هبت ريح

بارت12

#هبة__ريح

رفل الكناني

#بارت١٢

ﺭﻏﺪ ......... ﻭﺭﺍﻩ ﺍﻟﻲ ﺻﺎﺭ ﺍﺧﺮ ﺷﻲ ﺑﻴﻨﻲ ﻭﺑﻴﻦ ﺍﻣﻴﻦ ﻗﺮﺭﺕ ﺍﺑﺘﻌﺪ ﻭﻫﻢ ﻣﺎﻋﺮﻑ ﻟﻴﺶ ﺍﻧﻲ ﻣﺪﺭﻱ ﺷﺒﻴﻪ ﻣﻦ ﺍﺷﻮﻓﻪ ﺗﺘﺨﺮﺑﻂ ﺍﺣﻮﺍﻟﻲ ﻓﺒﺘﻌﺪﺕ ﺣﺘﻰ ﺍﺻﻔﻲ ﻓﻜﺮﻱ ﻛﻤﺖ ﺣﺘﻰ ﻣﻦ ﻳﺠﻲ ﻟﻠﺒﻴﺖ ﻣﺎﻃﻠﻌﻪ ﻭﻫﻮﻩ ﺟﻴﺎﺗﻪ ﻛﺜﺮﺍﻧﻪ ﻋﻠﻤﻮﺩ ﺿﺮﺍﺭ ﻭﺍﻟﺨﻄﺎﺭ ﺍﻟﺪﻳﺠﻲ ﻭﺭﺩﻩ ﻫﻢ ﺍﺣﺴﻪ ﺿﺎﻳﺠﻪ ﺑﺲ ﻣﺘﺤﺠﻲ ﻣﻠﺘﻬﻴﻪ ﺑﻠﺸﻐﻞ ﻭﺍﻟﻬﻮﺳﻪ ﺍﻟﻴﻮﻡ ﻛﻠﺖ ﺍﺷﻮﻓﻪ ﺷﺒﻴﻪ ﻧﺘﻀﺮﺗﻪ ﺗﻜﻤﻞ ﺷﻐﻠﻪ ﻭﺍﺟﻴﺖ ﻋﻠﻴﻪ
ﺍﻛﻮﻝ ﻭﺭﺩﻩ ﺷﻤﺎﻟﺞ ﻫﻞ ﺃﻳﺎﻡ ﺍﺷﻮ ﺩﻭﻣﺞ ﺿﺎﻳﺠﻪ ﻭﻣﺘﻜﺪﺭﻩ ﻭﻣﺎﺗﺤﺠﻴﻦ ﺷﻨﻮ ﺻﺎﻳﺮ ﺷﻲ ﻭﺍﻧﺎ ﻣﺎﺩﺭﻱ
ﻻ ﻣﺎﺻﺎﻳﺮ ﺑﺲ ﺍﻧﺘﻲ ﻫﻢ ﻣﻮﺵ ﻣﺜﻞ ﻗﺒﻞ ﻭﻫﻢ ﻣﺎﻋﺮﻑ ﺷﺒﻴﺞ
ﺭﺗﺒﻜﺖ ﻭﺣﺮﺕ ﺷﺠﺎﻭﺑﻪ ﻋﻔﺘﻪ ﻭﺭﺣﺖ ﻟﻠﻐﺮﻓﻪ ﻟﺤﻜﺘﻨﻲ
ﺧﺎﻳﺒﻪ ﺷﻤﺎﻟﺞ ﺭﻛﻀﺘﻨﻲ ﻭﻋﻔﺘﻴﻨﻲ
ﻫﺎﺍﺍﺍﺍ ﻻﻻ ﻣﺎﻛﻮ ﺷﻲ ﺑﺲ ﺗﻮﻫﻤﺖ ﺟﻨﻲ ﺳﻤﻌﺖ ﺻﻮﺕ ﺍﻣﻲ ﺗﺼﻴﺢ ﻋﻠﻴﻪ ﺑﺲ ﻣﺘﻮﻫﻤﻪ ﻫﺴﻪ ﻛﻠﻴﻠﻲ ﺍﻧﺘﻲ ﺷﺒﻴﺞ
ﺟﺮﺕ ﺣﺴﺮﻩ ﻭﺩﻧﻜﺖ ﺭﺃﺳﻪ ﻭﺷﺒﻜﺖ ﺍﺩﻳﻪ ﺑﻌﺾ ﻭﻛﺎﻟﺖ
ﺍﻣﻴﻦ
ﺍﻱ ﺷﺒﻲ
ﺍﻣﻴﻦ ﻣﺎﺩﺭﻱ ﺷﺒﻲ ﺍﺷﻮ ﺻﺎﻳﺮ ﺑﺎﻫﺖ
ﻟﻴﺶ ﻫﻮﻩ ﻗﺒﻞ ﺷﻠﻮﻥ ﺟﺎﻥ
ﻣﺎﺩﺭﻱ ﺑﺲ ﻗﺒﻞ ﺟﺎﻥ ﻳﺴﻮﻟﻒ ﻭﻳﻀﺤﻚ ﻭﻳﺘﺸﺎﻗﻪ ﻫﺴﻬﺔﻛﻠﺶ ﺑﺎﺭﺩ ﺻﺎﻳﺮ
ﻭﺍﻧﺘﻲ ﻟﻴﺶ ﺿﺎﻳﺠﻪ ﻫﻮﻩ ﻣﺎﻣﺒﻴﻨﻠﺞ ﺷﻲ ﻣﻦ ﺣﺒﻪ ﻣﻮﺻﺢ
ﺭﻏﺪ ﺍﻧﺘﻲ ﺗﻐﺸﻤﻴﻦ ﻧﻔﺴﺞ ﺟﺎﺀ ﻣﻮﺵ ﺍﻧﺘﻲ ﺷﺎﻫﺪﻩ ﻋﻞ ﻛﻼﻣﻪ ﻭﻫﻮﻩ ﺑﻌﻀﻤﺖ ﺍﻟﺴﺎﻧﻪ ﻛﺎﻟﺞ ﺍﻧﻲ ﺭﺍﺡ ﺍﻋﺮﺱ ﻋﻦ ﺟﺮﻳﺐ ﻭﺍﻟﻌﺮﻭﺱ ﺗﻌﺮﻓﻴﻪ ﺍﻧﺘﻲ
ﺟﺎﺀ ﻭﻣﻨﻮ ﻳﻜﻮﻝ ﺍﻧﺘﻲ ﺍﺣﻨﺎ ﺩﻳﺮﺗﻨﻪ ﻛﻠﻪ ﻛﺮﺍﺑﻪ ﻭﻋﻤﺎﻣﻨﻪ ﻭﺍﻧﻲ ﺍﻋﺮﻑ ﻛﻞ ﺍﻟﺒﻨﺎﺕ ﻳﺠﻮﺯ ﺍﺑﻠﻪ ﻭﺣﺪﻩ ﻣﻨﻬﻦ ﻣﻮﺵ ﺍﻧﺘﻲ
ﻭﺭﺩﻩ ﺻﻔﺮﺕ ﻭﺑﻠﻌﺖ ﺭﻳﻜﻪ ﻭﻛﺎﻟﺖ
ﻳﻌﻨﻲ ﺷﻨﻮ ﻣﻮﺍﻧﻲ ﺍﻟﻤﻘﺼﻮﺩﻩ ﻣﻮﺍﻧﻲ ﺍﻟﻲ ﻳﺮﻳﺪ ﻳﺘﺰﻭﺟﻪ
ﻭﺍﻟﻠﻪ ﻣﺎﺩﺭﻱ ﺷﻮﻓﻲ ﻧﻔﺴﺞ ﻭﺍﻧﺘﻲ ﺗﻌﺮﻓﻴﻦ ﺗﻮﺝ ﺗﻜﻮﻟﻴﻦ ﺑﺎﺩﺭ ﻭﻳﺎﻱ
ﺑﺎﻭﻋﺖ ﻋﻠﻴﻪ ﺑﻨﻜﺴﺎﺭ ﻭﻋﺎﻓﺘﻨﻲ ﻭﻃﻠﻌﺖ ﺻﻔﻨﺖ ﻋﻞ ﻧﻔﺴﻲ
ﺍﻧﻲ ﺷﺤﺠﻴﺖ ﺷﺨﺮﺑﻄﺖ ﺷﺼﻔﻄﺖ ﻟﻴﺶ ﻫﻴﺞ ﻛﺴﺮﺕ ﻛﻠﺒﻪ ﻟﻴﺶ ﻣﺎﻭﺍﺳﻴﺘﻪ ﺍﻧﻲ ﺷﺪﺍﺻﺮﻑ ﺍﻭﻭﻭﻭﻭﻭﻑ ﺭﺑﻲ ﻭﻛﻌﻨﻲ ﻋﻞ ﻋﻠﺘﻲ ﺧﻞ ﺍﻋﺮﻓﻪ
ﺩﺍﺣﺎﺟﻲ ﺭﻭﺣﻲ ﻭﺍﺟﺘﻲ ﺿﺤﻰ ﺗﺮﻛﺾ
ﺭﻏﺪ ﺭﻏﺪ
ﻭﺻﻤﺦ ﺷﻤﺎﻟﺞ ﺟﻔﻠﺘﻴﻨﻲ
ﺻﻤﺦ ﺍﻟﺼﻤﺨﺞ ﻭﺍﻟﻠﻪ ﻣﺎﻛﻠﺞ ﻟﻌﺪ ﻋﻞ ﺷﻨﻮ ﺟﺎﻳﻪ
ﻭﻳﻄﺒﺞ ﻃﺒﺞ ﺑﻌﺪ ﺍﺣﺴﻦ ﺍﻧﻲ ﺩﺍﻳﺨﻪ
ﺟﺎﺀ ﺧﻮﺵ ﺍﻧﻲ ﺭﺍﺩﻩ ﺍﻛﻮﻝ ﺍﻝ ﺍﻣﻴﻦ ﺩﻛﻮﻝ ﻫﻴﺞ
ﺗﻌﺎﻱ ﺗﻌﺎﻱ ﻳﺎﺍﻣﻴﻦ ﻭﺷﻌﻠﻴﻪ ﻭﺷﻨﻮ ﺗﺮﺩﻳﻦ ﺗﻜﻮﻟﻴﻦ
ﻣﺎﻋﻠﻴﻪ ﺑﻌﺪ ﺭﺍﺣﺖ ﻋﻠﻴﺞ
ﺩﺗﻄﻠﻊ ﻛﻤﺰﺕ ﻟﺰﻣﺘﻪ ﻣﻦ ﺟﺘﻔﻪ ﻭﺳﺤﺒﺘﻪ ﻋﻠﻴﻪ
ﺍﺣﺠﻲ ﻳﺎﻟﻪ ﺷﺒﻲ ﺍﻣﻴﻦ
ﻣﺎ ﻣﺎﻛﻮﻝ
ﺗﺤﺠﻴﻦ ﻟﻮ ﺍﺿﺮﺑﺞ ﻭﻋﻠﻲ
بيج قصص عراقيه حقيقيه
من واقعنا.روعه الطائي
ﺍﺣﻤﻤﻤﻢ ﻫﺪﻳﻨﻲ ﺍﻭﻝ
ﺩﻳﺎﻟﻪ ﻋﺎﺩ ﻫﺪﻳﺘﺞ
ﺍﻣﻴﻦ ﻳﻜﻮﻝ ﻣﻨﺘﻀﺮﺝ ﻳﻢ ﺍﻟﺘﻨﻮﺭ ﺍﺭﻳﺪ ﺍﺣﺠﻲ ﻭﻳﺎﺝ
ﺷﻮﻛﺖ ﻫﺬﺍ ﺍﻟﺤﺠﻲ
ﻫﺴﺎﻉ ﻭﺍﻧﻲ ﺟﻴﺘﺞ ﺭﻛﺾ
ﺻﻔﻨﺖ ﺑﺎﻟﻪ ﻟﻴﺶ ﺭﺍﻳﺪﻧﻲ ﺯﻳﻦ ﺍﺭﻭﺡ ﻟﻮ ﻻ ﻭﻟﻴﺶ ﻣﺎﺭﻭﺡ ﻫﻮﻩ ﺍﺑﻦ ﻋﻤﻲ ﻗﺎﺑﻞ ﺍﻧﻲ ﺷﻤﺴﻮﻳﻪ
ﺧﻠﻴﺖ ﺍﻟﺸﺎﻝ ﻋﻞ ﺭﺍﺳﻲ ﻭﻃﻠﻌﺖ ﺑﺎﻭﻋﺖ ﺍﻣﻲ ﺩﺻﻠﻲ ﺍﻟﻤﻐﺮﺏ ﻭﺭﺩﻩ ﺩﺗﻠﻢ ﺍﻟﻤﻼﺑﺲ ﻣﻦ ﺍﻟﺤﺒﻞ ﻳﻌﻨﻲ ﻣﺎﺗﻨﺘﺒﻪ ﻻﻥ ﻭﻳﺎﻫﻢ ﻣﻼﺑﺲ ﺿﺮﺍﺭ ﺭﺍﺡ ﺗﻀﻞ ﺗﺼﻔﻄﻬﻦ ﻭﺗﺮﺗﺒﻬﻦ ﺍﻝ ﺗﻀﻤﻬﻦ ﻳﻌﻨﻲ ﻣﻄﻮﻻ
ﺍﻟﻨﺘﻮﺭ ﺻﺎﻳﺮ ﻭﺭﻩ ﺍﻟﺒﻴﺖ ﻣﺎﻟﻨﻪ ﻭﺍﺣﻨﺎ ﻣﺴﻴﺠﻦ ﺻﻔﺤﻪ ﻣﻨﻪ ﺑﺴﻌﻒ ﺍﻟﻲ ﻫﻴﻪ ﻛﺒﺎﻝ ﺍﻟﻌﺮﺑﺎﻥ ﻣﺸﻴﺖ ﻭﺍﻧﻲ ﺍﺗﻠﻔﺖ ﺧﺎﻳﻔﻪ ﺿﺮﺍﺭ ﻳﺠﻲ ﻋﻞ ﻏﻔﻠﻪ ﻫﺴﻪ ﻫﻢ ﻳﻜﻮﻝ ﺷﻌﺪﻛﻢ ﻫﻨﺎ ﺷﻔﺖ ﺿﺤﻰ ﺧﻄﻔﺖ ﺍﻟﺒﻴﺖ ﺍﺑﻮﻱ ﻫﺎﻱ ﻋﺪﻩ ﻋﺎﺩﻱ ﻃﺐ ﻭﺗﻄﻠﻊ ﻋﻠﻴﻬﻢ ﺣﺘﻰ ﻟﻮ ﺟﻠﻴﻠﻪ ﺗﻄﺮﺩﻩ ﺑﺎﻭﻋﺖ ﺍﻣﻴﻦ ﻭﺍﻛﻒ ﻭﺍﻳﺪﻩ ﻭﺭﺍﻩ ﺿﻬﺮﻩ ﻭﻳﺘﻤﺸﻰ ﺭﺍﻳﺢ ﺟﺎﻱ ﻣﻦ ﺳﻤﻊ ﺧﻄﻮﺍﺗﻲ ﻟﺘﻔﺖ ﻣﺒﺘﺴﻢ
ﻫﻼ ﺑﻨﺖ ﻋﻤﻲ
ﻫﻼ ﺍﻣﻴﻦ
ﺷﻠﻮﻧﺞ
ﺍﻟﺤﻤﺪﺍﻟﻠﻪ ﺑﺲ ﻟﻴﺶ ﺩﺯﻳﺖ ﻋﻠﻲ ﺟﺎﻥ ﺍﺟﻴﺖ ﻟﻠﺒﻴﺖ
ﺑﺎﻭﻋﻠﻲ ﺑﻤﻜﺮ ﻭﺑﺘﺴﻢ ﺑﺨﻔﻪ ﻭﻛﺎﻝ
ﺍﻧﻲ ﻳﻮﻣﻴﻪ ﺍﺟﻲ ﻭﺍﻧﺘﻲ ﻣﺎﻛﻮ ﻣﺎﻃﻠﻌﻴﻦ
ﻫﺎﺍﺍ ﺍﻱ ﺻﺢ
ﺯﻳﻦ ﻳﺼﻴﺮ ﺍﻋﺮﻑ ﻟﻴﺶ
ﺷﺘﻌﺮﻑ
ﺍﻋﺮﻑ ﻟﻴﺶ ﻣﻄﻠﻌﻴﻦ
ﻫﺎﺍﺍ ﻣﻮﻭﻭﻭ ﻣﺎﻛﻮ ﺷﻲ ﺑﺲ ﻳﺼﺎﺩﻑ ﻋﻨﺪﻱ ﺷﻐﻞ
ﻣﻢ ﻳﻌﻨﻲ ﻣﻮﻣﺘﻌﻤﺪﻩ
ﻻﻻ ﻟﻴﺶ ﻣﺘﻌﻤﺪﻩ
ﺟﺎﺀ ﺍﻛﻮﻝ ﺍﺧﺎﻑ ﺍﻧﺎ ﻣﺰﻋﻠﺞ ﺑﺸﻲ ﺳﺎﻣﻌﻪ ﺷﻲ ﻫﻴﺞ ﻳﻌﻨﻲ
ﻻ ﻣﺎﻛﻮ ﻛﻠﺸﻲ
ﺟﺎﺀ ﺧﻮﺵ ﺑﻴﻪ ﺍﻟﺨﻴﺮ
ﺑﻌﺪ ﺍﻛﻮ ﺷﻲ ﺗﺮﻳﺪ ﺷﻲ ﺍﺭﻭﺣﻦ
ﺭﻭﺣﻲ ﻳﺎﺑﻪ ﺭﻭﺣﻲ ﻣﺎﺵ ﺷﻲ
ﻋﻔﺘﻪ ﻭﻣﺸﻴﺖ ﻭﺟﺴﻤﻲ ﻳﺮﻋﺶ ﻭﺟﻬﻲ ﻧﺎﺭ ﺗﻄﻠﻊ ﻣﻨﻪ ﺷﻌﻠﻪ ﺃﻣﻴﺮ ﺃﻛﺜﺮ ﻭﺍﻧﻲ ﺍﺷﻮﻓﻪ ﺷﻠﻮﻥ ﻻﺯﻡ ﺿﺤﻰ ﻣﻦ ﻛﺼﻴﺒﺘﻪ ﻭﻳﻌﺖ ﻭﻳﻜﻔﺦ ﺑﻴﻪ ﺑﻌﺪ ﻳﺎﺭﺟﻠﻴﻪ ﺻﻴﺮﺍ ﺍﺭﺑﻌﻪ ﺭﻛﻀﺖ ﻋﻠﻴﻪ ﺟﻴﺘﺖ ﻋﻞ ﺿﺤﻰ ﺟﺮﻳﺘﻪ ﻣﻦ ﺍﻳﺪﻩ ﻭﺩﻓﻌﺘﻪ ﻧﻠﻄﻢ ﺿﻬﺮﻩ ﺑﻠﺪﻧﻜﻪ ﻟﺒﻨﺺ ﺍﻟﺒﻴﺖ ﻟﻮ ﺗﺨﺒﻞ ﺟﻴﺖ ﻋﻠﻴﻪ ﻭﻟﻮﺯﻣﻨﻲ ﻣﻦ ﺷﺎﻟﻲ ﺧﻨﻜﻨﻲ ﺑﻲ ﻛﻤﺖ ﺍﺭﻓﺲ ﻭﻣﺎﺣﺴﻴﺖ ﺍﻝ ﺍﻣﻴﻦ ﺑﻴﻨﻪ ﻭﻳﻮﺧﺮ ﺑﻲ
ﺍﻧﺖ ﻻﺗﺪﺧﻞ ﺍﻧﻲ ﻭﺧﻮﺍﺗﻲ ﻭﺧﺮ ﻟﻮ ﺍﺿﺮﺑﻚ
ﺍﻟﻤﻦ ﺗﻀﺮﺏ ﻭﻟﻚ ﺑﻠﻪ ﺟﺮﺏ ﺣﺘﻰ ﺍﻛﺴﺮ ﺍﻳﺪﺝ ﻭﺍﺧﻠﻴﻚ ﻣﻌﻮﻕ
ﺍﻣﺸﻲ ﻭﻟﻲ ﻻﺗﺘﻤﺮﺟﻞ ﺑﺮﺃﺳﻲ ﻭﻋﻠﻲ ﺍﻣﺪﻙ ﻫﻨﺎ
ﺿﺮﺍﺭ ......... ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻟﻤﻦ ﺗﻤﺪ ﻭﻟﻚ ﺣﺮﺭﺭﺭﺭﺭﺭﺭﻣﻪ
ﺭﻏﺪ _ ﺍﻟﺘﻔﺘﻨﻪ ﻟﻨﻪ ﺿﺮﺍﺭ ﻳﻤﻪ ﺻﻮﺗﻪ ﻫﺰ ﺍﻟﺒﻴﺖ ﻭﺣﺘﻰ ﺟﻠﻴﻠﻪ ﻃﻠﻌﺖ ﺗﺮﻛﺾ ﺍﻧﻲ ﺍﻓﺮﻙ ﺑﺮﻛﺒﺘﻲ ﻣﻦ ﺃﺛﺮ ﺍﻟﺨﻨﻚ ﻭﺿﺤﻰ ﻣﻜﻔﻮﺷﻪ ﻭﺗﺒﺠﻲ ﺿﺮﺍﺭ ﺑﺎﻭﻉ ﻋﻠﻴﻨﻪ ﻭﻛﻤﺰ ﻋﻞ ﺍﻣﻴﺮ ﺷﺎﻟﻪ ﻣﻦ ﻳﺎﺧﺘﻪ ﻭﻗﺒﻞ ﻣﻴﺤﺠﻲ ﻛﻠﻤﻪ ﺻﻠﺨﻪ ﺭﺍﺷﺪﻱ ﺧﻠﻪ ﺟﻠﻴﻠﻪ ﺗﻌﺪ ﻭﺗﺼﻒ ﻭﺍﻧﻲ ﻭﺿﺤﻰ ﺗﺸﺠﻌﻨﺎ ﺑﻲ..بيج قصص عراقيه حقيقيه من واقعنا.روعه الطائي
ﺿﺤﻰ _ ﺿﺮﺍﺭ ﻭﺍﻟﻠﻪ ﻣﺎﺳﻮﻳﺘﻠﻪ ﺷﻲ ﻻﻥ ﺩﺧﻠﺖ ﻋﻠﻴﻬﻢ ﻭﺍﻧﻲ ﻛﻞ ﻣﺎﺍﺧﻞ ﻳﻀﺮﺑﻨﻲ ﻭﻳﻄﺮﺩﻧﻲ ﻭﺍﻟﻠﻪ ﺍﻧﻲ ﻋﻠﻤﻮﺩ ﺍﺗﺼﺨﺮ ﻟﺠﺪﺗﻲ ﺍﺩﺧﻞ ﻋﻠﻴﻬﻢ
ﺍﻟﻤﻦ ﺗﻀﺮﺏ ﻭﻟﻚ ﺗﻀﺮﺏ ﺧﻮﺍﺗﻲ ﻭﺍﻧﻲ ﻋﺎﻳﺶ ﻟﻨﻌﻞ ﺳﻠﻔﻪ ﺳﻠﻔﺎﻙ ﺍﻟﻴﻮﻡ ﺍﺑﻦ ﺍﻟﻜﺢ . ...........
ﺗﻐﻠﻂ ﻋﻞ ﺍﻣﻲ ﻭﻭﻭﻭﻭﺧﺮ ﻭﺍﻟﻠﻪ ﻟﻜﻮﻝ ﻟﺒﻮﻳﻪ ﺍﻟﻴﻮﻡ ﺍﺧﻠﻲ ﻳﻔﻨﻴﻚ
ﺍﻧﺠﺐ ﺟﺮﻭﻭ ﺩﻛﻮﻝ ﻟﺒﻮﻙ ﻋﻠﻴﻤﻦ ﺧﻮ ﻛﻮﻡ ﻭﺍﺟﻬﻨﻲ ﺍﺫﺍ ﺑﻴﻚ ﺧﻴﺮ ﻟﻚ ﻣﺎﻋﺎﺵ ﺍﻟﻲ ﻳﻤﺪ ﺍﻳﺪﻩ ﻋﻞ ﺧﻮﺍﺗﻲ ﻭﺍﻧﻲ ﻣﻮﺟﻮﺩ
ﺭﻏﺪ _ ﻟﻌﺪ ﻟﻮﺗﺸﻮﻑ ﻳﺨﻮﻱ ﺷﺴﻮﻩ ﺑﻴﻪ ﻭﺍﻧﺖ ﺑﻠﺴﺠﻦ
ﺍﻟﺪﻡ ﺻﻌﺪ ﺑﺮﺃﺳﻲ ﻭﻋﺮﻓﺘﻪ ﺍﻟﻨﺬﻝ ﻣﺎﺫﻳﻬﻢ ﺑﻐﻴﺎﺑﻲ ﻟﺰﻣﺘﻪ ﻭﺩﻙ ﻭﻳﻦ ﻣﻴﻮﺟﻌﻪ ﻭﺍﻣﻴﻦ ﻳﻔﺎﻛﻚ ﺑﻴﻨﻪ ﺑﺲ ﺍﻧﻲ ﻛﻠﺒﻲ ﻣﻮﺟﺮ ﻣﻨﻪ ﺍﻣﻲ ﺍﺟﺘﻲ ﺭﺍﺩﺕ ﺑﺲ ﺍﺑﻌﺪ ﻋﻨﻪ ﻭﺍﻧﻲ ﻣﺪﺩﻩ ﻭﻧﺎﻳﻢ ﻓﻮﻛﻠﻪ ﻭﻙ ﺑﻮﻛﺴﺎﺕ ﻭﻓﺸﺎﺭ ﻣﻦ ﻫﺬﺍ ﺍﻟﻴﻌﺠﺐ ﺍﻧﻲ ﺍﻋﺘﺮﻑ ﻣﻴﺼﻴﺮ ﺍﻓﺸﺮ ﺑﺲ ﻣﺎﻛﺪﺭ ﺍﻟﺰﻡ ﻟﺴﺎﻧﻲ ﺍﻟﺴﺠﻦ ﻃﻠﻌﻨﻲ ﻏﻴﺮ ﻭﺍﺣﺪ
ﺍﻟﻠﻪ ﻻﻳﻮﻓﻘﻚ ﺍﻟﻠﻪ ﻳﻜﺴﺮ ﺍﻳﺪﻙ ﺗﻤﺪ ﺍﻳﺪﻙ ﻋﻞ ﺍﺑﻨﻲ ﺍﻟﻤﺠﺮﻡ ﺧﺮﻳﺞ ﺍﻟﺴﺠﻮﻥ ﺷﻮﻑ ﺃﺧﻼﻗﻚ ﺍﻟﻄﺎﻳﺢ ﺣﻀﻬﻬﻪ
ﺍﺳﻤﻊ ﻛﻼﻡ ﺟﻠﻴﻠﻴﻪ ﻭﺍﺯﻳﺪ ﺑﻀﺮﺏ ﺣﻤﻴﺮ ﻭﻣﻦ ﻛﺎﻟﺖ ﺧﺮﻳﺞ ﺳﺠﻮﻥ ﺯﻧﻜﺘﻪ ﻣﻦ ﻳﺎﺧﺘﻪ ﻭﻋﻴﻨﻲ ﺑﻌﻴﻨﻪ ﻫﻤﺴﺖ
ﺩﺷﻮﻑ ﻫﺎﻱ ﺍﻟﻜﻠﻤﻪ ﺍﻟﻜﺎﻟﺘﻪ ﺍﻣﻚ ﺍﻃﻠﻊ ﺍﻧﻲ ﺻﺪﻙ ﻧﻐﻞ ﺍﺫﺍ ﻣﻮﺍﻧﺖ ﺳﺒﺐ ﺳﺠﻨﻲ ﻭﺣﺮﻳﻖ ﺍﻟﻤﻌﻤﻞ
ﻭﺟﻬﻪ ﻛﺎﻡ ﻳﻀﺮﺏ ﺍﻷﻟﻮﺍﻥ ﻭﺣﺘﻰ ﺑﻄﻞ ﻳﻘﺎﻭﻣﻨﻲ ﺗﺄﻛﺪﺕ ﻫﻮﻩ ﻻﻥ ﻣﺎﺩﺍﻓﻊ ﻋﻞ ﻧﻔﺴﻪ ﺍﻝ ﺳﺘﻮﻋﺐ ﺍﻝ ﻛﻠﺘﻪ ﻋﺎﺩ ﻛﺎﻡ ﻳﺼﻴﺢ
ﻭﺧﺮﺭﺭﺭﻭ ﻣﻨﻲ ﻳﺮﻳﺪ ﻳﺒﻠﻴﻨﻲ ﻳﻤﻤﻤﻤﻤﻤﻤﻤﻪ ﻳﺎﺑﻪ ﻟﺤﻮﻟﻜﻲ
ﺩﻧﻜﺖ ﻋﻠﻴﻪ ﺣﻴﻞ ﻭﺷﺎﻭﺭﺗﻪ ﻭﻛﺘﻠﻪ
ﻫﺴﻪ ﺭﺍﺡ ﺍﻋﻮﻓﻚ ﻟﻠﻮﻛﺖ ﻭﺍﻟﺤﺪ ﻣﺎﺍﺗﻜﺪ ﻭﺍﺫﺍ ﺗﻴﻘﻨﺖ ﺍﻟﺒﺎﻟﻲ ﺻﺤﻴﺢ ﺍﻧﺼﺤﻚ ﺷﻮﻓﻠﻚ ﺩﻳﺮﻩ ﻭﻫﺞ ﺑﻴﻪ
ﻟﻄﻬﺘﻪ ﻋﻞ ﻛﺎﻉ ﻭﻛﻤﺖ ﻧﺘﺮ ﺑﻴﻬﻢ ﻛﻠﻬﻢ ﻻﻥ ﺣﺘﻰ ﻓﺎﻧﻴﻠﺘﻲ ﺗﻤﺰﻛﺖ ﻭﻫﻤﻪ ﻳﺠﺮﻭﻥ ﺑﻴﻪ ﻭﺍﻣﻲ ﺗﻠﻬﺚ
ﻭﻭﻭﻭﻭﻭﺧﺮ ﺷﻜﻮ ﺷﺒﻴﻜﻢ ﻣﺪﻛﻠﻮﻟﻲ ﺟﻠﺐ ﻧﺒﺢ ﻭﺩﺍﺳﻜﺘﻪ ﺳﻮﻳﺘﻮﻩ ﻣﻌﻀﻠﻪ ﻋﻞ ﺷﻨﻮﻭ
ﻣﺎﻏﻴﺮﻙ ﺍﻟﺠﻠﺐ ﺍﻧﻲ ﺍﺧﻠﻲ ﻳﻌﻠﻤﻚ ﺍﻟﻴﻮﻡ
ﺍﻱ ﻓﺪﻩ ﺍﻡ ﺣﻤﻴﺮ ﺿﺮﻭﺭﻱ ﺩﻛﻠﻴﻠﻪ ﺣﺘﻰ ﻳﺠﻲ ﻳﻄﻬﺮﻧﻲ
ﺣﻤﻴﺮ ﺑﻌﻴﻨﻚ ﻭﻟﻚ ﻫﺬﺍ ﺃﻣﻴﺮ ﻭﺗﺎﺝ ﺭﺃﺳﻚ
ﻭﺍﻟﻠﻠﻪ ﻭﻭﻭﻭﻭﺍﻟﻨﻌﻢ ﻣﻦ ﻛﻞ ﻓﺼﻴﻠﻪ ﺍﻟﺤﻤﻴﺮ
ﺗﺘﻤﻬﺰﻩ ﺑﻌﻴﻨﻲ ﺑﻌﻴﻨﻲ ﺑﺴﻴﻄﻪ
ﺑﺴﻴﻄﻴﻦ ﻣﻮﻭﻭ ﻭﺣﺪﻩ ﻳﺎﺍﺍﺍﺍﻟﻪ
ﺭﺟﺎﺀ ...... ﺍﻧﺖ ﺗﺨﺒﻠﺖ ﻳﺒﻮﻭﻭﻭﻭ ﺭﺍﺡ ﺍﻧﺠﻠﻂ ﺍﻟﻴﻮﻡ ﻣﺎﺿﻞ ﺑﻠﺒﻴﺖ ﻭﺍﻟﻠﻪ ﻟﻬﺞ ﻭﻟﻚ ﺍﻧﻲ ﺃﻣﻚ ﻭﺩﺍﺗﻮﺳﻞ ﺑﻴﻚ ﺗﺴﻜﺖ
ﺍﻣﻴﻦ _ ﺿﺮﺍﺭ ﻛﺎﻓﻲ ﻫﺎﻫﻴﻪ ﺍﺧﺬﺕ ﺣﻘﻚ ﻭﺯﻳﺎﺩﻩ ﻓﻮﺕ ﺟﻮﻩ ﺗﺮﻩ ﻋﻤﺘﻲ ﺗﻌﺒﺖ ﺷﻮﻑ ﺷﺼﺎﺭ ﺑﺤﺎﻟﻪ ﻭﺧﻮﺍﺗﻚ ﺧﺎﻳﻔﺎﺕ ﺍﻣﺸﻲ ﻳﺨﻮﻱ ﺍﻣﺸﻲ
ﺩﺧﻠﺖ ﻟﻠﺒﻴﺖ ﻭﺷﺒﻬﻪ ﺑﺮﺩﺕ ﻛﻠﺒﻲ ﺑﻬﺬﺍ ﺍﻟﻜﻠﺐ ﻭﺍﻣﻪ ﺟﻨﺖ ﻣﺘﺄﻛﺪ ﻣﺴﻮﻱ ﺍﻟﻬﻮﺍﻳﻞ ﻭﺭﻳﻪ ﺑﺨﻮﺍﺗﻲ ﻭﺍﻟﻠﻴﻬﻦ ﻭﺑﻮﺩﻫﻦ ﻳﺤﺠﻦ ﺑﺲ ﺍﻣﻲ ﻣﻨﻌﺘﻬﻦ ﻭﺍﻛﻒ ﺍﻏﺴﻞ ﻭﺍﻣﻲ ﻣﺎﺗﺴﻜﺖ..بيج قصص عراقيه حقيقيه من واقعنا.روعه الطائي
ﻫﺎﻱ ﺗﺮﺑﻴﺘﻲ ﻳﺒﻦ ﺑﻄﻨﻲ ﻫﺎﻱ ﺗﺎﻟﻴﺘﻪ ﻭﻟﻚ ﺍﻧﻲ ﺳﺪﻳﺖ ﺍﺫﺍﻧﻲ ﻣﻦ ﻓﺸﺎﺭﻙ ﻭﻟﻚ ﺷﺴﻮﺍﻙ ﻫﻴﺞ ﻣﻮﻋﻴﺐ ﻋﻠﻴﻚ ﺧﻮﺍﺗﻚ ﻭﺍﻛﻔﺎﺕ ﺷﻠﻮﻥ ﻧﻄﺎﻙ ﻛﻠﺒﻚ ﺗﺤﺠﻲ ﻫﻴﺞ ﻭﺑﻬﺬﺍ ﺍﻟﺴﻠﻮﺏ
ﺳﻤﻌﻲ ﺍﻛﻠﺞ ﻳﻤﻪ ﺿﺮﺍﺭ ﺍﻟﻘﺪﻳﻢ ﻣﺎﺕ ﻭﺩﻓﻨﺘﻪ ﻫﻨﺎﻙ ﺑﺴﺠﻦ ﺗﺮﺑﻴﺘﺞ ﺿﻤﻴﻬﻪ ﻟﺤﺪ ﻣﺎﺍﺧﺬ ﺛﺎﺭﻱ ﻣﻦ ﺍﻟﻲ ﻋﻴﺸﻨﻲ ﻟﻴﺎﻟﻲ ﺳﻮﺩﻩ ﺑﻠﺴﺠﻦ ﻣﻨﺎ ﻟﺬﺍﻙ ﺍﻟﻮﻛﺖ ﺭﺍﺡ ﺗﺸﻮﻓﻴﻦ ﺍﺑﻨﺞ ﻭﺍﺣﺪ
ﻛﻤﺖ ﺍﺷﺮﻟﻪ ﺑﺼﺎﺑﻊ ﺍﻳﺪﻱ
ﻭﺍﺣﺪ ﻣﺴﺘﻬﺘﺮ
ﻣﺴﻘﻂ
ﺳﻴﺒﻨﺪﻱ
ﻫﺘﻠﻲ
ﻣﺎﻋﻨﺪﻩ ﻻﻋﻴﺐ ﻭﻻ ﺣﻼﻝ ﻭﻻ ﺣﺮﺍﻡ
ﻭﻟﻚ ﻟﻴﺶ ﻫﻴﺠﻲ ﻳﻤﻪ ﻟﻴﺶ
ﻻﻥ ﺟﻨﺖ ﺍﻣﺸﻲ ﻋﺪﻝ ﻭﻋﻞ ﺻﺮﺍﻁ ﺍﻟﻤﺴﺘﻘﻴﻢ ﻭﻧﻤﺖ ﺳﺒﻊ ﺃﺷﻬﺮ ﺿﻠﻢ ﺑﻀﻠﻢ ﺑﺴﺠﻦ ﺧﻠﺼﺘﻪ ﺗﻌﺬﻳﺐ ﻭﺗﻜﺴﻴﺮ ﺿﺤﺮ ﻫﺎﺝ ﺷﻮﻓﻲ ﺩﻣﺎﺭﺍﺕ ﺟﺘﻔﻲ ﺷﻠﻮﻥ ﺩﻛﻄﻌﺖ ﻣﻦ ﺿﺮﺏ ﺍﻟﻔﺄﺱ ﻭﻣﻦ ﻏﻴﺮ ﺍﻟﺸﻐﻞ ﺻﺮﺕ ﺣﺎﻟﻲ ﺣﺎﻝ ﺍﻟﻨﺴﻮﺍﻥ ﺑﻠﺴﺠﻦ ﺍﻏﺴﻞ ﻫﺪﻭﻡ ﻭﺍﺳﻮﻱ ﺍﻛﻞ ﻭﺍﻧﻀﻒ ﻛﻞ ﻫﺬﺍ ﺗﺮﻳﺪﻳﻦ ﺍﻧﺴﻰ ﻭﺍﻃﻠﻌﻠﺞ ﻣﻦ ﺍﻟﺴﺠﻦ ﺷﻴﺦ ﻣﺎﻝ ﺟﺎﻣﻊ ﻻﻭﺍﻟﻠﻪ ﻟﻮ ﺍﻣﻮﺕ
ﻋﺰﻩ ﻟﻌﺰﺍﺝ ﺭﺟﻮﻩ ﻳﺎﺻﺎﺧﻢ ﻭﺟﻬﺞ ﻳﺎﺭﺟﻮﻩ ﺍﻧﺖ ﺗﺮﻳﺪ ﺗﻤﻮﺗﻨﻲ ﻣﺎﺑﻴﻪ ﻣﺠﺎﻝ ﻣﻨﻴﻦ ﺟﺎﻳﺐ ﻫﺬﺍ ﺍﻟﻜﻼﻡ
ﻭﺭﺍﺡ ﺗﺸﻮﻓﻴﻦ ﺍﻻﻛﺒﺮ ﺍﻟﻴﺪﻛﺮ ﺑﻴﻪ ﻭﻣﺎﻳﻌﺮﻑ ﺿﺮﺍﺭ ﻣﻨﻮﻭ ﻳﺠﻲ ﻭﺍﻧﻲ ﺃﻋﻠﻤﻪ
ﺣﺠﻴﺘﻪ ﺑﺼﻮﺕ ﻋﺎﻟﻲ ﺣﺘﻰ ﻟﺬﺍﻙ ﺍﻟﺒﻴﺖ ﻭﺻﻞ ﺻﻮﺗﻲ ﻭﺍﻣﻲ ﺿﻠﺖ ﺗﺤﺠﻲ ﻋﻠﻴﻪ ﻭﻟﻴﺲ ﻫﻴﺞ ﺗﺴﻮﻱ ﻭﺍﻧﻲ ﻣﺎ ﺭﺑﻴﺘﻚ ﻫﻴﺞ ﻭﻣﻦ ﻫﺬﺍ ﺍﻟﺤﺠﻲ ﻋﻔﺘﻪ ﻭﺳﻜﺘﺖ ﻣﻨﺘﻀﺮ ﺣﻮﻳﺘﻢ ﺍﺩﺭﻱ ﺑﻲ ﺭﺍﺡ ﻳﻨﺸﺤﻦ ﻭﻓﻌﻼ ﺭﺑﻊ ﺳﺎﻋﻪ ﻭﺍﺟﻪ
ﻫﺎﺍﺍﺍ ﺭﺟﻌﺖ ﺍﻟﺴﻮﺍﻟﻔﻚ ﺍﺟﻴﺖ ﺟﺎﺏ ﺍﻟﻠﻪ ﻋﻠﻤﻚ ﺭﺟﻌﺖ ﻭﺭﺟﻌﺖ ﻣﺼﺎﻳﺒﻚ
ﺍﻧﻲ ﻣﺪﻧﻚ ﺟﻨﺖ ﺍﺷﺪ ﺑﺴﻴﺎﺭ ﺍﻟﻜﻬﺮﺑﺎﺀ
ﻣﺎﺗﺤﺠﻲ ﻟﻮ ﺧﺮﺳﻴﺖ ﺷﻠﻮﻥ ﻣﺎﺩ ﺍﻳﺪﻙ ﻋﻞ ﺍﺧﻮﻙ
ﺷﻤﺮﺕ ﺍﻟﺪﺭﻧﻔﻴﺲ ﻭﺍﻟﺴﻴﺎﺭ ﻛﺒﺎﻟﻲ ﺑﺴﺘﻬﺰﺍﺀ ﻭﺑﺎﻭﻋﺘﻠﻪ ﻭﺍﻧﻲ ﻋﺎﻗﺪ ﺣﺎﺟﺒﻲ
ﻣﻨﻴﻦ ﺍﺟﻪ ﺍﺧﻮﻳﻪ ﺍﻧﻲ ﻣﺎﻋﻨﺪﻱ ﺍﺧﻮﻩ ﺍﻣﻲ ﺍﻡ ﺍﻟﺒﻨﺎﺕ ﻣﺎﺗﺨﻠﻒ ﻭﻟﺪ ﻣﻮﻫﻴﺞ ﺗﻨﺎﺩﻭﻩ ﻗﺒﻞ ﻟﻮ ﺍﻧﻲ ﻏﻠﻄﺎﻥ
ﺍﺳﻤﻊ ﺍﻛﻠﻚ ﻻﺗﺜﻮﻝ ﺍﻟﺴﺎﻟﻔﻪ ﻭﺗﻄﻠﻊ ﺩﻓﺎﺗﺮ ﻋﺘﻴﺠﻪ ﻭﺭﻭﺡ ﺍﺑﻮﻱ ﺍﻛﺴﺮ ﺍﻟﻌﺼﺎﻩ ﻋﻞ ﺿﻬﺮﻙ ﻭﺍﻧﻌﻞ ﺧﻴﺮﻙ
ﻳﺎﻟﻪ ﺣﺠﻲ ﺍﻧﺖ ﻛﻠﺘﻪ ﻭﺍﺣﻨﺎ ﺑﻴﻬﻪ ﻭﻫﺎﻱ ﺍﻧﻲ ﻛﺒﺎﻟﻚ ﺍﺫﺍ ﺍﻧﺖ ﻛﺪ ﻛﻠﻤﺘﻚ ﺻﺪﺭﻱ ﻣﻔﺘﻮﺡ ﻭﺷﻮﻓﻨﻲ ﻣﺮﺍﺟﻠﻚ
ﻭﺍﻟﻚ ﻳﻠﺴﺎﻗﻂ ﺍﻧﺎ ﺍﺑﻮﻙ ﺷﻠﻮﻥ ﻫﻴﺞ ﺗﺤﺎﺟﻴﻨﻲ
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﺑﻮﻱ ﻭﺍﻟﻠﻪ ﻛﻠﻤﻪ ﺣﻠﻮﻩ ﻭﺑﻘﺎﻣﻮﺱ ﺍﻟﻠﻐﻪ ﺍﻟﻌﺮﺑﻴﻪ ﻣﻌﻨﺎﻩ ﺑﺎﺑﺎ ﺑﺎﺑﺎ ﻭﺍﻟﻠﻪ ﺍﻧﺖ ﺗﻀﺤﻚ ﻭﻟﻮ ﻣﻨﻜﻮﻝ ﻫﺎﻱ ﺍﻟﻜﻠﻤﻪ ﺍﺣﺴﻦ ﻭﻟﻚ ﻣﻨﻴﻦ ﺍﺟﻴﺖ ﺍﺑﻮﻱ ﻭﺍﻧﺖ ﻃﻮﻝ ﻋﻤﺮﻙ ﻣﺨﻠﻴﻲ ﺍﻟﻴﺴﻮﻩ ﻭﺍﻟﻤﺎﻳﺴﻮﻩ ﻳﺼﺤﻠﻲ ﻧﻐﻞ
ﻣﻨﻴﻦ ﺍﺟﻴﺖ ﺍﺑﻮﻱ ﻭﺍﻧﻲ ﻣﺴﺠﻮﻥ ﺳﺒﻊ ﺃﺷﻬﺮ ﻣﺎﺳﺌﻠﺖ ﻋﻠﻴﻪ
ﻣﻨﻴﻦ ﺍﺟﻴﺖ ﺍﺑﻮﻱ ﻭﺍﻣﻲ ﺑﺎﻳﻌﻪ ﺍﻟﺒﻴﺖ ﻭﺍﻟﻌﺪﻩ ﻭﺍﻟﻤﺎﻋﺪﻩ ﺣﺘﻰ ﺗﻠﻜﺎﻧﻲ ﻭﺍﻧﺖ ﻣﻦ ﻃﻠﻌﺖ ﻣﻨﺎ ﻟﻠﻤﺮﻛﺰ ﻣﺎﻓﻜﺮﺕ ﺗﻠﺤﻜﻨﻲ
ﺟﺎﺀ ﺃﻣﺮﻳﻜﺎﻥ ﺍﺧﺬﻭﻙ ﺗﺮﻳﺪﺗﻲ ﺍﻗﺎﺭﺵ ﺍﻣﺮﻳﻜﺎﻩ
ﻳﻌﻨﻲ ﻗﺼﺪﻙ ﺗﺨﺎﻑ
ﺍﻱ ﺍﺧﺎﻑ ﻭﺍﻧﻲ ﺍﻛﻮﻟﻪ ﻭﻣﺎﻣﺴﺘﺤﻲ
ﺑﺲ ﺍﻧﻲ ﺍﻛﻮﻝ ﺍﻧﺖ ﻣﺘﺨﺎﻑ ﻣﻦ ﺍﻣﺮﻳﻜﺎﻩ ﻟﺪﺧﻠﺖ ﻟﻠﻌﺮﺍﻕ ﺍﻧﺖ ﺗﺨﺎﻑ ﻣﻦ ﺍﻣﺮﻳﻜﺎﻩ ﻟﺒﻴﺘﻚ ﻗﺼﺪﻱ ﺟﻠﻴﻠﻴﻪ ﻭﺍﺑﻨﻪ
ﺿﺮﺍﺭ ﻭﺻﻤﺦ ﻭﺟﻊ ﻭﻣﻮﺕ ﺍﻟﻜﺮﻓﻚ ﺍﻧﺖ ﺻﺎﻳﺮ ﻣﺎﺗﺴﺤﺘﻲ ﻭﺻﻜﺪ ﺍﻧﺖ ﺷﻠﻮﻥ ﺗﻔﺸﺮ ﻋﻠﻴﻬﻪ ﻫﺎﺍﺍﺍ ﻛﻠﻲ ﺷﻠﻮﻥ
ﻭﺍﻟﻠﻪ ﻭﻫﺎﻱ ﺍﻧﺖ ﻛﻠﺘﻪ ﻣﺎﺗﺴﺘﺤﻲ ﻭﺍﻟﻤﺎﺑﻴﺴﺤﻲ ﻛﻠﺸﻲ ﻳﺴﻮﻱ
ﺿﻞ ﻳﺘﻬﺪﺩ ﻭﻳﻐﻠﻂ ﻭﺍﻣﻲ ﻃﻠﻌﺘﻪ ﻭﺭﺟﻌﺖ ﻛﻌﺪﺕ ﺩﻙ ﻭﺗﻠﻄﻢ ﻣﺴﺘﻐﺮﺑﻪ ﺳﻠﻮﺑﻲ ﻭﻟﺴﺎﻧﻲ ﻭﻃﺮﻳﻘﻪ ﻛﻼﻣﻪ ﺧﻠﻴﺘﻪ ﺑﺮﺍﺣﺘﻪ ﻭﻃﻠﻌﺖ ﻣﻦ ﺍﻟﺒﻴﺖ ﻛﻌﺪﺕ ﻭﺭﻩ ﺍﻟﺒﻴﺖ ﺍﻫﺪﺍﺀ ﻣﻜﺎﻥ ﻋﻨﺪﻱ ﻃﻠﻌﺖ ﺟﻜﺎﺭﻩ ﺩﺧﻨﺘﻪ ﻭﺭﺑﻄﺖ ﺳﺎﻟﻔﻪ ﺣﻤﻴﺮ ﻭﻳﺎﻩ ﺗﻐﻴﺮ ﺷﻜﻠﻪ ﻣﻦ ﻋﺮﻑ ﺍﻧﻲ ﺩﺍ ﺍﺷﻚ ﺑﻲ ﻭﺗﺄﻛﺪﺕ ﻫﻮﻩ ﺑﺲ ﻣﻮﻫﺴﻪ ﺍﺑﺪﻱ ﺍﻟﻌﺐ ﺧﻠﻴﻨﻲ ﺍﻃﺒﺨﻠﻪ ﻃﺒﺨﻪ ﻣﺮﺗﺒﻪ ﻭﻫﻢ ﻣﺎﺭﻳﺪ ﺍﺟﻴﺐ ﺍﻟﻌﻴﻦ ﻋﻠﻴﻪ ﻭﻣﺼﺎﺭ ﻫﻮﺍﻱ ﻣﻦ ﻃﻠﻌﺖ ﻣﻦ ﺍﻟﺴﺠﻦ
ﻋﺎﺩ ﻛﻤﺖ ﺭﺣﺖ ﻳﻢ ﺻﻔﺎﺀ ﻭﺍﻟﻮﻟﺪ ﻟﻮﻛﺖ ﻣﺘﺄﺧﺮ ﻭﺭﺟﻌﺖ ﺍﻟﺒﻴﺖ ﻛﻠﻪ ﻧﺎﻳﻢ ﺩﺧﻠﺖ ﻋﻞ ﻛﻴﻒ ﻭﺟﻔﻠﺘﻨﻲ ﺍﻣﻲ ﻣﻦ ﺷﻐﻠﺖ ﺍﻟﻀﻮﻩ
ﻳﻤﻪ ﻋﻴﻨﻲ ﺷﻤﻜﻌﺪﺝ ﻟﻴﻬﺴﻪ ﻳﺎﻋﻴﻨﻲ
ﻣﺎﺗﻐﻤﺾ ﻋﻴﻨﻲ ﻭﺍﻧﺖ ﻣﺎﻛﻮ ﺍﺧﺎﻑ ﻋﻠﻴﻚ
ﻳﻤﻪ ﺷﻨﻮ ﺍﻧﻲ ﺟﻬﺎﻝ ﻗﺎﺑﻞ ﺭﺍﺡ ﺍﺿﻴﻊ
ﻣﻴﺨﺎﻟﻒ ﻫﺴﻪ ﺭﺍﻳﺤﻪ ﺍﻧﺎﻡ ﻻﺗﻄﻠﻊ ﺑﻌﺪ
ﺣﺠﺘﻪ ﺑﻨﺘﺮ ﺣﺒﻴﺒﺘﻲ ﺯﻋﻼﻧﻪ ﺍﺩﺭﻱ ﺑﻴﻬﻪ ﺣﻀﻨﺘﻪ ﻣﻦ ﻭﺭﺍﻩ ﻭﻫﻴﻪ ﺗﻮﺧﺮ ﺑﻴﻪ
ﻭﺧﺮ ﻣﻨﻲ ﻻﺗﺘﺤﻴﻞ ﻋﻠﻴﻪ ﺍﻧﻲ ﻣﺎﺣﺠﻲ ﻭﻳﺎﻙ
ﺯﻋﻼﻧﻪ ﺑﻌﺪ ﺭﻭﺣﻲ ﺟﺎﺀ ﺧﻞ ﺍﺭﺍﺿﻴﺞ
ﻛﻤﺖ ﺍﺩﻏﺪﻍ ﺑﻴﻪ ﺍﺩﺭﻱ ﺑﻴﻪ ﻣﺘﺤﻤﻞ
ﻭﻭﻭﺧﺮ ﻣﺘﻘﺸﻤﺮﻣﻲ ﻛﻠﺒﻲ ﻣﻠﻴﺎﻥ ﻣﻨﻚ
ﻳﻤﻪ ﻭﻋﻠﻲ ﺍﺫﺍ ﻣﺮﺿﻴﺘﻲ ﻭﺻﺎﻟﺤﺘﻨﻲ ﺗﺮﻩ ﺍﺷﺮﺏ ﺳﻮﺳﻜﻲ
ﺿﺤﻜﺖ ﻭﺣﺘﻰ ﺟﺘﺎﻓﻬﻪ ﻛﺎﻣﺖ ﺗﻬﺘﺰ
ﻭﺧﺮ ﺳﻴﺒﻨﺪﻱ ﺗﺘﻤﻬﺰﻩ ﻋﻠﻴﻪ ﺍﻱ ﺳﻮﺳﻜﻲ ﺟﺎﺀ ﺷﺴﻮﻳﻠﻚ ﺍﻧﻲ ﻣﺎﻋﺮﻑ ﺍﻛﻮﻟﻪ
ﻭﻻﺗﻌﺮﻓﻴﻦ ﻳﺎﺗﺎﺝ ﺭﺍﺳﻲ ﺍﻧﻲ ﺍﺻﻼ ﺭﺍﺡ ﺍﺧﻠﻴﻬﻢ ﻳﻐﻴﺮﻭﻥ ﺍﺳﻤﻪ ﻣﻦ ﻭﻳﺴﻜﻲ ﺍﻟﻰ ﺳﻮﺳﻜﻲ ﻋﺒﻦ ﺍﻡ ﺿﺮﺍﺭ ﻣﺘﻌﺮﻑ ﺩﻛﻮﻟﻪ
ﺻﺪﻙ ﺫﻛﺮﺗﻨﻲ ﺗﻌﺎﻝ ﺍﺷﻤﻨﻚ ﺍﺧﺎﻑ ﺷﺎﺭﺏ
ﻫﻠﻮﻭﻭﻭ ﻳﺎﺏ ﻭﺍﻧﺘﻲ ﺷﻤﺪﺭﻳﺞ ﺑﻲ ﺭﻳﺤﻪ
ﺷﻤﺪﺭﻳﻨﻲ ﺟﺎﺀ ﺳﺎﻣﻌﻪ ﻏﻴﺮ ﻫﺴﻪ ﺗﻌﺎﻝ ﺗﻌﺎﻝ ﻻﺗﻨﺴﻴﻨﻲ
ﻗﺮﺑﺖ ﺍﻟﻔﺎﻧﻴﻠﻪ ﺷﻤﺘﻪ ﻭﺩﻓﻌﺘﻨﻲ ﻣﺜﻞ ﻛﻞ ﻣﺮﻩ
ﻭﻭﻭﻭﻭﻭﻳﻊ ﺭﻳﺤﺔ ﺍﻟﺠﻜﺎﻳﺮ ﺗﻜﺘﻞ ﺟﺎﺀ ﺍﻧﺖ ﺷﻠﻮﻥ ﻟﻮﺗﺰﻭﺟﺖ ﺍﻟﻠﻪ ﻳﻌﻴﻦ ﺍﻟﻤﻜﺮﻭﺩﻩ ﻟﺘﻨﺎﻡ ﺑﺼﻔﻚ ﺷﻠﻮﻥ ﺭﺍﺡ ﺗﺘﺤﻤﻞ
ﻏﻤﺰﺗﻠﻪ ﻭﻛﺘﻠﻪ
ﻫﻴﻪ ﻭﻳﻨﻪ ﺑﺲ ﺧﻞ ﺗﺠﻲ ﻣﻦ ﺍﺻﻴﺮ ﺑﺼﻔﻬﻪ ﺍﺧﻠﻴﻪ ﺗﻨﺴﻰ ﺭﻳﺤﻪ ﺍﺑﻮ ﺍﻟﺠﻜﺎﻳﺮ
ﻳﺎﺍﺍﺍﺍﺍﺍ ﺷﻮﻑ ﺷﻠﻮﻥ ﻋﻴﻨﻪ ﻃﺎﻟﻌﻪ ﺷﻮﻑ ﺷﻠﻮﻥ ﻳﺤﺎﺟﻴﻨﻲ
ﻳﺎﺑﻪ ﻏﻴﺮ ﺍﺗﻘﺸﻤﺮ ﻭﻳﺎﺝ ﺷﻌﻨﺪﻱ ﻏﻴﺮﺝ ﺍﻧﻲ ﻛﻠﺸﻲ ﻭﻻﺗﻨﺎﻣﻴﻦ ﺯﻋﻼﻧﻪ
ﺿﺮﺍﺭ ﻳﻤﻪ ﻳﺎﺗﻌﺐ ﻛﻠﺒﻲ ﻭﺳﻬﺮ ﻟﻴﻠﻲ ﻻ ﺗﻨﺰﻝ ﺭﺍﺳﻲ ﻭﺗﺨﻠﻴﻬﻢ ﻳﻜﻮﻟﻮﻥ ﺭﺟﻮﻩ ﻣﺎﻋﺮﻓﺖ ﺗﺮﺑﻲ ﻭﺗﺸﻤﺖ ﺍﻟﻌﺮﺑﺎﻥ ﺑﻴﻪ
ﻻﺗﺨﺎﻓﻴﻦ ﻣﺤﺪ ﻳﺘﺠﺮﻯ ﻳﺠﻴﺐ ﻃﺎﺭﻳﺞ ﺑﻜﻠﻤﻪ ﻭﺍﻟﻴﺠﺒﻪ ﺍﺩﻓﻨﻪ ﻫﻮﻩ ﻭﻋﺪﻝ
ﻻﺗﺴﻮﻱ ﻣﺸﺎﻛﻞ ﻳﺎﻭﻟﻴﺪﻱ ﺃﺑﻌﺪ ﻋﻦ ﺍﻟﺸﺮ ﻭﻏﻨﻴﻠﻪ
ﺻﺎﺭ ﺗﺪﻟﻠﻴﻦ ﻫﺴﻪ ﻣﺴﺎﻣﺤﺘﻨﻲ
ﻣﺴﺎﻣﺤﺘﻚ ﻻﻛﺖ ﻻﺗﻌﻴﺪﻩ
ﺗﻤﺮﻳﻦ ﺍﻣﺮ ﻳﻠﻐﺎﻟﻴﻪ
ﺑﺴﺘﻪ ﻭﺩﺧﻠﺖ ﻟﻠﻐﺮﻓﻪ ﻓﺮﺍﺷﻲ ﻣﻔﺮﻭﺵ ﻭﺍﻧﻲ ﻧﻌﺴﺎﻥ ﺑﺴﺮﻋﻪ ﻧﻤﺖ .........
ﺭﻏﺪ _ ﻣﻦ ﺩﺧﻠﻨﺎ ﻟﻠﺒﻴﺖ ﻭﺭﺟﻌﺖ ﺻﺎﺭﺕ ﺍﻟﻬﻮﺳﻪ ﺑﻴﺘﻨﻪ ﺑﻴﻦ ﺍﻣﻲ ﻭﺿﺮﺍﺭ ﺟﺎﻧﻮ ﻣﺨﺒﻮﺻﻴﻦ ﻭﺍﻧﻲ ﻻﺑﺪﻩ ﻋﻞ ﺻﻔﺤﻪ ﺍﺑﺎﻭﻉ ﻋﻠﻴﻬﻢ ﺻﺎﺭ ﺍﻣﻴﻦ ﺑﺼﻔﻲ ﻭﻛﺰ ﻋﻞ ﺳﻨﻮﻧﻪ ﻭﻫﻮﻩ ﻗﺎﺑﺾ ﺍﻳﺪﻩ ﻭﻋﻴﻦ ﻋﻠﻴﻪ ﻭﻋﻴﻦ ﻋﻞ ﺍﻫﻠﻲ ﻛﺎﻝ
ﺧﻮﻣﺎ ﺍﺫﺍﺝ ﻫﺬﺍ ﺍﻟﻜﻠﺐ ﺍﻣﻴﺮ
ﻫﺰﻳﺖ ﺭﺍﺳﻲ ﻻ ﻭﺍﻟﻌﺒﺮﻩ ﺧﺎﻧﻜﺘﻨﻲ
ﺍﺣﺠﻲ ﺳﻤﻌﻴﻨﻲ ﺻﻮﺗﺞ ﻭﻟﻮ ﻧﺰﻟﺖ ﺩﻣﻌﻪ ﻣﻨﺞ ﺍﺭﻭﺡ ﺍﺣﺮﻛﻪ ﻫﺴﻪ ﻭﺍﻟﻘﺮﺍﻥ
ﺑﺎﻭﻋﺖ ﻋﻠﻴﻪ ﻣﺼﺪﻭﻣﻪ ﺑﻜﻼﻣﻪ ﻫﺬﺍ ﺷﺒﻲ ﻫﻴﺞ ﻳﺮﺟﻒ ﻋﻠﻴﻪ ﻣﺎﻟﻜﻴﺖ ﺟﻮﺍﺏ ﻟﺴﻮﺍﻟﻲ ﻭﻛﻞ ﻋﺎﺩﻩ ﺗﻬﺮﺑﺖ ﻣﻨﻪ ﻭﺭﻛﻀﺖ ﻛﻌﺪﺕ ﺑﻠﻐﺮﻓﻪ ﻭﺍﻳﺪﻱ ﻋﻞ ﺭﺍﺳﻲ ﺍﺭﻳﺪ ﺍﺿﺒﻂ ﻧﻔﺴﻲ ﻭﺍﺭﺑﻂ ﻛﻞ ﻣﻮﻗﻒ ﻭﻳﺎﻩ ﺃﻣﻴﻦ ﻭﻛﻞ ﺗﺼﺮﻑ ﻭﻳﺎﻩ ﺍﻟﺜﺎﻧﻲ ﺑﺲ ﻣﺪﺍﺟﻤﻊ ﻣﺪﺭﻱ ﺷﺒﻴﻪ ﺣﺘﻰ ﻋﻘﻠﻲ ﺗﺒﻨﺞ ﻛﻤﺖ ﺍﺑﺠﻲ ﻣﻦ ﻋﺠﺰﻱ ﻫﻢ ﻗﻬﺮ ﺍﻣﻴﺮ ﻭﻫﻢ ﺍﻣﻴﻦ ﻭﺗﺼﺮﻓﺎﺗﻪ ﻭﻣﺎﺣﺴﻴﺖ ﻏﻴﺮ ﺑﻀﺮﺑﻪ ﺛﻼﺛﻴﻪ ﺍﻷﺑﻌﺎﺩ ﻣﻦ ﺍﻣﻲ ﺑﺴﻼﺣﻪ ﺍﻟﻤﻔﻀﻞ ﺍﻟﻨﻌﺎﻝ ﺑﺴﺮﻋﻪ ﻭﻋﻴﺖ ﻋﻞ ﻧﻔﺴﻲ
ﺧﺎﻳﺒﻪ ﺭﻏﺪ ﻭﺟﻊ ﻭﻣﻮﺕ ﺍﻟﻜﺮﻓﺞ ﻫﺴﺎﻉ ﻋﺮﻓﺖ ﺍﻧﺘﻲ ﺇﻡ ﺍﻟﻤﺼﺎﻳﺒﻪ ﻭﻣﻦ ﻭﺭﺍﺝ ﻫﺎﻱ ﺍﻟﻜﻮﻧﻪ
ﻳﻤﻪ ﺍﻧﻲ ﺷﻌﻠﻴﻪ ﺑﻨﺘﺞ ﺿﺤﻰ ﻫﻴﻪ ﺍﻟﺴﺒﺐ
ﺭﺟﻌﺖ ﻧﺰﻋﺖ ﺳﻼﺣﻪ ﺍﻟﺜﺎﻧﻴﻪ ﻭﺿﺮﺑﺖ ﺑﻲ ﺿﺤﻰ
ﻭﺃﻧﺘﻲ ﺍﻟﺜﻨﻴﻪ ﺷﻴﻮﺩﻳﺞ ﻫﻨﺎﻙ ﻳﺎﻣﻀﺮﻭﺑﺖ ﺍﻟﺠﻠﻮﻩ
ﻳﻤﻪ ﺍﻧﻲ ﻏﻴﺮ ﻋﻨﻜﻢ ﺍﻧﻲ ﺍﺩﺍﺭﻱ ﺟﺪﺗﻲ ﻭﻛﻠﺒﻲ ﻣﺎﻳﻨﻄﻴﻨﻲ ﺍﻋﻮﻓﻪ
ﺍﻱ ﻋﺒﻨﺞ ﻣﻜﻔﺨﻪ ﺗﻀﺮﺑﺞ ﻭﺗﻐﻠﻂ ﻋﻠﻴﺞ ﻭﺗﻄﺮﺩﺝ ﻭﺍﻧﺘﻲ ﺑﻬﺬﺍ ﻛﺒﺮﺝ ﻭﺗﺮﺩﻳﻦ ﺗﺮﺣﻴﻦ
ﻣﺎﻳﺨﺎﻟﻒ ﻳﻤﻪ ﺍﻧﻲ ﺭﺍﺿﻴﻪ ﻋﺒﻦ ﺍﻧﻘﻬﺮ ﻋﻠﻴﻪ ﻣﺤﺪ ﻳﺼﺨﺮﻟﻪ ﻭﺍﻟﻠﻪ ﻳﻨﻜﺴﺮ ﻛﻠﺒﻲ
ﺷﻤﺮﺕ ﺍﻟﻨﻌﺎﻝ ﺍﻟﺸﻤﺮﺗﻪ ﺍﻣﻲ ﻋﻠﻴﻪ ﺭﺟﻌﺘﻪ ﻋﻞ ﺿﺤﻰ ﻭﻛﺘﻠﻪ
ﺧﺎﺏ ﻃﺒﺞ ﻣﺮﺽ ﺍﻧﻲ ﺻﻮﺟﻲ ﻭﺩﺍﻓﻌﺘﻠﺞ ﻳﻌﻨﻲ ﻛﻞ ﻫﺬﺍ ﺍﻟﺼﺎﺭ ﻭﺑﻌﺪﺝ ﺗﻨﻘﻬﺮﻳﻦ ﻋﻠﻴﻬﻪ ﺟﺎﺀ ﻣﺎﻃﻠﻌﺖ ﺩﺍﻓﻌﺘﻠﺞ
ﻣﺎﺗﺪﺭﻱ ﻧﺎﻳﻤﻪ ﺟﺎﻧﺖ
ﺧﺎﺏ ﻧﺎﻣﺖ ﻋﻠﻴﺞ ﺳﻠﻴﻤﻪ ﺻﻮﺕ ﺿﺮﺍﺭ ﻛﻞ ﺍﻟﻌﺮﺑﺎﻥ ﺳﻤﻌﺘﻪ ﻣﻌﻘﻮﻟﻪ ﺟﺪﺗﺞ ﻧﺎﻳﻤﻪ
ﺩﻛﺖ ﺭﺟﻠﻪ ﺑﻠﻜﺎﻉ ﻭﻛﺎﻟﺖ
ﺍﻱ ﺍﻱ ﻧﺎﻳﻤﻪ ﺟﺪﺗﻲ ﺳﻤﻌﻪ ﺛﺠﻴﻞ
ﺍﻥ ﺷﺎﻟﻠﻪ ﻧﺴﻤﻊ ﺧﺒﺮﺝ ﺟﺎﺀ ﻣﺪﺍﻓﻌﻴﻠﻲ ﻫﻴﺞ ﻛﺪﺍﻡ ﺍﻣﻲ ﻭﺩﻛﻠﻴﻠﻪ ﺭﻏﺪ ﻋﻠﻤﻮﺩﻱ ﺗﻌﺎﺭﻛﺖ
ﺍﻣﻲ ﻛﺎﻟﺖ
ﻣﺎﻳﺤﺘﺎﺝ ﺍﺣﺪ ﻳﺪﺍﻓﻌﻠﺞ ﻣﻦ ﻳﻮﻡ ﻳﻮﻣﺞ ﺟﺎﻳﺒﺘﻠﻲ ﺍﻟﻤﺸﺎﻛﻞ ﻭﻣﻦ ﺯﻏﺮﺝ ﻋﺪﻭﺍﻧﻴﻪ ﻭﺷﺮﺍﻧﻴﻪ ﻭﺍﻥ ﻋﺪﺗﻴﻪ ﺑﻌﺪ ﻟﺸﻠﻊ ﺍﺫﺍﻧﺞ ﺳﺴﺴﻤﻌﺘﻲ
ﺍﻱ ﺍﻱ ﺳﻤﻌﺖ ﻭﻋﻠﻲ ﻟﻮ ﺍﺷﻮﻑ ﺑﻨﺎﺗﺞ ﻳﻤﻮﺗﻮﻫﻦ ﻭﻻﺍﺩﺧﻞ ﻭﻛﻮﻟﻲ ﻛﺎﻟﺖ ﺭﻏﺪ
ﺗﻮﻩ ﺩﺗﻀﺮﺑﻨﻲ ﻭﺳﻤﻌﺖ ﺻﻮﺕ ﺍﺑﻮﻱ ﻋﺎﻓﺘﻨﻲ ﻭﻃﻠﻌﺖ ﺿﻞ ﻳﺘﻼﻏﻪ ﻫﻮﻩ ﻭﺿﺮﺍﺭ ﻭﺍﻧﻲ ﻣﺎﻃﻠﻌﺖ ﻻﻥ ﺑﺲ ﻳﺸﻮﻓﻨﻲ ﻳﻨﻄﻴﻨﻲ ﺍﻟﻤﻘﺴﻮﻡ ﺟﻢ ﺿﺮﺑﻪ ﻋﻞ ﺟﻢ ﻏﻠﻄﻪ ﺧﻠﻴﻨﻲ ﻛﺎﻋﺪﻩ ﻫﻨﺎ ﺍﺣﺴﻦ ﻟﻠﻴﻞ ﻭﺍﻟﻜﻞ ﻧﺎﻳﻢ ﻭﻛﻠﺸﻲ ﻫﺪﺍ ﻭﺭﺟﻊ ﻃﺒﻴﻌﻲ ﺍﻝ ﺍﻧﻲ ﺣﺴﺒﻪ ﺗﺄﺧﺬﻧﻲ ﻭﺣﺴﺒﻪ ﺗﺠﻴﺒﻨﻲ ﻭﺃﻣﻴﻦ ﻣﺎﻓﺎﺭﻙ ﺧﻴﺎﻟﻲ ﻭﺍﻷﻛﺜﺮ ﻣﻦ ﻫﺬﺍ ﺣﻴﺮﺗﻲ ﻟﻴﺶ ﻣﻔﺘﻘﺪﻧﻲ ﻭﺣﺘﻰ ﺩﺯ ﻋﻠﻴﻪ ﻳﺮﻳﺪ ﻳﻌﺮﻑ ﻟﻴﺶ ﻣﻄﻠﻊ ﻋﻠﻴﻪ ﺑﻠﻴﻠﺘﻪ ﻧﻤﺖ ﻭﺷﻔﺖ ﺍﻣﻴﻦ ﺣﺘﻰ ﺑﺤﻼﻣﻲ ﻣﻦ ﻛﺪ ﻣﺎﻓﻜﺮﺕ ﺑﻲ ............بيج قصص عراقيه حقيقيه من واقعنا.روعه الطائي
ﺿﺮﺍﺭ ..... ﺻﺎﺭ ﺷﻬﺮ ﻣﻦ ﻃﻠﻌﺖ ﻣﻦ ﺍﻟﺴﺠﻦ ﻭﻣﺪﺍﻟﻜﻪ ﺷﻐﻞ ﺍﻟﻌﻤﺎﻟﻪ ﻫﻨﺎ ﻗﻠﻴﻠﻪ ﻭﺷﻐﻠﺖ ﺍﻟﻜﻴﻌﺎﻥ ﻭﺍﻟﺒﺴﺎﺗﻴﻦ ﺟﺰﺕ ﻧﻔﺴﻲ ﻣﻨﻬﺎ ﻣﺨﻠﺼﻪ ﺑﻨﻬﺎﺭ ﻧﺎﻳﻢ ﻭﺑﻠﻴﻞ ﺍﺗﻌﻠﻞ ﻭﻳﺎﻩ ﺍﻟﻮﻟﺪ ﻭﺍﺭﺟﻊ ﻣﺘﺄﺧﺮ ﻭﻫﺬﺍ ﺍﻟﺸﻲ ﻳﻘﻠﻖ ﺍﻣﻲ ﻭﻣﺘﻄﻤﺌﻦ ﺍﻝ ﺍﺭﺟﻊ ﻳﺎﻟﻪ ﺗﻨﺎﻡ ﺗﻌﺒﺘﻨﻲ ﻫﻮﺍﻱ ﺍﺣﺠﻲ ﻭﻳﺎﻩ ﺣﺘﻰ ﺗﺒﻄﻞ ﻫﺎﻱ ﺍﻟﻌﺎﺩﻩ ﻭﻣﺪﺗﻘﺒﻞ
ﺻﻔﺎﺀ ﺻﺎﺣﺒﻲ ﻣﻔﺘﻘﺪﻩ ﺣﻴﻞ ﻻﻥ ﺩﻳﺸﺘﻐﻞ ﻋﻤﺎﻟﻪ ﺑﻐﺪﺍﺩ ﻭﻳﻨﺰﻝ ﻛﻞ ﺷﻬﺮ ﻟﻮ ﺳﺒﻮﻋﻴﻦ ﻣﺮﻩ ﻭﺍﻧﻲ ﻣﻦ ﻃﻠﻌﺖ ﻟﻼﻥ ﻣﺎﺷﻔﺘﻪ ﻏﻴﺮ ﻣﺮﻩ ﻭﺣﺪﻩ ﺿﺠﺖ ﻭﺍﻧﻲ ﻫﻮﺍﻱ ﻣﺘﻌﻠﻢ ﻋﻠﻴﻪ ﺑﺲ ﺷﺴﻮﻱ ﺍﻟﻌﻴﺸﻪ ﺻﻌﺒﻪ ﺍﻟﻴﻮﻡ ﺩﺍﺗﻌﺸﻪ ﻭﻧﺪﻛﺖ ﺍﻟﺒﺎﺏ ﻛﻤﺖ ﻟﻜﻴﺘﻪ ﺻﻔﺎﺀ ﺍﻟﺤﻘﻴﺮ ﺷﻜﺪ ﻣﺸﺘﺎﻗﻠﻪ ﺣﻀﻨﺘﻪ ﻭﻫﻮﻩ ﻳﺸﻢ ﻣﻴﻪ ﻭﻣﻴﺒﻄﻞ ﺳﻮﺍﻟﻔﻪ
ﺻﻔﺎﺀ ....... ﺧﺎﺏ ﺷﻨﻲ ﺳﺎﻟﻔﻪ ﻭﻋﻠﻲ ﻣﺸﺘﺎﻗﻠﻚ ﻟﻮ ﻣﺮﺗﻲ ﻣﺎﺷﻤﻪ ﻫﻴﺞ
ﻓﻠﻚ ﻃﺮﻙ ﺧﺎﺏ ﺧﻨﻜﺘﻨﻲ ﻭﺧﺮ
ﻫﻬﻬﻬﻬﻬﻪ ﻭﺍﻟﻠﻪ ﻣﻮﺻﻮﺟﻚ ﺻﻮﺟﻲ ﺍﻧﻲ ﺍﻟﻤﺸﺘﺎﻗﻠﻚ
ﺍﻱ ﻫﺴﻪ ﻳﺠﻲ ﺧﺎﺏ ﻻﺗﻐﻨﺒﻞ ﻋﻠﻴﻪ ﻟﻮ ﻣﺸﺘﺎﻗﻠﻲ ﻣﻬﺪﻳﺘﻨﻲ ﻭﺭﺣﺖ ﻟﺒﻐﺪﺍﺩ ﺗﻌﺎﻝ ﺗﻌﺎﻝ ﺟﻮﻩ ﻧﺴﻮﻟﻒ
ﻭﺍﻟﻠﻪ ﻳﺎﺧﻮﻱ ﻣﻦ ﻻﺟﺎﺭﻩ ﻏﻴﺮ ﻣﻦ ﺍﻟﻀﻴﻢ ﻫﻨﺎ ﺍﻟﻌﻤﺎﻟﻪ ﻗﻠﻴﻠﻪ ﻭﻳﻮﻡ ﻳﻮﻣﻴﻦ ﻭﺗﻜﻌﺪ ﻫﻨﺎﻙ ﺑﻐﺪﺍﺩ ﺍﻟﺸﻐﻞ ﺧﻴﺮ ﻣﻦ ﺍﻟﻠﻪ
ﻻﺑﺮﺑﻚ ﺷﻠﻮﻥ ﻓﻬﻤﻨﻲ
ﻭﺍﻟﻠﻪ ﺑﻠﻤﺴﻄﺮ ﺑﺲ ﺗﻜﻌﺪ ﻳﻄﺒﻚ ﻋﻠﻴﻚ ﻣﻴﻪ ﻭﺍﺣﺪ ﻳﺘﻤﻨﻰ ﺗﺸﺘﻐﻞ ﻭﻳﺎﻩ
ﺷﻨﻮ ﻋﻤﺎﻟﻪ
ﺍﻱ ﻭﻣﻮﺵ ﻋﻤﺎﻟﻪ ﻋﺎﺩﻳﻪ ﻻ ﺗﻠﺰﻣﻠﻚ ﺑﻴﺖ ﻛﺎﻣﻞ ﻣﺎﺗﻬﺪﻩ ﺍﻝ ﻭﺍﻧﺖ ﻣﻜﻤﻠﻪ ﻭﺧﻮﺵ ﻳﻄﻠﻌﻠﻚ ﻣﻨﻪ ﺭﺯﻕ
ﺧﺎﺏ ﻣﻦ ﻏﺴﻞ ﺍﻟﻐﺴﻠﻚ ﺟﺎﺀ ﻣﺎﺩﻛﻮﻝ ﺍﻧﺎ ﺻﺎﺭ ﺷﻬﺮ ﺍﻓﺘﺮ ﻋﻞ ﺷﻐﻞ ﻭﺍﻧﺖ ﻫﻨﺎﻙ ﺗﺘﻤﺨﺘﺮ
ﻭﺍﻧﻲ ﺷﻤﺪﺭﻳﻨﻲ ﺍﻧﺖ ﺗﺪﻭﺭ ﺷﻐﻞ ﺑﻌﺪﻳﻦ ﻋﺎﺩﻱ ﺗﺸﺘﻐﻞ ﺑﻐﺪﺍﺩ
ﻭﻟﻴﺶ ﻻ ﺍﻟﻮﺍﺣﺪ ﻳﺮﻛﺾ ﻭﺭﺍﻩ ﺭﺯﻗﻪ ﻭﻳﻦ ﻣﻴﻜﻮﻥ ﻭﺷﻮﻓﺖ ﻋﻴﻨﻚ ﺍﻧﻲ ﻭﺭﺍﻱ ﻋﺎﻳﻠﻪ ﻭﺍﻟﻤﺴﻜﻴﻨﻪ ﺍﻣﻲ ﺑﺎﻋﺖ ﺍﻻﻛﻮ ﻭﺍﻟﻤﺎﻛﻮ ﺣﺘﻰ ﺗﻄﻠﻌﻨﻲ ﺧﻮﻣﺎ ﺍﺑﻘﻰ ﻛﺎﻋﺪ ﺑﻌﺪ
ﺍﻱ ﻭﺍﻟﻠﻪ ﻳﻌﻨﻲ ﺍﻣﻚ ﺍﺻﻴﻠﻪ ﻭﺳﻮﺕ ﺍﻟﻤﺎﺳﻮﺍﻩ ﺍﺑﻮﻙ ﻭﺍﻧﺎ ﻫﻢ ﺗﻌﺬﺭﻧﻲ ﻣﻌﻨﺘﻚ ﻭﺍﻧﺖ ﺗﻌﺮﻑ ﺍﻟﺤﺎﻝ
ﺍﺳﻤﻌﻨﻲ ﻭﻟﻚ ﺍﻧﻲ ﺣﻮﻳﺘﻢ ﻏﺎﺳﻞ ﺍﻳﺪﻱ ﻣﻨﻪ ﻭﺍﻧﺖ ﺃﻋﺮﻓﻚ ﻭﺍﻋﺮﻑ ﺣﺎﻟﻚ ﺍﻣﺮ ﻣﻨﻲ ﻓﻼ ﺗﺘﻌﺬﺭ ﺍﻛﻌﺪ ﺍﺟﻴﺐ ﺍﻟﺠﺎﻱ ﻭﺍﺟﻲ
ﺭﺣﺖ ﻛﺘﻠﻬﻢ ﻳﺴﻮﻭﻥ ﺍﻟﺠﺎﻱ ﻭﺭﺟﻌﺖ ﺻﻔﻨﺖ ﻭﻣﻤﺨﻤﺨﺘﻬﻪ ﻭﻛﺘﻠﻪ
ﺻﻔﺎﺀ ﺍﻧﺖ ﺷﻮﻛﺖ ﺗﺮﺟﻊ ﻟﺒﻐﺪﺍﺩ
ﻭﺍﻟﻠﻪ ﻫﻮﻩ ﺍﻟﻤﻔﺮﻭﺽ ﺍﺑﻘﻰ ﻓﺪ ﻳﻮﻣﻴﻦ ﺑﺲ ﻣﺎﻛﺪﺭ ﺧﻮﺵ ﻻﺯﻣﻴﻦ ﺷﻐﻞ ﺑﺲ ﺍﺟﻴﺖ ﺍﻧﻄﻲ ﻣﺼﺮﻑ ﺍﻻﺍﻣﻲ ﻭﺭﺍﺟﻊ ﺑﺄﺟﺮ ﻣﻦ ﻏﺒﺸﻪ
ﺟﺎﺀ ﺧﻮﺵ ﻭﺍﻧﻲ ﻭﻳﺎﻙ ﺍﻥ ﺷﺎﻟﻠﻪ
ﻳﻌﻨﻲ ﺗﻄﻠﻊ ﺗﺸﺘﻐﻞ
ﺍﻱ ﺟﺎﺀ ﺷﺴﻮﻱ ﺍﻟﻌﺐ ﺩﻋﺒﻞ
ﺧﻮﺵ ﻭﺍﻟﻠﻪ ﺍﻛﻴﻒ ﺗﻮﻧﺴﻨﻲ
ﺯﻳﻦ ﻭﻳﻦ ﻧﺒﺎﺕ
ﺑﻐﺪﺍﺩ ﻫﻮﺍﻱ ﻓﻨﺎﺩﻕ ﺭﺧﻴﺼﻪ ﻭﺣﻨﺎ ﺷﻨﻮ ﺑﺲ ﻧﻮﻣﺖ ﺍﻟﻴﻞ ﻧﻬﺎﺭﻧﻪ ﻛﻠﻪ ﺑﻠﺸﻐﻞ
ﺧﻮﺵ ﺗﻮﻛﻠﺖ ﻋﻞ ﺍﻟﻠﻪ ﺑﻠﻜﺖ ﺍﻃﻠﻊ ﻣﻦ ﻫﻞ ﺩﻳﺮﻩ ﻭﺍﻟﻠﻪ ﻳﻔﺘﺤﻪ ﺑﻮﺟﻬﻲ
ﺍﻥ ﺷﺎﻟﻠﻪ ﺍﻟﻠﻪ ﻛﺮﻳﻢ
ﺟﺎﺑﻮ ﺍﻟﺠﺎﻱ ﻭﺷﺮﺑﻨﺎﻩ ﻭﻟﻌﺒﻨﻪ ﻃﺎﻭﻟﻲ ﺍﻧﺎ ﻭﻳﺎﻩ ﻭﺍﺟﻮﻱ ﺍﻣﻴﻦ ﻭﺭﺿﺎﺀ ﺗﻌﻠﻠﻨﻪ ﻭﻫﻢ ﻛﻠﺘﻠﻬﻢ ﻋﻞ ﺷﻐﻠﻲ ﺷﺠﻌﻮﻧﻲ ﻟﺴﺎﻋﻪ 12 ﻭﺭﺍﺣﻮ ﻗﻔﻠﺖ ﺍﻟﺒﺎﺏ ﻭﺭﺍﻫﻢ ﻭﺩﺧﻠﺖ ﺷﻔﺖ ﺍﻣﻲ ﻧﺎﻳﻤﻪ ﺍﻟﻴﻮﻡ ﻣﺮﺗﺎﺣﻪ ﺗﺴﻤﻊ ﺻﻮﺗﻲ ﺍﻧﻲ ﺑﻠﺒﻴﺖ ﻣﻄﻠﻌﺖ ﻟﻬﺬﺍ ﻧﺎﻣﺖ ﻛﻌﺪﺕ ﻳﻢ ﺭﺃﺳﻪ ﻻﺯﻡ ﺍﻛﻠﻠﻪ ﺣﺘﻰ ﺍﻟﺼﺒﺢ ﻣﺘﻀﻞ ﺗﺒﺠﻲ ﻭﺩﻋﻤﻮﻋﻪ ﺗﻤﺘﻌﻲ ﻣﻦ ﺍﻟﺮﻭﺣﻪ
ﺑﺴﺮﻋﻪ ﺣﺴﺖ ﻋﻞ ﻭﺟﻮﺩﻱ ﻭﺭﻓﻌﺖ ﺭﺃﺳﻪ ﻛﺎﻟﺖ
ﻫﺎﺍﺍ ﻭﻟﻴﺪﻱ ﺗﺮﻳﺪ ﺷﻲ
ﺳﻼﻣﺘﺞ ﻳﻠﻐﺎﻟﻴﻪ ﺑﺲ ﻋﻨﺪﻱ ﻣﻮﺿﻮﻉ ﺍﺭﻳﺪ ﺍﻛﻠﺞ ﺑﻲ
ﻛﻌﺪﺕ ﻟﺤﻴﻠﻪ ﻭﺗﻠﻒ ﺑﺸﻴﻠﺘﻪ ﺗﻌﺪﻟﺖ ﻭﻛﺎﻟﺖ
ﻛﻮﻝ ﻳﻤﻪ ﺍﺳﻤﻌﻚ
ﻳﻤﻪ ﺍﻧﻲ ﻗﺮﺭﺕ ﺍﺷﺘﻐﻞ ﺑﻐﺪﺍﺩ ﻭﻳﺎﻩ ﺻﻔﺎﺀ ﺻﺎﺣﺒﻲ ﻫﺴﻪ ﺟﺎﻥ ﻳﺤﺠﻴﻠﻲ ﻳﻜﻮﻝ ﻫﻨﺎ ﺍﻟﺸﻐﻞ ﺧﻴﺮ ﻣﻦ ﺍﻟﻠﻪ
ﻻﻳﻤﻪ ﻋﻞ ﺑﺨﺘﻚ ﺻﻔﺎﺀ ﻳﻨﺰﻝ ﻛﻞ ﺷﻬﺮ ﻣﺮﻩ ﻭﺍﻣﻪ ﺗﺸﻜﻲ ﻣﻦ ﻫﻞ ﺳﺎﻟﻔﻪ ﺷﻠﻮﻥ ﺗﺮﻭﺡ ﻭﻳﺎﻩ ﻭﺗﻬﺪﻧﻪ
ﻳﻤﻪ ﺷﺴﻮﻱ ﻭﻳﻦ ﺍﺷﺘﻐﻞ ﺧﻠﻴﻨﻲ ﺍﺗﻮﻛﻞ ﻭﺍﺷﻮﻑ ﺍﻟﺸﻐﻞ ﻫﻨﺎ
ﻻﺗﺸﺘﻐﻞ ﻳﻤﻪ ﻣﺎﺭﻳﺪ ﻣﻨﻚ ﺷﻲ ﺍﻧﻲ ﺍﺭﺟﻊ ﻟﻠﺰﺭﻉ ﻭﻟﺸﻐﻠﺖ ﺍﻟﺤﻼﻝ ﻭﻻ ﺗﺒﻌﺪ ﻋﻨﻲ
ﻳﻤﻪ ﻟﺨﺎﻃﺮ ﺍﻟﻜﻌﺒﻪ ﻣﻮﺗﺪﺭﻳﻨﻲ ﺍﺗﺨﺒﻞ ﻣﻦ ﻫﺬﺍ ﺍﻟﻤﻮﺿﻮﻉ ﻟﻴﺶ ﻃﻠﻌﻴﻨﻲ ﻣﻦ ﻃﻮﺭﻱ ﺷﻨﻮ ﺍﺧﻠﻴﺞ ﺗﺸﺘﻐﻠﻴﻦ ﻭﺍﻧﻲ ﻛﺎﻋﺪ ﺍﺩﺭﻱ ﺣﺮﻣﻪ ﺍﻧﻲ
ﻻﻭﺍﻟﻠﻪ ﺣﺸﺎﻙ ﺍﻧﺖ ﺯﻟﻤﻪ ﻭﺗﺎﺝ ﺍﻟﺰﻟﻢ ﺑﺲ ﻳﻤﻪ ﺍﻧﺎ ﺍﺧﺎﻓﻦ ﻋﻠﻴﻚ
ﻳﻤﻪ ﺍﻝ ﻣﺘﻰ ﺗﺨﺎﻓﻴﻦ ﻋﻠﻴﻪ ﺷﻮﻓﻴﻨﻲ ﺯﻟﻤﻪ ﻣﺸﻮﺭﺏ ﻃﻤﻨﺌﻲ ﻭﻧﺎﻣﻲ ﺭﻏﺪ ﻭﺍﺩﻋﻴﻠﻲ ﻭﺧﻞ ﺍﻏﺒﺶ ﺑﺎﺟﺮ ﻭﺍﻧﻲ ﻣﺮﺗﺎﺡ ﺑﻐﻼﺗﻲ ﻋﻨﺪﺝ ﻻ ﺗﻌﺮﺿﻴﻠﻲ
ﻋﻴﻮﻧﻪ ﺩﻣﻌﺖ ﻭﻣﺴﺤﺘﻪ ﻛﺎﻟﺖ
ﻻ ﻣﺎﻋﺮﺿﻠﻚ ﺑﺲ ﺍﻧﺖ ﻣﺎﻳﻮﻛﻌﻠﻚ ﻓﺮﺍﻛﻨﻪ ﻭﺍﻋﺮﻓﻚ ﻳﻮﻣﻴﻦ ﻭﺗﺮﺩﻧﻪ ﺭﻭﺡ ﻣﻮﺩﻉ ﺑﺎﻟﻠﻪ
ﺑﺴﺖ ﺍﺩﻳﻪ ﻭﺭﺍﺳﻪ ﻭﺍﻧﺎ ﺍﻋﺮﻓﻪ ﺗﺤﺠﻲ ﻫﻴﺞ ﺣﺘﻰ ﺗﻐﻴﺮ ﺭﺍﻱ ﺑﺲ ﺍﻧﻲ ﺟﻨﺖ ﻣﻌﺰﻡ ﺃﻧﺰﻝ ﻟﺒﻐﺪﺍﺩ ﻭﺍﺷﻮﻑ ﺣﺎﻟﻲ ﻭﺍﻏﻴﺮﻩ ﻛﻤﺖ ﻣﻦ ﻳﻤﻪ ﻛﺒﻞ ﻻﺗﻨﺰﻝ ﺍﺩﻣﻮﻋﻪ ﻭﺍﺿﻌﻒ ﻭﺗﺮﺍﺟﻊ ﻋﻦ ﺭﻭﺣﺘﻲ ﺭﺣﺖ ﻋﻞ ﻭﺭﺩﻩ ﻧﺪﻫﺘﻪ ﻭﺑﻠﻐﺘﻪ ﺗﻜﻌﺪﻧﻲ ﻏﺒﺸﻪ ﻛﺎﻟﺖ ﻣﻴﺨﺎﻟﻒ
ﺣﻄﻴﺖ ﺭﺍﺳﻲ ﻭﻧﻤﺖ ﻟﻠﺼﺒﺢ ﻭﺭﺩﻩ ﻛﻌﺪﺗﻨﻲ ﺳﺒﺤﺘﺖ ﻭﺣﺪﺩﺕ ﻟﺤﻴﺘﻲ ﺭﺗﺒﺘﻪ ﻭﺑﺪﻟﺖ ﻭﺣﻄﻴﺘﻠﻲ ﻛﻢ ﻫﺪﻣﻪ ﺍﺑﺪﻝ ﺑﻴﻬﻢ ﻭﻟﻔﻴﺖ ﺷﻤﺎﻏﻲ ﺟﺮﺍﻭﻳﻪ ﻭﺧﻠﻴﺖ ﺍﻟﺠﻨﻄﻪ ﺗﻚ ﺟﺘﻒ ﻭﺗﻮﻛﻠﺖ ﻋﻞ ﺍﻟﻠﻪ ﻭﻃﻠﻌﺖ ﺑﻌﺪ ﻣﺎﻭﺩﻋﺘﻬﻢ ﻭﺻﻴﺘﻬﻢ ﻋﻞ ﻧﻔﺴﻬﻢ ﻭﺍﻣﻲ ﺗﺪﻋﻴﻠﻲ
ﻣﻮﺩﻉ ﺑﺎﻟﻠﻪ ﻭﻟﻴﺪﻱ ﻭﺑﺜﻨﻌﺶ ﺍﻣﺎﻡ ﺍﻟﻤﻌﺼﻮﻣﻴﻦ ﻭﺍﺋﻤﺖ ﺍﻟﻤﻄﺸﺮﻳﻦ ﻭﻣﻼﺋﻜﻪ ﺍﻟﻤﻘﺮﺑﻴﻦ
ﺷﻤﺮﺕ ﺍﻟﻤﻲ ﻭﺭﺍﻳﻪ ﻭﻛﻠﺒﻲ ﻣﻨﺸﺮﺡ ﻟﺪﻋﺎﻩ ﺗﻮﺟﻬﺎﺕ ﻟﺒﻴﺖ ﺻﻔﺎﺀ ﺩﻛﻴﺖ ﻟﺒﺎﺏ ﻃﻠﻌﻠﻲ ﺑﺲ ﺷﺎﻓﻨﻲ ﻋﻜﺾ ﻭﻛﺎﻝ
ﺧﺎﺏ ﻭﻳﻦ ﺭﺍﻳﺢ ﺳﻔﺮﻩ ﺷﻤﺎﻟﻚ
ﺷﺒﻴﻚ ﻟﻚ ﺷﻜﻮﻭ
ﺍﻱ ﻏﻴﺮ ﺗﺸﻴﻞ ﻟﺤﻴﺘﻚ ﻭﺗﺬﺏ ﺍﻟﺸﻤﺎﻍ ﻳﺎﺑﻪ ﺍﺣﻨﺎ ﺭﺍﻳﺤﻦ ﺑﻐﺪﺍﺩ ﻻﺗﺠﻴﺐ ﺍﻟﻌﻴﻦ ﻋﻠﻴﻚ ﻫﺴﻪ ﻋﺒﺎﻟﻬﻢ ﺷﻮ ﻭﻳﻦ ﺍﺩﺍﻭﻡ
ﺍﻧﺖ ﺧﺒﻞ ﻟﻮﺗﺴﻮﻱ ﻧﻔﺴﻚ ﻫﻴﺞ ﺟﺎﺀ ﻫﻮﻩ ﻟﻴﺮﻭﺡ ﻟﻠﻤﺴﻄﺮ ﻫﻢ ﻋﻨﺪﻩ ﺩﻭﺍﻡ....بيج قصص عراقيه حقيقيه من واقعنا.روعه الطائي
ﻭﺍﻟﻠﻪ ﻛﻮﻝ ﺍﻟﻨﻔﺴﻚ ﺍﻛﺺ ﺍﻳﺪﻱ ﺍﺫﺍ ﺷﻐﻠﻮﻙ ﺍﻧﺖ ﺑﻬﺎﻱ ﻟﺤﻴﺘﻚ ﻣﺎﻝ ﻭﺍﺣﺪ ﻳﺘﻤﺮﻏﻞ ﺑﻠﺠﺺ ﻭﺍﻟﺘﺮﺍﺏ
ﺍﻛﻠﻚ ﺍﻧﺖ ﻣﺘﺮﻳﻚ
ﻻ
ﺟﺎﺀ ﻣﺎﻣﺘﺮﻳﻚ ﻭﻫﻠﻜﺪ ﻟﻐﻴﺖ ﻟﻮ ﻣﺘﺮﻳﻚ ﺷﻠﻮﻥ
ﺍﻧﺎ ﻋﻠﻤﻮﺩ ﻏﻴﺮ
ﻣﺎﻋﻠﻴﻚ ﺑﺲ ﺍﻣﺸﻲ
ﺟﺮﻳﺘﻪ ﻭﻫﻮﻩ ﻳﻬﺰ ﺑﻴﺪﻩ ﻣﺎﺭﺍﺿﻲ ﻳﺮﻳﺪﻧﻲ ﺍﺻﻴﺮ ﻣﺜﻠﻪ ﻫﻮﻩ ﻣﻦ ﻭﺭﺍﻩ ﺷﻐﻞ ﺑﻐﺪﺍﺩ ﻛﺎﻧﺲ ﺍﻟﻠﺤﻴﻪ ﻭﺍﻟﺸﻮﺍﺭﺏ ﻭﻣﺸﻂ ﺻﻔﺢ ﻭﺍﻟﻠﻪ ﺫﻛﺮﻧﻲ ﺑﻌﺒﺪﺍﻟﺤﻠﻴﻢ ﺣﺎﻓﺾ ﻛﻞ ﻫﺬﺍ ﻣﻦ ﺍﻟﺨﻮﻑ ﻣﻦ ﺑﻐﺪﺍﺩ ﺍﺭﻳﺪ ﺍﻭﺻﻞ ﻫﻨﺎ ﻭﺍﺷﻮﻑ ﺑﻠﻪ ﺗﺴﺘﻮﺟﺐ ﻛﻞ ﻫﺬﺍ ﺍﻟﺨﻮﻑ ﺻﻌﺪﻧﻪ ﻣﻦ ﺷﺎﺭﻋﻨﻪ ﻟﻠﻜﺮﺍﺝ ﻭﻣﻦ ﺍﻟﻜﺮﺍﺝ ﻟﺒﻐﺪﺍﺩ
ﺻﻔﺎﺀ ﺿﺮﺑﻪ ﻧﻮﻣﻪ ﻭﺍﻧﻲ ﻋﻴﻨﻲ ﻋﻞ ﻃﺮﻳﻖ ﺑﻐﺪﺍﺩ ﺷﻜﺪ ﺣﻠﻮﻩ ﻣﺜﻞ ﺍﻟﻮﺭﺩﻩ ﺗﻤﻮﺕ ﺗﻤﻮﺕ ﻭﺗﺤﺘﻲ ﺍﻟﻨﺎﺱ ﺑﻴﻪ ﻣﻜﺘﻀﻪ ﻭﺍﺷﻮﺍﺭﻉ ﻣﻠﻴﺎﻧﻪ ﺩﻋﻴﺖ ﺑﻜﻠﺒﻲ ﺍﻟﻠﻪ ﻳﺤﻔﻀﻬﻪ ﻭﻳﺪﻳﻢ ﺍﻫﻠﻬﻪ
ﻭﺻﻠﻨﺎ ﻭﻛﻌﺪﺕ ﺻﻔﺎﺀ ﻧﺰﻟﻨﻪ ﻛﺒﻞ ﻟﻠﻤﺴﻄﺮ ﺑﺲ ﻣﺎﻣﻮ ﻣﺴﻄﺮ ﺣﻠﺒﻪ ﻣﺎﻝ ﻣﺼﺎﺭﻋﻪ ﻣﻦ ﺗﺠﻲ ﺳﻴﺎﺭﻩ ﻭﺗﺮﻳﺪ ﻋﺎﻣﻞ ﻳﺼﻴﺮ ﺩﻙ ﻣﻼﻃﻢ ﻛﻠﻪ ﺗﺠﻴﺖ ﻭﻳﺒﻘﻰ ﺍﻟﺸﻮﺭ ﺑﻴﺪ ﺍﺑﻮ ﺍﻟﻤﺎﻝ ﻫﻮﻩ ﻳﺨﺘﺎﺭ ﻭﺃﻛﻴﺪ ﻳﺨﺘﺎﺭ ﻋﻞ ﺷﻜﻞ ﻻﻥ ﺍﻟﺰﻟﻤﻪ ﺍﻟﺴﺒﻊ ﻭﺍﻟﺸﺎﻏﻮﻝ ﻣﺒﻴﻦ ﻣﻦ ﺷﻜﻠﻪ
ﺻﻔﺎﺀ ﺿﻐﻄﺖ ﻋﻠﻴﻪ ﺣﺘﻰ ﻳﺮﻭﺡ ﻟﺸﻐﻠﻪ ﻭﻫﻮﻩ ﻣﻴﻘﺒﻞ ﻳﻌﻮﻓﻨﻲ ﻭﺍﻧﻲ ﻣﺎﺭﻳﺪ ﺍﺭﺑﻄﻪ ﺑﻴﻪ ﻭﺍﺻﺮﻳﺖ ﻳﺮﻭﺡ ﻭﺍﺧﺬﺕ ﻣﻨﻪ ﻋﻨﻮﺍﻥ ﺍﻟﻔﻨﺪﻕ ﺣﺘﻰ ﻧﻠﺘﻘﻲ ﻣﻦ ﻳﻜﻤﻞ ﺷﻐﻞ ﻛﻮﻩ ﻛﻮﻩ ﻗﻨﺘﻌﻪ ﻭﺭﺍﺡ
ﺫﺑﻴﺖ ﺟﻨﻄﻲ ﻭﻛﻌﺪﺕ ﻋﻞ ﺭﺻﻴﻒ ﻭﺍﺑﻮﻉ ﻋﻞ ﻧﺎﺱ ﺃﺷﻜﺎﻝ ﻛﻠﻤﻦ ﺷﻐﻠﻪ ﺷﻜﻞ ﻧﺎﺱ ﻣﻮﺿﻔﻪ ﻭﺩﺗﺮﻛﺾ ﺗﻠﺤﻚ ﻟﻠﺪﻭﺍﻡ ﻭﻧﺎﺱ ﻃﻼﺏ ﻭﻧﺎﺱ ﻋﻞ ﺟﻨﺎﺑﺮ ﺻﺎﻓﻦ ﻭﻋﺎﻧﻲ ﺭﺟﺎﻝ ﺟﺒﻴﺮ ﺑﻠﻌﻤﺮ
ﺍﺑﻮ ﺍﻟﺸﺒﺎﺏ ﺟﺎﻱ
ﺍﻱ ﻭﺍﻟﻠﻪ ﺍﺟﻴﺖ ﺑﻮﻛﺘﻚ ﺭﺣﻤﻪ ﻭﺍﻟﺪﻳﻚ ﺻﺒﻠﻲ
ﺍﺧﺬﺕ ﻣﻨﻪ ﺟﺎﻱ ﻭﺍﺷﺘﺮﻳﺖ ﺟﺮﻛﻪ ﺗﺮﻳﻜﺖ ﺑﻴﻬﻢ ﻭﺑﻘﻴﺖ ﻛﺎﻋﺪ ﻃﺒﻴﻌﻲ ﺍﻭﻝ ﻳﻮﻡ ﻣﺎﺣﺼﻠﺖ ﺷﻐﻞ ﻭﻣﺪﺍﻟﺤﻚ ﻛﻞ ﻣﺎﺗﺠﻲ ﺳﻴﺎﺭﻩ ﻳﺼﻴﺮﻭﺍ ﻋﻠﻴﻪ ﻟﺤﻢ ﺍﺳﺘﺨﻄﻴﻬﻢ ﻭﺍﺗﺮﺍﺟﻊ ﻟﻴﻮﺭﻩ ﺍﻝ ﺍﺫﻥ ﺍﻟﻀﻬﺮ ﻭﺍﻟﻤﺴﻄﺮ ﺷﺒﻪ ﻓﺮﻍ ﻟﺰﻣﺖ ﻋﻨﻮﺍﻥ ﺍﻟﻔﻨﺪﻕ ﻭﺍﻧﻄﻴﺘﻪ ﺍﻻﺑﻮ ﺍﻟﺘﻜﺴﻲ ﺫﺑﻨﻲ ﻛﺒﺎﻟﻪ ﻧﺰﻟﺖ ﻭﺍﺧﺬﺕ ﺭﻗﻢ ﺍﻟﻐﺮﻓﻪ ﺩﺧﻠﺖ ﺑﺪﻟﺖ ﻭﻣﺪﺩﺕ ﻭﻣﺎﺧﺬﺗﻨﻲ ﺍﻟﻨﻮﻣﻪ ﻣﺎﻛﻌﺪﺕ ﺍﻝ ﻣﻦ ﺍﺟﻪ ﺻﻔﺎﺀ
ﻫﺎﺍﺍﺍ ﺿﻠﻌﻲ ﻫﺎﻱ ﺍﻧﺖ ﻫﻨﺎ ﻭﻋﻠﻲ ﺭﺣﺖ ﻭﺑﺎﻟﻲ ﻳﻤﻚ
ﻟﻴﺶ ﻭﻟﻚ ﺷﻨﻮ ﻋﺒﺎﻟﻚ ﻣﺎ ﺍﻧﺪﻝ
ﺍﻱ ﻭﺍﻟﻠﻪ ﻛﻠﺖ ﻫﺴﻪ ﺗﻴﻬﻪ
ﻻ ﺍﺟﻴﺖ ﻛﺒﻞ ﻋﻞ ﻋﻨﻮﺍﻥ
ﻋﺎﺷﺖ ﺍﻳﺪﻙ ﻫﺴﻪ ﺑﺸﺮﻧﻲ ﺷﺘﻐﻠﺖ ﻻ
ﻻ ﻭﻳﻦ ﻝ 12 ﺭﺟﻌﺖ
ﺍﻱ ﻋﺎﺩﻱ ﺑﻌﺪﻙ ﻣﻤﺘﻌﻠﻢ ﻣﻨﺎ ﻭﻫﻴﺞ ﺩﻛﻮﻡ ﺗﺠﻴﺖ ﺣﺎﻟﻚ ﺣﺎﻟﻬﻢ ﺑﺲ ﻣﻴﺤﺘﺎﺝ ﻣﻦ ﺑﺎﺟﺮ ﺍﻧﺖ ﻃﺎﻟﻊ ﻭﻳﺎﻱ ﺑﻠﺒﻴﺖ ﺍﻻﺯﻣﻲ
ﺟﺎﺀ ﺧﻮﺵ ﺍﺫﺍ ﻫﻴﺞ ﻫﺴﻪ ﺗﻌﺎﻝ ﻛﻠﻲ ﺍﻧﺖ ﺷﺘﺎﻛﻞ ﻳﻮﻣﻴﻪ ﺗﺮﻩ ﺍﻧﻲ ﻣﺘﺖ ﺟﻮﻩ ﻳﻌﻨﻲ ﺷﻨﻮ ﺍﻟﻔﻨﺪﻕ ﻳﺠﻴﺒﻮﻟﻚ ﺍﻧﺖ ﺗﻨﺰﻝ ﺗﺎﻛﻞ ﻟﻮ ﺷﻠﻮﻥ
ﻻﺍﻧﺰﻝ ﻭﻻ ﻳﺼﻌﺪﻭﻟﻲ ﻫﺴﻪ ﺑﺲ ﺍﺳﺒﺢ ﻭﻧﻨﺰﻝ ﻧﻀﺮﺏ ﻓﻼﻓﻞ ﻋﻞ ﺷﺎﺭﻉ ﺍﻟﻴﻮﻡ ﺍﻭﻛﻠﻚ ﺍﻃﻴﺐ ﻓﻼﻓﻞ ﺑﻜﻞ ﺑﻐﺪﺍﺩ
ﺟﺎﺀ ﺧﻮﺵ ﻣﻨﺘﻀﺮﻙ
ﻫﻮﻩ ﺭﺍﺡ ﻳﺴﺒﺢ ﻭﺍﻧﻲ ﻓﺘﺤﺖ ﺍﻟﺸﺒﺎﻙ ﻭﺑﺎﻭﻋﺖ ﻋﻞ ﻣﺪﻳﻨﻪ ﻭﺭﺍﺡ ﺑﺎﻟﻲ ﺷﻮﻳﻪ ﻳﻢ ﺍﻫﻠﻲ ﺍﻣﻲ ﻭﺧﻮﺍﺗﻲ ﺿﻠﻴﺖ ﺍﻓﻜﺮ ﺑﻴﻬﻢ ﻟﺤﺪ ﻣﺎﻛﻤﻞ ﺻﻔﺎﺀ ﻭﻧﺰﻟﻨﺎ ﺻﺪﻙ ﻭﻛﻠﻨﻲ ﻓﻼﻓﻞ ﻃﻴﺒﻪ ﺑﻤﻌﻨﻰ ﺍﻟﻜﻠﻤﺔ ﻭﺷﺮﺑﻨﻪ ﺟﺎﻱ ﻭﺭﺣﻨﻪ ﻟﻠﻜﻬﻮﻩ ﺷﻮﻳﻪ ﺑﺲ ﻣﺎﺗﺎﺧﺮﻧﻪ ﺣﺴﺒﻨﻪ ﺣﺴﺎﺏ ﺍﻟﺸﻐﻞ ﺑﺎﺟﺮ ﺍﻟﺼﺒﺢ ﺭﺟﻌﻨﺎ ﻣﻦ ﻭﻛﺖ ﻧﻤﻨﻪ ﻭﻣﻦ ﺍﻟﺼﺒﺢ ﺭﺣﻨﺎ ﻋﻞ ﺷﻐﻞ ﻭﺑﺪﺃ ﺍﻟﻴﻮﻡ ﻋﺎﺩﻱ ﻋﺎﺩ ﺍﻧﻲ ﻣﺘﻌﻠﻢ ﻋﻞ ﺷﻴﻞ ﺍﻟﻄﻮﺱ ﻭﺷﻼﻉ ﺍﻟﻜﻠﺐ ﺍﻟﺸﻐﻞ ﺟﺎﻥ ﺑﻤﻨﻄﻘﻪ ﺷﻌﺒﻴﻪ ﺑﻴﺖ ﻗﺪﻳﻢ ﻭﻧﺮﻣﻢ ﺑﻲ ﺍﻟﺒﻴﺖ ﻣﺎﺧﺬﻱ ﻛﺒﺎﻟﻪ ﻳﻌﻨﻲ ﺑﻜﻴﻒ ﺍﻟﺨﻠﻔﻪ ﻫﻮﻩ ﻳﺤﻞ ﺍﻟﻌﻤﺎﻝ ﻣﺎﻛﻮ ﻭﻗﺖ ﻟﻠﺤﻠﻪ ﻟﺴﺎﻋﻪ 5 ﺍﻟﻌﺼﺮ ﺿﻬﺮﻱ ﻧﻜﺴﻢ ﻭﺍﻧﻌﻞ ﺑﺼﻔﺎﺀ ﻭﺍﺭﺟﻊ ﻟﻴﻮﺭﻩ ﻣﺎﻟﻜﻪ ﺍﻝ ﻫﺬﺍ ﺍﻟﻜﺮﻣﻴﺪﻩ ﻳﻄﻠﻊ ﻭﻳﺎﻩ ﻟﻮﻣﺎ ﻛﺮﻣﻴﺪﻩ ﺟﺎﻥ ﺣﻠﻨﻪ ﻣﻦ ﺍﻟﺴﺎﻋﻪ 3 ﻫﺬﺍ ﻭﻛﺖ ﻛﻞ ﺍﻟﻌﻤﺎﻝ ﺗﻌﺒﺖ ﻭﺑﺪﻳﺖ ﺍﺳﺨﺖ ﻛﺘﻠﻬﻢ ﺭﺍﺡ ﺍﺟﻴﺐ ﺟﻜﺎﻳﺮ ﻭﺍﺟﻲ ﺧﻮﺵ ﺳﻮﻳﺖ ﺑﻴﻬﻢ ﺭﺣﺖ ﻓﺘﺮﻳﺖ ﺑﻠﻤﻨﻄﻘﻪ ﻟﻜﻴﺖ ﻣﻐﺎﺳﻞ ﻏﺴﻠﺖ ﻭﺷﺮﺑﺖ ﺟﻜﺎﺭﻩ ﻭﺻﺎﺭ ﻛﺒﺎﻟﻲ ﺳﻮﺑﺮ ﻣﺎﺭﻙ ﺟﺒﻴﺮ ﻛﻠﺶ ﻛﻠﺖ ﺧﻞ ﺍﺳﺘﻄﻠﻊ ﺍﻟﻤﻜﺎﻥ ﻭﺻﺪﻙ ﺩﺧﻠﺖ ﻓﺘﺮﻳﺘﻪ ﺷﺒﺮ ﺷﺒﺮ ﻭﺁﺧﺮ ﺷﻲ ﺷﺘﺮﻳﺖ ﺑﻄﻞ ﻋﺼﻴﺮ ﻭﺑﺎﻛﻴﺖ ﺟﻜﺎﻳﺮ ﻭﻃﻠﻌﺖ ﺍﻟﻤﺎﺭﻛﺖ ﺍﻟﺒﺎﺏ ﻣﺎﻟﺘﻪ ﺟﺎﻡ ﺗﻨﻔﺘﺢ ﻟﻴﻜﺪﺍﻡ ﺍﻧﻲ ﺩﺍﻳﺦ ﻭﺗﻌﺒﺎﻥ ﻣﻌﺮﻓﺖ ﺍﻓﺘﺤﻪ ﺍﺳﺤﺐ ﺑﺒﻪ ﺑﺘﺠﺎﻫﻲ ﻭ ﻣﻦ ﻭﺻﻠﺘﻠﻲ ﺍﻟﻔﻜﺮﻩ ﻓﺘﺤﺘﻪ ﺑﻘﻮﻩ ﻭﺟﺎﻥ ﺗﻠﻄﻢ ﺑﻴﻪ ﺑﻨﻴﻪ
ﺳﺒﺤﺎﻧﻚ ﺭﺑﻲ ﺍﻟﺨﺎﻟﻘﻪ ﻣﻮ ﻣﺮﻩ ﺩﻧﻜﻪ
ﻣﺸﺎﻳﻒ ﻫﻴﺞ ﺟﻤﺎﻝ
ﺑﻜﻞ
ﺣﻴﺎﺗﻲ .
.
.
.
.
.
ﻳﺘﺒﻊ . ........
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
#روووعه