هبت ريح

بارت25

#هبة__ريح

رفل الكناني

#بارت٢٥

ﺟﻤﻌﻨﻪ ﺍﺑﻮ ﻣﺎﺟﺪ ﻭﻛﺎﻝ
ﺍﻟﻴﻮﻡ ﺭﺍﺡ ﻧﻄﻠﻊ ﻭﻳﺎﻩ ﻧﺎﺱ ﻣﻨﻌﺮﻓﻬﻢ ﻣﻦ ﻃﺮﻑ ﺍﺑﻮ ﺟﻤﺮﻩ ﻳﻌﻨﻲ ﺷﻐﻠﺘﻨﻪ ﺳﻠﻢ ﻭﺳﺘﻠﻢ ﺍﺳﻤﻌﻮﻧﻲ ﻛﻠﻜﻢ ﻳﺠﻮﺯ ﺭﺍﺡ ﻧﺒﻘﻰ ﻭﻳﺎﻫﻢ ﻣﻦ ﻫﺬﺍ ﺍﻟﻴﻮﻡ ﻛﻠﻤﻦ ﻳﺘﺴﻤﻰ ﺑﻠﻘﺒﻪ ﺷﻲ ﺍﺑﻮ ﻣﺎﺟﺪ ﺍﻧﺴﻮﻭﻭ ﺍﻧﻲ ﻫﻨﺎ ﺍﻟﺰﻋﻴﻢ ﻭﺑﺎﻣﺮ ﻣﻦ ﺍﺑﻮ ﺟﻤﺮﻩ
ﺟﺎﻥ ﻳﺤﺠﻲ ﻭﻧﺎﻓﺦ ﻧﻔﺴﻪ ﻭﺍﻧﻲ ﻣﻦ ﻳﻤﻲ ﻭﻻﻥ ﻣﺎﻛﺪﺭ ﺍﻟﺰﻡ ﻧﻔﺴﻲ ﺻﺤﺖ
ﻭﺍﺍﺍﺍﺍﺍﺍﺍﻟﻄﻜﻌﻪ ‏( ﻭﻧﻌﻢ ﺑﺲ ﺑﺴﺘﻬﺰﺍﺀ ‏)
ﺧﺰﺭﻧﻲ ﻭﻋﻴﻮﻧﻪ ﺗﺮﻳﺪ ﺗﻄﻠﻊ ﻭﺍﻟﺤﻤﺎﻳﻪ ﻛﻠﻪ ﺗﺒﺎﻭﻉ ﺣﺘﻘﻦ ﻭﺭﺍﺩ ﻳﻨﻔﺠﺮ ﻭﺍﻧﻲ ﺩﺭﺕ ﻭﺟﻬﻲ ﻭﻫﺰﻳﺖ ﺍﻳﺪﻱ ﻭﺭﺣﺖ ﻟﻠﻐﺮﻓﻪ ﻟﻨﺒﺪﻝ ﺑﻴﻪ
ﻟﺤﻜﻨﻲ ﺻﻔﺎﺀ ﻭﺷﻐﻞ ﺻﻄﻮﺍﻧﺘﻪ ﻭﻣﻦ ﻫﺴﻪ ﻃﺒﻖ ﻛﻼﻡ ﺍﺑﻮ ﻣﺎﺟﺪ ﻭﻛﺎﻡ ﻳﺼﻴﺤﻠﻪ ﺍﻟﺰﻋﻴﻢ ﺑﻘﻰ ﻳﺮﻃﻦ ﻭﺍﻧﻲ ﺍﺳﻤﻌﻠﻪ
ﺿﺮﺍﺭ ﻳﻤﻌﻮﺩ ﻟﺘﻀﻞ ﻛﻮﺭﻙ ﻭﻛﻮﺭ ﺍﻟﺰﻋﻴﻢ ﻳﺎﺍﺧﻲ ﺍﺣﻨﺎ ﻣﻮ ﻛﺪﻫﻢ ﻟﺘﻀﻞ ﺗﺮﺍﺩﺩ ﻭﺍﻛﻔﻠﻪ ﻋﻞ ﻛﻠﻤﻪ
ﺻﻔﺎﺀ ﺷﺒﻴﻚ ﻣﺨﻨﺚ ﻟﺘﺼﻴﺮ ﻣﺮﻩ ﻭﺗﺨﻠﻴﻬﻢ ﻳﺴﺘﺮﻛﺒﻮﻙ ﻛﻮﻱ ﻛﻠﺒﻚ ﻟﻮ ﺍﻛﻠﻚ ﻻﺗﺪﺧﻞ ﺑﻴﻨﻲ ﻭﺑﻴﻨﻬﻢ
ﺷﻠﻮﻥ ﻣﺎﺍﺩﺧﻞ ﻳﺎﺑﻪ ﺍﻧﺖ ﻋﻀﻴﺪﻱ ﻭﺿﻠﻌﻲ ﻭﺍﻧﻲ ﺍﺧﺎﻑ ﻣﻨﻬﻢ ﻋﻠﻴﻚ
ﺍﻫﻮﻭﻭﻭﻭﻭﻭ ﻟﺘﺨﻠﻴﻨﻲ ﺍﻛﻮﻡ ﺍﺧﺒﻂ ﻭﺗﻌﺮﻑ ﻟﺴﺎﻧﻲ ﻭﺳﺎﻋﺘﻪ ﺗﺰﻋﻞ ﺻﻔﺎﺀ ﺍﺫﺍ ﺍﻧﻲ ﺿﻠﻌﻚ ﻣﻦ ﺻﺪﻙ ﺍﺭﻳﺪﻙ ﺯﻟﻤﻪ ﻛﻠﺒﻚ ﻣﻴﺖ ﻻﻥ ﺍﺫﺍ ﺗﻀﻞ ﻋﻞ ﻫﺎﻱ ﺳﻮﺍﻟﻔﻚ ﻫﻴﺞ ﺿﻠﻊ ﺍﻛﺴﺮﻩ ﻣﻦ ﺍﻟﻌﻀﻢ ﻭﻣﺎﺭﻳﺪﻩ
ﺍﻧﺖ ﺍﻟﺤﺠﻲ ﻭﻳﺎﻙ ﺿﺎﻳﻊ ﺭﺍﺡ ﺍﺗﺮﻛﻚ ﻟﻼﻳﺎﻡ ﺗﺜﺒﺘﻠﻚ ﺍﻟﺰﻋﻴﻢ ﻭﺟﻤﺎﻋﺘﻪ ﺷﻨﻮ
ﺧﺰﺭﺗﻪ ﺳﻜﺖ ﻭﺍﻧﻲ ﻭﺍﻛﻒ ﻋﻞ ﻣﺮﺍﻳﻪ ﺷﺪﻳﺖ ﺷﻤﺎﻏﻲ ﺟﺮﺍﻭﻳﻪ ﻭﻟﺒﺴﺖ ﻣﺤﺰﻡ ﺍﻟﺴﻼﺡ ﻭﻧﺰﻟﺖ ﻟﻠﻜﺎﻉ ﺷﺪﻳﺖ ﺑﻮﺗﻴﻨﻲ ﺯﻳﻦ ﻭﺷﻠﺖ ﺳﻼﺣﻲ ﺳﺤﺒﺖ ﺃﻗﺴﺎﻡ ﻭﺗﺄﻛﺪﺕ ﻣﻨﻪ ﺟﺎﻫﺰ ﻭﻃﻠﻌﺖ ﻟﻜﻴﺘﻬﻢ ﻣﺘﺤﻀﺮﻳﻦ ﻭﻛﻞ ﻋﺎﺩﻩ ﺍﻟﺰﻋﻴﻢ ﺍﻟﻠﻪ ﻳﺠﺮﻡ ﺑﻮﺩﻩ ﻳﺎﻛﻠﻨﻲ ﺑﻨﻀﺮﺍﺗﻪ ﻟﺒﺴﺘﻪ ﻭﻣﺎﻋﺒﺮﺗﻪ ﻃﻠﻌﺖ ﺟﻜﺎﺭﻩ ﺩﺧﻨﺘﻪ ﻭﺻﻌﺪﺕ ﺍﻟﺴﻴﺎﺭﻩ ﻭﺍﻟﺸﺒﺎﺏ ﺻﻌﺪﻭ ﺍﺑﻮ ﻣﺎﺟﺪ ﻛﺪﺍﻣﻨﻪ ﻭﺍﺣﻨﺎ ﻭﺭﺍﻩ ﻫﺪﻭﻯ ﺩﺍﻣﺲ ﻭﺍﻟﻄﺮﻳﻖ ﺍﺿﻠﻢ ﻻﺯﻡ ﺍﻟﺴﺘﻴﺮﻥ ﺑﺜﻨﻴﻦ ﺍﺩﻳﻪ ﻭﻳﺎﺩﻭﺏ ﻣﺮﻛﺰ ﺑﻠﺴﻴﺎﻗﻪ ﺍﻟﺸﻮﺍﺭﻉ ﻃﻴﻦ ﺗﻮﻩ ﻣﺒﻄﻠﻪ ﻣﻄﺮ ﻭﺭﻳﺤﻪ ﺍﻟﺠﻮ ﺗﻨﻌﺶ ﺍﻟﻜﻠﺐ ﺁﻝ ﻣﻦ ﺗﻮﺻﻞ ﺧﺸﻤﻲ ﺍﺣﺴﻪ ﺭﻳﺤﻪ ﻣﻮﺕ ﻣﻨﺘﻀﺮﻧﻲ ﻭﺍﻧﻲ ﺍﻛﻴﻒ ﺑﺲ ﻭﻳﻦ ﺻﺮﺕ ﻣﻮﺍﻣﻦ ﺑﻠﻤﺜﻞ ﺍﻟﻴﻜﻮﻝ ﻛﻞ ﻣﻤﻨﻮﻉ ﻣﺮﻏﻮﺏ ﻭﺍﻟﻤﻮﺕ ﺍﻧﻲ ﺍﺗﻤﻨﻰ ﺑﺲ ﻣﻤﻨﻮﻉ ﻋﻠﻴﻪ ﻫﺰﻳﺖ ﺭﺍﺳﻲ ﺍﻃﺮﺩ ﻫﺎﻱ ﺍﻷﻓﻜﺎﺭ ﻣﻦ ﺭﺍﺳﻲ ﻣﻦ ﺩﻏﻨﻲ ﺻﻔﺎﺀ ﻣﻦ ﻛﺘﻔﻲ
ﺿﺮﺍﺭ ﻭﻳﻦ ﺻﺎﻓﻦ ﻭﺻﻠﻨﺎ
ﺍﻱ ﺍﻱ ﺍﺩﺭﻱ
ﻧﺰﻟﺖ ﺍﻟﺠﺎﻣﻪ ﻭﺍﺟﻪ ﺍﻟﺰﻋﻴﻢ ﻣﺪ ﺭﺃﺳﻪ ﻭﻛﺎﻝ
ﻳﻠﻪ ﺑﺎﺷﺎ ﺍﻧﺰﻝ
ﺑﺎﻭﻋﺘﻠﻪ ﺑﻨﻀﺮﺍﺀ ﺍﺳﺘﻬﺰﺍﺀ ﻭﻛﺘﻠﻪ
ﺍﻧﻲ ﻣﺎﻧﺰﻝ ﻭﺍﻧﺖ ﺗﺪﺭﻱ ﻳﻮﻣﻴﻪ ﻧﻌﻴﺪ ﻫﺎﻱ ﺍﻟﺴﺎﻟﻔﻪ
ﺍﻭﻙ ﺍﺑﻘﻰ ﻫﻨﺎ ﻭﻣﻦ ﻧﺮﺟﻊ ﻧﺘﺤﺎﺳﺐ
ﻭﺍﻟﻠﻪ ﺍﻳﺪﻙ ﻭﻣﺎﻣﺪﺕ ﻋﻮﺩ ﻃﻬﺮﻧﻲ
ﺩﻏﻨﻲ ﺻﻔﺎﺀ ﻟﺘﻔﺘﺖ ﺩﻳﺤﺠﻲ ﻓﺘﺤﺖ ﺍﻟﺒﺎﺏ ﻣﻦ ﻳﻤﻪ ﻭﺩﻓﻌﺘﻪ ﻭﺍﻧﻲ ﺍﺻﻴﺢ..بيج قصص عراقيه حقيقيه من واقعنا.روعه الطائي
ﺍﺍﺍﺍﺍﻧﺰﻝ ﻟﺘﻀﻞ ﺗﻠﻐﻲ ﺑﺮﺃﺳﻲ ﺟﻨﻚ ﻋﺠﻮﺯ ﻣﺎﺧﺬﻳﻦ ﻋﺸﺎﻩ ﻳﻠﻪ ﻳﻠﻪ
ﻫﺰ ﺭﺃﺳﻪ ﻳﻤﻨﻪ ﻳﺴﺮﻩ ﻣﺮﺍﺿﻲ ﻋﻞ ﺗﺼﺮﻓﺎﺗﻲ ﻭﻧﺰﻝ ﻟﺤﻜﻬﻢ ﺩﺧﻠﻮ ﺍﻟﻔﺮﻉ ﻭﺍﻧﻲ ﻧﺰﻟﺖ ﺍﺳﺘﻄﻠﻊ ﺍﻟﻤﻜﺎﻥ ﺗﻤﺸﻴﺖ ﺧﻄﻮﺗﻴﻦ ﻭﺭﺟﻌﺖ ﻓﺘﺮﻳﺖ ﻭﺭﺍﻩ ﺍﻟﺴﻴﺎﺭﻩ ﻭﺩﺍﺭﺟﻊ ﺍﺻﻌﺪ ﻓﺠﺄﻩ ﻭﺻﺎﺭ ﺭﻣﻲ ﻛﺜﻴﻒ ﻭﺍﻟﺠﻮ ﺍﺷﺘﻐﻞ ﻛﻤﺖ ﻣﺎﻋﺮﻑ ﺷﺴﻮﻱ ﺳﻼﺣﻲ ﺑﻴﺪﻱ ﻭﺍﻟﺪﻧﻴﻪ ﻣﺤﺘﺮﻛﻪ ﺩﺍﺧﻞ ﺍﻟﻔﺮﻉ ﺍﻟﺪﺧﻠﻮﻟﻪ ﻣﻦ ﺷﻔﺖ ﻫﻴﺞ ﻛﻠﺖ ﻫﺬﻱ ﻓﺮﺻﺘﻚ ﻭﺍﻧﺖ ﺍﻟﻨﺠﺮ ﺣﻄﻴﺖ ﺳﻼﺣﻲ ﺑﺠﺮﺍﺑﻪ ﻭﺻﺮﺕ ﺃﺭﻛﺾ ﺃﺭﻛﺾ ﻭﺍﻟﺪﻧﻴﻪ ﻭﺭﺍﻳﻪ ﺻﺎﺭﺕ ﻧﻬﺎﺭ ﺍﻣﺸﻲ ﻭﺍﺗﻠﻔﺖ ﺍﺧﺎﻑ ﻭﺭﺍﻳﻪ ﺃﺣﺪ ﺭﺟﻠﻴﻪ ﺻﺎﺭﻥ ﺧﻴﻮﻁ ﻣﻦ ﺍﻟﻬﺒﻄﻪ ﻭﻣﻦ ﻭﺻﻠﺖ ﻧﻬﺎﻳﻪ ﺍﻟﺸﺎﺭﻉ ﺣﺴﻴﺖ ﺷﻲ ﺧﺘﺮﻕ ﺟﺘﻔﻲ ﻭﺣﺮﺍﺭﻩ ﻧﺰﻟﺖ ﻭﻟﻄﺸﺖ ﻋﻞ ﺗﺸﻴﺮﺗﻲ ﻭﻣﻊ ﻫﺬﺍ ﻣﻬﺘﻤﻴﺖ ﻣﺴﺘﻤﺮ ﺃﺭﻛﺾ ﺍﻝ ﺍﻥ ﺑﺘﻌﺪﺕ ﻛﻠﺶ ﻭﺻﺮﺕ ﺩﺍﺧﻞ ﺑﻨﺺ ﺑﺴﺘﺎﻥ ﻟﻬﻨﺎ ﺑﻌﺪ ﻣﺎﻗﺎﻭﻣﺖ ﻋﻴﻮﻧﻲ ﻏﻮﺷﻦ ﻭﺣﻠﻜﻲ ﻳﺒﺲ ﻭﺧﺘﻞ ﺗﻮﺍﺯﻧﻲ ﻭﻛﻌﺖ ﺑﻌﺪ ﻣﺎﺣﺴﻴﺖ ﺑﺸﻲ
ﻭﻳﻦ ﺍﻝ ﺑﺪﻳﺖ ﺍﻏﻤﺾ ﻭﺍﻓﺘﺢ ﻋﻠﻰ ﻗﻄﺮﺍﺕ ﻣﻲ ﻋﻠﻰ ﻭﺟﻬﻲ ﻭﺻﻮﺕ ﺛﻨﻴﻦ ﻳﻤﻲ
ﻳﻮﻭﻝ ﻣﺤﻤﺪ ﺍﻟﻠﻪ ﻳﺼﻜﻌﻚ ﻛﻮﻡ ﻭﻋﻮﻓﻪ ﺭﺍﺡ ﺗﺒﻠﻴﻨﻪ ﺍﻻﺍﺩﻣﻲ ﻣﺒﻴﻦ ﻣﻴﺖ
ﻻﻻ ﻓﺮﺍﺱ ﻭﺍﻟﻠﻪ ﻋﺎﻳﺶ ﻫﺬﺍ ﺍﻟﻨﺒﺾ ﻣﻮﺟﻮﺩ ﺑﺲ ﺳﺎﻋﺪﻧﻲ ﻧﺸﻴﻠﻪ
ﻭﻭﻭﻝ ﻭﻳﻦ ﺗﺮﻳﺪ ﺑﻲ ﻻﺩﻛﻠﻲ ﻟﻠﻤﺴﺘﺸﻔﻰ ﺑﺎﻟﻠﻪ ﺃﻋﻮﻓﻚ ﻭﺍﺭﺟﻊ ﻟﻠﺒﻴﺖ
ﺍﻧﺖ ﻋﻠﻴﺶ ﺟﺒﺎﻥ ﺣﺪﺭ ﺳﺎﻋﺪﻧﻲ ﻭﺍﺳﻜﺖ ﻧﺪﺍﻭﻱ ﻳﻢ ﺟﺪﻱ
ﺍﻧﻲ ﻣﺎﺷﻴﻠﻪ ﻭﻻﺍﻟﻲ ﻏﺮﺽ ﺑﻲ ﺭﺍﺡ ﺍﺭﻭﺡ ﻟﺸﻐﻠﻲ ﻭﺍﻧﺖ ﺣﻴﺮ ﺑﻲ
ﻋﺠﻞ ﺍﻧﺖ ﻣﻮﺯﻟﻤﻪ ﺷﻠﻮﻥ ﻛﻠﺒﻚ ﻳﻨﻄﻴﻚ ﺗﻮﺷﻮﻑ ﺍﺩﻣﻲ ﻣﺤﺘﺎﺝ ﻣﺴﺎﻋﺪﻩ ﻭﺗﺪﻳﺮ ﻭﺟﻬﻚ ﻋﻨﻪ ﻭﺗﺸﻤﻲ
ﺍﻱ ﻣﺤﺘﺎﺝ ﻣﺴﺎﻋﺪﻩ ﺍﻟﻮﻟﺪ ﻣﺠﺘﻮﻝ ﻭﺳﺎﺑﺢ ﺑﺪﻣﻪ ﺗﺮﺩﻧﻲ ﻭﻫﺬﺍ ﺳﻼﺡ ﺑﺼﻔﻪ ﺗﺮﻳﺪﻧﻲ ﺍﺷﻴﻠﻪ ﺩﺍﻳﺘﻜﺮﺑﺲ ﺑﺮﺍﺳﻲ
ﺍﻣﺸﻲ ﺣﺪﺭ ﻻﺑﺎﺭﻙ ﺍﻟﻠﻪ ﺑﻴﻚ ﻫﺴﻪ ﺍﻧﺎﺩﻱ ﻭﺍﺣﺪ ﻣﻦ ﺭﺑﻌﻨﻪ ﻳﺸﻴﻠﻪ ﻭﻳﺎﻱ
ﻭﻭﻭﻭﻭﻭﻝ ﻫﻴﻦ ﻫﻴﻦ ﻳﺎ ﺍﻡ ﺍﻟﻮﻳﻼﺩ
ﺍﺷﺸﺸﺸﺶ ﻓﻀﺤﺘﻨﻪ ﺟﻌﻤﻚ ﺍﻟﻠﻪ ﺣﺪﺭ ﻳﻠﻪ ﺣﺪﺭ ﺍﺷﻴﻞ ﻭﻳﺎﻙ ﻭﺍﻣﺮﻱ ﻟﻠﻪ ﺩﺍﺷﻮﻑ ﻭﻳﻦ ﺗﺼﻞ ﺑﻴﻨﻪ ﻃﻴﺒﻪ ﻛﻠﺒﻚ
ﻋﺠﻞ ﺷﻴﻞ ﻭﺍﻧﺖ ﺳﺎﻛﺖ
ﺿﺮﺍﺭ ........ ﺍﺳﻤﻊ ﻭﺭﻭﺣﻲ ﺳﺎﻳﺤﻪ ﻣﺎﻛﺪﺭ ﺍﺣﺠﻲ ﻧﺮﻓﻌﺖ ﻣﻦ ﺭﺟﻠﻴﻪ ﻣﺎﻧﻄﻴﺖ ﺩﺭﺕ ﻓﻌﻞ ﺑﺲ ﻣﻦ ﻭﺣﺪﻩ ﻣﻦ ﺍﻳﺪﻱ ﺍﻧﺮﻓﻌﺖ ﺻﺤﺖ ﻛﻮﻩ
ﺍﺍﺍﺍﺍﺍﺍﺍﺍﺥ ﺑﻮﻳﻪ
ﻭﻭﻭﻝ ﻣﺤﻤﺪ ﻫﺬﺍ ﺳﻤﻌﺘﻪ ﺷﻴﻜﻮﻝ ﻫﺬﺍ ﺑﻴﺎﻧﻪ ﻣﻦ ﺫﺍﻙ ﺍﻟﺼﻮﺏ
ﻋﺠﻞ ﻭﺍﺫﺍ ﻣﻦ ﺫﺍﻙ ﺍﻟﺼﻮﺏ ﺷﻨﻮ ﺫﺍﻙ ﺍﻟﺼﻮﺏ ﻣﻮﺑﺸﺮ
ﻣﻮﻫﻴﺞ ﺑﺲ ﺍﺧﺎﻑ ﻧﺮﻭﺡ ﺑﻴﻪ ﻭﻳﻄﻠﻌﻪ ﺍﺣﺪ ﻟﻮ ﻳﺼﺤﻪ ﻭﻋﺒﺎﻟﻪ ﺍﺣﻨﺎ ﺟﺎﺗﻠﻴﻨﻪ
ﻻﺗﻔﺎﻭﻟﻨﻪ ﻳﺼﺤﻰ ﻭﺍﻟﻠﻪ ﻛﺮﻳﻢ ﻧﺰﻟﻪ ﻳﻠﻪ ﻭﺭﻭﺡ ﻧﺎﺩﻱ ﺟﺪﻱ ﺑﻠﻌﺠﻞ
ﺿﺮﺍﺭ .. ﺑﻌﺪ ﻣﺴﺎﻓﻪ ﻧﺤﻄﻴﺖ ﺑﻠﻜﺎﻉ ﻭﺍﻧﻲ ﺍﻭﻭﻭﻥ ﻭﻧﺎﺭ ﺑﺠﺘﻔﻲ ﺷﻮﻳﻪ ﻭﻳﻤﻜﻦ ﺍﺟﺎﻩ ﺟﺪﻭﻫﻢ ﻛﺎﻝ
ﺧﻴﺮ ﺷﺼﺎﻳﺮ ﻣﻨﻴﻦ ﺍﻟﻮﻟﺪ
ﺟﺪﻱ ﻣﺎ ﻧﻌﺮﻑ ﻃﻠﻌﻨﻪ ﻟﻠﺤﺼﺎﺩ ﻭﻟﻜﻴﻨﺎﻩ ﺳﺎﺑﺢ ﺑﺪﻣﻪ ﻭﺍﻟﻌﻴﻨﺘﻴﻦ ﻓﺮﺍﺱ ﻣﻴﻘﺒﻞ ﻳﺸﻴﻠﻪ ﻭﺍﻧﻲ ﺍﺻﺮﻳﺖ ﻧﺸﻴﻠﻪ ﺑﻠﻜﺖ ﺗﻌﺮﻑ ﻋﻠﺘﻪ
ﺍﺍﺍﺍﻓﻪ ﻋﻠﻴﻚ ﻭﻝ ﻓﺮﺍﺱ ﺷﻠﻮﻥ ﺗﺮﻳﺪ ﺗﻌﻮﻓﻪ
ﺟﺪﻱ ﺣﺴﺒﺎﻟﻲ ﻣﻴﺖ ﻣﺎ ﺗﺸﻮﻑ ﺍﻟﺪﻡ
ﻻ ﺍﻧﺸﺎﻟﻠﻪ ﻋﺎﻳﺶ ﺷﻴﻠﻮﻭ ﺛﻴﺎﺑﻪ ﻣﻦ ﻋﻠﻴﻪ ﻭﺍﻧﺖ ﻓﺮﻳﺲ ﺭﻭﺡ ﺟﻴﺐ ﺟﻨﻄﻪ ﺍﻟﻀﻤﺎﺩﺍﺕ
ﺻﺎﺭ ﺟﺪﻱ
ﺍﺭﻛﺾ ﻋﻔﻴﻪ ﺍﺑﻨﻲ
ﻭﻭﻭﻝ ﻫﺬﺍ ﺟﺜﻴﺚ ﻋﺠﻞ ﺷﻠﻮﻥ ﺷﻠﺘﻮﻭ ﻓﺪ ﺍﻧﺖ ﻭﻓﺮﺍﺱ
ﺟﺪﻱ ﺷﻨﺴﻮﻱ ﺧﻮﻣﺎ ﻧﻌﻮﻓﻪ
ﻋﻔﻴﻪ ﻋﻠﻴﻜﻢ ﺳﺒﺎﻉ ﺍﻟﻠﻪ ﻳﺎﺍﺟﺮﻛﻢ
ﺿﺮﺍﺭ .. ﺍﻭﻝ ﺷﻲ ﺳﻤﻌﺖ ﺭﻋﻄﺖ ﺍﻟﺘﺸﻴﺮﺕ ﻭﺑﻌﺪﻳﻦ ﺑﺪﻭ ﻳﻤﺴﺤﻮﻥ ﺍﻟﺪﻡ ﺍﻟﺴﺎﻧﻲ ﺍﺣﺴﻪ ﺟﺒﻞ ﻭﻋﻴﻮﻧﻲ ﻧﺎﺭ ﻭﺑﺲ ﺍﻭﻥ ﺷﻮﻳﻪ ﻭﺻﺎﺭ ﺍﻟﻠﻢ ﻓﻀﻴﻊ ﻏﺼﺒﻦ ﻣﺎﻋﻠﻴﻪ ﻛﻤﺖ ﺍﺻﻴﺤﺢ
ﺑﻮﻭﻭﻭﻭﻭﻳﻪ ﺍﺍﺍﺍﺍﺍﺍﺍﺥ ﺑﻮﻭﻭﻭﻭﻭﻳﻪ
ﻣﺎﺩﺭﻱ ﺷﻜﺪ ﻣﺮ ﻭﻛﺖ ﻭﺍﻧﺎ ﻋﻠﻰ ﺻﻮﺕ ﻭﺍﺣﺪ ﻭﺑﻌﺪﻳﻦ ﺣﺴﻴﺖ ﺑﻨﻐﺰﻩ ﺍﺑﺮﻩ ﻋﻠﻰ ﺍﺛﺮﻩ ﺑﻌﺪ ﻣﺎﻗﺎﻭﻣﺖ ﻭﺧﺘﻔﻪ ﺻﻮﺗﻲ ﻭﺍﻟﻮﻧﻪ ﺿﻠﺖ ﺑﺲ ﺑﺮﻭﺣﻲ
ﻭﻭﻳﻦ ﻭﻛﻌﺪﺕ ﺍﺭﺟﻒ ﻭﺷﻲ ﺑﺎﺭﺩ ﻋﻠﻰ ﻛﺼﺘﻲ ﺣﺮﻛﺖ ﺷﻔﺎﻳﻔﻲ ﺩﻧﺎﺭ ﻋﻠﻴﻬﻦ ﺷﻲ ﺑﺎﺭﺩ ﺑﻠﻌﺖ ﺭﻳﻜﻲ ﻣﻲ ﺍﻱ ﻫﺬﺍ ﻣﻲ ﺍﻟﻠﻪ ﺷﻜﺪ ﻣﺸﺘﻬﻲ ﻟﺤﻴﺘﻲ ﺗﺮﻃﺒﺖ ﻭﻧﻤﺴﺤﺖ ﻭﺍﺣﺪ ﺩﻳﻜﻠﻲ
ﻭﻝ ﻳﺎﺑﻪ ﺍﻧﺖ ﺻﺎﺣﻲ ﻟﻮ ﺑﻌﺪﻙ ﻓﺎﻗﺪ
ﻭﻧﻴﺖ .. ﺍﺍﺍﺍﺍﺍﺥ ﺑﺮﺩﺍﻥ
ﻋﺠﻞ ﺍﻧﺖ ﻣﺼﺨﻦ ﺷﻠﻮﻥ ﻣﺎﺗﺒﺮﺩ ﻭﻝ ﻣﺤﻤﺪ ﺟﺜﺮﻟﻪ ﺍﻟﻐﻄﺎﺀ
ﺍﻧﺎ ﻭﻳﻦ
ﻻﺗﺸﻴﻞ ﻫﻢ ﺍﻧﺖ ﺑﺄﺍﻣﺎﻥ ﻳﺎﺑﻪ ﻓﺪ ﻓﺘﺢ ﻋﻴﻨﻚ ﺍﺫﺍ ﺗﻜﺪﺭ
ﻋﺼﺮﺕ ﻋﻴﻮﻧﻲ ﺣﻴﻞ ﻭﺣﺎﻭﻟﺖ ﺍﻓﺘﺢ ﺑﻌﺪﻳﻦ ﻫﻮﻩ ﻣﺴﺤﻬﻦ ﺑﻠﻤﻲ ﻓﺘﺤﺖ ﻭﺍﻟﻀﻮﻩ ﻛﺒﺎﻟﻲ ﻭﻏﻄﻪ ﺗﺨﻠﻪ ﻓﻮﻛﺎﻳﻪ ﺍﺣﺲ ﺑﺲ ﺑﺜﻜﻠﻪ ﻛﻞ ﺩﻓﻮﻭ ﻣﺎﻛﻮ ﺍﻧﺎ ﺑﻐﺮﻓﻪ ﻭﺑﻠﻜﺎﻉ ﺗﺤﺪﻳﺪﺍ
ﻭﻛﺪﺍﻣﻲ ﻃﺎﺳﻪ ﻣﺎﻝ ﺟﻤﺮﻳﻪ ﻭﺑﺼﻔﻲ ﺭﺟﺎﻝ ﻃﺎﻋﻦ ﺑﻠﺴﻦ ﻟﺤﻴﺘﻪ ﺑﻴﻀﻪ ﻛﻄﻦ ﻭﻻﻑ ﺷﻤﺎﻍ ﺍﺣﻤﺮ ﻭﻋﻠﻰ ﺟﺘﺎﻓﻪ ﻓﺮﻭﻩ ﻣﻦ ﺷﺎﻓﻨﻲ ﺍﺑﺎﻭﻉ ﻭﺍﻋﺼﺮ ﺑﻌﻴﻮﻧﻲ ﺻﺎﺡ
ﻭﻝ ﻫﻴﻦ ﻫﻴﻦ ﻭﻳﻨﻜﻢ
ﺩﺧﻞ ﺷﺎﺏ ﺗﻘﺮﻳﺒﺎ ﺑﻜﺪﻱ ﻛﺎﻟﻪ
ﻫﺎﺍﺍ ﺟﺪﻱ
ﺣﺪﺭ ﺍﻟﻮﻟﺪ ﺻﺤﻰ ﻧﺎﺩﻱ ﻓﺮﺍﺱ ﻭﺗﻌﺎﻟﻮ ﻛﻌﺪﻭﻭ ﻭﺑﺪﺭﺑﻚ ﻛﻮﻝ ﻟﻠﺤﺮﻳﻢ ﻳﺴﻮﻭﻟﻪ ﻟﻜﻤﻪ ﻳﺴﻨﺪ ﺑﻴﻬﻪ ﻛﻠﺒﻪ
ﺻﺎﺭ ﺟﺪﻱ ﻫﺴﻪ ﻃﻴﺎﺭﻩ ﺍﺑﻠﻐﻬﻢ ﻭﺍﺟﻲ
ﺭﺟﻊ ﻋﻠﻴﻪ ﻳﻤﺴﺪ ﻋﻠﻰ ﺭﺍﺳﻲ ﻭﻳﺤﺎﺟﻴﻨﻲ
ﻫﺎﺍﺍ ﻳﺎﺑﻪ ﺷﺘﻬﺠﺲ ﻫﺴﻪ
ﺟﺘﻔﻲ ﺟﺘﻔﻲ ﻣﻮﻭﻭﺗﻨﻲ
ﻣﺎﻳﺨﺎﻟﻒ ﺍﻧﺖ ﻣﺼﻮﺏ ﻭﺍﺣﻨﺎ ﺩﺍﻭﻳﻨﺎﻙ ﻭﻫﺴﻪ ﺍﻟﻮﻳﻼﺩ ﻳﻜﻌﺪﻭﻙ ﻭﺗﺼﻴﺮ ﺍﺣﺴﻦ ﺍﻥ ﺷﺎﻟﻠﻪ
ﺍﺟﻮﻱ ﺛﻨﻴﻦ ﻭﺳﻨﺪﻭﻧﻲ ﻛﻌﺪﻭﻧﻲ ﻭﺣﻄﻮﻭ ﻣﺨﺎﺩ ﻭﺭﻩ ﺿﻬﺮﻱ ﻭﻟﻔﻮﻧﻲ ﺑﻠﺒﻄﺎﻧﻴﺎﺕ ﻟﻒ ﻭﻗﺮﺑﻮﻭ ﺍﻟﺠﻤﺮﻳﻪ ﻛﺒﺎﻟﻲ ﻭﺍﻧﻲ ﺩﺍﻳﺦ ﺑﺲ ﺩﺍﺿﺒﻂ ﻧﻔﺴﻲ ﻭﺍﺷﻮﻑ ﺷﻨﻮﻭ ﺻﺎﺭﻟﻲ ﻭﻭﻳﻦ ﺍﻧﻲ
ﺣﺪﺭ ﻳﺎﺑﻪ ﻣﺤﻤﺪ ﺳﺎﻋﺪﻩ ﻳﺎﻛﻞ
ﺍﻱ ﺟﺪﻱ ﺻﺎﺭ
ﻛﻌﺪ ﻭﻟﺪ ﺑﺼﻔﻲ ﻭﺍﻟﺼﻴﻨﺒﻪ ﺑﺤﻀﻨﻪ ﻭﺑﻴﻪ ﻛﺎﺳﻪ ﻭﻣﻲ ﻟﺤﻢ ﺍﺑﻴﺾ ﻭﻛﺮﺻﻪ ﺧﺒﺰ ﺍﻭﻝ ﺷﻲ ﻳﺸﺮﺑﻨﻲ ﺑﻠﺨﺎﺷﻮﻛﻪ ﺣﺘﻰ ﺭﻳﻜﻲ ﻧﻔﺘﺢ ﺑﻌﺪ ﻣﺎﺟﻨﺖ ﺍﺣﺲ ﺑﻲ ﻣﺠﺮﺡ ﻭﺑﻌﺪﻳﻦ ﻛﺎﻡ ﻳﻠﻔﻠﻲ ﻟﺤﻢ ﺑﺎﻟﺨﺒﺰ ﻭﻳﻐﻤﺴﻪ ﺑﻠﺴﻮﺏ ﻭﻳﺨﻠﻲ ﺑﺤﻠﻜﻲ ﻭﺍﻧﻲ ﻣﺴﺘﺴﻠﻢ ﻭﺍﻛﻞ ﻣﻦ ﻛﺎﺩ ﻣﺎﺟﻮﻋﺎﻥ ﻭﺑﻄﻨﻲ ﻓﺎﺭﻏﻪ
ﺍﻛﻠﺖ ﻟﻴﺴﻨﺪﻱ ﻭﻃﻠﻊ ﺻﻮﺗﻲ ﻭﻛﺘﻠﻪ
ﻣﺸﻜﻮﺭ ﺧﻮﻳﻪ ﻣﺎﻗﺼﺮﺕ
ﺍﻟﻒ ﻋﺎﻓﻴﻪ ﺷﻠﻮﻧﻚ ﻫﺴﻪ
ﺍﻟﺤﻤﺪﺍﻟﻠﻪ
ﻳﺴﺘﺎﻫﻞ ﺍﻟﺤﻤﺪ ﺟﻨﺖ ﺟﺜﻴﺮ ﺗﻌﺒﺎﻥ ﻭﺍﻟﻠﻪ ﻧﺠﺎﻙ ﺍﻟﺤﻤﺪﺍﻟﻠﻪ
ﺟﺪﻫﻢ ﻛﺎﻝ
ﻣﺤﻤﺪ ﺳﻮﻳﻠﻨﻪ ﺳﺘﻜﺎﻥ ﺟﺎﻱ ﺩﺍﻡ ﺍﻟﻮﻟﺪ ﻛﻌﺪ ﻧﺸﺮﺑﻪ ﺣﺘﻰ ﻳﺼﺤﻰ ﺃﻛﺜﺮ ﺑﻴﺎﻧﻪ ﺩﺍﻳﺦ ﻭﺑﻌﺪﻩ ﺗﻌﻴﺒﺎﻥ
ﺿﺮﺍﺭ ... ﺳﻮﺍﻟﻔﻬﻢ ﻛﻠﻪ ‏( ﻳﻮﻝ ﻭﻋﺠﻞ ﻭﺣﺪﺭ ‏) ﻣﺒﻴﻦ ﻣﻦ ﻋﺸﺎﻳﺮ ﺍﻟﻐﺮﺑﻴﻪ ﺗﻠﻤﺴﺖ ﺟﻴﻮﺑﻲ ﺍﺩﻭﺭ ﻣﺤﻔﻀﺘﻲ ﻭﺑﻴﻬﻪ ﻫﻮﻳﺘﻲ ﻭﺍﺧﺎﻑ ﺷﺎﻓﻮﻫﻪ ﻭﻳﻌﺮﻓﻮﻧﻲ ﻣﻦ ﺍﻫﻞ ﺍﻟﺠﻨﻮﺏ ﻭﺍﺭﻭﺡ ﺑﻴﻬﻪ ﺩﻭﺭﺍﺗﻪ ﻛﻠﺸﻲ ﻣﺎﻟﻜﻴﺖ ﻭﺳﻼﺣﻲ ﻫﻢ ﻣﺎﻛﻮ ﻫﻮﻩ ﻳﺒﺎﻭﻉ ﻋﻠﻴﻪ ﻭﻛﺎﻝ
ﺗﺪﻭﺭ ﻋﻠﻰ ﻏﺮﺍﺿﻚ ﺍﻣﻦ ﻣﻮﺟﻮﺩﺍﺕ ﺫﻧﻲ ﻳﻢ ﺭﺍﺳﻚ ﺑﺲ ﻫﺬﺍ ﻟﻴﺨﺎﺑﺮ ﻧﻘﺎﻝ ﻣﺪﺭﻱ ﺷﻴﺴﻤﻮﻭ ﻃﻔﻴﻨﻪ ﻃﺮﺷﻨﻪ ﻭﻫﻮﻩ ﻛﻞ ﺳﺎﻉ ﻳﺪﻙ
ﺿﻠﻴﺖ ﺳﺎﻛﺖ ﻭﺑﺲ ﺍﻫﺰ ﺑﺮﺍﺳﻲ ﺍﺟﻮﻱ ﺟﻢ ﻭﺍﺣﺪ ﻛﻌﺪﻭﻭ ﻭﻳﻌﺎﻳﻨﻮﻥ ﻋﻠﻴﻪ ﻭﺍﻟﻮﻟﺪ ﺍﻟﻮﻛﻠﻨﻲ ﺻﺐ ﺍﻟﺠﺎﻱ ﻭﺍﺧﺬﺗﻪ ﺷﺮﺑﺘﻪ ﻭﻫﻤﻪ ﺑﻴﻨﻬﻢ ﻳﺴﻮﻟﻔﻮﻥ ﻣﻮﺍﺿﻴﻊ ﻣﺨﺘﻠﻔﻪ ﻭﺟﻬﺎﻟﻬﻢ ﻃﺎﺑﻴﻦ ﻃﺎﻟﻌﻴﻦ ﻭﺍﻟﺠﺪ ﻳﻜﻠﻲ ﺫﻭﻟﻪ ﻋﻤﻮﻣﺘﻨﻪ ﻭﺍﺣﻨﺎ ﻳﻮﻣﻴﻪ ﻧﺘﻌﻠﻞ ﺧﻮﻣﺎ ﺿﻮﺟﻨﺎﻙ
ﻻ ﻳﻌﻤﻲ ﺷﻀﻮﺟﺘﻨﻮﻧﻲ ﺍﻟﺒﻴﺖ ﺑﻴﺘﻜﻢ ﻭﺍﻧﺎ ﺧﻄﺎﺭ ﻋﻨﺪﻛﻢ ﺍﺧﺎﻑ ﺍﻧﺎ ﺛﻘﻠﺖ ﻋﻠﻴﻜﻢ
ﻻ ﺍﻧﺖ ﺿﻴﻔﻨﻪ ﻭﺍﺣﻨﺎ ﻧﺨﻠﻲ ﺍﻟﻀﻴﻒ ﻋﻠﻰ ﺭﺍﺳﻨﻪ
ﺳﺎﻟﻢ ﺭﺍﺳﻚ ﻳﻌﻤﻲ ﻣﺸﻜﻮﺭﻳﻦ ﻭﻣﺎﻗﺼﺮﺗﻮﻭ ﻭﺍﻥ ﺷﺎﻟﻠﻪ ﺑﺲ ﻳﻄﻠﻊ ﺍﻟﺼﺒﺢ ﺍﺗﻮﻛﻞ ﻋﺒﻦ ﻣﺎﺭﻳﺪ ﺍﺯﺣﻤﻜﻢ ﺃﻛﺜﺮ
ﻻﺑﻠﺤﺮﺍﻡ ﻣﺎﺗﺨﻄﻲ ﻋﺘﺒﺖ ﺍﻟﺒﺎﺏ ﺍﻝ ﻭﺍﻧﺖ ﺻﺤﺘﻚ ﺯﻳﻨﻪ ﻗﺎﺑﻞ ﺷﺎﻳﻠﻴﻚ ﻋﻠﻰ ﺿﻬﺮﻧﻪ ﻭﺭﺍﻛﻀﻴﻦ ﺑﻴﻚ ﺗﺮﺍﻙ ﻧﺎﻳﻢ ﺑﻠﻔﺮﺍﺵ ﻭﻣﺎﻣﺬﻳﻨﻪ
ﺭﺣﻤﻪ ﻭﺍﻟﺪﻳﻚ ﻋﻤﻲ ﺍﻟﻠﻪ ﻳﻜﺜﺮ ﻣﻦ ﺍﻣﺜﺎﻟﻚ
ﻭﺍﻟﺪﻳﻚ ﻳﺎﺑﻪ ﺍﺷﺮﺏ ﻫﺬﺍ ﻋﻼﺟﻚ ﻭﻧﺎﻡ ﺣﺘﻰ ﺗﺮﺗﺎﺡ
ﻣﺤﻤﺪ ﻳﺎﺑﻌﺪ ﺟﺪﻙ
ﺃﻣﺮ ﺟﺪﻱ
ﺷﺮﺏ ﺍﺧﻮﻙ ﻋﻼﺟﻪ ﺗﺎﻳﻨﺎﻡ ﻭﻳﺮﺗﺎﺡ
ﻣﻮﻳﺪﻟﻞ
ﺑﺘﺴﻤﺖ ﺑﺘﻌﺐ ﻭﺗﺸﻜﺮﺗﻪ ﺑﻌﺪ ﻣﺎﻧﻄﺎﻧﻲ ﻋﻼﺟﻲ ﻭﻧﻴﻤﻨﻲ ﻭﻏﻄﺎﻧﻲ ﺍﻟﻠﻪ ﺷﻠﻮﻥ ﻧﺎﺱ ﺍﻭﺍﺩﻡ ﺣﺘﻰ ﻣﺎﺳﺌﻠﻮﻧﻲ ﻭﻳﻦ ﺗﺼﻮﺑﺖ ﻭﻻ ﺣﺮﺟﻮﻧﻲ ﺟﺎﻥ ﺷﺠﺎﻭﺑﺘﻬﻢ ﻭﺍﻧﺎ ﺍﻛﻠﺖ ﻣﻦ ﺯﺍﺩﻫﻢ ﻭﻧﻘﺬﻭ ﺣﻴﺎﺗﻲ ﺷﻠﻮﻥ ﺍﺟﺬﺏ ﻋﻠﻴﻬﻢ
ﻏﻤﻀﺖ ﻭﻛﻞ ﺍﻟﺼﺎﺭ ﻣﺮ ﻛﺪﺍﻡ ﻋﻴﻨﻲ ﺻﻮﺕ ﺍﻟﺮﺻﺎﺹ ﻭﺷﻠﻮﻥ ﺍﻟﺠﻮ ﺍﺷﺘﻌﻞ ﻭﺻﻔﺎﺀ ﺍﺍﺍﺍﺥ ﺻﻔﺎﺀ ﻭﻳﺎﻫﻢ ﻭﻳﻦ ﺻﻔﺎﺀ ﺑﻲ ﺍﻟﺪﻫﺮ ﻭﻫﺎﺟﺮ ﻫﺴﻪ ﺿﻞ ﺑﺎﻟﻪ ﻋﻠﻴﻪ ﺷﻠﻮﻥ ﺑﻴﻪ ﺍﺧﺒﺎﺭﻫﻢ ﺑﺲ ﻣﺎﻛﺪﺭ ﺍﺷﻴﻞ ﺭﺍﺳﻲ ﺍﻧﺎﻡ ﻭﺍﻟﺼﺒﺎﺡ ﺭﺑﺎﺡ
ﺍﻓﻜﺮ ﻭﻛﻠﻲ ﻗﻠﻖ ﻣﻦ ﺍﻟﺠﺎﻱ ﺯﻳﻦ ﺍﻧﻲ ﻟﻴﺶ ﻟﻬﺰﻣﺖ ﻭﻛﻠﺖ ﻫﺎﻱ ﻓﺮﺻﺘﻲ ﻣﻌﻘﻮﻟﻪ ﻋﺒﺎﻟﻲ ﻳﻠﺰﻣﻮﻫﻢ ﻟﻮ ﺭﺩﺕ ﺍﺧﻠﺺ ﺯﻳﻦ ﺍﺫﺍ ﻃﻠﻌﻮﻭ ﻣﻤﻠﺰﻣﻮﻳﻦ ﺷﻠﻮﻥ ﻫﻢ ﺍﺭﺟﻊ ﻋﻠﻴﻬﻢ ﻟﻮ ﺍﻫﺞ ﻭﻳﻦ ﺍﻫﺞ ﻭﻳﻦ ﺍﺭﻭﺡ ﻭﺍﻫﻠﻲ ﻭﺩﻳﺮﺗﻨﻪ ﺍﻟﻴﻌﺮﻓﻮﻫﻪ ﺷﺒﺮ ﺷﺒﺮ ﺯﻳﻦ ﻣﻨﻮﻭ ﺿﺮﺑﻨﻲ ﻃﻠﻘﻪ ﺗﺎﻳﻬﻪ ﻟﻮ ﻣﺘﻌﻤﺪﻩ ﻻﺍﻛﻴﺪ ﺗﺎﻳﻬﻪ ﻟﻮ ﻣﺘﻌﻤﺪﻩ ﺟﺎﻥ ﺍﺣﺪ ﻟﺤﻜﻨﻲ
ﻏﻔﻴﺖ ﻭﻣﺎﺣﺴﻴﺖ ﺍﻝ ﺻﻮﺕ ﺟﺎﻣﻊ ﻗﺮﻳﺐ ﻳﻘﻴﻢ ﺑﺼﻼﻟﻪ ﻭﺍﻟﺤﺠﻲ ﻓﺎﺭﺵ ﺍﻟﺴﺠﺎﺩ ﻭﺟﺎﺗﻒ ﺍﺩﻳﻪ ﺿﻠﻴﺖ ﺍﺑﺎﻭﻉ ﻋﻠﻴﻪ ﻟﺤﺪ ﻣﺎﻛﻤﻞ ﻭﻟﺘﻔﺖ ﻋﻠﻴﻪ ﺷﺎﻓﻨﻲ ﻛﺎﻋﺪ ﻛﺎﻝ
ﺻﺒﺎﺡ ﺍﻟﺨﻴﺮ ﺷﻠﻮﻥ ﺻﺮﺕ
ﺻﺒﺎﺡ ﺍﻟﻨﻮﺭ ﺍﻟﺤﻤﺪ ﺍﻟﻠﻪ ﺧﻴﺮ ﻣﻦ ﺍﻟﻠﻪ
ﻳﺴﺘﺎﻫﻞ ﺍﻟﺤﻤﺪ ﺑﻴﻚ ﺣﻴﻞ ﺗﺼﻠﻲ؟
ﺍﻱ ﺍﻛﺪﺭ ﺍﻥ ﺷﺎﻟﻠﻪ
ﺩﻛﻮﻡ ﺗﻮﺟﻬﻪ ﻟﺮﺑﻚ ﻭﺍﺷﻜﺮﻩ ﻟﻨﻪ ﻧﺠﺎﻙ ﻭﻃﻠﻌﻚ ﻣﻦ ﺷﺪﻩ ﺍﺿﻨﻚ ﺟﻨﺖ ﻭﺍﻛﻊ ﺑﻴﻪ
ﺟﺎﻭﺑﺘﻪ
ﺍﻱ ﻭﺍﻟﻠﻪ ﻭﺍﻧﺖ ﺍﻟﺼﺎﺩﻙ
ﻋﺼﺎﺗﻪ ﺑﺼﻔﻪ ﺩﻕ ﺑﻴﻪ ﺍﻟﻮﻟﺪ ﻟﺴﻤﻪ ﻣﺤﻤﺪ ﺑﺴﺮﻋﻪ ﻧﻬﺾ ﻭﻛﻠﻪ
ﻫﺎﺍ ﺟﺪﻱ
ﻛﻮﻡ ﺑﻌﺪ ﺟﺪﻙ ﻭﺩﻱ ﺍﻟﻮﻟﺪ ﻟﻠﻤﻐﺎﺳﻞ ﻭﺧﻠﻲ ﻳﻐﺴﻞ ﻭﻳﺘﻮﺿﻰ ﺩﺍﻳﺘﻮﺟﻬﻪ ﺍﻟﺮﺑﻪ
ﻋﺎﺩ ﺍﻧﻲ ﻛﺘﻠﻪ
ﻻﻋﻤﻲ ﺧﻠﻲ ﺧﻄﻴﻪ ﻣﺮﺗﺎﺡ ﺍﻧﺎ ﺍﻛﺪﺭ ﺍﻛﻮﻡ ﺑﺲ ﺩﻟﻴﻨﻲ ﻟﻤﻐﺎﺳﻞ
ﻻﺷﻴﻨﺎﻡ ﺍﻟﻔﺠﺮ ﻃﻠﻊ ﻭﻫﻮﻩ ﻫﻢ ﺻﺎﺣﺐ ﺷﻐﻞ ﻭﻝ ﻣﺤﻤﺪ ﺍﻧﻀﻬﺾ ﻭﻻﺗﺘﻜﺎﺳﻞ
ﺍﻱ ﺟﺪﻱ ﻛﺎﻳﻢ
ﺍﻧﻲ ﻫﻢ ﻛﻤﺖ ﺑﺲ ﺍﺣﺲ ﺟﺘﻔﻲ ﺟﺒﻞ ﻭﻫﻤﻪ ﻣﺮﺑﻄﻲ ﻭﻣﻌﻠﻜﻲ ﺑﺮﻛﺒﺘﻲ ﺍﺧﺬﻧﻲ ﻣﺤﻤﺪ ﺍﻟﻠﻪ ﻳﻮﻓﻘﻪ ﺩﻻﻧﻲ ﻟﻤﻐﺎﺳﻞ ﻭﺑﻌﺪﻩ ﺗﻮﺿﻴﺖ ﻭﺭﺟﻌﺖ ﺻﻠﻴﺖ ﺑﺪﻭﻥ ﺧﻮﻑ ﻭﺑﻜﻞ ﺛﻘﻪ ﺻﺤﻴﺢ ﺍﻧﻲ ﺑﻴﺖ ﻏﺮﺑﻪ ﻭﺍﺣﻨﺎ ﻛﻠﻤﻦ ﻣﻦ ﻣﻠﻪ ﺑﺲ ﻛﻠﻨﻪ ﻋﺮﺍﻗﻴﻦ ﻭﺭﺑﻨﺎ ﻭﺍﺣﺪ
ﻭﺍﻟﻨﺎﺱ ﺧﻴﺮﺍ ﻭﻟﺪ ﺍﺟﺎﻭﻳﺪ ﻣﺎﺣﺴﺴﻮﻧﻲ ﺣﺘﻰ ﺑﻄﺎﺋﻔﺘﻲ ﻫﺎﻱ ﺍﺣﻨﺎ ﺍﻟﻌﺮﺍﻗﻴﻦ ﻣﻦ ﻳﻀﻴﻢ ﻭﺍﺣﺪﻧﻪ ﺍﻟﻀﻴﻢ ﺍﻟﺜﺎﻧﻲ ﻳﺴﺎﻋﺪﻩ ﺑﺪﻭﻥ ﻣﺎ ﻳﻌﺮﻑ ﻫﻮﻩ ﻣﻨﻴﻦ
ﻛﻤﻠﺖ ﻭﺍﺟﺘﻲ ﺻﻴﻨﻴﻪ ﺍﻟﺮﻳﻮﻙ ﺗﺮﻳﻜﺖ ﻭﻳﺎﻫﻢ ﻭﺗﺸﻜﺮﺗﻜﻢ
ﺍﻧﺎ ﻣﺎﻋﺮﻑ ﺷﻠﻮﻥ ﺍﺟﺎﺯﻳﻜﻢ ﻣﻤﻨﻮﻥ ﻣﻨﻜﻢ ﻭﻣﻦ ﻭﻛﻔﺘﻜﻢ ﻫﺎﻱ ﻭﺍﻥ ﺷﺎﻟﻠﻪ ﺍﻟﻠﻪ ﻻﻳﻀﻴﻌﻠﻜﻢ ﺗﻌﺐ ﻳﺠﻮﺯ ﻫﺴﻪ ﺑﺎﻟﻜﻢ ﺗﻔﻜﺮﻭﻥ ﺍﻧﺎ ﺷﻠﻮﻥ ﺗﺼﻮﺑﺖ ﺑﺲ ﺻﺪﻛﻮﻧﻲ ﺍﻧﺎ ﻧﻔﺴﻲ ﻣﺎﻋﺮﻑ
ﻭﺍﻟﻠﻪ ﻳﺎ ﺍﺑﻨﻲ ﺍﺣﻨﺎ ﺍﺩﻳﻨﻪ ﺍﻟﻮﺍﺟﺐ ﻭﻳﺎﻙ ﻣﺜﻞ ﻣﺎﻧﺪﻱ ﻭﻳﺎ ﻛﻞ ﻭﺍﺣﺪ ﻣﺤﺘﺎﺝ ﺍﺣﻨﺎ ﻣﺎﻧﻘﺼﺮ ﺑﻐﺾ ﺍﻟﻨﻈﺮ ﻋﻦ ﻃﺎﺋﻔﺘﻪ ﻭﻣﺬﺍﻫﺒﻪ ﻭﺩﻳﻨﺎﺗﻨﻪ ﺍﺣﻨﺎ ﻛﻠﻨﻪ ﻭﻟﺪ ﺑﻠﺪ ﻭﺍﺣﺪ
ﻭﺍﻟﻨﻌﻢ ﻣﻨﻜﻢ ﺭﺑﻲ ﻳﺤﻔﻀﻜﻢ ﻭﻳﻌﻤﺮ ﺑﻴﺘﻜﻢ ﺑﻮﺟﻮﺩﻛﻢ ﺍﻧﺎ ﺍﺗﺮﺧﺺ ﻭﺍﻃﻠﺐ ﺍﻟﺴﻤﻮﺣﻪ ﻣﻨﻜﻢ ﺍﺧﺎﻑ ﺩﻭﻫﻨﺘﻜﻢ ﻭﻳﺎﻱ
ﻧﺘﺸﺮﻑ ﺑﻴﻚ ﻭﻧﺨﻠﻴﻚ ﻋﻠﻰ ﺭﺍﺳﻨﻪ
ﺗﻘﺪﻣﺖ ﻭﺑﺴﺖ ﺭﺃﺳﻪ ﻭﻫﻮﻩ ﺟﻠﺐ ﺑﻴﻪ ﺍﺑﻘﻰ ﺑﺲ ﺍﻟﻴﻮﻡ ﻭﺍﻧﻲ ﺭﻓﻀﺖ ﻭﺑﺎﻟﻲ ﻣﺸﻐﻮﻝ ﻋﻠﻰ ﺻﻔﺎﺀ
ﺳﻠﻤﺖ ﻋﻠﻴﻬﻢ ﻭﻃﻠﻌﺖ ﻭﻳﺎﺀ ﻣﺤﻤﺪ ﺻﻌﺪﻧﻪ ﺑﻠﻜﺮﺍﺑﻪ ﻣﺎﻟﺘﻪ ﻭﺩﻻﻧﻲ ﻭﻳﻦ ﻟﻜﺎﻧﻲ ﻭﻣﻦ ﻭﺻﻠﻨﻲ ﻟﻠﺸﺎﺭﻉ ﺍﻟﻌﺎﻡ ﻧﻘﻬﺮﺕ ﻋﻠﻰ ﻧﻔﺴﻲ ﺷﻜﺪ ﺭﺍﻛﺾ ﺍﻟﺒﺎﺭﺣﻪ ﺣﺘﻰ ﺍﺷﺮﺩ ﺑﺮﻭﺣﻲ ﺷﻜﺪ ﺟﻨﺖ ﺃﺗﻤﻨﻰ ﺍﻟﻤﻮﺕ ﺑﺲ ﺍﻟﺴﺎﻟﻔﻪ ﻣﻦ ﺗﺼﻴﺮ ﺻﻜﺪ ﺷﻜﺪ ﺗﻄﻠﻊ ﺍﻟﺮﻭﺡ ﻋﺰﻳﺰﻩ
ﻣﺤﻤﺪ ﺭﺍﺡ ﻭﺍﻧﻲ ﺭﺍﻓﻌﻠﻪ ﺍﻳﺪﻱ ﻣﻦ ﻛﺪ ﻣﺎ ﻣﻤﻨﻮﻥ ﻣﻨﻪ ﻟﺤﺪ ﻣﺎﺑﺘﻌﺪ ﺍﻝ ﺻﺪﻳﺖ ﻋﻞ ﺷﺎﺭﻉ ﻭﻫﻨﺄ ﺣﺮﺕ ﻭﻳﻦ ﺍﺭﻭﺡ ﻭﺍﻭﻝ ﺷﻲ ﺳﻮﻳﺘﻪ ﻟﺰﻣﺖ ﻣﺤﺰﻡ ﺍﻟﺴﻼﺡ ﺫﺑﻴﺘﻪ ﺑﺤﺎﻭﻳﻪ ﻗﺮﻳﺒﻪ ﻭﺍﻟﻤﺴﺪﺱ ﺧﻠﻴﺘﻪ ﺑﺼﻔﺤﺘﻲ ﻭﻏﻄﻴﺘﻪ ﺑﻬﺪﻭﻣﻲ
ﺭﺩﻳﺖ ﻣﺪﻳﺖ ﺍﻳﺪﻱ ﺑﺠﻴﺒﻲ ﻃﻠﻌﺖ ﺗﻠﻴﻔﻮﻧﻲ ﺷﻐﻠﺘﻪ ﻭﺍﻭﻝ ﺍﺗﺼﺎﻝ ﻫﺎﺟﺮ ﻋﺒﺎﻟﻚ ﺟﺎﻧﺖ ﺩﺩﻙ ﻋﻠﻴﻪ
ﺍﺧﺬﺕ ﻧﻔﺲ ﻭﺟﺎﻭﺑﺘﻪ
ﺍﻟﻮﻭﻭ
ﺻﺮﺧﺖ ﺻﻮﺕ ﻭﻳﺎﻩ ﺷﻬﻜﻪ ﺑﺎﺍﺳﻤﻲ ﻓﻄﺮﺕ ﻛﻠﺒﻲ
ﺿﺮﺭﺭﺭﺭﺍﺭ ﻭﻳﻨﻚ
ﺑﻮﻳﻪ ﺷﺒﻴﺞ ﺷﻨﻲ ﻫﺬﺍ ﺍﻟﺒﺠﻲ ﺷﻤﺎﻟﺞ
ﺑﺮﺑﻚ ﺿﺮﺍﺭ ﺗﺤﺠﻲ ﺻﺪﻙ ﻳﻌﻨﻲ ﺭﺍﺡ ﺗﺨﺒﻠﻨﻲ ﺍﻧﺖ ﻣﺪﻛﻠﻲ ﻭﻳﻦ ﺩﺗﺮﻭﺡ ﻣﻦ ﺍﻭﻝ ﺑﺎﺭﺣﻪ ﺑﻠﻴﻞ ﻭﺍﻧﺖ ﻣﺎﻛﻮ ﺍﺗﺼﻞ ﻣﺘﺠﺎﻭﺏ ﻭﺑﻌﺪﻳﻦ ﺻﺎﺭ ﻣﻐﻠﻖ ﺗﺮﻩ ﻛﺴﻔﺖ ﺍﺣﻮﺍﻟﻲ
ﺣﻜﺞ ﻭﺍﻟﻠﻪ ﺣﻜﺞ ﻣﺎﻟﻮﻣﺞ ﺑﺲ ﺍﻧﺎ ﺑﻌﺪﻳﻦ ﺍﻓﻬﻤﺞ ﻋﻞ ﻛﻠﺸﻲ
ﺿﺮﺍﺭ ﻻﺑﻌﺪﻳﻦ ﻭﻻﺍﺑﺪ ﺍﻧﺖ ﺷﻨﻮﻭ ﺳﺎﻟﻔﺘﻚ ﻓﻬﻤﻨﻲ ﺗﺮﻩ ﻭﺍﻟﻠﻪ ﺍﺳﺪﻩ ﻭﺑﻌﺪ ﻣﺘﺸﻮﻑ ﺷﻜﻠﻲ ﻭﻻ ﺗﺴﻤﻊ ﺻﻮﺗﻲ
ﻭﻳﻨﻄﻴﺞ ﻛﻠﺒﺞ؟
ﻟﻌﺪ ﻳﻨﻄﻴﻚ ﻛﻠﺒﻚ ﺗﺴﻮﻱ ﺑﻲ ﻛﻞ ﻫﺬﺍ ﺑﻬﺎﻱ ﺍﻟﻴﻮﻣﻴﻦ ﺍﻧﻲ ﺍﻟﺒﺎﺭﺣﻪ ﻻﺭﺍﻳﺤﻪ ﻛﻠﻴﻪ ﻭﻻﻓﺎﺗﺤﻪ ﺍﻟﻤﺤﻞ ﻭﺍﻧﺖ ﻋﻨﺪﻙ ﻋﺎﺩﻱ
ﺧﺎﺏ ﻋﻠﻰ ﻛﻴﻔﺞ ﺍﺩﺭﻱ ﻟﺴﺎﻥ ﻟﻮ ﺑﻴﻜﻴﺴﻲ ﻣﺪﺭﻱ ﻛﻼﺷﻨﻜﻮﻑ ﻭﺍﻟﻠﻪ ﻣﻮ ﻋﺎﺩﻱ ﻣﺜﻞ ﻣﺎﺩﻛﻮﻟﻴﻦ ﺑﺲ ﺿﺮﻭﻑ ﺟﺮﺑﺘﻲ ﻭﻋﻴﻮﻧﺞ ﻫﺴﻪ ﺭﺍﺡ ﺍﺳﺪﻩ ﻭﺑﻌﺪﻳﻦ ﺍﺧﺎﺑﺮﺝ
ﻳﻌﻨﻲ ﻫﺎﻱ ﻓﻮﻛﺎﻩ
ﺑﻮﻳﻪ ﺍﻧﺎ ﺗﻌﺒﺎﻥ ﻭﻣﺘﻌﺮﻓﻴﻦ ﺍﻟﺒﻴﻪ ﻟﻮ ﺭﺟﻌﺖ ﺑﺨﻴﺮ ﻭﺳﻼﻣﻪ ﺍﻧﺎ ﺍﺧﺎﺑﺮﺝ
ﻻﻣﻴﺤﺘﺎﺝ ﻻﺗﺨﺎﺑﺮ ﻭﻻﺗﻌﺐ ﻧﻔﺴﻚ ﺍﻟﻀﺎﻫﺮ ﺍﻧﺎ ﻣﺰﻭﺩﺗﻪ ﻭﺍﻧﺖ ﻣﻤﻬﺘﻢ
ﻫﺎﺍﺍﺍﺍﺍﺟﺮ ﻳﺰﻱ ﻋﺎﺩ ﺑﺴﺞ
ﺍﻱ ﻫﺎﻫﻴﻪ ﻳﻠﻪ ﺑﺎﻱ
ﺳﺘﻐﻔﺮﺍﻟﻠﻪ ﻳﺎﺭﺑﻲ ﺍﻟﺼﺒﺮ ﺍﻧﺎ ﺷﻠﻮﻥ ﺑﻴﺞ
ﺷﻤﺴﻮﻳﻪ ﻣﻮﻛﺘﻠﻲ ﺑﻌﺪﻳﻦ ﺍﺧﺎﺑﺮﺝ ﺧﻠﺺ ﺭﺍﺡ ﺍﺳﺪﻩ
ﻻ ﺗﺰﻋﻠﻴﻦ ﻭﻗﺪﺭﻱ ﺿﺮﻭﻓﻲ
ﺍﻭﻙ ﺧﻠﺺ
ﻫﺎﺟﺮ
ﻣﻮﻳﺎﺝ
ﺷﻜﻮﻭ
ﻫﺎﻫﻴﻪ ﺭﻭﺣﻲ ﻣﺎﻛﻮ ﺷﻲ
ﻃﺒﻜﺘﻪ ﺍﻧﻲ ﻻﻥ ﻫﺎﺟﺮ ﻣﺪﺗﻔﻬﻢ ﻋﻠﻴﻪ ﻭﻛﻞ ﺿﻨﻬﻪ ﺍﻧﺎ ﻻﻫﻲ ﻋﻨﻪ ﺗﺮﻛﺘﻪ ﻭﻛﻠﺖ ﺑﻌﺪﻳﻦ ﺍﻓﻬﻤﻬﻪ
ﺭﺟﻌﺖ ﺩﻛﻴﺖ ﻋﻠﻰ ﺻﻔﺎﺀ ﺟﺎﻭﺑﻨﻲ ﺑﻠﻬﻔﻪ
ﺿﺮﺍﺭ ﺧﻮﻣﺎ ﺑﻴﻚ ﺷﻲ ﺍﻧﺖ ﻭﻳﻦ
ﻫﻼ ﺻﻔﺎﺀ ﻻﻣﺎﺑﻴﻪ ﺷﻲ ﺷﻠﻮﻧﻚ
ﺷﻠﻮﻧﻲ ﺿﺮﺍﺭ ﺷﻠﻮﻧﻲ ﻭﺍﻟﻘﺮﺁﻥ ﻋﺒﺎﻟﻲ ﺍﺧﺬﻭﻙ ﺍﻟﺴﻔﻠﻪ ﻟﻮ ﻫﺬﺍ ﺍﻟﺰﻋﻴﻢ ﺍﻟﻨﻜﺲ ﺩﻙ ﻭﻳﺎﻙ ﺍﻟﻨﺎﻗﺼﻪ
ﻻ ﺍﻧﺎ ﺍﻟﻲ ﻋﻔﺘﻜﻢ ﻣﻦ ﺷﻔﺘﻪ ﻋﻠﻜﺖ
ﻫﻤﺰﻳﻦ ﺍﻟﻠﻪ ﻳﺤﺒﻚ ﻻﻥ ﻣﺘﻌﺮﻑ ﺷﺼﺎﺭ ﻭﺭﺍﻙ
ﺷﺼﺎﺭ ﻛﻠﻲ
ﻣﻮ ﻣﺎﻝ ﺗﻠﻴﻔﻮﻥ ﺍﺷﻮﻓﻚ ﻭﻧﺘﻔﺎﻫﻢ ﻭﺍﻻﻓﻀﻞ ﺗﺠﻲ ﻻﻥ ﺍﺑﻮ ﻣﺎﺟﺪ ﻳﺪﺭﻱ ﺑﻴﻚ ﺷﺮﺩﺕ ﻭﺍﻟﻴﻮﻡ ﻭﻛﻞ ﺷﻮﻳﻪ ﻳﻬﺪﺩﻧﻲ ﺑﺎﻫﻠﻚ
ﻭﺍﻟﻠﻪ ﺻﻔﺎﺀ ﺭﺩﺕ ﺍﺳﻮﺳﻬﻪ ﺑﺲ ﺗﺬﻛﺮﺕ ﺍﻫﻠﻲ ﺑﺎﺍﺧﺮ ﻟﺤﻀﻪ
ﺑﺲ ﻫﻤﺰﻳﻦ ﺷﺮﺩﺕ ﺻﺎﺭﺕ ﻛﺒﺴﻪ ﻋﻠﻴﻨﺎ ﺍﺣﻨﺎ ﻭﺩﻧﺤﻤﻞ ﻭﻛﺸﻮﻭ ﺍﻟﻜﻞ ﺑﺲ ﺍﻧﺎ ﻭﺟﻢ ﻭﺍﺣﺪ ﻭﺃﺑﻮ ﻣﺎﺟﺪ ﻧﻔﺬﺗﻪ ﺑﻌﺠﻮﺑﻪ
ﺣﺮﺍﻣﺎﺕ ﻟﻮ ﻛﺎﺷﻲ ﻫﺬﺍ ﺍﻟﻨﺎﻗﺺ
ﺍﻱ ﺑﺲ ﻫﻮﻩ ﻣﻀﺒﻂ ﻛﻞ ﺍﻣﻮﻩ ﺑﺤﻴﺚ ﺍﻭﻝ ﻣﺼﺎﺭ ﺍﻟﺮﻣﻲ ﺍﺟﺘﻲ ﺳﻴﺎﺭﻩ ﻭﺍﺧﺬﺗﻨﻪ
ﺍﻟﻤﻬﻢ ﻫﺴﻪ ﺍﻛﻠﻚ ﺍﻧﺎ ﺗﺼﻮﺑﺖ
ﺷﻨﻮﻭﻭﻭﻭﻭ ﺗﺤﺠﻲ ﺻﻜﺪ ﻭﻳﻦ ﻭﺧﻮﻣﺎ ﺗﺎﺫﻳﺖ
ﺍﻱ ﻭﻟﻠﻪ ﺑﺲ ﻻﺗﺨﺎﻑ ﺑﺠﺘﻔﻲ ﻭﻋﺪﺕ ﺳﻼﻣﺎﺕ
ﺷﻠﻮﻥ ﻭﻣﻨﻮ ﺻﻮﺑﻚ ﺿﺮﺍﺭ ﺗﺮﻩ ﻧﺨﺮﻃﺖ ﻣﻦ ﺍﻟﺨﻮﻑ ﻋﻠﻴﻚ
ﻣﺎﺩﺭﻱ ﻟﻮ ﺗﺎﻳﻬﻪ ﻟﻮ ﻭﺍﺣﺪ ﻣﻦ ﺟﻼﺏ ﺍﺑﻮ ﻣﺎﺟﺪ ﻣﻦ ﺷﺎﻓﻮﻧﻲ ﺍﺭﻛﺾ
ﻻ ﻻ ﻣﻮﺍﻟﺰﻋﻴﻢ ﺟﺎﻥ ﻛﺎﻝ ﺍﻧﺖ ﻣﺘﺪﺭﻱ ﺷﻠﻮﻥ ﻛﺎﻟﺐ ﺍﻟﺪﻧﻴﻪ ﻋﻠﻴﻚ
ﻋﻮﻓﻪ ﻭﻛﻠﺸﻲ ﻻﺩﻛﻠﻪ ﺍﻧﺎ ﺭﺍﻳﺢ ﻟﺪﻳﺮﺗﻨﻪ ﺍﺭﺗﺎﺡ ﻭﺑﻌﺪﻳﻦ ﻳﺼﻴﺮ ﺧﻴﺮ
ﻭﺍﺫﺍ ﻳﺴﺌﻠﻨﻲ
ﻛﻠﻪ ﻛﻠﺸﻲ ﻣﺎﺩﺭﻱ
ﺟﺎﺀ ﺧﻮﺵ ﺍﻟﻠﻪ ﻭﻳﺎﻙ
ﻏﻠﻘﺖ ﺍﻟﻤﻮﺑﺎﻳﻞ ﻭﺍﺧﺬﺕ ﺳﻴﺎﺭﻩ ﻟﺒﻴﺘﻨﻪ ﻭﺻﻠﺖ ﺍﻟﻀﻬﺮ ﻭﺍﻧﺎ ﺣﺎﻳﺮ ﺷﺮﺍﺡ ﺍﻛﻮﻝ ﺍﻻﺍﻣﻲ ﺍﺫﺍ ﺷﺎﻓﺘﻨﻲ ﻫﻴﺞ ﻭﺍﻟﻠﻪ ﻟﺘﺘﺨﺒﻞ ﺗﻮﻛﻠﺖ ﻋﻠﻰ ﺍﻟﻠﻪ ﻭﺩﺧﻠﺖ ﻟﻠﺒﻴﺖ ﺍﻭﻝ ﻭﺣﺪﻩ ﺷﺎﻓﺘﻨﻲ ﻭﺭﺩﻩ ﺷﻬﻜﺖ ﻭﻟﻄﻤﺖ ﻋﻠﻰ ﺻﺪﺭﻩ ﻭﺻﺎﺣﺖ
ﻳﻤﻤﻤﻤﻪ ﺍﺧﻮﻱ ﺷﺒﻴﻚ ﻳﺎﻧﻀﺮ ﻋﻴﻨﻲ
ﻣﺎﺑﻴﻪ ﺷﻲ ﻻ ﺗﺨﺎﻓﻴﻦ ﻣﺘﻌﻮﺭ
ﻭﻭﻭﻭﻟﺞ ﻳﻤﻪ ﺗﻌﺎﻱ ﻟﻴﻪ ﻭﺷﻮﻓﻲ ﻭﻟﻴﺪﺝ ﺿﺮﺍﺭ ﻳﺎﻣﺘﻌﻮﺭ ﺟﺎﺀ ﺷﻮ ﻣﻠﻔﻠﻒ ﺗﻠﻔﻠﻒ
ﺣﻀﻨﺘﻪ ﻭﻫﺪﻳﺘﻪ ﻭﺍﺟﺘﻲ ﺭﻏﺪ ﻭﺿﺤﻰ ﻃﻠﻌﺖ ﻳﻤﻨﻪ ﻳﻌﻨﻲ ﻛﻤﻠﺖ ﺍﻟﺴﺒﺤﺔ ﻛﺎﺑﻠﻨﻲ ﻭﺩﻙ ﺑﺠﻲ ﺍﻧﻮﺏ ﺍﺟﺘﻲ ﺍﻣﻲ ﻣﻦ ﺑﺮﻩ ﺑﺪﻭﻥ ﺗﻔﺎﻫﻢ ﺻﺎﺣﺖ
ﻳﺒﻮﻭﻭﻭﻭﻭﻭﻭﻭﻭﻭ ﻧﻬﺠﻢ ﺑﻴﺘﺞ ﺭﺟﻮﻩ ﻳﺒﻮ ﻳﺒﻮ ﻳﺒﻮ
ﺻﻮﺗﻪ ﻭﺻﻞ ﻟﻴﻮﻥ ﺻﺤﺖ ﺑﻴﻬﻪ
ﻳﻤﻪ ﺭﺣﻤﻪ ﻟﻠﻜﻌﺒﻪ ﺍﺩﺭﻱ ﺟﺎﺑﻮﻧﻲ ﺑﺘﺎﺑﻮﺕ ﻣﺪﻛﻠﻴﻠﻲ ﺷﺒﻴﺞ ﻭ ﺷﻨﻮ ﻫﻞ ﻟﻄﻢ
ﺟﺎﺀ ﺑﺲ ﻫﺎﻱ ﺍﻟﻌﺎﻳﺰﻩ ﻭﺿﻠﺖ ﺍﻟﻴﻮﻡ ﻣﻠﻔﻠﻒ ﻭﺑﺎﺟﺮ ﻣﻴﺖ ﻳﺒﻮﻭﻭﻭﻭ ﻳﺎﻛﺎﻉ ﻧﺸﻜﺪ ﻭﺑﻠﻌﻴﻨﻲ ﺭﺍﺡ ﻳﺮﻭﺡ ﺍﻟﻮﻟﺪ ﻣﻦ ﺍﻳﺪﻱ
ﺑﺲ ﺗﻌﺎﻱ ﺧﻞ ﺍﺑﻮﺳﺞ ﺍﺳﻠﻢ ﻋﻠﻴﺞ ﺑﻼﻭﻝ ﻋﻮﻓﻲ ﺍﻟﻨﻮﺡ ﻭﺍﻟﺒﺠﻲ ... ﺣﻀﻨﺘﻪ ﻭﻫﻴﻪ ﻣﺎﻧﺘﻄﻲ ﻣﺠﺎﻝ ﺧﻤﺨﻤﺘﻨﻲ ﺗﺨﻤﺨﻢ ﻭﻟﻤﺖ ﻋﻠﻴﻪ ﺍﻟﻌﺎﻟﻢ ﺣﻮﻳﺘﻢ ﺍﺟﺎﻩ ﻋﻠﻰ ﺻﺎﻳﺤﻪ ﻭﺟﻠﻴﻠﻪ ﻭﺟﺪﺗﻲ ﻋﻞ ﻋﻮﺟﻴﻪ
ﺣﻮﻳﺘﻢ .. ﻫﺎﺍﺍ ﻳﻠﺼﺎﻳﻊ ﺍﻧﻮﺏ ﺟﺎﻱ ﻣﻠﻔﻠﻒ ﻳﺎ ﻣﺴﻜﻴﻦ ﻓﻴﻨﺖ ﺑﺮﺍﺳﻪ
ﺭﺣﻤﻪ ﻭﺍﻟﺪﻳﻚ ﻫﺎﻱ ﻫﻴﺞ ﻣﻦ ﺗﺸﻮﻑ ﺍﺑﻨﻚ ﺑﻲ ﺷﻲ ﺑﺪﺍﻝ ﻣﺎﺩﻛﻮﻝ ﺍﻟﺤﻤﺪﺍﻟﻠﻪ ﻋﻞ ﺳﻼﻣﻪ
ﺧﺎﺏ ﻳﺎﺳﻼﻣﻪ ﺍﻧﺖ ﺍﻟﺸﺮ ﺑﻌﻴﻨﻪ ﺟﺎﺀ ﺑﺲ ﻫﻴﺞ ﺻﺎﺭ ﺑﻴﻚ ﻟﻮﻣﻴﺖ ﻓﺪﻧﻮﺏ ﻣﻮ ﺍﺣﺴﻦ
ﺍﻡ ﺿﺮﺍﺭ ...... ﻋﻮﺫﻩ ﻣﻨﻚ ﻭﻣﻦ ﺷﺮﻙ ﺑﻴﻤﻦ ﻃﺎﻟﺐ ﻭﻟﻴﺪﻱ ﺍﻥ ﺷﺎﻟﻠﻪ ﻋﺪﻭﻳﻨﻪ ﺍﻧﺖ ﻣﺎﺗﺠﻮﺯ ﻣﻦ ﻫﺎﻱ ﺳﻮﺍﻟﻔﻚ
ﺍﻡ ﺣﺎﺗﻢ .... ﺭﺟﻮﻩ ﺍﻟﻨﺴﺮﻩ ﺍﻛﻮ ﻣﺮﻩ ﺷﺮﻳﻔﻪ ﺗﺮﻳﺪ ﻫﻴﺞ ﺭﺩ ﻋﻠﻰ ﺯﻟﻤﺘﻪ ﺍﻧﺘﻲ ﺻﻜﺪ ﻣﺎﺗﺴﺘﺤﻴﻦ
ﺍﻧﺎ ﺍﻟﻤﺘﺴﺘﺤﻲ ﻟﻮﺍﺑﻨﺞ ﺑﻴﻤﻦ ﻃﺎﻟﺐ ﺍﺑﻨﻲ ﺑﻠﻤﻮﺕ ﻣﺎﺩﻛﻴﻠﻲ
ﺟﺎﺀ ﻣﻦ ﺳﻮﺍﻟﻔﻪ ﺍﻟﻌﻮﺟﻪ ﻭﻳﻦ ﻣﺎﻳﻠﻔﻲ ﻳﺴﻮﻱ ﻓﺎﻳﻨﻪ ﺧﻠﺼﺖ ﻣﻨﻪ ﺍﻟﺪﻳﺮﻩ ﻭﺑﻐﺪﺍﺩ ﺑﺘﻠﺖ
ﺿﺮﺍﺭ .. ﻛﺎﻓﻲ ﻳﻤﻌﻮﺩﻳﻦ ﻫﺴﻪ ﻟﻮﻣﻴﺖ ﻭﻻﺟﺎﻱ ﻟﻬﻨﺎ ﺍﺩﺭﻱ ﺷﺠﺎﻛﻢ ﻣﺼﺪﻛﺘﻮ ﻣﻦ ﺍﻟﻠﻪ
ﺍﺳﻢ ﺍﻟﻠﻪ ﻋﻠﻴﻚ ﻳﻤﻪ ﺗﻌﺎﻝ ﺗﻌﺎﻝ ﺍﻣﺸﻨﻪ ﺟﻮﻩ ﻭﺍﻟﻴﺘﻤﻨﺎﻟﻚ ﺍﻟﺸﺮ ﺍﻥ ﺷﺎﻟﻠﻪ ﻫﻮﻩ ﻳﻮﻛﻊ ﺑﻲ
ﺣﻮﻳﺘﻢ ... ﺭﺟﻮﻩ ﻛﻀﻲ ﻟﺴﺎﻧﺞ ﺭﺍﺡ ﺍﺟﻲ ﺍﺩﻓﻨﺞ ﻭﺍﻧﻌﻞ ﺍﺑﻮ ﺍﻟﻴﻄﻠﻌﻠﺞ
ﺍﻧﻲ ﺭﻭﺣﻲ ﻃﺎﻓﺮﻩ ﻭﻫﻮﻩ ﺭﺟﻊ ﻋﻞ ﻣﻲ ﺑﻌﺪ ﻣﺘﺤﻤﻠﺖ ﻭﺻﺤﺖ ﺑﻲ
ﺣﻮﻭﻭﻭﻭﻭﻳﺘﻢ ﻓﺎﺭﺝ ﻻﻭﺭﺏ ﺍﻟﻜﻌﺒﻪ ﺍﺫﺏ ﺣﺮﻛﺖ ﻛﻠﺒﻲ ﻛﻠﻪ ﺑﻴﻚ ﺷﻨﻮﻭ ﻣﺎﺻﺪﻛﺖ ﺟﻨﻚ ﺟﻨﺖ ﻭﺍﻛﻒ ﻭﺭﺍﻩ ﺍﻟﺒﺎﺏ ﻭﻣﻨﺎﻃﺮ ﻋﻠﻰ ﺿﺮﺍﺭ ﺍﻟﺰﻟﻪ
ﺍﻣﺸﻲ ﻳﻠﻌﺎﺭ ﺍﻟﻠﻪ ﻳﻜﺺ ﻟﺴﺎﻧﻚ ﺣﻮﻳﺘﻢ ﺷﻨﻮﻭ ﺃﺻﻐﺮ ﺟﻬﺎﻟﻚ ﺍﻧﺎ ﻭﺍﻟﻠﻪ ﻟﻮﻳﻬﺪﻧﻚ ﺫﻧﻲ ﺍﻟﺠﻠﺒﺎﺕ ﺍﻝ ﺍﺧﻠﻲ ﺍﻣﻴﺮ ﻳﻤﺪﻙ ﻫﻨﺎ ﻭﻳﺒﺮﺩ ﻛﻠﺒﻲ ﻭﻳﻌﺮﻓﻚ ﺷﻠﻮﻥ ﺗﺤﺠﻲ
ﺍﺍﺍﺍﺍﺍﻧﺘﻦ ﻣﺎﺗﻮﺧﺮﻥ ﻟﻴﺶ ﻻﺯﻣﻠﺘﻨﻲ ﻫﺪﻧﻲ ﻋﻠﻴﻪ ﺧﻞ ﺍﺷﻮﻓﻪ ﺣﻤﻴﺮ ﺍﻟﻤﺨﻨﺚ ﺍﺫﺍ ﺻﺎﺭ ﺟﻮﺍﻳﻪ ﺷﻴﺼﻴﺮ ﺑﺤﺎﻟﻪ
ﺍﻣﺸﻲ ﺍﻣﻲ ﻓﻮﺕ ﺟﻮﻩ ﻋﻮﻓﻪ ﻫﻮﻩ ﻳﺮﻃﻦ ﻭﻳﺴﻜﺖ
ﻣﺸﻨﻲ ﻟﻠﻐﺮﻓﻪ ﻭﺍﻣﻲ ﺭﺟﻌﺖ ﺗﻼﻏﺖ ﻭﻳﺎﻩ ﻭﻃﻠﻌﺘﻪ ﺑﻌﺪ ﻣﺎﻧﺰﻝ ﺍﻫﻠﻪ ﻛﻠﻬﻢ ﻣﻴﺠﻮﺯ ﻣﻦ ﻃﺒﻌﻪ ﻟﻮﺗﻨﻄﺒﻚ ﺍﻟﺴﻤﻪ ﻋﻞ ﻛﺎﻉ
ﻛﻌﺪﺕ ﻭﺍﻟﺒﻨﺎﺕ ﺩﺍﻳﺮ ﻣﺪﺍﻳﺮﻱ ﻭﺍﻣﻲ ﺳﺘﻠﻤﻨﻲ ﺗﺤﻘﻴﻖ
ﺿﺮﺍﺭ ﻭﺣﻖ ﺍﻟﻠﻪ ﻭﺭﺳﻮﻟﻪ ﺍﻥ ﻣﺎﺣﺠﺘﻠﻲ ﺍﻟﺼﺪﻙ ﻟﻜﻮﻥ ﻫﺎﺟﻪ ﻭﺑﻌﺪ ﻣﺎ ﺗﺸﻮﻑ ﻭﺟﻬﻲ
ﻳﻤﻪ ﻣﻦ ﻭﻋﻴﺖ ﻋﻞ ﺩﻳﻨﻪ ﻟﻬﺬﺍ ﻳﻮﻣﺞ ﻛﻞ ﻣﺎﺣﺠﻴﺘﻴﻨﻲ ﻭﺭﺗﻲ ﺗﺎﺧﺬﻳﻦ ﻣﻨﻲ ﺭﺃﺱ ﺳﺎﻟﻔﻪ ﺗﻬﺪﺩﻳﻨﻲ ﺗﻬﺠﻴﻦ ﺑﺪﺍﻋﺘﻲ ﻋﻠﻴﺞ ﻣﺪﻛﻠﻴﻠﻲ ﻭﻳﻦ ﺗﺮﺣﻴﻦ ﺍﻗﻠﻪ ﺍﻧﺪﻝ ﻣﺠﺎﻧﺞ
ﻻ ﺗﻀﺤﻚ ﻋﻠﻴﻪ ﺗﺮﻳﺪ ﺗﻨﺴﻴﻨﻲ ﺗﺮﻩ ﻟﻤﺨﺒﻞ ﻣﺎﻳﺘﻴﻪ ﺳﺎﻟﻔﻪ
ﻫﻬﻬﻬﻪ ﺣﺸﺎﺝ ﻳﻠﻐﺎﻟﻴﻪ ﺣﺸﺎﺝ ﺍﻧﺘﻲ ﺍﻟﻌﻘﻞ ﻛﻠﻪ ﺑﺲ ﺍﺩﺭﻱ ﻫﺴﻪ ﻟﻮ ﺍﺣﻠﻔﺞ ﺍﻟﻒ ﻳﻤﻴﻦ ﻫﺬﺍ ﻧﻔﺠﺎﺭ ﺑﻌﻴﺪ ﻳﻢ ﺍﻟﺸﻐﻞ ﻭﻻﺣﺘﻨﻲ ﺷﻀﻴﻪ ﻣﺮﺍﺡ ﺗﺼﺪﻛﻴﻦ ﻟﻮ ﺃﺳﻄﺮ ﻛﻞ ﺍﻻﺍﻣﻪ ﻛﺪﺍﻣﺞ ﺍﻣﻲ ﻭﺍﻋﺮﻓﺞ
ﺟﺎﺀ ﺍﺣﺠﻲ ﺍﻟﺼﺪﻙ
ﻟﻌﺪ ﺍﻧﻲ ﻣﺤﺠﻴﺖ
ﻣﺎﺻﺪﻛﻚ
ﻭﺷﻠﻮﻥ ﺍﺛﺒﺘﻠﺞ
ﺍﻧﺎ ﺭﺍﺡ ﺍﺛﺒﺖ ﺍﻟﺮﻭﺣﻲ ﻛﻮﻣﻲ ﺭﻏﺪﻩ ﻧﺎﻭﺷﻴﻨﻲ ﻋﺒﺎﺗﻲ ﺭﺍﻳﺤﻪ ﺍﻧﺸﺪ ﺻﻔﺎﺀ ﻭﺭﺍﺩ
ﻭﺍﻟﻠﻪ ﺻﻔﺎﺀ ﻣﻤﻮﺟﻮﺩ ﻣﺎﻧﺰﻝ ﻭﻳﺎﻱ
ﺟﺎﺀ ﺑﻌﺪ ﻣﺎﺗﺮﻭﺡ ﻟﺒﻐﺪﺍﺩ ﺑﻠﻪ ﻟﻮﻣﻴﺖ ﺟﺎﻥ ﺍﻧﺎ ﺷﺤﺼﻠﺖ
ﻳﻤﻪ ﻻﺗﻜﺒﺮﻳﻪ ﺗﻌﺎﻱ ﺑﺤﻀﻨﻲ ﺍﻧﺎ ﻣﺸﺘﺎﻛﻠﺞ
ﺳﺤﺒﺘﻪ ﻟﺤﻀﻨﻲ ﺍﺑﻮﺱ ﺑﺮﺍﺳﻪ ﻭﻫﻴﻪ ﻛﻠﺒﺘﻪ ﻣﻨﺎﺣﻪ ﺩﻣﻮﻋﻪ ﻋﺸﺮﻩ ﻋﺸﺮﻩ ﻭﺗﺠﻴﺐ ﻭﺗﺤﻠﻒ ﺑﻴﻪ ﻭﻣﻴﺖ ﻣﺮﻩ ﺷﺮﺣﺘﻠﻪ ﺑﺎﻧﻔﺠﺎﺭ ﻋﻮﺩ ﺗﺼﻮﺑﺖ ﻭﺍﻟﻠﻴﻞ ﻫﻴﻪ ﻻﺑﺪﻩ ﺑﺼﻔﻲ ﻭﺗﺤﻘﻖ ﻭﻳﺎﻱ ﻋﻤﺎﻣﻲ ﻭﻭﻋﺎﻭﺍﻳﻠﻬﻢ ﻛﻠﻬﻢ ﺍﺟﻮﻱ ﺷﺎﻓﻮﻧﻲ ﻣﺮﻩ ﻳﻜﻮﻥ ﺑﺎﻟﻲ ﻳﻤﻬﻢ ﻭﻣﺮﻩ ﺃﻓﻜﺮ ﺑﺎﺍﺑﻮﻣﺎﺟﺪ ﺷﺮﺍﺡ ﺑﺴﻮﻱ ﻭﺭﻩ ﺍﻟﺼﺎﺭ ﻭﺷﻠﻮﻥ ﺑﻴﻪ ﻟﻮﻛﺖ ﻣﺘﺎﺧﺮ ﺑﻘﻰ ﺍﻣﻴﻦ ﻳﻤﻲ ﺩﺍﻭﺍﻧﻲ ﻭﻏﻴﺮ ﺍﻟﻀﻤﺎﺩ ﻭﺭﺍﺡ
ﻫﺎﺟﺮ ﺷﻜﺪ ﺩﻛﻴﺖ ﻋﻠﻴﻬﻪ ﻣﺠﺎﻭﺑﺖ ﻋﺮﻓﺘﻪ ﺯﻋﻼﻧﻪ ﻭﻫﺎﻱ ﺳﺎﻟﻔﻪ ﻭﺑﺤﺚ ﺁﺧﺮ ﺗﻌﺎﻝ ﺍﺗﻌﺬﺭ ﻭﺑﺮﺭ ﻭﺭﺍﺿﻲ ﻭﺩﻟﻞ ﻭﺍﻧﻲ ﻛﻞ ﻫﺬﺍ ﺍﻟﻀﻴﻢ ﻋﻞ ﺭﺍﺳﻲ
ﻟﻠﺼﺒﺢ ﺍﻳﺴﺖ ﻭﻛﻠﺒﻪ ﻣﺎﺣﻦ ﻋﻠﻴﻪ ﻭﻻﻓﺘﺤﺖ ﺧﻂ ﻋﺎﺩ ﻏﻔﻴﺖ ﺷﻮﻳﻪ ﻭﻛﻌﺪﺕ ﻋﻠﻰ ﻟﻤﺴﻪ ﺍﻳﺪ ﻋﻠﻰ ﺟﺘﻔﻲ ﻭﺍﻧﻲ ﻧﺎﻳﻢ ﺑﺲ ﺑﻠﺒﺠﺎﻣﻪ ﺭﻓﻌﺖ ﺭﺍﺳﻲ ﺷﻴﻤﺎﺀ
ﺻﻌﺪﺕ ﺍﻟﻐﻄﻪ ﻋﻠﻰ ﺻﺪﺭﻱ ﻭﻫﻴﻪ ﻋﺪﻟﺖ ﻛﻌﺪﺗﻪ ﻭﻛﺎﻟﺖ
ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﺘﻚ ﺍﺑﻦ ﻋﻤﻲ ﺑﻴﻪ ﻭﻻﺑﺒﻚ
ﺍﻟﻠﻪ ﻳﺴﻠﻤﺞ ﻣﺸﻜﻮﺭﻩ
ﻫﺴﻪ ﻏﻴﺮ ﺩﻛﻮﻡ ﺿﻠﺖ ﺻﺎﻓﻨﻪ ﺑﻮﺟﻬﻲ ﻭﻣﺪﺍﻡ ﻫﻴﻪ ﻣﺮﻩ ﻭﻣﺎﺗﺴﺘﺤﻲ ﺍﻧﺎ ﺯﻟﻤﻪ ﺑﻌﺪ ﻋﻠﻴﻤﻦ ﺍﺳﺘﺤﻲ ﻧﻔﻀﺖ ﺍﻟﻐﻄﻪ ﻭﻫﻤﻴﺖ ﻭﻛﻤﺖ ﻭﻋﻔﺘﻪ ﺗﺒﺎﻭﻉ ﻭﺭﺍﻳﻪ
ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﻃﻠﻌﺖ ﻟﻠﻤﻄﺒﺦ ﺟﺎﻧﺖ ﻭﺭﺩﻩ ﻭﺍﻛﻔﻪ ﻋﻞ ﻃﺒﺎﺥ ﻛﺘﻠﻪ ﺗﺴﻮﻳﻠﻲ ﺭﻳﻮﻙ ﺗﻮﻧﻲ ﺩﺍﻛﻌﺪ ﻭﺭﺩﻳﺖ ﻛﻤﺖ ﺣﺘﻰ ﺍﺟﻴﺐ ﺍﻟﺠﻜﺎﻳﺮ ﻣﺘﻌﻠﻢ ﺍﺩﺧﻦ ﻗﺒﻞ ﺍﻟﺮﻳﻮﻙ
ﻓﺘﺖ ﻟﻐﺮﻓﺘﻲ ﻭﺍﺷﻮﻑ ﺗﻠﻴﻔﻮﻧﻲ ﺑﻴﺪ ﺷﻴﻤﺎﺀ ﺧﺎﻟﺘﻪ ﻋﻠﻰ ﺍﺫﺍﻧﻪ ﻭﺗﺰﻣﺦ
ﺍﻧﺘﻲ ﻣﻨﻮﻭﻭﻭ ﻭﺷﻨﻮ ﺩﻛﻴﻦ ﻋﻠﻰ ﺧﻄﻴﺒﻲ .
.
.
.
.
.
.
.
ﻭﺩﺍﻋﺖ ﺣﺒﻲ ﺍﻟﻚ ﻋﻔﺘﻚ 😏😏😏
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤