هبت ريح

مشهددد😍

#هبت_ريح

هدايا قبل فوات الأوان وندم يتبعه اللم

الا من معين

#user65690873

#مشهد

ضرار يمعود لتضل كورك وكور الزعيم يااخي احنا مو كدهم لتضل ترادد واكفله عل كلمه

صفاء شبيك مخنث لتصير مره وتخليهم يستركبوك كوي كلبك لو اكلك لاتدخل بيني وبينهم

شلون ماادخل يابه انت عضيدي وضلعي واني اخاف منهم عليك

اهووووووو لتخليني اكوم اخبط وتعرف لساني وساعته تزعل صفاء اذا اني ضلعك من صدك اريدك زلمه كلبك ميت لان اذا تضل عل هاي سوالفك هيج ضلع اكسره من العضم وماريده

انت الحجي وياك ضايع راح اتركك للايام تثبتلك الزعيم وجماعته شنو

خزرته سكت واني واكف عل مرايه شديت شماغي جراويه ولبست محزم السلاح ونزلت للكاع شديت بوتيني زين  وشلت سلاحي سحبت أقسام وتأكدت منه جاهز وطلعت لكيتهم متحضرين وكل عاده الزعيم بوده ياكلني بنضراته لبسته وماعبرته طلعت جكاره دخنته وصعدت السياره والشباب صعدو الزعيم كدامنه واحنا وراه هدوى دامس والطريق اضلم لازم الستيرن بثنين اديه ويادوب مركز بلسياقه الشوارع طين توه مبطله مطر وريحه الجو تنعش الكلب آل من توصل خشمي احسه ريحه موت منتضرني واني اكيف بس وين صرت موامن بلمثل اليكول كل ممنوع مرغوب والموت اني اتمنى بس ممنوع عليه هزيت راسي اطرد هاي الأفكار من راسي من دغني صفاء من كتفي

ضرار وين صافن وصلنا

اي اي ادري

نزلت الجامه واجه الزعيم مد رأسه وكال

يله باشا انزل

باوعتله بنضراء استهزاء وكتله

اني مانزل وانت تدري يوميه نعيد هاي السالفه

اوك ابقى هنا ومن نرجع نتحاسب

والله ايدك ومامدت عود طهرني

دغني صفاء لتفتت ديحجي فتحت الباب من يمه ودفعته واني اصيح

ااااانزل لتضل تلغي برأسي جنك عجوز ماخذين عشاه يله يله

هز رأسه يمنه يسره مراضي عل تصرفاتي ونزل لحكهم دخلو الفرع واني نزلت استطلع المكان تمشيت خطوتين ورجعت فتريت وراه السياره ودارجع اصعد فجأه وصار رمي كثيف والجو اشتغل كمت ماعرف شسوي سلاحي بيدي والدنيه محتركه داخل الفرع الدخلوله من شفت هيج كلت هذي فرصتك وانت النجر حطيت سلاحي بجرابه وصرت أركض أركض والدنيه ورايه صارت نهار امشي واتلفت اخاف ورايه أحد رجليه صارن خيوط من الهبطه ومن وصلت نهايه الشارع حسيت شي خترق جتفي وحراره نزلت ولطشت عل تشيرتي ومع هذا مهتميت مستمر أركض ال ان بتعدت كلش وصرت داخل بنص بستان لهنا بعد ماقاومت عيوني غوشن وحلكي يبس وختل توازني

ووووكعت .
.
.

.
.
.
هذا مشهد من روايتي القادمه احفضوه بمكتبتكم وانتضروني انزله

شوكت التنزيل

الله اعلم ترقبو باي لحضه ممكن انزل 

احبكم اختكم رفل الكناني ❤❤❤