#هبت_ريح
هدايا قبل فوات الأوان وندم يتبعه اللم
الا من معين
#user65690873
#البارت 7
سمعت باذني وشفت بعيني محد كلي شلون حاتم طلكه وشلون لازمه ويكتل بيه صرت بصف الحايط اريد افتهم السالفه
تبوووووكيني بنت النعااااااال وجماله تردين تبلين رجاء اليوم اااااااااشرب من دمج
ولك تطلكني حويتم ادري ششششبوكك وانت حافي منتف متكلي
لاعبالج ماشفتج اني حسيت انتي موش طبيعيه وتحومين وبعيني شفتج شلون نزلتي جيس الفلوس من فوك الكنتور ولحكتج للغرفه وشفتج شلون تردين تضمي بفتحت المبرده
ولك مو اني مووووواني هددددد شعري اليوم اخلي إخوتي يدموك
ولك يمه حويتم خله تولي هده لانبتلي إخوته شرانيه لاتبلشنه وياهم
والله اااااااااانعل ابوج لابو اهلج تقشمريني خليتني اتهم رجاء واكعده بخرابه من وراه نكج يلعرمه يلمفنده
موته تموت وهيه جنها حايط وتلعلع وترادد واخر شي دفعته ولهزمت فوك ولحكه وكلهم وراه صعدو عاد خليت ورجعت لبيتي عاسهم نارهم تاكل حطبهم خل يشوفون رب العالمين شلون يضهر الحق ولو بعد حين سديت بابي ال من سعف وكعدت واني أحس براحه عجيبه موشماته بس الله ضهر برائتي وبيض وجهي كدام الولد ونسوانهم وهسه عرفو منو الحراميه بينه بديت ارتب بلبيت واعزل والهوسه ماله اخر لهناك واسمع الصياح والعرك اكيد إخوته هدو عل حاتم رغد ورده يباوعون من السعف
تعالن طبن وعوفن الباب
يمه بس نشوف شكوو
ولج وريده فوتي جوه ماعلينه احنا
يمه بس شويه الله عليج
رغد تباوع ودكمز
تتلووو ابوي تتلووو ابوي
ذبيت البيدي ورحت وكفت يمهن واباوع حاتم لازمي وين اليوجعه والعربان ناس تفازع وناس تتفرج وعمتي واكفه تعد وتصف بنصهم ماردت بناتي يباوعن شلون ابوهم يناهن وينضرب يبقى ابوهن جريتهم ودخلتهم غصب ساعه او اقل وصار هدوى بعد ماعرفت شصار عشيت جهالي وفرشتلهم ونمنه لثاني يوم من الصبح اجتي نوريه تدفع باب السعف صحت
فوتي خيه فوتي
صبحج الله بلخير
صباح النور تعاي عيني
شدعيله هل حويتم هذا من كل عقله مكعدج هنا
شسوي بعد يختي حكم القوي عل ضعيف
الله يعينج ويهدي هل خبل هذا جاء البارحه الله برد كلبي بهل جليليه هاي
وبعد وبعد لسه ماشفتوو شي حتى تعرفوه عل حقيقتها
والله انا اعرفه بس اخوي هوه مدمغ واليوم جايتج بسالفه
أنت تقرأ
هبت ريح
Misterio / Suspensoقصة جديدة للكاتبة رفل الكناني😍ومثل كول مرة تبدددع وهاي القصة احلى من جمبذا_ادم ❤️🤩
