هبت ريح

بارت36

مساء الخير على احلى متابعين ،،،،،،،،،،،،

#البارت السادس والثلاثون من ،،،،،،،،،،،،،

#هبة_ريح ،،،،،،،،،،

انا اشتاگيت يالماخذ الروح

ولا ادري بغيابك راح اهم بيك

شسولفلك عليه شلون مشتاگ

خل اسكت حبيبي خاف ابچيك

وحق حبك ياغالي ضايج هوااي

وماارتاح والله الا من احاجيك

ضرار.. عبرت واني اتلفت جان وره المزرعه بستان ركضت وصفاء ورايه لحد الشارع العام وكفنه كلشي ماكو الوضع طبيعي والناس تمشي بس بلفرع سيارات شرطه عرفت هذا تفتيش عادي مثل كل مره واحسن شي من عفت المكان يعني لو مفتشين ولاكين البجيبي جان ضاع الأول والتالي وحتى العندي ميبريني وشغلي بعده عل نص الحمدالله من الله نبهني بااخر لحضه

صفاء يمي اكل راسي بلحجي

ضرار ادري ليش هججتنه تره تفتيش مثل كل مره

بويه انت طرن ذوله لاتئمن بيهم وتنام رغد بيتهم ماتعرف شيطلع منهم

اي واذا تره احنا حمايه حالنه حال البلبيت وحتى باجات عدنه هسه لو سئلنه ابو ماجد ليش شردتو شنكله

صفنت بله هذا شكله اكله ماردتهم يفتشوني ويلكون عندي الفلاش والكامره لا صفاء ميتئمن بس يسكر يخرط كلشي بس بسالفته هاي نبهني وهسه ابو ماجد راح يسئلني نفس السوال ليش شردتو

لتفت على صفاء كتله اسمع ابو ماجد اذا سئل راح نكله احنا خفنه من دكتك السويته بينه ذيج المره

وانت صدك هيج فكرت؟

اي اي هيج فكرت بس اسكت راح تضل تسئل واحنا بنص الشارع والبرد كتلنه امشي نكعد بلكوفي لبذيج الصفحه اكيد مفتش وعبرو على هاي الصفحه

شدعليك مكومنتي على عمه عيوني بهذا البرد والله لوماخذيني ولا هذا شلعان الكلب

خايب صخونه مال حصونه لفتك يعني ياخذوك لبوغريب ودك صوندات ولاتفارك الفراش

اي وعلي على هذا البرد لبوغريب ولالشارع

امش امش انا هم صوجي لو عابر وحدي

غير اللعب بيك جوله جا هيه خوه لو قنادر

باوعتله صفح وعبرنه الشارع وضلينه نمشي للصوب الثاني دخلنه للكوفي هوه كعد وانا رحت للحمام طلعت الغراض طمئنيت عليهن خاف من عبرنه لو ركضنه راح منهن شي لكيت كلشي تمام  بيدي صافن عليهن وكلام صفاء يدك براسي هسه يكول ليش شردتو خفت ليشك بينه وهذا متعبر عليه احنا خايفين من ذيج المره

كلبي نغزني وخفت لايروح كل تعبي اكو لفه مال كلينس كدامي جريته منه وكمت اصفط عل مغسله وجبت العده وخليتهن بنصهن وضميتهن بجيبي بعدين طلعت اخذت علاكه من ابو الكوفي ورجعت للحمام خليتهن بنصه وصعدت عل غربيه اكو هوائيه ضميتهن وراه ونزلت