هبت ريح

بارت51

ﻣﺴﺎﺀ ﺍﻟﺨﻴﺮ ﻋﻠﻰ ﺍﺣﻠﻰ ﻣﺘﺎﺑﻌﻴﻦ
ﺍﻟﺒﺎﺭﺕ ﺍﻟﻮﺍﺣﺪ ﻭﺍﻟﺨﻤﺴﻮﻥ ﻣﻦ
#ﻫﺒﺔ__ﺭﻳﺢ
بقلم رفل الكناني
،،،،،،،،
ﻫﺠﺮﺕ ﺍﻟﺒﻌﺾ ﻃﻮﻋﺎً ﻷﻧﻨﻲ
ﺭﺃﻳﺖ ﻗﻠﻮﺑﻬﻢ ﺗﻬﻮﻯ ﻓﺮﺍﻗﻲ
ﻧﻌﻢ ﺃﺷﺘﺎﻕ ﻟﻜﻦ ﻭﺿﻌﺖ
ﻛﺮﺍﻣﺘﻲ ﻓﻮﻕ ﺇﺷﺘﻴﺎﻗﻲ
ﻭﺃﺭﻏﺐ ﻭﺻﻠﻬﻢ ﺩﻭﻣﺎً
ﻭﻟﻜﻦ ﻃﺮﻳﻖ ﺍﻟﺬﻝ ﻻ ﺗﻬﻮﺍﻩ ﺳﺎﻗﻲ
،،،،،،،،،،،،،،
ﻫﺪﺩﻧﻲ ﺭﺍﺡ ﺍﺍﺍﻣﻮﺕ ﻭﻭﺧﺮ ﺍﻳﺪﻙ ﺣﺮﺍﻡ ﻋﻠﻴﻚ ﻟﻴﺶ ﺗﻨﻜﺮ ﻟﻴﺶ ﻣﻮ ﺍﻧﺎ ﺑﻨﺖ ﻋﻤﻚ ﺍﻧﺎ ﻋﺮﺿﻚ
ﻟﺞ ﺳﺎﻗﻄﻪ ﺻﻠﻔﻪ ﺣﻴﻮﺍﻧﻪ ﻣﺎﺟﺎﻱ ﺍﻧﻜﺮ ﻭﻛﺘﻠﺞ ﻏﻠﻄﺖ ﺑﺲ ﻣﺎﺗﺠﺎﻭﺯﺕ ﺣﺪﻭﺩﻱ ﻭﻳﺎﺝ ﻟﻴﺶ ﺗﻐﺸﻤﻴﻦ ﻧﻔﺴﺞ ﺍﻟﻒ ﻣﺮﻩ ﻋﺪﺕ ﻫﻞ ﻛﻼﻡ ﻭﺍﻟﺘﺎﻟﻲ ﻭﻳﺎﺝ ﻣﻮﺍﺭﺍﺡ ﺍﺷﺮﺏ ﻣﻦ ﺩﻣﺞ
ﺍﻱ ﻛﺘﻠﻨﻲ ﻣﻮﺗﻨﻲ ﺷﺘﺴﻮﻳﻠﻲ ﺳﻮﻱ ﺍﺣﺒﻚ ﻭﺍﺭﻳﺪﻙ ﻗﺎﺑﻠﻪ ﺗﺎﺧﺬﻧﻲ ﺣﺘﻰ ﻟﻮ ﻓﻮﻙ ﻣﺮﺗﻚ
ﺣﺒﺘﺞ ﺳﻠﻴﻤﻪ ﺍﻥ ﺷﺎﻟﻠﻪ ﺍﻣﺸﻲ ﺍﻃﻠﻌﻲ ﺑﺮﻩ
ﻣﺎﻃﻠﻊ ﻭﺍﻟﻠﻪ ﻣﺎﻃﻠﻊ ﺍﺫﺍ ﻣﻨﺘﻄﻴﻨﻲ ﻛﻠﻤﻪ ﻭﺭﺍﺡ ﺍﺑﻘﻰ ﻃﻮﻝ ﻋﻤﺮﻱ ﻣﺎﺍﺗﺰﻭﺝ ﺍﻋﻨﺲ ﻭﻻ ﺍﺧﺬ ﻏﻴﺮﻙ
ﺍﻟﻠﻪ ﻳﺎﺧﺬﺝ ﺍﻟﻠﻪ ﻻﻳﻮﻓﻘﺞ ﻟﺞ ﻣﺮﺗﻲ ﻣﺮﻳﻀﻪ ﻭﺭﻭﺣﻪ ﻫﻠﻜﺪﻫﺎ ﺍﻣﺸﻲ ﺍﻃﻠﻌﻲ ﺑﻌﺪﻳﻦ ﻧﺤﺠﻲ ﺍﻣﺸﻲ
ﻻﺩﻓﻊ ﻣﺎﺍﺧﻄﻲ ﺍﺫﺍ ﻣﺪﻛﻠﻲ ﻫﺎﻫﻴﻪ ﻻ ﺗﻀﺮﺏ ﺍﺻﻴﺢ ﻭﺍﻟﻢ ﺍﻟﻨﺎﺱ ﻭ ﺍﻟﻠﻪ
ﻃﺒﺞ ﺍﻟﻒ ﻣﺮﺽ ﺑﻨﺖ ﺍﺍﺍﺍﺍﺍﻟﻘﻨﺪﻩ ﺍﻃﻠﻌﻲ
ﺩﻓﻌﻬﺎ ﻟﻄﻤﺖ ﺑﻠﺒﺎﺏ ﺍﻟﻜﻴﻠﻮﻥ ﺭﺧﻪ ﻭﻛﻌﺖ ﻣﻦ ﻃﻮﻟﻲ ﺑﻬﺪﻭﺍﺀ ﺗﺤﺮﻛﺖ ﻋﻴﻮﻧﻪ ﺗﺠﺎﻩ ﺍﻟﺒﺎﺏ ﻫﻢ ﺳﺮﻳﻊ ﻓﺘﺤﻪ ﻟﻜﺎﻧﻲ ﻛﺎﻋﺪﻩ ﻣﺘﻜﻴﻪ ﺭﺍﺳﻲ ﻋﻞ ﺣﺎﻓﻪ ﺍﻟﺒﺎﺏ ﺩﻣﻮﻋﻲ ﺗﺠﺮﻱ ﺷﻴﻤﺎﺀ ﻧﻔﺠﺮﺕ ﺗﺼﻴﺢ ﻭﺗﺒﺠﻲ
ﻫﺎﺟﺮ ﺳﻤﻌﺘﻲ ﻛﻠﺸﻲ ﻣﻮﻭﻭ ﻣﺒﻴﻨﻪ ﺧﻠﺺ ﺻﺎﺭ ﻛﻠﺸﻲ ﻋﻞ ﻣﻜﺸﻮﻑ ﺧﻞ ﻳﺒﺮﻱ ﺫﻣﺘﻪ ﻭﻳﺎﺧﺬﻧﻲ ﻫﺎﺟﺮ ﺿﺤﻚ ﻋﻠﻴﻪ ﻧﺎﻡ ﻭﻳﺎﻱ ﻟﻌﺐ ﺑﻴﻪ ﻟﻌﺐ ﻭﺷﻤﺮﻧﻲ ﻭﺗﺰﻭﺟﺞ
ﺍﺳﻤﻊ ﻭﻣﺮﻛﺰﻩ ﺑﻜﻞ ﻛﻠﻤﻪ ﺗﺪﻛﻮﻟﻪ ﻟﺰﻣﻪ ﻣﻮﺗﻬﺎ ﻛﺎﻣﺖ ﺗﻌﻴﻂ ﻟﻄﺦ ﺭﺍﺳﻪ ﺑﻠﺤﺎﻳﻂ ﺃﻛﺜﺮ ﻣﻦ ﻣﺮﻩ ﻓﺸﺮ ﻋﻠﻴﻬﺎ ﻓﺸﺎﺭ ﻣﺎﻛﺪﺭ ﺣﺘﻰ ﺍﻧﻄﻘﻪ ﻋﻴﻮﻧﻲ ﻏﻮﺷﺖ ﻣﻦ ﺍﻟﺪﻣﻊ ﻣﻌﺘﻲ ﻧﺤﻤﺴﺖ ﻗﻬﺮ ﺗﻮﺟﻴﺖ ﻋﻞ ﻛﺎﻉ ﻛﻤﺖ ﻛﻠﺒﻲ ﻳﺨﻔﻚ ﻛﻠﺸﻲ ﺑﻴﻪ ﻳﺮﺟﻒ ﻟﺰﻡ ﺍﻳﺪﻱ
ﻫﺎﺟﺮ ﻭﻳﻦ ﺍﻭﻛﻔﻲ ﺷﺒﻴﺞ ﺩﺍﻳﺨﻪ ﻫﺎﺟﺮ ﺧﻞ ﺍﻓﻬﻤﺞ
ﻧﺘﺮﺕ ﺍﻳﺪﻩ ﺭﻛﻀﺖ ﻻﺯﻣﻪ ﺑﻄﻨﻲ ﻟﻠﺤﻤﺎﻡ ﺩﺧﻠﺖ ﻗﻔﻠﺖ ﺍﻟﺒﺎﺏ ﻛﻌﺪﺕ ﻋﻞ ﺭﻛﺒﺘﻲ ﻛﻤﺖ ﺍﺗﻘﻴﻰ ﺭﻭﺣﻲ ﻃﻠﻌﺖ ﻋﻴﻮﻧﻲ ﻧﻄﻦ ﻋﻘﻠﻲ ﺷﺎﺭﺩ ﻛﻠﺸﻲ ﺑﻴﻪ ﻣﺘﻮﻗﻒ ﻭﻣﺒﻨﺞ ﻃﻔﻠﻲ ﻃﻔﻠﻲ ﺩﻳﺪﻓﺮ ﻗﻮﻱ ﻣﺎﺩﺭﻱ ﺷﺪﻳﺤﺲ ﺻﺎﺭ ﺻﻮﺕ ﻛﺰﺍﺯ ﻭﺗﻜﺴﺮ ﻭﻋﻴﺎﻁ ﺷﻴﻤﺎﺀ ﺗﺮﺱ ﺍﻟﺒﻴﺖ ﻭﺻﻮﺕ ﺿﺮﺍﺭ ﻳﻜﺰﺑﺮ ﺟﺴﻤﻲ ﺧﺎﻟﻪ ﻧﻮﺭﻳﻪ ﺗﺼﻴﺢ
ﻓﻀﺤﺘﻮﻧﻪ ﺍﻟﻠﻪ ﻳﺨﺰﻳﻜﻢ ﻳﻠﻌﺎﻳﻘﻪ ﻳﻠﻜﺢ ...... ﺷﺠﺎﺑﺞ ﻟﻬﻨﺎ ﺍﻧﺘﻲ ﻣﺎﺟﻮﺯﻳﻦ ﻳﻤﺼﺨﻢ ﻣﺮﺗﻚ ﻭﻳﻦ ﺍﻟﻠﻪ ﺍﻛﺒﺮ ﻋﻠﻴﻜﻢ ﺍﻟﺒﺖ ﺣﺒﻠﻪ ﻫﺴﻪ ﺗﻤﻮﺕ ﺍﻟﺠﻬﺎﻝ
ﻫﻮﺳﻪ ﻭﺩﻭﺧﻪ ﺍﻟﺒﺎﺏ ﺗﻨﺪﻙ ﺭﺍﺡ ﺗﺘﻜﺴﺮ ﺍﻧﻲ ﺷﻨﻮ ﺭﺍﺡ ﺍﺗﺨﺮﺑﻂ ﻳﻤﻜﻦ ﻻﻻ ﻣﺎﺭﻳﺪ ﻳﺼﻴﺮ ﻫﻴﺞ ﻃﻔﻠﻲ ﺍﺭﻳﺪﻩ ﻣﺎﺭﻳﺪ ﻳﺼﻴﺮ ﺑﻲ ﺷﻲ ﺯﺣﻔﺖ ﻋﻞ ﺭﻛﺒﻲ ﻓﺘﺤﺖ ﺍﻟﻘﻔﻞ ﻣﺒﺎﺷﺮﻩ ﻧﻔﺘﺤﺖ ﺍﻟﺒﺎﺏ ﺩﺧﻠﺖ ﺧﺎﻟﻪ ﻧﻮﺭﻳﻪ ﻟﻄﻤﺖ ﻋﻞ ﻭﺟﻬﺎ ﺑﺠﻴﺖ ﺃﻛﺜﺮ ﻛﻮﻣﺘﻨﻲ ﺫﺑﻴﺖ ﺭﻭﺣﻲ ﻋﻠﻴﻬﺎ ﻣﺸﺘﻨﻲ ﺿﺮﺍﺭ ﺑﻠﻄﺮﻣﻪ ﻳﺪﻓﻊ ﺑﺸﻴﻤﺎﺀبيج قصص عراقيه حقيقيه من واقعنا.روعه الطائي
ﻟﺰﻣﺖ ﺍﻳﺪﻩ ﺍﺭﺟﻒ ﺍﺭﺟﻒ ﻓﺼﻠﺖ ﻛﻠﺶ ﻭﺻﻠﺘﻨﻲ ﺍﻟﻐﺮﻓﻪ ﺗﺪﻋﻲ ﻋﻞ ﺷﻴﻤﺎﺀ ﻭﺗﻨﺪﺏ ﺑﺤﺾ ﺿﺮﺍﺭ ﻛﻌﺪﺕ ﻋﻞ ﺳﺮﻳﺮ ﺟﺴﻤﻲ ﻳﻬﺘﺰ ﻳﺮﻋﺶ ﻓﺘﺢ ﺍﻟﺒﺎﺏ ﻭﻓﺎﺕ ﺻﺮﺧﺖ ﻣﻦ ﻏﻴﺮ ﻣﺎﺍﺑﺎﻭﻉ
ﺍﺍﺍﺍﺍﺍﻃﻠﻊ ﺑﺮﻩ
ﻫﺎﺟﺮ ﺧﻞ ﻧﺤﺠﻲ ﺍﻧﺎ ﻫﻢ ﺍﺭﻳﺪ ﺍﻛﻠﺞ ﻭﺍﻟﻠﻪ ﺍﻟﻌﻀﻴﻢ ﻫﺎﻱ ﻣﻜﺎﺭﻩ ﺗﺮﻳﺪ ﺗﺨﺮﺏ ﺑﻴﻨﺎ ﻭﺩﺍﻋﺘﺞ ﻭﺩﺍﻋﺖ ﺍﻟﺒﻄﻨﺞ ﻣﺎﻋﻨﺪﻱ ﺷﻲ ﻭﻳﺎﻩ
ﺳﺪﻳﺖ ﺃﺫﻧﻲ ﺍﺻﻴﺢ ﺍﻃﻠﻊ ﻭﺍﺩﻙ ﺑﺮﺟﻠﻲ ﺑﻠﻜﺎﻉ ﻳﺮﻳﺪ ﻳﻮﺻﻠﻨﻲ ﻳﻠﺰﻣﻨﻲ ﺧﺎﻟﻪ ﻧﻮﺭﻳﻪ ﺑﻴﻨﻪ ﻛﺎﻡ ﻳﻨﻜﺰ ﻗﺎﺑﺾ ﺍﻳﺪﻩ ﻭﺟﻬﻪ ﺩﻡ ﻭﺍﻧﻲ ﺍﺑﺠﻲ ﺑﺼﻮﺕ ﻋﺎﻟﻲ ﻳﺮﻳﺪ ﺑﺲ ﻳﻬﺪﻳﻨﻲ ﻛﻤﺖ ﺍﻧﺎﺷﻎ ﻭﺻﻮﺗﻲ ﻣﻴﻄﻠﻊ ﻛﻤﺖ ﺃﻓﺮ ﺑﺮﺍﺳﻲ ﺍﺭﻳﺪ ﻫﻮﻩ ﻋﺒﺎﻟﻚ ﻧﻜﻄﻊ ﻋﻠﻴﻪ ﺍﻟﻨﻔﺲ ﺟﻠﺒﺖ ﺑﺨﺎﻟﻪ ﺣﻴﻞ ﺍﺍﺷﺮ ﻋﻞ ﺭﻛﺒﺘﻲ ﻫﻮﻩ ﺑﻴﻨﺎ ﺍﺻﻴﺮ ﻣﻨﺎ ﻳﺼﻴﺮ ﻭﻳﺎﻱ ﻛﻤﺖ ﻣﺎﺍﻃﻴﻖ ﻻﺻﻮﺗﻪ ﻭﻻﻭﺟﻮﺩﻩ
ﺧﺎﻟﻪ ﺗﻨﻔﺦ ﺑﻮﺟﻬﻲ ﻭﺗﺼﻠﻲ ﻋﻞ ﻧﺒﻲ ﻛﺎﻡ ﻳﻜﻔﺮ ﻟﻄﺦ ﺍﻟﻜﻼﺹ ﺑﻠﺘﺎﺝ ﺗﻄﺸﺮ ﻋﻞ ﺟﺮﺑﺎﻳﻪ ﻫﻮﻩ ﻭﺍﻟﻤﻲ
ﺧﺮﺏ ******************* ﻟﺞ ﻋﻤﻪ ﺭﺍﺡ ﺗﻤﻮﺕ ﺷﻮﻓﻲ ﻛﺎﻣﺖ ﺣﺘﻰ ﻣﺘﺘﻨﻔﺲ ﻫﺎﺍﺍﺍﺍﺍﺍﺍﺍﺟﺮ ﻻﺗﺴﻮﻳﻦ ﻫﻴﺞ ﺍﻣﻮﺕ ﻭﺍﻟﻜﻌﺒﻪ ﺍﻣﻤﻤﻤﻤﻤﻮﺕ ﺣﺮﺍﻡ ﺍﺑﻨﻪ ﺑﻄﻨﺞ
ﺳﻤﻌﺘﻪ ﻳﻜﻔﺮ ﺷﻄﺘﺖ ﺃﻛﺜﺮ ﻭﻛﻌﺖ ﺑﻴﺪ ﺧﺎﻟﻪ ﺛﻮﺍﻧﻲ ﻭﻧﺪﺍﺭ ﻋﻠﻴﻪ ﻗﻄﺮﺍﺕ ﻣﻲ ﺑﺎﺭﺩ ﻭﻋﻄﺮ ﻗﻮﻱ ﻓﺘﺤﺖ ﺑﺤﻀﻦ ﺧﺎﻟﻪ ﻭﻫﻮﻩ ﻣﺜﻨﻲ ﻋﻴﻮﻧﻪ ﺩﻡ ﺣﺘﻰ ﺩﻣﻮﻉ ﻣﺘﺠﻤﻌﻪ ﺑﻴﻬﺎ ﻏﻤﻀﺖ ﺗﻠﻤﺴﺖ ﺑﻄﻨﻲ ﻟﻤﻴﺖ ﺭﺟﻠﻴﻪ ﺭﻓﻌﺖ ﺭﺍﺳﻲ ﻋﻞ ﺧﺎﻟﻪ ﻫﻤﺴﺖ ﻭﺑﺠﻴﺖ
ﺧﺎﻟﻪ ﺧﻞ ﻳﻄﻠﻊ ﻓﺪﻭﻩ ﻣﺎﺭﻳﺪ ﺍﺷﻮﻓﻪ
ﺑﻨﺘﻲ ﺑﺲ ﺍﺳﻤﻌﻲ ﻣﻨﻪ
ﻣﺎﺭﻳﺪ ﻭ ﺍﻟﻠﻪ ﻣﺎﺭﻳﺪ ﺧﻞ ﻳﻄﻠﻊ ﺭﻭﺣﻲ ﺭﺍﺡ ﺗﻄﻠﻊ
ﺍﺷﺮ ﺑﻴﺪﻩ .. ﺧﻠﺺ ﺭﺍﺡ ﺍﻃﻠﻊ ﺗﻬﺪﺋﻴﻦ ﻭﻧﺤﺠﻲ
ﻃﻠﻊ ﻟﻠﺒﺎﺏ ﻭﻫﻮﻩ ﻣﻠﺘﻔﺖ ﻋﻠﻴﻪ ﺑﺲ ﺧﺎﻟﻪ ﻛﺎﻟﺖ ﺷﺴﻤﻌﺘﻲ ﻣﻦ ﻫﺎﻱ ﺍﻟﻨﺬﻟﻪ ﻧﻌﺎﺩ ﻛﻠﺸﻲ ﻛﺪﺍﻣﻲ ﻛﻤﺖ ﺍﺷﻬﻚ ﻭﺿﺎﻣﻪ ﺭﺍﺳﻲ ﺑﻴﻦ ﺭﺟﻠﻴﻬﺎ ﺗﻌﺒﺖ ﻭﺍﻟﻌﺒﺮﻩ ﺷﻜﺪ ﺑﺠﻴﺖ ﻣﺎﻃﻠﻌﺖ ﻣﻦ ﻛﻠﺒﻲ ﺧﻠﺖ ﺭﺍﺳﻲ ﻋﻞ ﻛﻮﺷﻪ ﻭﻛﺎﻣﺖ ﻟﻤﺖ ﺍﻟﺠﺮﺟﻒ ﻭﻓﺮﺷﺖ ﻏﻴﺮﻩ ﻛﻮﻣﺘﻨﻲ ﻟﻠﺠﺮﺑﺎﻳﻪ ﻣﺪﺩﺕ ﻏﻄﻴﺖ ﻧﻔﺴﻲ ﺗﻬﺪﻱ ﻭﺗﺤﺠﻴﻠﻲ ﺧﻞ ﺗﻮﻟﻲ ﻭﻫﺎﻱ ﻣﺮﻳﻀﻪ ﻣﻮﺻﺎﺣﻴﻪ ﺍﻧﺘﻲ ﺍﻋﻘﻞ ﻣﻨﻬﺎ ﻛﺒﺮﻱ ﻋﻘﻠﺞ ﺍﻟﺠﺎﻫﻞ ﻻﺗﺨﺴﺮﻱ ﻭﻣﻦ ﻫﺬﺍ ﺍﻟﻜﻼﻡ ﻣﺎﺳﻤﻌﻠﻪ ﺍﺑﺪ
ﺑﻜﻠﺸﻲ ﻣﺎﻓﻜﺮﺕ ﻏﻴﺮ ﻣﻦ ﻳﻜﻠﻬﺎ ﻣﺎﺍﻧﻜﺮ ﺑﺲ ﻣﻤﺎﺧﺬ ﻋﺬﺭﻳﺘﺞ ﻳﻌﻨﻲ ﺷﻨﻮ ﺷﻤﺴﻮﻳﻠﻪ ﻻﻣﺴﻬﺎ ﻣﺜﻞ ﻣﺎﻻﻣﺴﻨﻲ ﺑﺎﻳﺴﻬﺎ ﻣﺜﻞ ﻣﻴﺒﻮﺳﻨﻲ ﻣﺠﺮﺩ ﺗﻔﻜﻴﺮ ﻧﻔﺴﻲ ﻻﻋﺖ ﻛﻌﺪﺕ ﻟﺤﻴﻠﻲ ﻓﺰﺕ ﺧﺎﻟﻪ ﻛﻤﺖ ﺍﺗﺨﻮﻉ ﺟﺎﺑﺖ ﺳﻠﻪ ﻏﺮﻓﺘﻲ ﻛﺪﺍﻣﻲ ﺫﺑﺤﺖ ﻧﻔﺴﻲ ﺑﻄﻨﻲ ﺩﻛﻄﻌﺖ ﻣﺎﻃﻠﻊ ﺷﻲ ﻛﺎﻣﺖ ﺧﺎﻟﻪ ﺩﻙ ﻋﻞ ﺭﺟﻠﻴﻬﺎ ﺗﻜﻠﻲ ﻫﺬﺍ ﻗﻬﺮ ﺭﺍﺡ ﺗﻤﻮﺗﻴﻦ ﺍﻟﻄﻔﻞ
ﻫﺰﻳﺖ ﺭﺍﺳﻲ ﺍﻣﺴﺢ ﺑﺤﻠﻜﻲ ﻋﻴﻮﻧﻲ ﺟﻤﺮ ﻻ ﺍﻝ ﻫﺬﺍ ﺍﻟﻄﻔﻞ ﺭﺍﺡ ﺍﺣﺎﻓﺾ ﻋﻠﻴﻪ ﻣﺴﺘﺤﻞ ﺍﻏﻠﻂ ﻣﺮﻩ ﺛﺎﻧﻴﻪ ﻭﺍﺿﻴﻌﻪ ﻫﻮﻩ ﺷﻨﻮ ﺫﻧﺒﻪ ﻟﺘﺰﻣﺖ ﺍﻟﺼﻤﺖ ﻏﻄﻴﺖ ﺭﺍﺳﻲ ﺍﺑﺠﻲ ﺑﺨﻨﻴﻚ ﻟﻴﺶ ﻫﻴﺞ ﺳﻮﻩ ﻭﻳﺎﻣﻦ ﻭﻳﻪ ﺷﻴﻤﺎﺀ ﺷﻮﻛﺖ ﻭﻳﻦ
ﺍﺳﺌﻠﻪ ﺗﺪﻭﺭ ﺑﺎﻟﻲ ﻣﺎﻟﻪ ﺟﻮﺍﺏ ﻧﻔﺘﺤﺖ ﺍﻟﺒﺎﺏ ﻓﺎﺕ ﻋﻞ ﻛﻴﻒ ﺧﺎﻟﻪ ﺻﻮﺗﻪ ﺗﺤﺮﻛﺖ ﻣﻦ ﺍﻟﺠﺮﺑﺎﻳﻪ ﻟﻴﻤﻪ
ﺍﻃﻠﻊ ﻋﻤﻪ ﺍﻃﻠﻊ ﻣﻮﻛﺖ ﺣﺠﻲ ﺍﻧﺖ ﻋﺼﺒﻲ ﻭﻫﻴﻪ ﻣﻨﻬﺎﺭﻩ ﺧﻠﻬﺎ ﻟﻐﻴﺮ ﻭﻛﺖ
ﻣﺎﻛﺪﺭ ﻋﻤﻪ ﺑﺲ ﺍﺣﺎﺟﻴﻬﺎ ﺭﺍﺡ ﺍﻧﺠﻦ ﺭﺍﺡ ﺍﺗﺨﺒﻞ
ﺍﻟﻠﻪ ﻳﻌﻴﻨﻚ ﻋﻞ ﻣﺎﺑﺎﻟﻚ ﻣﻨﻴﻦ ﺗﺠﻴﻚ ﻫﺎﻱ ﺍﻟﻄﺮﺍﻛﻴﻊ ﺳﺎﻋﻪ ﺍﻟﺴﻮﺩﻩ ﻟﺮﺣﺖ ﺑﻴﻬﺎ ﻟﻮﺍﺩﺭﻱ ﻫﻴﺞ ﻳﺼﻴﺮ ﻻ ﺭﺣﺖ ﻭﻻﻭﺻﻠﺖ ﺍﺩﺭﻱ ﻫﻞ ﻋﻜﺮﺑﻪ ﺷﻠﻮﻥ ﺟﺘﻲ ﻟﻬﻨﺎ ﺭﺍﺡ ﺗﺨﺒﻠﻨﻲ
ﺍﻧﺎ ﺃﻋﻠﻤﻪ ﻭﺍﻟﻠﻪ ﻟﻔﺼﻤﻬﺎ ﻓﺼﻢ ﻭﺃﺣﺴﺐ ﺍﻟﻠﻪ ﻣﺎﺧﻠﻘﻬﺎ ﻓﺪ ﻫﺎﺟﺮ ﺗﻨﻄﻴﻨﻲ ﻣﺠﺎﻝ ﺍﺣﺠﺎﻳﻬﻪ
ﻋﻤﻪ ﻛﺘﻠﻚ ﻋﻮﻓﻪ ﻻﺗﻘﻬﺮ ﺭﻭﺣﻪ ﺍﻛﺜﺮ ﻭﻳﺼﻴﺮ ﻋﻞ ﺟﺎﻫﻞ ﺷﻲ ﻓﺪ ﺍﻃﻠﻊ ﻭﻳﺎﻱ ﺍﻣﺶ ﻧﺤﺠﻲ ﺑﺮﻩ
ﻃﻠﻌﻮ ﺍﻟﺒﺎﺏ ﻧﺴﺪﺕ ﻛﺸﻔﺖ ﺭﺍﺳﻲ ﺑﻄﻨﻲ ﺑﻴﻬﺔ ﺍﻟﻠﻢ ﻳﺸﺒﻬﻪ ﺍﻟﻠﻢ ﺍﻟﺸﻬﺮﻳﻪ ﺧﻔﺖ ﺣﻴﻞ ﻋﻔﺖ ﻛﻠﺸﻲ ﻭﻛﻤﺖ ﺷﺮﺑﺖ ﻋﻼﺟﻲ ﺭﺟﻌﺖ ﺗﻤﺪﺩﺕ ﺃﻓﻜﺮ ﺷﺴﻮﻱ ﻣﻜﺪﺭﺕ ﻋﻘﻠﻲ ﺭﺍﻓﺾ ﻛﻠﺸﻲ ﻭﻣﺴﺘﺴﻠﻤﻪ ﻓﻘﻂ ﻟﻠﺒﺠﻲ ﺍﻟﻌﻼﺝ ﻳﻨﻮﻣﻨﻲ ﻣﺠﺮﺑﺘﺎ ﻣﻦ ﺍﺷﺮﺑﻪ ﻏﻔﻴﺖ ﻭﺍﻟﺪﻣﻌﻪ ﻋﻞ ﺧﺪﻱ ﻛﻌﺪﺕ ﻋﻞ ﻟﻤﺴﻪ ﺍﻳﺪﻩ ﻳﻤﺴﺢ ﺑﺪﻣﻮﻋﻲ ﺑﻘﻴﺖ ﻫﺎﺩﻯ ﺍﺣﺲ ﻧﻔﺴﻲ ﻣﻮﺍﻧﻲ ﻣﻮﻫﺎﺟﺮ ﺍﻟﺘﺼﺮﻑ ﺑﺪﻭﻥ ﻭﻋﻲ ﺍﺭﻳﺪ ﺍﺳﻤﻌﻪ ﺍﺭﻳﺪﻩ ﻳﺒﺮﺭ ﻳﺪﺍﻓﻊ ﻋﻞ ﻧﻔﺴﻰ ﻣﺎﺭﻳﺪ ﺍﺳﺘﻌﺠﻞ ﻣﺜﻞ ﻛﻞ ﻣﺮﻩ ﻫﻞ ﻣﺮﻩ ﻣﻮﺣﺪﻱ ﺍﻧﻲ ﻣﺴﺌﻮﻟﻪ ﻋﻞ ﺭﻭﺡ ﺑﻄﻨﻲ
ﺑﻘﻴﺖ ﻣﺎﺣﺮﻛﺖ ﺳﺎﻛﻦ ﻣﺴﺪ ﻋﻞ ﺷﻌﺮﻱ ﻳﺤﺠﻲ ﻣﺨﻨﻮﻙ ﺷﻜﻠﻪ ﻣﺎﺷﻮﻓﻪ ﺍﻟﻐﺮﻓﻪ ﺿﻠﻤﻪ ﺑﺲ ﻟﻤﻀﻪ ﺍﻟﺠﻜﺎﺭﻩ ﻟﻤﺸﻜﻼ ﺑﺼﺒﻌﻪ
ﻫﺎﺟﺮ ﺭﺍﺡ ﺍﺣﺠﻴﻠﺞ ﻭﺍﻧﺘﻲ ﺍﺳﻤﻌﻴﻨﻲ ﺍﺗﺮﺟﺎﺝ ﺍﻧﺎ ﺿﺮﺍﺭ ﺣﺒﻴﺒﺞ ﻻﺗﻀﻴﻌﻴﻦ ﺣﺒﻨﻪ ﺑﺸﺮﺑﻰ ﻣﻲ ﻭﺍﻟﻠﻪ ﺷﻴﻤﺎﺀ ﻭﻋﺸﺮﻩ ﻣﻨﻬﺎ ﻣﺘﺠﻲ ﻟﻀﻔﺮﺝ ﺍﻧﺎ ﻏﻠﻄﺎﻥ ﺑﺲ ﻭ ﺍﻟﻠﻪ ﺍﻟﻌﻀﻴﻢ ﻭﺭﺍﺱ ﺍﻣﻲ ﻭﻏﻼﺗﺞ ﻋﻨﺪﻱ ﺑﻠﺤﻀﻪ ﺿﻌﻒ
ﻧﻌﺼﺮ ﻛﻠﺒﻲ ﺗﺤﺮﻙ ﺭﺍﺳﻲ ﺟﻮﻩ ﺍﻳﺪﻩ ﻳﻌﻨﻲ ﺷﻨﻮ ﻟﺒﺎﻟﻲ ﺻﺤﻴﺢ .. ﻛﻠﺘﻪ ﺑﻜﻠﺒﻲ ﺛﺒﺖ ﺭﺍﺳﻲ ﺑﻴﺪﻩ ﺑﻬﺪﺍﻭﻩ
ﻻﻳﺮﻭﺡ ﺑﺎﻟﺞ ﺑﻌﻴﺪ ﺑﻠﻘﺮﺍﻥ ﻭﺍﻟﻜﻌﺒﻪ ﺍﻟﻤﺸﺮﻓﻪ ﻣﻤﻜﺮﺏ ﻣﻨﻬﺎ ﻫﻴﺞ ﻧﺰﻭﻩ ﺷﻴﻄﺎﻥ ﻣﻦ ﺗﻌﺎﻭﻓﻨﻪ ﻭﻧﺴﺠﻨﺖ ﻭﺩﺭﻳﺘﻲ ﺑﻴﻪ ﻫﻴﻪ ﺩﺧﻠﺖ ﻋﻠﻴﻪ ﻟﻠﻐﺮﻓﻪ ﻭﺍﻧﺎ ﻧﺎﻳﻢ ﻣﻄﻤﻮﺭ ﺿﻠﺖ ﺗﺘﻠﻤﺲ ﺑﻴﻪ ﻭﺍﻧﺎ ﻛﻞ ﻓﻜﺮﻱ ﻳﻤﺞ ﺗﺠﺎﻭﺑﺖ ﻭﻳﺎﻩ ﻭﻣﻦ ﺣﺴﻴﺖ ﻋﻞ ﺭﻭﺣﻲ ﺑﺘﻌﺪﺕ ﻣﺘﺨﺒﻞ ﻃﺮﺩﺗﻪ ﻏﻠﻄﺖ ﻋﻠﻴﻬﺎ ﻃﻠﻌﺘﻬﺎ ﻛﺮﻫﺖ ﺣﺘﻰ ﻧﻔﺴﻲ ﻭﻟﻴﻮﻣﺞ ﻣﺎﻋﻔﺘﻨﻲ ﻭﺍﻧﺎ ﺍﺗﺠﻨﺒﻬﺎ ﻭﻣﺎﺩﺗﺞ ﺗﻌﺮﻓﻴﻦ ﻻﻥ ﻣﺎﺭﻳﺪ ﺍﺧﺴﺮﺝ ﻭﺍﻟﻠﻪ
ﺧﺴﺮﺗﻨﻲ .. ﺣﺠﻴﺘﻪ ﻭﻏﻄﻴﺖ ﺭﺍﺳﻲ ﺍﺑﺠﻲ ﺳﺪﻳﺖ ﺃﺫﻧﻲ ﺑﻘﻰ ﻳﺤﻠﻒ ﻭﻳﺴﺐ ﺑﻴﻬﺎ ﺷﻌﺮﻩ ﻣﻬﺘﺰﺕ ﻣﻨﻲ ﺣﻘﺪﺕ ﻋﻠﻴﺎ ﻣﻦ ﺍﻋﺘﺮﻑ ﻋﻞ ﻧﻔﺴﻪ ﺷﻜﺪ ﺣﺎﻭﻝ ﺍﺣﺠﻲ ﻟﻮ ﺍﺑﻌﺪ ﺍﻟﻐﻄﻪ ﻣﻦ ﻭﺟﻬﻲ ﻋﻨﺪﺕ ﺿﻞ ﻳﻔﺘﺮ ﻳﺮﻭﺡ ﻭﻳﺠﻲ ﺑﻠﻐﺮﻓﻪ ﺩﺧﺎﻥ ﺍﻟﺠﻜﺎﻳﺮ ﺧﻨﻜﻨﻲ ﺧﻨﻚ ﻭﻣﺎﻛﺪﺭ ﺍﺣﺠﻲ ﺇﻟﻰ ﺃﻥ ﺗﻌﺐ ﻭﻧﻄﺮﺡ ﺑﻠﻔﺮﺍﺵ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﺑﻘﻴﺖ ﻣﺘﺤﺮﻛﺖ ﻭﺧﻠﻴﺖ ﻣﺴﺎﻓﻪ ﺑﻴﻨﻪ ﻧﻤﺖ ﺍﻟﻬﺰﻡ ﻣﺎﻳﺮﺩ ﺃﻓﻜﺮ ﻭﻟﻮ ﺑﺎﻗﻲ ﻣﻤﺴﻮﻟﻔﻠﻲ ﺍﺣﺴﻦ
ﻟﻠﺼﺒﺢ ﺣﺴﻴﺖ ﺑﻲ ﻳﺒﺪﻝ ﻭﺧﺎﺑﺮ ﻋﻞ ﺭﺿﺎ ﻳﻜﻠﻪ ﺍﺭﻳﺪﻙ ﺑﺴﺎﻟﻔﻪ ﻃﻠﻊ ﻭﻃﺒﻚ ﺍﻟﺒﺎﺏ ﻛﻌﺪﺕ ﻟﺤﻴﻠﻲ ﺍﻟﻤﺮﺍﻳﻪ ﻛﺒﺎﻟﻲ ﻋﻴﻮﻧﻲ ﻣﻨﻔﻮﺧﻪ ﻭﻭﺟﻬﻲ ﻳﺮﻳﺪ ﻳﻄﻚ ﻛﻤﺖ ﻃﻠﻌﺖ ﻣﻦ ﺍﻟﻐﺮﻓﻪ ﻻﻛﺘﻨﻲ ﺧﺎﻟﻪ ﺭﺟﺎﺀ ﺑﻠﻤﻄﺒﺦ ﺻﺒﺤﺖ ﻋﻠﻴﻬﺎ ﻣﺪﻧﻜﻪ ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺭﺟﻌﺖ ﺑﻌﺪﻫﻪ ﺧﺎﻟﻪ ﻭﺍﻛﻔﻪ ﺗﻌﺪﻳﺘﻪ ﺩﺍﻓﻮﺕ ﻛﺎﻟﺖ
ﻫﺎﺟﺮ ﻳﻤﻪ ﺑﻴﺞ ﺷﻲ
ﻫﺰﻳﺖ ﺭﺍﺳﻲ ﻻ
ﺟﺎ ﺧﻮﺵ ﺍﻟﺒﺎﺭﺣﻪ ﻣﺎﺷﻔﺘﺞ ﺟﻴﺖ ﺗﺎﻟﻲ ﺍﻟﻴﻞ ﻳﻤﻪ ﻓﺮﻳﺨﺞ ﻳﺘﺤﺮﻙ
ﺍﻱ ﺧﺎﻟﻪ ﻻﻳﻀﻞ ﺑﺎﻟﺞ ﺯﻳﻦ ﺍﻟﺤﻤﺪ ﺍﻟﻠﻪ
ﺍﻟﻒ ﺍﻟﺤﻤﺪﺍﻟﻠﻪ ﻳﻠﻪ ﺗﻌﺎﻱ ﺗﺮﻳﻜﻲ ﻭﻳﺎﻱ
ﻣﺎﺷﻲ ﻫﺴﻪ ﺍﺟﻲ
ﺩﺧﻠﺖ ﻟﻠﻐﺮﻓﻪ ﻛﻌﺪﺕ ﻋﻞ ﺳﺮﻳﺮ ﻏﻄﻴﺖ ﻭﺟﻬﻲ ﺑﻴﺪﻱ ﺧﺎﻟﻪ ﺭﺟﺎﺀ ﻣﺒﻴﻨﻪ ﻛﻠﺸﻲ ﻣﺘﺪﺭﻱ ﻓﺮﻛﺖ ﻛﺼﺘﻲ ﺍﻟﻠﻢ ﻓﻀﻴﻊ ﺑﻴﻬﺎ ﺷﻠﻮﻥ ﺷﺴﻮﻱ ﺍﻋﻮﻓﻪ ﻭﺍﺭﻭﺡ ﻟﻬﻠﻲ ﺍﻓﻀﺢ ﺷﻴﻤﺎﺀ ﻳﻢ ﺧﻮﺍﻟﻲ ﻻ ﺍﺫﺍ ﺣﺠﻴﺖ ﻫﻮﻩ ﺭﺍﺡ ﻳﻨﻔﻀﺢ ﻣﻮﺑﺲ ﻫﻴﻪ ﺍﺍﻱ ﺍﺍﻱ ﻭﻣﻴﻨﻔﻀﺢ ﻃﺒﻪ ﻃﺐ ﻟﻌﺪ ﻟﻤﺴﻮﻱ ﺷﻮﻳﻪ
ﺻﺮﺕ ﻣﺜﻞ ﺍﻟﻤﺨﺒﻠﻪ ﺍﺳﺌﻞ ﻭﺍﺟﺎﻭﺏ ﻧﻔﺴﻲ ﻓﺎﺗﺖ ﺧﺎﻟﻪ ﻧﻮﺭﻳﻪ ﻛﻌﺪﺕ ﻳﻤﻲ ﺑﺲ ﻛﺎﻟﺖ ﺷﻠﻮﻧﺞ ﺍﻟﻴﻮﻡ ﺑﺮﻃﻤﺖ ﺟﺮﺕ ﺣﺴﺮﻩ ﻛﺎﻟﺖ
ﺣﻘﺞ ﺧﺎﻟﻪ ﺣﻘﺞ ﻣﺎﻟﻮﻣﺞ ﻓﺪ ﺷﺘﺴﻮﻳﻦ ﺻﺎﺭ ﺍﻟﺼﺎﺭ ﺑﻌﺪ ﻭﻣﺎﻳﻨﺪﺭﻩ ﻫﺬﺍ ﺣﻀﺞ ﻟﻮ ﺣﻀﻪ ﻫﻮﻩ ﺍﻟﻤﺴﻜﻴﻦ
ﻛﻤﺖ ﺍﺑﺠﻲ ﺑﻘﻮﻩ .. ﺧﺎﻟﻪ ﺣﻀﻲ ﺍﻧﻲ ﻭ ﺍﻟﻠﻪ ﻳﻮﻣﻴﻪ ﻣﺼﺪﻭﻣﻪ ﺑﻲ ﻭﺍﺧﺮﻫﻪ ﺍﻟﺨﻴﺎﻧﻪ ﺍﺩﺭﻱ ﻟﻤﻦ ﻳﺮﻳﺪﻩ ﻟﻴﺶ ﻣﺎﺧﺬﻫﻪ ﻟﻴﺶ ﺗﺰﻭﺟﻨﻲ ﻟﻴﺶ ﺑﺲ ﺣﺘﻰ ﻳﺒﻬﻀﻨﻲ ﻭﺍﺿﻞ ﻳﻮﻣﻴﻪ ﻣﻜﺘﺸﻔﻪ ﺑﻲ ﺳﺎﻟﻔﻪ ﺷﻜﻞ
ﺗﺨﺴﻪ ﻳﺼﻴﺮ ﻟﺒﺮﺍﺳﻬﺎ ﻭﺗﻨﺠﺢ ﺧﻄﺘﻬﺎ ﻳﺎﺧﺬﻩ ﺷﻨﻮ ﻭﻟﺞ ﻫﻮﻩ ﻣﺎﻳﻄﻴﻘﻬﺎ ﻳﺸﻮﻓﻬﺎ ﻭﻳﺸﻮﻑ ﺩﻡ ﺳﻨﻮﻧﻪ
ﻭﺍﻟﺴﻤﻌﺘﻪ ﺷﻨﻮ ﻭﺍﻟﻌﺘﺮﻑ ﺑﻲ ﺑﻠﺴﺎﻧﻪ ﺷﻨﻮ ﺧﺎﻟﻪ ﺍﻧﻲ ﺳﻤﻌﺖ ﻭﺷﻔﺖ ﺑﻌﻴﻨﻲ ﻣﺤﺪ ﺍﺟﻪ ﻭﺳﻮﻟﻔﻠﻲ ﺣﺘﻰ ﺍﺟﺬﺑﻪ
ﻣﺎﻳﺨﺎﻟﻒ ﻣﺎﻛﻮ ﺍﻧﺴﺎﻥ ﻣﺎﻳﻐﻠﻂ ﻭﻫﻮﻩ ﻏﻠﻂ ﻭﻋﺘﺮﻑ ﺑﻐﻠﻄﻪ ﻭﻫﺬﺍ ﺍﻟﺸﻲ ﻗﺒﻞ ﻣﺎﻳﺨﺎﺫﺝ ﻻﺗﺨﻠﻴﻨﻪ ﻳﺌﺎﺛﺮ ﻋﻞ ﺣﻴﺎﺗﺞ ﻭﺍﻧﺘﻲ ﺣﺒﻠﻪ ﻭﺗﺨﺴﺮﻳﻦ ﺍﻷﻭﻝ ﻭﺍﻟﺘﺎﻟﻲ ﺟﻠﺒﻪ ﺣﺸﻰ ﺍﻟﺴﺎﻣﻊ ﻧﺒﺤﺖ ﻧﺒﺤﺖ ﻭﻣﺎ ﺣﺼﻠﺖ ﺷﻲ ﺍﻟﺪﻭﺩﻩ ﺍﻟﺒﻴﻬﺎ ﻓﺎﺧﺖ ﻣﻦ ﻋﺮﻓﺘﻲ ﺑﻌﺪ ﻣﺎﻋﺪﻩ ﺷﻲ ﺩﻛﻮﻟﻪ ﻻﺗﻨﻄﻴﻪ ﻣﺮﺍﺩﻩ ﻭﺗﺤﻘﻘﻴﻦ ﺭﻏﺒﺘﻪ ﻓﻜﺮﻱ ﺑﻌﻘﻠﺞ ﻭﻻﺗﺘﺴﺮﻋﻴﻦ ﺗﺮﻩ ﻛﻠﻨﻪ ﺍﺭﻭﺡ ﺑﻴﻬﺎ ﺧﻮﺍﻟﺞ ﻳﺼﻴﺮﻭﻥ ﺩﻣﺎﻳﻪ ﻫﻤﻪ ﻭﺯﻟﻤﺘﺞ ﻭﺍﺧﺮﺗﻪ ﺗﺘﻜﺮﺑﺲ ﺑﺮﺍﺳﻪ ﺑﺤﺠﺖ ﺍﻟﺴﺘﺮ ﻋﻠﻴﻬﺎ ﻭﻳﻀﻴﻊ ﻛﻠﺸﻲ ﺑﺮﻣﺸﺖ ﻋﻴﻦ
ﻳﻌﻨﻲ ﺷﻨﻮ ﺧﺎﻟﻪ ﺍﺳﻜﺖ ﺍﻧﺴﻰ ﺷﻴﺼﺒﺮﻧﻲ ﺍﻧﻲ ﻫﺴﻪ ﻭﺭﺍﺡ ﺍﺗﺨﺒﻞ ﻛﻠﻴﻠﻲ ﺷﺴﻮﻱ
ﺍﻧﺘﻲ ﻋﺎﻗﻠﻪ ﻭﺭﺍﻛﺪﻩ ﻭﻣﻦ ﺍﻟﺒﺎﺭﺣﻪ ﺍﻧﺎ ﻣﺮﺗﺎﺣﻪ ﻋﺒﻦ ﺷﻔﺘﺞ ﻫﺎﺩﻳﻪ ﻭﻣﺎﺳﻮﺗﻲ ﻣﺜﻞ ﻗﺒﻞ ﻋﺮﻓﺘﺞ ﻓﻜﺮﺗﻲ ﺑﻀﻨﺎﺝ ﻭﺍﺭﻳﺪﺝ ﺗﺒﻘﻴﻦ ﻋﻞ ﺗﻔﻜﻴﺮﺝ ﺿﺮﺍﺭ ﻳﺤﺒﺞ ﻭﻏﻠﻂ ﻧﻄﻲ ﻓﺮﺻﻪ ﻳﺼﻠﺢ ﻏﻠﻄﻪ
ﻣﺎﻛﺪﺭ ﺷﻠﻮﻥ ﺍﺗﺤﻤﻞ
ﺳﻮﻱ ﺍﻟﺘﺮﺩﻱ ﻋﺎﺗﺒﻲ ﺍﺣﺠﻲ ﺯﻋﻠﻲ ﻋﻠﻴﻪ ﻓﺪ ﻻ ﺗﻌﻮﻓﻲ ﻭﺍﻃﻠﻌﻴﻦ
ﺑﻘﻴﺖ ﺍﻣﺴﺢ ﺑﻠﺪﻣﻌﻪ ﺗﻨﺰﻝ ﻋﺸﺮﻩ ﻣﺎﻳﺤﺲ ﺑﻠﻨﺎﺭ ﺍﻝ ﺍﻟﻤﻠﺴﻮﻉ ﺑﻴﻬﺎ ﻳﺠﻮﺯ ﺧﺎﻟﻪ ﺗﺤﺠﻲ ﺣﺘﻰ ﺗﺨﻔﻒ ﻋﻨﻲ ﻣﺎﺗﺪﺭﻱ ﻧﺎﺭﻱ ﻣﺸﺘﻌﻠﻪ ﻣﻦ ﺍﻟﺒﺎﺭﺣﻪ ﻣﺎﻃﻔﺖ ﺷﺎﻓﺘﻨﻲ ﺍﺑﺠﻲ ﺑﻘﻬﺮ ﻣﺴﺪﺕ ﻋﻞ ﺿﻬﺮﻱ ﻛﺎﻟﺖ ﺍﺭﺗﺎﺣﻲ ﻭﻃﻠﻌﻲ ﻛﻞ ﻟﺒﻜﻠﺒﺞ ﺧﻠﺘﻨﻲ ﻭﻃﻠﻌﺖ ﻭﺍﻧﻲ ﻣﺎﺻﺪﻛﺖ ﺣﺘﻰ ﻋﻴﻮﻧﻲ ﻛﺎﻣﺖ ﺗﻮﺟﻌﻨﻲ ﻣﻦ ﺍﻟﺒﺠﻲ
ﺧﺎﻟﻪ ﺭﺟﺎﺀ ﺻﺎﺣﺘﻠﻲ ﻋﻞ ﺭﻳﻮﻙ ﻣﺴﺤﺖ ﻭﺟﻬﻲ ﺑﻠﻤﺮﻃﺐ ﻭﻃﻠﻌﺖ ﺿﻠﺖ ﺗﺒﺎﻭﻋﻠﻲ ﻭﺗﺴﺌﻞ ﺷﺒﻴﺞ ﻛﺘﻠﻪ ﺣﺴﺎﺳﻴﻪ ﻣﻦ ﺍﻟﻌﻼﺝ ﺍﻟﺪﺍﺷﺮﺑﻪ ﺗﻨﺪﻱ ﺑﻼﻛﻞ ﻋﻠﻴﻪ ﻭﺍﻧﻲ ﻧﻔﺴﻲ ﻣﻤﺮﻭﺩﻩ ﺑﺲ ﺍﺧﻮﻁ ﺑﻠﻜﻼﺹ ﻭﻻﺍﻛﻠﺖ ﻫﻴﻪ ﺗﺮﻳﻜﺖ ﻭﺷﺎﻟﺖ ﻋﻼﻛﺘﻪ ﺭﺍﺣﺖ ﻟﻠﺴﻮﻙ ﺩﻓﻌﺖ ﺍﻟﺼﻴﻨﻴﻪ ﻟﻴﻐﺎﺩ ﻛﻤﺖ ﻟﺤﻴﻠﻲ ﺩﺍﻃﻠﻊ ﻓﺎﺗﺖ ﺟﻠﻴﻠﻴﻪ ﺑﺎﻭﻋﺘﻠﻲ ﻣﻦ ﻓﻮﻙ ﻟﻴﺠﻮﻩ ﻭﻋﻴﻨﻬﺎ ﺃﻛﺜﺮ ﺷﻲ ﻋﻞ ﺑﻄﻨﻲ ﺣﺠﺖ ﻣﻦ ﻭﺭﻩ ﺧﺸﻤﻬﺎ
ﺧﺎﻳﺒﻪ ﻳﺎﺍﻻﻣﻴﺮﻩ ﺷﻴﻠﻲ ﺻﻴﻨﻴﺘﺞ ﺗﺮﺍﺝ ﺯﻭﺗﻴﻬﺎ ﻛﻠﻨﻪ ﺣﺒﻠﻪ ﻋﺎﺩ ﻣﻮﺗﻤﺴﺤﻴﻦ ﺍﻳﺪﺝ ﺑﻠﺤﺎﻳﻂ ﻭﺗﻤﺸﻴﻦ
ﺩﻧﻜﺖ ﺻﺎﻛﻪ ﻋﻞ ﺳﻨﻮﻧﻲ ﻭﺻﺒﺮﻱ ﺩﻳﻨﻔﺬ ﻣﻦ ﻛﻠﺸﻲ ﻫﺎﻱ ﺟﻠﻴﻠﻴﻪ ﻓﻮﻙ ﺍﻟﺤﻤﻞ ﺍﺟﺘﻲ ﺗﻌﻼﻭﻩ ﺩﻧﻜﺖ ﻋﻞ ﺻﻴﻨﻴﻪ ﺍﺷﻴﻠﻬﺎ ﺣﺘﻰ ﺍﺧﻠﺺ ﻣﻦ ﺷﺮﻫﻪ ﺳﻤﻌﺖ ﺻﺮﺧﺖ ﺿﺮﺍﺭ
ﻋﻮﻭﻭﻭﻭﻭﻭﻓﻴﻬﺎ ﻻﺩﻧﻜﻴﻦ
ﺭﻓﻌﺖ ﺭﺍﺳﻲ ﻋﻠﻴﻪ ﻋﻴﻮﻧﻪ ﺑﻜﺼﺘﻪ ﺧﺎﺯﺭ ﺟﻠﻴﻠﻴﻪ ﻫﻴﻪ ﺿﺮﺑﺖ ﺍﻳﺪ ﻓﻮﻙ ﺍﻳﺪ ﻭﻛﻠﺘﻠﻪ
ﻭﺷﻜﻮ ﺑﻴﻬﺎ ﻋﻴﻮﻧﻲ ﻭﺍﺫﺍ ﺷﺎﻟﺖ ﺻﻴﻨﻴﻪ ﺍﺩﺭﻱ ﺍﺑﻨﻚ ﻻﺯﻙ ﺑﻌﻠﺞ ﻛﻞ ﺍﻟﻨﺴﻮﺍﻥ ﺗﺤﺒﻞ ﻭﺗﺠﻴﺐ ﻣﺤﺪ ﻳﺪﺭﻱ ﺑﻴﻬﺎ ﺍﻝ ﺍﻟﺒﻐﺪﺍﺩﻳﻪ ﺍﻟﻨﺎﺯﻛﻪ ﺳﻮﺗﻬﺎ ﻣﻌﻀﻠﻪ ﻣﻮﺣﻤﺎﻝ
ﺍﻛﻠﺞ ﻟﻴﺶ ﻣﺎﺗﺴﻜﺘﻴﻦ ﻭﺗﺨﻠﻴﻨﻲ ﻣﺤﺘﺮﻣﺞ ﺑﻠﻜﻌﺒﻪ ﻭﺍﺻﻠﻪ ﻟﻬﺎﻣﺘﻲ ﻟﻮﺣﺠﻴﺘﻲ ﺣﺮﻑ ﻭﺍﺣﺪ ﺍﻫﺪ ﺍﻟﺒﻴﺖ ﺑﻠﻲ ﺑﻲ ﻭﺍﻟﻠﻪ ﻫﺎﺍﺍﺍﺍﺍﺍﺍﺟﺮ ﺫﺑﻲ ﺍﻟﺒﻴﺪﺝ ﻭﺗﻌﺎﻱ ﻭﺭﺍﻱ
ﺣﺠﺎﻩ ﻭﺭﺍﺡ ﻟﻠﻐﺮﻓﻪ ﺟﻠﻴﻠﻪ ﺗﺨﻮﺯﺭ ﺗﻌﺪﻳﺘﻬﺎ ﺗﺪﺭﺩﻡ ﺑﺴﻜﻮﺕ ﻓﺘﺖ ﻟﻠﻐﺮﻓﻪ ﻛﺎﻋﺪ ﻋﻞ ﺟﺮﺑﺎﻳﻪ ﻳﻬﺰ ﺑﺮﺟﻠﻪ ﻭﻳﺪﺧﻦ ﻛﻠﺖ ﺧﻞ ﺍﻫﺒﻄﻪ ﻭﺍﺳﺤﻞ ﻣﻌﻨﻮﻳﺎﺗﻪ ﺷﻮﻳﻪ ﻭﻟﻮ ﺍﻧﻲ ﻗﺮﺭﺕ ﺍﺑﻘﻰ ﻭﻋﻞ ﻛﻠﺐ ﺷﻴﻤﺎﺀ ﻭﻣﺎﺳﻮﻱ ﻟﺒﺎﻟﻪ ﻭﺿﺮﺍﺭ ﺍﻋﺎﻗﺒﻪ ﺑﻄﺮﻳﻘﺘﻲ ﺑﺲ ﻫﺴﻪ ﺧﻞ ﺍﺷﻮﻓﻪ ﻏﻴﺮ ﻭﺟﻬﻪ ﻗﺒﻞ ﻣﻴﺤﺠﻲ ﻧﺘﺮﺕ
ﻭﺩﻳﻨﻲ ﻟﻬﻠﻲ
ﺑﺪﻭﻥ ﻣﻴﺒﺎﻭﻋﻠﻲ ﺻﺎﺡ
ﺍﺍﺍﺍﻧﺠﺒﻲ
ﻫﺎﻱ ﻓﻮﻛﺎﻩ ﻣﻮ
ﻓﻮﻛﺎﻩ ﻭﻧﺺ ﻫﺎﺟﺮ ﻓﻬﻤﺘﺞ ﻛﻞ ﺍﻟﺼﺎﺭ ﻻﺗﺘﺤﻴﻮﻧﻴﻦ ﺗﺮﺍﻧﻲ ﺻﺒﺮﻱ ﺧﻠﺺ ﺑﺴﺞ ﻣﻦ ﻫﺬﺍ ﺍﻟﻤﻮﺿﻮﻉ ﺣﻠﻴﺘﻪ ﻭﺷﻴﻤﺎﺀ ﺍﺧﺬﺕ ﺟﺰﺍﻫﻪ ﻭﺍﻛﺜﺮ ﻛﻌﺪﻱ ﺧﻠﻨﻪ ﻧﺘﻔﺎﻫﻢ
ﻣﺎﻟﻲ ﻭﻳﺎﻙ ﺗﻔﺎﻫﻢ ﻭﻻ ﻋﻨﺪﻱ ﺍﺳﺘﻌﺪﺍﺩ ﺍﺳﻤﻌﻚ ﻣﺎﺻﺪﻙ ﺑﻴﻚ ﻭﻣﺎﺛﻖ ﻭﺩﻳﻨﻲ ﻟﻬﻠﻲ ﺍﺣﺴﻦ ﺍﻟﻚ
ﻳﻌﻨﻲ ﻣﺮﺍﺡ ﺗﺠﻮﺯﻳﻦ
ﺍﻱ ﻣﺎﺟﻮﺯ ﻭﻣﺼﻤﻬﻪ
ﺟﺎ ﺃﻋﻠﻰ ﻣﺎﺑﺨﻴﻠﺞ ﺍﺭﻛﺒﻲ ﻛﺘﻠﺞ ﺍﻟﺒﺎﺭﺣﻪ ﻏﻠﻄﺖ ﻭﺑﻴﻨﺘﻠﺞ ﻛﻠﺸﻲ ﺑﺲ ﻣﺒﻴﻦ ﻋﻠﻴﺞ ﺗﺮﺩﻳﻦ ﺗﻄﻮﻟﻴﻬﺎ ﻭﺗﻌﺮﺿﻴﻬﺎ ﻣﺰﺍﻝ ﻫﻴﺞ ﺭﻭﺣﻪ ﻟﻬﻠﺞ ﻣﺎﻛﻮ ﻛﻌﺪﻱ ﻭﺳﻜﺘﻲ
ﻛﻤﺖ ﺍﺑﺠﻲ ﻭﺻﻴﺢ ﺗﻮﺩﻳﻨﻲ ﻟﻮ ﻳﺠﻮﻥ ﻳﺎﺧﺬﻭﻧﻲ ﻣﺎﻫﺘﻤﻠﻲ ﻳﺒﺪﻝ ﻭﺍﻧﻲ ﺍﺣﺠﻲ ﻋﺒﺎﻟﻚ ﻣﻴﺴﻤﻊ ﻛﻤﻞ ﻃﻠﻊ ﺟﻨﻄﻪ ﻋﺒﻪ ﻛﻢ ﻟﺒﺴﻪ ﻋﺮﻓﺘﻪ ﻧﺎﺯﻝ ﺍﻟﺒﻐﺪﺍﺩ ﻛﻤﺖ ﺍﻧﻜﺰ ﻣﺎﻫﺘﻤﻠﻲ ﺷﺎﻝ ﺍﻟﺠﻨﻄﻪ ﻭﺻﻞ ﻟﻠﺒﺎﺏ ﻓﺘﺤﻪ ﺣﺠﻪ ﺑﺘﺤﺬﻳﺮ ﻣﺤﺮﻙ ﺍﺻﺒﻌﻪ ﻳﻬﺪﺩ
ﺑﺎﻟﻠﻪ ﺍﻟﻌﻀﻴﻢ ﻫﺎﺟﺮ ﻟﻮ ﺧﻄﻴﺘﻲ ﻋﺘﺒﺖ ﺍﻟﺒﺎﺏ ﻭﺍﻧﺎ ﻣﺎﻣﻮﺟﻮﺩ ﻟﻜﻮﻥ ﻛﺎﻟﺐ ﺍﻟﺪﻧﻴﻪ ﺧﺎﻳﺒﻪ ﺑﺴﺠﻦ ﺭﺍﺡ ﺗﺠﻠﻄﻨﻲ ﺣﺸﻰ ﻣﻮﻧﺴﻮﺍﻥ ﻭﺣﻮﺵ ﻭﺣﻖ ﺍﻟﻠﻪبيج قصص عراقيه حقيقيه من واقعنا.روعه الطائي
ﻃﻠﻊ ﻭﻫﻒ ﺍﻟﺒﺎﺏ ﻛﻌﺪﺕ ﺑﻠﻜﺎﻉ ﻣﻨﻬﺎﺭﻩ ﺍﻟﻜﻨﺘﻮﺭ ﻣﻔﺘﻮﺡ ﻭﻣﻼﺑﺴﻪ ﻛﺒﺎﻟﻲ ﺟﺮﻳﺖ ﺍﻟﺘﺸﺮﻳﺖ ﺣﻀﻨﺘﻪ ﺍﺑﺠﻲ ﻛﻞ ﻗﻮﺗﻲ ﻭﺍﺭﺩﺩ ﻟﻴﺶ ﻫﻴﺞ ﺳﻮﻳﺖ ﻟﻴﺶ ﻫﻴﺞ ﺻﺎﺭﻟﻨﻪ ﻭﺍﻟﻠﻪ ﺍﺣﺒﻪ ﻭﺍﻣﻮﺕ ﻋﻠﻴﻪ ﺑﺲ ﻫﻞ ﻣﺮﻩ ﺟﺮﺣﻨﻨﻲ ﻭﺟﺮﺣﻲ ﺟﺒﻴﺮ ﺷﻠﻮﻥ ﺍﺗﻼﺷﻪ ﻭﺍﻋﻴﺶ ﻭﺍﻧﺴﻰ ﺷﻠﻮﻥ ﺭﺭﺭﺭﺭﺑﻲ ﺻﺒﺮﻧﻲ
ﺗﻌﺒﺖ ﺣﻴﻞ ﺗﻌﺒﺖ ﻭﺍﻟﻄﻔﻞ ﺍﺭﻳﺪﻩ ﻣﺎﺭﻳﺪ ﺍﺍﺫﻱ ﻗﻮﻳﺖ ﻧﻔﺴﻲ ﻭﻛﻤﺖ ﻣﺪﺩﺕ ﻋﻞ ﺳﺮﻳﺮ ﺳﺎﺭﺣﻪ ﺃﻓﻜﺎﺭﻱ ﻭﻣﻦ ﺍﻭﺻﻞ ﻟﻠﺴﻤﻌﺘﻪ ﻏﺼﺐ ﻋﻨﻲ ﻟﺸﺘﻲ ﺗﺮﺟﻒ ﻭﺍﺯﻳﺪ ﺑﻠﺤﻘﺪ ﻋﻞ ﺿﺮﺍﺭ ﻏﻔﻴﺖ ﻣﻦ ﺍﻟﻘﻬﺮ ﻭﻛﻌﺪﺕ ﻋﻞ ﺻﻮﺕ ﺑﺴﺒﺴﻪ ﻳﻤﻲ ﻛﻌﺪﺕ ﺧﺎﻟﻪ ﻧﻮﺭﻳﻪ ﻭﻣﺮﺕ ﻋﻤﻲ ﺭﺷﺪﻱ ﺍﻡ ﺷﻴﻤﺎﺀ ﻭﺍﻛﻔﺎﺕ ﻓﻮﻙ ﺭﺍﺳﻲ ﻛﻤﺖ ﺗﺮﺑﻌﺖ ﻏﻄﻴﺖ ﻧﻔﺴﻲ ﺻﺪﻳﺖ ﻋﻞ ﺟﻬﻪ ﻛﻌﺪﺕ ﻛﺒﺎﻟﻲ ﺍﻡ ﺷﻴﻤﺎ ﺩﻧﻜﺖ ﻫﻴﻪ ﺗﻔﺮﻙ ﺑﺪﻳﻬﺎ ﺧﺎﻟﻪ ﻧﻮﺭﻳﻪ ﻛﻠﺘﻪ ﺍﺣﺠﻲ ﻻﺗﺴﻜﺘﻴﻦ
ﻓﺮﻛﺖ ﺍﺻﺎﺑﻌﻪ ﻣﺪﻧﻜﻪ ﺧﺠﻼﻧﻪ ﻛﺎﻟﺖ
ﻫﺎﺟﺮ ﻭﺍﻟﻠﻪ ﻣﺎﻟﻲ ﻋﻴﻦ ﺍﺑﺎﻭﻉ ﺑﻮﺟﻬﺞ ﻭﺍﻟﻠﻪ ﻓﺸﻼﻧﻪ ﺑﻨﺘﻲ ﺻﺨﻤﺖ ﻭﺟﻬﻲ ﻋﺠﺰﺕ ﺷﻠﻮﻥ ﺍﺣﺘﻮﻳﻬﺎ ﺟﺎﻱ ﺗﺴﻮﻱ ﺷﻐﻼﺕ ﻣﺘﺨﻄﺮ ﻋﻞ ﺑﺎﻝ ﺍﺣﺪ ﺣﺴﻴﺖ ﺭﻭﺣﻲ ﻻﻣﺮﺑﻴﻪ ﻭﻻﺗﻌﺒﺎﻧﻪ ﺑﻴﻬﺎ ﺍﻟﻴﻮﻡ ﻣﻦ ﺍﺟﻪ ﺿﺮﺍﺭ ﻳﺸﻜﻴﻠﻲ ﻭﻳﻜﻠﻲ ﻫﺠﻤﺖ ﺑﻴﺘﻲ ﻭﺿﻴﻌﺖ ﻣﺮﺗﻲ ﻭﺭﺍﺡ ﺗﺨﺴﺮﻧﻲ ﺍﺑﻨﻲ ﻛﻠﺖ ﻫﺎﻱ ﻣﻮﺷﻴﻤﺎﺀ ﻫﺎﻱ ﻏﻀﺐ ﻭﺍﻟﻠﻪ ﺍﻟﻌﻀﻴﻢ ﻧﻄﻴﺖ ﺍﻟﺼﻼﺣﻴﻪ ﻟﻀﺮﺍﺭ ﻭﺭﺿﺎ ﺍﺑﻦ ﻋﻤﻪ ﻣﻮﺗﻬﻮﻩ ﻛﺘﻞ ﻭﺍﺧﺬﻩ ﺭﺿﺎ ﺷﻤﺮﻫﻪ ﻋﻨﺪ ﺍﺧﺘﻲ ﻟﺒﻴﻦ ﻣﺎﺍﺭﻭﺡ ﻟﺨﺘﻲ ﺍﻟﺜﺎﻧﻴﻪ ﺍﺣﺎﺟﻴﻬﺎ ﺗﺎﺧﺬﻩ ﻟﺒﻨﻪ ﻭﺍﺧﻠﺺ ﻣﺎﺭﻳﺪ ﺍﺟﺬﺏ ﻋﻠﻴﺞ ﻣﺎﻝ ﺍﻛﻮﻝ ﻟﺒﻮﻫﻪ ﻭﺍﺧﻮﻩ ﻫﻞ ﻣﺮﻩ ﻳﺤﻄﻮﻥ ﺟﻴﻠﻪ ﺑﺮﺍﺳﻪ ﻣﺎﺑﻴﻬﺎ ﻣﺠﺎﻝ ﻭﺍﻟﻨﺎﺱ ﻣﺎﺗﺮﺣﻢ ﺗﺤﻮﻡ ﻭﺭﻩ ﻓﻀﻴﺤﻪ ﺑﻨﻴﺎﺩﻡ
ﺿﺮﺍﺭ ﺍﻋﺮﻓﻪ ﻭﺍﻋﺮﻑ ﺍﺧﻼﻗﻪ ﻭﻣﻌﺪﻧﻪ ﻭﺍﻋﺮﻑ ﺑﻨﺘﻲ ﻭﻟﻮ ﻣﺎﻋﺮﻓﻬﺎ ﺟﺎﻥ ﻛﻠﺖ ﻳﺠﺬﺏ ﻻﻛﺖ ﻫﻴﻪ ﻋﺘﺮﻓﺖ ﺑﻠﺴﺎﻧﻪ ﺗﻮﻛﻒ ﺟﺪﺍﻣﻲ ﻭﺩﻛﻠﻲ ﺍﺭﻳﺪﻩ ﺻﺮﺕ ﻫﻠﻜﺪﻧﻲ ﻛﺒﺎﻟﻪ ﻫﺎﺟﺮ ﻭﻟﻴﺮﺣﻢ ﺍﺑﻴﺞ ﺗﺮﻛﻲ ﻋﻨﺞ ﻫﻞ ﺳﺎﻟﻔﻪ ﻭﺣﻜﺞ ﺍﺧﺬﻩ ﺯﻟﻤﺘﺞ ﻣﺮﺑﻊ ﻭﺍﻧﺎ ﺍﻟﺨﺠﻼﻧﻪ ﻭﺟﺎﻱ ﺍﻋﺘﺬﺭ ﻻ ﺗﺮﺩﻳﻨﻲ
ﺭﻓﻌﺖ ﺭﺍﺳﻲ ﻭﺭﻩ ﻣﺎﺳﻜﺘﺖ ﻋﻴﻮﻧﻪ ﻣﻐﺮﻏﺮﻩ ﻭﺟﻬﻪ ﻣﻄﻌﻮﻥ ﻣﻦ ﺍﻟﻘﻬﺮ ﻣﺴﻜﻴﻨﻪ ﺑﻨﺘﻬﺎ ﺑﺪﻭﻥ ﺍﺧﻼﻕ ﻫﻴﻪ ﺷﻨﻮ ﺫﻧﺒﻪ ﻟﺰﻣﺖ ﺍﺩﻳﻪ ﻟﺮﺍﺡ ﻳﺘﻜﺴﺮﻫﻦ ﻣﻦ ﺍﻟﻌﺼﺮ ﻛﺘﻠﻪ
ﺧﺎﻟﻪ ﻻﺗﺘﻌﺬﺭﻳﻦ ﺍﻧﺘﻲ ﻣﺎﻟﺞ ﺫﻧﺐ ﺷﻴﻤﺎﺀ ﺭﺍﺩﺕ ﺗﻬﺠﻢ ﺑﻴﺘﻲ ﺑﺎﻱ ﻃﺮﻳﻘﻪ ﻭﺍﻥ ﺷﺎﻟﻠﻪ ﻟﺒﺎﻟﻪ ﻣﻴﺼﻴﺮ ﻻﺗﺸﻴﻠﻴﻦ ﻫﻢ ﺍﻧﺘﻲ ﺑﻤﻘﺎﻡ ﺍﻣﻲ ﻭﻣﺎﺭﺿﺎﻟﺞ ﻛﺴﺮﺕ ﺍﻟﻨﻔﺲ ﻫﺎﻱ ﻳﺸﻬﺪ ﺍﻟﻠﻪ ﻣﺎﺑﻜﻠﺒﻲ ﺷﻲ ﻋﻠﻴﺞ ﻻ ﺍﻧﺘﻲ ﻭﻻ ﺧﺎﻟﻲ ﺑﺲ ﺑﻨﺘﺘﻜﻢ ﻣﺴﻠﻤﺘﻪ ﺑﻴﺪ ﺍﻟﻠﻪ ﻻﻥ ﺣﺮﻛﺖ ﻛﻠﺒﻲ ﺃﻛﺜﺮ ﻣﻦ ﻣﺮﻩ ﻭﺭﺍﺩﺕ ﺗﻬﺪﻡ ﺣﻴﺎﺗﻲ
ﺣﺠﻴﺘﻪ ﻭﺍﻟﻌﺒﺮﻩ ﺧﻨﻜﺘﻨﻲ ﻫﻴﻪ ﻃﻠﻌﺖ ﻣﺘﺤﻤﻠﺖ ﻭﺍﻧﻲ ﻗﻮﻳﺖ ﻧﻔﺴﻲ ﻣﻦ ﻫﺬﺍ ﺍﻟﻴﻮﻡ ﻫﺎﺟﺮ ﺍﻟﻔﻄﻴﺮﻩ ﺍﻟﺒﺲ ﻟﺴﺎﻥ ﻭﺗﻠﻌﻠﻊ ﻣﺎﺗﺖ ﺍﻧﻲ ﻫﺎﺟﺮ ﺍﻟﻴﻮﻡ ﺍﻡ ﻛﻠﺐ ﻗﺎﺳﻲ ﻭﺭﺍﺡ ﺍﻋﻴﺶ ﻟﻄﻔﻠﻲ ﻭﺑﺲ ﺻﺮﺕ ﺍﺗﺼﺮﻑ ﻃﺒﻴﻌﻲ ﻛﺪﺍﻡ ﺍﻟﻜﻞ ﻭﻣﺎ ﺑﻴﻦ ﻭﻣﻦ ﻳﺠﻲ ﺍﻟﻴﻞ ﺍﺣﻀﻦ ﻫﻤﻮﻣﻲ ﻭﺍﻛﻌﺪ ﺍﺑﺠﻲ ﻣﻜﺎﻟﻤﺎﺕ ﺑﻴﻨﻲ ﻭﺑﻴﻦ ﺿﺮﺍﺭ ﻣﺎﻛﻮ ﺍﻧﻲ ﺍﻟﻔﻮﻥ ﻏﺎﻟﻘﺘﻪ ﺍﺻﻼ ﻣﺎﻟﻲ ﺧﻠﻜﻪ ﺧﺎﻟﻪ ﻧﻮﺭﻳﻪ ﻣﻌﺎﻓﺘﻨﻲ ﻭﻳﺎﻱ ﻭﻳﺎﻱ ﺣﺘﻰ ﺩﻛﻠﻲ ﻳﺨﺎﺑﺮ ﻋﻠﻴﻪ ﻳﺴﺌﻞ ﻋﻠﻴﺞ ﻭﻣﺨﻠﻴﺞ ﺑﺮﺍﺣﺘﺞ ﻣﺎﻫﺘﻢ
ﻛﻤﺖ ﺍﻋﺘﻨﻲ ﺑﺮﻭﺣﻲ ﺍﻛﻞ ﻓﻮﺍﻛﻪ ﺑﻜﺜﺮﻩ ﻭﺍﻏﺬﻱ ﻧﻔﺴﻲ ﺧﺎﻟﻪ ﺭﺟﺎﺀ ﺗﺠﻴﺐ ﻭﺗﻨﻜﻞ ﻭﺗﺨﻠﻲ ﻛﺒﺎﻟﻲ ﺩﻛﻠﻲ ﻳﻄﻠﻊ ﻓﺮﺧﺞ ﺑﻲ ﻟﺤﻤﻪ ﺳﻮﺍﻟﻔﻪ ﻃﻠﻌﻨﻲ ﻣﻦ ﺃﻛﺒﺮ ﻛﺌﺎﺑﻪ ﺣﺘﻰ ﻛﺎﻣﺖ ﺗﺘﺼﺪﻩ ﻟﺠﻠﻴﻠﻪ ﻭﺗﺮﺩﻩ ﻟﻜﻠﻤﻪ ﺑﻌﺸﺮﻩ ﻋﻠﻤﻮﺩﻱ ﺍﺭﺗﺎﺡ ﻭﺍﺣﺲ ﺍﻛﻮ ﻣﻦ ﻳﺪﺍﻓﻊ ﻋﻨﻲ ﺍﻣﻲ ﺣﻠﻔﺘﻪ ﻫﻞ ﻣﺮﻩ ﻣﺘﺠﻲ ﻛﺘﻠﻪ ﺍﻟﻄﺮﻳﻖ ﻭﺭﺟﻠﻴﺞ ﻭﺍﻧﺘﻲ ﻣﺮﻳﻀﻪ ﻭﺍﻟﺼﺤﻴﺢ ﻣﺎﺭﺩﺗﻪ ﺗﻌﺮﻑ ﺑﺸﻲ ﺣﺘﻰ ﻻﺗﻠﻮﻣﻨﻲ ﻭﺩﻛﻠﻲ ﻫﺬﺍ ﺧﺘﻴﺎﺭﺝ ﺍﺣﻮﻱ ﻟﺰﺭﻋﺘﻲ
ﻃﻮﻝ ﺿﺮﺍﺭ ﻫﻞ ﻣﺮﻩ ﺑﻘﻰ ﺍﺳﺒﻮﻋﻴﻦ ﻭﻛﻠﺒﻲ ﻣﻴﺖ ﻣﺪﺭﻱ ﺑﺎﺭﺩ ﻣﻦ ﻧﺎﺣﻴﺘﻪ ﻫﻨﺎﻙ ﻭﺷﺘﺎﻛﻠﻪ ﻭﺍﺫﻛﺮ ﺍﻟﺴﻮﺍﻩ ﺍﻫﺰ ﺭﺍﺳﻲ ﻣﺎﺭﻳﺪ ﺃﻓﻜﺮ ﺣﺘﻰ ﺑﻲ ﻭﺻﻠﺖ ﺑﺤﻤﻠﻲ ﻧﺺ ﺍﻟﺮﺍﺑﻊ ﻭﺍﻟﻨﺴﺎﻭﻩ ﺧﻔﺖ ﺣﺎﻟﺘﻲ ﺗﺤﺴﻨﺖ ﻳﻮﻣﻴﻦ ﻭﺭﻩ ﺍﻻﺳﺒﻮﻋﻴﻦ ﻭﺍﺟﻪ ﺟﻨﺖ ﻛﺎﻋﺪﻩ ﻳﻢ ﺧﺎﻻﺗﻲ ﻓﺎﺕ ﺳﻠﻢ ﻣﺎﺑﻮﻋﺖ ﻋﻠﻴﻪ ﻫﻮﻩ ﻋﻴﻨﻪ ﻋﻠﻴﻪ ﻭﺧﺎﻟﻪ ﺭﺟﺎﺀ ﻣﺘﻔﺎﺟﻪ ﺷﻠﻮﻥ ﻣﻜﻤﺖ ﻭﺳﺘﺴﻠﻤﺖ ﺫﺏ ﺍﻟﺠﻨﻄﻪ ﺑﻠﻜﺎﻉ ﻭﻓﺎﺕ ﻟﻠﻐﺮﻓﻪ ﺍﻟﻌﻴﻮﻥ ﻛﻠﻬﺎ ﻋﻠﻴﺎ ﺿﻠﻴﺖ ﻣﻐﻠﺴﻪ ﺗﺪﻧﺖ ﺑﺼﻔﻲ ﺧﺎﻟﻪ ﺭﺟﺎﺀ ﻗﺮﺑﺖ ﺭﺃﺳﻪ ﻋﻠﻴﻪ
ﻳﻤﻪ ﻣﺎ ﻛﻤﺘﻲ ﻋﻞ ﺯﻟﻤﺘﺞ
ﺧﺎﻟﻪ ﺭﺟﻠﻲ ﺧﺪﺭﺍﻧﻪ ﻫﺴﻪ ﺍﻛﻮﻡ
ﺣﺠﻴﺘﻪ ﻭﺿﻠﻴﺖ ﺍﻓﺮﻙ ﺑﺮﺟﻠﻲ ﺳﻜﺘﺖ ﺷﻮﻳﻪ ﻭﻃﻠﻊ ﺿﺮﺍﺭ ﺑﺸﻮﺭﺕ ﻭﺍﻟﻔﺎﻧﻴﻠﻪ ﺍﻟﺠﻜﺎﺭﻩ ﺑﺤﻠﻜﻪ ﻳﺒﺎﻭﻋﻠﻲ ﺑﺨﺰﺭ ﻓﺎﺕ ﻟﻠﺤﻤﺎﻡ ﻛﻤﺖ ﺑﻌﺪ ﻣﻜﺪﺭﺕ ﺍﺑﻘﻰ ﻛﺎﻋﺪﻩ ﻭﺟﻬﺎ ﻳﺮﻳﺪ ﻳﻄﻚ ﺧﺎﻑ ﻳﺴﻮﻟﻲ ﺳﺎﻟﻔﻪ ﻭﺟﻠﻴﻠﻪ ﻛﺎﻋﺪﻩ ﺭﺣﺖ ﻟﻠﻐﺮﻓﻪ ﺍﻟﻜﻨﺎﺗﻴﺮ ﻣﻔﺘﺤﻪ ﻭﺍﻟﺠﻨﻄﻪ ﻣﻄﺸﺮﻩ ﻛﻤﺖ ﺍﻟﻤﻠﻢ ﺳﻤﻌﺖ ﺻﻔﻜﺖ ﺍﻟﺒﺎﺏ ﻃﺒﻜﺖ ﺍﻟﻜﻨﺘﻮﺭ ﺻﺎﺭ ﺑﻮﺟﻬﻲ ﻣﺘﺨﻮﺻﺮ ﺭﺍﻓﻊ ﺗﻚ ﺣﺎﺟﺐ ﻧﺘﺮ
ﻣﺘﺴﻠﻤﻴﻦ ﺑﻠﺴﺎﻧﺞ ﻋﻀﻢ
ﺩﺭﺕ ﻭﺟﻬﻲ ﺩﺍﻣﺸﻲ ﻟﺰﻣﻨﻲ ﻣﻦ ﻣﺮﻓﻖ ﺍﻳﺪﻱ ﺣﻴﻞ ﺩﺍﺭﻧﻲ ﻋﻠﻴﺎ ﺿﺎﻡ ﺍﻟﻀﺤﻜﻪ ﻋﺒﺴﺖ ﻭﺟﻬﻲ
ﺑﻮﻳﻪ ﺷﺒﻴﺞ ﻟﻴﻬﺴﻪ ﻣﺎ ﺑﺮﺩ ﻛﻠﺒﺞ ﻭﺍﻧﺎ ﻣﻮﺟﺮ ﻋﻠﻴﺞ ﻭﺗﺎﻟﻲ ﺷﻠﻮﻥ ﺗﻀﻠﻴﻦ ﻫﻴﺞ
ﺳﻜﺘﺖ ﺑﻘﻰ ﻳﺒﺎﻭﻋﻠﻲ ﺑﺤﻨﺎﻥ ﻗﺴﻴﺖ ﺃﻛﺜﺮ ﻗﻮﻩ ﻟﺰﻣﺘﻪ ﺍﻳﺪﻱ ﺗﺎﺫﺕ ﻭﺧﺮﺕ ﻣﻨﺎ ﻭﻛﻒ ﻣﺘﺨﻮﺻﺮ ﻣﺪﻧﻚ ﻋﺾ ﻋﻞ ﺍﺳﻔﻞ ﺷﻔﺘﻪ ﻋﺒﺎﻟﻚ ﺩﻳﺼﺒﺮ ﻧﻔﺴﻲ ﺩﺍﻃﻠﻊ ﻟﻠﺒﺎﺏ ﺻﺎﺡبيج قصص عراقيه حقيقيه من واقعنا.روعه الطائي
ﻫﺎﺍﺍﺍﺍﺍﺟﺮ ﺑﺴﺞ ﻋﺎﺩ ﺟﺮﻱ ﻋﺪﻝ
ﻃﻨﺸﺖ ﻭﻻﺟﻨﻲ ﺳﻤﻌﺖ ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺗﺎﺧﺮﺕ ﺍﺿﻴﻊ ﻭﻛﺖ ﻻﺑﻴﻪ ﺍﻛﻌﺪ ﻳﻢ ﺧﺎﻻﺗﻲ ﻭﻻﺑﻴﻪ ﺍﻓﻮﺕ ﺍﻟﻐﺮﻓﻪ ﺷﻮﻳﻪ ﻭﺳﻤﻌﺖ ﺻﻮﺗﻪ ﻳﻢ ﺧﺎﻟﻪ ﺭﺟﺎﺀ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺑﺪﻭﻥ ﻣﺼﺪ ﻋﻞ ﺻﺎﻟﻪ ﻛﺒﻞ ﺍﻟﻐﺮﻓﺘﻲ ﺑﻘﻴﺖ ﺍﺣﻮﺹ ﻭﺍﺗﺤﺮﻣﺺ ﺗﻌﺒﺖ ﺁﺧﺮ ﺷﻲ ﻃﻔﻴﺖ ﺍﻟﻀﻮﻩ ﻭﻣﺪﺩﺕ ﺍﺩﻛﻠﺐ ﻭﺩﺍﺧﻠﻲ ﻳﻔﻮﺭ ﻻﻭﻝ ﻣﺮﻩ ﻣﻦ ﻳﺠﻲ ﻣﺎﻋﺒﺮﻩ
ﺳﻤﻌﺖ ﺧﻄﻮﺍﺗﻪ ﻗﺮﻳﺒﻪ ﻋﻞ ﺑﺎﺏ ﺗﻐﻄﻴﺖ ﻭﻏﻤﻀﺖ ﺩﺧﻞ ﻭﻗﻔﻞ ﺍﻟﺒﺎﺏ ﺗﺤﺮﻙ ﺑﻠﻐﺮﻓﻪ ﺧﻠﻪ ﻓﻮﻧﻪ ﻋﻞ ﺷﺤﻦ ﺳﻤﻌﺖ ﺻﻮﺗﻪ ﻓﺘﺢ ﺍﻟﺜﻼﺟﻪ ﺻﺎﺭ ﺿﻮﺍﻩ ﻋﻞ ﻛﻨﺘﻮﺭ ﻃﻠﻊ ﺑﻄﻞ ﻣﻲ ﺷﺮﺏ ﻭﺭﺟﻌﻪ ﺍﺟﻪ ﺗﻤﺪﺩ ﻭﺗﻐﻄﻰ ﻧﻔﺴﻰ ﻣﻀﻄﺮﺏ ﻭﺩﻛﺎﺕ ﻛﻠﺒﻲ ﺍﻟﻒ ﻭﺃﻛﺜﺮ ﻋﻄﺮﻩ ﺗﻐﻠﻐﻞ ﺑﺨﺸﻤﻲ ﻏﻤﻀﺖ ﺃﻛﺜﺮ ﺍﺟﺒﺮ ﺭﻭﺣﻲ ﻣﺎﺍﺿﻌﻒ ﻛﻤﺖ ﺃﻓﻜﺮ ﺑﺸﻴﻤﺎﺀ ﺣﺘﻰ ﺃﻗﺴﻰ ﺃﻛﺜﺮ ﺗﺪﻧﻰ ﻟﺰﻙ ﺑﻀﻬﺮﻱ ﻧﺰﻳﺖ ﺧﻠﻪ ﺍﻳﺪﻩ ﻋﻞ ﺟﺘﻔﻲ ﺑﻌﺪﺕ ﺍﻟﻐﻄﺎﺀ ﺩﺍﻛﻮﻡ ﺭﺟﻌﻪ ﻭﻗﻔﻠﻨﻲ ﺑﺤﻀﻨﻪ ﻛﻤﺖ ﺍﺩﻓﻊ ﺑﻲ
ﻭﻭﻭﺧﺮ ﻻﺗﻠﻤﺴﻨﻲ ﻭﻭﻭﺧﺮ
ﻛﺎﺍﺍﺍﻓﻲ ﺍﺳﻜﺘﻲ
ﺣﺠﺎﻩ ﻫﻤﺲ ﺑﺬﻧﻲ ﻧﻔﺴﻰ ﺣﺮﻛﻨﻲ ﺣﺮﻙ ﻣﺸﻰ ﻟﺤﻴﺘﻪ ﻋﻞ ﺭﻛﺒﺘﻲ ﻗﺒﻀﺖ ﺍﻳﺪﻱ ﺻﻜﻴﺖ ﺍﺳﻨﻮﻧﻲ
ﻭﺍﻟﻨﺒﻲ ﺍﺫﺍ ﻣﻮﺧﺮﺕ ﺍﻛﻠﺐ ﺍﻟﺪﻧﻴﻪ
ﻟﺞ ﻛﺎﻓﻲ ﺷﻠﻮﻥ ﺑﻴﺞ ﻫﺴﻪ ﺟﺎﻱ ﺍﺭﺍﺿﻴﺞ ﺍﺭﻛﺪﻱ ﺑﻮﻳﻪ ﺗﺴﻮﺩﻧﺘﻲ
ﺍﻱ ﺍﻧﻲ ﻣﺨﺒﻠﻪ ﻋﻮﻓﻨﻲ ﺷﺘﺴﻮﻱ ﺑﻴﻪ ﺭﻭﺡ ﻟﺸﻴﻤﺎﺀ ﺍﺷﺒﻊ ﺑﻴﻬﺎ ﺗﻠﻮﻛﻠﻚ ﻭﺗﻠﻮﻛﻠﻬﺎ
ﺍﺳﻜﺘﻲ ﻻﺗﺠﻔﺼﻴﻦ ﻭﺛﺒﺘﻲ ﻻﺗﺤﻮﺳﻴﻦ ﺍﻟﺠﻬﺎﻝ ﺑﻄﻨﺞ ﺧﺎﻓﻲ ﻋﻠﻴﺎ
ﻣﻮ ﺍﻧﺖ ﺗﻌﻠﻤﻨﻲ ﺷﻠﻮﻥ ﺍﺧﺎﻑ ﻋﻞ ﻃﻔﻠﻲ ﺍﻧﻲ ﺍﻋﺮﻑ ﺍﺻﻼ ﻟﻮﻣﺎ ﺣﻤﻠﻲ ﺩﻗﻴﻘﻴﻪ ﻣﺎ ﺑﻘﻰ ﻳﻤﻚ
ﻣﻴﺨﺎﻟﻒ ﺗﻤﻮﻧﻴﻦ ﻓﺪ ﺍﺳﻜﺘﻲ ﻳﻮﻟﻲ ﻣﺸﺘﺎﻛﻠﺞ ﺑﺴﺞ ﺟﻔﻰ ﻟﻴﺶ ﻫﻴﺞ ﺟﺎﺳﻴﻪ ﻭﺍﻟﻠﻪ ﻣﺎﺿﻨﻴﺘﺞ ﻫﻴﺞ
ﻫﻴﺞ ﺍﻧﻲ ﻭﺃﻛﺜﺮ ﻭﺑﻌﺪﻙ ﻣﺸﺎﻳﻒ ﺷﻲ ﺿﺮﺍﺭ ﻛﻠﺸﻲ ﺑﻠﻌﺘﻪ ﻭﺳﻜﺘﺖ ﻭﺍﻻﺭﻳﺪﻩ ﻣﻨﻚ ﺑﻠﻐﺮﻓﻪ ﻻﻋﺮﻓﻚ ﻭﻻﺗﻌﺮﻓﻨﻲ
ﻭﻋﻠﻲ ﻣﺴﻮﺩﻧﻪ ﻣﻮﺍﻛﻠﺞ ﻣﺎﺻﺪﻛﻴﻦ ﺧﺎﻳﺒﻪ ﺍﻧﺎ ﺭﺟﻠﺞ ﻏﻠﻄﺖ ﻭﻋﺘﺮﻓﺘﻠﺞ ﺣﻠﻔﺖ ﻭﺭﺍﺿﻴﺖ ﻭﺑﻮﺳﺖ ﻭﻋﻔﺘﺞ ﺗﻬﺪﻳﻦ ﻭﺑﻘﻴﺖ ﺑﻌﻴﺪ ﻋﻨﺞ ﻭﺗﺤﻤﻠﺖ ﻛﻠﺸﻲ ﺧﺎﻃﺮ ﺗﻬﻴﺪﻳﻦ ﺗﺎﻟﻲ ﺍﺟﻲ ﻫﻴﺞ ﺗﺘﻠﻜﻴﻨﻲ
ﺍﻱ ﻭﺭﺍﺡ ﺍﺳﻮﻱ ﺍﻟﻤﺎﺷﺎﻳﻔﻪ ﻣﻨﻲ ﻫﺎﺟﺮ ﺍﻟﻘﺪﻳﻤﻪ ﻣﺎﺗﺖ ﺗﺴﺘﻐﻔﻠﻨﻲ ﻭﺗﺴﺎﻳﺮ ﺷﻴﻤﺎﺀ ﺣﺘﻰ ﺗﻄﻤﻄﻢ ﻋﻤﻠﺘﻚ ﺍﻧﻲ ﻋﺮﻓﺘﻚ ﻣﻮﺧﺎﻟﻲ ﺑﺲ ﺟﺬﺑﺖ ﻋﻞ ﻧﻔﺴﻲ ﻭﺑﻘﻴﺖ ﻣﻐﻤﻀﻪ ﻭﺍﻣﺸﻲ ﻭﺭﺍﻙ ﻻﻛﻦ ﻟﻬﻨﺎ ﻭﻛﺎﻓﻲ ﺇﻟﻰ ﻣﺘﻰ ﺳﺎﻛﺘﻪ ﻭﺗﺤﻤﻠﻚ ﻣﻮﻛﺎﻓﻲ ﺷﻐﻠﻚ ﻭﺍﻟﺨﻮﻑ ﻭﺍﻟﺮﻋﺐ ﺍﻟﻌﺎﻳﺸﻪ ﺑﻲ
ﺭﺧﻪ ﻟﺰﻣﺘﻪ ﺗﻨﻬﺪ ﺑﺘﻌﺪ ﻧﺰﻟﺖ ﻣﻦ ﺍﻟﺠﺮﺑﺎﻳﻪ ﺭﻓﻊ ﻧﻔﺴﻰ ﺭﺟﻪ ﺭﺃﺳﻪ ﻋﻞ ﺗﺎﺝ ﻳﺒﺎﻭﻋﻠﻲ ﺑﻌﺘﺐ ﻟﺒﺴﺖ ﺭﻭﺑﻲ ﻻﻥ ﻣﺰﻧﺪﻩ ﺣﻴﻞ ﻃﻠﻌﺖ ﻟﻠﺤﺪﻳﻘﻪ ﻛﻌﺪﺕ ﺍﺗﻨﻔﺲ ﺳﺮﻳﻊ ﻣﺎﺭﻳﺪ ﺩﻣﻌﺘﻲ ﺗﻨﺰﻝ ﺷﻨﻮ ﺗﻨﺰﻝ ﻭﺍﻧﻲ ﺑﻌﺪﻧﻲ ﺑﺎﺍﻭﻝ ﺍﻟﻤﺸﻮﺍﺭ ﺭﺟﻠﻲ ﺗﻬﺘﺰ ﺑﻘﻠﻖ ﺷﻔﺖ ﺧﻴﺎﻟﻪ ﻋﻞ ﺑﺎﺏ ﺍﻟﻤﻄﺒﺦ ﻭﺍﻛﻒ ﻻﺯﻡ ﺍﻟﺒﺎﺏ ﺑﻴﺪﻩ ﻭﺍﻟﺜﺎﻧﻴﻪ ﺑﻴﻬﺎ ﺍﻟﺠﻜﺎﺭﻩ ﻣﻬﺘﻤﻴﺖ ﺷﻮﻳﻪ ﻭﻋﺎﻓﻨﻲ ﻭﻓﺎﺕ
ﺭﻭﺣﻲ ﻻﺑﺖ ﺿﻠﻴﺖ ﺍﺭﻭﺡ ﻭﺍﺟﻲ ﺑﻠﻄﺮﻣﻪ ﺑﻄﻨﻲ ﺗﻘﻠﺼﺖ ﺗﻠﻤﺴﺘﻪ ﻣﺎﺭﻳﺪ ﺍﺗﻌﺐ ﺃﻛﺜﺮ ﻃﺒﻴﺖ ﻭﺳﺪﻳﺖ ﺍﻟﺒﺎﺏ ﺭﺟﻌﺖ ﻟﻐﺮﻓﺘﻲ ﻓﺘﺖ ﻧﺎﻳﻢ ﻭﺍﻳﺪﻩ ﻋﻞ ﻋﻴﻮﻧﻪ ﺍﺟﻴﺖ ﻧﻤﺖ ﺑﺲ ﻋﻞ ﻃﺎﺭﻑ ﺍﻟﺴﺮﻳﺮ ﺛﻮﺍﻧﻲ ﻭﺍﺧﺬﺗﻨﻲ ﺍﻟﻨﻮﻣﻪ ﺑﻌﺪ ﻣﺎﺣﺴﻴﺖ ﻟﺜﺎﻧﻲ ﻳﻮﻡ ﻭﺍﻧﻲ ﻻ ﺑﺴﻪ ﺍﻟﻮﺿﻌﻴﻪ ﻣﺎﻟﻲ ﺷﻐﻠﻪ ﺑﻲ ﻧﻬﺎﻳﺌﺎ ﺟﻦ ﺟﻨﻮﻧﺎ ﺑﺮﻛﺎﻥ ﺻﺎﺭ ﺑﺲ ﻭﺍﺣﺪ ﻳﻄﺨﻪ ﻳﻨﻔﺠﺮ ﻣﻦ ﺍﺷﻮﻓﻪ ﻫﻴﺞ ﺍﺣﺲ ﻛﺎﻋﺪ ﺍﻧﺘﺼﺮ ﻋﻠﻴﻪ
ﻛﻤﺖ ﺍﻫﺘﻢ ﺑﺮﻭﺣﻲ ﺃﻛﺜﺮ ﺍﻟﻤﻼﺑﺲ ﻛﻠﻪ ﺿﺎﻛﺖ ﻋﻠﻴﺎ ﻣﻦ ﻳﻢ ﺑﻄﻨﻲ ﺳﺘﻐﻠﻴﺘﻪ ﻓﺮﺻﻪ ﺍﻟﻠﻌﺐ ﺑﻌﺼﺎﺑﻪ ﻛﻠﺖ ﺍﻟﺨﺎﻟﻪ ﻧﻨﺰﻝ ﻟﺴﻮﻙ ﻛﺎﻟﺖ ﻛﻴﻔﺞ ﺭﺣﺖ ﺑﺪﻟﺖ ﻭﻛﻤﻠﺖ ﻫﻮﻩ ﻣﻤﻮﺟﻮﺩ ﻃﻠﻌﻨﻪ ﻟﻠﺒﺎﺏ ﻭﺍﺟﻪ ﻣﺪﻧﻚ ﻳﻜﻠﺐ ﺑﻠﻔﻮﻥ ﻭﺍﻳﺪﻩ ﺍﻟﺜﺎﻧﻴﻪ ﺑﺠﻴﺐ ﺍﻟﺪﺷﺎﺷﻪ ﺭﺍﻓﻌﻪ ﻟﺤﺪ ﺭﻛﺒﺘﻪ ﺷﺎﻓﻨﻪ ﻛﺒﺎﻟﻪ ﺭﻓﻊ ﺭﺃﺳﻪ ﻋﻴﻨﻪ ﺻﺎﺭﺕ ﻋﻠﻴﻪ ﻓﺘﺤﻪ ﺣﻴﻞ ﻃﻠﻊ ﺍﻳﺪﻩ ﻣﻦ ﺟﻴﺒﻪ ﻧﺰﻟﺖ ﺍﻟﺪﺷﺎﺷﻪ ﺣﻚ ﻟﺤﻴﺘﻪ ﻣﻀﻴﻚ ﻋﻴﻨﻪ ﺳﺌﻞ ﺑﺴﺘﻔﻬﺎﻡ
ﻭﻳﻦ ﺭﺍﻳﺤﻴﻦ
ﺟﺎﻭﺑﺘﻪ ﺧﺎﻟﻪ ﻧﻮﺭﻳﻪ ﻭﻫﻴﻪ ﺗﺒﺎﻭﻋﻠﻲ ﻳﻌﻨﻲ ﺷﻨﻮ ﻣﻴﺪﺭﻱ ﻛﺎﻟﺘﻪ
ﻟﻠﺴﻮﻙ
ﻧﺘﺮ .. ﺷﻜﻮ
ﺍﺍﺍ ﺍﻧﺎ ﺿﺤﻰ ﻣﻮﺻﻴﺘﻨﻲ ﻋﻞ ﺷﻐﻼﺕ ﻟﻌﻴﺪ ﻣﻴﻼﺩ ﺍﺑﻨﻪ ﺑﺎﺟﺮ ﻭﻣﺮﺗﻚ ﺗﺮﻳﺪ ﺟﻢ ﻫﺪﻣﻪ ﻣﻼﺑﺴﻬﺎ ﺿﺎﻛﻦ ﻋﻠﻴﻬﺎ
ﻣﺸﻰ ﻭﺻﺎﺡ .. ﻋﻤﻪ ﺗﻮﻛﻠﻲ ﺍﻧﺘﻲ ﻫﺎﺍﺍﺍﺟﺮ ﻣﺎﻛﻮ ﺭﻭﺣﻪ ﺗﻌﺎﻱ
ﺭﺩﺕ ﺍﻃﻚ ﻭﺍﻧﻔﺠﺮ ﺍﻧﻲ ﺍﺭﻳﺪ ﺍﻏﺜﻪ ﻭﺍﻗﻬﺮﻩ ﻳﻤﻨﻌﻲ ﺷﻨﻮ ﺧﺎﻟﻪ ﺷﺎﻟﺖ ﻋﺒﺎﺗﻪ ﻭﻛﻌﺪﺕ ﻋﻞ ﻛﺮﺳﻲ ﺗﻌﺮﻑ ﺧﺒﺎﻻﺗﻨﻪ ﻛﺎﻟﺖ ﺭﻭﺣﻲ ﻗﻨﻌﻲ ﺍﻧﻲ ﺍﻧﺘﻀﺮﺝ ﻫﻨﺎ ﺩﺧﻠﺖ ﺻﺎﻳﺮﻩ ﺟﻤﺮ ﻓﺘﺤﺖ ﺍﻟﺒﺎﺏ ﺩﻳﺒﺪﻝ ﺩﺭﺕ ﻭﺟﻬﻲ ﻣﻨﺎ ﻛﺎﻝ ﺑﻌﺼﺒﻴﻪ
ﻭﻳﻦ ﺗﺮﺩﻳﻦ ﺗﻮﻟﻴﻦ ﺑﺪﻭﻥ ﻋﻠﻤﻲ
ﺑﻜﻴﻔﻲ ﺣﺠﻴﺘﻪ ﻭﻧﺠﺮﻳﺖ ﻣﻦ ﺣﺠﺎﺑﻲ ﺭﺍﺳﻲ ﺭﺍﺩ ﻳﻨﺸﻠﻊ ﺷﻬﻜﺖ ﻣﺘﻔﺎﺟﻪ ﻭﻋﻴﻨﻲ ﻋﻞ ﻣﻜﺎﻥ ﻟﺰﻣﺘﻪ ﻏﻤﺾ ﺑﻐﻀﺐ ﻫﺪﻧﻲ ﻛﺎﻝ
ﺍﻟﻠﻪ ﻳﺤﺒﺞ ﺑﺎﻭﻋﺘﻴﻠﻲ ﺑﻬﻞ ﻧﻀﺮﻩ ﺟﻨﺞ ﺫﻛﺮﺗﻴﻨﻲ ﺑﻮﻋﺪﻱ ﻟﻨﻔﺴﻲ ﻭﺍﻧﺎ ﺣﺎﻟﻒ ﻣﺎﻣﺪ ﺍﻳﺪﻱ ﻋﻠﻴﺞ ﻫﺎﺟﺮ ﺑﺴﺞ ﻋﺎﺩ ﺍﺳﺘﺠﻨﻲ ﺗﺮﻩ ﻣﻠﻴﺖ ﻭﺍﻧﺎ ﺍﻛﻮﻟﺞ ﻫﻞ ﻛﻠﻤﻪ ﺍﻧﺘﻲ ﺷﻨﻲ ﻣﺎﺗﻬﺎﺑﻴﻨﻲ ﺻﺪﻛﻲ ﺑﺎﻟﻠﻪ ﻟﻮ ﻣﻼﻛﻴﺞ ﺑﻠﺸﺎﺭﻉ ﺟﺎﻥ ﻣﺤﺪ ﺧﻠﺼﺞ ﻣﻨﻲ
ﺷﻌﻠﻴﻚ ﺑﻴﻪ ﻭﺍﻟﻠﻪ ﻫﺎﻱ ﺣﻠﻮﻩ ﻛﺘﻠﻚ ﺑﻌﺪ ﺍﻧﻲ ﻭﻳﺎﻙ ﻣﻴﺮﺑﻄﺘﻪ ﻏﻴﺮ ﻟﺒﻄﻨﻲ ﺑﻄﻞ ﺣﺘﻰ ﺗﺘﺤﻜﻢ ﺑﻴﺎ
ﺍﻟﻠﻬﻢ ﻃﻮﻟﺞ ﻳﺎﺭﻭﺡ ﺧﺎﻳﺒﻪ ﺗﺴﻜﺘﻴﻦ ﻟﻮﺷﻠﻮﻥ
ﺍﺭﻳﺪ ﺍﺭﻭﺡ ﻟﻠﺴﻮﻙ
ﻣﺎﻛﻮ ﺭﻭﺣﻪ
ﺿﺮﺭﺭﺍﺍﺭ
ﻣﺘﺮﻭﺣﻴﻦ ﻭﻧﺎﻗﺺ ﻋﻞ ﻋﺮﺿﻲ ﺍﺫﺍ ﺧﻠﻴﺘﺞ ﺗﺨﻄﻴﻦ ﻋﺘﺒﺖ ﺍﻟﺒﺎﺏ ﻫﻴﺞ ﺣﻄﻴﺘﺞ ﺑﺮﺍﺳﻲ ﺟﻴﺒﻲ ﻟﻴﻄﻠﻌﺞ ﺑﻌﺪ
ﺑﺎﻭﻋﺖ ﻋﻠﻴﺎ ﺑﻐﻀﺐ ﺷﻤﺮﺕ ﺍﻟﺠﻨﻄﻪ ﺣﻴﻞ ﻋﻞ ﺳﺮﻳﺮ ﻃﻠﻌﺖ ﻛﻠﺖ ﺍﻟﺨﺎﻟﻪ ﺑﺨﻨﻜﻪ .. ﺭﻭﺣﻲ ﻣﺎﺭﻭﺡ ﻫﺰﺕ ﺍﻳﺪﻩ ﻭﻃﻠﻌﺖ ﺭﺟﻌﺖ ﻏﻴﺮﺕ ﻣﻼﺑﺴﻲ ﺣﻠﻔﺖ ﺍﻝ ﺍﻟﻌﺐ ﺑﻲ ﺟﻮﻟﻪ ﺷﻨﻴﺖ ﻋﻠﻴﺎ ﺍﻟﺤﺮﺏ ﻛﻤﺖ ﺍﻟﺒﺲ ﻭﺗﻤﻜﻴﺞ ﺍﺷﺴﻮﺭ ﻭﻫﺪﻭﻣﻲ ﻛﻠﻪ ﺿﺎﺑﻪ ﻭﺍﻟﻌﻄﺮ ﻳﻔﻮﺡ ﻭﻫﻮﻩ ﻳﻠﻮﺏ ﺧﺎﻟﻪ ﺭﺟﺎﺀ ﺷﺎﻛﻪ ﺑﻴﻨﻪ ﺑﺲ ﺗﺸﻮﻑ ﻟﺒﺴﻲ ﻭﺷﻜﻠﻲ ﻣﺘﻜﺪﺭ ﺗﺤﺠﻲ ﻻﻥ ﺣﺠﻴﻲ ﺷﻲ ﻭﺗﺼﺮﻓﺎﺗﻲ ﻏﻴﺮ ﺷﻲ ﺑﻠﻴﻞ ﻳﻜﻮﻡ ﻳﺸﺘﻌﻞ ﻭﻳﻨﻄﻔﻲ ﻟﻠﻔﺠﺮ ﻧﺘﻌﺎﺭﻙ ﻫﻮﻩ ﻋﺼﺒﻲ ﻭﻣﻴﺼﺒﺮ ﻭﺍﻧﻲ ﻟﺴﺎﻧﻲ ﻣﺘﺒﺮﻱ ﻣﻨﻲبيج قصص عراقيه حقيقيه من واقعنا.روعه الطائي
ﻋﻴﺪ ﻣﻴﻼﺩ ﺣﺴﻮﻧﻲ ﺳﻮﺗﻪ ﺿﺤﻰ ﺑﻴﺘﻨﻪ ﻫﺘﻤﻴﺖ ﺑﻜﻞ ﺍﻟﺘﻔﺎﺻﻴﻞ ﺑﻴﻮﻣﻬﺎ ﺣﺘﻰ ﺍﻟﻐﺮﻓﺘﻲ ﻣﻄﺒﻴﺖ ﺭﺗﺒﺖ ﺍﻟﺼﺎﻟﻪ ﻧﻔﺎﺥ ﻛﻮﺷﻪ ﻭﻧﺸﺮﺍﺕ ﺍﻟﺒﻨﺎﺕ ﺍﺟﻨﻲ ﻭﺿﺤﻰ ﻣﺎﻋﺰﻣﺖ ﺍﻱ ﺍﺣﺪ ﻛﺎﻟﺖ ﻣﺮﻳﺪ ﻫﻮﺳﻪ ﺑﺪﻟﺖ ﺑﺪﺷﺪﺍﺷﻪ ﺑﺮﻣﻮﺩﻩ ﻭﺭﺩﻱ ﻭﺍﺳﻮﺩ ﺭﺑﻊ ﺭﺩﻥ ﻣﻜﺪﺭﺕ ﺍﻟﺒﺲ ﻓﺴﺘﺎﻥ ﻭﻻﺷﻲ ﻋﻞ ﻛﺪﻱ ﺟﺴﻤﻲ ﻓﺎﺭ ﻓﻮﺭ ﺑﺲ ﺑﻌﺪﻩ ﻣﺮﺗﺐ ﺣﻠﻴﺖ ﺷﻌﺮﻱ ﻭﻗﺴﻢ ﺷﻠﺘﻪ ﺑﻜﻤﺎﺷﻪ ﻧﺎﻋﻤﻪ ﻣﻦ ﺍﻟﺼﻔﺤﻪ ﻟﺰﻣﺖ ﺍﻟﻜﺎﻣﺮﻩ ﺻﻮﺭﺕ ﻛﻠﺸﻲ ﻭﺍﻟﺒﻨﺎﺕ ﻭﺭﺩﻩ ﻭﺭﻏﺪ ﻭﺭﻭﻧﻖ ﺷﻐﻠﻮ ﺍﻟﺪﻳﺠﻲ ﻭﺧﺎﻟﻪ ﺭﺟﺎﺀ ﺗﺼﻴﺢ ﻃﻔﻨﻪ ﻳﻤﺪﻫﻮﺭﺍﺕ ﺍﺧﻮﺟﻦ ﻧﺎﻳﻢ ﺍﻟﻤﻐﺮﺏ ﺻﺎﺭ ﻃﻔﻨﻪ ﺷﻮﻳﻪ ﻭﺭﺟﻌﻦ ﺷﻐﻠﻨﻪ ﺣﺴﻮﻧﻲ ﻣﻜﻴﻒ ﻭﻓﺮﺣﺎﻥ ﻛﻞ ﻟﻘﻄﻪ ﻳﺴﻮﻳﻬﺎ ﺍﺧﺬﻟﻪ ﺻﻮﺭﻩ ﻣﻨﺪﻣﺠﻪ ﻭﺍﺿﺤﻚ ﻭﻳﺎﺀ ﻭﺍﺭﻛﺼﻠﻪ ﺑﻴﺪﻱ ﻃﻠﻌﺖ ﺍﻏﻨﻴﻪ ﺣﺎﺗﻢ
ﻋﻞ ﻋﻨﺎﺩﻙ ﻳﻠﺴﻤﺮ ﺍﻝ ﺍﺣﺐ ﺛﺎﻧﻲ ﺩﺧﻞ ﺿﺮﺍﺭ ﺗﻮﻩ ﻛﺎﻋﺪ ﻣﻦ ﺍﻟﻨﻮﻡ ﺑﻠﺒﺠﺎﻣﻪ ﻭﺍﻟﻔﺎﻧﻴﻠﻪ ﺍﻟﺘﻌﻼﻛﻪ ﻣﻦ ﺍﻟﺒﺎﺏ ﻳﻬﺰ ﺑﻴﺪﻩ ﻭﻳﺎﻩ ﺍﻻﻏﻨﻴﻪ ﻭﻳﻬﺰ ﺑﺮﻛﺒﺘﻪ ﻣﻦ ﻳﻜﻮﻝ ﺷﻔﺖ ﺍﻟﻮﻳﻞ ﻣﻨﻚ ﺍﻝ ﺍﺣﺐ ﺛﺎﻧﻲ ﻭﺍﺭﻳﺪ ﺍﺑﺘﻌﺪ ﻋﻨﻚ ﺍﻝ ﺍﺣﺐ ﺛﺎﻧﻲ
ﻳﻄﻚ ﺍﺻﺒﻌﻪ ﺣﻴﻞ ﻭﺍﻧﻲ ﺃﺩﻳﺮ ﻋﻴﻮﻧﻲ ﺍﺳﻮﻱ ﻧﻔﺴﻲ ﻣﺎﺷﻮﻓﻪ ﺍﻟﺒﻨﺎﺕ ﻳﺴﺘﺤﻦ ﻳﺮﻛﺼﻦ ﻛﺪﺍﻣﻪ ﺻﺎﺭﺕ ﺍﻟﺴﺎﺣﻪ ﺑﺲ ﺍﻟﻪ ﻭﺣﺴﻮﻧﻲ ﻛﺒﺎﻟﻪ ﻧﺪﻣﺞ ﺣﻴﻞ ﻧﺘﻬﺖ ﺍﻻﻏﻨﻴﻪ ﻃﻠﻊ ﺟﻜﺎﺭﻩ ﺷﻐﻠﻪ ﻭﻳﺎﺍﺷﺮ ﺍﻟﻀﺤﻰ ﻋﻴﺪﻳﻬﺎ ﺭﺟﻌﺖ ﺷﻐﻠﺘﻪ ﻭﺭﺟﻊ ﻓﺎﺗﺢ ﺍﺩﻳﻪ ﻭﺭﺍﻓﻊ ﺗﻚ ﺭﺟﻞ ﻳﺴﻮﻱ ﺣﺮﻛﺎﺕ ﻛﺪﺍﻡ ﺣﺴﻮﻧﻲ ﻭﺍﻟﺪﺧﺎﻥ ﻳﺘﺼﺎﻋﺪ ﻣﻦ ﺍﻟﺠﻜﺎﺭﻩ ﻣﻨﻀﺮ ﺭﺩﺕ ﺃﻧﻬﺎﺭ ﻣﻨﻪ ﺍﻝ ﺷﻮﻳﻪ ﺑﺪﺕ ﺍﻟﻐﻴﺮﻩ ﺗﺼﻌﺪ ﻭﻋﻴﻮﻧﻲ ﻟﺤﺎﻟﻪ ﺗﺒﺎﻭﻉ ﻋﻠﻴﺎ ﻭﻫﻮﻩ ﻳﺒﺎﻭﻋﻠﻲ ﺗﻚ ﻋﻴﻦ ﻭﻧﺤﻨﺎﺍﺕ ﺟﺴﻤﻪ ﻭﻋﻀﻠﺖ ﺍﻳﺪﻩ ﻭﻛﻠﺸﻲ ﺑﻲ ﻣﺸﺘﺎﻗﺘﻠﻪ ﻟﻬﺰﻣﺖ ﻟﻠﻐﺮﻓﻪ ﻗﺒﻞ ﻣﺎﺍﻓﻀﺢ ﺭﻭﺣﻲ ﺑﻌﺪ ﻣﺎﺩﺭﻳﺖ ﺷﺼﺎﺭ
ﻟﺤﺪ ﻣﺼﺎﺣﻮﻟﻲ ﻣﻦ ﻗﻄﻌﻮ ﺍﻟﻜﻴﻜﻪ ﺍﺧﺬﺕ ﻫﺪﻳﻪ ﺣﺴﻮﻧﻲ ﻟﺪﺯﻳﺘﻪ ﻭﻳﺎﻩ ﺧﺎﻟﻪ ﻧﻮﺭﻳﻪ ﻭﺟﺎﺑﺘﻠﻬﻴﺎﻩ ﻗﺪﻣﺘﻪ ﺍﻟﻪ ﻭﺑﺴﺘﻪ ﻛﻌﺪﺕ ﻋﻞ ﺻﻔﺤﻪ ﺿﺮﺍﺭ ﻛﺎﻋﺪ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﻗﺴﻤﻮ ﺍﻟﻜﻴﻜﻪ ﻭﺯﻋﻮﻩ ﺍﺧﺬﺕ ﺍﻟﺠﻄﻞ ﻭﺍﻟﻤﺎﻋﻮﻥ ﺑﻲ ﺍﻟﻜﻴﻜﻪ ﻛﻌﺖ ﻓﻴﺖ ﻛﺒﺎﻟﻪ ﻣﻮﺑﺲ ﻫﻮﻩ ﻳﺤﺮﻙ ﻛﻠﺒﻲ ﺍﻧﻲ ﻫﻢ ﺑﺪﻳﺖ ﺍﻛﻞ ﺑﺘﻤﻮﻉ ﻭﺍﺩﺭﻱ ﺑﻲ ﻋﻴﻮﻧﻪ ﻋﻠﻴﺎ ﺭﺍﺩ ﻳﻄﻚ ﺫﺏ ﺍﻟﻤﺎﻋﻮﻥ ﻭﻛﺎﻡ
ﺻﺎﺣﻮﻟﻪ ﻛﻠﻬﻢ ﻣﺎﺭﻳﺪ ﻃﻠﻊ ﻭﺭﻩ ﺷﻮﻳﻪ ﻃﻠﻊ ﻣﻦ ﺍﻟﺒﻴﺖ ﻛﻠﻪ ﻣﺎﺍﺟﻪ ﻟﻨﺺ ﺍﻟﻴﻞ ﺳﻮﻳﺖ ﺭﻭﺣﻲ ﻧﺎﻳﻤﻪ ﺍﺟﻪ ﺑﺼﻔﻲ ﺗﻴﺒﺴﺖ ﺭﻓﻊ ﺍﻟﻐﻄﻪ ﺟﻨﺖ ﻻﺑﺴﻪ ﺳﻴﺖ ﻓﻀﻲ ﺑﺘﻌﺎﻟﻴﻚ ﺷﻔﺎﻓﻪ ﻭﺻﺪﺭ ﻣﻔﺘﻮﺡ ﻭﻓﺘﺤﺎﺕ ﻟﻠﺮﻛﺒﻪ ﻋﺒﺎﻟﻚ ﺑﺎﻭﻉ ﻭﻏﻄﺎﻧﻲ ﻃﻔﻰ ﺍﻟﻀﻮﻩ ﻭﻧﺰﻉ ﻳﺘﻠﻤﺲ ﺑﻴﻪ ﺩﻓﻌﺘﻪ ﻭﻛﻤﺖ ﻟﺤﻴﻠﻲ ﺟﺮﻧﻲ ﺍﻟﻐﺮﻓﻪ ﺿﻠﻤﻪ ﺍﺗﻠﻤﺲ ﻓﻮﻧﻲ ﺍﻟﺘﻴﺒﻼﻡ ﻣﺎﻛﻮ ﻛﻠﺸﻲ ﻣﺎﻟﻮﺡ ﻧﻔﺴﻰ ﻳﺮﺟﻒ ﻳﻬﻤﺲ
ﺷﺒﻴﺞ ﻟﻬﺰﻣﺘﻲ ﺗﻌﺎﻱ ﻻﺗﻌﻠﻴﻦ ﻛﻠﺒﻲ
ﻭﺧﺮ ﻭﺧﺮ ﺷﻐﻞ ﺿﻮﻩ ﻫﺪﻧﻲ
ﻣﺨﺒﻠﻪ ﻳﺰﻱ ﻋﺎﺩ ﺗﺤﻤﻠﺘﺞ ﺗﻌﺎﻱ ﻋﺎﺩ
ﺷﺘﺮﻳﺪ ﺗﺮﻩ ﻟﺒﺎﻟﻚ ﻟﻮﺗﻤﻮﺕ ﻣﺎﻧﻄﻜﻴﺎﻩ ﻭﺧﺮ
ﻟﻌﺪ ﺷﻜﻮ ﻻﺑﺴﻪ ﻫﻴﺞ ﻭﻧﺎﻳﻤﻪ ﻳﻤﻲ
ﻣﺎﻻﺑﺴﻪ ﺍﻟﻚ ﻭﺍﻟﺴﺮﻳﺮ ﻫﺬﺍ ﻣﻜﺎﻧﻲ ﺍﻧﺎﻡ ﻭﻳﻦ ﻣﻴﻌﺠﺒﻨﻲ
ﻣﻴﺨﺎﻟﻒ ﺗﻌﺎﻱ ﻫﺴﻪ ﺑﻄﻠﻲ ﺧﺒﺎﻝ
ﻭﺍﻟﻠﻪ ﻟﻮﺗﻤﻮﺕ
ﺧﺮﺏ ﻟﻄﻠﻌﻴﻦ ﺻﻮﺗﻲ ﻟﺞ ﻭﻳﻦ ﺍﺭﻭﺡ ﺑﺎﺟﺮ ﺍﺭﻳﺪ ﺍﻭﻟﻲ ﺗﻌﺎﻱ ﻭﻓﻀﻴﻬﺎ
ﻛﺎﻓﻲ ﻻﺯﻣﻨﻲ ﻫﻴﺞ ﻣﻮﺯﻳﻦ ﻋﻞ ﺑﻄﻨﻲ ﻧﺤﺼﺮﺕ ﻭﺧﺮ ﺭﺍﺡ ﺍﺻﻴﺢ ﻭﺍﻟﻠﻪ
ﺑﻮﻳﻪ ﻧﻌﻠﻲ ﺍﻟﺸﻴﻄﺎﻥ ﻫﻴﺞ ﺣﺘﻰ ﺣﺮﺍﻡ ﻋﻠﻴﺞ ﺗﻤﻨﻌﻴﻨﻲ
ﻣﻴﺨﺎﻟﻒ ﺧﻠﻲ ﺍﻟﺤﺮﺍﻡ ﻋﻠﻴﻪ ﺍﻫﻢ ﺷﻲ ﻣﺘﻠﻤﺴﻨﻲ
ﺭﺍﺡ ﺍﺟﺒﺮﺝ ﻭﺍﻟﺤﻤﺰﻩ
ﺳﻮﻳﻬﺎ ﺍﺫﺍ ﺗﻜﺪﺭ ﻭﺷﻮﻑ ﺷﺴﻮﻱ
ﺳﺘﻔﺰﻳﺘﻪ ﻛﻤﺰ ﻋﻠﻴﻪ ﺟﺮﻧﻲ ﺣﻴﻞ ﺑﺤﺮﻛﻪ ﻭﺣﺪﻩ ﺻﺮﺕ ﺟﻮﺍﻩ ﻛﻤﺖ ﺍﺩﻓﻊ ﺑﻲ
ﻟﺞ ﺣﻴﻮﺍﻧﻪ ﺑﻄﻨﺞ ﻻﺗﺴﻮﻳﻦ ﻫﻴﺞ
ﻣﻌﻠﻴﻪ ﻭﺍﻟﻘﺮﺁﻥ ﺣﺘﻰ ﻋﻴﺎﻁ ﺭﺍﺡ ﺍﻋﻴﻂ
ﺧﺮﺏ ﺭﻭﺣﺞ ﺭﺍﺡ ﺗﺬﻟﻨﻲ ﻣﻮﺍﻧﺪﻣﺞ ﻭﺍﻟﻠﻪ
ﻣﻴﺨﺎﻟﻒ ﺳﻮﻱ ﻟﻴﺨﻄﺮ ﻋﻞ ﺑﺎﻟﻚ ﺑﺲ ﺗﻮﺻﻠﻲ ﻫﺎﻱ ﺑﺤﻼﻣﻚ
ﺭﺍﺩ ﻳﺠﺒﺮﻧﻲ ﻛﺎﻡ ﻳﻄﺦ ﺑﻄﻨﻲ ﺗﻘﺮﺑﻠﻲ ﻭﺍﻧﻲ ﺍﺩﻓﻊ ﺑﻲ ﻭﻫﻮﻩ ﻳﺬﻛﺮﻧﻲ ﺑﻠﺠﺎﻫﻞ ﻣﻬﺘﻤﻴﺖ ﺗﻮﻗﻒ ﻳﺘﻨﻔﺲ ﺑﻐﻀﺐ ﺛﻮﺍﻧﻲ ﻭﺑﺘﻌﺪ ﺩﻓﻌﻨﻲ ﻭﻟﺒﺲ ﻣﻼﺑﺴﻪ ﻟﻔﻴﺖ ﺭﻭﺣﻲ ﺑﻘﻰ ﻳﺴﺐ ﻭﻳﻨﻌﻞ ﻭﺧﺮﻁ ﻛﻮﻣﻪ ﺗﺎﻟﻲ ﺭﺍﺡ ﺳﺒﺢ ﻭﺭﺟﻊ ﻭﺍﻧﻲ ﻭﺭﺍﻩ ﺗﻼﻛﻴﻨﻪ ﺑﻠﺒﺎﺏ ﻣﻦ ﺍﻻﻋﺼﺎﺏ ﺷﺮﺍﻳﻦ ﺩﻣﺎﻏﻪ ﺑﺎﺭﺯﻩ ﺗﻌﺪﻳﺘﻪ ﻭﺭﺣﺖ ﺳﺒﺤﺖ ﺑﺠﻴﺖ ﺷﻜﺪ ﻣﺎﺑﻴﻪ ﻣﻮﺑﻴﺪﻱ ﺷﻜﺪ ﻣﺎﺍﺣﺒﻪ ﻭﺍﺣﻨﻠﻪ ﻭﺷﺘﺎﻛﻠﻪ ﻣﻦ ﺍﻛﺎﺑﻠﻪ ﺻﻮﺭﺕ ﺷﻴﻤﺎﺀ ﺗﺮﺳﻢ ﺑﻮﺟﻬﺎ
ﻳﻮﻡ ﻳﻮﻣﻴﻦ ﺳﺒﻮﻉ ﺷﻠﻌﺖ ﻛﻠﺒﻪ ﺻﺎﺭﺕ ﺭﻭﺣﻪ ﺑﺨﺸﻤﻪ ﻭﺑﺮﻭﺩﻱ ﺩﻣﺮﻩ ﺭﺍﺡ ﻳﻮﻡ ﻟﺒﻐﺪﺍﺩ ﻭﺭﺟﻊ ﺛﺎﻧﻲ ﻳﻮﻡ ﻣﻜﻠﻮﺏ ﻛﻴﺎﻧﻪ ﻛﻠﺐ ﻭﻛﻒ ﻓﻮﻙ ﺭﺍﺳﻲ ﺑﻠﻐﺮﻓﻪ ﻣﻜﺪﺭﺕ ﺍﺭﻓﻊ ﻋﻴﻨﻲ ﺑﻌﻴﻨﻪ ﻣﻦ ﺍﻟﺸﺮﺍﺭ ﺍﻟﺒﻴﻬﻦ ﻛﺎﻝ ﺑﻌﻨﺘﻜﻪ ﻭﺑﺼﻴﻐﻪ ﺃﻣﺮ
ﺍﻟﺞ ﻋﺸﺮ ﺩﻗﺎﻳﻖ ﺗﻠﻤﻴﻦ ﻣﻼﺑﺴﺞ ﻭﺍﻟﻜﺎﺝ ﻛﺪﺍﻣﻲ ﺑﺴﻴﺎﺭﻩ ﻛﻠﻤﻪ ﻣﺎﺳﻤﻠﻌﺞ ﻭﺍﻟﻜﻌﺒﻪ ﺍﻟﻤﺸﺮﻓﻪ ﺍﺫﺍ ﻓﺘﺤﺘﻲ ﺣﻠﻜﺞ ﺍﻛﻠﺐ ﺍﻟﺪﻧﻴﻪ ﻋﻞ
ﺭﺍﺳﺞ .
.
.
.
.
.
.
.
.
.
ﻳﺘﺒﺒﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤