ ﻛﺎﻣﺖ ﻭﻳﺎﻩ ﺍﺧﺬﻩ ﻭﻃﻠﻊ
ﺿﻠﻴﺖ ﻛﺎﻋﺪﻩ ﻭﺍﻟﺒﻨﺎﺕ ﺭﻛﺼﻦ ﻟﺤﺪ ﻣﺎﻣﻠﻦ ﻭﺍﻧﻲ ﻋﻴﻨﻲ ﻋﻞ ﺑﺎﺏ ﺿﺮﺍﺭ ﺑﻌﺪ ﻣﺎﺍﺟﻪ ﻭﻻ ﻛﻌﺪ ﻣﻮﺩﺍﻛﻮﻝ ﻣﻮ ﻫﺬﺍ ﺍﻟﺠﻨﺖ ﻣﺨﻄﻄﺘﻪ ﻋﻠﻰ ﺃﻋﺼﺎﺑﻲ ﺧﻠﺼﺖ ﺍﻟﺤﻔﻠﻪ ﻭﺭﺣﺖ ﻟﻠﻐﺮﻓﻪ ﺑﺪﻟﺖ ﺑﺘﺮﺍﻙ ﺟﺎﻳﺒﺘﻪ ﻭﺩﺍﻟﻢ ﺑﻤﻼﺑﺴﻲ ﺩﻧﻜﺖ ﺍﻟﺒﺎﺏ ﻓﺘﺤﺘﻪ ﺿﺮﺍﺭ ﻋﻔﺘﻪ ﻣﻔﺘﻮﺣﻪ ﻭﺭﺟﻌﺖ ﺍﺻﻔﻂ ﺑﻔﺴﺘﺘﺎﺗﻲ ﺳﺪﻩ ﻭﺍﺟﻪ ﺣﻀﻨﻲ ﻣﻦ ﺧﺼﺮﻱ ﻣﻨﻄﻴﺖ ﺭﺩﺕ ﻓﻌﻞ ﺩﺍﺭﻧﻲ ﻋﻠﻴﻪ ﺩﻧﻜﺖ ﻭﺍﻟﻠﻌﺐ ﺑﺤﻠﻘﺘﻲ ﺃﻓﺮ ﺑﻴﻪ ﻟﺰﻡ ﺍﻳﺪﻱ ﺑﺎﺳﻪ ﻭﻫﻴﻪ ﻋﻞ ﺷﻔﺎﻓﻪ ﻳﻜﻠﻲ
ﺷﺒﻴﻬﻪ ﺍﻟﺤﻠﻮﻩ ﻣﺎﻟﺘﻲ
ﻣﺎﺑﻴﻪ ﺷﻲ .. ﻛﻠﺘﻪ ﻭﺍﻧﻲ ﻣﺎﺑﺎﻭﻋﻠﺒﻪ
ﺟﺎ ﻟﻴﺶ ﻣﺎﺷﻮﻑ ﺫﻳﺞ ﺍﻟﻠﻬﻔﻪ ﺍﻟﺒﺎﻟﻲ
ﻣﺎﺑﻴﻪ ﺷﻲ ﺷﻮﻳﻪ ﺗﻌﺒﺎﻧﻪ
ﻭﺍﻧﺎ ﻭﻳﻦ ﺭﺣﺖ ﺗﻌﺎﻝ ﺍﺭﻳﺤﻚ
ﺟﺮﻧﻲ ﺣﺼﺮﻧﻲ ﻋﻞ ﻛﻨﺘﻮﺭ ﺑﺎﺳﻨﻲ ﻣﺎﺑﺎﺩﻟﺘﻪ ﺑﺘﻌﺪ ﻣﺴﺘﻐﺮﺏ
ﺷﻠﻮﻥ ﻣﺎﺑﻴﺞ ﺷﻲ ﻫﺎﺟﺮ ﺷﺒﻴﺞ ﻟﻠﻤﺮﻩ ﺍﻻﺧﻴﺮﻩ ﺍﺳﺌﻠﺞ
ﺻﺪﻳﺖ ﻋﻞ ﺟﻬﻪ
ﺷﺒﻴﻪ ﺧﺎﻟﻪ
ﺍﺧﺬ ﻧﻔﺲ ﻛﺢ ﺣﻚ ﻟﺤﻴﺘﻪ ﺑﻄﺮﻑ ﺍﺻﺒﻌﻪ ﺩﻧﻚ ﻭﺭﻓﻊ ﺭﺃﺳﻪ ﻛﺎﻝ
ﻫﺎﺟﺮ ﺍﻣﻲ ﺻﺪﻙ ﺑﻐﺪﺍﺩﻳﻪ ﺑﺲ ﻛﻀﺖ ﻋﻤﺮﻩ ﺑﻠﻌﺮﺏ ﺍﺧﺬﺕ ﻃﺒﺎﻳﻌﻬﻢ ﻭﺣﺠﻴﻬﻢ ﻭﻋﺎﺩﺍﺗﻬﻢ ﻓﺘﺸﻮﻑ ﺍﻟﺠﺎﻱ ﺗﺴﻮﻱ ﻏﺮﻳﺐ ﻋﻠﻴﻪ ﺷﻮﻳﻪ ﺗﻜﺪﺭﺕ
ﻭﺍﻧﻲ ﺷﺴﻮﻳﺖ ؟
ﻣﺎ ﺳﻮﻳﺘﻲ ﺷﻲ ﺑﺲ ﻫﻴﻪ ﺷﻮﻳﻪ ﻣﻜﺒﺮﺗﻪ ﺗﺮﻳﺪ ﺍﻟﻤﻜﻴﺎﺝ ﻫﻮﺍﻱ ﺣﺘﻰ ﻳﻜﻮﻟﻮﻥ ﺟﻨﺖ ﺭﺟﻮﻩ ﺣﻠﻮﻩ ﻭﺗﺮﻳﺪ ﺍﻟﺬﻫﺐ ﺿﺨﻢ ﺣﺘﻰ ﻳﻜﻮﻟﻮﻥ ﺭﺟﺎﺀ ﺧﻮﺵ ﺟﺎﻳﺒﻪ ﺍﻟﺠﻨﺘﻪ ﻛﺘﻠﺞ ﺍﻣﻲ ﺗﺤﺴﺐ ﺣﺴﺎﺏ ﺍﻟﻨﺎﺱ ﺧﺎﻑ ﻳﺠﻴﺒﻮﻥ ﻃﺎﺭﻳﻨﻪ ﺑﻠﺸﻴﻦ ﻟﻮﻳﻜﻮﻟﻮﻥ ﻣﻘﺼﺮﻳﻦ ﻣﺎﺗﺪﺭﻱ ﺑﻨﺖ ﺑﻐﺪﺍﺩ ﻧﺎﺯﻛﻪ ﺑﻜﻠﺸﻲ
ﻭﺍﻧﺖ ﺷﺪﻛﻮﻝ
ﺍﻧﺎ ﺭﺍﺿﻲ ﺑﻠﺴﻮﻳﺘﻲ ﻭﻟﻮﻣﺎ ﺭﺍﺿﻲ ﻣﺎﺧﻠﻴﺞ ﺗﺴﻮﻱ ﻭﺍﻧﺘﻲ ﺗﻌﺮﻓﻴﻨﻲ ﻭﺍﻣﻲ ﺣﺎﺟﻴﺘﻪ ﺑﻠﻲ ﻳﺮﺿﻲ ﻋﻘﻠﻪ ﻻﺗﺤﻤﻠﻴﻦ ﺍﻟﺴﺎﻟﻔﻪ ﺃﻛﺜﺮ ﻣﻦ ﻃﺎﻗﺘﻪ ﻭﺧﻠﻴﻨﻪ ﺑﻬﺬﺍ ﻳﻮﻣﻨﻪ
ﺍﻭﻙ
ﺭﺣﺖ ﻓﺪﻭﻩ ﺍﻟﻬﺎﻱ ﺍﻟﻮﻛﻲ ﺑﺲ ﻫﺎﺍﺍ ﺗﺮﻩ ﺍﻣﻲ ﻋﺪﻩ ﺣﻚ ﺑﺴﺎﻟﻔﻪ ﻭﺣﺪﻩ
ﺷﻨﻮ
ﺣﻤﺮﺗﺞ ﺑﻮﻳﻪ ﺣﻤﺮﺗﺞ ﻣﺎﺷﻔﺖ ﻣﻨﻪ ﺷﻲ ﺍﻧﺎ ﻫﺴﻪ ﺑﻴﻤﻦ ﺍﺳﺘﻠﺬ
ﻫﻬﻬﻬﻪ ﺿﺮﺍﺭ ﻋﺰﻩ ﻟﺴﺎﻧﻚ
ﺟﺎ ﻣﺠﺬﺏ ﺍﻧﺎ ﺭﺍﺡ ﺍﻭﺭﻥ ﻋﻠﻴﺞ ﻭﺍﺭﻳﺪ ﺍﺭﺗﻮﻱ ﺟﺜﺮﻳﻠﻲ ﻣﻦ ﻋﺴﻞ ﺷﻔﺎﻳﻔﺞ ﺧﺎﻳﺒﻪ ﻃﻔﻞ ﻭﺟﻮﻳﻌﺎﻥ ﺷﻠﻮﻥ ﻣﺘﻮﻛﻠﻲ
ﺍﻧﺖ ﻭﺧﺎﻟﻪ ﺷﻜﺪ ﺗﺤﺒﻮﻥ ﺍﻟﺤﻤﺮﻩ ﺷﻨﻮ ﻣﻮﺿﻮﻋﻜﻢ
ﺧﺎﻟﺘﺞ ﻟﻠﻨﺎﺱ ﺑﺲ ﺍﻧﺎ ﺍﻟﻲ ﻭﺑﺲ ﻟﻮﺣﻄﻴﺘﻲ ﻻﺗﺤﻄﻴﻦ ﺍﻟﻐﻴﺮﻱ
ﻣﻤﻤﻢ ﺑﻌﺪ ﺑﻌﺪ ﺣﺪﺩ ﻧﻮﻉ ﺍﻟﺤﻤﺮﻩ ﻓﺪﻣﺮﻩ
ﺍﻱ ﻭﺍﻟﻠﻪ ﺍﻟﺒﻨﻔﺴﺠﻲ ﺍﺧﺮﺏ ﻋﻠﻴﻪ ﻋﻞ ﺷﻔﺎﻳﻔﺞ ﻭﺭﻳﺤﺘﻪ ﻛﺎﺭﺛﻪ
ﻳﺤﺠﻲ ﻫﻤﺲ ﻭﺣﺎﺻﺮﻧﻲ ﺑﺠﺴﻤﻪ ﻋﻜﻀﺖ ﻭﺟﻬﻲ ﺭﻓﻊ ﻋﻴﻮﻧﻪ ﻋﻠﻴﻪ ﺣﺠﻴﺖ ﺑﺤﺪﻳﺎ
ﻭﻟﻴﺶ ﺍﻝ ﺑﻨﻔﺴﺠﻲ
ﻻﻳﺮﻭﺡ ﺑﺎﻟﺞ ﺑﻌﻴﺪ ﺗﺬﻛﺮﻳﻦ ﻣﻦ ﺻﻮﺭﺗﻴﻨﻲ ﺑﻠﻤﺤﻞ
ﺍﻱ
ﺟﻨﺘﻲ ﺧﺎﻟﻪ ﺑﻨﻔﺴﺠﻲ ﻓﺎﺗﺢ ﻭﻣﻦ ﺳﺎﻋﺘﻪ ﻋﺸﻜﺖ ﻫﻞ ﻟﻮﻥ ﻣﺜﻞ ﻣﺎﻋﺸﻜﺘﺞ
ﻫﻬﻬﻬﻬﻪ ﻫﺎﻱ ﻟﻴﻬﺴﻪ ﺗﺬﻛﺮ
ﻟﻴﺶ ﺍﻧﺎ ﺍﻧﺴﻰ ﺷﻲ ﻳﺨﺼﺞ
ﻣﻢ ﻭﺍﻟﻴﻮﻡ ﻋﺠﺒﺘﻚ
ﺑﻮﻭﻭﻭﻳﺎﻱ ﻫﻮﺍﻱ ﻫﻮﺍﻱ
ﺣﺠﺎﻫﻪ ﻭﺧﻠﻪ ﺭﺍﺳﻪ ﺑﺮﻛﺒﺘﻲ ﻳﺒﻮﺱ ﺑﺮﻗﻪ ﻭﻳﻘﺴﻰ ﺷﻮﻳﻪ ﻳﺠﺮﻩ ﺑﺴﻨﻮﻧﻪ ﻭﺍﻧﻲ ﺍﻭﻥ ﺑﻌﺪﺗﻪ ﻻﻥ ﺗﺎﺧﺮﻧﻪ ﺷﺪﺩ ﻋﻠﻰ ﻟﺰﻣﺘﻲ ﻭﻛﺎﻡ ﻳﺘﻤﺎﺩﻯ ﺩﻓﻌﺘﻪ ﻭﻃﻠﻌﺖ ﺍﺭﻛﺾ ﻭﺍﺿﺤﻚ ﻓﺘﺤﺖ ﺍﻟﺒﺎﺏ ﺻﺎﺭﺕ ﺑﻮﺟﻬﻲ ﺷﻴﻤﺎﺀ ﻋﺒﺎﻟﻚ ﺟﺎﻧﺖ ﻭﺍﻛﻔﻪ ﻭﺭﺍﻩ ﺍﻟﺒﺎﺏ ﺑﺎﻭﻋﺘﻠﻪ ﺑﺘﻜﺒﺮ ﻋﺎﻓﺘﻨﻲ ﻭﻓﺎﺗﺖ ﻟﻠﻤﻄﺒﺦ ﻣﺪﻳﺖ ﺭﺍﺳﻲ ﻛﻠﻪ ﺑﻠﻤﻄﺒﺦ ﺩﻳﺤﻀﺮﻭﻥ ﺑﻠﻌﺸﻪ ﻭﻛﻔﺖ ﻳﻤﻬﻢ ﺍﺳﻴﻞ ﺗﺎﺷﺮﻟﻲ ﺑﻌﻴﻮﻧﻪ ﻣﻔﺘﻬﻤﺖ ﻋﻠﻴﻪ ﺍﺷﺮﺗﻠﻲ ﺑﺪﻳﻪ ﻋﻠﻰ ﺭﻛﺒﺘﻪ ﻓﺘﻬﻤﺖ ﻳﻌﻨﻲ ﺿﺮﺍﺭ ﻣﺴﻮﻱ ﺍﺛﺮ ﺭﺍﺳﻦ ﺭﻓﻌﺖ ﻳﺎﺧﻪ ﺍﻟﺘﺮﺍﻙ ﺧﻄﻔﺖ ﻣﻦ ﻳﻤﻲ ﺷﻴﻤﺎﺀ ﻭﺑﺼﻮﺕ ﻧﺎﺻﻲ ﻛﻠﺘﻠﻲ
ﺃﺩﺏ ﺳﺰ ﺍﻡ ﺍﻟﺘﺮﺍﻛﺎﺕ
ﻋﻴﻮﻧﻲ ﻧﻄﻦ ﻭﺍﻧﻲ ﺍﺳﻤﻌﻪ ﻟﺤﻜﺘﻪ ﻭﻧﺠﺮﻳﺖ ﻣﻦ ﺍﻳﺪﻱ ﻟﺘﻔﻒ ﺧﺎﻟﻪ ﻧﻮﺭﻳﻪ ﺑﺮﻃﻤﺖ ﻛﺎﻟﺖ
ﻳﻠﺨﺎﻳﺒﻪ ﻻﺗﺨﺮﺑﻴﻦ ﻳﻮﻣﺞ ﻭﺗﻜﺴﺮﻳﻦ ﻓﺮﺣﺘﺞ ﻭﻛﻠﻪ ﻣﻠﺘﻤﻤﻪ ﻟﺒﺴﻴﻪ ﻣﺜﻞ ﻣﺎﺗﻠﺒﺴﻦ ﻫﺬﺍ ﻟﺒﺮﺟﻠﺞ
ﻏﻤﻀﺖ ﺑﻘﻠﺖ ﺻﺒﺮ ﻫﺰﻳﺖ ﺭﺍﺳﻲ ﻣﺎﻛﺪﺭ ﺟﺮﺗﻲ ﻟﻠﺼﺎﻟﻪ ﻛﻌﺪﺗﻨﻲ ﺑﺼﻒ ﺍﻣﻲ ﻭﺷﻜﻠﻲ ﻣﺒﻴﻦ ﻋﻠﻴﻪ ﺍﻟﻘﻬﺮ ﺑﺲ ﻫﻤﻪ ﻫﻮﺳﻪ ﻭﻣﺤﺪ ﺑﺤﺎﻝ ﺍﺣﺪ ﺧﺘﻨﻜﺖ ﺩﺯﻳﺖ ﺭﺳﺎﻟﻪ
ﺣﺒﻴﺒﻲ ﺧﺘﻨﻜﺖ
ﺑﺴﺮﻋﻪ ﻛﺘﺐ
ﻟﻴﺶ ﺑﻮﻳﻪ
ﻣﺎﻋﺮﻑ ﺭﺍﺡ ﺍﻃﻚ
ﺑﺪﻟﻲ ﺣﺘﻰ ﺍﺧﺬﺝ ﻟﻠﺒﺴﺘﺎﻥ ﻣﻮﺗﺮﺩﻳﻦ ﺗﺸﻮﻓﻲ
ﺍﻱ ﺍﻱ ﺩﻗﺎﻳﻖ ﻭﺍﺟﻬﺰ
ﻛﻤﺖ ﺑﺴﺮﻋﻪ ﻓﻌﻼ ﺍﺣﺘﺎﺝ ﺍﻃﻠﻊ ﻣﻦ ﺍﻟﺒﻴﺖ ﻫﻮﺍﻱ ﻧﻀﻐﻂ ﻋﻠﻴﻪ ﺍﻟﻴﻮﻡ ﻭﺑﻌﻨﺎﺩ ﺷﻴﻤﺎﺀ ﻭﺍﻝ ﺍﻗﻬﺮﻩ ﻭﺍﺫﺏ ﻛﻠﺸﻲ ﻭﺭﺍﻩ ﺿﻬﺮﻱ
ﻟﺒﺴﺖ ﺍﻟﺒﻨﻄﺮﻭﻥ ﻭﺍﻟﻤﺎﻧﺘﻮ ﻋﻞ ﺳﺮﻳﻊ ﺿﺮﺍﺭ ﻃﻠﻊ ﻣﻦ ﻏﺮﻓﺘﻪ ﻣﺒﺪﻝ ﺑﺘﺮﺍﻙ ﻭﺍﻟﺸﻤﺎﻍ ﻻﻓﻪ ﻋﻠﻰ ﺭﺍﺳﻪ ﺣﻀﻨﺖ ﺍﺩﻳﻪ ﻣﻦ ﻳﻢ ﻋﻜﺴﻪ ﻭﺷﺒﻜﺖ ﺍﻳﺪﻱ ﺑﻴﻬﻪ ﺍﻭﻝ ﺷﻲ ﺭﺣﻨﺎ ﻟﻠﺼﺎﻟﻪ ﺑﻠﻐﺖ ﺍﻣﻲ ﻭﺧﺎﻻﺗﻲ ﻛﺎﻋﺪﺍﺕ ﺩﻧﻄﻠﻊ ﻣﻦ ﺍﺑﺎﺏ ﺍﻟﺤﻮﻟﻲ ﺑﻌﻨﺎﺩ ﺷﻴﻤﺎﺀ ﺟﺮﻳﺖ ﺿﺮﺍﺭ ﻭﻃﻠﻌﻨﺎ ﻣﻦ ﺍﻟﻤﻄﺒﺦ ﻛﻠﻪ ﻛﺎﻟﺖ ﻭﻳﻦ ﺿﺮﺍﺭ ﺟﺎﻭﺑﻬﻢ
ﺳﻴﺎﺣﻪ ﺍﻻﻣﻴﺮﻩ ﻣﺎﻟﺘﻲ ﻣﺨﺘﻨﻜﻪ
ﻛﻠﻬﻦ ﻛﺎﻣﻦ ﻳﺴﻮﻥ ﺍﻟﻠﻪ ﺭﺑﻜﻢ ﻋﻤﻲ ﺭﻭﺣﻮ ﻟﻮﺣﺘﻠﻬﻢ ﺑﻴﺪﻱ ﺑﺎﻱ ﻭﻃﻠﻌﻨﻪ ﻟﺒﺎﺏ ﺍﻟﺸﺎﺭﻉ ﻭﺍﺟﻮﻱ ﺧﻮﺍﻟﻲ ﻭﻟﺪﻫﻢ ﺿﺮﺍﺭ ﻫﺪ ﺍﻳﺪﻱ ﻫﻤﻪ ﺳﻠﻤﻮ ﻋﻠﻴﻨﻪ ﻭﺑﺎﺭﻛﻮﻟﻨﻪ ﻭﺍﻟﻮﺣﻴﺪ ﺭﺿﺎ ﺍﻟﻤﺎﺭﻓﻊ ﻋﻴﻨﻪ ﻋﻠﻴﻪ ﻧﻬﺎﺋﻲ ﺑﺲ ﺣﻀﻦ ﺿﺮﺍﺭ ﻛﻠﻪ ﺷﺎﻳﻒ ﺍﻟﺨﻴﺮ ﺿﻠﻌﻲ ﻭﺿﺮﺍﺭ ﻳﺮﺩﻩ ﻳﻮﻡ ﺍﻟﻠﻚ ﺧﻮﻳﻲ
ﻛﻠﻬﻢ ﺗﻔﻀﻠﻮ ﺍﺣﻨﺎ ﻣﻦ ﺭﺧﺼﺘﻜﻢ ﻫﺴﻪ ﻧﺠﻲ ﺩﺧﻠﻮ ﻭﺗﻤﺸﻴﻨﻪ ﺟﻨﺖ ﻣﺘﻠﻬﻔﻪ ﺍﺷﻮﻑ ﺍﻟﺒﺴﺘﺎﻥ ﻣﻦ ﻛﺪ ﻣﺎﺳﻤﻌﺖ ﻋﻨﻪ ﺍﻟﺠﻮ ﺭﻏﻢ ﺑﺎﺭﺩ ﺑﺲ ﺣﻠﻮ ﺍﺣﺴﻪ ﺩﺍﻓﻲ ﺑﺤﺒﻨﻪ ﻭﺟﻮﺩﻧﻪ ﺑﺠﺎﻧﺐ ﺑﻌﺾ ﺍﻟﻄﺮﻳﻖ ﻛﻠﻪ ﻣﻨﺎﻛﺮ ﺍﻧﻲ ﻭﻳﺎﻩ ﻋﻞ ﺣﻔﻠﻪ ﻭﻧﺤﺸﺶ ﻭﻧﻀﺤﻚ ﻟﻤﻦ ﻭﺻﻠﻨﻪ ﻃﻠﻊ ﻓﻮﻧﻪ ﺷﻐﻞ ﺍﻟﻀﻮﻩ ﻭﺩﺧﻠﻨﻪ ﺍﻟﺒﺴﺘﺎﻥ ﺍﻭﻭﻭﻳﻠﻲ ﻣﻨﻀﺮ ﺧﺮﺍﻓﻲ ﻣﺸﺎﻳﻔﻪ ﻫﻴﺞ ﺍﺑﺪ ﺟﺒﻴﺮ ﻛﻠﺶ ﻭﺍﻟﺰﺭﻉ ﻣﻐﻄﻪ ﻫﺪﻳﺖ ﺍﻳﺪ ﺿﺮﺍﺭ ﻭﻛﻤﺖ ﺍﻣﺸﻲ ﻣﻦ ﺟﻮﻩ ﻟﺠﻮﻩ ﻭﺍﺭﻛﺾ ﺍﻟﺮﻳﺤﻪ ﻣﺨﻠﻮﻃﻪ ﻣﻄﺮ ﻋﻠﻰ ﺳﻤﺎﺩ ﻋﻠﻰ ﺯﺭﻉ ﺭﺍﺣﻪ ﻧﻔﺴﻴﻪ ﻋﺠﻴﺒﻪ
ﻧﻤﺸﻲ ﻧﻤﺸﻲ ﻭﺿﺮﺍﺭ ﻳﻜﻠﻲ
ﺑﻮﻳﻪ ﺧﻞ ﻧﺮﺟﻊ ﻻﺗﻔﻮﺗﻴﻦ ﺟﻮﻩ ﺭﺍﺡ ﻧﺒﻌﺪ ﻭﻧﺘﺎﺧﺮ
ﺿﺮﺍﺭ ﻣﺎ ﻭﺍﻟﻠﻪ ﺣﻠﻮ ﺍﻧﻲ ﻣﺸﺎﻳﻔﻪ ﻫﻴﺞبيج قصص عراقيه حقيقيه من واقعنا.روعه الطائي
ﺑﻌﺪ ﺭﻭﺣﻲ ﻫﻴﻪ ﺍﻟﺠﻴﻪ ﺑﻨﻬﺎﺭ ﺑﺲ ﺍﻧﺘﻲ ﻣﺘحﻀﺎﻳﻜﻪ ﻭﺟﺒﺘﺞ ﻫﺴﻪ
ﻓﺪﻭﻩ ﺣﺒﺎﺏ ﺑﺎﺟﺮ ﺟﻴﺒﻨﻲ ﺍﺭﻳﺪ ﺍﺻﻮﺭ
ﺧﺎﺏ ﻫﻴﻪ ﻣﺎﻝ ﺗﺼﻮﻳﺮ ﺑﻬﻞ ﺑﺮﺩ
ﺿﺮﺭﺭﺍﺍﺭ
ﻫﺎﺍﺍ ﻳﺎﺑﻌﺪ ﺿﺮﺍﺭ ﻭﺍﻫﻠﻪ
ﺟﻴﺒﻨﻲ
ﺻﺎﺭ ﺍﺟﻴﺒﺞ ﻓﺪ ﺍﻣﺸﻲ ﺧﺎﺏ ﺻﺮﻧﻪ ﺑﻮﺳﻂ ﺍﻟﺒﺴﺘﺎﻥ
ﻳﻠﻪ ﻣﺪﺍﻡ ﻭﻋﺪﺗﻨﻲ ﺭﺍﺡ ﺍﺭﺟﻊ ﺑﺲ ﻋﻔﻴﻪ ﺑﻨﻔﺴﻲ ﺷﻐﻠﻪ
ﺷﻨﻴﻪ ﻳﺒﻌﺪ ﺍﻟﻌﻤﺮ
ﺍﺭﻳﺪ ﺍﺭﻛﺾ
ﻫﻬﻬﻬﻬﻬﻪ ﺑﻮﻳﻪ ﻭﻳﻠﻮﻣﻨﻲ ﻋﺒﻦ ﻋﺎﺷﻚ ﺑﻐﺪﺍﺩﻳﻪ ﻭﺍﻟﻜﻌﺒﻪ ﻃﻔﻠﻪ ﺑﻬﻴﺌﻪ ﻣﺮﻩ ﺍﻧﻮﺏ ﺗﺮﻳﺪ ﺗﺮﻛﺾ
ﺍﻱ ﺣﺒﺎﺏ
ﺭﻛﻀﻲ ﺑﻮﻳﻪ ﺭﻛﻀﻲ ﺍﻧﺎ ﻛﺎﺿﺞ
ﻭﺍﻭﻭﻭﻭ ﺿﺮﺍﺭ ﺍﻧﻄﺎﻧﻲ ﺍﻟﻀﻮﺀ ﺍﻷﺧﻀﺮ ﻛﻤﺖ ﺍﺭﻛﺾ ﻛﻞ ﻗﻮﺗﻲ ﻭﻫﻮﻩ ﻳﺼﻴﺢ
ﺑﻮﻳﻪ ﻻﻃﻴﺤﻦ ﻭﺗﻨﻜﺴﺮﻳﻦ ﻭﻳﻦ ﺍﻧﻄﻲ ﻭﺟﻬﻲ
ﻣﻬﺘﻤﻴﺖ ﺍﺭﻛﺾ ﻭﺍﺿﺤﻚ ﺭﺟﻌﺖ ﻃﻔﻠﻪ ﺍﻡ ﻋﺸﺮ ﺳﻨﻴﻦ ﻓﺎﺭﻏﻪ ﻭﺧﺎﻟﻴﻪ ﻣﻦ ﻛﻠﺸﻲ ﺍﻟﻬﺚ ﻭﻛﻠﺒﻲ ﻳﻠﻜﻒ ﻭﻛﻔﺖ ﻣﺜﻨﻴﻪ ﻣﻦ ﺍﻟﺘﻌﺐ ﺍﺟﻪ ﻟﺰﻣﻨﻲ ﻓﺮﻧﻲ ﻋﻠﻴﻪ ﺷﺒﻜﻨﻲ ﺑﺤﻀﻨﻪ
ﺑﻮﻳﻪ ﺑﻮﻳﻪ ﻟﻴﺶ ﻫﻴﺞ ﺷﻮﻓﻲ ﻛﻠﺒﺞ ﺷﻠﻮﻥ ﻳﺪﻙ
ﻣﺎﻛﺪﺭ ﺣﺘﻰ ﺍﺣﺠﻲ ﺣﻠﻜﻲ ﻳﺒﺲ ﺿﻮﻩ ﻋﻠﻰ ﻭﺟﻬﻲ ﻋﻤﻀﺖ ﺿﻤﻨﻲ ﻟﺼﺪﺭﻩ ﺣﻴﻞ ﻭﻣﺸﺎﻧﻲ ﻋﻠﻰ ﻛﻴﻒ ﻭﻳﻬﻤﺴﻠﻲ
ﻟﻴﺶ ﺗﻌﺒﺘﻲ ﻧﻔﺴﺞ ﻳﺎﺑﻌﺪ ﺣﻴﻠﻲ ﻫﺎﺟﺮ
ﻣﻤﻢ
ﺑﻮﻳﻪ ﻭﺍﻟﻠﻪ ﻛﻠﺒﻲ ﻳﻮﺟﻌﻨﻲ ﻟﻮﻛﻠﺒﺞ ﺍﺫﺍﺝ
ﻣﺎﺑﻴﻪ ﺷﻲ ﺑﺲ ﺭﻛﻀﺖ ﻣﻦ ﻛﻞ ﻛﻠﺒﻲ
ﺑﺎﺱ ﺭﺍﺳﻲ ﻭﺭﺟﻌﻨﺎ ﺍﻟﺒﻴﺖ ﻓﺎﺭﻍ ﻛﻠﻪ ﺭﺍﻳﺤﻪ ﺣﺘﻰ ﻋﺸﻪ ﻣﺘﻌﺸﻴﻦ ﺍﻧﻲ ﻟﻬﻨﺎ ﻭﻗﻔﻠﺖ ﺑﻌﺪ ﻣﺎﻛﺪﺭﺕ ﺍﻗﺎﻭﻡ ﻭﺍﺑﻘﻰ ﻛﺎﻋﺪﻩ ﺭﺣﺖ ﺳﺒﺤﺖ ﻭﺍﺟﻴﺖ ﻧﻤﺖ ﻳﻢ ﺍﻣﻲ ﺷﻜﺪ ﺿﺮﺍﺭ ﺩﻙ ﻋﻠﻴﻪ ﺑﻠﻴﻞ ﻣﻜﺪﺭﺕ ﺣﺘﻰ ﺍﻛﻮﻡ ﺛﺎﻧﻲ ﻳﻮﻡ ﻭﻓﻪ ﺑﻮﻋﺪﻩ ﺍﻟﻴﻪ ﻭﺍﺧﺬﻧﻲ ﻟﻠﺒﺴﺘﺎﻥ ﺍﻟﻀﻬﺮ ﻭﻳﺎﻩ ﺣﻠﺖ ﺍﻟﻌﻤﺎﻝ ﻭﺳﺘﺮﺍﺣﻪ ﺍﻟﻐﺪﺍ ﺣﺘﻰ ﻳﻜﻮﻥ ﻓﺎﺭﻍ ﻣﺎﺗﺨﺮﻧﻪ ﺑﺲ ﺻﻮﺭﺕ ﻛﻢ ﻟﻘﻄﻪ ﻟﻠﺒﺴﺎﺗﻦ ﻭﺍﻟﻲ ﻭﺍﻟﻪ ﻭﺭﺟﻌﻨﺎ ﺍﻫﻢ ﺷﻲ ﺻﻄﺤﺒﺖ ﻛﺎﻣﺮﺗﻲ ﻭﻣﻀﻠﻴﺖ ﺑﺤﺴﺮﻩ ﻫﻞ ﻣﻨﺎﺿﺮ ﺑﻄﺮﻳﻖ ﺭﺟﻌﺘﻨﺎ ﺧﺎﺑﺮﻭ ﻛﻠﻮﻟﻪ ﺗﺠﻲ ﻟﻠﺸﻐﻞ ﺍﻣﻲ ﺳﻤﻌﺖ ﻛﺎﻟﺖ ﻧﺮﻭﺡ ﻭﻳﺎﻩ ﻭﺍﺳﻴﻞ ﻫﻢ ﺍﺟﺘﻪ ﻣﻦ ﺍﻟﻠﻪ ﻻﻥ ﻋﺎﻳﻔﻪ ﺳﺮﺍﺝ ﻟﻤﻠﻤﻨﻪ ﻭﺭﺟﻌﻨﺎ ﺫﺑﻨﻪ ﺑﻠﺒﺎﺏ ﻭﺭﺍﺡ ﻟﺸﻐﻞ ﻭﺍﻧﻲ ﺫﺑﻴﺖ ﻧﻔﺴﻲ ﻋﻠﻰ ﻧﻮﻡ ﺍﻟﻔﺘﻘﺪﻩ ﺑﻬﻞ ﻳﻮﻣﻴﻦ
ﺍﻻﻳﺎﻡ ﺍﻟﺒﻌﺪﻩ ﻧﺸﻐﻠﺖ ﺑﻠﻤﺤﻞ ﻭﺩﺍﺣﻀﺮ ﻟﻠﻜﻠﻴﻪ ﺣﺘﻰ ﺍﺭﺟﻊ ﻣﻀﻞ ﺷﻲ ﻟﺒﺪﺍﻳﻪ ﺍﻟﺪﻭﺍﻡ ﻗﺮﺭﺕ ﻫﻞ ﻣﺮﻩ ﺍﺑﺬﻝ ﻛﻞ ﺟﻬﺪﻱ ﻭﺍﺭﺟﻊ ﺑﻘﻮﻩ ﻭﻣﺘﻨﺪﻣﻪ ﺿﻴﻌﺖ ﺳﻨﻪ ﻣﻦ ﻋﻤﺮﻱ ﺑﺴﺒﺐ ﺗﺴﺮﻋﻲ ﻫﻴﺌﺖ ﻧﻔﺴﻲ ﻭﺧﺎﺑﺮﺕ ﺿﺮﺍﺭ ﺍﺑﻠﻐﻪ ﺑﺲ ﻣﺘﻮﻗﻌﺖ ﻫﻴﺞ ﺭﺍﺡ ﺗﻜﻮﻥ ﺭﺩﺕ ﻓﻌﻠﻪ ......
ﺭﻏﺪ ... ﻭﺭﻩ ﻣﺎﻧﻔﺼﻠﺖ ﻣﻦ ﺃﻣﻴﻦ ﻧﻔﺼﻠﺖ ﻋﻦ ﻛﻞ ﺷﻲ ﺭﺣﺖ ﺑﻐﻴﺮ ﺩﻧﻴﻪ ﻧﻌﺰﻟﺖ ﻋﻦ ﺍﻟﻌﺎﻟﻢ ﺍﻟﺨﺎﺭﺟﻲ ﻛﻤﺖ ﻣﺎﻋﺮﻑ ﺷﻴﺼﻴﺮ ﻣﻴﺼﻴﺮ ﺣﺘﻰ ﺑﻠﺒﻴﺖ ﺷﻨﻮ ﺍﻟﺼﺎﺑﻨﻲ ﻣﺎﺩﺭﻱ ﻭﺭﺩﻩ ﻛﻤﺖ ﻣﺎﺍﻃﻴﻖ ﺍﺑﺎﻭﻉ ﺑﻮﺟﻬﻪ ﻭﺍﺫﺍ ﺻﺪﻓﺖ ﻭﻓﺎﺗﺖ ﻟﻠﻐﺮﻓﻪ ﺣﺘﻰ ﻭﺟﻬﻲ ﺍﻏﻄﻲ
ﺗﺼﺮﻓﺎﺗﻲ ﻋﻜﺲ ﺗﺼﺮﻓﺎﺗﻪ ﻫﻴﻪ ﺟﺎﻧﺖ ﺗﺘﻤﻨﻰ ﺗﺤﺠﻲ ﻭﻳﺎﻱ ﻭﺍﻟﻨﺪﻡ ﺑﺎﻳﻦ ﺑﻌﻴﻮﻧﻪ ﺑﺲ ﺍﻧﻲ ﻛﻠﺒﻲ ﻣﺎﺕ ﻣﻦ ﻧﺎﺣﻴﺘﻪ ﺍﻟﻐﺮﻓﻪ ﺻﺎﺭﺕ ﻣﻠﺠﺌﻲ ﻭﻫﺮﻭﺑﻲ ﻣﻦ ﺍﻟﺤﻴﺎﻩ ﺍﻟﻨﻬﺎﺭ ﻛﻠﻪ ﻧﺎﻳﻤﻪ ﻭﺍﺫﺍ ﺭﺩﺕ ﺍﻛﻞ ﻟﻜﻤﻪ ﻟﻜﻤﺘﻴﻦ ﺗﺴﺪ ﺭﻣﻘﻲ ﺍﻻﻳﺎﻡ
ﻣﺤﺪ ﻋﺎﻓﻨﻲ ﻭﻛﻠﻪ ﺩﻛﻠﻲ ﻣﻮﺗﻲ ﻧﻔﺴﺞ ﻣﻴﺴﺘﺎﻫﻠﺞ ﻭﺍﻧﻲ ﻣﺘﺎﻛﺪﻩ ﻣﻦ ﻫﺬﺍ ﺍﻟﺸﻲ ﺑﺲ ﻣﺎﻛﺪﺭ ﺍﻗﺎﻭﻡ ﻭﻻﻛﺎﺩﺭﻩ ﺍﺗﻘﺒﻞ ﺍﻟﺼﺎﺭﻟﻲ ﻛﻤﺖ ﺍﻟﻬﺰﻡ ﻟﻠﻨﻮﻡ ﻟﺪﺭﺟﻪ ﺣﺴﻴﺖ ﺭﻭﺣﻲ ﻧﺸﻠﻴﺖ ﺣﺘﻰ ﺍﻟﺤﻤﺎﻡ ﺍﻟﺠﻨﺖ ﺍﺭﻭﺣﻠﻪ ﻛﺎﻣﺖ ﺍﻣﻲ ﺗﺴﻨﺪﻧﻲ ﺍﻝ ﺍﻭﺻﻠﻪ ﻭﺍﺫﺍ ﻭﺭﺩﻩ ﻭﺻﻠﺖ ﻳﻤﻲ ﺗﺴﺎﻋﺪﻧﻲ ﺍﺿﻞ ﺍﺻﺮﺥ ﻭﺍﺑﺠﻲ ﻋﺒﺎﻟﻬﻢ ﺻﺎﺭ ﻟﻌﻘﻠﻲ ﺷﻲ ٦ﺍﺷﻬﺮ ﺍﻧﻲ ﺣﺪﻱ ﺑﺲ ﻟﻠﺤﻤﺎﻡ ﻣﺸﺎﻳﻔﻪ ﺿﻮﻩ ﺍﻟﺸﻤﺲ
ﻟﺤﺪ ﻣﺎﺍﻣﻲ ﻃﻔﺢ ﺑﻴﻬﻪ ﺍﻟﻜﻴﻞ ﻣﻦ ﺣﺎﻟﻲ ﻟﻴﺒﺠﻲ ﺍﻟﺼﺨﺮ ﺍﺟﺘﻲ ﻛﻌﺪﺕ ﻳﻢ ﺭﺍﺳﻲ ﻭﺟﺎﺑﺘﻠﻲ ﺧﺒﺮ ﺧﻄﻮﺑﻪ ﺃﻣﻴﻦ ﻫﻨﺎ ﻣﺜﻞ ﺍﻟﻮﻋﻴﺖ ﻋﻞ ﻧﻔﺴﻲ ﻭﺩﻣﻮﻉ ﺍﻣﻲ ﻭﻛﻼﻣﻪ ﻣﻦ ﺩﻛﻠﻲ
ﻳﻤﻪ ﻣﺎﻳﺴﺘﺎﻫﻠﺞ ﻋﻠﻴﻤﻦ ﻣﻮﺗﻲ ﻧﻔﺴﺞ ﺭﻭﺣﻲ ﺷﻮﻓﻲ ﺧﻄﺐ ﻭﺍﻧﺘﻲ ﺑﺤﺎﻟﻪ ﺗﻜﺴﺮ ﺍﻟﻜﻠﺐ ﻟﻴﺶ ﺗﺸﻠﻌﻴﻦ ﻛﻠﺒﻲ ﻣﻮﻋﻠﻴﺘﻴﻨﻲ ﻭﻣﺮﺿﺘﻴﻨﻲ ﻟﺘﻔﺘﻲ ﺍﻟﺮﻭﺣﺞ ﺗﺮﻩ ﺧﻄﺐ ﺣﺘﻰ ﻳﻜﺴﺮ ﺧﺸﻤﺞ ﺍﻧﺘﻲ ﻫﻢ ﺍﻛﺴﺮﻱ ﺧﺸﻤﻪ ﺍﺭﺟﻌﻲ ﺭﻏﺪ ﺍﻟﻘﺪﻳﻤﻪ ﻭﻣﺘﻘﺪﻣﻠﺞ ﻭﺍﺣﺪ ﻳﺴﻮﻩ ﺭﺃﺳﻪ ﻭﺍﻓﻘﻲ ﻭﻃﻠﻌﻲ ﻣﻦ ﻫﺬﺍ ﺍﻟﺤﺰﻥ ﺍﻟﺤﻄﻴﺘﻲ ﺭﻭﺣﺞ ﺑﻲ ﻭﺷﻮﻓﻲ ﻭﺍﻟﻠﻪ ﺍﺫﺍ ﻣﺎﺗﻨﺪﻡ ﻭﻋﺾ ﺃﺻﺎﺑﻌﻪ
ﺿﻠﺖ ﺍﻣﻲ ﺗﺤﺠﻲ ﻭﺗﻘﻨﻊ ﺑﻴﻪ ﻭﺍﻧﻲ ﻃﻠﻌﺖ ﻗﻬﺮ ٦ﺍﺷﻬﺮ ﻛﺎﺗﻤﺘﻪ ﺑﻜﻠﺒﻲ ﻛﻤﺖ ﺍﺑﺠﻲ ﻭﺍﺷﻬﻚ ﺑﺤﺮﻛﻪ ﻭﺍﺟﻪ ﺍﻟﻮﻗﺖ ﺍﻟﻲ ﻻﺯﻡ ﺍﺭﺟﻊ ﺍﻭﻛﻒ ﺑﻲ ﻋﻠﻰ ﺭﺟﻠﻴﻪ ﻣﺎﺍﻧﻜﺮ ﺍﻧﻲ ﻏﻠﻂ ﻣﻦ ﺍﺧﺬﺕ ﺷﻲ ﻣﻮﺍﻟﻲ ﻭﻫﺎﻱ ﺍﻟﻨﺘﻴﺠﻪ ﺗﺤﻄﻤﺖ ﺣﻴﺎﺗﻲ ﻣﺎﺩﺭﻱ ﺍﺧﺘﻲ ﺗﺤﺲ ﻧﻔﺴﻪ ﻏﻠﻄﻲ ﻟﻮ ﻻ ﺑﺲ ﺍﻧﻲ ﺃﺩﺭﻛﺖ ﻏﻠﻄﻲ ﺣﺘﻰ ﻟﻮ ﻣﺘﺎﺧﺮ ﻭﺍﺟﻪ ﺍﻟﻴﻮﻡ ﺍﻟﻲ ﻻﺯﻡ ﺍﻟﺘﻔﺖ ﺑﻲ ﻟﺮﻭﺣﻲ ﺍﻧﻄﻴﺖ ﺟﻮﺍﺑﻲ ﺍﻻﻣﻲ ﻭﺍﻧﻲ ﺩﺍﻳﺴﻪ ﻋﻠﻰ ﻧﻔﺴﻲ ﻭﻫﻴﻪ ﻣﺜﻞ ﺍﻟﻤﺘﻔﺎﺟﺎﻩ ﺑﻴﻪ ﻣﻦ ﻛﺘﻠﻪ
ﻳﻤﻪ ﺍﻧﺎ
.
.
.
.
.
ﻳﺘﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤