هبت ريح

بارت18

ﻣﺴﺎﺀ ﺍﻟﺨﻴﺮ ﻋﻞ ﺃﺣﻠﻰ ﻣﺘﺎﺑﻌﻴﻦ
#ﺍﻟﺒﺎﺭﺕ_ﺍﻟﺜﺎﻣﻦ_ﻋﺸﺮ

رفل الكناني

#ﻫﺒﺔ__ﺭﻳﺢ

ﺍﻟﻌﻄﺮ ﻳﻜﻔﺦ ﺑﺨﺸﻤﻲ ﻭﺍﺣﺲ ﺑﻮﺟﻮﺩ ﺃﺣﺪ ﺑﺼﻔﻲ ﺑﻘﻴﺖ ﻣﻐﻤﺾ ﻋﺒﺎﻟﻲ ﺩﺍﺣﻠﻢ ﺑﺲ ﻣﻦ ﺍﻝ ﺃﻧﻔﺎﺱ ﻟﻔﺤﺖ ﻭﺟﻬﻲ ﻓﺘﺤﺖ ﻋﻴﻮﻧﻲ ﻭﺟﺎﻥ ﺍﺷﻮﻑ ﺷﻴﻤﺎﺀ ﻛﺒﺎﻟﻲ ﺑﺴﺮﻋﻪ ﺑﺘﻌﺪﺕ ﻭﺍﻧﻲ ﻧﻬﻀﺖ ﻭﻛﻌﺪﺕ ﻋﻞ ﺣﻴﻠﻲ ﻭﺍﺭﻳﺪ ﺍﻧﻔﺠﺮ ﻣﻦ ﺍﻟﻐﻀﺐ ﺯﻣﺨﺰﺕ ﺑﻴﻪ
ﺍﻧﺘﻲ ﺷﺪﺳﻮﻳﻦ ﻭﺷﻌﻨﺪﺝ ﻫﻨﺎ
ﻛﻠﺒﺖ ﻋﻴﻮﻧﻪ ﻭﺑﻜﻞ ﻋﻴﻦ ﺻﻠﻔﻪ ﺩﻛﻠﻲ
ﻫﺎﻱ ﺷﺒﻴﻚ ﺩﺍﻏﻄﻴﻚ ﺷﻔﺘﻚ ﻣﻜﺸﻒ
ﻭﺍﻧﺘﻲ ﻣﻨﻮ ﺻﺨﻢ ﻭﺟﻬﺞ ﻭﻋﺘﺐ ﻋﻠﻴﺞ ﺷﻴﻤﺎ ﺷﻠﻮﻥ ﺑﻴﺞ ﻣﺮﺍﺡ ﺗﺠﻮﺯﻳﻦ ﻣﻨﻲ
ﻳﺎﺍﺍﺍﺍ ﻫﺎﻱ ﻓﻮﻛﺎﻩ ﺍﻧﻮﺏ ﻣﺮﺍﺿﻲ
ﺍﻱ ﻣﺮﺍﺿﻲ ﻭﻻﺧﻠﻔﻪ ﻋﻠﻴﺞ ﺍﻣﺸﻲ ﻭﻟﻲ ﻟﻴﺠﻲ ﺍﻣﻴﻦ ﻭﻳﺸﻮﻓﺞ ﺗﺼﻴﺮ ﺳﺎﻟﻔﻪ
ﺭﺍﻳﺤﻪ ﺭﺍﻳﺤﻪ ﺑﺲ ﻻﺗﻌﻴﻂ ﺍﻧﻲ ﺯﻣﺎﻟﻪ ﻭﺍﺭﻛﺾ ﻭﺭﺍﻙ ﺍﻣﺪﻩ ﺣﻀﻲ
ﻏﻤﺖ ﻭﺟﻬﻪ ﺑﺪﻳﻪ ﻭﻃﻠﻌﺖ ﻭﺍﻧﻲ ﻛﻠﺸﻲ ﺑﻴﻪ ﻳﻨﻔﺾ ﻭﺍﻟﻜﻌﺒﻪ ﻟﻮ ﻣﺎ ﺍﻧﻲ ﺑﻴﺘﻬﻢ ﻭﺃﻣﻴﻦ ﻋﻞ ﺟﻴﻪ ﺍﻝ ﺍﺣﻄﻪ ﻭﺍﺩﻭﺱ ﺑﻤﺼﺎﺭﻳﻨﻪ ﻫﻞ ﺭﻋﻨﻪ ﻫﺎﻱ ﻓﺪﻳﻮﻡ ﺗﺒﻠﻴﻨﻲ ﻭﻋﺒﺎﻟﻪ ﺑﻬﺎﻱ ﺳﻮﺍﻳﺎﺗﻪ ﺩﺍﺣﺒﻪ ﻣﺘﺪﺭﻱ ﺩﺍﻛﺮﻩ ﺑﻠﺰﺍﻳﺪ
ﺷﺪﻋﻴﻠﺞ ﻳﻤﻪ ﻣﻦ ﻫﺠﻮﻟﺘﻴﻨﻲ ﺑﻬﺬﺍ ﺍﻟﻴﻞ ﻭﺍﺟﻴﺖ ﺷﻔﺖ ﺟﻬﺮﺗﻪ ﺍﻟﺰﻓﺮﻩ
ﻣﺴﺤﺖ ﻭﺟﻬﻲ ﻭﺍﺧﺬﺕ ﻧﻔﺲ ﺩﺧﻞ ﺍﻣﻴﻦ ﺍﻭﻝ ﻣﺸﻔﺘﻪ ﺗﺨﻴﻠﺘﻪ ﻳﺸﻮﻓﻪ ﻳﻤﻲ ﺑﻬﺎﻱ ﺍﻟﺴﺎﻋﻪ ﻭﺣﺪﻧﻪ ﻭﺍﻟﻀﻮﻩ ﻣﻄﻔﻲ ﺷﻴﻜﻮﻝ ﺳﺘﻐﻔﺮﺍﻟﻠﻪ ﻳﺎﺭﺑﻲ ﺷﻠﻮﻥ ﺍﺟﻮﺯﻩ ﺷﻠﻮﻥ
ﺧﺎﻳﺐ ﻫﻨﺎ ﻫﻨﺎ
ﻫﺎﺍﺍ ﺍﻣﻴﻦ
ﻳﺎﺑﻪ ﻭﻳﻦ ﺻﺎﻓﻦ ﻫﺎﻱ ﺷﺒﻴﻚ
ﻻﻣﺼﺎﻓﻦ ﺭﺍﺡ ﺍﻧﺎﻡ ﺗﺼﺒﺢ ﻋﻞ ﺧﻴﺮ
ﻳﻤﻌﻮﺩ ﺷﺘﻨﺎﻡ ﺩﻛﻌﺪ ﺩﻧﺘﻌﻠﻞ
ﻻﻻ ﺗﻌﺒﺎﻥ ﻛﺎﻋﺪ ﻣﻦ ﺍﻟﺼﺒﺢ
ﺑﺮﺍﺣﺘﻚ ﻧﺎﻡ
ﻣﺪﺩﺕ ﻭﺍﻟﻨﺎﺭ ﻣﺸﺘﻐﻠﻪ ﺑﻴﻪ ﺣﺘﻰ ﺑﻮﺟﻬﻪ ﺍﻣﻴﻦ ﻣﻜﺪﺭﺕ ﺍﺑﺎﻭﻉ ﺍﺍﺍﺍﺍﺍﺥ ﻳﺎ ﺷﻴﻤﺎﺀ ﻭﺻﻼﻓﺘﺞ ﺍﻧﻲ ﺭﺟﺎﻝ ﺍﺧﺠﻞ ﻣﻦ ﺍﺧﻮﺝ ﺍﺩﺭﻱ ﺍﻧﺘﻲ ﻣﺎﻓﻜﺮﺗﻲ ﺍﺫﺍ ﺷﺎﻓﻨﻪ ﺷﻨﻮ ﻣﻮﻗﻔﺞ
ﺿﻠﻴﺖ ﺍﺩﻛﻠﺐ ﻭﻃﺎﺭ ﺣﺘﻰ ﺍﻟﻨﻮﻡ ﻣﻦ ﻋﻴﻨﻲ ﺳﺎﻋﻪ ﺍﻟﺴﻮﺩﻩ ﺍﻝ ﺟﻴﺖ ﺑﻴﻪ ﻭﺑﺘﺖ ﻫﻨﺎ ﻟﻮﻧﺎﻳﻢ ﺑﻠﺤﺪﻳﻘﻪ ﻭﻻﺟﺎﻱ ﻟﻠﻔﺠﺮ ﺍﻝ ﻏﻔﻴﺖ ﻭﻣﻮﻫﻮﺍﻱ ﻋﻞ ﺻﻮﺕ ﺍﻟﻮﻟﺪ ﻣﻦ ﺩﻳﺮﺣﻮﻥ ﻟﻠﺰﺭﻉ ﻛﻌﺪﺕ
ﻟﺒﺴﺖ ﻓﺎﻧﻴﺘﻠﻲ ﻭﺷﻠﺖ ﺟﻜﺎﻳﺮﻱ ﻭﻣﺎﺻﺪﻛﺖ ﻣﻦ ﺍﻟﻠﻪ ﺑﻮﺟﻬﻲ ﻟﺒﻴﺘﻨﻪ ﺍﻣﻲ ﺟﺎﻧﺖ ﺩﺻﻠﻲ ﺍﻟﻔﺠﺮ ﻣﻦ ﺷﺎﻓﺘﻨﻲ ﻛﺎﻟﺖ
ﻫﺎﺍﺍﺍ ﻳﻤﻪ ﺍﺷﻮ ﻣﻐﺒﺶ ﺷﻨﻮ ﻣﻨﺎﻳﻢ
ﺍﻱ ﻣﻨﺎﻳﻢ ﺭﺍﺡ ﺍﻧﺎﻡ ﺑﻠﺼﺎﻟﻪ ﻳﻤﻪ ﻣﺎﺭﻳﺪ ﺻﻮﺕ
ﻋﻔﺘﻪ ﻭﺩﺧﻠﺖ ﺑﻠﺼﺎﻟﻪ ﺧﻄﻴﺖ ﺭﺍﺳﻲ ﻭﻣﻦ ﺍﻻﺭﻕ ﻣﺎﻝ ﺍﻟﻴﻞ ﺭﺍﺳﻦ ﻧﻤﺖ ﻟﻠﻀﻬﺮ ﻭﻛﻌﺪﺕ ﻋﻞ ﻫﻮﺳﺖ ﺍﻟﻌﺮﺱ ﻭﺍﻟﺒﻴﺖ ﻳﻐﺺ ﻭﻳﺒﻠﻊ ﺍﻧﻌﻞ ﺣﻀﻬﻢ ﻳﻤﻮﺗﻮﻥ ﻋﻞ ﻫﺮﺟﻪ ﺗﺮﻳﻜﺖ ﻭﺑﻘﻴﺖ ﺑﻠﻐﺮﻓﻪ ﻟﺤﺪ ﻭﻛﺖ ﺍﻟﺰﻓﻪ ﺍﺟﻮﻱ ﺍﺧﺬﻭ ﺿﺤﻰ ﻭﺍﺑﺎﻭﻉ ﺷﻠﻮﻥ ﻋﻴﻮﻧﻪ ﺗﻼﻟﻲ ﺑﻠﺪﻣﻊ ﺣﺒﻴﺒﺘﻲ ﺧﺎﻳﻔﻪ ﺗﻘﺪﻣﺖ ﻋﻠﻴﻪ ﻭﺑﺴﺖ ﺭﺃﺳﻪ ﻭﺧﻠﻴﺘﻪ ﺑﻴﺪ ﺭﺟﻠﻪ ﺑﻌﺪ ﻣﺎﻭﺻﻴﺘﻪ ﻋﻠﻴﻪ...بيج قصص عراقيه حقيقيه من واقعنا.روعه الطائي
ﺍﻟﻤﻔﺮﻭﺽ ﺣﻮﻳﺘﻢ ﻫﻴﺞ ﻳﺴﻮﻱ ﺑﺲ ﻭﻳﻦ ﻳﺤﺲ ﻫﻮﻩ ﻣﺎﻳﻌﺮﻓﻨﻪ ﺑﺲ ﻭﻛﺖ ﺍﻟﻤﺸﺎﻛﻞ
ﺍﻣﻲ ﺧﻄﻴﻪ ﺍﻝ ﺷﻮﻳﻪ ﺗﺘﺨﺮﺑﻂ ﻣﻦ ﻛﺪ ﻣﺎﺑﺠﺖ ﺿﻠﻴﺖ ﺃﻫﺪﻱ ﺑﻴﻪ ﻭﻛﻠﻪ ﺭﺍﺣﺖ ﻭﻳﺎﻫﻢ ﺑﺲ ﺭﻏﺪ ﺿﻠﺖ ﻓﻮﻙ ﺍﻟﺴﺎﻋﺘﻴﻦ ﺍﻣﻲ ﺗﺒﺠﻲ ﻓﺮﻏﺖ ﺍﻟﻐﺼﻪ ﻟﺒﻜﻠﺒﻪ ﻳﺎﻟﻪ ﺳﻜﺘﺖ ﻭﺍﻧﻲ ﺻﻔﺎﺀ ﺧﺎﺑﺮﻧﻲ ﻭﻛﻠﻲ ﻻﺍﺯﻡ ﺑﺎﺟﺮ ﺗﺠﻲ ﻳﺎﺑﻪ ﺷﻜﻮ ﻣﺎ ﺣﺠﺎﻟﻲ ﻏﻴﺮ ﺗﺠﻲ ﻭﺍﻓﻬﻤﻚ
ﻟﺜﺎﻧﻲ ﻳﻮﻡ ﻣﻦ ﺍﻟﺼﺒﺢ ﺭﺟﻌﺖ ﻟﺒﻐﺪﺍﺩ ﺍﺭﻳﺪ ﺍﺷﻮﻑ ﺷﻨﻮ ﺳﺎﻟﻔﺘﻪ . ...................
ﺭﻏﺪ . .......... ﺍﻟﻴﻮﻡ ﺍﻟﻌﺮﺱ ﻭﺩﻋﻨﻪ ﺿﺤﻰ ﻭﻃﻠﻌﺖ ﻭﺭﻭﺣﻲ ﻃﻠﻌﺖ ﻭﻳﺎﻩ ﺑﻌﺪﻧﻲ ﻣﺪﺍﺗﺨﻠﻴﻞ ﺷﻠﻮﻥ ﺭﺍﺣﺖ ﻭﺣﺪﻩ ﻣﻨﻌﺪﻧﻪ ﺍﻧﻮﺏ ﺍﺻﻐﺮﻧﻪ ﻭﺍﻣﺮﺡ ﻭﺣﺪﻩ ﺑﻴﻨﻪ ﻣﺎﻋﺮﻑ ﺷﻠﻮﻥ ﺭﺍﺡ ﻧﺘﻌﻮﺩ ﻋﻞ ﻏﻴﺎﺑﻪ
ﻭﺭﺩﻩ ﺭﺍﺣﺖ ﻭﻳﺎﻩ ﻫﻴﻪ ﻭﻋﻤﺎﺗﻲ ﺍﻧﻲ ﻣﺎﺭﺣﺖ ﻫﻢ ﺍﻣﻲ ﻭﺣﻴﺪﻩ ﻭﻫﻢ ﺍﻧﻲ ﻧﻔﺴﻲ ﻣﻘﺒﻮﺿﻪ ﻭﻣﺎﻟﻲ ﺧﻠﻚ ﻛﻠﺸﻲ
ﺍﻟﻨﺎﺱ ﻃﺸﺖ ﻭﺍﻣﻲ ﺑﻠﻐﺮﻓﻪ ﻫﻤﺰﻳﻦ ﺿﺮﺍﺭ ﻫﻨﺎ ﺷﻮﻳﻪ ﻳﺨﻔﻒ ﻋﻨﻪ ﻭﺍﻧﻲ ﺑﺪﻳﺖ ﺍﻧﻀﻒ ﺑﻠﺒﻴﺖ ﻣﺎﺧﻠﻴﺖ ﺷﻲ ﻣﻦ ﺃﺛﺮ ﺍﻟﻌﺮﺱ ﻭﻫﻮﺳﺘﻪ ﺍﻟﺪﻧﻴﺎ ﺿﻠﻤﺖ ﺿﺮﺍﺭ ﺷﻔﺘﻪ ﻃﻠﻊ ﻳﺨﺎﺑﺮ ﻭﺍﻣﻲ ﺗﻌﺒﺖ ﻣﻦ ﻛﺪ ﻣﺎﺑﺠﺖ ﻭﻏﻔﺖ ﻏﻄﻴﺘﻪ ﻭﺭﺣﺖ ﺍﺳﻮﻱ ﻋﺸﻪ ﻭﻗﺮﻳﺐ ﻣﺎﺭﻳﺪ ﺍﻛﻤﻞ ﺳﻤﻌﺖ ﺻﻮﺕ ﺍﻣﻴﻦ ﺑﻠﺤﻮﺵ
ﺟﺎﻥ ﺩﻳﺼﻴﺢ ﺿﺮﺍﺭ ﺿﺮﺍﺭ ﺍﻧﺖ ﻫﻨﺎ
ﺑﺪﻭﻥ ﻣﺎﻃﻠﻊ ﻣﻦ ﺍﻟﻤﻄﺒﺦ ﺟﺎﻭﺑﺘﻪ
ﺿﺮﺍﺭ ﻣﻤﻮﺟﻮﺩ ﻃﻠﻊ
ﻣﺪ ﺭﺃﺳﻪ ﺑﺎﻭﻉ ﻋﻠﻴﻪ ﻭﺑﻌﺪﻳﻦ ﺩﺧﻞ ﻭﻋﺪﻝ ﻭﻛﻔﺘﻪ ﻭﺑﻌﺪﻩ ﻟﺘﻔﺖ ﻳﻤﻨﻪ ﻳﺴﺮﻩ ﻛﺎﻝ
ﺷﻠﻮﻧﺞ ﺭﻏﺪ
ﺍﻟﺤﻤﺪ ﺍﻟﻠﻪ
ﺣﺠﻴﺘﻪ ﻭﻃﻔﻴﺖ ﺍﻟﻄﺒﺎﺥ ﻭﻧﺪﺍﺭﻳﺖ ﺩﺍ ﺍﺧﻞ ﺟﻮﻩ ﻻﻥ ﻣﺎﺭﻳﺪ ﺍﺷﻮﻓﻪ ﺑﺲ ﻫﻮﻩ ﺃﺳﺮﻉ ﻣﻨﻲ ﻭﺑﺤﺮﻛﻪ ﻭﺣﺪﻩ ﻟﺰﻣﺘﻲ ﻣﻦ ﻣﻌﺼﻢ ﺍﻳﺪﻱ ﻭﺩﺍﺭﻧﻲ ﻋﻠﻴﻪ ﺻﺎﺭﺕ ﻋﻴﻨﻪ ﺑﻌﻴﻨﻲ ﻭﺍﻧﻲ ﻋﻴﻨﻲ ﻋﻞ ﻣﻜﺎﻥ ﻻﺯﻣﺖ ﺍﻳﺪﻩ ﻧﺘﺮ
ﻣﻨﻮﻭ ﺑﻠﺒﻴﺖ
ﻣﺎﻋﻠﻴﻚ ﺍﻧﺖ
ﺭﻏﺪ ﺗﺮﻩ ﺭﻭﺣﻲ ﻻﻳﺒﻪ ﺍﺫﺑﺤﻴﻬﻪ ﻭﻳﺎﻱ ﻋﻞ ﻗﺒﻠﻪ ﺍﺣﺴﻠﺞ
ﺍﻣﻴﻦ ﺭﻭﺡ ﻣﻨﺎ ﻻﻳﺠﻲ ﺃﺣﺪ
ﻭﺍﺫﺍ ﺍﺟﺎﻩ ﺍﻧﻲ ﺷﻤﺴﻮﻱ ﺑﻨﺖ ﻋﻤﻲ ﻭﺍﻛﻒ ﻳﻤﻪ ﺭﻏﻴﺪﻩ ﺭﺍﺡ ﺍﺳﻮﺩﻥ ﻋﻠﻴﺞ ﻭﺳﺎﻋﺘﻪ ﻣﺘﻌﺮﻓﻴﻦ ﺷﺴﻮﻱ
ﺍﻧﺖ ﻟﻴﺶ ﻣﺎﺗﻔﻬﻢ ﻋﻠﻴﻪ ﺍﻱ ﻣﻮﻛﺘﻠﻚ ﻣﺎﺭﻳﺪﻙ ﻫﻴﻪ ﻛﻮﻩ ﻳﻮﻣﻴﻪ ﻧﻌﻴﺪ ﺍﻟﺴﺎﻟﻔﻪ
ﺟﺬﺍﺑﻪ
ﻣﻦ ﻛﺎﻝ ﻫﻴﺞ ﺑﺎﻭﻋﺖ ﻋﻠﻴﻪ ﺏ ﺧﺰﺭﻩ ﺭﺩ ﻛﺎﻝ
ﺍﻱ ﺟﺬﺍﺑﻪ ﺟﺬﺍﺑﻪ ﻋﻴﻮﻧﺞ ﺩﻛﻮﻝ ﺷﻲ ﻭﻟﺴﺎﻧﺞ ﻳﻜﻮﻝ ﻏﻴﺮ ﺷﻲ ﺑﺲ ﺍﻧﻲ ﻣﺎﻋﻠﻴﻪ ﺑﻴﺞ ﺑﻌﺪ ﻭﺭﺍﺡ ﺍﺧﻄﺒﺞ ﻣﻦ ﻋﻤﻲ ﻭﺿﺮﺍﺭ ﻭﺍﻟﻴﻮﻡ
ﻧﺘﺒﻬﺖ ﻋﻞ ﺭﻭﺣﻲ ﻟﻦ ﺩﻣﻮﻋﻲ ﺩﺗﻨﺰﻝ ﻛﻤﺖ ﺍﻣﺴﺢ ﺑﻴﻬﻢ ﻭﻛﺘﻠﻪ
ﻭﺍﻟﻘﺮﺍﻥ ﻳﺎ ﺍﻣﻴﻦ ﺍﺫﺍ ﺳﻮﻳﺘﻪ ﻻﺍﻭﻛﻒ ﺑﻮﺟﻬﻢ ﻣﺜﻞ ﻣﺎﻭﻛﻔﺖ ﺑﻮﺟﻬﻚ ﺍﻟﺒﺎﺭﺣﻪ ﻭﻛﺘﻠﻚ ﺍﻛﺮﻫﻚ ﻫﻢ ﺍﻛﻠﻬﻢ ﺍﻛﺮﻫﻚ
ﻟﺞ ﻟﻴﺶ ﻫﻴﺞ ﺩﺳﻮﻳﻦ ﺭﺍﺡ ﺍﺗﺨﺒﻞ ﺍﻧﻲ ﺍﺑﻦ ﻋﻤﺞ ﻭﻋﺎﺷﻜﺞ ﻭﻫﺎﻭﻳﺞ ﻭﺗﺼﺮﻓﺎﺗﺞ ﻗﺒﻞ ﻣﺎﺑﺒﻬﻪ ﺍﻟﻜﺮﻩ ﺍﻟﺘﺪﻋﻲ ﻫﺴﻪ
ﺑﺮﻃﻤﺖ ﻭﺣﺴﻴﺖ ﺭﻭﺣﻲ ﺑﻌﺪ ﻣﺎﻛﺪﺭ ﺍﻭﻛﻒ ﺍﻛﺜﺮ ﻭﺭﺍﺡ ﺍﺻﺮﺥ ﺍﻱ ﺍﻧﻲ ﺍﺟﺬﺏ ﻭﺍﻧﻲ ﺍﺣﺒﻚ ﺑﺲ ﺿﺤﻴﺖ ﺑﺤﺒﻲ ﻻﺍﺟﻞ ﺍﺧﺘﻲ ﺑﺲ ﻣﺎﻛﺪﺭﺕ ﻭﻛﻞ ﻋﺎﺩﻩ ﺍﻟﻬﺰﻣﺖ ﻣﻨﻪ ﻭﺧﻠﻴﺘﻪ ﻳﺸﻴﻞ ﺑﺮﻭﺣﻪ ﻭﻳﻠﻄﺦ ...........
ﻓﻲ ﻭﻗﺖ ﺁﺧﺮ .........
ﻳﻤﻪ ﺷﻮﻛﺖ ﻧﺮﺟﻊ ﻳﻤﻌﻮﺩﻩ ﺿﺠﺖ
ﻫﺎﺟﺮ ﺷﻜﺪ ﺧﺒﻴﺜﻪ ﻳﻌﻨﻲ ﺍﻛﻮ ﻭﺍﺣﺪ ﻳﺠﻲ ﻟﻠﺸﻤﺎﻝ ﻳﻀﻮﺝ
ﺍﺳﺘﺒﺮﻕ ﻣﻮﻫﻴﺞ ﺑﺲ ﻭﺍﻟﻠﻪ ﻣﺤﻠﻲ ﻫﻨﺎﻙ ﻭﺍﻧﻲ ﻣﻤﺘﻌﻮﺩﻩ ﻋﻞ ﻛﻌﺪﻩ
ﻳﻤﻌﻮﺩﻩ ﺗﻠﺤﻜﻴﻦ ﻭﻋﻴﻮﻧﺞ ﻭﺭﺍﺡ ﻳﺠﻴﺞ ﺑﻌﺪ ﺍﻟﺪﻭﺍﻡ ﻭﺷﻠﻌﺎﻥ ﺍﻟﻜﻠﺐ ﺑﻌﺪ ﺭﺍﺳﺞ ﻣﺘﻜﺪﺭﻳﻦ ﺗﺤﻜﻲ ﺃﺻﺒﺢ ﺩﻭﺍﻡ ﻭﺍﻟﻌﺼﺮ ﺍﻟﻤﺤﻞ ﻓﺨﻠﻴﺞ ﻫﺴﻪ ﺑﻔﺘﺮﺓ ﻧﻘﺎﻫﻪ ﺍﺣﺴﻦ
ﺍﻭﻭﻭﻭﻭﻑ ﻫﺎﻱ ﺷﺘﺤﺠﻲ ﺍﻧﻲ ﺑﺎﻟﻲ ﻭﻳﻦ ﻭﻫﻴﻪ ﻭﻳﻦ ﺍﻧﻲ ﻣﻦ ﺍﺟﻴﺖ ﻟﺤﺪ ﺍﻻﻥ ﻭﺻﻮﺭﺓ ﺍﻟﻮﻟﺪ ﻣﺮﺍﺣﺖ ﻣﻦ ﺑﺎﻟﻲ ﻭﺁﺧﺮ ﻧﻀﺮﻩ ﻣﻦ ﺭﻛﻌﺖ ﺍﻟﺒﺎﺏ ﻣﻄﺒﻮﻋﻪ ﺑﺎﻟﻲ ﻭﺍﺻﻼ ﺻﺎﺭ ﺃﻳﺎﻡ ﺍﺧﻄﻂ ﺷﻠﻮﻥ ﺍﻭﻛﻒ ﻛﺒﺎﻟﻪ ﻭﺍﺣﺠﻲ ﺣﺘﻰ ﺣﻔﻀﺖ ﻛﻠﺸﻲ ﺭﺍﺡ ﺍﺣﺠﻲ
ﺃﺳﺒﻮﻉ ﻭﺑﻌﺪ ﻣﺘﺤﻤﻠﺖ ﻟﺤﻴﺖ ﻋﻞ ﺍﻣﻲ ﺣﺘﻰ ﻧﺮﺟﻊ ﻭﻫﻢ ﺧﺎﻳﻔﻴﻦ ﻋﻞ ﺃﺳﻴﻞ ﺍﺧﺎﻑ ﺗﺠﻴﺐ ﻭﺍﺣﻨﺎ ﻣﻤﻮﺟﻮﺩﻳﻦ ﻋﺎﺩ ﻟﻤﻴﻨﻪ ﻏﺮﺍﺿﻨﻪ ﻭﺭﺟﻌﻨﺎ ﺃﻭﻝ ﻳﻮﻡ ﺟﻨﺖ ﺗﻌﺒﺎﻧﻪ ﻣﻦ ﺍﻟﻄﺮﻳﻖ ﻭﻫﻢ ﻭﺻﻠﻨﺎ ﻓﺎﻳﺖ ﻭﻛﺖ ﺧﻠﻴﺖ ﺭﻭﺣﻪ ﺍﻟﻤﺤﻞ ﻟﺜﺎﻧﻲ ﻳﻮﻡ ﻭﻣﺜﻞ ﺑﺎﻗﻲ ﺍﻻﻳﺎﻡ ﺭﺣﺖ ﺳﺎﻋﻪ 4 ﻓﺘﺤﺖ ﻭﺑﺪﻳﺖ ﺍﻧﻀﻒ ﻭﺭﺗﺐ ﻛﻠﺸﻲ ﻭﻛﻞ ﺷﻮﻳﻪ ﺍﺑﺎﻭﻉ ﻣﻦ ﺍﻟﺸﺒﺎﻙ ﺷﻲ ﺑﺪﺍﺧﻠﻲ ﻻﺍﺭﺍﺩﻳﻦ ﻳﺄﺧﺬﻧﻲ ﺍﺷﻮﻓﻪ ﻣﻮﺟﻮﺩ ﻟﻮ ﻻ ﻳﻤﻜﻦ ﺩﺍﺻﺮﻑ ﻫﻴﺞ ﻣﻦ ﻛﻤﻴﺖ ﺍﻟﻜﻼﻡ ﻟﺒﺪﺍﺧﻠﻲ ﻭﻣﺤﻔﻮﺭ ﺑﺪﻣﺎﻏﻲ ﻭﻣﺤﻀﺮﺗﻪ ﻭﺍﺭﻳﺪ ﺍﺣﺠﻲ
ﺑﺲ ﻣﺎﻛﻮ ﺧﻠﺺ ﺍﻟﻴﻮﻡ ﻭﻣﺸﻔﺘﻪ ﻭﺍﻟﻴﻮﻡ ﺍﻟﺒﻌﺪﻩ ﻫﻢ ﻭﺍﻟﺒﻌﺪﻩ ﻭﻣﺎﻟﻪ ﺃﺛﺮ ﺣﺘﻰ ﺍﻷﺳﻮﺍﻕ ﺟﺎﻧﺖ ﻋﻴﻨﻲ ﻋﻠﻴﻪ ﻭﻫﻢ ﻣﺎﻛﻮ ﺍﻟﻰ ﺃﻥ ﻛﻠﺖ ﻳﺠﻮﺯ ﺍﻟﺴﻮﻳﺘﻪ ﺁﺧﺮ ﺷﻲ ﻭﻳﺎﻩ ﺟﺎﺏ ﻧﺘﻴﺠﻪ ............
ﺿﺮﺍﺭ ﻣﻦ ﺍﺟﻴﺖ ﻟﻠﺒﻴﺖ ﻟﻜﻴﺘﻪ ﺻﺎﻳﺮ ﻣﻬﺮﺟﺎﻥ ﻭﺻﻔﺎﺀ ﺿﺎﺭﺑﻪ ﻧﻮﻣﻪ ﻭﻋﺎﻳﻔﻪ ﻣﻜﻠﻮﺏ ﻛﻤﺖ ﺍﺩﻓﺮ ﺑﻲ ﺣﺘﻰ ﻳﻜﻌﺪ
ﻛﻮﻡ ﻛﻮﻡ ﻟﻚ ﻋﺎﺭ ﺷﻤﺴﻮﻱ ﺑﻠﺒﻴﺖ
ﻫﺎﺍﺍ ﺿﺮﺍﺭ ﺍﺟﻴﺖ
ﻻﺑﻌﺪﻧﻲ ﺑﺪﺭﺏ ﻣﺪﻛﻠﻲ ﺷﻨﻮ ﺳﺎﻟﻔﺘﻚ
ﺷﺒﻴﻚ ﺷﻜﻮﻭ ﺟﺎﻥ ﺍﺑﻮ ﻣﺎﺟﺪ ﻳﻤﻲ ﻭﺗﻌﻠﻠﻨﻪ ﻭﺍﻟﻔﺠﺮ ﺭﺍﺡ
ﻟﻚ ﻫﻢ ﺍﺑﻮ ﻣﺎﺟﺪ ﻳﻌﻨﻲ ﺑﻌﺪ ﻛﻞ ﺍﻟﺤﺠﻴﺘﻪ ﺍﻟﻚ ﻣﺠﺰﺕ ﻣﻨﻪ
ﻛﺎﻡ ﻣﻦ ﻓﺮﺍﺷﻪ ﺑﻮﺳﻨﻲ ﻭﺍﻧﻲ ﺿﺠﺖ ﻣﻨﻪ ﺑﺲ ﺩﺍﺷﻮﻑ ﺷﻴﺒﺮﺭﻟﻲ ﻛﻌﺪ ﻭﻛﺎﻝ
ﺿﺮﺍﺭ ﻭﺍﻟﻠﻪ ﺍﻟﻌﻀﻴﻢ ﺍﻟﺮﺟﺎﻝ ﺍﺩﻣﻲ ﻭﻣﻦ ﻛﺘﻠﻪ ﺑﻌﺪ ﻣﻴﺸﺘﻐﻞ ﻭﻳﺎﻙ ﺗﺨﺒﻞ ﻛﺎﻝ ﻋﻤﻲ ﺷﻴﺮﻳﺪ ﺍﻧﻲ ﺣﺎﺿﺮ ﺣﺘﻰ ﺍﺫﺍ ﻳﺮﻳﺪ ﻳﺸﺘﻐﻞ ﻣﺜﻠﻚ ﻫﻢ ﻣﻴﺨﺎﻟﻒ
ﻻﺍﺷﺘﻐﻞ ﻭﻻﺵ ﻋﻮﻓﻪ ﺧﻞ ﻳﻮﻟﻲ
ﺍﻧﺖ ﺗﺪﺭﻱ ﻣﻦ ﺭﺣﺖ ﻟﻠﻴﻮﻡ ﻫﻮﻩ ﻳﻮﻣﻴﻪ ﻳﺠﻲ ﻳﺴﺌﻞ ﻋﻠﻴﻚ
ﺍﺩﺭﻱ ﺷﺠﻠﺐ ﺷﻨﻮ ﻣﺎﻛﻮ ﺃﺣﺪ ﻏﻴﺮ ﻳﺸﺘﻐﻞ ﻣﻦ ﺳﺎﻋﻪ ﺍﻟﺴﻮﺩﻩ ﺍﻟﺸﻔﺘﻪ ﺑﻴﻪ ﺑﻠﻤﺴﻄﺮ ﻭﺭﺣﺖ ﻭﻳﺎﻩ
ﻃﺒﻌﺎ ﺍﻧﺖ ﻣﻮﺻﺎﺣﻲ ﺍﻟﻨﺎﺱ ﺗﺘﻤﻨﻰ ﺍﻟﺸﻐﻞ ﻭﺍﻧﺖ ﺗﺘﺒﻄﺮ
ﻫﺴﻪ ﻣﺎﻛﺘﻠﻲ ﻋﻞ ﺷﻨﻮ ﺧﺒﺼﺘﻨﻲ ﺑﻠﺘﻠﻴﻔﻮﻥ ﺗﻌﺎﻝ ﻭﺗﻌﺎﻝ
ﻫﻮﻩ ﻋﻠﻤﻮﺩ ﺍﺑﻮ ﻣﺎﺟﺪ ﻫﻮﻩ ﻛﺮﻉ ﺭﺍﺳﻲ ﻋﻠﻤﻮﺩﻙ
ﺩﻛﻮﻡ ﻟﻢ ﻫﺎﻱ ﺍﻟﻬﻮﺳﻪ ﻟﻤﺴﻮﻳﻪ ﻋﻮﺩ ﺍﻟﻴﻮﻡ ﺍﻧﺸﻮﻓﻪ ﺷﻴﺮﻳﺪ ﻭﺍﻧﻬﻲ ﻭﻳﺎﻩ ﻛﻠﺸﻲ ﻭﺟﻬﻪ ﻟﻮﺟﻬﻪ
ﺩﺧﻠﺖ ﺳﺒﺤﺖ ﻭﺗﺮﻳﻜﻨﻪ ﺍﻧﻲ ﻭﺻﻔﺎﺀ ﻭﺧﺎﺑﺮ ﻋﻠﻴﻪ ﻭﻛﺎﻝ ﺳﺎﻋﻪ ﻭﻳﻜﻮﻝ ﺍﻧﻲ ﻳﻤﻜﻢ ﻧﺘﻀﺮﺗﻪ ﻳﺠﻲ ﻭﺻﺪﻙ ﺳﺎﻋﻪ ﻭﺍﺟﺎﻩ ﻣﺜﻜﻞ ﻭﺟﻬﻪ ﺑﻠﺒﺪﺍﻳﻪ ﺗﺴﺎﻟﻤﻨﻪ ﻭﻛﺎﻝ
ﻋﻞ ﻛﻴﻔﻚ ﻋﻤﻲ ﺷﺪﻋﻮﺍﻙ ﺍﺷﻮ ﺷﺘﻐﻠﺖ ﻳﻮﻡ ﻭﺛﺎﻧﻲ ﻳﻮﻡ ﻛﻠﺒﺖ ﻭﻛﻠﺖ ﻋﺪﻭﻟﻲ
ﻋﻜﻌﺪﺕ ﺣﺎﺟﺒﻲ ﻭﻋﻜﻀﺖ ﻭﺟﻬﻲ ﻭﻛﺘﻠﻪ
ﻣﺎﻛﻠﺒﺖ ﺑﺲ ﺍﻟﺸﻐﻞ ﻣﺎﻋﺠﺒﻨﻲ ﻭﺍﻧﻲ ﻣﻤﺠﺒﻮﺭ
ﻭﺟﺎﻥ ﺟﻴﺖ ﻛﺘﻠﻲ ﻟﻴﺶ ﺗﻨﻄﻲ ﺳﻮﻳﺞ ﺍﻟﺴﻴﺎﺭﻩ ﺍﻝ ﺻﻔﺎﺀ ﻭﻣﻨﺸﻮﻓﻚ
ﺟﺎﻧﺖ ﻋﻨﺪﻱ ﺭﻭﺣﻪ ﺍﻷﻫﻠﻲ ﻭﻣﺼﺎﺭﻟﻲ ﻭﻛﺖ ﺍﺳﻠﻤﻚ ﺍﻟﺴﻴﺎﺭﻩ
ﻭﻟﻴﺶ ﺩﺍﻳﺮ ﻭﺟﻬﻚ ﻭﺗﺤﺎﺟﻴﻨﻲ ﺿﺮﺍﺭ ﺗﺮﻩ ﺍﻧﻲ ﺭﺟﻮﻟﺘﻚ ﻋﺠﺒﺘﻨﻲ ﻭﺷﻜﻠﻚ ﺳﺒﻊ ﻭﺭﺩﺗﻚ ﻭﻳﺎﻱ ﻭﻣﺘﻮﻗﻌﺘﻚ ﻫﻴﺞ ﺗﺴﻮﻱ ﺑﻴﻪ ﻭﺗﻌﻮﻓﻨﻲ ﺣﺘﻰ ﺑﺪﻭﻥ ﻣﺪﻛﻠﻲ
ﺍﺑﻮ ﻣﺎﺟﺪ ﺍﻧﻲ ﺭﺟﺎﻝ ﻣﺎﺣﺐ ﺍﻻﻟﺘﺰﺍﻡ ﻃﻴﺮ ﺣﺮ ﻭﺍﻟﻌﻤﺎﻟﻪ ﺷﻐﻠﺘﻲ ﻭﺑﻜﻴﻔﻲ ﻳﻮﻡ ﺍﻃﻠﻊ ﻳﻮﻡ ﻣﺎﻃﻠﻊ ﻣﺜﻞ ﻣﻴﻜﻮﻟﻮﻥ ﻋﻞ ﻣﺰﺍﺝ ﻭﺍﻧﺖ ﺷﻐﻠﻚ ﺍﻟﺘﺰﺍﻡ ﻭﻛﻠﻪ ﺑﻠﻴﻞ ﻭﺑﻨﻔﺲ ﺍﻟﻮﻛﺖ ﺍﻧﺖ ﺧﺎﻳﻒ ﻣﻦ ﻟﻬﺠﺘﻲ ﺍﻟﺠﻨﻮﺑﻴﻪ ﺍﺧﺎﻑ ﺗﺎﺛﺮ ﻋﻠﻴﻚ ﺑﻌﺪ ﻋﻠﻴﻤﻴﻦ ﺍﺣﻨﺎ ﻣﻨﺘﺮﺍﻫﻢ
ﻫﻬﻬﻬﻬﻬﻬﻪ ﻻﺩﻛﻮﻟﻲ ﺯﻋﻠﺖ ﻻﻥ ﻛﺘﻠﻚ ﻋﻞ ﻟﻬﺠﺘﻚ ﻋﻤﻲ ﺍﺫﺍ ﺯﻋﻼﻥ ﺍﻧﻲ ﺍﺳﻒ ﻭﻫﺬﺍ ﺭﺃﺳﻚ ﺍﺑﻮﺳﻪ
ﻣﻦ ﺑﺎﺱ ﺭﺍﺳﻲ ﺧﺮﺑﻂ ﺍﺣﻮﺍﻟﻲ ﺍﺑﻮ ﻣﺎﺟﺪ ﻣﺒﻴﻦ ﺭﺟﺎﻝ ﻗﻮﻱ ﻭﻋﻴﻮﻧﻪ ﺍﺑﺪ ﻣﺎﺑﻴﻪ ﺣﻨﻴﻪ ﻓﻤﻦ ﺳﻮﺍﻩ ﻫﻴﺞ ﻣﺜﻞ ﺍﻟﻨﺼﺪﻣﺖ ﻭﻧﺤﺮﺟﺖ ﻫﺬﺍ ﻣﻦ ﻏﻴﺮ ﻋﻤﺮﻩ ﺍﻟﺠﺒﺒﺮ ﻳﻌﻨﻲ ﺳﺎﻟﻔﻪ ﻛﻠﺶ ﻭﺍﻛﻔﻪ ﻋﺎﺩ ﺍﻧﻲ ﺑﺴﺮﻋﻪ ﺑﺘﻌﺪﺕ ﻭﻛﺘﻠﻪ
ﻻﻋﻤﻲ ﺻﺪﻙ ﺟﺬﺏ ﻣﻮﻟﻬﻞ ﺩﺭﺟﻪ ﺍﻧﺖ ﺑﻜﺪ ﺍﺑﻮﻳﻪ ﻻﺗﺘﺎﺳﻒ ﻭﻻﺵ ﺍﻧﻲ ﺍﻝ ﺍﺳﻒ ﺍﺧﺎﻑ ﺿﻞ ﺑﺨﺎﻃﺮﻙ ﻣﺎﺑﻠﻐﺘﻚ ﺑﻨﻔﺴﻲ ﺑﺘﺮﻙ ﺍﻟﺸﻐﻞ
ﻣﻴﺨﺎﻟﻒ ﻭﻻ ﻳﻬﻤﻚ ﺧﻞ ﻧﻔﺘﺢ ﺻﻔﺤﻪ ﺟﺪﻳﺪﻩ ﻭﺍﺫﺍ ﺍﻟﺸﻐﻞ ﺍﻟﻜﻠﻔﺘﻚ ﺑﻲ ﻣﻀﻮﺟﻚ ﻋﻤﻲ ﺭﺍﺡ ﺍﺷﻐﻠﻚ ﺑﻠﻤﻌﻤﻞ ﺍﻫﻢ ﺷﻲ ﻣﺘﻌﻮﻓﻨﻲ
ﺳﻜﺘﺖ ﻭﺣﺴﻴﺖ ﻧﻔﺴﻲ ﻃﻮﺧﺘﻪ ﺍﻟﺮﺟﺎﻝ ﺩﻳﺮﺩﻧﻲ ﺑﻜﻞ ﺍﻟﻮﺳﺎﺋﻞ ﻭﺑﻌﺪ ﻣﺎﻟﻲ ﻋﺬﺭ ﻗﺒﻠﺖ ﻭﺷﺮﺑﻨﻪ ﺍﻟﺠﺎﻱ ﻭﺗﻔﻘﻨﻪ ﺑﺎﺟﺮ ﺳﺎﻋﻪ 8 ﺍﻟﺼﺒﺢ ﺍﺑﺪﻱ ﺍﺷﺘﻐﻞ ﺑﻤﻌﻤﻞ ﺍﻟﺴﻴﺮﺍﻣﻴﻚ ﺍﻟﺪﻻﻧﻲ ﻋﻠﻴﻪ
ﺑﻌﺪﻩ ﺭﺍﺡ ﻭﺍﻧﻲ ﻧﻤﺖ ﺍﻟﻤﻐﺮﺏ ﻛﻌﺪﺕ ﺑﺪﻟﺖ ﻭﺭﺣﺖ ﻟﻤﺤﻞ ﺍﻟﺘﺼﻮﻳﺮ ﻭﺑﻌﺪﻧﻲ ﻣﺼﺮ ﺍﻋﺘﺬﺭ ﻣﻨﻪ ﻭﻳﺎ ﻣﺎ ﻭﺻﻠﺖ ﻭﺷﻔﺘﻪ ﻣﻔﺘﻮﺡ ﺑﺘﺴﻤﺖ ﻻﺍﺭﺍﺩﻳﺪﺍ ﻭﻋﺪﻟﺖ ﺗﺸﻴﺮﺗﻲ ﻭﻣﺴﺤﺖ ﻟﺤﻴﺘﻲ ﻭﺩﺧﻠﺖ ﻋﻠﻴﻪ ﺟﺎﻧﺖ ﻛﺎﻋﺪﻩ ﻣﺪﻧﻜﻪ ﻋﻞ ﺣﺎﺳﺒﻪ ﻣﻦ ﺷﺎﻓﺘﻨﻲ ﺭﻓﻌﺖ ﺭﺃﺳﻪ ﻭﻛﺎﻣﺖ ﻭﻛﻔﺖ ﻟﺤﻴﻠﻪ ...........
ﻫﺎﺟﺮ ﺑﻌﺪ ﻣﺎﻳﺴﺖ ﻣﻦ ﺟﻴﺘﻪ ﻧﺴﻴﺖ ﻣﻮﺿﻮﻋﻪ ﻭﺑﻴﻮﻡ ﻛﺎﻋﺪ ﺑﻠﻤﺤﻞ ﺩﺍﺷﺘﻐﻞ ﻭﺷﻔﺖ ﺧﻴﺎﻝ ﺻﺎﺭ ﻋﻞ ﻣﻴﺰ ﺭﻓﻌﺖ ﺭﺍﺳﻲ ﺷﻔﺘﻪ ﻫﻮﻩ ﻛﻤﺖ ﺭﺍﺳﻦ ﺻﺮﻧﻪ ﻭﺍﺣﺪ ﻛﺒﺎﻝ ﺍﻟﺜﺎﻧﻲ ﺑﻠﺤﻀﺘﻪ ﺗﺒﺨﺮ ﻛﻞ ﺍﻟﺤﺠﻲ ﻟﺠﻨﺖ ﻣﺤﻀﺮﺗﻪ ﻭﺑﻘﻴﺖ ﺑﺲ ﺍﺑﺎﻭﻉ ﻋﻠﻴﻪ ﻫﻤﺰﻳﻦ ﻫﻮﻩ ﺣﺠﻪ ﻭﻛﺎﻝ
ﺍﺍﺍ ﺍﺣﻢ ﺗﺬﻛﺮﺗﻨﻲ ﻣﻮﻭ
ﻫﺰﻳﺖ ﺭﺍﺳﻲ ﺍﻱ ﻛﺎﻝ
ﻣﺎﻋﺮﻑ ﺷﻜﻠﺞ ﺑﺲ ﻭﺍﻟﻠﻪ ﻣﻮﻗﺼﺪﻱ ﺍﻟﺤﻜﺞ ﻟﻠﺒﻴﺖ ﻭﻣﺎﺩﺭﻱ ﺷﻠﻮﻥ ﻫﻴﺞ ﺻﺎﺭ
ﺑﻠﻌﺖ ﺭﻳﻜﻲ ﻭﻗﻮﻳﺖ ﻧﻔﺴﻲ ﻻﻥ ﺩﺍﺣﺲ ﺭﻭﺣﻲ ﺧﺮﺳﻪ ﻭﻣﺎﻛﺪﺭ ﺍﺣﺠﻲ ﻛﺘﻠﻪ
ﺃﻧﺖ ﻣﻮﺑﺲ ﻟﻠﺒﻴﺖ ﻟﺤﻜﺘﻨﻲ ﺗﺮﻩ ﺑﻜﻞ ﻣﻜﺎﻥ ﺩﺍﺷﻮﻓﻚ
ﺍﻱ ﻣﻮ ﺍﺍﺍﺍ ﺍﺣﻢ ﺑﺎﻋﻲ ﺍﻧﻲ ﺳﺎﻛﻦ ﻫﻨﺎ ﻓﺼﺪﻛﻴﻨﻲ ﺑﻠﺼﺪﻓﻪ ﺩﺍﺷﻮﻓﺞ
ﺩﻧﻜﺖ ﻭﺳﻮﻳﺖ ﻧﻔﺴﻲ ﺩﺍﻟﻢ ﺃﻭﺭﺍﻕ ﻋﻞ ﻣﻴﺰ ﺟﺎﻧﻮ ﺟﺎﻭﺑﺘﻪ
ﻋﺎﺩﻱ ﻣﺼﺎﺭ ﺷﻲ ﺑﺲ ﺑﻌﺪ ﻻﺗﻌﻴﺪﻩ
ﺻﺎﺭ ﺍﺩﻟﻠﻲ
ﺭﻓﻌﺖ ﺭﺍﺳﻲ ﻭﺑﺴﺘﻐﺮﺍﺏ ﻛﺘﻠﻪ
ﺷﻨﻮﻭﻭ
ﻻ ﻗﺼﺪﻱ ﺍﻥ ﺷﺎﻟﻠﻪ
ﻫﺎﺍﺍﺍﺍ
ﻫﺴﻪ ﻗﺒﻠﺘﻲ ﺍﻋﺘﺬﺍﺭﻱ
ﻣﺪﺍﻡ ﺍﺟﻴﺖ ﻭﻋﺘﺮﻓﺖ ﺍﻝ ﺳﻮﻳﺘﻪ ﻏﻠﻂ ﺧﻠﺺ ﺍﻧﺴﻰ
ﺑﺘﺴﻢ ﺑﺨﻔﻪ ﻭﺣﻚ ﻃﺮﻑ ﺣﺎﺟﺒﻪ ﻭﻛﺎﻝ
ﺟﺎﺀ ﺩﺍﻡ ﻫﻴﺞ ﺍﻧﻲ ﺍﺗﺮﺧﺺ
ﺗﻔﻀﻞ ﻭﻣﺪﻳﺘﻠﻪ ﺍﻳﺪﻱ ﺑﺘﺠﺎﻩ ﺍﻟﺒﺎﺏ
ﺑﻘﻰ ﺛﻮﺍﻧﻲ ﻳﺒﺎﻭﻉ ﺑﻮﺟﻬﻲ ﻭﺩﺍﺭ ﻭﺟﻬﻪ ﻭﻃﻠﻊ ﻛﻌﺪﺕ ﻋﻞ ﻛﺮﺳﻲ ﻏﻄﻴﺖ ﻭﺟﻬﻲ ﺑﻴﺪﻱ ﻣﻦ ﺗﻠﻤﺴﺘﻪ ﻧﺎﺭ ﻫﺎﻱ ﺍﻧﻲ ﺷﺒﻴﻪ ﻟﻴﺶ ﻫﻴﺞ ﺻﺎﺭ ﺑﻴﻪ ﺍﻧﻲ ﻫﺎﺟﺮ ﺍﻟﻲ ﻣﺤﺪ ﻳﻜﺪﺭ ﻳﻮﻛﻒ ﻛﺒﺎﻟﻲ ﺷﺒﻴﻪ ﺗﻴﺒﺴﺖ ﻛﺒﺎﻟﻪ ﻭﺭﻭﺣﻲ ﺳﺎﺣﺖ ﻋﺰﻩ ﺑﻌﻴﻨﻲ ﺯﻳﻦ ﻭﻳﻦ ﺍﻟﻜﻠﻴﺸﻪ ﺍﻟﺠﻨﺖ ﻣﺤﻀﺮﺗﻪ ﻭﻟﻴﺶ ﺩﺍﺭﺟﻒ
ﻫﺎﺟﺮ ﺷﺒﻴﺞ ﺗﺨﺒﻠﺘﻲ ﻣﻴﻪ ﻭﺍﺣﺪ ﻳﺪﺧﻞ ﻟﻠﻤﺤﻞ ﺑﻠﻴﻮﻡ ﻭﺃﺷﻜﺎﻝ ﺍﺻﺎﺩﻑ ﺑﻠﺸﺎﺭﻉ ﻭﺑﻠﺪﻭﺍﻡ ﺍﺷﻮ ﻣﺼﺎﺭ ﺑﻴﻪ ﻫﻴﺞ
ﻫﺎﺍﺍﺍ ﻳﻤﻜﻦ ﻫﻮﻩ ﺍﻟﺴﺒﺐ ﺍﻱ ﺍﻛﻴﺪ ﻫﻮﻩ ﺍﻟﺴﺒﺐ ﺍﻟﻠﻪ ﻳﺼﻜﻌﻪ ﻣﻮﺭﺟﺎﻝ ﻳﻨﻜﺮﻁ ﻣﻦ ﺍﻟﻮﺳﺎﻣﻪ ﻭﺍﻟﺮﺟﻮﻟﻪ ﺗﻨﻜﻂ ﺗﻨﻜﻂ ﻣﻨﺎ ﻫﻴﻪ ﺩﺍﻗﻴﻖ ﻭﻛﻔﻨﻪ ﺳﻮﻩ ﺍﻧﻲ ﺷﺪﻳﺼﻴﺮ ﺑﻴﻪ
ﺍﻫﻮﻭﻭ ﻫﺎﺟﺮ ﺷﺒﻴﺞ ﺍﺛﻜﻠﻲ ﻣﻦ ﻳﻤﺘﻪ ﻭﺟﺎﻱ ﺗﺤﺠﻴﻦ ﺑﺮﺟﺎﻝ ﻫﻴﺞ ﺍﺣﺴﻦ ﺷﻲ ﺍﻋﺰﻝ ﻭﺍﺭﻭﺡ ﻟﻠﺒﻴﺖ ﺍﺫﺍ ﺑﻘﻴﺖ ﺑﻌﺪ ﺍﻛﺜﺮ ﺭﺍﺡ ﺍﻛﻮﻡ ﺃﺳﺄﻝ ﻭﺍﺟﺎﻭﺏ ﻧﻔﺴﻲ ﻣﺜﻞ ﺍﻟﻤﺨﺒﻠﻪ
ﺿﺮﺍﺭ ...... ﺣﺠﻴﺖ ﻭﻳﺎﻩ ﻟﻮ ﻣﻠﻜﺖ ﺍﻟﺪﻧﻴﻪ ﺍﻟﻐﺮﻳﺐ ﺑﻠﻤﻮﺿﻮﻉ ﻭﻣﻦ ﺧﻼﻝ ﺫﻳﺞ ﺍﻟﻔﺘﺮﻩ ﺍﻟﺠﻨﺖ ﺍﺷﻮﻓﻪ ﺑﻴﻪ ﺟﻨﺖ ﻣﺘﻮﻗﻌﻪ ﺗﻬﺪ ﺑﻴﻪ ﺑﺲ ﺷﻔﺖ ﺍﻟﻌﻜﺲ ﻭﺷﻜﻮ ﻭﻋﺪ ﺍﺧﺬﺗﻪ ﺍﻟﻨﻔﺴﻲ ﺑﻦ ﺍﻋﻮﻓﻪ ﻭﻣﺎﻭﺻﻞ ﻳﻤﻪ ﻗﺮﺭﺕ ﺍﻛﺴﺮﻩ ﺷﻔﺖ ﻟﻤﻌﻪ ﺑﻌﻴﻮﻧﻪ ﺳﺤﺮﺕ ﻛﻠﺒﻲ ﻭﺍﺧﺬﺕ ﻋﻘﻠﻲ ﻭﻛﻠﺒﺘﻲ ﺭﺍﺳﺎ ﻋﻞ ﻋﻘﺐ ﻃﻴﺮﻩ ﻭﻣﻮ ﻣﺮﻩ ﻭﺍﻟﻜﻌﺒﻪ ﻃﻴﺮﻩ ﻭﺍﺻﻴﺪﻩ ﺍﺻﻴﺪﻩ ﻟﻮ ﺗﻀﻞ ﺁﺧﺮ ﻣﺮﻩ ﺑﻠﻌﺎﻟﻢ
ﻫﻴﻪ ﻛﻮﻩ ﺧﻮﻣﺎ ﻛﻮﻩ ﻣﺴﻤﻴﻪ ﺍﻟﻤﺤﻞ ﺯﻣﺮﺩﻩ ﻭﻫﻴﻪ ﺍﻟﺰﻣﺮﺩﻩ ﺑﻌﻴﻨﻪ ﺭﺑﻲ ﻃﻠﺒﺘﻪ ﻣﻨﻚ ﻃﻠﺒﻪ ﻟﻮﻫﻴﻪ ﻟﻮ ﻣﺎﺭﻳﺪ...بيج قصص عراقيه حقيقيه من واقعنا.روعه الطائي
ﺭﺟﻌﺖ ﺍﻣﺸﻲ ﻭﺍﻭﺯﻉ ﺑﺘﺴﺎﻣﺎﺕ ﺻﻔﺎﺀ ﺩﻳﺮﺵ ﺑﻠﺒﺎﺏ ﻏﺴﻠﺖ ﻭﺟﻬﻲ ﻣﻦ ﻣﻲ ﺍﻟﺼﻮﻧﺪﻩ ﻭﺃﻣﺴﺢ ﺑﻲ ﻭﺍﺑﺘﺴﻢ ﺁﺧﺮ ﺷﻲ ﺭﺷﻜﻨﻲ ﺻﻔﺎﺀ ﺑﻠﻤﻲ ﻋﻞ ﻫﺪﻭﻣﻲ ﺷﻬﻜﺖ ﻋﺒﺎﻟﻚ ﺻﺤﺎﻧﻲ ﻭﺻﺤﺖ ﺑﻲ
ﺍﺑﻦ ﺍﻟﻜﻠﺐ ﺍﺑﻦ ﺍﻟﻨﻌﺎﻝ ﻟﻴﺶ ﻫﻴﺞ ﺭﺍﺣﺖ ﻫﺪﻭﻣﻲ
ﺧﺎﺏ ﺷﺴﻮﻳﻠﻚ ﺍﺩﺭﻱ ﻣﺨﺒﻞ ﺩﺗﻮﺯﻉ ﺑﺘﺴﺎﻣﺎﺕ ﺑﻨﺺ ﺍﻟﺸﺎﺭﻉ ﺍﺑﻮ ﺍﻟﻮﺻﺦ ﺍﻟﻜﺎﻉ ﻓﺎﺿﺖ ﺍﺩﺭﻱ ﺍﻟﺤﻤﺎﻡ ﺟﻮﻩ ﻭﻓﻮﺕ ﻏﺴﻞ ﻣﺘﻨﺪﺭﺕ ﺍﻝ ﺑﻠﺒﺎﺏ
ﻟﻚ ﻣﻨﻮ ﺍﺑﻮ ﺍﻟﻮﺻﺦ ﺳﺎﻗﻂ ﺗﻌﺎﻝ ﺍﺷﻮﻑ ﺍﺑﻮ ﺍﻟﻮﺻﺦ ﺷﺮﺍﺡ ﻳﺴﻮﻱ ﺑﻴﻚ
ﻟﺰﻣﺖ ﺍﻟﺼﻮﻧﺪﻩ ﻭﻧﻜﻌﺘﻪ ﻭﻫﻮﻩ ﻳﺼﻴﺢ
ﻟﻚ ﺿﺮﺍﺭ ﻣﻨﺎ ﺍﻟﻌﺎﻟﻢ ﻭﺍﻟﻠﻪ ﺍﻧﻲ ﺍﺑﻮ ﺍﻟﻮﺻﺦ ﻣﻮﺍﻧﺖ ﺑﺲ ﻭﺧﺮ ﺍﻟﺼﻮﻧﺪﻩ
ﺍﺑﻘﻰ ﻫﻨﺎ ﺣﺘﻰ ﺗﺘﺎﺩﺏ ﺷﻮﻳﻪ
ﻟﻔﻴﺖ ﺍﻟﺼﻮﻧﺪﻩ ﻭﺳﺪﻳﺖ ﺍﻟﻤﻲ ﻭﺍﻟﺒﺎﺏ ﺑﻌﺪ ﻣﺎﺑﻠﻠﺘﻪ ﻭﺑﻘﻴﺘﻪ ﺑﺮﻩ
ﺿﺮﺍﺭ ﻋﻠﻴﻚ ﻣﺤﻤﺪ ﺍﻓﺘﺢ ﺍﻟﺒﺎﺏ ﻟﻚ ﺿﻠﻌﻲ ﺑﻠﺨﻮﻩ ﺍﻟﺒﻴﺘﻪ
ﺍﺍﺍﺍﺍﺍﺍﺍﺍﺍﺍﺍﺍﺍﺍﺷﻄﺢ ﻳﻠﻪ ﺍﺷﻄﺢ
ﻫﻬﻬﻬﻬﻬﻬﻪ ﺍﻧﻲ ﺃﻋﻠﻤﻚ ﺍﺭﺩﻩ ﻭﺍﻟﻠﻪ ﺍﺭﺩﻩ
ﺟﺮﺏ ﻭﺷﻮﻑ ﺷﻴﺼﻴﺮ ﺑﻴﻚ
ﻳﻌﻨﻲ ﻭﺍﻟﻠﻪ ﻣﻴﺼﻴﺮ ﻫﻴﺞ ﺍﻧﺖ ﻋﺎﺩﻱ ﺍﺑﻮﻳﻪ ﻣﻴﻮﻛﻊ ﻣﻦ ﺣﻠﻚ ﻭﺍﻧﻲ ﺍﺣﺠﻲ ﻛﻠﻤﻪ ﺍﺑﺘﻠﻲ ﻫﺴﻪ ﻛﺘﻠﻚ ﺍﻧﻲ ﺍﺑﻮ ﺍﻟﻮﺻﺦ ﺑﺲ ﺍﻓﺘﺢ ﺍﻟﺒﺎﺏ
ﺍﻋﺒﺮ ﻣﻦ ﺍﻟﺤﺎﻳﻂ
ﻧﻌﻠﻌﻠﻪ ﻏﻴﺮﺗﻚ ﻫﺎﻱ ﻋﻮﺩ ﺻﺪﻙ ﺗﺤﺠﻲ
ﻫﻬﻬﻬﻬﻬﻬﻪ ﻻﺍﺷﺎﻗﻪ ﻳﻠﻪ ﺗﻌﺎﻝ ﻓﻮﺕ ﻫﻞ ﻣﺮﻩ ﺳﻤﺎﺡ
ﺳﻤﺎﺡ ﻟﻮ ﺭﺳﻞ
ﺍﻣﺸﻲ ﺳﺎﻗﻂ ﻋﻮﺩ ﻳﻨﻜﺖ
ﻫﺎﺍﺍﺍ ﻫﺴﻪ ﻣﻨﻮ ﻳﻌﻴﻞ ﻣﻨﻮ ﺍﻟﻴﻐﻠﻂ
ﺍﻧﻲ ﺍﻏﻠﻂ ﺍﻱ ﺑﺲ ﺍﻧﺖ ﺗﻐﻠﻂ ﺭﻛﺒﺘﻚ ﺍﻣﻠﺼﻬﻪ
ﻟﻴﺶ ﻳﺎﺑﻪ ﺍﻧﺖ ﻧﺒﻲ ﻭﺍﻧﻲ ﻛﻮﺍ .........
ﻣﺸﻜﻠﺘﻚ ﻫﺎﻱ
ﺿﺮﺑﻨﻲ ﺑﻮﻛﺲ ﻋﻞ ﺑﻄﻨﻲ ﻭﻓﺎﺕ ﻟﻠﺤﻤﺎﻡ ﺭﻛﺾ ﺻﺤﺖ ﻭﺭﺍﻩ
ﺩﺩﺩﺩﺩﺩﺩﻭﻧﻲ ﻣﻮﺑﻴﺪﻙ
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻭﻭﻭﻭﻭﻭﺳﻢ ﺑﻜﻠﺒﻚ
ﻭﺍﻃﻲ ﺑﺲ ﻭﻧﺴﻨﻲ ﻭﺍﻧﻲ ﻣﻨﺎ ﻣﻨﺴﻢ ﻛﻌﺪﺕ ﺑﻠﺤﺪﻳﻘﻪ ﻣﺮﺗﺎﺡ ﻧﺒﻄﺤﺖ ﻋﻞ ﺣﺸﻴﺶ ﻣﺮﺗﺎﺡ ﺭﺍﺣﻪ ﻳﻤﻜﻦ ﻣﻦ ﺍﻟﻠﻪ ﺧﻠﻘﻨﻲ ﻟﻠﻴﻮﻡ ﻣﻤﺮﺗﺎﺡ ﻫﻴﺞ
ﻟﻚ ﺿﺮﺍﺭ ﻫﺎﻱ ﺣﺠﻴﺖ ﺟﻢ ﺟﻠﻤﻪ ﻭﻳﺎﻩ ﻫﻴﺞ ﻧﺴﻤﺖ ﻟﻮﺗﺤﺒﻚ ﺷﻴﺼﻴﺮ ﺑﻴﻚ ﺍﺍﺍﺍﺍﺍﺍﺍﻭﻳﻠﻲ ﺑﺎﻉ ﺍﺣﻼﻣﻲ ﺷﻜﺪ ﺑﻌﻴﺪﻩ ﺗﺤﺒﻨﻲ ﺯﻳﻦ ﺷﻨﻮ ﻣﻌﻨﺎﻩ ﺍﻧﻲ ﺣﺒﻴﺘﻪ ؟
ﺍﻱ ﻣﺎﺑﻴﻪ ﻣﺠﺎﻝ ﻳﻤﻜﻦ ﻫﺬﺍ ﺍﻟﺤﺐ ﻟﻴﺴﻮﻟﻔﻮﻥ ﻋﻠﻴﻪ ﺑﺲ ﺷﻜﺪ ﺣﻠﻮ ﻫﻴﺞ ﻳﺨﻠﻲ ﺍﻟﻮﺍﺣﺪ ﻣﺮﺗﺎﺡ ﻏﻤﻀﺖ ﻋﻴﻮﻧﻲ ﻭﺍﻧﻲ ﻣﻨﺒﻄﺢ ﻋﻞ ﺿﻬﺮﻱ ﻭﺍﺩﻳﻪ ﺟﻮﻩ ﺭﺍﺳﻲ ﺍﺷﻮ ﻋﻘﻠﻲ ﻧﺤﺮﻑ ﻭﻛﻤﺖ ﺃﺗﺨﻴﻞ ﺷﻐﻼﺕ ﻫﻨﺎﻙ ﻭﻋﻴﺖ ﺍﻧﻌﻞ ﺣﻀﻲ ﻫﺎﻱ ﻭﻳﻦ ﺭﺍﺡ ﻓﻜﺮﻱ ﺧﻞ ﺍﻛﻮﻡ ﺍﺭﻭﺡ ﺍﻟﻜﻬﻮﻩ ﺍﺣﺴﻦ ﻭﻳﻦ ﺍﻧﻄﻲ ﻭﺟﻬﻲ ﺑﻬﺬﺍ ﺍﻟﻴﻞ ﻭﻫﺎﻱ ﺍﻷﻓﻜﺎﺭ ﺑﺮﺃﺳﻲ
ﺧﻠﺼﺘﻪ ﺑﻠﻜﻬﻮﻩ ﻭﺍﺟﻴﺖ ﺑﺴﺮﻋﻪ ﻧﻤﺖ ﻭﺛﺎﻧﻲ ﻳﻮﻡ ﺭﺣﺖ ﻟﻠﻤﻌﻤﻞ ﻭﻳﻄﻠﻊ ﺻﺪﻙ ﻣﻌﻤﻞ ﺳﻴﺮﺍﻣﻴﻚ ﻭﻛﺎﺷﻲ ﺷﻜﺒﺮﻩ ﻭﻋﻤﺎﻝ ﺑﻲ ﻛﻮﻣﻪ ﻭﺃﺑﻮ ﻣﺎﺟﺪ ﻋﻞ ﺭﺃﺳﻬﻢ ﺍﻧﻘﻬﺮﺕ ﻛﻠﺖ ﺿﻠﻤﺖ ﺍﻟﺮﺟﺎﻝ ﻭﺷﻠﺖ ﺧﻄﻴﺘﻪ ﻭﻳﻦ ﺍﺭﻭﺡ ﻣﻦ ﺍﻟﻠﻪ ﻭﺍﻟﻠﻪ ﺻﻔﺎﺀ ﻣﻴﻨﻼﻡ ﺑﻴﻪ
ﺳﺘﻘﺒﻠﻨﻲ ﺑﻨﻔﺴﻪ ﻭﻋﺮﻓﻨﻲ ﻋﻞ ﺷﻜﻢ ﻭﺍﺣﺪ ﺫﻭﻟﻪ ﻫﻤﻪ ﺍﻝ ﻻﺯﻣﻴﻦ ﺍﻟﻤﻌﻤﻞ ﻭﺑﺪﺃ ﻳﻮﺟﻬﻨﻲ ﻭﺧﻼﻧﻲ ﻋﻞ ﻛﺺ ﻣﺎﺩﺭﻱ ﺷﻠﻮﻥ ﻫﻴﺞ ﻭﺍﺛﻖ ﺍﻧﻲ ﺍﻋﺮﻑ ﺍﻛﺺ ﻟﻠﻌﻠﻢ ﺟﺎﻧﺖ ﻣﻜﻴﻨﻪ ﺧﻄﺮﻩ ﻭﺍﻧﻲ ﺑﻄﺒﻌﻲ ﻣﻴﺼﻌﺐ ﻋﻠﻴﻪ ﺷﻲ ﺷﻔﺖ ﺍﻟﻜﺪﺍﻣﻲ ﺷﻴﺴﻮﻱ ﺑﺪﻳﺖ ﺍﺳﻮﻱ ﻣﺜﻠﻪ ﻭﺃﺑﻮ ﻣﺎﺟﺪ ﻳﺒﺎﻭﻋﻠﻲ ﻭﻳﺒﺘﺴﻢ
ﻭﻛﻤﻞ ﺍﻟﻴﻮﻡ ﻋﺎﺩﻱ ﻭﻛﻔﺖ ﺣﺎﻟﻲ ﺣﺎﻝ ﺍﻟﻌﻤﺎﻝ ﺍﺧﺬﺕ ﻳﻮﻣﻴﺘﻲ ﻭﺍﻟﺤﻠﻪ ﺟﺎﻧﺖ ﺳﺎﻋﻪ 6 ﺍﻟﻌﺼﺮ ﻫﻴﺞ ﺍﻝ ﺭﺗﺎﺣﻴﺖ ﻭﺣﺴﻴﺘﻪ ﺷﻐﻞ ﺗﻮﺏ ﻭﻳﺴﺘﺤﻴﻞ ﺑﻌﺪ ﺍﻋﻮﻓﻪ
ﺭﺟﻌﺖ ﻭﻛﻠﺸﻲ ﻃﺒﻴﻌﻲ ﻳﻮﻡ ﻳﻮﻣﻴﻦ ﻭﺍﻧﻲ ﻣﺴﺘﻤﺮ ﻭﺑﺎﻟﻲ ﺷﻐﻠﺘﻴﻦ ﺍﻝ ﺍﻭﻻ ﺍﺧﺎﺑﺮ ﻋﻞ ﺻﺪﻳﻖ ﺍﻣﻴﺮ ﻭﺍﻟﺜﺎﻧﻴﻪ ﺍﺭﻭﺡ ﺍﺷﻮﻑ ﺍﻟﻤﺼﻮﺭﻩ ..بيج قصص عراقيه حقيقيه من واقعنا.روعه الطائي
ﺻﺎﺭ ﻳﻮﻣﻴﻦ ﻣﻤﺎﺭ ﻣﻨﺎﻙ ﺑﺲ ﺍﻻﺑﺪﻩ ﺍﺷﻮﻑ ﺻﺪﻳﻖ ﺍﻣﻴﺮ
ﻃﻠﻌﺖ ﺭﻗﻤﻪ ﻭﺩﻛﻴﺖ ﻋﻠﻴﻪ ﺃﻭﻝ ﻣﺮﻩ ﻣﺠﺎﻭﺏ ﺛﺎﻧﻲ ﻣﺮﻩ ﺟﺎﻭﺏ
ﺍﻟﻮﻭﻭﻭ
ﺍﻟﻠﻪ ﻳﺴﺎﻋﺪﻙ
ﻭﻳﺴﺎﻋﺪ ﺑﺨﺘﻚ
ﻋﺒﺪﺍﻟﻠﻪ
ﺍﻱ ﺗﻔﻀﻞ
ﺍﻧﻲ ﺿﺮﺍﺭ ﻋﺮﻓﺘﻨﻲ
ﺳﻜﺖ
ﺿﺮﺍﺭ ﺃﺧﻮﻩ ﺍﻣﻴﺮ ﺻﺎﺣﺒﻚ
ﻫﺎﺍﺍ ﺍﻱ ﻳﺎﺑﻪ ﺍﻱ ﻋﺮﻓﺘﻚ ﻫﻼ ﺑﻴﻚ
ﺳﺌﺎﻟﺖ ﻋﻠﻴﻚ ﻭﻛﺎﻟﻮ ﺑﻐﺪﺍﺩ
ﺍﻱ ﻭﺍﻟﻠﻪ ﻫﻨﺎ ﺍﺷﺘﻐﻞ
ﺑﻴﻬﻪ ﺍﻟﺨﻴﺮ ﺍﻥ ﺷﺎﻟﻠﻪ
ﺧﻴﺮ ﻟﻴﺼﻴﺒﻚ
ﺯﻳﻦ ﻛﻠﻲ ﺍﺭﻳﺪ ﺍﺷﻮﻑ ﺑﻴﻪ ﻣﺠﺎﻝ
ﺍﻱ ﺷﻜﻮ ﺑﻴﻪ ﻭﻳﻦ ﺗﺮﻳﺪ ﺍﻧﻲ ﺣﺎﺿﺮ ﺗﺮﻳﺪ ﺍﻟﺼﺪﻙ ﺍﻧﻲ ﻫﻢ ﺍﺭﻳﺪ ﺍﺷﻮﻓﻚ
ﺟﺎﺀ ﺧﻮﺵ ﻛﻠﻲ ﺑﺒﺎ ﻣﻜﺎﻥ ﻭﺍﻧﺎ ﺍﺟﻴﻚ
ﺍﻧﻲ ﺑﻞ ................... ﺍﺫﺍ ﺗﻨﺪﻟﻪ
ﺍﻱ ﺍﻧﺪﻟﻪ ﻋﺎﺩﻱ ﻫﺴﻪ ﺍﺟﻲ
ﺍﻱ ﺑﺮﺍﺣﺘﻚ
ﺧﻮﺵ ﺳﺎﻋﻪ ﺑﺠﺜﻴﺮ ﻭﺍﻧﺎ ﻳﻤﻚ
ﻫﻼ ﺑﻴﻚ
ﺑﺎﻟﻤﻬﻠﻲ ﻣﻊ ﺍﻟﺴﻼﻣﻪ
ﺳﺪﻳﺘﻪ ﻭﺭﺣﺖ ﺑﺪﻟﺖ ﻭﻋﺪﻝ ﻭﻛﺒﻞ ﻋﻞ ﻋﻨﻮﺍﻥ ﻣﻨﺘﻀﺮ ﺑﻔﺎﺭﻍ ﺍﻟﺼﺒﺮ ﻭﺍﺭﻳﺪ ﺍﻋﺮﻑ ﻣﻜﺴﺮﺍﺕ ﺣﻤﻴﺮ ﺍﻟﻜﺎﻝ ﻋﻠﻴﻬﻦ ﺷﻨﻲ ﻫﻨﺎ
ﻭﻳﺎﺭﺑﻲ ﺍﻃﻠﻊ ﻏﻠﻄﺎﻥ
ﻭﺍﻝ ﺑﺎﻟﻲ ﻣﻮﺻﺤﻴﺢ
ﻳﺘﺒﻊ،،،،،،،،،،،،،،،،
ﺍﺧﻮﻱ ﺍﻟﻤﺎﻳﺤﻦ ﻟﻴﻪ ﻭﺍﺣﻦ ﻟﻴﻪ ﻓﻼﺍﺭﻳﺪﻩ
ﻭﻳﻨﺸﺪﻭﻧﻲ ﻋﻠﻴﻪ ﻭﺍﻧﻲ ﻓﻼ ﺍﺭﻳﺪﻩ
ﺍﻟﻐﺪﺭﻧﻲ ﻭﺍﻧﻲ ﻣﺎﺩﺭﻱ ﻓﻼ ﺍﺭﻳﺪﻩ
ﻭﺑﺮﻱ ﻣﻨﻪ ﻟﺤﺪ ﻳﻮﻡ ﺍﻟﻤﻨﻴﻪ
ﺍﻟﺼﻮﺭﻩ ﺗﺤﻤﻞ ﺍﻟﻜﺜﻴﺮ ﻣﻦ ﺍﻟﻤﻌﺎﻧﻲ ﻭﺍﻟﺤﻠﻴﻢ ﺗﻜﻔﻲ ﺍﻻﺷﺎﺭﻩ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤