#هبة__ريح
رفل الكناني
#بارت٢٠
،،،،،،،،،،،،،،،،،،،،،،،،،،،،،،،،،
ﺳﺎﻣﺤﻴﻨﻲ ﻓﻘﺪ ﺣﺎﻟﺖ ﺑﻴﻨﻲ ﻭﺑﻴﻨﻜﻲ ﺍﻟﻄﺮﻗﺎﺕ ،،،،،،
ﻛﻨﺖ ﺍﺭﺳﻢ ﻋﻠﻰ ﺟﺪﺭﺍﻥ ﻗﻠﺒﻜﻲ ﺍﻣﺎﻟﻲ،،،،،،،،،،
ﺧﺎﺑﺖ ﻭﺍﻟﻘﻠﺐ ﻳﻨﺰﻑ ﻟﺠﻠﻜﻲ ﻓﻬﻞ ،،،،،،،،،،،،
ﻳﺄﺗﻲ ﻳﻮﻣﺎ ﻭﺗﻨﻔﺘﺢ ﻧﺎﻓﺬﻩ ﺗﻄﻞ ،،،،،،،،،،
ﻋﻠﻰ ﻭﺗﻴﻦ ﻗﻠﺒﻲ ﻭﻗﻠﺒﻜﻲ ،،،،،،،،،،،،
ﺍﻡ ﺇﻟﻰ ﻫﻨﺎﺀ ﺳﻨﻔﺘﺮﻕ ﻭﻧﻘﻮﻝ ،،،،،،،،،،،
ﻳﺎﻟﻴﺖ ﻫﺬﺍ ﻟﻢ ﻳﻜﻦ؟
ﺭﻏﺪ ......... ﺍﻟﺘﻔﺘﻨﻪ ﻋﻞ ﺻﻮﺕ ﺍﻟﻜﺰﺍﺯ ﻣﻦ ﺗﻄﺸﺮ ﻭﻣﻦ ﺷﻔﺖ ﻭﺭﺩﻩ ﻭﺭﺍﻧﻪ ﻗﻄﺮﺕ ﺩﻡ ﻣﻀﻠﺖ ﺑﻴﻪ ﺍﻟﺪﻣﻮﻉ ﺗﻬﻤﻠﻞ ﻋﺸﺮﻩ ﻋﺸﺮﻩ ﺻﺮﺕ ﻛﻠﻲ ﺍﺧﺘﺾ ﻣﻦ ﻓﻮﻙ ﻟﻴﺠﻮﻩ ﻭﻣﺎﻛﺪﺭ ﺍﺑﺎﻭﻉ ﺑﻌﻴﻨﻪ ﺍﻟﻀﺎﻫﺮ ﺳﺎﻣﻌﻪ ﻛﻠﺸﻲ ﺃﻣﻴﻦ ﺩﻧﻚ ﻭﻃﻠﻊ ﻭﻫﻴﻪ ﺭﻛﻀﺖ ﻟﻠﻐﺮﻓﻪ ﻭﺍﻧﻲ ﻭﺭﺍﻩ ﻭﺍﻛﻠﻪ
ﻭﻭﻭﺭﺩﻩ ﺍﻟﻠﻪ ﻋﻠﻴﺞ ﺑﺲ ﺍﺳﻤﻌﻴﻨﻲ ﺧﻞ ﺍﻓﻬﻤﺞ
ﺍﺷﺮﺗﻠﻲ ﺑﺼﺒﻌﻪ ﻋﻞ ﺑﺎﺏ ﻭﻋﺎﻃﺖ
ﻃﻠﻠﻠﻠﻠﻌﻲ ﺑﺮﻩ
ﻭﺭﺩﻩ ﻻ ﺗﺴﻮﻳﻦ ﻫﻴﺞ ﺍﺳﻤﻌﻲ ﻣﻨﻲ ﻭﺍﺣﻜﻤﻲ
ﺑﻠﺤﻀﻪ ﺗﻬﺴﺘﺮﺕ ﻭﻛﺎﻣﺖ ﺗﻠﻄﻢ ﻭﺗﺼﻚ ﻋﻞ ﺳﻨﻮﻧﻪ ﻭﺗﺼﻴﺢ
ﺷﺴﻤﻊ ﻫﺎﺍﺍﺍﺍ ﻛﻠﻴﻠﻲ ﺷﺴﻤﻊ ﻣﻮﻛﻠﺸﻲ ﺳﻤﻌﺖ ﺑﺎﺫﻧﻲ ﺩﻛﻠﻴﻠﻪ ﺍﺣﺒﻚ ﻭﺃﻛﺜﺮ ﻣﻨﻚ ﻫﺎﻱ ﺷﻨﻮﻭﻭ ﻣﻌﻨﺎﻩ ﺍﺍﺍﺍﺍﺣﺠﻲ ﺷﻨﻮ ﻣﻌﻨﺎﻩ ﻭﻟﺞ ﻓﺘﺤﺘﻠﺞ ﻛﻠﺒﻲ ﻭﻛﺘﻠﺞ ﺍﺣﺒﻪ ﺗﺮﺭﺭﺭﺭﻭﺣﻴﻦ ﺗﺤﺒﻲ ﻳﻠﻨﺬﻟﻪ
ﻭﺭﺩﻩ ﻣﻮ ﻫﻴﺞ ﻭﺍﻟﻠﻪ
ﺍﺍﺍﺍﺍﺍﺍﺍﺍﺵ ﻭﻻ ﻛﻠﻤﻪ
ﻫﻨﺎ ﻛﻞ ﺍﻻﻭﺭﺍﻕ ﺍﻧﻜﺸﻔﺖ ﻭﺑﻌﺪ ﻣﺎﻛﺪﺭﺕ ﺍﺳﻜﺖ ﻣﺜﻞ ﻣﻨﻬﺎﺭﺕ ﺍﻧﻲ ﺍﻧﻬﺎﺭﻳﺖ ﻭﻛﻤﺖ ﺍﺻﻴﺢ
ﻣﻦ ﻭﻭﻭﻭﻭﺭﺍﺝ ﻣﻦ ﻭﻭﻭﻭﺭﺍﺝ ﺣﺒﻴﺘﻪ ﺷﻜﺎﻝ ﺃﻣﻴﻦ ﻭﺷﺤﺠﻪ ﺃﻣﻴﻦ ﻭﻟﻴﺶ ﻣﺎﺍﺟﻪ ﻭﻟﻴﺶ ﻣﻴﺤﺒﻨﻲ ﺧﻠﻴﺘﻴﻨﻲ ﺍﺭﺍﻗﺒﻪ ﻭﻣﺎﺷﻔﺖ ﺍﻟﺤﺐ ﺍﻟﻲ ﺗﺤﺒﻴﻠﻬﻴﺎ ﺑﻌﻴﻮﻧﻪ ﻭﻭﻭﻭﻟﺞ ﺷﻔﺖ ﺍﻟﻌﻜﺲ ﺷﻔﺖ ﻧﻀﺮﺍﺕ ﺍﻟﺤﺐ ﺑﺘﺠﺎﻫﻲ ﻣﻮﺑﺘﺠﺎﻫﺞ ﺍﺍﺍﺍﺍﺍﻓﻬﻤﻲ ﻋﺎﺩ ﺍﻓﻬﻤﻲ ﺃﻣﻴﻦ ﻳﺤﺒﻨﻲ ﻭﻣﺎﻳﺤﺒﺞ
ﺍﺍﺍﺍﻩ ﻳﻠﺨﺎﻳﻨﻪ ﻳﺎ ﻟﺤﻘﻴﺮﻩ ﻭﺩﻛﻮﻟﻴﻪ ﺑﻮﺟﻬﻲ ﻭﻟﺞ ﺷﺴﻮﻳﻠﺞ ﻫﺴﺴﺴﺴﺴﻪ ﺍﺷﺮﺏ ﻣﻦ ﺩﻣﺞ ﻛﻠﻴﻠﻲ ﻭﻟﺞ ﻧﺎﺭ ﻭﻣﺸﺘﻌﻠﻪ ﺑﻀﻠﻮﻋﻲ ﺷﻠﻮﻥ ﻧﻄﺎﺝ ﻛﻠﺒﺞ ﺷﻠﻮﻥ ﻧﻤﺘﻲ ﺍﻟﻴﻞ ﻭﺍﻧﺘﻲ ﺗﺪﺭﻳﻨﻲ ﺍﻧﻲ ﺃﺗﻤﻨﻰ ﺍﻟﻨﻀﺮﻩ ﻣﻨﻪ
ﻭﺭﺩﻩ ﻛﺎﻓﻲ ﺍﺭﺣﻤﻲ ﻧﻔﺴﺞ ﻭﺭﺣﻤﻴﻨﻲ ﻭﻳﺎﺝ ﻭﻃﻠﻌﻴﻨﻲ ﻣﻦ ﻛﻞ ﺍﻟﻌﺬﺍﺏ ﺍﻟﻌﺸﺘﻪ ﻛﻞ ﺫﻳﺞ ﺍﻟﻔﺘﺮﻩ ﻭﻫﺎﻱ ﺍﻧﻲ ﺍﻛﺒﺎﻟﺞ ﺷﺘﺴﻮﻳﻦ ﺳﻮﻱ ﻣﺪﺍﻡ ﻛﻠﺸﻲ ﻧﻜﺸﻒ ﻛﺪﺍﻣﺞ
ﻭﻛﻔﺖ ﺑﺸﻤﻮﺥ ﻭﻣﺴﺤﺖ ﺩﻣﻮﻋﻪ ﻭﺑﻜﻞ ﻗﻮﻩ ﻛﺎﻟﺖ
ﻫﺎﻳﻬﻴﻪ ﻳﺨﺘﻲ ﺑﺎﻟﻌﺎﻓﻴﻪ ﻋﻠﻴﺞ ﺃﻣﻴﻦ ﻣﻬﻨﺎﻳﻪ ﺑﻲ ﻭﺭﺍﺡ ﺍﺯﻓﺞ ﺑﻴﺪﻱ ﻋﻠﻴﻪ ﺑﺲ ﺧﻠﻴﻪ ﺑﺎﻟﺞ ﻭﺗﺬﻛﺮﻳﻪ ﻭﺳﻮﻟﻔﻴﻪ ﻟﻮﻻﺩﺝ ﺗﺮﺍﺝ ﺑﻴﻮﻡ ﻣﻦ ﺍﻻﻳﺎﻡ ﺧﻨﺘﻴﻨﻲ ﻭﻓﻀﻠﺘﻲ ﻛﻠﺒﺞ ﻋﻞ ﺍﺧﺘﺞ ﻭﺍﻧﻲ ﻣﻦ ﻫﺎﻱ ﺍﻟﺴﺎﻋﻪ ﻛﺘﻠﺖ ﺷﻲ ﺍﺳﻤﻪ ﺃﻣﻴﻦ ﺑﺪﺍﺧﻠﻲ ﻭﻫﻮﻩ ﻭﺿﺮﺍﺭ ﺻﺎﺭ ﻭﺍﺣﺪ ﺑﻌﻴﻨﻲ
ﺣﺠﺘﻪ ﻭﻋﺎﻓﺘﻨﻲ ﻭﻃﻠﻌﺖ ﻋﺒﺎﻟﻚ ﻭﺍﺣﺪ ﻭﻛﻔﺨﻨﻲ ﻋﻞ ﺭﺍﺳﻲ ﻭﺻﺤﺎﻧﻲ ﻫﺎﻱ ﻋﻮﺩ ﺻﺪﻙ ﻣﻌﻘﻮﻟﻪ ﻭﺭﺩﻩ ﺗﻨﺎﺯﻟﺘﻠﻲ ﻋﻦ ﺃﻣﻴﻦ ﻭﺑﻬﺎﻱ ﺍﻟﺴﺮﻋﻪ ﻻﻻ ﺍﺧﺎﻑ ﺍﺧﺘﻲ ﻣﻦ ﺍﻟﺼﺪﻣﻪ ﺻﺎﺭ ﺑﻴﻪ ﺷﻲ
ﻛﻌﺪﺕ ﻋﻞ ﺳﺮﻳﺮ ﻭﺣﻴﻠﻲ ﻳﺮﺟﻒ ﻭﻣﻨﻀﺮﻧﻪ ﻗﺒﻞ ﺷﻮﻳﻪ ﻣﻦ ﻭﺍﻛﻔﻴﻦ ﻛﻠﻨﻪ ﺳﻮﻩ ﻣﻴﺮﻭﺡ ﻣﻦ ﺑﺎﻟﻲ ﻳﻤﻜﻦ ﺟﺎﻧﺖ ﺩﻗﺎﻳﻖ ﻣﻦ ﻣﺮﺕ ﺑﻴﻪ ﻛﻞ ﻫﺎﻱ ﺍﻟﺴﻮﺍﻟﻒ ﺑﺲ ﺑﻠﺪﻳﺪﻭﺭ ﺑﺮﺍﺳﻲ ﻋﺒﺎﻟﻚ ﺩﻫﺮ ﻓﻮﺿﻰ ﻭﻫﻮﺳﻪ ﻭﺻﺪﻣﻪ ﻋﻘﻠﻲ ﻣﺪﻳﺸﻴﻠﻪ
ﻳﻌﻨﻲ ﺷﻨﻮﻭﻭ ﻭﺭﺩﻩ ﻫﺎﻳﻬﻴﻪ ﻋﺮﻓﺖ ﻭﺳﻜﺘﺖ ﺯﻳﻦ ﺍﻧﻲ ﺷﺴﻮﻱ ﺍﺑﻘﻰ ﻭﻳﺎﻩ ﻟﻮ ﺍﻋﻮﻓﻪ ﻟﻮ ﺷﻨﻮﻭﻭ ﺍﺍﺍﺍﺍﺍﺥ ﺭﺑﻲ ﺭﺍﺳﻲ ﺭﺍﺡ ﻳﻨﻔﺠﺮ ﻭﺑﻌﺪ ﻣﺎ ﺗﺤﻤﻞ ﺍﺭﻳﺪ ﺍﻧﺎﻡ ﻭﻛﻮﻥ ﻣﺎﻛﻌﺪ ﻭﻻ ﺍﺭﻳﺪ ﺍﻟﺼﺎﺭ ﻳﻨﻌﺎﺩ ﻭﻻﺍﺗﺬﻛﺮﻩ
ﺧﻠﻴﺖ ﺭﺍﺳﻲ ﻋﻞ ﻣﺨﺪﻩ ﻭﺍﺭﺩﺩ ﻫﺎﻫﻴﻪ ﺭﻏﺪ ﻭﺭﺩﻩ ﻋﺮﻓﺖ ﻭﺍﻟﺠﻨﺘﻲ ﺧﺎﻳﻔﻪ ﻣﻨﻪ ﺻﺎﺭ ﺳﺘﺴﻠﻤﻲ ﻟﻼﻣﺮ ﺍﻟﻮﺍﻗﻊ ﻭﺧﻠﻲ ﺍﻻﻣﻮﺭ ﺗﻤﺸﻲ
ﻳﻤﻜﻦ ﺑﻬﺬﺍ ﺍﻟﻜﻼﻡ ﺟﻨﺖ ﺍﻗﻨﻊ ﻧﻔﺴﻲ ﻭﺍﻧﻲ ﻣﺎﻟﻲ ﻋﻴﻦ ﺍﺑﺎﻭﻉ ﺑﻮﺟﻪ ﺍﺣﺪ ﻭﺍﺣﺲ ﻛﻞ ﺍﻟﻲ ﺭﺍﺡ ﻳﺸﻮﻓﻨﻲ ﻳﻌﺮﻑ ﺑﻠﺴﻮﻳﺘﻪ ﺍﻧﻲ ﺻﺤﻴﺢ ﺣﺒﻴﺖ ﺑﺲ ﺣﺒﻴﺖ ﺍﻟﺸﺨﺺ ﺍﻟﺨﻄﺎﺀ ﻭﻣﺎﺩﺭﻛﺖ ﻫﺬﺍ ﺍﻟﺸﻲ ﺇﻟﻰ ﺑﻌﺪ ﻓﻮﺍﺕ ﺍﻷﻭﺍﻥ .........
ﺿﺮﺍﺭ .......... ﺍﺷﺘﻐﻞ ﺑﺎﻟﻌﻤﻞ ﻭﻣﺮﺗﺎﺡ ﻣﻦ ﻧﺎﺣﻴﺘﻪ ﺍﺑﻮ ﻣﺎﺟﺪ ﻳﻤﺮ ﺩﻭﻡ ﻳﺸﻮﻑ ﺍﻟﺸﻐﻞ ﻭﻣﺮﺗﻴﻦ ﺩﺯ ﺳﺎﻳﻖ ﺳﻴﺎﺭﺗﻪ ﺑﺸﻐﻠﻪ ﻭﺗﺄﺧﺮ ﻭﻛﺪﺍﻡ ﺍﻟﻌﻤﺎﻝ ﺧﺎﺑﺮﻩ ﺭﺯﻟﻪ ﻭﻛﻠﻪ ﺑﻌﺪ ﻟﺘﺠﻲ ﻭﺑﻨﻔﺲ ﺍﻟﻮﻗﺖ ﺳﻮﻩ ﺭﻭﺣﻪ ﻋﺼﺐ ﻭﺭﺗﻔﻊ ﺿﻐﻄﻪ ﻭﻃﻠﺐ ﻣﻨﻲ ﺍﻭﺻﻠﻪ ﻟﻠﺒﻴﺖ ﻭﻓﻌﻼ ﻭﺻﻠﺘﻪ ﻭﻣﻦ ﺭﺟﻌﺖ ﺷﺎﻝ ﻓﻠﻮﺱ ﻭﻧﻄﺎﻧﻲ ﻛﻠﻲ ﻫﺎﻱ ﻻﻥ ﻋﻔﺖ ﺷﻐﻠﻚ ﻭﺍﺟﻴﺖ ﻭﻳﺎﻱ
ﺍﺧﺬﺗﻬﻢ ﻭﺗﺸﻜﺮﺗﻪ ﻭﺭﺟﻌﺖ ﻟﻠﺒﻴﺖ ﺑﻴﻮﻣﻪ ﻟﻜﻴﺖ ﺳﻴﺎﺭﻩ ﻃﺎﺑﻜﻪ ﺑﺎﺑﻨﻪ ﻭﻳﻤﻬﻪ ﺯﻟﻢ ﺛﻨﻴﻦ ﻭﻳﺎﻩ ﻭﺻﻮﻟﻲ ﺗﺮﺧﺼﻮ ﻭﺻﻌﻮﺩ ﺍﻟﺴﻴﺎﺭﻩ ﻭﻃﻠﻮ ﺗﻘﺮﺑﺖ ﻣﻦ ﺻﻔﺎﺀ ﻭﺟﻬﻪ ﻳﺪﻝ ﺍﻛﻮ ﺳﺎﻟﻔﻪ ﻣﻜﺪﺭﺗﻪ ﻛﺘﻠﻪ
ﻫﺎﺍﺍﺍ ﺧﻴﺮ ﺿﻠﻌﻲ ﺷﺼﺎﻳﺮ ﻣﻨﻮ ﺫﻭﻟﻪ ﺍﻟﺠﻤﺎﻋﻪ
ﻣﺴﺢ ﻭﺟﻬﻪ ﺑﻘﻬﺮ ﻭﺻﺪ ﻋﻠﻴﻪ ﻭﻛﺎﻝ
ﻫﺬﺍ ﺻﺎﺣﺐ ﺍﻟﺒﻴﺖ ﻭﻳﺮﺩ ﺍﻟﺒﻴﺖ ﻭﺍﺟﻪ ﻳﺒﻠﻐﻨﺎ ﻧﻔﺮﻏﻠﻴﻬﺎ
ﻻﺑﺮﺑﻚ ﺻﺪﻙ ﺗﺤﺠﻲ
ﺍﻱ ﻭﺍﻟﻠﻪ
ﺍﻱ ﻭﺗﺎﻟﻲ ﺷﻜﺘﻠﻪ
ﻫﻮﻩ ﻛﺎﻝ ﺍﻟﻜﻢ ﻣﻬﻠﻪ ﺳﺒﻮﻉ ﻭﺍﺭﻳﺪ ﺍﻟﺒﻴﺖ ﻓﺮﻍ ﺩﺑﺮﻭ ﺣﺎﻟﻜﻢ
ﺳﺘﻐﻔﺮﺍﻟﻠﻪ ﻫﺴﻪ ﻫﺬﺍ ﻭﻛﺘﻪ ﺍﺣﻨﺎ ﻳﺎﺩﻭﺏ ﺑﺪﻳﻨﻪ ﻧﺸﺘﻐﻞ ﻣﻨﻴﻦ ﻃﻠﻌﻨﻪ ﺻﻔﺢ
ﺑﺎﺑﻪ ﻏﻴﺮ ﺑﻴﺘﻪ ﻭﺍﻟﻔﺮﺱ ﺍﻟﻤﻮﺍﻟﻚ ﺍﺧﻴﺮﻙ ﻧﺎﺯﻝ ﻣﻨﻪ
ﻫﻢ ﺻﺪﻙ ﺑﺲ ﻣﻮﻛﺘﻪ ﻛﻠﺶ ﺍﻧﻲ ﺑﺮﺍﺳﻲ ﺍﻟﻒ ﻣﻮﺍﻝ ﻭﻫﻞ ﻣﻮﺿﻮﻉ ﺭﺍﺡ ﻳﺸﺪﻫﻨﻲ
ﺻﺪﻙ ﺗﻌﺎﻝ ﺍﻛﻠﻚ ﺍﻧﺖ ﺷﻤﺎﻟﻚ ﺍﺷﻮﻭ ﺍﻭﺿﺎﻋﻚ ﻛﻠﻪ ﻣﺨﺮﺑﻄﻪ
ﺑﻌﺪﻳﻦ ﺍﻛﻠﻚ ﻣﻮ ﻫﺴﻪ ﻫﺴﻪ ﺧﻠﻴﻨﻪ ﺑﺴﺎﻟﻔﻪ ﺍﻟﺒﻴﺖ ﻭﻳﻦ ﺭﺍﺡ ﻧﻮﻟﻲ
ﻭﻳﻦ ﻳﻌﻨﻲ ﻧﺮﺟﻊ ﻟﻠﻔﻨﺪﻕ ﻭﺍﺑﻮﻙ ﺍﻟﻠﻪ ﻳﺮﺣﻤﻪ
ﻳﻤﻌﻮﺩﻩ ﻻﺗﻜﻮﻟﻪ ﻭﺍﻧﻲ ﺷﻠﻮﻥ ﺑﻴﻪ ﺟﻨﻲ ﺗﻌﻠﻤﺖ ﻋﻞ ﻫﺬﺍ ﺍﻟﺒﻴﺖ ﻭﺍﻟﺤﺪﻳﻘﻪ ﻟﺘﺮﺩ ﺭﻭﺣﻲ
ﺟﺎﺀ ﺷﻨﺴﻮﻱ ﺑﻌﺪ ﺣﻜﻢ ﺍﻟﻮﻗﻮﻱ ﻋﻞ ﺿﻌﻴﻒ ﻭﺍﻟﺮﺟﺎﻝ ﻣﺎﺭﺩﺍﺩ ﺍﻝ ﺣﻘﻪ
ﺍﻟﻠﻪ ﻛﺮﻳﻢ ﺍﻟﻠﻪ ﻳﺤﻠﻪ ﺍﻧﻲ ﻃﺎﻟﻊ ﻫﺴﻪ ﺍﺟﻲ
ﺧﺎﺏ ﻭﻳﻦ ﻣﺎﺩﻛﻠﻲ ﻛﻞ ﻳﻮﻡ ﺍﻭﻝ ﻣﺎ ﺗﺠﻲ ﺗﻄﻔﺮ ﺳﺎﻋﻪ ﻭﺗﺮﺟﻊ ﺍﺩﺭﻱ ﻭﻳﻦ ﺩﺗﺮﻭﺡ
ﻭﺍﻧﺖ ﺷﻨﻮ ﻣﺮﺍﻗﺒﻨﻲ ﻳﻤﺪﻫﻮﺭ
ﻻﻣﻤﺮﺍﻗﺒﻚ ﺑﺲ ﺟﻨﻲ ﻣﻨﺎ ﻭﻫﻴﺞ ﺭﺍﺡ ﺍﺳﻮﻳﻪ ﻭﺍﻣﺸﻲ ﻭﺭﺍﻙ ﺍﺷﻮﻑ ﻫﺎﻱ ﻟﺴﻮﻳﻌﻪ ﻭﻳﻦ ﺗﻜﻀﻴﻬﻪ
ﺩﺳﻮﻳﻪ ﻭﺷﻮﻑ ﺣﺘﻰ ﺍﺛﺮﻣﻚ
ﺩﺭﻭﺡ ﺭﻭﺡ ﺧﻞ ﻧﺸﻮﻑ ﺷﻨﻮ ﺗﺎﻟﻴﺘﻚ
ﻃﻠﻌﺖ ﻭﺭﺩﻳﺖ ﺍﻟﺒﺎﺏ ﻭﺗﻤﺸﻴﺖ ﻣﺜﻞ ﻛﻞ ﻳﻮﻡ ﻟﻤﺤﻞ ﺍﻟﺘﺼﻮﻳﺮ ﺍﻟﺼﺎﺭ ﺟﺰﺀ ﻣﻦ ﻳﻮﻣﻲ ﻣﻦ ﻳﻮﻡ ﺍﻻﺟﻴﺖ ﻭﺣﺠﻴﺖ ﻭﻳﺎﻩ ﻭﺷﻔﺖ ﺗﺮﺍﻓﺘﻪ ﺭﻭﺣﻲ ﺗﻌﻠﻚ ﺑﻴﻪ ﻭﻛﻤﺖ ﻳﻮﻣﻪ ﺍﺟﻲ ﺍﻛﻌﺪ ﺳﺎﻋﻪ ﻛﺒﺎﻝ ﺍﻟﻤﺤﻞ ﻭﺭﺟﻊ ﺟﻨﺖ ﺍﺳﻮﻱ ﻫﻴﺞ ﻻﻥ ﻣﺘﺎﻛﺪ ﻫﻴﻪ ﺩﺷﻮﻓﻨﻲ ﻣﻦ ﻭﺭﺍﻩ ﺍﻟﺠﺎﻡ ﺍﻟﻤﻀﻠﻞ ﻣﺎﻋﺮﻑ ﻟﻴﺶ ﻫﻴﺞ ﺍﺣﺲ ﻳﺠﻮﺯ ﺍﻃﻠﻊ ﻣﺘﻮﺍﻫﻢ ﺑﺲ ﺑﻬﻞ ﻓﺘﺮﻩ ﻭﻣﻦ ﺧﻼﻝ ﻧﻀﺮﺍﺗﻪ ﻣﻦ ﺗﻄﻠﻊ ﻭﺍﺷﻮﻑ ﺷﺒﺢ ﺍﺑﺘﺴﺎﻣﻪ ﺧﻔﻴﻔﻪ ﻫﻞ ﻭﺟﻬﻪ ﺍﻛﻮﻝ ﻣﺘﺎﻛﺪ ﺗﺪﺭﻱ ﺑﻴﻪ ﻳﻮﻣﻪ ﻛﺎﻋﺪﻟﻪ ﻫﻨﺎ
ﺟﻨﺖ ﻛﺎﻋﺪ ﻭﺍﻟﺠﻜﺎﺭﻩ ﺑﻴﺪﻱ ﻧﻔﺘﺤﺖ ﺑﺎﺏ ﺍﻟﻤﺤﻞ ﻭﻃﻠﻌﺖ ﺑﺎﻭﻋﺖ ﻳﻤﻨﻪ ﻳﺴﺮﻩ ﻭﻣﺎﻭﺟﻬﺖ ﻧﻀﺮﻩ ﻋﻠﻴﻪ ﻭﺍﻧﻲ ﻛﺒﺎﻟﻪ ﻫﻤﻴﺖ ﻭﻛﻤﺖ ﺣﺘﻰ ﺍﻟﻔﺖ ﻧﻀﺮﻩ ﺑﺲ ﻫﻴﻪ ﺷﻌﻠﺘﻲ ﺷﻌﻞ ﻣﻦ ﺩﻧﻜﺖ ﺗﻘﻐﻞ ﺑﻠﻜﺒﻨﻚ ﺗﺨﺒﻠﺖ ﻭﻣﺎﺿﻞ ﻋﻘﻞ ﺑﺮﺍﺳﻲ ﻳﺠﻮﺯ ﻫﻴﻪ ﺷﻐﻠﻪ ﻋﺎﺩﻳﻪ ﻭﻛﻞ ﻳﻮﻡ ﻫﻴﻪ ﺗﺴﻮﻳﻪ ﺑﺲ ﺍﻧﻲ ﻋﻘﻠﻲ ﻣﻨﺤﺮﻑ ﻭﻛﻠﺖ ﺍﻟﻔﻜﺮﺕ ﺑﻲ ﻳﺠﻮﺯ ﻳﻔﻜﺮ ﺑﻲ ﻛﻞ ﻣﻦ ﻣﺎﺭ ﻣﻨﺎ
ﻣﺘﺤﻤﻠﺖ ﻭﺑﺴﺮﻋﻪ ﺗﻮﺟﻬﺖ ﻋﻠﻴﻪ ﺻﺮﺕ ﻭﺭﺍﻩ ﻭﻧﺘﺮﺕ
ﻛﻮﻣﻲ ﻣﻦ ﺍﻟﻜﺎﻉ ﻭﻻﺗﻌﻴﺪﻳﻦ ﻫﺎﻱ ﺍﻟﻠﻘﻄﻪ ﻻﻭﺍﻟﺨﻠﻘﺞ ﺍﻫﺠﻢ ﺣﺘﻰ ﺍﻟﻤﺤﻞ
ﻭﻛﻔﺖ ﻋﻞ ﺣﻴﻠﻪ ﻭﻧﺪﺍﻧﺖ ﻣﺘﻔﺎﺟﻪ ﻭﺑﺮﺗﺒﺎﻙ ﻭﺑﻜﻞ ﻓﻬﻮﺍﻩ ﻛﺎﻟﺖ
ﻫﺎﺍﺍ
ﺟﺎﻭﺑﺘﻪ ﻭﺍﻟﺸﻴﺎﻃﻴﻦ ﺗﻜﻤﺰ ﻛﺒﺎﻟﻲ ﻭﻛﻠﺖ
ﻣﻦ ﻛﺎﻝ ﻫﺎﺍﺍ ﺳﻤﻊ
ﻣﺜﻞ ﺍﻟﻮﻋﺖ ﻋﻞ ﻧﻔﺴﻪ ﻭﺻﺤﺖ ﻣﻦ ﻏﻔﻠﻪ ﺟﺎﻧﺖ ﺑﻴﻪ ﻋﻘﺠﺖ ﻭﺟﻬﻪ ﻭﻛﺎﻟﺖ ﺑﺰﻣﺦ
ﻭﺍﻧﺖ ﻣﻨﻮﻭ ﺣﺘﻰ ﺗﺤﺎﺟﻴﻨﻲ ﻭﺍﻧﺖ ﺷﻨﻮﻭﻭ ﺣﺘﻰ ﺗﻬﺠﻢ ﺍﻟﻤﺤﻞ
ﻧﺼﻲ ﺻﻮﺗﺞ ﻭﺍﺣﺠﻲ ﻭﻳﺎﻱ ﻣﻌﺪﻝ ﻳﺎﺑﻨﺖ ﺍﻻﻭﺻﻞ
ﺑﻨﺖ ﺍﺻﻮﻝ ﻭﻏﺼﺒﻦ ﻣﺎﻋﻠﻴﻚ ﻟﻴﺶ ﺷﺎﻳﻔﻴﻨﻲ ﻳﻤﻪ
ﻣﺎﺷﺎﻳﻒ ﺷﻲ ﺑﺲ ﺑﺎﻟﻠﻪ ﻋﻠﻴﺞ ﺍﻛﻮ ﺑﻨﺖ ﺍﺻﻮﻝ ﻭﻣﺤﺘﺮﻣﺔ ﺗﺪﻧﺞ ﺑﻨﺺ ﺍﻟﺸﺎﺭﻉ ﻫﻴﺞ
ﻻ ﺍﻧﺖ ﻓﻌﻼ ﻭﻗﺢ ﻭﺯﻭﺩﺗﻪ ﻛﻠﺶ ﻭﺭﺍﺡ ﺍﺑﺪﻱ ﺍﺗﺠﺎﺯﻭﺯ ﻋﻠﻴﻚ ﺑﻠﻪ ﺷﻨﻮ ﻫﺬﺍ ﺍﻟﻜﻼﻡ ﺍﻟﺪﺩﻛﻮﻟﻪ
ﻋﻤﻲ ﻋﺎﻳﻞ ﻋﻠﻴﺞ ﺗﺼﺮﻓﺞ ﻣﻮ ﺣﻠﻮ ﺟﺎﺀ ﻫﻴﻪ ﻛﻮﻩ
ﻭﺍﻧﺖ ﺷﻜﻮﻭ ﺍﻣﺸﻲ ﺭﻭﺡ ﻣﻨﺎ ﻻﺍﻟﻢ ﻋﻠﻴﻚ ﻛﻞ ﺍﻟﻌﺎﻟﻢ
ﺧﺎﺏ ﻃﺒﺞ ﺣﺮﻳﺸﻲ ﺑﺲ ﺧﻠﻴﻪ ﺑﺎﻟﺞ ﻭﺣﻚ ﻋﻠﻲ ﺍﺑﻦ ﺍﺑﻲ ﻃﺎﻟﺐ ﺍﻥ ﻋﺪﻳﺘﻪ ﻣﺎﺗﻠﻮﻣﻴﻦ ﺍﻝ ﻧﻔﺴﺞ
ﺩﺗﺮﻳﺪ ﺗﺠﺎﻭﺑﻨﻲ ﻓﺎﺗﻮ ﺷﻜﻢ ﻭﺍﺣﺪ ﺿﻠﻴﺖ ﺧﺎﺯﺭﻩ ﻭﻫﻴﻪ ﺧﺰﺭﺗﻲ ﺗﺎﻟﻲ ﺷﺎﻟﺖ ﺟﻨﻄﺘﻪ ﻭﻣﺸﺖ .............
ﻫﺎﺟﺮ ........ ﻣﻦ ﻳﻮﻡ ﺟﻴﺘﻪ ﻟﻠﻤﺤﻞ ﻭﺍﻧﻲ ﻛﻞ ﻓﻜﺮﻱ ﻳﻤﻪ ﺑﻜﻞ ﺍﻟﻄﺮﻕ ﺭﺩﺕ ﺍﺷﻴﻠﻪ ﻣﻦ ﺑﺎﻟﻲ ﺑﺲ ﻫﻮﻩ ﻭﻗﺢ ﺑﻤﻌﻨﺎﻩ ﺍﻟﻜﻠﻤﻪ ﻳﻮﻣﻴﻪ ﻳﺠﻲ ﻳﻜﻌﺪ ﻛﺪﺍﻡ ﺍﻟﻤﺤﻞ ﻭﻳﺠﺒﺮﻧﻲ ﻭﺟﻮﺩﻩ ﺃﻋﻮﻑ ﺣﺘﻰ ﺷﻐﻠﻲ ﻭﺍﻛﺎﺑﻠﻪ ﻣﻦ ﻭﺭﺍﻩ ﺍﻟﺰﺟﺎﺝ ﻭﺍﻛﻌﺪ ﺻﺮﺕ ﺍﺣﻔﺾ ﻛﻢ ﺟﻜﺎﺭﻩ ﻳﺸﺮﺏ ﻫﻮﻩ ﻭﻛﺎﻋﺪ
ﻣﺮﺍﺕ ﺍﺗﻌﻤﺪ ﺍﻗﻔﻞ ﻭﻃﻠﻊ ﻛﺪﺍﻣﻪ ﺣﺘﻰ ﺑﻠﻜﺖ ﻳﺤﺎﺟﻴﻨﻲ ﻭﺍﻧﻬﺪ ﺑﻲ ﺑﺲ ﻟﻼﺳﻒ ﻛﻠﻪ ﺟﺬﺏ ﺍﻧﻲ ﺍﺷﻮﻓﻪ ﺍﺫﻭﺏ ﻭﺍﺗﺒﺨﺮ ﻭﻳﺨﺘﻔﻲ ﻛﻞ ﺍﻟﻜﻼﻡ ﻭﺗﻀﻞ ﺑﺲ ﻋﻴﻨﻲ ﺗﺮﺍﻗﺒﻪ
ﺍﻟﻴﻮﻡ ﻭﻣﺜﻞ ﻛﻞ ﻳﻮﻡ ﺩﺍﻗﻔﻞ ﻭﻣﺎﺣﺴﻪ ﺍﻝ ﻓﻮﻙ ﺭﺍﺳﻲ ﻻﻭﺍﻧﻮﺏ ﻳﺘﺎﻣﺮ ﻟﻴﺶ ﺩﻧﻜﻴﻦ ﻫﻴﺞ ﺑﺸﺎﺭﻉ ﻳﺎﺑﻪ ﻏﻴﺮ ﺭﺩﺕ ﺍﻓﺘﺮﺳﻪ ﺑﺲ ﺍﻟﻨﺎﺱ ﺭﺍﻳﺤﻪ ﺟﺎﻳﻪ ﻭﻛﺘﻔﻴﺖ ﺑﻞ ﻛﻢ ﻛﻠﻤﻪ ﺍﻟﺤﺠﻴﺘﻪ ﺭﺟﻌﺖ ﺍﻣﺸﻲ ﻭﺍﻟﺤﺮﺍﻩ ﺩﺗﻄﻠﻊ ﻣﻦ ﺍﺫﺍﻧﻲ ﻣﻦ ﺍﻟﻘﻬﺮ ﺍﻧﻲ ﻫﺎﺟﺮ ﺃﻡ ﺍﻟﺴﺎﻥ ﺷﻠﻮﻥ ﻣﺎ ﺑﺮﺩ ﻛﻠﺒﻲ ﺑﻲ ﻫﺬﺍ ﺍﻟﻮﻗﺢ
ﻃﺒﻌﺎ ﻫﺬﺍ ﺍﻟﺤﺠﻲ ﺍﺣﺠﻲ ﻣﻦ ﻫﻮﻩ ﻣﻤﻮﺟﻮﺩ ﺑﺲ ﻣﻦ ﻳﺼﻴﺮ ﻛﺒﺎﻟﻲ ﻛﻠﻪ ﻳﺨﺘﻔﻲ
ﺍﻣﺸﻲ ﺍﻣﺸﻲ ﻭﺍﺳﺌﻞ ﻭﺟﺎﻭﺏ ﻧﻔﺴﻲ ﻟﺤﺪ ﻣﺎ ﻭﺻﻠﺖ ﺑﻴﺘﻪ ﻟﻜﻴﺖ ﺳﺮﺍﺝ ﺩﻳﺼﻌﺪ ﺍﺳﻴﻞ ﺑﺴﻴﺎﺭﻩ ﻭﻫﻴﻪ ﺗﺒﺠﻲ ﺍﻟﻀﺎﻫﺮ ﻋﺪﻩ ﻭﻻﺩﻩ ﺍﻣﻲ ﺗﻘﻔﻞ ﺑﻠﺒﺎﺏ ﻣﺎﻝ ﺍﻟﺒﻴﺖ ﻭﺍﻧﻲ ﻣﺒﺎﺷﺮﻩ ﺻﻌﺪﺕ ﻳﻢ ﺍﺳﻴﻞ ﻭﺗﺤﺮﻛﺖ ﺍﻟﺴﻴﺎﺭﻩ ﻭﺍﻟﻌﻴﻨﺘﻴﻦ ﻭﺍﻛﻒ ﺑﺲ ﻣﻦ ﺑﻌﻴﺪ
ﻫﻬﻬﻬﻪ ﻳﻌﻨﻲ ﺟﺎﻥ ﻳﻤﺸﻲ ﻭﺭﺍﻳﻪ ﺗﻠﻤﺴﺖ ﻭﺟﻬﻲ ﺍﺷﻮ ﻛﻠﺸﻲ ﺑﻴﻪ ﺑﺮﺩ ﻣﻦ ﺷﻔﺘﻪ ﻛﺎﻋﺪ ﺣﺎﺟﺒﻪ
ﻫﺎﺍﺍ ﻫﺎﺟﺮ ﺳﺎﻟﻤﻴﻦ ﺍﺷﻮ ﻣﻌﺮﻓﺘﺞ ﻛﻞ ﺷﻮﻳﻪ ﺑﺮﺍﻱ
ﺳﺎﻋﻪ ﺍﻓﺘﺮﺳﻪ ﺳﺎﻋﻪ ﺍﺿﺤﻚ ﻋﻞ ﺳﻮﺍﻟﻔﻪ ﺍﻱ ﻫﺴﻪ ﻏﻴﺮ ﺍﺳﺘﻘﺮ ﻭﺍﻋﺮﻑ ﺷﻨﻮ ﺍﻟﺪﻳﺼﻴﺮ ﺑﻴﻪ
ﺻﺎﺣﺖ ﺍﺳﻴﻞ ﺑﻄﻨﻨﻨﻨﻨﻲ ﺑﺼﻮﺕ ﻋﺎﻟﻲ ﻓﺰﺯﺗﻨﻲ ﺍﻧﻌﻞ ﺑﻠﻴﺴﻪ ﺑﺲ ﺍﺣﺴﻦ ﻫﻤﺰﻳﻦ ﻫﻴﺞ ﺳﻮﺕ ﺍﺩﺭﻱ ﺷﺒﻴﻪ ﻣﺴﻠﻬﻤﻪ ﺟﻨﻲ ﺧﺒﻠﻪ
ﺍﻣﻲ ﻛﺎﻟﺖ
ﻭﻟﺞ ﻫﺎﺟﺮﺭﺭ
ﻫﺎﺍﺍ ﻳﻤﻪ ﻫﺎﺍﺍ
ﺑﻨﻴﺘﻲ ﻭﻳﻦ ﺑﺎﻟﺞ ﺷﻮﻓﻲ ﺍﺧﺘﺞ ﺩﺗﻠﻮﺏ
ﻳﻤﻪ ﺷﻴﻮﻳﻠﻪ ﻗﺎﺑﻞ ﺃﺟﻴﺒﻪ ﺑﺴﻴﺎﺭﻩ ﺷﻜﺎﻟﻮﻟﺞ ﻋﻠﻴﻪ ﺩﻛﺘﻮﺭﻩ
ﻋﺰﻩ ﺑﻌﻴﻦ ﻟﺴﺎﻧﺞ ﻭﻟﺞ ﺍﻧﻲ ﻛﻠﺖ ﻫﻴﺞ ﺩﺍﻛﻠﺞ ﺍﺧﺘﺞ ﺗﻠﻮﺏ ﻳﻌﻨﻲ ﻫﺪﻳﻬﻪ ﺍﻓﺮﻛﻲ ﺿﻬﺮﻩ ﻣﺴﺪﻳﻠﻪ ﺑﻴﻦ ﻣﻨﻮﺻﻞ
ﻭﺍﻟﻠﻪ ﺑﻨﺘﺞ ﺍﻟﻴﻮﻡ ﻧﺎﻭﻳﺘﻪ ﻋﻠﻴﻨﻪ ﻭﻣﻴﻔﻴﺪ ﻭﻳﺎﻩ ﻏﻴﺮ ﻣﻜﺺ ﺛﻼﺛﻲ ﺍﻷﺑﻌﺎﺩ ﻳﺸﻜﻮﻥ ﺑﻄﻨﻪ ﻭﺗﺠﻴﺐ ﻭﻧﺨﻠﺺ
ﻳﺎﺍﺍﺍﻩ ﻓﺎﻝ ﺍﻟﻠﻪ ﻭﻻﻓﺎﻟﺞ ﺑﻴﻤﻦ ﻣﻔﺎﻭﻟﺘﻪ ﻫﺴﻪ ﺻﻮﺕ ﻭﺍﺣﺪ ﺗﺠﻴﺐ ﻭﻧﻄﻠﻊ
ﻳﻤﻪ ﺍﻟﺨﺎﻃﺮ ﺭﺑﺞ ﻳﺎﺻﻮﺕ ﻭﺍﺣﺪ ﺍﻟﻒ ﺻﻮﺕ ﺻﺎﺣﺖ ﻣﻦ ﻃﻠﻌﻨﻪ ﺍﻟﺤﺪ ﺍﻵﻥ ﻭﻣﺠﺎﺑﺖ
ﻭﻭﻭﻭﻟﺞ ﻫﺎﺟﺮ ﺍﺳﻜﺘﻲ ﻟﻮﺍﻣﻮﺗﺞ ﺳﺴﺴﺮﺍﺝ ﺍﺳﺘﻌﺠﻞ ﻋﻔﻴﻪ ﺭﺍﺡ ﺍﻣﻮﺕ
ﺳﺘﻌﺠﻞ ﺳﺘﻌﺠﻞ ﺳﺮﻭﺝ ﺧﻞ ﺗﺠﻴﺒﻠﻨﻪ ﺍﻟﺪﻭﺧﻪ ﻭﺗﺠﻲ
ﻭﻫﻼ ﺑﻲ ﻫﻼ ﻭﺑﺠﻴﺘﻪ ﻫﻼ
ﺿﻠﻴﺖ ﺍﻟﻬﻲ ﺑﻴﻪ ﻟﺤﺪ ﻣﺎ ﻭﺻﻠﺘﻪ ﺍﻟﻤﺴﺘﺸﻔﻰ ﻭﻧﺰﻟﻨﺎﻩ ﺩﺧﻠﻨﺎﻩ ﺍﻝ ﺻﺎﻟﻪ ﺍﻟﻮﻻﺩﻩ ﻭﺍﺣﻨﺎ ﻧﻨﺘﻀﺮ ﺑﺮﻩ ﻭﻻﺳﺎﻋﻪ ﻭﻻﺳﺎﻋﺘﻴﻦ ﻭﺗﺎﻟﻲ ﺣﻮﻟﻮﻩ ﻋﻞ ﺗﻜﺼﻴﺐ ﻳﻌﻨﻲ ﻋﻤﻠﻴﻪ ﺭﺍﺳﻦ ﻧﻄﻴﺖ ﻭﻛﻠﺖ
ﻫﺎﺍﺍ ﺷﻜﺎﻝ ﺑﻬﻠﻮﻝ ﺷﻔﺘﻲ ﻳﻤﻪ ﺑﻨﺘﺞ ﺷﻜﺪ ﺗﻔﺘﻬﻢ..بيج قصص عراقيه حقيقيه من واقعنا.روعه الطائي
ﻳﺒﻮﻭﻭﻭ ﻣﻨﺞ ﻭﻣﻦ ﻓﺎﻟﺞ ﺍﻻﻛﺸﺮ ﻃﺒﻌﺎ ﻋﻤﻠﻴﻪ ﺍﺫﺍ ﺍﻧﺘﻲ ﻧﻘﻄﻲ
ﻫﺰﻳﺖ ﺍﻳﺪﻱ ﻭﻛﻠﺖ
ﻃﺒﻌﺎﺀ ﺍﻟﻤﺎﺟﺪﻩ ﺍﻟﻌﺮﺍﻗﻴﻪ ﺍﺑﺪ ﻣﺘﻨﻄﻲ ﺑﻨﻔﺴﻪ ﻭﺩﻛﻮﻝ ﺍﻧﻲ ﻣﺎﻳﻌﻪ ﻭﺩﻭﻧﻲ ﻋﻞ ﺗﻜﺼﻴﺐ ﺟﻴﺒﻮﻧﻲ ﺑﺴﺮﻋﻪ ﺍﻧﻲ ﺷﻌﻠﻴﻪ ﺫﺑﻴﺘﻴﻪ ﺑﺮﺍﺳﻲ
ﺩﻳﻠﻪ ﻳﻠﻤﺎﺟﺪﻩ ﻋﻮﺩ ﻧﺸﻮﻑ ﺍﻧﺘﻲ ﺷﻠﻮﻥ ﺗﺠﻴﺒﻴﻦ ﻟﻮ ﺍﻛﻠﺞ ﻫﺬﺍ ﻣﺸﻌﻮﻝ ﺍﻟﺼﻔﺤﻪ ﺍﻝ ﺭﺍﺡ ﻳﺎﺧﺬﺝ ﺷﻠﻮﻥ ﻳﻜﺪﺭ ﻋﻞ ﻟﺴﺎﻧﺞ
ﻣﻤﻤﻤﻤﻢ ﺍﻟﻠﻪ ﻭﻳﺎﻩ ﻣﻦ ﻫﺴﻪ ﺷﻌﻠﺘﻲ ﺻﻔﺤﺘﻪ ﻻﻫﺎﻫﻴﻪ ﺗﺰﻭﺟﺖ ﻟﻌﺪ
ﻛﻮﻣﻲ ﻛﻮﻣﻲ ﺧﻞ ﻧﺤﻀﺮ ﻏﺮﻓﺘﻪ ﻫﺴﻪ ﻳﻄﻠﻌﻮﻩ
ﻧﻄﻴﻨﻲ ﺍﻟﺠﻨﻄﻪ ﺧﻞ ﺍﻧﻲ ﺍﺭﺗﺐ ﻛﻠﺸﻲ
ﺍﺧﺬﺕ ﺍﻟﺠﻨﻄﻪ ﻭﻣﺸﻴﺖ ﺑﻠﻤﻤﺮ ﺣﺘﻰ ﺍﺩﺧﻞ ﻟﻠﻐﺮﻓﻪ ﺍﻟﺨﺎﺻﻪ ﺍﻟﺤﺠﺰﻧﺎﻫﻪ ﻭﺧﻄﻴﻪ ﺳﺮﺍﺝ ﻣﺘﻮﺗﺮ ﻭﻳﺮﻭﺡ ﻭﻳﺠﻲ
ﺩﺧﻠﺖ ﺍﻟﻐﺮﻓﻪ ﻓﺮﺷﺖ ﺍﻟﺴﺮﻳﺮ ﻭﺗﻤﺪﺩﺕ ﻭﺗﻔﻜﻴﺮﻱ ﻣﺸﻮﺵ ﻣﺮﻩ ﺑﻠﻨﻮﻧﻮ ﺍﻟﺮﺍﺡ ﻳﻨﻮﺭ ﺣﻴﺎﺗﻨﻪ ﻭﻣﺮﻩ ﺑﻬﺬﺍ ﺍﻟﻮﻟﺪ ﺍﻟﻌﻘﻠﻲ ﺭﺍﺡ ﻳﺸﻄﺢ ﻣﻦ ﻭﺭﺍﻩ ﺍﻧﻌﻞ ﺣﻀﻲ ﺳﻮﻟﺘﻲ ﺻﺎﺭﺕ ﺑﻲ
ﻳﻮﻟﻲ ﻫﺎﺟﺮ ﺍﺛﻜﻠﻲ ﻭﻣﺮﻩ ﺍﻟﺜﺎﻧﻴﻪ ﻛﺴﻔﻲ ﺍﺣﻮﻟﻪ ﻭﻭﻛﻔﻲ ﻋﺪ ﺣﺪﻩ
ﺍﻳﺪﻱ ﺟﻮﻩ ﺭﺍﺳﻲ ﻭﺻﻮﺭﺗﻪ ﻛﺒﺎﻝ ﻋﻴﻨﻲ ﻭﺷﺒﻬﻪ ﻏﻔﻴﺖ ﻭﻣﺎ ﻛﻌﺪﺕ ﺍﻝ ﻋﻞ ﻋﻴﺎﻁ ﺍﺳﻴﻞ ﺗﺼﻴﺢ ﻳﻤﻤﻤﻤﻪ
ﺟﺎﻳﺒﻪ ﻭﺍﻟﻨﻮﻧﻮ ﻳﺒﺠﻲ ﻭﻫﻴﻪ ﺗﻌﻴﻂ ﻧﺨﺒﺼﻨﻪ ﺑﻴﻬﻪ ﻟﺜﺎﻧﻲ ﻳﻮﻡ ﻃﻠﻌﻨﻪ ﻟﻠﺒﻴﺖ ﻭﺳﻴﻮﻓﻲ ﺻﻮﺗﻪ ﻳﺨﺒﻞ ﻣﻦ ﻳﺒﺠﻲ ﺿﻠﻴﺖ ﺑﺲ ﻣﻜﺎﺑﻠﺘﻪ ﻭﻳﻮﻣﻴﻦ ﻣﺮﺍﻳﺤﻪ ﺣﺘﻰ ﻟﻠﻤﺤﻞ .........
ﺿﺮﺍﺭ ........ ﺍﻋﺮﻑ ﺯﺍﻳﺪ ﻣﻨﻲ ﻛﻞ ﺍﻟﺴﻮﻳﺘﻪ ﺑﺲ ﻣﺎﻛﺪﺭﺕ ﺍﺗﺤﻜﻢ ﺑﻌﺼﺎﺑﻲ ﻭﻻﺍﻟﺰﻡ ﻧﻔﺴﻲ ﺻﺪﻙ ﻟﺴﺎﻧﻪ ﻟﺴﺎﻥ ﺭﺷﺎﺷﻪ ﺑﺲ ﻋﻠﻴﻤﻴﻦ ﻋﻞ ﺿﺮﺍﺭ ﺑﻌﺪ ﺣﻄﻴﺘﻪ ﺑﺮﺍﺳﻲ ﻻﻣﻮﺣﻄﻴﺘﻪ ﺑﺮﺍﺳﻲ ﺣﻄﻴﺘﻪ ﺑﻜﻠﺒﻲ ﻫﺎﻱ ﻣﺎﻟﺘﻲ ﺻﺎﺭﺕ ﻭﺷﻲ ﺧﺎﺹ ﺑﻴﻪ ﻭﺍﺟﻴﺒﻪ ﻟﺪﺭﺏ ﺃﺟﻴﺒﻪ ﻭﺍﺗﺤﻜﻢ ﺑﻴﻪ ﺑﺮﺍﺿﺎﺗﻪ ﺃﻭ ﻏﺼﺒﺎ ﻋﻠﻴﻪ
ﻭﺭﻩ ﻣﺎﻟﺤﺘﻜﻪ ﻭﺻﻠﺘﻪ ﻟﻠﺒﻴﺖ ﻭﺍﻧﻲ ﻭﺭﺍﻩ ﺷﻔﺘﻪ ﺻﻌﺪﺕ ﻭﻳﺎﻩ ﻭﻟﺪ ﺷﺎﺏ ﻭﻻﺯﻣﻴﻦ ﺑﻨﻴﻪ ﻣﺘﺨﺮﺑﻄﻪ ﺃﻭ ﻫﻴﺞ ﺷﻲ ﻭﻳﻤﻜﻦ ﺍﻟﻤﺮﻩ ﺍﻟﺠﺒﻴﺮﻩ ﻭﻳﺎﻫﻢ ﻫﺎﻱ ﺍﻣﻪ ﺍﻧﻲ ﻣﺘﺎﻛﺪ ﺷﻔﺘﻪ ﺑﻼﺳﻮﻕ ﺫﻳﺞ ﺍﻟﻤﺮﻩ
ﺍﻟﻤﻬﻢ ﻫﻤﻪ ﺭﺍﺣﻮ ﻟﻮ ﺭﻭﺣﻲ ﻻﺑﺖ ﺧﺼﻮﺻﺎ ﻭﻳﺎﻫﻢ ﻫﺬﺍ ﺍﻟﻮﻟﺪ ﺍﻟﻤﺎﻋﺮﻑ ﺷﻴﺼﻴﺮ ﻣﻨﻬﻢ ﻭﻻﺍﻋﺮﻑ ﻭﻳﻦ ﺭﺍﺣﻮﻭ ﺿﻠﻴﺖ ﻣﺜﻞ ﺍﻷﻃﺮﺵ ﺑﺰﻓﻪ ﻗﺎﺑﻞ ﻫﻢ ﺍﻟﺤﻜﻢ ﺷﻠﻮﻥ ﻳﻌﻨﻲ
ﺍﻧﻲ ﻻﺯﻡ ﺍﺷﻮﻓﻠﻲ ﺻﺮﻓﻪ ﻳﻌﻨﻲ ﺍﺿﻞ ﺭﺍﻳﺢ ﺟﺎﻱ ﺍﺫﺑﺤﻪ ﻋﻞ ﻗﺒﻠﻪ ﺍﺣﺴﻦ ﺍﻧﻲ ﻭﺍﻛﻊ ﺑﺤﺒﻪ ﻭﺍﻧﺘﻬﺖ
ﺭﺟﻌﺖ ﻟﻠﺒﻴﺖ ﻭﺍﻟﻮﺿﻊ ﺻﺎﻳﺮ ﺯﻟﻚ ﻣﻨﺎ ﺳﺎﻟﻔﻪ ﺍﻟﺒﻴﺖ ﻭﻫﺎﻱ ﺍﻟﺒﻨﻴﻪ ﻭﻏﻴﺮ ﻫﺬﺍ ﻛﻠﻪ ﺣﻤﻴﺮ ﺍﻟﻜﻠﺐ ﺍﻟﺪﺍﻓﻜﺮﻩ ﺷﺴﻮﻳﻠﻪ ﻭﺷﻠﻮﻥ ﺍﺑﺮﺩ ﻛﻠﺒﻲ ﺑﻲ
ﺻﺤﺖ ﺻﻔﺎﺀﺀﺀ
ﺧﺎﺏ ﺻﻔﺎﺀﺀ ﻭﻳﻨﻚ
ﻣﺎﻛﻮ ﺟﻨﻪ ﻃﻠﻊ ﺍﻛﻴﺪ ﻳﻢ ﺍﺑﻮ ﻣﺎﺟﺪ ﻫﺬﺍ ﺍﺑﻮ ﻣﺎﺟﺪ ﻛﺎﻡ ﻳﺴﺮﻱ ﺑﺪﻣﻪ ﻭﺍﻟﻠﻪ ﺑﻠﻴﻞ ﻛﻠﺶ ﻭﺍﺟﺎﻧﻲ ﻛﺎﻝ
ﺿﺮﺍﺭ ﻟﻜﻴﺘﻪ ﻭﺩﺑﺮﺕ ﻭﻳﻦ ﺭﺍﺡ ﻧﻌﻴﺶ
ﺍﻱ ﻳﺎ ﺍﻟﻠﻪ ﻭﻳﻦ ﺑﻠﻪ
ﺍﻧﻲ ﻣﻮﺍﺷﺘﻐﻞ ﺣﺮﺍﺳﻪ ﺑﻴﺖ ﺍﺑﻮ ﻣﺎﺟﺪ
ﺍﻱ
ﺍﺣﺴﻦ ﻣﺎ ﺭﺍﻳﺢ ﺟﺎﻱ ﺍﺑﻮ ﻣﺎﺟﺪ ﺍﻧﻄﺎﻧﻲ ﻏﺮﻓﻪ ﺷﺪﻛﻮﻝ ﻧﻜﻌﺪ ﺑﻴﻬﻪ
ﺧﺎﺏ ﺍﻧﺖ ﺧﺒﻞ ﻧﻜﻌﺪ ﺑﻐﺮﻓﻪ
ﺍﻱ ﻭﻳﻦ ﺍﻟﺸﻜﺎﻝ ﺟﺎﺀ ﺑﻠﻔﻨﺪﻕ ﻣﻮ ﻣﻌﻠﻜﻴﻦ ﺑﻐﺮﻓﻪ ﻓﻮﻙ ﻭﺑﻔﻠﻮﺱ ﺍﻗﻠﻪ ﻫﺎﻱ ﺑﻼﺵ
ﻻﺑﺎﺑﻪ ﺷﻨﻮ ﺍﻟﺴﺎﻟﻔﻪ ﺩﺻﺒﺮ ﺷﺒﺴﺮﻋﻪ ﺭﻛﻀﺖ ﻋﻞ ﺍﺑﻮ ﻣﺎﺟﺪ ﻳﺠﻮﺯ ﻧﻠﻜﻪ ﺑﻴﺖ ﻧﺎﺟﺮﻩ
ﻻ ﻭﺍﻟﻠﻪ ﺧﺎﻑ ﺗﺰﻋﻞ ﻛﻞ ﻋﻘﻠﻚ ﺍﺍﺋﺠﺮ ﺑﻴﺖ ﺷﻌﻨﺪﻱ ﻣﺎﻣﺎ ﺩﺍﺩﻩ ﺍﻧﻲ ﻛﻮﻩ ﺍﺣﻂ ﺍﻟﻔﻠﺲ ﻋﻞ ﻓﻠﺲ ﺗﺮﻳﺪﻧﻲ ﺍﺍﺋﺠﺮ ﺑﻴﺖ ﺍﻧﻮﺏ
ﺍﻧﺖ ﻣﺴﻮﺩﻥ ﻟﻮ ﺷﻜﻠﻚ ﻫﻴﺞ ﺟﺎﺀ ﻣﻮﺟﻨﻪ ﻣﺠﺮﻳﻦ ﻏﺮﻓﻪ ﻛﺒﻞ
ﺍﻱ ﺿﺮﺍﺭ ﺍﻟﻐﺮﻓﻪ ﻭﻳﻦ ﻭﺍﻟﺒﻴﺖ ﻭﻳﻦ ﻭﻻﺗﻨﺴﻪ ﺍﺣﻨﺎ ﺑﻐﺪﺍﺩ ﻭﺍﻟﻴﺠﺎﺭﺍﺕ ﻫﻨﺎ ﻧﺎﺭ ﻳﻌﻨﻲ ﺃﻋﻮﻑ ﺍﻟﻐﺮﻓﻪ ﺍﻟﺒﻼﺵ ﻭﻭﺍﺍﺋﺠﺮ ﻫﺎﻱ ﻭﻳﻦ ﺻﺎﻳﺮﻩ
ﺟﺎﺀ ﺑﻜﻴﻔﻚ ﺭﻭﺡ ﺍﻟﻮﺣﺪﻙ ﺍﻧﻲ ﺍﺭﺟﻊ ﻟﻠﻔﻨﺪﻕ
ﻋﺎﺩ ﻫﺎﻱ ﺑﻜﻴﻔﻚ ﻋﺒﻨﻚ ﻋﻨﺎﺩﻱ ﻭﻣﺎﺗﺴﻤﻊ ﻏﻴﺮ ﺑﺲ ﻟﻨﻔﺴﻚ ﻭﺑﻌﺪ ﻛﻞ ﺍﻟﺴﻮﺍﻩ ﻭﻳﺎﻙ ﺍﺑﻮ ﻣﺎﺟﺪ ﻭﻛﻠﻴﺒﻚ ﻣﻤﺮﺗﺎﺣﻪ
ﺍﻱ ﻭﺍﻟﻠﻪ ﻭﻟﻬﺬﺍ ﻳﻮﻣﻚ ﻣﻤﺮﺗﺎﺣﻪ ﺧﺼﻮﺻﺎ ﻫﻞ ﻓﺘﺮﻩ ﺻﺎﻳﺮ ﻫﻮﺍﻱ ﻟﺤﻮﺣﻲ ﻭﻳﺪﻭﺱ ﺑﻠﺴﻮﺍﻟﻒ ﻭﻛﻞ ﻳﻮﻡ ﻭﺍﻟﺜﺎﻧﻲ ﻭﻛﺎﻝ ﻭﺻﻠﻨﻲ ﻭﻳﻜﻌﺪ ﻳﺼﺒﻎ ﺑﻴﻪ ﺳﻴﺎﻗﺘﻚ ﺗﻮﺏ ﻭﺳﻴﺎﻗﺘﻚ ﻭﺷﻨﻮ ﻭﺭﺍﻩ ﻣﺎﺩﺭﻱ
ﻛﻠﺸﻲ ﻣﺎﻭﺭﺍﻩ ﻭﺍﻧﺖ ﺿﻞ ﺑﻬﺎﻱ ﺳﻮﺍﻟﻔﻚ ﻟﻤﺎﺗﻮﻛﻞ ﺧﺒﺰ ﻭﺗﻤﻮﺕ ﺟﻮﻉ ﺗﺼﺒﺢ ﻋﻞ ﺧﻴﺮ
ﺧﺎﺏ ﺗﻌﺎﻝ ﺗﻌﺸﻴﺖ ﻭﻳﻦ ﺭﺍﻳﺢ
ﺭﺍﻳﺢ ﺍﻧﺎﻡ ﻭﺗﻌﻴﺸﺖ ﺗﻌﺸﺎﺀ ﺍﻧﺖ ﺍﺫﺍ ﺗﺮﻳﺪ
ﻣﺪﺩﺕ ﺃﻓﻜﺮ ﺑﻜﻼﻣﻪ ﻭﻛﻮﻝ ﺻﻔﺎﺀ ﺣﻘﻪ ﺍﻧﻲ ﻣﺎﺧﺬ ﻧﻀﺮﻩ ﻋﻞ ﺍﺑﻮ ﻣﺎﺟﺪ ﻣﻮﺯﻳﺘﻪ ﺍﺷﻴﻠﻪ ﻣﻦ ﺭﺍﺳﻲ ﺍﺣﺴﻦ ﻭ ﺧﻠﻴﻨﻲ ﺇﺩﺍﺭﻱ ﺧﺒﺰﺗﻲ ﺍﺑﺮﻛﻠﻲ..بيج قصص عراقيه حقيقيه من واقعنا.روعه الطائي
ﻧﻤﺖ ﻭﺛﺎﻧﻲ ﻳﻮﻡ ﺭﺣﺖ ﻟﻠﺸﻐﻞ ﻋﺎﺩﻱ ﻭﻣﻦ ﺭﺟﻌﺖ ﺭﺣﺖ ﻟﻤﺤﻞ ﺍﻟﺘﺼﻮﻳﺮ ﻟﻜﻴﺘﻪ ﻣﻌﺰﻟﻪ ﻭﺛﺎﻧﻲ ﻳﻮﻡ ﻫﻢ ﻣﺎﻛﻮ ﺻﻔﻨﺖ ﻫﺎﻱ ﻭﻳﻦ ﺭﺍﺣﺖ ﻭﺍﺧﺎﻑ ﺑﻴﻪ ﺷﻲ
ﻟﻬﻨﺎﻙ ﻭﺿﺮﺑﺖ ﻛﺼﺘﻲ ﻣﻦ ﺻﺎﺭ ﺭﻗﻢ ﺍﻟﺘﻠﻴﻔﻮﻥ ﻣﺎﻟﺘﻪ ﻋﻞ ﻻﻓﺘﻪ ﺍﻟﺒﺮﻩ ﻭﻣﻜﺘﻮﺏ ( ﻟﻠﺤﺠﺰ ﻭﺍﻻﺳﺘﻔﺴﺎﺭ ) ﺍﻟﻘﺼﺪ ﻋﻞ ﺷﻐﻠﻪ
ﺑﺴﺮﻋﻪ ﻃﻠﻌﺖ ﻣﺒﺎﻳﻠﻲ ﻭﺳﻴﻔﺘﻪ ﻭﺭﺟﻌﺖ ﻃﻴﺎﺭﻩ ﻟﻠﺒﻴﺖ ﻛﻌﺪﺕ ﺑﻠﺤﺪﻳﻘﻪ ﻭﻃﻠﻌﺖ ﺟﻜﺎﺭﻩ ﻭﺍﺣﻤﻢ ﻛﻞ ﺷﻮﻳﻪ ﻋﺒﺎﻟﻚ ﺭﺍﺡ ﺍﻛﻌﺪ ﻛﺒﺎﻟﻪ ﻣﻮﺍﺧﺎﺑﺮﻩ ﺍﻟﺠﻜﺎﺭﻩ ﺧﻠﺼﺖ ﻭﺍﻧﻲ ﺍﺗﺼﻞ ﻭﺍﺭﺟﻊ ﺍﺭﻓﻀﻪ ﻣﺘﻮﻫﻮﻩ ﻭﻣﺎﻋﺮﻑ ﺷﻨﻮ ﺭﺩﺕ ﻓﻌﻠﻪ ﺍﺫﺍ ﻋﺮﻓﺖ ﺍﻧﻲ ﻟﻤﺨﺎﺭﺑﺮﻩ ﻋﺎﺩ ﺗﻮﻛﻠﺖ ﻋﻞ ﺍﻟﻠﻪ ﻭﺍﺗﺼﻠﺖ ﻭﺟﺎﻭﺑﺖ ﻣﻦ ﺳﻤﻌﺖ ﺻﻮﺗﻪ ﺑﺴﺮﻋﻪ ﻏﻴﺮﺕ ﺻﻮﺗﻲ ﻭﻛﺘﻠﻪ
ﺍﻟﻮﻭﻭ
ﻧﻌﻢ ﺗﻔﻀﻞ ﻣﻨﻮﻭ
ﺯﻣﺮﺩﻩ ﻟﻠﺘﺼﻮﻳﺮ
ﺍﻱ ﻧﻌﻢ
ﺍﺍﺍﺍ ﺍﻛﻠﺞ ﺑﺪﻭﻥ ﺯﺣﻤﻪ ﺍﻛﺪﺭ ﺍﻋﺮﻑ ﺷﻨﻮﻭﻭ ﺍﺟﻮﺭﻛﻢ ﺑﺠﻠﺴﺎﺕ ﺍﻟﺘﺼﻮﻳﺮ
ﺍﻱ ﺍﺧﻲ ﺗﻔﻀﻞ ﻟﻠﻤﺤﻞ ﻭﻧﺘﻔﺎﻫﻢ
ﺑﺲ ﺍﻧﺘﻮﻭ ﻣﻌﺰﻟﻴﻦ ﻣﻦ ﺍﻟﺒﺎﺭﺣﻪ
ﺍﻱ ﻟﻀﺮﻭﻑ ﺧﺎﺻﻪ ﻣﻦ ﺑﺎﺟﺮ ﻧﻔﺘﺢ ﻭﺷﺮﻓﻨﻪ
ﺍﻥ ﺷﺎﻟﻠﻪ
ﺍﻛﻮ ﺳﻮﺍﻝ ﺑﻌﺪ
ﺍﻱ ﻫﺎﺍﺍ ﻻﻻ ﻣﺸﻜﻮﺭﻩ
ﺃﻫﻼ ﺑﻴﻚ
ﺳﺪﻳﺘﻪ ﻭﺍﻧﻲ ﺑﻌﺪﻧﻲ ﻣﻤﺼﺪﻙ ﺍﻧﻲ ﺟﻨﺖ ﺍﺣﺠﻲ ﻭﻳﺎﻩ ﺻﻮﺗﻪ ﺍﻟﻨﺎﻋﻢ ﺍﻟﻌﺬﺏ ﻳﻐﺮﺩ ﺑﺬﻧﻲ ﻭﻛﻠﺒﻲ ﺳﺪ ﺑﺎﺑﻪ ﻋﻠﻴﻪ ﻭﻧﺪﻝ ﻋﻠﺘﻪ ﻭﻳﻦ ﻭﺍﻟﺮﻗﻢ ﻭﺻﺎﺭ ﻳﻤﻲ ﻳﻌﻨﻲ ﺭﺍﺡ ﺍﺳﻤﻊ ﺻﻮﺗﻪ
ﺭﺭﺭﺭﺑﻲ ﻛﻠﺸﻲ ﻣﺎﺭﻳﺪ ﻏﻴﺮ ﻧﻀﺮﻩ ﻣﻨﻪ ﺗﺄﺧﺬﻧﻲ ﻟﻐﻴﺮ ﻋﺎﻟﻢ ﻭﺗﻌﻮﺿﻨﻲ ﻛﻞ ﻣﺮﺍﺭﻩ ﺍﻻﻳﺎﻡ ﺍﻟﺮﺍﺣﺖ
ﻧﻤﺖ ﻋﻞ ﺃﻭﺗﺎﺭ ﺻﻮﺗﻪ ﻟﻴﺮﻥ ﺑﺎﺫﻧﻲ ﻭﻛﻌﺪﺕ ﻋﻞ ﺩﻓﺮﺍﺕ ﺻﻔﺎﺀ ﻭﻫﻮﻩ ﻳﺼﻴﺢ
ﻛﻮﻡ ﺭﺍﺡ ﺍﺷﻴﻠﻚ ﻭﺍﻟﻠﻪ ﺍﺩﺭﻱ ﻧﺎﻳﻢ ﻟﻮ ﻣﻴﺖ ﺑﺲ ﻛﻠﻲ
ﺷﺘﺮﻳﺪ ﻣﻨﻲ ﺍﺑﻦ ﺍﻟﻨﻌﺎﻝ ﺣﺘﻰ ﺑﻠﺠﻤﻌﻪ ﻣﺎ ﺧﻠﺺ ﺍﻧﻲ
ﺧﺎﺏ ﺍﺑﻮ ﻣﺎﺟﺪ ﻛﺮﻉ ﺭﺍﺳﻲ ﻭﺣﺮﻙ ﺗﻠﻴﻔﻮﻧﻚ ﻭﺗﻠﻴﻔﻮﻧﻲ ﺑﺲ ﻛﻮﻡ ﺷﻮﻓﻪ ﺷﻴﺮﻳﺪ
ﻭﺍﻟﻠﻪ ﺍﻧﻌﻞ ﺍﺑﻮﻙ ﻻﺑﻮﻩ ﺣﺘﻰ ﺍﺑﻮ ﻣﺎﺟﺪ ﻫﺬﺍ ﺍﻝ ﻟﺰﻛﻪ
ﺳﺤﺒﺖ ﺍﻟﺘﻠﻴﻔﻮﻥ ﻟﻜﻴﺖ ١٢ﻣﻜﺎﻟﻤﻪ ﻫﺬﺍ ﺷﻴﺮﻳﺪ ﺧﺎﺑﺮﺗﻪ ﺑﺴﺮﻋﻪ ﺟﺎﻭﺏ
ﻫﺎﺍ ﺍﺑﻮ ﻣﺎﺟﺪ ﺍﻟﻠﻪ ﻳﺴﺎﻋﺪﻙ
ﻭﻳﺴﺎﻋﺪﻙ ﻳﻤﻌﻮﺩ ﻣﺎﺩﻛﻠﻲ ﻭﻳﻨﻚ
ﻣﻮﺟﻮﺩ ﺧﻴﺮ ﺧﻮﻣﺎﻛﻮ ﺷﻲ
ﺍﻧﺖ ﺑﻠﺒﻴﺖ
ﺍﻱ
ﺗﻤﺎﻡ ﺟﻴﺐ ﺻﻔﺎﺀ ﻭﺗﻌﺎﻝ ﻋﻞ ﺳﺮﻳﻊ
ﺍﺩﺭﻱ ﻏﻴﺮ ﺍﻋﺮﻑ ﺷﻜﻮ
ﻳﺎﺑﻪ ﺷﻜﻮﻭ ﻣﺎﻛﻮ ﻛﻠﺸﻲ ﻣﻌﺰﻭﻡ ﻭﻋﺎﺯﻣﻜﻢ ﻭﻳﺎﻱ
ﻭﻭﻳﻦ
ﺍﻫﻮﻭﻭ ﺍﻧﺖ ﺷﻜﺪ ﺗﺴﺌﻞ ﻋﻤﻲ ﺛﻮﺍﺏ ﺛﻮﺍﺏ ﺍﻧﺘﻮ ﻣﺘﺎﻛﻠﻮﻥ ﺛﻮﺍﺏ ﻭﺍﻟﻴﻮﻡ ﺟﻤﻌﻪ
ﻻ ﻫﺎﻫﻴﻪ ﺭﺑﻊ ﺳﺎﻋﻪ ﻭﺍﺣﻨﺎ ﻳﻤﻚ ﻭﺍﻥ ﺷﺎﻟﻠﻪ ﺛﻮﺍﺑﻚ ﻭﺍﺻﻞ
ﺍﻱ ﻋﻔﻴﻪ ﻫﻴﺞ ﺍﺭﻳﺪﻙ ﻳﻠﻪ ﺍﻧﺘﻀﺮﻛﻢ
ﻣﺎﺷﻲ
ﺳﺪﻳﺘﻪ ﻭﺻﻔﺎﺀ ﻳﻜﻠﻲ ﺷﺒﻲ ﻫﻴﺞ ﻳﻠﺢ ﻭﺍﻧﻲ ﻫﻢ ﻣﺴﺘﻐﺮﺏ ﺑﺪﻟﻨﻪ ﻭﺭﺣﻨﻪ ﻋﻠﻴﻪ ﻟﻜﻴﻨﻪ ﺟﺎﻫﺰ ﻋﻞ ﺍﺭﺑﻌﻪ ﻭﻋﺸﺮﻳﻦ ﺣﺒﺎﻳﻪ ﺣﺘﻰ ﻧﻄﻠﻊ ﺑﺲ ﺍﺷﻮ ﺷﻤﺮﻟﻲ ﺍﻟﺴﻮﻳﺞ ﻣﺎﻝ ﺍﻟﺴﻴﺎﺭﻩ ﺩﺍﺣﺠﻲ ﻭﻛﻠﻪ ﺷﻨﻮ ﻫﺬﺍ ﺑﺲ ﺳﺒﻘﻨﻲ ﻭﻛﺎﻝ
ﺿﺮﺍﺭ ﺳﻮﻕ ﺍﻧﺖ ﺍﻟﻄﺮﻳﻖ ﺑﻌﻴﺪ ﻭﺭﺍﻳﺪﻟﻪ ﺫﻳﺐ ﻣﺜﻠﻚ
ﻳﻤﻌﻮﺩ ﺍﺑﻮ ﻣﺎﺟﺪ ﻗﺎﺑﻞ ﻭﻳﻦ ﻣﺪﻛﻠﻲ
ﺍﺻﻌﺪ ﻭﺍﻧﻲ ﺍﺩﻟﻴﻚ
ﺻﻌﺪﺕ ﻭﻫﻮﻩ ﺑﺼﻔﻲ ﻭﺻﻔﺎﺀ ﻟﻴﻮﺭﻩ ﺣﺮﻛﺖ ﺍﻟﺴﻴﺎﺭﻩ ﻭﺑﻘﻴﺖ ﺍﺳﻮﻕ ﻭﻫﻮﻩ ﻳﺪﻟﻲ ﺑﻴﻪ ﻭﻧﻤﺸﻲ ﻭﻧﻤﺸﻲ ﻭﻓﻮﻙ ﺍﻟﺴﺎﻋﻪ ﻭﻧﺺ ﺍﻝ ﻭﺻﻠﻨﺎ ﺍﻟﺒﻴﺖ ﺟﺒﻴﺮ ﺣﻴﻞ ﻭﺍﻛﻔﻴﻦ ﺑﻠﺒﺎﺏ ﻛﻠﻪ ..بيج قصص عراقيه حقيقيه من واقعنا.روعه الطائي
ﺣﻤﺎﻳﺎﺕ ﻣﺎﻧﺰﻟﻨﺎ ﺑﺲ ﺷﺎﻓﻮ ﺍﺑﻮ ﻣﺎﺟﺪ ﻓﺘﺤﻮﻭ ﺍﻟﺒﺎﺏ ﻭﺩﺧﻠﺖ ﺍﻟﺴﻴﺎﺭﻩ ﺟﻮﻩ ﻟﻜﻴﻨﻪ ﻛﻢ ﻭﺍﺣﺪ ﻫﻢ ﻭﺍﻛﻒ ﺑﻠﺒﺎﺏ ﺍﺷﺮﻟﻲ ﺍﻧﺰﻝ ﻧﺰﻟﺖ ﻭﺻﻔﺎﺀ ﻫﻢ ﺍﺧﺬﻭ ﺍﺑﻮ ﻣﺎﺟﺪ ﺑﻼﺣﻀﺎﻥ ﻭﺑﻌﺪﻳﻦ ﻋﺮﻓﻬﻢ ﻋﻠﻴﻨﻪ ﻭﺩﺧﻠﻨﺎ ﻟﻠﺒﻴﺖ ﻛﻌﺪﻧﻪ ﺍﻧﻲ ﻭﺻﻔﺎﺀ ﻭﺍﺣﺪ ﻳﺒﺎﻭﻉ ﻋﻞ ﺍﻻﺥ ﻭﻫﻤﻪ ﺑﻴﻨﻬﻢ ﻳﺴﻮﻟﻔﻮﻥ
ﻭﺭﻩ ﺷﻮﻳﻪ ﺻﺎﺣﻮ ﺍﻟﻐﺪﺍﺀ ﻛﻤﻞ
ﻭﺍﺣﺪ ﻣﻨﻬﻢ ﻣﺒﻴﻦ ﺍﺑﻮ ﺍﻟﺒﻴﺖ ﻛﺎﻝ ﺗﻔﻀﻠﻮﻭ ﻛﻤﻨﻪ ﻭﻳﺎﻩ ﻋﻞ ﻏﺮﻓﻪ ﻭﺑﻴﻪ ﻣﻴﺰ ﻃﻌﺎﻡ ﻭﺑﻲ ﻣﺎﻟﺬ ﻭﻃﺎﺏ ﺑﺪﻳﻨﻪ ﻧﺎﻛﻞ ﻭﻫﻤﻪ ﻳﺤﺠﻮﻥ ﻣﻮﺍﺿﻴﻊ ﻣﺨﺘﻠﻔﻪ ﻭﺷﻜﺪ ﺍﻧﻲ ﻧﺠﺮ ﺑﺲ ﻣﺪﺍﻓﻬﻢ ﻋﻞ ﻛﻼﻣﻬﻢ ﺍﺣﺴﻪ ﺑﻼﻟﻐﺎﺯ ﺣﺘﻰ ﺑﺎﻟﻲ ﻣﻮﻳﻢ ﺍﻻﻛﻞ ﺑﺲ ﺻﻔﺎﺀ ﺩﺍﺱ ﺑﻴﻪ ﻭﻃﻠﻊ ﻛﺒﻞ
ﻭﺭﻩ ﺍﻟﻐﺪﺍﺀ ﻭﺍﻟﺠﺎﻱ ﺍﻧﻄﻮﻭ ﺟﻨﻄﻪ ﻣﻦ ﻫﺎﻱ ﺍﻟﺪﺑﻠﻤﺎﺳﻴﻪ ﺍﻧﻲ ﺷﺎﻳﻔﻪ ﺑﻠﺘﻠﻔﺰﻳﻮﻥ ﻭﺧﺎﺻﻪ ﺑﻼﻓﻼﻡ ﺍﻟﻌﺮﺑﻴﻪ ﺷﺎﻟﻪ ﺍﺑﻮ ﻣﺎﺟﺪ ﻭﻣﻦ ﺭﺟﻌﻨﻪ ﻃﻮﻝ ﺍﻟﻄﺮﻳﻖ ﻫﻴﻪ ﺑﺤﻀﻨﻪ
ﺗﻘﺮﻳﺒﺎﺀ ﻧﺺ ﺍﻟﻄﺮﻳﻖ ﻭﺑﺪﺃ ﻳﻤﺸﻦ ﻭﺭﺍﻧﻪ ﺳﻴﺎﺭﺗﻴﻦ ﺣﻴﻞ ﺿﺎﻳﻘﻮﻧﻲ ﻣﻨﻴﻦ ﻣﺎﺍﻛﺴﺮ ﻳﺤﺼﺮﻭﻧﻲ ﻭﺍﻧﻲ ﻋﻴﻦ ﻋﻞ ﻃﺮﻳﻖ ﻭﻋﻴﻦ ﻋﻠﻰ ﺍﺑﻮ ﻣﺎﺟﺪ ﺍﻟﻲ ﺍﻧﺨﻄﻒ ﻭﺟﻬﻪ ﻭﺻﺎﺭ ﻣﺜﻞ ﺍﻟﻴﻤﻮﻧﻪ ﻭﻛﺎﻡ ﻳﺼﻴﺢ
ﺿﺮﺍﺍﺍﺍﺍﺭ ﺣﺎﻭﻝ ﺗﺨﻠﺺ ﻣﻨﻬﻢ ﻻﺗﻨﻄﻴﻬﻢ ﻣﺠﺎﻝ
ﺍﺑﻮ ﻣﺎﺟﺪ ﻣﻨﻮ ﺫﻭﻟﻪ
ﺑﻌﺪﻳﻦ ﺑﻌﺪﻳﻦ ﺍﻓﻬﻤﻚ ﺑﺲ ﺧﻠﺺ ﺧﻠﺺ ﻣﻨﻬﻢ ﺑﺎﻱ ﻃﺮﻳﻘﻪ
ﻛﻌﺪﺕ ﻋﺪﻝ ﻭﺗﻘﺪﻣﺖ ﻋﻞ ﺳﺘﻴﺮﻥ ﺻﺤﺖ ﺷﺪﺩﻭ ﺍﻟﺤﺰﺍﻡ ﻭﺩﺳﺖ ﺑﺎﺯﻳﻦ ﺑﻜﻞ ﻗﻮﺗﻲ ﻭﺍﻧﻲ ﺍﺑﺎﻭﻉ ﺑﻠﻤﺮﺍﻳﻪ ﺍﻟﺠﺎﻧﺒﻴﻪ ﺷﻠﻮﻥ ﻣﻮﺟﻬﻴﻦ ﺍﻟﺴﻼﺡ ﻋﻠﻴﻨﻪ ﻭﻳﺮﺩﻭﻥ ﻓﺮﺻﻪ ﺣﺘﻰ ﻳﺮﻣﻮﻥ ﺑﺪﻭﻥ ﺗﺮﺩﺩ ﺷﺤﻄﺖ ﺍﻟﺴﻴﺎﺭﻩ ﻋﻞ ﺗﺮﺍﺑﻲ ﻭﻫﻤﻪ ﻋﻞ ﺗﺒﻠﻴﻂ ﺳﻮﻳﺘﻪ ﺿﻠﻤﻪ ﻭﺭﺍﻳﻪ ﻣﻦ ﺍﻟﺘﺮﺍﺏ ﻭﺍﻟﺴﻴﺎﺭﻩ ﺗﺼﻌﺪ ﺑﻴﻨﻪ ﻭﺗﻨﺰﻝ ﻣﻦ ﻭﻋﺮ ﺍﻟﻄﺮﻳﻖ ﻭﺃﺑﻮ ﻣﺎﺟﺪ ﻻﺯﻡ ﺍﻳﺪﻱ ﻣﻦ ﻳﻢ ﺟﺘﻔﻲ
ﻭﺻﻔﺎﺀ ﻣﺠﻠﺐ ﺑﻴﻪ ﻣﻦ ﻭﺭﻩ ﺑﻌﺪ ﺷﻮﻳﻪ ﻳﺨﻨﻜﻨﻲ ﺑﺘﻌﺪﺕ ﺣﻴﻞ ﻋﻨﻬﻢ ﻭﺗﺨﻠﺼﺖ ﺑﺲ ﺑﻌﺪﻧﻲ ﺍﺳﻮﻕ ﺳﺮﻳﻊ ﻭﻓﺠﺎﻩ ﺧﻀﺘﻨﻪ ﺍﻟﺴﻴﺎﺭﻩ ﻭﺷﺎﻟﺘﻨﻪ ﻭﺭﻛﻌﺘﻨﻪ ﻛﻠﻨﻪ ﻣﺎﺣﺴﻴﺖ ﻏﻴﺮ ﻋﻠﻰ ﺷﻲ ﻭﺍﺣﺪ ﻭﻫﻮﻩ ﺍﻳﺪﻱ ﺍﻟﻲ ﻓﻠﺖ ﻣﻨﻪ ﺍﻟﺴﺘﻴﺮﻥ
ﻭﺗﺒﻨﺠﺖ
.
.
.
.
.
.
.
.
ﻳﺘﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
أنت تقرأ
هبت ريح
Misterio / Suspensoقصة جديدة للكاتبة رفل الكناني😍ومثل كول مرة تبدددع وهاي القصة احلى من جمبذا_ادم ❤️🤩
